 |
| ဓာတ်ပုံများ - ငြိမ်းဇော် / The Irrawaddy |
ထိုင်းနိုင်ငံ ချင်းမိုင်မြို့ရောက် မြန်မာပြည်ဖွား တိုင်းရင်းသူ၊ တိုင်းရင်းသားတွေရဲ့ရုိုးရာမပြတ် စုပေါင်း ရှင်ပြု၊ ရဟန်းခံ အလှူတော် မင်္ဂလာပွဲတော်ကို နှစ်စဉ် နှစ်တိုင်း သင်္ကြန်ကာလ နီးလာပြီဆိုရင် ပြုလုပ်ကျင်းပလေ့ရှိပါတယ်။ ဒီနှစ်မှာလည်း အစဉ်အလာမပြတ် ကျင်းပခဲ့ကြပါတယ်။
အခုကျင်းပတာဟာ ဝပ်ဆိုင်းမွန်းကျောင်းတိုက်ကို မြန်မာတွေ ပြန်ရပြီးတဲ့နောက် တတိယအကြိမ်မြောက် ကျင်းပနိုင်ခဲ့တာ ဖြစ်ပါတယ်။ ၂၀၁၅ ခုနှစ် ဧပြီလ ၄ ရက် နဲ့ ၅ ရက် နှစ်ရက်သာ ကျင်းပခဲ့တဲ့ ရှင်ပြု၊ ရဟန်းခံ မင်္ဂလာပွဲတော်မှာ ရဟန်းအပါး ၃၀၊ ရှင်သာမဏေ ၁၀ ပါး သာသနာ့ဘောင်ကို ဝင်ခဲ့ကြပါတယ်။
စုပေါင်း ရှင်ပြု၊ ရဟန်းခံ ဒီအလှူတော် မင်္ဂလာပွဲတော်ကို ဝပ်ဆိုင်းမွန်း ကျောင်းထိုင် ဆရာတော် ဘဒ္ဒန္တကောဏ္ဍညက ရဟန်းအပါး ၃၀ ကို သရဏဂုံတင်ပေးခဲ့တာပါ။
ဧပြီ ၄ ရက် ပွဲတော် ပထမနေ့မှာ ရှင်ပြုအခမ်းအနားကို ချင်းမိုင်မြို့ တွင်းတလျှောက် စီတန်းလှည့်လည် ပူဇော်ခဲ့ကြပါတယ်။ တတိယအကြိမ်မြောက် မြန်မာအလုပ်သမားတွေရဲ့ စုပေါင်းရှင်ပြု၊ ရဟန်းခံ ပွဲတော်ကို ထိုင်းလူမျိုးတွေအပါအဝင် မြန်မာတိုင်ရင်းသားပေါင်းစုံ စုစုပါင်း ဦးရေ ရာနဲ့ချီ တက်ရောက် ဆင်နွဲခဲ့ကြတာ ဖြစ်ပါတယ်။
ငြိမ်းဇော်
0 comments :
Post a Comment