အပြည့်အစုံကတော့...
ပဲခူးတိုင်းဒေသကြီး ဒိုက်ဦးမြို့၊ မင်းတဲရပ်ကွက်(၆ရပ်ကွက်)တွင် ရပ်ကွက်ပြည်သူများနှင့် အုပ်ချုပ်ရေးမှူး တို့ ကျောင်းဆောင်သစ်ကိစ္စ ပြဿနာတက်လျှက်ရှိနေပါသည်။
ဒိုက်ဦးမြို့၊ မင်းတဲရပ်ကွက် (၆ရပ်ကွက်) တွင် နေထိုင်ကြသူအများစုမှာ လက်လုပ်လက်စားဆင်းရဲသား များဖြစ်ကြပါသည်။
သို့သော်လည်း ကျောင်းနေအရွယ် ကလေးများ အနာဂတ်ကို မျှော်ကိုးပြီး ရပ်ကွက်အတွင်း ရှိမြေကွက် လပ်ကြီးထဲတွင် ကိုယ်ထူကိုယ်ထ အ.မ.က စာသင်ကျောင်း(၀ါးကျောင်း)ကလေးပြုလုပ်၍ ကလေးများအား ပညာသင်ကြားစေ ခဲ့ပါသည်။
ဝါးကျောင်းမှ တဆင့် ရပ်ကွက်သူရပ်ကွက်သားတို့ ၏ကြိုးပမ်းမှုကြောင့် (၂)ထပ်သစ်သားကျောင်းကလေး
ဖြစ် လာခဲ့သည်။
ယခုအခါ-ယခင်အုပ်ချုပ်ရေးမှူး၊ယခင်ကျောင်းအကျိုးတော်ဆောင်၊ ယခင် ကျောင်းအုပ် ဆရာကြီးနှင့် ပြည်သူလူထုတို့၏ ထည့်ဝင်ငွေများဖြင့် ၂ထပ် တိုက်ကျောင်းဖြစ်လာ ခဲ့ပါသည်။
နောက်ထပ် ၃၀’x၅၀’(၂)ထပ်ကျောင်းတစ်ဆောင်နှင့် ၃၀’x၉၀’(၁)ထပ်ကျောင်းတစ်ဆောင်လည်း တိုးချဲ့ဆောက်လုပ်နိုင်ခဲ့ ပါသည်။
ယခင်အုပ်ချုပ်ရေးမှူးဟောင်းဦးတင့်လွင်နှင့်ပြည်သူ့လွှတ်တော်ကိုယ်စားလှယ် ဦးမင်းဆွေတို့၏ ကြိုးပမ်းမှုကြောင့် နောက်ထပ် ၃၀’x၉၀’ကျောင်းဆောင် သစ်ဆောက်လုပ်ခွင့် ထပ်မံရရှိသည့်အပြင် မူလတန်းကျောင်းမှ အ.လ.က(ခွဲ)ကျောင်းအဖြစ်တိုးမြှင့်သတ်မှတ်ခဲ့ပါသည်။
သို့သော်ကျောင်းဆောင်သစ်ရရှိရေးကြိုးပမ်းနေစဉ်ယခုအုပ်ချုပ်ရေးမှူးဦးခင်မောင်အေးနှင့်ဆရာမကြီး ဒေါ်ကျင်မေတို့မှ ကျောင်းအကျိုးတော်ဆောင်များ၊ မိဘပြည်သူများနှင့် ညှိုနှိုင်းတိုင်ပင်မှုမရှိပဲ ယခုအထိ ပညာသင်နေဆဲ(၂)ထပ်ကျောင်းဆောင်ကြီးအား အန္တရာယ်ဆောင်ဟု သတ်မှတ်ကာ ဖြိုဖျက်ပြီး ထိုနေရာ တွင် ကျောင်းဆောင် သစ်ဆောက်လုပ်ရန်အတွက် အုပ်ချုပ်ရေးမှူးလက်မှတ်ဖြင့် ကျောင်းအကျိုးတော်ဆောင်များကို အစည်းအဝေး ဖိတ်ကြားခဲ့ပါသည်။
ကျောင်းအကျိုးတော်ဆောင်ဦးသိန်းကြူမှ-ပင်မ(၂)ထပ်ကျောင်းကိုပြုပြင်၍သုံးလျှင်ရနိုင် ပါကြောင်း၊
ကျောင်းသားဦးရေလည်း တစ်နှစ်ထက်တစ်နှစ် တိုးလာ၍ ကျောင်းဆောင် အရေ အတွက် လည်းလိုအပ် လာဦးမည်ဖြစ်ပါကြောင်းတင်ပြခဲ့သော်လည်း အုပ်ချုပ်ရေးမှူး ဦးခင်မောင်အေးမှ လုံးဝလက်မခံပဲ “မဖြစ် မနေဖျက်ဆောက်မယ်၊ တစ်လက်မမှ အရွေ့မခံဘူး” ဟုဒေါသတ ကြီးဖြင့် ပြော၍ ချက်ချင်း ပြန်သွား ခဲ့ပါသည်။
အုပ်ချုပ်ရေးမှူးပြန်သွားသောကြောင့်အစည်းအဝေး ပျက်ပြီထင်ပြီး ကျောင်းအကျိုးတော်ဆောင် များပြန်လာခဲ့ပါသည်။ သို့သော်လည်းမပြန်ပဲကျန်နေသည့် အုပ်ချုပ်ရေးမှူး၏ လက်ပါးစေ များသည်
ကျောင်းဆောင် ဖြိုဖျက်ရေးနှင့် ပြန် လည်ဆောက်လုပ်ရေး ကော်မတီဖွဲ့စည်းခဲ့၍ မိဘပြည်သူများမှ ၂၃.၉.၂၀၁၃ နေ့တွင် သက်ဆိုင်ရာ ဌာနအသီးသီးသို့ ကိုယ်ထူကိုယ်ထ ကျောင်း ဆောင်ကြီးကို မဖြိုဖျက်ပါရန် ကန့်ကွက်လွှာများပေးပို့ခဲ့ပါသည်။
၂၅.၉.၂၀၁၃ နေ့တွင်တိုင်းပညာရေးမှူးရုံးမှ လ/ထ ညွှန်ကြားရေးမှူး ဒေါ်မြင့်မြင့်သန်း လာရောက်ပြီး လျှပ်တပြတ် အစည်းအဝေး ကျင်းပခဲ့သောကြောင့် ကန့်ကွက်လွှာတင်ပြခဲ့သူများမှ လုပ်လက်စ အလုပ်များ ဖျက်ကာ မဖြစ်မနေချက်ခြင်းလာရောက်ခဲ့ရပါသည်။
အစည်းအဝေးတွင်လည်း လ/ထ ညွှန်ကြားရေးမှူးမှ ကျောင်းဆောင်ဖြိုဖျက် ပစ်ရန်သာ တိုက်တွန်း ဆွေးနွေးခဲ့ပါသည်။
အစည်းအဝေးပွဲမှ ပြန်လာသောမိဘ ပြည်သူများအား ကျောင်းရှေ့တွင်ပြည်သူ့ရဲတပ်ဖွဲ့မှဗိုလ်ကြီး အဆင့်ရှိသူ ရဲဗိုလ်ကြီးထွန်းကျော်ဦး ခေါင်းဆောင်သောရဲ(၁၀)ဦးခန့်နှင့် အုပ်ချုပ်ရေး အဖွဲ့ဝင် အင်အား
နှစ်ဆယ်ကျော်ခန့် စောင့်ကြပ်နေကြပါသည်။
ဆရာမကြီး ဖိတ်ကြား၍ မိမိတို့၏ အလုပ်များကို ဖျက်ပြီး အစည်းအဝေးကိုမဖြစ်မနေ လာခဲ့ရသော ကျောင်းသားမိဘပြည်သူများအား ဆင်ခြင်တုံတရားကင်းမဲ့စွာ ဆန္ဒလာပြ ကြတာလားဟုအော်ဟစ် ပျက်ရယ်ပြုခဲ့ပါသည်။
မြို့နယ်အုပ်ချုပ်ရေးမှူးမှဖျက်မိန့်ပေး၍ဖျက်သည်ဟု ဦးခင်မောင်အေးနှင့် လူတစ်စုတို့ ကပြောသောကြောင့် ကျောင်းအကျိုးတော်ဆောင်များ(ယခု- ကျောင်းအကျိုးတော်ဆောင်အဖြစ်မှဖယ်ရှားခြင်းခံရ)နှင့်မိဘပြည်သူများမှ မြို့နယ်ပညာရေးမှူးထံသွားရောက်ဆွေးနွေးခဲ့ရာပညာရေးမှူးမှ မိမိအနေဖြင့်ဖျက် မိန့်ပေးထားခြင်းမဟုတ်ပဲ ညှိုနှိုင်းဆောင်ရွက်ရန်သာပြောထားကြောင်း၊ မြို့ နယ် အုပ်ချုပ်ရေးမှူးနှင့် သွားရောက် တွေ့ဆုံပြီး ညှိုနှိုင်းဆောင်ရွက်ရန်ပြောသောကြောင့် မြို့နယ်အုပ်ချုပ်ရေးမှူး ဦးကျော်စွာအောင်နှင့် သွားရောက်တွေ့ဆုံခဲ့ပါသည်။
မြို့နယ်အုပ်ချုပ်ရေးမှူးထံရောက်သောအခါ ၄င်းမှ “ခင်ဗျားတို့ပြောချင်ရာပြောကြ။နားထောင်ကြည့်တာပေါ့ ၄င်း၊ကျုပ်ကတော့ဖျက်ကို ဖျက်မယ်၊ အခုလည်းခင်မောင်အေးကိုဖျက်ခိုင်းထားပြီ၊ခင်ဗျားတို့ တိုင်ချင် ရာတိုင်” ဟူ၍လည်းကောင်း လူကြီးလူကောင်းမဆန်စွာပျက်ရယ်ပြုပြောဆိုခဲ့ပါသည်။
မိဘပြည်သူများမှ-နိုင်ငံတော်သမ္မတကြီးနှင့်လွှတ်တော်ဥက္ကဌကြီးမိန့်ကြားချက်များသည် ပြည်သူကို ဗဟိုပြုသောအစိုးရဖြစ်ရန်ပြည်သူ့ဆန္ဒများကိုအလေးထား ပေးကြပါရန်ပြောဆိုသောအခါ ဦးကျော်စွာအောင်မှ “ဒါကတော့ အထက်လူကြီးတွေကကြားကောင်းအောင်ပြောတာ၊ ကျုပ်ကတော့ ဖျက်မှာပဲ”ဟုပြောပါသည်။
ရပ်ကွက်အုပ်ချုပ်ရေးမှူး၊မြို့နယ်အုပ်ချုပ်ရေးမှူးနှင့်အဖွဲ့ဝင်များမှကြီးနိုင် ငယ်ညှင်း အုပ်စုဖွဲ့ ဗိုလ် ကျခြင်း၊ ပြည်သူ့ အသံပြည်သူ့ ဆန္ဒကို မျက်ကွယ်ပြုခြင်း၊ သမ္မတကြီးနှင့် လွှတ်တော်ဥက္ကဌကြီးများ၏ မိန့်မှာ ချက်များကို သွေဖယ်ခြင်း၊ မင်းမဲ့ စရိုက်ဖြင့် ထင်ရာစိုင်းခြင်းတို့အပေါ်ပြည်သူများမှမကျေနပ်၍ သက်ဆိုင်ရာဌာန အသီးသီးသို့ လည်းကောင်း၊ သမ္မတကြီး ထံသို့လည်းကောင်း အဆင့်ဆင့်တင်ပြ အကူအညီတောင်းခံခဲ့သော်လည်း ယနေ့တိုင် တစ်စုံတစ်ရာမျှ အကြောင်းပြန် ကြားခြင်းမရှိပဲ
ကျောင်းဆောင် ကြီး အကြောင်းမဲ့ပျက်စီးလေလံတင်ခံရခြင်းသာ အဖတ်တင်ကျန်ရစ် ပါသည်။
အောက်ခြေပိုင်းအစိုးရအဖွဲ့၏ပိပိရိရိလိမ်လည်ဖုံး ကွယ်နိုင်မှုကြောင့် ၄င်းတို့အဆင်ပြေ လက်မထောင်နိုင်
သော်လည်း ကျောင်းသားမိဘများမှာ ကိုယ်ထူကိုယ်ထ ၀ိုင်းဝန်းကြိုးပမ်းဆောက်လုပ် ခဲ့ရသောကျောင်း
ဆောင်ကြီးပျက်စီး၍ နှစ်မိုင်ကျော်ခန့်အကွာ အ.ထ.က ကျောင်းကြီးတွင် ခက်ခဲကြမ်းတမ်းစွာ ပညာသင် ကြားရမည့် သားငယ် သမီးငယ်များ အတွက် ရတက်မအေးနိုင်ဖြစ်နေရပါသည်။
ဒိုက်ဦးမှ ပေးပို့ ပါသည်။
0 comments :
Post a Comment