ဧည့်သည် ဒူးထောက်ကြိုခိုင်းတဲ့ဟိုတယ်ကို ဝန်ကြီးဌာန ခေါ်ယူသတိပေး

Friday, July 25, 2014

 ~




ဟိုတယ်ခရီး ဝန်ကြီးဌာနက တည်းခိုခန်း/ဟိုတယ်လုပ်ငန်းရှင်တွေကို ညွှန်ကြားချက်တခု ထုတ်လိုက်ပါတယ်။
လိုတာထက်ပိုကဲတဲ့ မသင့်လျော်တဲ့ ဝန်ဆောင်မှုတွေ မပေးကြဖို့ပါပဲ။

ဒီညွှန်ကြားချက်ဟာ မကြာသေးခင် အွန်လိုင်းမှာ လူပြောများခဲ့တဲ့ ပုံတပုံကြောင့် ဖြစ်ပါလိမ့်မယ်။

ရန်ကုန်က ဈေးကြီးကြီးဟိုတယ်ခုရဲ့ဧည့်ကြိုခန်းမမှာ ဝန်ထမ်းတွေက ဧည့်သည်ကို ဒူးထောက်ကြိုဆိုကြတဲ့ပုံကို အဲဒီမှာ တွေ့ရပါတယ်။
တန်းစီပြီးဒူးထောက်ရတဲ့ဝန်ထမ်း ၄ ယောက်ခန့် ရှိပါတယ်။

ဧည့်သည်ကို ရှင်ဘုရင်စိတ် ဝင်သွားအောင် လုပ်တဲ့ ဝန်ဆောင်မှု ဖြစ်ကောင်း ဖြစ်ပါလိမ့်မယ်။
အွန်လိုင်းမှာတော့ ဒီဝန်ဆောင်မှုက ကောင်းကောင်း အဆဲခံနေရပါပြီ။

ဟိုတယ်ခရီးဝန်ကြီးဌာနက ညွှန်ကြားချက် ထုတ်ရုံတင်မက သက်ဆိုင်ရာဟိုတယ်ကိုလည်း ခေါ်ယူ သတိပေးထားကြောင်း ဒီကနေ့ရက်စွဲနဲ့ ဝန်ကြီးဌာနအွန်လိုင်းမှာ သတင်းထုတ်ပြန်ပါတယ်။

အွန်လိုင်းမှာတွေ့ရတဲ့သတင်း

ထုတ်ပြန်ချက် နဲ့ ညွှန်ကြားချက်တို့ကို ကူးယူ ဖော်ပြလိုက်ပါတယ်။

လူမှုကွန်ယက်များတွင်ပျံ့နှံ့လျက်ရှိသော Vintage Luxury Yacht Hotel ၏ ၀န်ဆောင်မှုနှင့် ပတ်သက်၍ ဟိုတယ်နှင့်ခရီးသွားလာရေးလုပ်ငန်းဝန်ကြီးဌာနက အဆိုပါဟိုတယ် တာဝန်ရှိသူများအား ခေါ်ယူ၍ ပြင်းထန်စွာသတိပေး


 
၂၅ ဇူလိုင်၊ နေပြည်တော်


ရန်ကုန်တိုင်းဒေသကြီး၊ ဗိုလ်တစ်ထောင်မြို့နယ် အမှတ်(၆)၊ ဗိုလ်တစ်ထောင်ဆိပ်ကမ်းတွင် Vintage Luxury Yacht  Hotel အမည်ရှိ ရေပေါ်ဟိုတယ်သည် မြန်မာနိုင်ငံသားပိုင် လှလှပပ လီမိတက်က ရင်းနှီးမြှုပ်နှံ ဆောင်ရွက်သော ဟိုတယ်ဖြစ်ပြီး ဟိုတယ် အိပ်ခန်းပေါင်း (၁၀၄)ခန်းပါရှိပါသည်။

အဆိုပါရေပေါ်ဟိုတယ်သည် ဟိုတယ်ဝန်ဆောင်မှုအနေနှင့် ဧည့်ကြိုကောင်တာတွင် ဧည့်သည်ကို ဟိုတယ်ဝန်ထမ်းများက ဒူးထောက်အရိုအသေပေး၍ ကြိုဆိုနေသည့်ပုံဖြင့် Online Travel Agent ကြော်ငြာမှု အဖြစ် www.agoda.com websiteတွင် လွှင့်တင်ထားရှိရာ ယင်းဓာတ်ပုံသည် အခြားလူမှုကွန်ယက် စာမျက်နှာ များတွင် ပျံ့နှံ့သွားပြီး သဘောထားမှတ်ချက် အမျိုးမျိုးပေးထားသည်ကို တွေ့ရှိရပါသည်။

ထို့ကြောင့် ဟိုတယ်နှင့်ခရီးသွားလာရေးလုပ်ငန်း ၀န်ကြီးဌာနမှ ဒုတိယညွှန်ကြားရေးမှူးချုပ်နှင့် ညွှန်ကြားရေးမှူးများပါဝင်သော အဖွဲ့သည် ၂၄-၇-၂၀၁၄ ရက်နေ့က အဆိုပါ Vintage Luxury Yacht ရေပေါ် ဟိုတယ်သို့ သွားရောက်ပြီးလှလှပပလီမိတက်၏ ဒါရိုက်တာအဖွဲ့ဝင်ဦးမြင့်လွင်၊ Operation Directorဦးပြည့်ဖြိုးဦး၊ ကြီးကြပ်ရေးမှူးများနှင့် ၀န်ထမ်းများကိုတွေ့ဆုံ၍ စိစစ်မေးမြန်းခဲ့ပါသည်။

စိစစ်ချက်များအရ အဆိုပါဟိုတယ်၏ ယခင်က အထွေထွေမန်နေဂျာအဖြစ် တာဝန်ထမ်းဆောင်ခဲ့သည် အီတလီနိုင်ငံသား Mr. Aless မှ အခြားဟိုတယ် များထက် တမူထူးကဲသော ၁၉၂၀ခုနှစ် ၀န်းကျင်ခန့်က ဥရောပတိုင်းပြည်များ၌ ဘုရင်နှင့် မိဖုရားကို ဒူးထောက် အရိုအသေပေးခဲ့သော ၀န်ဆောင်မှု (King and Queen Service)ကို ဟိုတယ်လာ ဧည့်သည်များအား ပေးရန် ရည်ရွယ်၍ ၀န်ထမ်းများကို သင်တန်းပေး လေ့ကျင့်ပေးခဲ့ကြောင်း၊ သင်္ဘောမှာလည်း လွန်ခဲ့သော နှစ်၁၀၀ခန့်က ခရီးသွားသင်္ဘောတစ်စင်း အပြင်အဆင်၊မွမ်းမံမှုနှင့် အသုံးအဆောင်များ ဖန်တီးထားကြောင်းနှင့် ယခုဓာတ်ပုံသည် လည်း ဧည့်သည်များ စိတ်ဝင် စားအောင် Advertisement လုပ်ခြင်းဖြစ်ကြောင်း၊ အမှန်တကယ် လက်တွေ့၌ ဤသို့ဆောင်ရွက်မှုမပေးပဲ ဒူးကွေးညွတ်ရုံသာ အရိုအသေပေးကြောင်းတင်ပြပြီး ဤ၀န်ဆောင်မှုကိုပေးရန် သင်တန်းပေးအစပျိုးခဲ့သော အထွေထွေမန်နေဂျာ Mr. Aless မှာလည်း အလုပ်မှနှုတ်ထွက်သွားပြီဖြစ်ကြောင်း စိစစ်တွေ့ရှိရပါသည်။

ဌာနအနေနှင့် ဤကဲ့သို့သော ၀န်ဆောင်မှုများပေးခြင်းသည် သာမန်ထက်လွန်ကဲသော အပြုအမူမျိုးဖြစ် ခြင်း၊ ၁၉၂၀ခုနှစ် ၀န်းကျင်ခန့်က ဥရောပတိုင်းပြည်များ၌ ဘုရင်နှင့်မိဖုရားကို ဒူးထောက် အရိုအသေပေးခဲ့သော ၀န်ဆောင်မှု (King and Queen Service) သည် ဟိုတယ်လုပ်ငန်းမှ ဧည့်သည်များကို ပေးဆောင်ရမည့် ၀န်ဆောင်မှုမျိုး၌ မပါရှိခြင်း၊ မြန်မာ့ရိုးရာယဉ်ကျေးမှု ထုံးတမ်းအစဉ်အလာအရ အနန္တောအနန္တဂိုဏ်းဝင်များကိုသာ  အရိုအသေ၊အလေးအမြတ်ပေးသော  အမူအယာမျိုးဖြစ်၍ ထုံးတမ်းအစဉ်အလာ၊  ယဉ်ကျေးမှုထက်  ပိုမိုလွန်ကဲပြီး တစ်ပါးသူများမှအထင်အမြင်လွဲမှားမှုများ ပေါ်ပေါက်လာခြင်းနှင့် ၀န်ထမ်းများအနေဖြင့်လည်း ဤသို့ပုံမှန် ၀န်ဆောင်မှုထက် ခက်ခဲစွာဝန်ဆောင်မှုပေးရ၍ အဆင်မပြေဖြစ်ခြင်းတို့ကြောင့် ဤသို့သောဝန်ဆောင် မှုပေးခြင်း ကိုရပ်ဆိုင်းရန် သတိပေးခဲ့ပြီး၊ ၄င်းဝန်ဆောင်မှုမျိုး ထပ်မံဆောင်ရွက်ကြောင်း စိစစ်တွေ့ရှိရပါက လိုအပ်သလို အရေးယူ ဆောင်ရွက်သွားမည်ဖြစ်ကြောင်း သတိပေးခဲ့ပါသည်။

၎င်းအပြင် ၂၅-၇-၂၀၁၄ ရက်နေ့က လှလှပပလီမိတက်၏ ဒါရိုက်တာအဖွဲ့ဝင် ဦးမြင့်လွင်နှင့် Operation Director ဦးပြည့်ဖြိုးဦးတို့ကို  နေပြည်တော်၊ ဟိုတယ်နှင့်ခရီးသွားလာရေးလုပ်ငန်းဝန်ကြီးဌာနသို့ ခေါ်ယူ၍ ဒုတိယ၀န်ကြီး ဒေါက်တာစိုင်းကျော်အုန်းနှင့် ညွှန်ကြားရေးမှူးချုပ်များက တွေ့ဆုံ၍ ဤကဲ့သို့ ပုံမှန် ဟိုတယ် ၀န်ဆောင်မှုများထက် လွန်ကဲပြီး မိရိုးဖလာ ရိုးရာယဉ်ကျေးမှုနှင့် ဆန့်ကျင်သော အပြုအမူများကို လုံးဝရပ်တန့်ရန် နှင့် ယခုလွှင့်တင်ထားသော ဓာတ်ပုံကိုလည်း ချက်ချင်းဖျက်သိမ်း ရန် ပြင်းထန် စွာသတိပေးခဲ့ပါသည်။

Vintage Luxury Yacht Hotel ဒါရိုက်တာအဖွဲ့ဝင်များက လွှင့်တင်ထားသောဓာတ်ပုံကို ဖျက်သိမ်းပြီးဖြစ် ပါကြောင်းနှင့် ဤသို့သောဝန်ဆောင်မှုများကို ပြုလုပ်ခြင်း မပြုပါကြောင်း ၀န်ခံကတိပြုပါသည်။

မြန်မာနိုင်ငံတွင် ယနေ့အထိ ဟိုတယ်ပေါင်း (၁၀၃၆)လုံးနှင့် အခန်းပေါင်း (၃၉၉၈၄)ခန်း ရှိကာ ရေပေါ် ဟိုတယ်အနေနှင့် ဤဟိုတယ်တစ်လုံးသာရှိပါသည်။ ၀န်ကြီးဌာနသည် ဟိုတယ်များအနေနှင့် သာမန်ထက် ပိုမိုထူးကဲပြီး မိရိုးဖလာ ရိုးရာယဉ်ကျေးမှုနှင့် ဆန့်ကျင်သော၊ အများက ထင်ယောင်ထင်မှား၊ သံသယဖြစ်ဖွယ် အပြုအမူမျိုးကို ပြုလုပ်ခြင်းမပြုရန် သတိပေးထားရှိသည့်နည်းတူ ဟိုတယ်လုပ်ငန်းအပြင် ခရီးသွားလာရေး လုပ်ငန်းများကိုလည်း ဤကဲ့သို့ ဧည့်သည်ကို ထူးကဲစွာကြိုဆိုမှုများ မပြုလုပ်ရန်လည်း သတိပေးထားရှိပါသည်။




 



.

9 comments :

  1. Anonymous said... :

    ဟိုတယ်ခရီး ဝန်ကြီးက ဂျပန်က အရက်ဆိုင်မရောက်ဖူးဘူးနဲ့တူပါတယ်၊
    ဂျပန်က အရက်ဆိုင်အချို့မှာက အော်ဒါကိုဒူးထောက်ပြီးကောက်တာလေ၊
    ဝန်ထမ်းမလောက်၊ မလာနိုင်တဲ့အချိန်မျိုးမှာ ပိုင်ရှင်ကိုယ်တိုင်တောင် အော်ဒါဝင်ကောက်ပါတယ်
    အေးပေါ့လေ ဘုရင်ကိုပဲ ဒူးထောက်ခဲ့ကြတာဆိုတော့

  1. Anonymous said... :

    မပြောတော့ပါဘူး
    ဂျပန်ယဉ်ကျေးမှုကိုလဲ
    သေသေချာချာကြည့်ဦး
    အိမ်ကိုလာတဲ့ဧည့်သည်တောင်
    ဒူးထောက်ဝပ်ပြီးကြိုဆိုတာ
    သုတို့ယဉ်ကျေးမှု

  1. Anonymous said... :

    " ဟိုတယ်ခရီး ဝန်ကြီးက ဂျပန်က အရက်ဆိုင်မရောက်ဖူးဘူးနဲ့တူပါတယ်၊
    ဂျပန်က အရက်ဆိုင်အချို့မှာက အော်ဒါကိုဒူးထောက်ပြီးကောက်တာလေ၊
    ဝန်ထမ်းမလောက်၊ မလာနိုင်တဲ့အချိန်မျိုးမှာ ပိုင်ရှင်ကိုယ်တိုင်တောင် အော်ဒါဝင်ကောက်ပါတယ်
    အေးပေါ့လေ ဘုရင်ကိုပဲ ဒူးထောက်ခဲ့ကြတာဆိုတော့ " အဲဒီရေးတဲ့လူက အကုန်လုံးကိုလိုက်ဒူးထောက်ပုံပေါ်တယ်။ " အေးပေါ့လေ ဘုရင်ကိုပဲ ဒူးထောက်ခဲ့ကြတာဆိုတော့ " ဆိုပဲ သောက်ရှက်မရှိ :D

  1. Anonymous said... :

    ဥရောပ ရှင်ဘုရင်ခေတ်က ဒူးထောက်ရုံတင်မဟုတ်ဘူး မော့ပါမကြည့်ရဘူးလေ။ လက်နှစ်ဘက်ကို အောက်ချ၊ မျက်နှာကို မြေကြီးနဲ့ မျက်နှာချင်းဆိုင်နေရတယ်။ တကယ်တော့ ထိုင်းကလို နန်းတွင်း theme နဲ့ လုပ်မယ်ဆိုရင်လည်း အ၀တ်အစားတွေကို သပ်သပ်ချုပ်ပေး၇မယ်.. အဲလိုတော့ မလုပ်သင့်ဘူး။ ဒူးညွှတ်ကွေး အရင်ခေတ်က အရိုအသေးပေးသလိုဆိုရင်လည်း ဂါဝန်ပွပွကြီးတွေ ၀တ်ပေးရမှာ.. လိမ်တာလားတောင် ထင်ရတယ်။

  1. Anonymous said... :

    ဟ ဂျပန်အရက်ဆိုင်က အနိမ့်မှာထိုင်သောက်ရတာကိုး။ ၀န်ထမ်းတွေက ဒူးမထောက်လို့  မတ်တပ်ရပ်ယူရင် ဧည့်သည်က မော့ကြည့်နေရမှာပေါ့။ (ဘုရင်ကိုပဲ ဒူးထောက်ခဲ့ကြတာဆိုတော့) လို့  ရေးတဲ့လူက မာနမရှိဘူးထင်တယ်။ အံ့ပါ့

  1. သခင်တာတေ said... :

    မြန်မာလူမျိုးတွေဖြစ်ပြီး နိုင်ငံခြားသားကိုထူးထောက်ကြိုမှာကို ထောက်ခံသလိုလိုပြောနေတဲ့ မြန်မာတွေရှိသေးတာကိုး။ အေးလေ လူဆိုသူ့သဘာဝနဲ့သူပဲ ကျွှန်စိတ်ဝင်တဲ့လူက ကျွှန်လိုပဲသဘောကျတယ်။ သခင်စိတ်ဝင်တဲ့လူက သခင်လိုပဲသဘောကျတယ်။

  1. Anonymous said... :
    This comment has been removed by a blog administrator.
  1. Anonymous said... :

    ဟ ဒါမြန်မာပြည်ကွ
    ဂျပန်ပြည်မဟုတ်ဘူး

    ပြီးတော့ ဂျပန်အရက်ဆိုင်လည်းမဟုတ်ဘူး

  1. Anonymous said... :

    မလိုအပ်ပါဘူးကွယ် ..... အဲဒီလောက်ကြီး ... Customer က ကိုယ့်ကိုယ်ကိုယ် ရှင်ဘုရင်လို့ ထင်စရာ အကြောင်းကို မရှိတာ ... ဒေါ်လာ ဘယ်နှစ်ဘီလျံ တောင် ပေးပြီး တည်းခိုတာ မို့လို့လဲ .... နှစ်ပြားတစ်ချပ်အတွက် ဒီဝန်ဆောင်မှုမျိုး မလိုပေါင် ... ထိုက်တန်တဲ့ ချိုသာမှု ဝန်ဆောင်မှု ရတော်ပြီပေါ့ ...

Post a Comment

 
Copyright © 2014 Irrawaddy Publishing Group. All Rights Reserved