မြန်မာတပ်မတော်က အကြီးတန်းအရာရှိတွေကို သင်တန်းပေးဖို့ ဗြိတိန်ကာကွယ်ရေး တက္ကသိုလ်က အရာရှိအဖွဲ့ တဖွဲ့ မြန်မာနိုင်ငံကို အခု ရက်ပိုင်း သွားတော့မယ်လို့ သိရပါတယ်။
ဗြိတိန် ကာကွယ်ရေး ဦးစီးချုပ် ဗိုလ်ချုပ်ကြီး ဆာ ဒေးဗစ် ရစ်ချတ်စ်
(General Sir David Richards)နှင့် သမ္မတ ဦးသိန်စိန်၊ ဗိုလ်ချုပ်မှူးကြီး
မင်းအောင်လှိုင် တို့ ဇွန်လ ၃ ရက်နေ့က နေပြည်တော် ၌ တွေ့ဆုံ စဉ်(ဓာတ်ပုံ –
သမ္မတ ရုံး ၀က်ဘ်ဆိုက်)
ဗြိတိန်က ပေးမယ့် သင်တန်းဟာ စစ်ရေးသင်တန်းမဟုတ်ဘဲ နိုင်ငံတကာ လူ့အခွင့်အရေး စံချိန်စံညွှန်းတွေ၊ ဥပဒေတွေနဲ့ လူသားချင်းစာနာမှုဆိုင်ရာ ဥပဒေတွေကို နားလည်ဖို့အတွက် အခုလို ၂ ပတ်သင်တန်း ပေးမှာဖြစ် တယ်လို့ ဗြိတိန်စစ်အရာ ရှိကြီးတဦးကလည်း ပြောထားပါတယ်။
ဗြိတိန်အနေနဲ့ မြန်မာ့ပြုပြင်ပြောင်းလဲရေးမှာ အဓိကကျတဲ့ မြန်မာ့တပ်မတော်ကို မျက်ကွယ်မပြုပဲ အခုလို သင်တန်းတွေ ပေးတာဖြစ်ပေမယ့် တချို့ လွှတ်တော်အမတ်တွေ၊ လူ့အခွင့်အရေးအဖွဲ့တွေကတော့ လူ့အခွင့်အရေး ချိုးဖောက်မှုတွေ ဆက် တိုက်ကျူးလွန်နေတဲ့ မြန်မာ့တပ်မတော်ကို အခုလို ဗြိတိန်ဘက်က အကူအညီပေးတာတွေအပေါ် ကန့်ကွက် ဝေဖန်နေကြ တာတွေလည်း ရှိပါတယ်။
မြန်မာ့တပ်မတော် အရာရှိ ၃၀ ကို ဗြိတိန်စစ်တပ်က အဲဒီ သင်တန်းတွေပေးဖို့ သမ္မတ ဦးသိန်းစိန်ရဲ့ ဇူလိုင် လလယ်ပိုင်းက သွားရောက်ခဲ့တဲ့ ဗြိတိန်ခရီးစဉ်မှာ ၂ နိုင်ငံခေါင်းဆောင်တွေ သဘောတူထားတာပါ။
ပြီးခဲ့တဲ့ ဇွန်လဆန်းပိုင်းကလည်း ဗြိတိန် ကာကွယ်ရေး ဦးစီးချုပ် ဗိုလ်ချုပ်ကြီး ဆာ ဒေးဗစ် ရစ်ချတ်စ် (General Sir David Richards) မြန်မာနိုင်ငံ ရောက်ရှိလာပြီး ဦးသိန်းစိန်နှင့် တွေ့ဆုံခဲ့ပါသေးတယ်။
အိမ့်သံစဉ် ~
ဆက်စပ်သတင်း၊
ဗြိတိန်-မြန်မာ စစ်ဘက် ဆက်ဆံရေး ပြန်လည်စတင်
0 comments :
Post a Comment