ရခိုင်ပြည်နယ် တောင်ကုတ်မြို့နယ်ထဲက ဖွံ့ဖြိုးမှု မရှိသေးတဲ့ ပဒါရွာသစ်၊ ဓာတ်ပုံ- ဧရာဝတီ
ရခိုင်ပြည်နယ်ထဲက တောင်ကုတ်၊ သံတွဲ၊ စစ်တွေ၊ ရမ်းဗြဲ၊ ကျောက်ဖြူ၊ စတဲ့မြို့နယ်တွေက နိုင်ငံခြား ထွက်တဲ့ ဦးရေ အများဆုံးဖြစ်တယ်လို့ ဒေသခံတွေ ပြောကြားချက်အရ သိရပါတယ်။
အဲဒီမြို့တွေမှာ နေထိုင်ကြတဲ့ ဒေသခံတွေက များသောအားဖြင့် လယ်ယာ၊ စိုက်ပျိုး မွေးမြူရေး လုပ်ငန်းနဲ့ အသက် မွေးဝမ်း ပြုကြတာ များပါတယ်။
“ ရွာမှာက မိုးရာသီဆို လယ်ထွန်ကောက်စိုက် နွေရာသီဆိုရင်တော့ လွှတိုက်၊ သစ်ဆွဲ ဒီအလုပ်ဘဲ ရှိတော့ ခုခေတ် လူငယ်တွေက ဘယ်လုပ်ချင်ပါ့မလဲ။ မြို့တက်ပြီး အလုပ်ရှာကြတာပေါ့၊ တချို့ကလည်း လယ်တွေ
ရောင်း၊ ခြံတွေ ရောင်း နိုင်ငံခြားထွက်ကြ ဆိုတော့ ရွာမှာ လူငယ်တွေ အတော်ရှားသွားပြီ ” လို့
တောင်ကုတ်မြို့ နေ တောင်သူ ဒေသခံတစ်ဦးက ဆိုပါတယ်။
များသောအားဖြင့် ရခိုင်ပြည်နယ်က ဆယ်ကျော်သက်လူငယ်တွေက ရန်ကုန်၊ မန္တလေး၊ ဖားကန့်၊ စတဲ့ မြို့ကြီးတွေမှာ သွားရောက်အလုပ်လုပ်ကိုင်နေကြသလို အိမ်နီးချင်းနိုင်ငံတွေ ဖြစ်တဲ့ ထိုင်း၊ မလေးရှား၊ စင်ကာပူ စတဲ့ ပြည်ပနိုင်ငံ တွေအထိ သွားရောက်လုပ်ကိုင်နေကြတာပါ။
“ သမီးတို့မြို့မှာက မိန်းကလေးတွေအတွက် ဈေးရောင်း အလုပ်လောက်ဘဲ ရှိတာ။ ရတဲ့ လစာကလည်း တလကို ကျပ်ငွေ ၃၀၀၀၀ တဲ့။ ဘယ်လိုသွားစားရမလဲ။ ရန်ကုန်တက် အလုပ် လုပ်ပြန်တော့ ရတဲ့လခက အခန်းခ နဲ့ လမ်းစာ ရိတ် ဖိုးဘဲ ရှိတယ်။ တပြားမှ မကျန်ဘူး။ ထိုင်းမှာက ဘတ် ၉၀၀၀ မြန်မာငွေနဲ့ဆိုရင် တလကို ၃ သိန်းနီးနီး ရတယ်။ သမီး မြို့ကို ပြန်တာ ၁ လ ပဲ နေနိုင်တယ်။ အလုပ်မရှိတော့ မနေနိုင်ဘူး ” ဟု ထိုင်းနိုင်ငံ ချင်းမိုင်မြို့မှာ အိမ်အကူ လုပ်နေတဲ့ ရခိုင်ပြည်နယ် တောင်ကုတ်မြို့သူ တစ်ယောက်က ရင်ဖွင့်ပါတယ်။
ငြိမ်းဇော် ~
0 comments :
Post a Comment