.
၂၀၁၄ ခုနှစ်၊ ဖေဖော်ဝါရီလ ၁၄ ရက်နေ့က ပြည်သူ့ရင်ပြင်အတွင်းမှာ ကြီးကျယ်ခမ်းနားစွာနဲ့ မင်္ဂလာဧည့်ခံပွဲ ကျင်းပခဲ့ကြတဲ့ ကိုစစ်နိုင်နဲ့ သရုပ်ဆောင် သက်မွန်မြင့်တို့က ရင်သွေးလေးရရှိနေတာ သေချာသွားပြီလို့ ပြောပြတဲ့အတွက် ရင်သွေးနဲ့ ပတ်သက်ပြီး သက်မွန်မြင့်ကို မေးကြည့်ဖြစ်ခဲ့ပါတယ်။
- သက်မွန်မြင့်က ကိုစစ်နိုင်ရဲ့ ရင်သွေးကို လွယ်ထားရတာ ဘယ်နှလရှိနေပြီလဲ။
သုံးလရနေပါပြီ။
- သုံးလရှိနေပြီဆိုတော့ ကိုစစ်နိုင်နဲ့ သက်မွန်မြင့်တို့ ဘယ်လိုရင်ခုန် စိတ်လှုပ်ရှားနေကြလဲ။
စသိသိချင်းတုန်းကတော့ အရမ်းစိတ်လှုပ်ရှားတယ်။ ၀မ်းသာတယ်။ ပီတိဖြစ်တယ်။ ဆရာဝန်သွားပြတဲ့အချိန်မှာ ကလေးရဲ့နှလုံးခုန်နေတာလေးကို မြင်ရတဲ့၊ ကြားရတဲ့အချိန်မှာ ဘယ်လိုပြောရမှန်း မသိဘူး။ မျက်ရည်တွေ ၀ဲပြီးတက်လာတယ်။ ပီတိတခုပေါ့။ အဲဒီလိုတော့ ခံစားရတယ်။ စိတ်ကူးမယ်ဆိုရင် အရမ်းပျော်ဖို့ကောင်းတယ်။
- ရင်သွေးသုံးလရှိပြီဆိုတော့ သက်မွန်က နားနေရတာလား၊ ကားတွေဆက်ရိုက်ဖြစ်နေလား။
ကိုယ်က ပြန်ရိုက်မယ်ဆိုတော့ ဖျားသွားတာနဲ့ ဆက်နားလိုက်ရတယ်။ စဉ်းစားမိတာကတော့ ဘာပဲဖြစ်ဖြစ် ဒီအချိန်မှာ ရင်သွေးလေးက ကိုယ့်ဆီကနေ လူတယောက်ဖြစ်လာဖို့ လူ့လောကထဲကို ရောက်လာဖို့ ကိုယ့်ဆီကနေ ကြိုးစားနေတဲ့အချိန်မှာ ကိုယ့်မှာ တာဝန်တွေ အများကြီးရှိတယ်။ ကိုယ့်လက်ထဲမှာ အသက်တချောင်းဆိုတာ ရှိပါတယ်။
အဲဒါကို ခေါင်းထဲထည့်ပြီး အနုပညာသမား တယောက်အနေနဲ့ အလုပ်ပျက်သွားတယ်။ နားနေရတယ်ဆိုတဲ့အချိန်မှာ အလုပ်နဲ့ပတ်သက်ပြီး နှမြောတာတော့ ရှိတာပေါ့။
ဒါပေမယ့် ဒါကို ကိုယ်ကလည်း ခံစားလိုက်ရသလို၊ ပရိသတ်လည်း ဒီအခြေအနေအတွက် နားလည်ပေးနိုင်မယ်လို့ ထင်ပါတယ်။
တကား၊ နှစ်ကား ဆက်ရိုက်ပြီးရင်တော့ ခဏနားမယ်။ ဘာဖြစ်လို့လဲဆိုတော့ နေမကောင်း၊ ထိုင်မသာဖြစ်ရင် ကိုယ့်ရဲ့ လုပ်ဖော်ကိုင်ဖက်တွေလည်း ဒုက္ခရောက်တယ်။
အထဲက ကလေးလည်း ဒုက္ခရောက်တယ်။
ဘာပဲဖြစ်ဖြစ် ကျန်းမာရေးနဲ့ ကလေးအတွက် ဦးစားပေးတဲ့အနေနဲ့ နားဖို့စီစဉ်ထားပါတယ်။
- သက်မွန်က အခုနားတော့မလား၊ ဘယ်တော့ ဆက်ရိုက်မှာလဲ၊ ဒါမှမဟုတ် ဘယ်တော့လောက် နားမှာလဲ၊ လက်ခံထားတာတွေရော ဖျက်လိုက်ရတာလား။
လောလောဆယ်တော့ အခုရိုက်ရမယ့် တကားရယ်၊ နောက်ထပ်ရိုက်ရမယ့်တကား လက်ခံထားတာတော့ရှိတယ်။ ကျန်းမာရေး မကောင်းဘူးဆိုတော့ နားလိုက်မလားလို့ စိတ်ကူးထားတယ်။
စောစောကပြောသလို ကလေးက အရေးကြီးတဲ့အတွက် အားလုံးက နားလည်ပေးမယ်လို့ ယုံကြည်ပါတယ်။
- သက်မွန်က လောလောလတ်လတ် ကိုယ်ဝန်ရှိသွားလို့ ကားရိုက်ကျဲသွားတဲ့အပေါ် ပရိသတ်ကို ဘာလေးပြောချင်လဲ။
ကိုယ်ဝန်ကြောင့် ကားရိုက်ရမယ့်ဆိုတော့လည်း ပရိသတ်က နားလည်ပေးလိမ့်မယ်လို့ ထင်ပါတယ်။ ဘာဖြစ်လို့လဲဆိုတော့ ကျန်းမာရေးမကောင်းဘဲ ကိုယ်က ဇောနဲ့လုပ်နေမယ်ဆိုရင် အထဲက ကလေးက ခံစားရတယ်။ ကိုယ်ချောင်းဆိုးလိုက်ရင် အထဲက ကလေးက အရမ်းဒုက္ခရောက်တယ်။ အဲဒီလိုမျိုး ဖြစ်တဲ့အခါကျတော့ ကိုယ် ကျန်းမာနေမှရမယ်။
ဆရာဝန်က ပြောထားတယ်။ ကလေးအတွက် တနေ့ကို ၁၀ နာရီအိပ်ရမယ် တဲ့။ သရုပ်ဆောင် လုပ်ရတယ်ဆိုတာက အလုပ်ထဲမှာ စိတ်ရော၊ လူရော နှစ်ထားရတယ်။
အရမ်းပင်ပန်းတယ်ဆိုတော့ အနားယူချိန်က နည်းသွားတယ်ဆိုတော့ ကလေးအတွက် ထိခိုက်မယ်။ အဲဒါကြောင့် အနုပညာပေါ်မှာ လစ်ဟာသွားတာကို ပရိသတ်တွေ နားလည်ပေးမှာပါ။
လင်းနိုင်ဦး
အောက်တိုဘာ ၁၃ ရက်နေ့ထုတ် အလင်းတန်းဂျာနယ်မှာ ဖော်ပြထားတဲ့ သက်မွန်မြင့်ပြောပြတဲ့ သူ့ရဲ့ရင်သွေးအကြောင်း အင်တာဗျူးကို ကူးယူ ဖော်ပြပါတယ်။ ဓာတ်ပုံကိုတော့ သက်မွန်မြင့်ရဲ့ ဖေ့စ်ဘုတ်ကနေ ယူပါတယ်။
.
0 comments :
Post a Comment