မန္တလေးမြို့ အထင်ကရ ရွှေဆိုင်ကြီးကို အနုကြမ်းဝင်စီးသူဟာကြံ့ခိုင်ရေးပါတီ အမတ်ရဲ့ တူတော်စပ်တယ်လို့ ဒီကနေ့ထုတ် ဂျာနယ်၊ သတင်းစာ အများအပြားမှာ ရေးသားထားကြပါတယ်။
အနုကြမ်းစီးခံရသော မောင်ကိန်း ရွှေဆိုင် (ဓာတ်ပုံ – မင်းထက်ငြိမ်းချမ်း)
လွှတ်တော်ကိုယ်စားလှယ်ရဲ့အမည်က ဦးလျူကွယ်ရှိ ဖြစ်ပြီး ရှမ်းပြည်နယ် မဲဆန္ဒနယ် အမှတ် ၁၁ ကို ကိုယ်စားပြုသူဖြစ်တယ်လို့ ဆိုပါတယ်။
တူဝရီး တော်စပ်တယ်လို့ သတင်းများမှာ ရေးကြသလို၊ တချို့သတင်းတွေမှာတော့ သူတို့က မြေးအဖိုးတော်စပ်တယ်လို့ ရေးကြပါတယ်။
အနုကြမ်းစီးသူက သူ့မှာပါတဲ့သေနတ်နဲ့ ပစ်ခတ်သော်ငြား အနီးဝန်းကျင်မှာရှိနေသူများက ဝင်ဖမ်းခဲ့ပုံကို http://burma.irrawaddy.org/news/2013/12/25/52668.html မှာ ဖော်ပြခဲ့ပြီးပါပြီ။
အဲဒီသေနတ်က လွှတ်တော်ကိုယ်စားလှယ်ရဲ့ ရှမ်းပြည်နယ် လောက်ကိုင်မြို့ နေအိမ် လုံခြုံရေးဝန်ထမ်းတဦးဆီက ရခဲ့တဲ့သေနတ်လို့ ဆိုပါတယ်။
သူ့ကို စစ်ဆေးဆဲဖြစ်တာကြောင့် အသေးစိတ် အချက်အလက်တွေ မသိရသေးဘူးလို့ သတင်းတွေမှာ ရေးထားတာ ဖတ်ရပါတယ်။
သူ ဝင်စီးခဲ့တဲ့ရွှေဆိုင်ကတော့ မန္တလေးမြို့လယ်က အထင်ကရ ဧရာမရွှေဆိုင်ကြီး ဖြစ်ပါတယ်။
.
0 comments :
Post a Comment