သတင်းသမားများရဲ့ အမှတ်တရဦးဝင်းတင်

 ~ 

 
 
ကျော်ခ စုစည်းသည်။  

 သတင်းစာဆရာကြီး၊  အမျိုးသားဒီမိုကရေစီအဖွဲ့ချုပ် (NLD)  နာယက အဖွဲ့ဝင်  ဦးဝင်းတင် ကွယ်လွန်အပြီး   ပြည်တွင်း၊ ပြည်ပ သတင်းစာဆရာတချို့ရဲ့ ဦးဝင်းတင် အမှတ်တရ ပြောဆိုချက်တွေကို ဒီဘလော့ http://blog.irrawaddy.org လာရောက်သူများအတွက် စုစည်း ဖော်ပြပေးလိုက်ပါတယ်။
  
  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~     
  ~ 
အေးအေးဝင်း
ရန်ကုန်အခြေစိုက် AP သတင်းထောက်
  ~ 
သူဟာ အင်မတန် သတ္တိရှိပြီး ရဲရင့်ပြတ်သားတဲ့ သတင်းထောက်ကြီးလည်းဖြစ်တယ်၊ အင်မတန် ကိုယ်ကျင့်တရားကောင်းတဲ့ ပုဂ္ဂိုလ်ကြီးဖြစ်တော့ နောင် ဒါမျိုးရှိဖို့ဆိုတာ ဒီလိုလူမျိုးနောက်တယောက်ရဖို့ဆိုတာ သိပ်စဉ်းစားစရာမရှိတော့ဘူး။
 အဲဒီတော့ သတင်းထောက်တယောက်အနေနဲ့ဆိုလို့ရှိရင်တော့ ဒီလိုလူကြီးတွေ ဆုံးရှုံးတာကို နှမျောတသတယ်။ ဝမ်းနည်းတယ်။
လူကြီးတွေမရှိတော့ ကိုယ့်ရှေ့က မားမားမတ်မတ် ရပ်တည်မယ့် လူကြီးတွေ မရှိတော့သလိုတောင် အားငယ်စရာ ကောင်းပါတယ်။

သတင်းသမားက နိုင်ငံရေးသမားဖြစ်နေတာက တော်တော့်ကို ရှားရှားပါးပါးပါပဲ။ နိုင်ငံရေးဘက်မှာ ဆိုရင်လည်းသူ့လို ရဲရဲဝံ့ဝံ့ ပြတ်ပြတ်သားသားပြောတဲ့ လူက ရှားတယ်လေ။
နိုင်ငံရေးဘက်က ကြည့်ရင်လည်း အားကို အများကြီးလျော့သွားတယ်လို့ ယူဆပါတယ်။ ဘာဖြစ်လို့လဲ ဆိုတော့ အန်ကယ်က အမှန်တရားပေါ်မှာ ရဲရဲဝံ့ဝံ့ မတိမ်း၊ မစောင်း ရပ်တည်တဲ့ ပုဂ္ဂိုလ်ကြီးပေါ့။
 သူနဲ့တွေ့လို့ရှိရင် အမြဲတမ်း ရဲရဲဝံ့ဝံ့ပြောတဲ့စကားတွေ အမြဲတမ်းကြားရတယ်။
ဘယ်အချိန် အင်တာဗျူးလုပ်လုပ် ဘယ်အချိန် တွေ့တွေ့ သူပြောတာကတော့ တိုင်းပြည်မှာ စစ်တပ်ကနေ အုပ်ချုပ်နေတာကိုတော့ ပြတ်ပြတ်သားသား အမြဲတမ်း တခါမှ မပြောင်းလဲတဲ့ ရပ်တည်မှုနဲ့ သူအမြဲပြောလေ့ရှိပါတယ်။
  
   ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~      
  ~ 
ဦးခွန်ဆိုင်း
အယ်ဒီတာချုပ်၊ သျှမ်းသံတော်ဆင့် သတင်းဌာန

 ဦးဝင်းတင်ဟာ သတင်းစာဆရာလုပ်နေတဲ့သူတွေအတွက် စံနမူနာယူရမယ့် လူတယောက်ဖြစ်တယ်။
ဟံသာဝတီတို့၊ ကြေးမုံတို့မှာ (ဦးဝင်းတင်) လုပ်လာတာ အဲဒီတုန်းက မြန်မာ့အလင်းမှာလုပ်နေတဲ့ ရှမ်းသတင်းစာ ဆရာကြီး ဦးစံအောင်ဆိုတာရှိတယ်။
ဦးစံအောင်က အခုအသက် ၉၀ ရှိပြီ သူ့ထက် အသက်ငယ်ပေမယ့် ဦးဝင်းတင်ကို သူက သိပ်လေး စားတယ်။ ကျနော်တို့ကလည်း ဦးဝင်းတင်ကို အဲဒီကနေ တဆင့် သိကျွမ်းခဲ့ပြီးတော့ လေးစားခဲ့တာ။

 သူ့ကို နိုင်ငံရေးသမားတယောက်အနေနဲ့ ကျနော်ဘာမှ မပြောလိုပါဘူး။ လူသားတယောက်အနေနဲ့ကတော့ အင်မတန် သတ္တိကောင်းတဲ့လူပဲ။ သူ့လို သတ္တိကောင်းတဲ့ လူတယောက်ဟာ ရှာရခက်တာပေါ့ဗျာနော်။ ကျနော်တို့လို ပြည်ပမှာ နေပြီးတော့မှ လွတ်လွတ်လပ်လပ် ပြောဆို၊ ရေးသား၊ ထုတ်ဝေနေတာထက် သူကတော့ ပြည်တွင်းမှာ ရဲရဲဝံ့ဝံ့ပြောဆို ရေးသား နေတာဟာ ဒီဥစ္စာ အင်မတန်မှ လူသား တယောက်အနေနဲ့ ကျနော်တို့က အင်မတန်မှ ချီးကျူးရမယ့် လူဖြစ်တယ်။ ဒီလိုမျိုး သတ္တိ ရှိတဲ့လူမျိုး ထပ်ပြီးတော့မှ များများပေါ်လာဖို့လိုတယ်။
  
  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~     
  ~ 
အေးချမ်းနိုင်
 အယ်ဒီတာချုပ်၊ DVB သတင်းဌာန

အထူး ဝမ်းနည်း ကြေကွဲရပါတယ်။  သူ့ရဲ့တန်ဘိုးရှိတဲ့   အချိန်တွေကို အကျဉ်းထောင်ထဲမှာ မတရားနှိပ်စက်ညှင်းပန်းခံပြီးတော့ နှစ်ပေါင်း ၂၀ ကျော် နေသွားခဲ့ရတဲ့အတွက်လည်း တော်တော်လေးစိတ်မကောင်းဖြစ်မိပါတယ်။
 ဦးဝင်းတင်က သူ့ရဲ့ ယုံကြည်ချက် ခံယူချက်တွေကို လုံးဝ အရှုံးမပေးဘဲနဲ့ နောက်ဆုံး သူအသက်ထွက်သွားတဲ့အထိကို ခိုင်ခိုင်မာမာ စွဲကိုင်သွားတဲ့ ပုဂ္ဂိုလ်ပါ။
ကျနော်တို့နောင်မျိုးဆက်သစ်တွေအတွက် သင်ခန်းစာယူစရာအဖြစ် ထာဝရ ရပ်တည်နေတာဖြစ်ပါတယ်။

 ဦးဝင်းတင်ဟာ   အစိုးရရဲ့ မမှန်ကန်တဲ့ လုပ်ရပ်တွေ၊ လုပ်ပုံတွေကို တချိန်လုံး  ထောက်ပြသူတဦးဖြစ်ပါတယ်။
 NLD ထဲမှာ ဆိုရင်လည်း အရေးပါတဲ့ ခေါင်းဆောင်တယောက်ဖြစ်ပါတယ်။
 နိုင်ငံရေး အပြောင်းအလဲတွေ ဖြစ်နေတဲ့ အရေးကြီးတဲ့ ကာလမှာ ဦးဝင်းတင်ကို ဆုံးရှုံးသွားတာဟာ တော်လှန်ရေးအတွက်လည်း အများကြီးကို နစ်နာပါတယ်။  

  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~      
  ~ 
ကျော်မင်းဆွေ
အယ်ဒီတာချုပ်၊ The Voice သတင်းစာ/ဂျာနယ်  ~     ~ 
  ~   
သတင်းလောကထဲရောက်ခါစက ကျနော်တို့မှာ (သတင်းစာပညာ) သင်တန်းကျောင်း မရှိတဲ့အခါကြတော့ ရှေ့က သတင်းစာဆရာကြီးတွေရဲ့ ရေးထားခဲ့တဲ့ ဆောင်းပါးတွေ၊ စာအုပ်တွေ သတင်းစာပညာရပ်ဆိုင်ရာ အတွေ့အကြုံတွေကို ဖတ်ပြီးတော့ ကျနော်တို့က သင်ခဲ့ရတာ။
အဲဒီအထဲမှာ သတင်းစာဆရာကြီး ဟံသာဝတီ ဦးဝင်းတင်လည်း ပါတယ်။
နောက် သူဘာသာပြန်တဲ့ စာအုပ်တွေရော အစပေါ့။
ဟံသာဝတီဦးဝင်းတင် အနေနဲ့လည်း ဟံသာဝတီ သတင်းစာမှာ လုပ်ခဲ့တဲ့ သတင်းစာအဟောင်းတွေ ဖတ်ရတဲ့အခါမှာ ကျနော်တို့က တွေ့ရတယ်။
သတင်းစာဆရာကြီး တယောက် အနေနဲ့ ကျနော်တို့ အင်မတန်လေးစားတဲ့ သတင်းစာ ဆရာကြီးပါ။ "ပြည်သူတို့ရဲ့ စကားပြန်" ဆိုတဲ့စာအုပ်ဟာဆိုရင် အင်မတန်ကို ရှာပြီးဖတ်ခဲ့ရတဲ့ စာအုပ်ပါ။

 သင်ဆရာ၊ မြင်ဆရာ၊ ကြားဆရာ အဖြစ် လေးစားရတဲ့ သတင်းစာဆရာကြီး ကွယ်လွန်သွားတာကို သတင်းကြားရတော့ အင်မတန်ကို ဝမ်းနည်းမိပါတယ်။
 နိုင်ငံရေး လောက အတွက်ရော၊ သတင်းစာလောကအတွက်ရော အင်မတန် ကြီးမားတဲ့ ဆုံးရှုံးမှုပါပဲ။
  
  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~      
   ~ 
သန်းလွင်ထွန်း
ဌာနမှူး၊ VOA မြန်မာပိုင်း

ဆရာကြီးဦးဝင်းတင်ကို ကျနော်တို့ ၈၈ ကျောင်းသားလှုပ်ရှားမှုမှာကတည်းက ရင်းနှီးခဲ့တာပါ၊ ဆရာဦးဝင်းခက်၊ ဆရာဦးတင်စိုး၊ ဆရာမောင်ဝံသ တို့နဲ့အတူ ဘားလမ်း စပယ်ဦးစာပေတိုက်မှာပေါ့။
အရေးအခင်းအတွင်း ကျနော်တို့ ဗကသ သတင်းစာ ထုတ်တော့ ဆရာကြီးက အများကြီးလမ်းညွှန်ခဲ့ပါတယ်။

 မတ်လအတွင်း ရန်ကုန်ရောက်တော့ ဆရာကြီးနဲ့ ၂ ကြိမ်တွေ့ပါတယ်။ နောက်ဆုံးတခေါက်က မတ်လ ၁၂ ရက် East West Center International Media Conference ပိတ်ပွဲ Traders Hotel ညစာစားပွဲမှာပါ။
သူနေမကောင်းဘဲ မောနေလို့ သူ့မိန့်ခွန်းကို ဆရာဖေမြင့်က ဖတ်ပေးခဲ့ရပါတယ်။
ဒါပေမဲ့ "စစ်အာဏာရှင်တွေကြီးစိုးနေသေးတဲ့ မြန်မာပြည်ကို ဒီမိုကရေစီ လမ်းကြောင်းပေါ်ရောက်နေပြီလို့ သူမမြင်သေးကြောင်း" မာန်အပြည့်နဲ့ ပြောဖြစ်အောင်ပြောသွားခဲ့ပါသေးတယ်။
မြန်မာပြည်ကို အပြောင်းအလဲလမ်းကြောင်းပေါ် ရောက်နေပါပြီလို့ အမွှန်းတင်လွန်နေတဲ့သူတွေကို သတိပေးလိုတဲ့ပုံရှိပါတယ်။

ကျနော်တို့ကိုတွေ့ရင် အမြဲပြုံးနေတဲ့ ဆရာကြီးကိုမြင်တိုင်း သူ့မှာထူးခြားတဲ့ ကိုယ်ရောင်တွေတောက်ပနေတယ်လို့ ကျနော် ခံစားခဲ့ရပါတယ်။
ဆရာကြီး ငြိမ်းအေးရာဘ၀မှာအနားရပါစေ။  

  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~     
  ~ 
နန်းဖောဂေ
အယ်ဒီတာချုပ်၊ KIC ကရင်သတင်းစဉ်  

ကျမ အတွက်ကတော့ အဘဦးဝင်းတင်ဟာ အင်မတန်ရှားပါးတဲ့ သူရဲကောင်းတစ်ဦးပါ။
ဘက်မလိုက်တဲ့ မီဒီယာအားဖြင့်ဖြစ်စေ၊ အမှန်ကို ပြောရဲတဲ့ နိုင်ငံရေးသမားတစ်ဦး အနေနဲ့ဖြစ်စေ ပြည်သူလူထုအားလုံးက သူ့စိတ်ဓာတ်နဲ့ သူ့လုပ်ရပ်၊ သူ့ပြောစကား တွေကို အတုယူကြစေချင်တယ်။
အထူးသဖြင့် တက်သစ်စ မီဒီယာသမားတွေနဲ့ ကျမတို့လို နုနယ်သေးတဲ့ အယ်ဒီတာတွေလည်း ဦးဝင်းတင်ကို သင်ခန်းစာယူ ကျင့်ကြံသင့်ပါတယ်။
 ဦးဝင်းတင် အခုလို ကွယ်လွန် သွားခြင်းဟာ ဗမာပြည်ရဲ့ မီဒီယာလောက၊ နိုင်ငံရေးလောကအတွက် မဟာဆုံးရှုံးမှုကြီးတစ်ခုလို့ ပြောချင်ပါတယ်။  

  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~     
  ~ 
 အောင်ဇော်
အယ်ဒီတာချုပ်၊ ဧရာဝတီ သတင်းဌာန

ဆရာကြီးဟာ ပြည်သူတွေ ဘက်က ရပ်တည်ပြောခဲ့တဲ့ တကယ်ကို ရဲရဲဝံ့ဝံ့ ဘက်လိုက်ရဲတဲ့ သတင်းစာဆရာ၊ နိုင်ငံရေးအရ တက်ကြွလှုပ်ရှားသူ၊ နိုင်ငံရေးသမားဆိုရင်တောင် တကယ့် သူတော်စင် နိုင်ငံရေးသမား လို့ ကျနော်ထင်တယ်။
ဒါပေမယ့် ကျနော့်အမြင်ကတော့ သူဟာ သူရဲကောင်း တဦးပဲဖြစ်ပါတယ်။
 သူ့ရဲ့ အမြင်တွေ၊ သူ့ရဲ့ အတွေးအခေါ်တွေ၊ သူ့ရဲ့ အသံတွေကို ကြောက်ရွံ့တဲ့သူတွေကို ကျနော်တို့ သိပါတယ်။
အဲဒီသူတွေဟာ သူရဲဘောကြောင်တဲ့ သူတွေပါ။

 ဒီလိုသိုးယောင်ဆောင်တဲ့ မြေခွေးတွေပေါတဲ့ ဒီနေ့ ဒီအချိန် ဒီကာလမှာ ဆရာကြီးရဲ့ ရပ်တည်မှု၊ ဆရာကြီးရဲ့ တန်ဘိုး၊ ပေးဆပ်မှုတွေကို ကျနော်လေးစားတယ်။
ဆရာ့ကို သိခွင့်၊ ကြုံခွင့်၊ လေးစားခွင့်ရတဲ့ အတွက်ကြောင့် ကျနော် ကျေနပ်ပါတယ်။ သူ့ကို အကြီးမားဆုံး ဂုဏ်ပြုသင့်တယ်လို့ ကျနော်ထင်ပါတယ်။  
  ~ 
  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~  ~ ~       

• ဧရာဝတီ Facebook / ဧရာဝတီ Twitter

.