၁၃ဝဝ ပြည့် စိန်ရတု နဲ့ ပြုပြင်ပြောင်းလဲရေး

Wednesday, November 20, 2013

~


 

၁၃ဝဝ ပြည့်အရေးတော်ပုံကြီးပေါ်ပေါက်ခဲ့သည်မှာ ယခု ၂ဝ၁၃ ခုနှစ်တွင် နှစ်ပေါင်း ၇၅ နှစ်တင်းတင်း ပြည့်ခဲ့ပြီဲဖြစ်ပါသည်။

 



ယင်းအချိန်က ရေနံမြေ များမှ အထွေထွေ မကျေနပ်မှုများကို တောင်းဆိုခဲ့ရာမှ စတင်ခဲ့ခြင်း ဖြစ်ပြီး နိုင်ငံတဝှန်းလုံးသို့ကူးစက်ပြန်နှံ့ကာ လူတန်းစားပေါင်းစုံ ပါဝင်သော အထွေထွေ သပိတ်ကြီး အဖြစ်သို့ ရောက်ရှိသွားခဲ့ခြင်းဖြစ်သည်။

ယင်းအချိန်က အုပ်ချုပ်သူ လူတန်းစား များမှ မြန်မာ့သယံဇာတများ ကိုထုတ်ယူ ခံစားနေသော်လည်း မြန်မာလူထု၏အကျိုးကို ဆောင်ရွက်ပေးခြင်းမရှိဘဲ ခွဲခြားအုပ်ချုပ်ကာ တိုင်းပြည်ကို ဂုတ် သွေးစုတ် နေချိန်လည်းဖြစ်ပါသည်။ 

သို့ဖြစ်ရာ ရေနံမြေအလုပ်သမားထုကြီးမှလည်း ၄င်းတို့၏ မညီမျှသော အခွင့်အရေးကို တောင်းဆိုတိုက်ပွဲဝင်ခဲ့ကြခြင်းပင်ဖြစ်သည်။

 ရေနံမြေအလုပ်သမားများမှ ဖောင်စီးရင်း ရေငတ် ဟုကြွေးကြော်ကာ တိုက်ပွဲဝင်ခဲ့ကြသည်။  ပညာရေး၊  ကျန်းမာရေး၊  လူမှုရေး၊  စီးပွားရေးအထွေထွေ နိမ်ကျ နေမှု များကို တောင်းဆိုတိုက်ပွဲဝင်ခဲ့ကြသည်။ အုပ်ချုပ်သူနယ်ချဲ့များမှ စေ့စပ် လိုက်လျော ပေးခဲ့ရ သည်၊ နိုင်ငံရေး အလှည့်အပြောင်းတရပ်ကို ဖြစ်စေခဲ့သည်၊  တနည်း နိုင်ငံ လွတ်လပ်ရေးအထိဦးတည်နိုင်ရန် စတင် ပေးနိုင်ခဲ့ခြင်းပင်ဖြစ်သည်။

ထိုကဲ့သို့သမိုင်းအစဉ်အလာကြီးမားခဲ့ သောအရေးတော်ပုံကြီးကို စတင်ခဲ့သော ရေနံမြေအလုပ်သမားထုကြီး၏ယခင် က နှင့်ယနေ့အခြေအနေမှန်ကိုသိသူ နည်းပါးလှသည်၊
ယင်းအချိန် (၁၉၃၈) က အင်္ဂလိပ် ပိုင် BOC Company သည် လုပ်ငန်းခွင် ကို စနစ်ကျနစွာ စီမံခန့်ခွဲခဲ့သည် ဖြစ်ရာ ၄င်းတို့မှာ အကျိုး အမြတ်များစွာရခဲ့ကြပြီး လုပ်ငန်းများလည်း တဟုန်ထိုးတိုးတက်လာခဲ့သည် ၊ ယင်းအချိန်က ချမှတ်ထားခဲ့သော ရေနံ ဆိုင်ရာ ဥပဒေများ နည်းဥပဒေများ စီမံခန့်ခွဲမှူ လုပ်ထုံးလုပ်နည်းများမှာ ယနေ့ခေတ်အထိ ခေတ်မှီ အသုံးဝင်အသုံးကျနေဆဲ အတုယူနေရဆဲ ဖြစ်သည်။  အထူးသဖြင့်ငွေကြေးဆိုင်ရာ စီမံခန့်ခွဲမှုများ သည် လုပ်ငန်းတခုလုံးအတွက်သာမက ရေနံမြေ အောက်ေုခြ အလုပ်သမားတဦးချင်းစီအထိ ခေတ်မှီမှန်ကန်စွာ အကျိုးရှိစေခဲ့သည်။ 

Company၏ အကျိုးစီးပွားမှာ ပိုမိုများပြားလှသည်မှာ မှန်သော်လည်း ရေနံမြေ အလုပ်သမားကြီးများ၏ဘဝမှာလည်း လူမိ်ျုးခြား လက်အောက်တွင် လုပ်ကိုင်ဆောင်ရွက်ခဲ့ရသည်မှလွဲí ရေနံ လုပ်ငန်း၏လုပ်ကိုင်မှူအနေအထားအရ သက်ဆိုင်ရာ ခံစားခွင့်များမှာ ယင်းခေတ် အနေအထားနင့် လျော်ညီစွာ ဖူလုံစွာ လုပ်ကိုင် အသက် မွေးနိုင်ခဲ့ကြသည်။

 မိမိတို့၏ လစာလုပ်ခများအပြင် ရေနံမြေအစမ်းတွင်းစ၇ိတ် (OTA) ၊  အလုပ်ခွင်တွင် အခမဲ့နေထိုင် လုပ်ကိုင် စားသောက်ခွင့်(FREE MESS နှင့်other facility)၊
အလုပ်ခွင် ကျန်းမာ အန္တရာယ် ကင်းရှင်းရေး(Health, Safety) စသော ခံစားခွင့်များကို နိုင်ငံတကာ စံချိန် စံညွှန်း နှင့် လျော်ညီစွာ ခံစားနိုင်ခဲ့ကြသည်။

တော်လှန်ရေးကောင်စီလက်ထက်တွင်  မြန်မာ့ရေနံနှင့် သဘာဝဓာတ်ငွေ့လုပ်ငန်း (MOC) ၄င်းနောက် (MOGE) အဖြစ် ပြောင်းလဲဖွဲ့စည်းခဲ့ရာ ယနေ့ခေတ်အထိ နိုင်ငံ့အကျိူးပြည်သူ့အကျိုးကို ကြီးမားစွာ သယ်ပိုးနိုင်ခဲ့သည်၊ ဆိုရှယ်လစ်ခေတ် တွင် ရေနံမြေအမြောက်အမြားကို အသစ်ရှာ ဖွေထုတ်လုပ်နိုင်ခဲ့ပြီး ထုတ်လုပ်မှုမှာ မြင့်တက်ခဲ့ပြီး ပြည်တွင်းဖူလုံမှုကိုသာမက အချိုကို ပြည်ပသို့ပင် တင်ပို့နိုင်ခဲ့သည်။

 ရေနံမြေအလုပ်သမားကြီးများမှာလည်း ယခင် BOC ခေတ်က လုပ်ထုံးလုပ်နည်းများအရ လုပ်ငန်းခွင် တွင် ပျော်ရွှင်စွာ အသက်မွေးနိုင်ခဲ့ကြသည်၊
အလွဲသုံးစားလုပ်မှုမှာ မရှိသလောက်နည်းပါးလှသည်ဖြစ်ရာ မိမိတို့၏ အလုပ်အပေါ် အလွန်တရာမှ ဂုဏ်ယူစွာဖြင့် လုပ်ကိုင်နိုင်ခဲ့ကြသည်။ 

၁၉၈၈ တပ်မတော်အစိုးရ လက်ထက် ကနဦးပိုင်းအချိန်အထိ ယင်းဂုဏ်ယူဖွယ်ကောင်းသော အနေအထားကို ဆက်လက် ထိန်းထား နိုင်ခဲ့ကြသော်လည်း
နောက်ပိုင်းနှစ်များတွင်မှု ရေနံမြေများ၏ သဘာဝအလျောက်စီးထွက်နိုင်မှု လျော့နည်းလာခြင်း ၊ အကြီးစားရေနံမြေ အသစ်များထပ်မံတွေ့ရှိမှု့နည်းပါးလာခြင်း၊ 
အထွေထွေကုန်ဈေးနှုံး များကြီးမြင့်လာခြင်း၊  လုပ်ကိုင်ခံစားခွင့်များဖြတ်တောက်ခံရခြင်း (No free Mess) ၊  မှန်ကန်သော အုပ်ချုပ်စီမံခန်ခွဲမှု စနစ် အားနည်းလာခြင်း၊
အတတ်ပညာအရ လွဲမှားသော လုပ်ကိုင် ဆောငိရွက်မှုတို့ကြောင့် အလွဲသုံးစား မှု့များ၊
ကျဆုံးမှုများ ရှိလာပြီး MOGE ၏ အခန်းကဏ္ဍမှာ ဝန်ကြီးဌာန အတွင်း တဖြည်းဖြည်း မှေးမှိန်လာခဲ့သည်။

သို့သော်လည်း ယင်း အလွဲသုံးစားမှုများမှာ အချို့သော ဝန်ကြီးဌာနများ တွင် ဖြစ်ပေါ်ခဲ့သော အလွဲသုံးစားမှုများလောက် မကြီးမားခဲ့ပါ။

 ယင်း အလွဲသုံးစားမှူ များကို အသုံးချမှုများ ကို ကျယ်ကျယ်ပြန်ပြန့် ပြုလုပ်နေခြင်း -ဥပမာ ဝန်ကြီးဌာန အထူးအရာရှိများက ဒီဇယ် ဂါလံအနည်းငယ်မျှ အဖမ်းပြပြီး နာမည်ကောင်းရယူကာ တစ်နှစ် သိန်းထောင်ချီ ခွဲတမ်း ဝင်ငွေရှိသောဖြန့်ဖြူးရေး လုပ်ငန်းများ သို့ ပြောင်းရွှေ့ကြခြင်းမျိုး ရာထူးများ ကျော်လွှားရယူခြင်းမျိုးများ အများအပြား ရှိခဲ့ပြီး သက်ဆိုင်ရာ အကြီးအကဲများမှ မသိကျိုးကျင် ပြုနေခဲ့ခြင်းမျိုးကို ပုံမှန်ရည်ရွယ်ချက်ရှိရှိဆောင်ရွက်နေခဲ့ခြင်းမျိုး ကြောငိ့ ရေနံမြေ လုပ်သားထုအတွင်း စိတ်ဓာတ်ကျဆင်းပျက်ပြားမှု့များအစဉ်တစိုက် ကြုံတွေ့နေရပါသည်။

တချိန်တည်းမှာပင် MOGE ခေတ်ဦးပိုင်းတွင် ရှာဖွေတွေ့ရှိခဲ့သော ကမ်းလွန်သဘာဝဓာတ်ငွေ့သိုက်များ မှ စိးပွာ့းဖြစ်ထုတ်ယူနိုင်ရေးအတွက် နိုင်ငံခြားကုမဏီများမှ ရင်းနှီးမြုပ်နှံများ ကို အောင်မြင်စွာ အကောင် အထည်ဖော်ဆောင်ရွက်နိုင်ခဲ့သည့်အတွက် နိုင်ငံခြားဝင်ိငွေ အမြောက်အမြား တိုးတက်  ရရှိနိုင်ခဲ့သည်။

ရေမြင့်လျှင်ကြာတင့်မည်ဟူသောစကားအတိုင်း မြန်မာ့ရေနံ၏ အနေအထား တိုးတက်လာမည်ဟု မျှော်လင့်ခဲ့ကြသော်လည်း ကမ္ဘာပေါ်တွင် သက်တန်း အကြာရှည်ဆုံး ရေနံလုပ်ငန်းတွင် တခုအပါအဝင်ဖြစ်သောမြန်မာ့ရေနံနှင့်သဘာဝဓာတ်ငွေ့လုပ်ငန်းမှာ အရှေ့တောင်အာရှ အဆင့်တွင်ပင် အောက်ဆုံးတန်းတနေရာကရပ်တည်နေရသောအခြေအနေသို့ထိုးကျသွားခဲ့ပါသည်၊  ရွေကျောင်းပြောင် ပြောင်ဝမ်းခေါင်ခေါင်ဟူသောစကားရပ်အတိုင်း ကမ်းလွန် သဘာဝဓာတ်ငွေ့ရင်းမြစ်များမှ အကျိုးအမြတ်များ သည်ြမန်မာ့ရေနံနှင့်သဘာဝဓာတ်ငွေ့လုပ်ငန်းတိုးတက်ဖို့ မြင်သာ မြင်ရ မကြင်ရဖြစ်ခဲ့ရ သည်။ 

ယင်းအကျိုးအမြတ်များသည် ဘယ်သောင် ဘယ်ကန်းဆိုက်သည်မသိဖြစ်ခဲ့ရသည်၊  ပြင်ပပေါက်ဈေှးနှင့် အဆမတန် ကွာခြားလှသော နိုင်ငံခြားငွေလဲလှယ်မှုနုံးထား၏အောက်တွင် အုပ်ချုပ်သူ အစိုးရ၏ ထိန်းချုပ်မှု့အောက်သို့ ရောက်ရှိသွားခဲ့သည်၊ မလျော်ကန်လှသော နိုင်ငံခြားငွေလဲလှယ်မှု့နုံးထားဖြင့် အချို့သောဝန်ကြီးဌာနများ၏ အလွဲသုံးစားမှူ့အောက်တွင်ပျောက်ပျက်သွားခဲ့ရသည်။ 
လက်တဆုပ်စာ ထိပ်ပိုင်းလူနဲစုသာ အကျိုးခံစားခွင့်များ ကိုမယုံကြည်နိုင်လောက်အောင် ခိုးယူရရှိခဲ့ကြသည်။

 မြန်မာ့ရေနံနှင့်သဘာဝဓာတ်ငွေ့လုပ်ငန်းနှင့်တကွ နိုင်ငံတော် တည်ဆောက်ရေးကို ကို မှန်ကန်သော လမ်းကြောင်းတွင် ရိုးသား ဂုဏ်ယူစွာဖြင့် ရပ်တည်နိုင်ရန် အထောက်အကူ မပေးနိုင်ခဲ့ပါ။ 
မိမိတို့ရှာဖွေထုတ်လုပ်ပေးလိုက်သည်မှာ အဆိပ်ပင် ရေလောင်း သည့်နှယ်ဖြစ်ခဲ့ရသည်ဟုပင် ခံစားနေခဲ့ကြရသည်။

 ရေနံမြေအလုပ်သမားကြီးများအဖို့ မိမိတို့၏ဘဝ အသက်ရှင်လုံလောက်ရုံမျှပင်မရှိသော လုပ်ခလစာများဖြင့် အသက်ရှင်နေထိုင် ပေးဆပ် နေခဲ့ကြရသည်၊  သို့သည့်တိုင်အခွင့်ထူးခံများ၏အောက်တွင် ဂုတ်သွေး စုတ်ချယ်လှယ်မှုခံနေကြရသည်မှာ နေ့စဉ်နှင့်အမျှပင်၊  ဝန်ထမ်းများ၏ တရားဝင် ခံစားခွင့် ရပိုင်ခွင့်များမည်သို့ ရှိသည်ဟုဆိုစေကာမူ အာဏာရှင် လက်သစ် လက်ဟောင်းများ၏အောက်တွင် အခြားလူခြင်းတူတူ ဝန်ထမ်းချင်းအတူတူ ကွဲပြားခြားနားစွာဖြင့် နှိပ်ကွပ်ခံနေကြရပါတယ်၊  နေပူမရှောင် မိုးရွာမရှောင် မိဝေးဘဝေး မိသားစုနှင့်ဝေးကွာ ၂၄ နာရီ နေထိုင် လုပ်ကိုင်နေကြရသော်လည်း ခေတ်နှင့်လျော်ညီစွာ တရားဝင် ခံစားခွင့်မရှိခြင်း၊  စသည်တို့ကြောင့် ပညာရေး လူမူရေး နေထိုင်မှု့ နိမ့်ကျစွာဖြင့် ဘဝကိုဖြတ်သန်းနေကြရပါသည်။

သို့ဖြစ်ရာ အောက်ပါ အတိုင်း လိုအပ်သလို အရေးယူဆောင်ရွက်ပေးနိုင်ပါ၇န် အသိပေးအပ်ပါသည်။

(၁) ရေနံမြေအစမ်းတွင်းစ၇ိတ် (OTA) ၊  အချိန်ပို (Overtime) ၊  အလုပ်ခွင်တွင် အခမဲ့နေထိုင် လုပ်ကိုင် စားသောက်ခွင့်(Free MESS နှင့်other faciliticies )၊ အလုပ်ခွင် ကျန်းမာ အန၇ယ် ကင်းရှင်းရေး (Health,Safety) စသော ခံစားခွင့်များကို နိုင်ငံတကာစံနှုံးမဟုတ်သည့်တိုင် ဒေသနိုင်ငံများအတွင်း သငိ့တော်သော စံချိန်စံနှုန်းများနှင့် အညီ သုံးသပ် လေ့လာပြီး ပြန်လည် စဉ်းစား တိုးမြင့်ခံစားခွင့်ပြုရန်
ယင်းပထမအချက်မှာ အလွန်တရာ အရေးကြီးသည်ဖြစ်ရာ အလျင်အမြန် ဖြေရှင်းပေးနိုင်ရန် အရေးကြီးလှပါသည်။ ယခု ရရှိနေသော ခံစားခွင့်များမှာ ခေတ်နှင့်မလျော်ညီတော့သည်များဖြစ်သဖြင့် (ဥပမာ -OTA  မှာ ယခုအခါ တစ်လ ၁၂၅ကျပ်သာ ရှိခြင်း ၊  Overtime မရှိ (ရေနံမြေ နှငိ့ ရုံးချုပ်)၊  ခရီးသွားစရိတ်များ နဲပါးခြင်း(Travelling allowance)မလုံလောက်ခြင်း ၊  ရေနံမြေ နှင့် အစမ်းတွင်းများ တွင် အခမဲ့ စားသောက်ခွင့်နှင့်နေထိုင်လုပ်ကိုင်ရာစံချိန်မှာအလွန်တရာစိုးဝါးလှသဖြင့်ဖြတ်တောက်ထားသော (FREE MESS နှင့်other faciliticies) များပြန် စဉ်းစားပေး၇န် ၊  ရေနံမြေ အစမ်းတွင်းများတွင် (Health,Safety) အတွက် နိုင်ငံတကာစံနှုံးရှိ လုပ်ငန်းခွင်အထောက်အကူပြု လုပ်ငန်းခွင်ကာကွယ်ရေးဝတ်စုံများ(အင်းတိုင် ဘိနပ်များ ဖျင်ကျမ်းအကျီင်္များသာ ထောက်ပံ့နေခြင်း) ရုံးသုံး အလုပ်ရုံသုံး ကရိယာများ (အရည်အသွေးနိမ့် တန်ဘိုးကြီး တရုတ်လုပ်များ) ၊ လုပ်ငန်းသုံး ခေတ်မှီမော်တော်ယာဉ်နှင့်စက်ကရိယာများ (မော်တော်ကားအများစုမှာ သုံးမရတော့ ပြင်ဆင်စရိတ်တင်ရန် ဆီထုတ်စားရန် သက်သက်သာ ဖြစ်နေခြငိး၊  ) စသဖြင့် ထောက်ပံ့ပေးရန် စသည်တို့ပါဝင်ပြီး ယင်းသို့ဖြစ်ပေါ်နေမှု့များကို Third party အဖွဲ့အစည်းမျာုးဖြင့် စနစ်ကျနစွာ စုံစမ်း စစ်ဆေး ပေးရန် ပွင့်လင်ြး့မင်သာစွာဖော်လုတ်ပေး၇န် ဖြစ်ပါသည်။  ၄င်းလုပ်ငန်းများအကောင်အထည်ဖော် ဆောင်ရွက်နိုင်ရန် ငွေကြေး လိုအပ်သည်ဖြစ်ရာတွင် သင့်တော်သလို ရေနံဈေးနှုန်းပြောင်းပေးခြင်း (ဥပမာ  MOGE ၏ရေနံထွက်သမျှကို တစ်စည်လျှင် ကျပ် ၃ဝဝဝ မျှဖြင့် ရောင်းချပေးနေရခြင်းကို နိင်ငံတကာ ပေါက်ဈေးအတိုင်းပြောင်းလဲခြင်း (ယင်းနည်းလမ်းမှ ဝင်ငွေ အဆ ၃ဝ ကျပ်၂၇၃ဘီလီယံတိုးလာနိုင်ခြင်း) ၊  အသုံးမလိုပိုလျံသော စက်ကရိယာယာဉ်များကို ပွင့်လင်းမြင်သာစွာ လေလံတင်ရောင်းချခြင်း၊  ဌာန ၏ operation/revinue ratio မှာ ၂ဝ% မျှသာ ရှိရာ တိုးတက် ရယူ အသုံးပြုခြင်း စသည့်နည်းလမ်းများဖြင့် ဝင်ငွေတိုးတက်ရရှိနိုင်ခြင်း)စသဖြင့် ဆောင်ရွက်ပေးနိုင်သည့်အခြေအနေတွင်ရှိပါသည်၊

(၂) နေထိုင်လုပ်ကိုင်နေရသော ဟောင်းနွမ်းနေသော ရုံး အဆောက်အဦး အိမ် (နေပြည်တော်အပါအဝင်) အစရှိသော facility များကို စံချိန်စံနှုန်းမှီစွာ ပြန်လည် မွမ်းမံဆောက်လုပ်ကာ  ဝန်ထမ်းများ နေထိုင်လုပ်ကိုင်နိုင်စေ၇န်စီမံပေး၇န်
ရေနံနှင့်သဘာဝဓာတ်ငွေ့လုပ်ငန်းမှာ ကြီးမားသော နိုင်ငံတော် ပိုင် လုပ်ငန်းအဖွဲ့အစည်းဖြစ်ရာ ဥပမာ အားဖြင့် နေပြည် တော် ရုံးချုပ်အငိအားတွင်ပင် ၇၅ဝ ကျော်ရှိနေပြီး ရုံး အဆောက်အဦးမှာ မူလက အင်အား ၂၅ဝ ခန့် အတွက်သာ ဒီဇိုင်းထုတ်တည်ဆောက်ရာ အချို့သော ဝန်ထမ်းများမှာ ပုံမှန်အလုပ်လုပ်နေရန်ပင် အခက်အခဲရှိခြင်း၊ စားပွဲတလုံးကို ဝန်ထမ်း အများအပြား အတူတကွအသုံးပြုနေရခြင်း ရုံးခန်းဖွဲ့စည်းမှု့များ စနစ်ကျနမှု့မရှိခြင်း (ဥပမာ ကွန် ပျူတာခန်းမများ၊  ရုံးခန်းများ မှာ အလွန်တရာ ကျဉ်းမြေင်းပြီး ဖြစ်သလို သုံးထပ်သားသာကာရန်ထားခြင်း)၊  ရုံးသုံးပစည်းများပြည့်စုံလုံလောက်မှု့မရှိခြင်း ၊ နိုင်ငံတကာ အဖွဲ့အစည်းများ မှနေ့စဉ် ဝင်ထွက်နေရာ မသင့်တော်သော အခြေအနေ နိုင်ငံ၏ဂုဏ်သိကာ ထိခိုက်နိုင်ခြင်း တို့ ဖြစ်ပေါ်နေပါသည်။

(၃)     နိုင်ငံခြားကုမဏီများနှင့် လုပ်ကိုင်ဆောင်ရွက်ရာတွင် ပူးပေါင်းဆောင်ရွက်မှု့များတွင် အသိပညာအတတ်ပညာ များ ပိုမိုရရှိနိုင်ရေး မြန်မာဝန်ထမ်းများပိုမို ပါဝင်ခွင့်ရရှိရေး ကျယ်ပြန့်စွာ စီမံဆောင်ရွက်ပေး၇န်
နိုင်ငံခြားကုမဏီများမှထည့်ဝင်သော ပညာသင်ကြားစရိတ်များ(Training Fund) နှစ်စဉ် ထဲ့ဝင်ကြ သည်ဖြစ်ရာ ယင်းဝင်ငွေ များဖြင့် ထိရောက်စွာ စီမံခန့်ခွဲကာ မ်ိမိဝန်ထမ်းများနှင့် ပြည်သူလူထုအတွက် အသိပညာ အတတ်ပညာများ တိုးတက်စေရန် စီမံဆောင်ရွက်ပေး၇န် ၊ နိုင်ငံခြားကုမဏီများနှင့် လုပ်ကိုင် ဆောင်ရွက်ရာတွင် ပူးပေါင်းဆောင်ရွက်မှု့များတွင် အသိပညာအတတ်ပညာ များ ပိုမိုရရှိနိုင်ရေး နိုင်ငံ့ဝန်ထမ်းများ၊  မြန်မာဝန်ထမ်းများပိုမို ပါဝင်ခွင့်ရရှိရေး ကျယ်ပြန့်စွာ စီမံ ဆောင်ရွက်ပေး၇န် (အချို့ နိုင်ငံခြားကုမဏီများသာ တစိတ်တပိုင်းမျှသာ ပူးပေါင်းဆောင်ရွက်သည် )

(၄) အလုပ်အကိုင်အခွင့်အလမ်းများပိုမိုရရှိအောင်ဆောင်ရွက်ခြင်း
ပြည်သူများမှအလုပ်အကိုင်အခွင့်အလမ်းများပိုမိုရရှိအောင် ဖွင့်ပေးခြင်းကို နိင်ငံပိုင်အခန်းတွင်သာမက ပုဂလိက ပိုင်းတွင်ပါ ညိနိုင်းဆောင်ရွက်ပေးခြင်း (ဥပမာ နိင်ငံပိုင်ကဏတွင် ဝန်ထမ်းများ ထပ်မံ မခေါ်ယူခြင်း၊ ခေါ်ရာတွင်လည်း လက်သိပ် ထိုးခေါ်ယူနေခြင်း၊ ပြင်ပ အဖွဲ့အစည်းများ မိုးကျရွေကိုယ်များကို မသင့်လျော် မပိုင်နိုင်သောလုပ်ငန်းများတွင် တာဝန်ပေးခြင်းနှင့် ရာထူးများကျော်လွားတိုးမြင့်ပေးနေမှု များ လျော့ချခြင်း၊
 ပြည်ပကုမဏီများတွင် မြန်မာဝန်ထမ်းများ ကို နိုင်ငံခြားသား အချိုးကို (၁း၁ဝ) အတိုင်း ခန့်အပ်နိုင်ရေးလိုအပ်သော အလုပ်သမားမူဝါဒနှင့် ဥပဒေများပြင်ဆင်ရေးဆွဲခြင်း ၊  နိင်ငံခြား Company ဝန်ထမ်းများနှင့် မြန်မာဝန်ထမ်းများလစာ အဆမတန်ကွာဟနေမှု့လျော့ချခြင်း (အချို့ ရေနံ Company များတွင် အဆ ၅ ဆ မှ ၃ဝ ခန့်အထိကွာဟနေခြင်းမျိုး၊  ကြားခံအလုပ်သမား Company က
 မြန်မာဝန်ထမ်း ရသင့်သော လစာငွေမှ ဖြတ်တောက်ရယူနေခြင်း (၂ဆမှ ၅ဆခန့်ထိရှိသည် )  မှာ မသင့် တော်ပါ)

စသည်တို့ကို ဆောင်ရွက်ပေးရန် အရေးတကြီး လိုအပ်လျက်ရှိပါသည်၊ ။

သို့ဖြစ်ပါ၍ ၁၃ဝဝ ပြည့်အရေးတော်ပုံကြီး ၇၅နှစ် စိန်ရတု ပြည့်နှစ်အခါသမယတွင် မြန်မာ့ ရေနံနှင့်သဘာဝဓာတ်ငွေ့လုပ်ငန်း ဝန်ထမ်းကြီးငယ်များက နိုင်ငံတော် တည်ဆောက်ရေးကို  မှန်ကန်သော လမ်းကြောင်းတွင် ရိုးသား ဂုဏ်ယူစွာဖြင့် ရပ်တည်ပါဝင်နိုင်ရန် လိုအပ်သလို ပြုပြင်ပြောင်းလဲပေးပါရန် တင်ပြလိုက်ရပါသည်။

ထက်အောင်လှိုင်

မြန်မာ့ရေနံ



.

0 comments :

Post a Comment

 
Copyright © 2014 Irrawaddy Publishing Group. All Rights Reserved