ဒေါ်အောင်ဆန်းစုကြည်ဟာ ဥရောပပါလီမန်က ၁၉၉၀ ခုနှစ်အတွက် ချီးမြှင့်သည့် လူ့ အခွင့်အရေးဆု (Sakharov Prize) ကို အောက်တိုဘာလ ၂၂ ရက်နေ့က ပြင်သစ်နိုင်ငံ စထရာဘုဂ်မြို့မှာ လက်ခံယူ လိုက်ပါတယ်။
ဥရောပ ပါလီမန် ဥက္ကဋ္ဌက ဒေါ်အောင်ဆန်းစုကြည်အား Sakharov ဆုပေးအပ်စဉ်၊ ဓာတ်ပုံ- ဥရောပပါလီမန် သတင်းဝက်ဆိုက်
ဥရောပ ပါလီမန် ဥက္ကဋ္ဌ Martin Schulz က ဒေါ်အောင်ဆန်းစုကြည်အား အဆိုပါ Sakharov ဆုကို အထူးအခမ်းအနား ကျင်းပပြီး ပေးအပ်လိုက်ခြင်းဖြစ်တယ်လို့ ဥရောပ ပါလီမန်ရဲ့ သတင်းထုတ်ပြန်ချက် တွင် ဖော်ပြပါတယ်။
ဒီဆုကို ဒေါ်အောင်ဆန်းစုကြည်ဟာ နှစ်ပေါင်း ၂၃ နှစ်ကြာမှ အခုလို လူကိုယ်တိုင် လက်ခံယူနိုင်တာ
ဖြစ်ပါတယ်။ ၁၉၉၀ ခုနှစ်က ဆုပေးပွဲ အခမ်းအနားမှာတော့ ဒေါ်အောင်ဆန်းစုကြည်ရဲ့ သားငယ် က မိခင်ကိုယ်စား ခေတ္တလက်ခံရယူခဲ့ပါတယ်။
ဥရောပ ပါလီမန်က ဒေါ်အောင်ဆန်းစုကြည် နေအိမ်အကျယ်ချုပ်ကျခံနေရစဉ်က လွတ်မြောက်ရေး လှုပ်ရှားမှုတွေ အကြီးအကျယ်လုပ်ခဲ့တာပါ။
အခုတော့ ဒေါ်အောင်ဆန်းစုကြည်ဟာ နောက်ဆုံး နေအိမ်အကျယ်ချုပ်က ပြန်လွတ်လာတာ ၃ နှစ်ကျော် ကြာတဲ့အချိန်မှာ ဒီဆုကို လက်ခံနိုင်ပြီလည်းဖြစ်ပါတယ်။
အိမ့်သံစဉ် ~
0 comments :
Post a Comment