အမျိုးသားဒီမိုကရေစီအဖွဲ့ချုပ် NLD ပါတီရဲ့ ဖွဲ့စည်းပုံအခြေခံ ဥပဒေ ပြင်ဆင်ရေး ကော်မတီက ယနေ့ နေ့စွဲနဲ့ ကြေညာချက် တစောင် ထုတ်ပြန်လိုက်ပါတယ်။
စက်တင်ဘာလ ၇ ရက်နေ့က နိုင်ငံရေးပါတီများနှင့် ဖွဲ့စည်းပုံ ပြင်ဆင်ရေး ဆွေးနွေးနေစဉ်၊ ဓာတ်ပုံ- NLD
ကြေညာချက်မှာ အချက် ၉ ချက်ပါဝင်ပါတယ်။ အခုလို ကြေညာချက်မထွက်ခင်က NLD နဲ့ အခြား နိုင်ငံရေး ပါတီတွေက ဖွဲ့စည်းပုံ အခြေခံ ဥပဒေ ပြင်ဆင်ရေး ဆွေးနွေးမှုတွေ လုပ်နေခဲ့ကြတာပါ။
NLD ပါတီ ဥက္ကဋ္ဌ ဒေါ်အောင်ဆန်းစုကြည်နဲ့ တိုင်းရင်းသား ခေါင်းဆောင်တွေဟာ ဖွဲ့စည်းပုံအခြေခံ ဥပဒေ ပြင်ဆင်ရေးနဲ့ပတ်သက်ပြီး စက်တင်ဘာလ ၇ ရက်နေ့က စတင်ပြီး အပတ်စဉ်
ဆွေးနွေးမှုတွေလုပ်ကြပါတယ်။
အဲဒီဆွေးနွေးပွဲတွေမှာ တက်ရောက်ကြတဲ့ နိုင်ငံရေး ပါတီတွေကတော့
ကမန်အမျိုးသား တိုးတက်ရေး ပါတီ၊
ကမန်အမျိုးသား ဒီမိုကရေစီအဖွဲ့ချုပ်၊
ကယန်းအမျိုးသားပါတီ၊
ချင်းတိုးတက်ရေးပါတီ၊
ဇိုမီးဒီမိုကရေစီ အဖွဲ့ချုပ်၊
ပလောင်အမျိုးသားပါတီ၊
တိုင်းလိုင်(ရှမ်းနီ)အမျိုးသားဖွံ့ဖြိုးတိုးတက်ရေးပါတီ၊
ပအိုးဝ် အမျိုးသား အဖွဲ့ချုပ်၊
မွန်ဒီမိုကရေစီပါတီ၊
ရခိုင်ဒီမိုကရေစီအဖွဲ့ချုပ်၊
ရှမ်းတိုင်းရင်းသားများဒီမိုကရေစီအဖွဲ့ချုပ်၊
"၀" အမျိုး သား စည်းလုံးညီညွတ်ရေးပါတီ၊
အမျိုးသားဒီမိုကရေစီအဖွဲ့ချုပ် တို့ ဖြစ်ကြပါတယ်။
အခုတော့ NLD ပါတီရဲ့ ထုတ်ပြန်ချက် အပြည့်အစုံကို အောက်မှာ ဖတ်နိုင်ပါပြီ။
0 comments :
Post a Comment