အင်္ဂါမနက်ပိုင်းက တွေ့ရတဲ့ ဓမ္မစေတီ ခေါင်းလောင်းကြီး ဆယ်ယူမှု လုပ်ငန်းခွင် မြင်ကွင်းတချို့ကို ဖော်ပြပေးလိုက်ပါတယ်။
![](http://4.bp.blogspot.com/-D66mRPUXY2E/U-n5w-0qP0I/AAAAAAAAzDs/xzyQwW4mT90/s1600/10593175_820811504629670_457814326499560908_n.jpg)
(ဓာတ်ပုံများ – သော်ဟိန်းထက် / ဧရာဝတီ)
ဧရာဝတီမြန်မာပိုင်း ပင်မ စာမျက်နှာမှာ ဖော်ပြခဲ့တဲ့ ခေါင်းလောင်း ဆယ်ယူမှုအကြောင်း သတင်း
ရေစီးကြမ်းမှုကြောင့် ဓမ္မစေတီ ခေါင်းလောင်း ဆယ်ယူမှု အခက်ကြုံ
- ထက်နိုင်ဇော် ရေးသားသည်
ရန်ကုန်မြစ်ဝတွင် လွန်ခဲ့သော နှစ်ပေါင်း ၄၀၀ ကျော်က နစ်မြုပ်ခဲ့သော ဓမ္မစေတီခေါင်းလောင်းကြီးကို ရန်ကုန်တိုင်း ဒေသကြီး အစိုးရအဖွဲ့၏ ခွင့်ပြုချက်ဖြင့် ပုဂ္ဂလိက ရှာဖွေသူ ဦးစံလင်းနှင့်အဖွဲ့က ဆယ်ယူနိုင်ရေး သြဂုတ်လ ၉ ရက်နေ့မှ စတင်ဆောင်ရွက်ခဲ့ရာ လတ်တလော ရေစီးကြမ်းမှုကြောင့် ခေါင်းလောင်းဆယ်ယူမှု အခက်ကြုံနေကြောင်း သိရှိရသည်။
![](http://2.bp.blogspot.com/-AV7iqnSsNpw/U-n5wKtzoeI/AAAAAAAAzDg/fkB_hH3TOpM/s1600/10577010_820821054628715_2275525598257611777_n.jpg)
ပဲခူးမြစ် ၊ ပုဇွန်တောင်ချောင်းနှင့် ရန်ကုန်မြစ် စသည့် မြစ်နှင့်ချောင်း ၃ ခုဆုံရာ ရန်ကုန်မြစ်ဝတွင် အမှတ်အသားပြုလုပ်ပြီး ဒီရေတက်ချိန်တိုင်း ဆလုံလူမျိုး ရေငုပ်သမား ၁၀ ဦးနှင့် သြဂုတ်လ ၉ ရက်နေ့ မှစတင်၍ ခေါင်းလောင်းကြီးကို ရေငုပ် ရှာဖွေ လျက်ရှိရာ သြဂုတ်လ ၁၂ ရက်နေ့အထိ ခေါင်းလောင်းကြီး မတွေ့ရှိသေးသည့်အပြင် ရေစီး အလွန်ကြမ်း နေသဖြင့် ဆယ်ယူရေး လုပ်ငန်းများ အခက်အခဲများရှိနေကြောင်း ၊ တနေ့လျှင် အနည်းဆုံး ၂ ကြိမ်ခန့် ရေငုပ် ရှာဖွေမှုများ ဆောင် ရွက်လျက် ရှိသော်လည်း သြဂုတ်လ ၁၂ ရက်နေ့တွင် ၁ ကြိမ်သာ ရေငုပ်နိုင်ခဲ့ကြောင်း ခေါင်းလောင်း ဆယ်ယူရေး အဖွဲ့ ခေါင်းဆောင် ဦးဝင်းမြင့်က ဧရာဝတီသို့ ပြောသည်။
![](http://3.bp.blogspot.com/-7uc6JbsUIdU/U-n5wLyuXDI/AAAAAAAAzDc/loHI_o-95J0/s1600/10559673_820811497963004_565103575048234736_n.jpg)
“တနေ့တကြိမ်ပဲ ငုပ်နိုင်တယ်။ ရေစီးက တအားကြမ်းနေတယ်။ ဒီနေ့ ထပ်မငုပ်တော့ဘူး။ မနက်ဖြန်လည်း ရေချိန်ကြည့်ပြီး ငုပ်ရမှာ။ ဘာပဲပြောပြော ဒီခေါင်းလောင်းကြီးကို တူးနေရတာကို ကုသိုလ်ရပါတယ်။ ဘယ်လို အခက်အခဲတွေပဲ ရှိရှိ အမျိုး ဘာသာ သာသနာ အတွက် ဆက်လုပ်သွားမှာပါ ” ဟု ဦးဝင်းမြင့်က ပြောသည်။
![](http://1.bp.blogspot.com/-mSYkNSrloR0/U-n5v7ehr2I/AAAAAAAAzDY/gY4bMMdrzcc/s1600/10409398_820811517963002_180917256600581041_n.jpg)
ဓမ္မစေတီခေါင်းလောင်းကြီး စတင်ဆယ်ယူရာတွင် ရေအောက်တွင် သင်္ဘောပျက်တစီး တွေ့ရှိခဲ့ပြီး ယင်းသင်္ဘောပေါ်မှ နှုန်းများကို ဖယ်ရှားနေကြောင်း၊ လတ်တလောတွင် ရေအောက်အခြေအနေများကို အသေးစိတ် မပြောပြနိုင်သေးကြောင်း၊ လက်ရှိ ခေါင်းလောင်းတူးဖော်ရေး လုပ်ငန်းကို လူ ၇၀ ခန့်ဖြင့် လုပ်ဆောင်လျက် ရှိကြောင်း ဦးဝင်းမြင့်က ဆိုသည်။
ဓမ္မစေတီ ခေါင်းလောင်းကြီး တူးဖော်ရေး လုပ်ငန်းများကို ဆောင်ရွက်ရာတွင် ရန်ကုန်မြစ်ဝတွင် သဘောင်္ကြီးတစီး ၊ ဗညားလတ် အမည်ရှိ သုံးထပ် သဘောင်္တစီး ကျောက်ချ ရပ်နား၍ ဆယ်ယူရေးလုပ်ဆောင်လျက်ရှိကြောင်း၊ သဘောင်္ ပေါ်တွင် မြေတူးစက်များ ၊ ပိုက်လုံးများ နှင့် စက်ကိရိယာများအပြင် သာသနာ့အလံ ၊ ငှက်ပျောပွဲ ၊ အုန်းပွဲ တို့ဖြင့် ကန်တော့ပွဲများပေး၍ အစီအရင်များထားရှိထားကြောင်း၊ သင်္ဘောပေါ်သို့ လူစိမ်း လုံးဝ အတက်မခံကြောင်း သိရှိရသည်။
![](http://2.bp.blogspot.com/-TLpAIRUnxv4/U-n5xrR_aVI/AAAAAAAAzD8/dUF0GkMpacw/s1600/1521244_820811577962996_6827315972002393295_n.jpg)
ဓမ္မစေတီခေါင်းလောင်း ဆယ်ယူသူ ဦးစံလင်းသည် ၁၉၉၇ ခုနှစ်မှ စတင်၍ ၇ ကြိမ်ခန့်အထိ ယင်းခေါင်းလောင်းကြီး ရရှိရေး ကြိုးပမ်း ဆယ်ယူခဲ့ပြီး အောင်မြင်မှုမရရှိခဲ့ကြောင်း၊ ၁၉၉၈ ခုနှစ် သြဂုတ်လ ၁၁ ရက်နေ့က ခေါင်းလောင်းကြီးကို ရေအောက်တွင် တွေ့ရှိခဲ့ရသော်လည်း မဆယ်ယူနိုင်ခဲ့ကြောင်း၊ ဓမ္မစေတီ ခေါင်းလောင်းကြီး တူးဖော်မည့် ကုန်ကျစရိတ်မှာ တရက်လျှင် ကျပ် သိန်း ၆၀ ခန့်ဖြင့် ၄၅ ရက် အထိ လုပ်ကိုင်သွားမည် ဖြစ်ကြောင်း ၊ ခေါင်းလောင်းကြီး တူးဖော်ရာတွင် ကုန်ကျစရိတ် မြန်မာ ကျပ်ငွေ သိန်း ၂၀၀၀ ခန့် အထိ ကုန်ကျမည်ဟု ခန့်မှန်းထားပြီး ကုန်ကျစရိတ်သည် ၇ ရက် သား သမီးများ၏ လှူဒါန်းမှုဖြစ်ကြောင်း၊ ခေါင်းလောင်းကြီးဆယ်ယူရာတွင် နဂါးအကူအညီဖြင့် ဆယ်ယူ မည် ဖြစ် ကြောင်း ဦးစံလင်းက ဇူလိုင်လ ၂၅ ရက်နေ့ သတင်းစာရှင်းလင်းပွဲတွင် ပြောဆိုခဲ့သည်။
![](http://2.bp.blogspot.com/-x5o5FAEkyyQ/U-n5xFpyU1I/AAAAAAAAzD0/E11XbOv5uOI/s1600/10902_820811537963000_558865430822083409_n.jpg)
ခေါင်းလောင်းကြီး၏ အမည်သည် ၁၄၇၁ ခုနှစ်မှ ၁၄၉၂ ခုနှစ်အတွင်း ဟံသာဝတီ မွန်ဘုရင်နိုင်ငံကို အုပ်စိုးခဲ့သည့် ဓမ္မစေတီ မင်း ၏ အမည်ကို အစွဲပြုထားခြင်း ဖြစ်ပြီး ဓမ္မစေတီ မင်းက ရွှေတိဂုံစေတီတော်တွင် ထားရှိရန် သွန်းလုပ် လှူဒါန်း ခဲ့ခြင်း ဖြစ်ကြောင်း၊ ပေါ်တူကီကြေးစား စစ်သား ငဇင်ကာက အမြောက်သွန်းလုပ်ရန် ဓမ္မစေတီခေါင်းလောင်းကို သန်လျင်သို့ သယ်ယူစဉ် ရန်ကုန်မြစ်၊ ရေလယ်တွင် ဖောင်ပျက်၍ ခေါင်းလောင်းကြီး နစ်မြှုပ်သွားခဲ့ခြင်းဖြစ်ကြောင်း သိရှိရသည်။
.
မြန်မြန်ဆန်ဆန်တွေ့ရှိဆယ်ယူရရှိနိုင်ပါစေ။