မက်စ်မြန်မာက ချောင်းသာကမ်းခြေမြေသိမ်းမှုအတွက် လျော်ကြေးပေး

Wednesday, December 4, 2013

.


မြန်မာနိုင်ငံဘောလုံးအဖွဲ့ချုပ်ဥက္ကဋ္ဌ ဦးဇော်ဇော်ပိုင်ဆိုင်တဲ့ မက်စ်မြန်မာကုမ္ပဏီက မြန်မာနိုင်ငံက ထင်ရှားတဲ့ ချောင်းသာကမ်းခြေက အုန်းခြံမြေတွေအတွက် ၁ ဧကကို သိန်း ၉၀ နှုန်း လျော်ကြေးပေးအပ်ခဲ့ကြောင်း သတင်းရရှိပါတယ်။
 



၂၀၁၂ နိုဝင်ဘာ ၂ ရက်နေ့က မြေသိမ်းမှုတွေအတွက် တောင်သူတွေ ချောင်းသာမှာ ဆန္ဒပြခဲ့စဉ်၊ ဓာတ်ပုံ- ဆလိုင်းသန့်ဇင်/ဧရာဝတီ

ဧရာဝတီတိုင်းဒေသကြီး ပုသိမ်မြို့နယ် ရွှေသောင်ယံမြို့နယ်ခွဲ ချောင်းသာကျေးရွာက အုန်းခြံမြေ ၅.၀၉ ဧကအတွက် လျော်ကြေး ကျပ်သိန်း ၄၅၀ ကျော်ကို ပြီးခဲ့တဲ့ နိုဝင်ဘာလ နောက်ဆုံးပတ်ထဲမှာ မူလ ပိုင်ရှင် တောင်သူ ၄ ဦးထံ ပေးအပ်ခဲ့တာဖြစ်ပါတယ်။ 

“ဦးဇော်ဇော်က ကျနော်တို့နဲ့ တွေ့ဆုံညှိနှိုင်းပြီး ... နစ်နာကြေး ပေးလိုက်တာပါ။ ခုလိုနစ်နာကြေးပေးတဲ့ အပေါ် ၀မ်းသာပါတယ်။ ကျနော်တို့ဘ၀တွေ ပြန်လည်ထူထောင်လို့ ရပြီပေါ့”လို့ ၂ ဧကစာ နစ်နာကြေးရခဲ့တဲ့ ချောင်းသာကျေးရွာက ဦးမောင်မောင်ကြီးက ပြောပါတယ်။ 


ချောင်းသာကမ်းခြေအနီးမှာရှိတဲ့ အဲဒီအုန်းခြံတွေကို အနောက်တောင်တိုင်းစစ်ဌာနချုပ် (နတခ) က ၁၉၉၆ ခုနှစ်မှာ သိမ်းယူခဲ့တာဖြစ်ပြီး နောက်ပိုင်းမှာ မက်စ်မြန်မာ ကုမ္ပဏီက လွှဲပြောင်းရယူ လုပ်ကိုင်ခဲ့တာဖြစ်ပါတယ်။ 

ဒါကအစောပိုင်းကာလမှာ စစ်တပ်ကသိမ်းခဲ့တဲ့မြေတွေပါ။ ချောင်းသာမှာ ဟိုတယ်ဆောက်ဖို့ ဆိုပြီး 
တောင်သူတွေ ရဲ့ဥယျာဉ်ခြံတွေ၊ လယ်မြေတွေအများအပြား သိမ်းခဲ့တာက ၁၉၉၉ ခုနှစ်မှာ ဖြစ်ပါတယ်။ 

သိမ်းခံရတဲ့ မြေစုစုပေါင်း ၆၁၇ ဧကရှိပြီး တာဝန်ယူသိမ်းသူကတော့ ယခင်စစ်အစိုးရလက်ထက် ပုသိမ် ခရိုင်အေးချမ်းသာယာရေးနှင့် ဖွံ့ဖြိုးရေး ကောင်စီအတွင်းရေး ဗိုလ်မှူးရင်စိန်ဖြစ်ပြီး မဖြစ်မနေ ဖိအားပေး လက်မှတ်ထိုးခိုင်းလို့ လျော်ကြေးငွေ သောင်းဂဏန်းနဲ့ ပေးခဲ့ရတာလို့ ဒေသခံတောင်သူတွေက ပြောပါတယ်။ 

ဘယ်လိုပဲဖြစ်ဖြစ် မက်စ်မြန်မာကတော့ တောင်သူတွေကျေနပ်လောက်မယ့်ငွေကြေးနဲ့ ပေးလျော်တာတွေ လုပ်ခဲ့ပါပြီ။ 

ဒါက ပထမဆုံးတော့ မဟုတ်ပါဘူး။ ပထမအကြိမ်ကတော့ ငွေဆောင်ကမ်းခြေက သဇင်ကျေးရွာ မှာ 
ရေငန်ပုစွန်မွေးမြူဖို့ ရယူထားတဲ့မြေတွေအတွက် ၂၀၁၂ ခုနှစ် ဒီဇင်ဘာလမှာ လျော်ကြေးပေးအပ်ခဲ့ပါတယ်။ 

တောင်ယာမြေ ၁ ဧကကို သိန်း ၁၀၀ နှုန်း၊ လယ်မြေ ၁ ဧကကို ၂၅ သိန်းနှုန်းနဲ့ ကျပ်သိန်း ၇,၄၀၀ ကျော် 
ပေးလျော်ခဲ့တာပါ။

ချောင်းသာရော၊ ငွေဆောင်ကမ်းခြေမှာပါ မြန်မာနိုင်ငံက ထိပ်တန်းစီးပွားရေးသမားကြီးတွေရဲ့ ဟိုတယ်တွေ ဖွင့်လှစ်လုပ်ကိုင်နေကြပါတယ်။ 

ဟိုတယ်ပိုင်ရှင်တွေကတော့ စီးပွားရေးလုပ်ငန်းရှင်ကြီး ဦးတေဇက Aureum Palace နဲ့ Myanmar Treasure ဟိုတယ်၊ ဦးပိုင်ကုမ္ပဏီ လီမိတက်က Central ဟိုတယ်၊ ဗိုလ်ချုပ်မှူးကြီး သန်းရွှေ ရဲ့သမီး 
ဒေါ်ခင်ပြုံးရွှေ က ရွှေဟင်္သာဟိုတယ်၊ သမ္မတအကြံပေး ဒေါက်တာနေဇင်လတ်က AMBO ဟိုတယ်နဲ့ ဦးဌေးမြင့်က ယုဇနဟိုတယ်၊ ဦးဇော်ဇော်က မက်စ်ဟိုတယ် တို့ကို အသီးသီး ပိုင်ဆိုင်ကြပါတယ်။ 

ဒါ့အပြင် ဦးလှမောင်ရွှေက Silver View ဟိုတယ်၊ ဦးဖြိုးကိုကိုတင့်ဆန်းက Hotel Ace၊ ဦးထွန်းမြင့်နိုင်က Asia World ဟိုတယ်၊ ၊ ဦးဝေလွင်က Sunny Paradise နှင့် Ocean Paradise ဟိုတယ်တွေကို ပိုင်ဆိုင်လုပ်ကိုင်နေတာဖြစ်ပါတယ်။ 

ဒါပေမယ့် ဟိုတယ်ဆောက်ထားတဲ့မြေအတွက်လျော်ကြေးပေးတဲ့ကုမ္ပဏီဆိုလို့ ဦးဇော်ဇော်ပိုင် မက်စ်မြန်မာ ကုမ္ပဏီ တခုတည်းပဲရှိနေပါတယ်။ ကျန်တဲ့သူဌေးကြီးတွေကတော့ ငွေမရှိလို့လား၊ မလျော်ချင်လို့လားတော့ မသိပါဘူး။ ခုထိတော့ လျော်မယ်ဆိုတဲ့အသံတွေ မကြားရသေးပါဘူး။ ခရိုနီသူဌေးကြီးတွေ ငွေမရှိတာတော့ မဖြစ်နိုင်လောက်ပါဘူး။ ဖြစ်ခြင်းဖြစ် မလျော်ချင်တာပဲ ဖြစ်မယ်ထင်ပါတယ်။ 

“ဦးဇော်ဇော်ရဲ့မက်စ်မြန်မာက လျော်သလိုပဲ ကျန်တဲ့ကုမ္ပဏီတွေအနေနဲ့ ဒေသခံတွေ အဆင်ပြေအောင် 
လျော်ကြေးပေးတာတွေ လုပ်စေချင်ပါတယ်။ ဘာလို့ဆိုတော့ ဒီဒေသကလူတွေမှာ မြေတွေအသိမ်းခံရပြီးနောက် ပိုင်း အလုပ်လက်မဲ့တွေဖြစ်ကုန်ပြီး ဆင်းရဲကုန်ကြတယ်။ ကမ်းခြေမှာ ဖားကင်၊ ငါးကင်ရောင်းရတဲ့ ဘ၀တွေတောင် ရောက်သွားကြတယ်” လို့ ချောင်းသာကျေးရွာအုပ်စု အုပ်ချုပ်ရေးမှူး ကိုတေဇာအောင် က ပြောပါတယ်။

လျော်ကြေးသောင်းဂဏန်းလောက်နဲ့ မြေတွေသိမ်းသွားတာကို မကျေနပ်တဲ့ ချောင်းသာရွာသား ၁၆၀ ကျော် ဟာ မနှစ်က နိုဝင်ဘာလတုန်းက ချောင်းသာကျေးရွာမှာပဲ ဆန္ဒဖော်ထုတ်ခဲ့ကြပါသေးတယ်။ 

မြန်မာနိုင်ငံမှာ ဧရာဝတီတိုင်းနဲ့ ရန်ကုန်တိုင်းဟာ မြေသိမ်းခံရမှုအများဆုံးဖြစ်ကြောင်း ပြည်ထောင်စု လွှတ်တော်ကဖွဲ့စည်းထားတဲ့ လယ်ယာမြေနဲ့အခြားမြေများ သိမ်းဆည်းခံရမှု စုံစမ်းရေးကော်မရှင်က ထုတ်ဖော်ပြောဆိုထားပါတယ်။
  • ဆက်စပ်

"၀န်ကြီးချုပ် ချမ်းသာပါစေ ကြွေးကြော်သံ" နဲ့ ခံဝန်လက်မှတ် 
http://blog.irrawaddy.org/2012/11/blog-post_224.html
ချောင်းသာလယ်သမား ၁၆၀ ကျော် ဆန္ဒပြတာ ဘာကြောင့်လဲ 
http://blog.irrawaddy.org/2012/11/blog-post_2590.html




ဆလိုင်းသန့်စင် ~

0 comments :

Post a Comment

 
Copyright © 2014 Irrawaddy Publishing Group. All Rights Reserved