ဇာဝမ်းဆက် ဒီဇိုင်းမျိုးစုံနဲ့ မြန်မာဆန်ကြည့်ရအောင်

Friday, September 25, 2015


ဓာတ်ပုံများ- ဟိန်းထက်/ The Irrawaddy
‘တောင်းမှာအကွပ်၊ လူမှာ အဝတ်’ ဆိုတဲ့ စကားအတ်ိုင်း အဝတ်အစားဟာ အရေးကြီးပါတယ်။ အဝတ်အစားဝတ်တဲ့ နေရာမှာ ဖက်ရှင်ကျဖို့ချည်းပဲ ဦးစားမပေးဘဲ ကိုယ်နဲ့ လိုက်ဖက်မှု ရှိမရှိ၊ သွားရမယ့်နေရာနဲ့ သင့်တော်ဖို့ပါ ထည့်သွင်း စဉ်းစားပေးရမှာပါ။ ဘုန်း   ကြီးကျောင်းကို ဘောင်းဘီတိုနဲ့ သွားလို့ မသင့်လျော်သလိုပေါ့။

ခုခေတ်မှာ နိုင်ငံခြားက တင်ပို့လာတဲ့  အဝတ်အ   ထည်ဆန်းတွေလည်း များပြားလာပြီမို့ သူ့ထက်ငါ    စိတ်ဝင်တစား ဝယ်ဝတ်ကြတာမဆန်းပါဘူး။ တချို့သော မြန်မာမိန်းကလေးတွေဆ်ိုရင် ဘောင်းဘီတို၊ စ  ကတ်တွေပဲ ထည်လဲဝတ်ပြီး ထဘီမဝတ်တတ်ဘူးလို့ ပြောရတာကို ဂုဏ်ယူစရာတခုလို့ ထင်လာကြပါ တယ်။

ဒါပေမယ့် ခေတ်ပေါ်အဝတ်အစားအဆန်းအပြားတွေထဲမှာမှ မြန်မာဝတ်စုံ ဒီဇိုင်းဆန်လေးတွေ ပြန်လည်ခေတ်စားလာပြီး တခုတ်တရ ဝတ်တဲ့သူတွေကိုလည်းတွေ့ရမှာ ဖြစ်ပါတယ်။ချည်သားဝမ်းဆက် ကလေးတွေ၊ တိုင်းရင်းသား ရိုးရာ ဒီဇိုင်းတွေနဲ့ မြန်မာဝတ်စုံဝတ် မိန်းကလေးငယ်တွေကို ရန်ကုန်မြို့ထဲမှာ ဥဒဟို သွားလာနေတာ မြင်ရမှာပါ။ တန်ဖိုးလည်း သင့်၊ မြင်ရသူ ရင်အေးစရာလည်း ဖြစ်တဲ့ မြန်မာဝတ်စုံတွေနဲ့အတူ ပွဲထိုင်သွားဖို့အဆင်ပြေတဲ့ မြန်မာဝတ်စုံ တွေကတော့ ဇာနဲ့ချုပ်ထားတဲ့ ဝမ်းဆက်ဝတ်စုံတွေ ဖြစ်ပါတယ်။

ဟိုအရင်တည်းက ဇာနဲ့ဆက်ပြီး ချုပ်ဝတ်ကြပေမယ့် အခုခေတ်မှာတော့ ဇာပွင့်ပုံစံမျိုးစုံ၊အရောင်မျိုးစုံကို လှပဆန်းပြားတဲ့ ဒီဇိုင်းလေးတွေနဲ့ မရိုးမယဉ်လေးတွေ ဝတ်ဆင်လာကြတာပါ။အလွန်ချစ်စရာကောင်းပြီး ကျက်သရေလည်း ရှိပါတယ်။

ဇာနဲ့ချုပ်ထားတဲ့ အင်္ကျီတွေက Sizeအနေနဲ့ Medium, Large, XLဆိုပြီး သုံးခုရရှိ   မှာဖြစ်ပြီး ဝမ်းဆက်ဆိုရင်တော့ Medium နဲ့ Large နှစ်မျိုးရရှိနိုင်ပါတယ်။ဈေးနှုန်းတွေအနေနဲ့ အင်္ကျီချည်းပဲဆိုရင် ကျပ် ၁၂၀၀ က စပြီး ဇာဝမ်းဆက်တွေကတော့ ၃၀၀၀၀ ကျပ်လို့ သိရပါတယ်။

“ဝတ်စုံတွေကိုတော့ ကျမတို့ စက်ရုံမှာပဲ ချုပ်ပါတယ်၊ အင်္ကျီတွေကို တခါတည်း ဝတ်  ကြည့်ပြီးအဆင်မပြေတာရှိရင် ချက်ချင်းလုပ်ပေးပါတယ်”လို့ ‘cho mon ko’ ဖက်ရှင်ဆိုင်က မဇင်မာနိုင်ကပြောပါတယ်။

အပျော့သား၊ ဇာ၊ ချည်သားတွေနဲ့ ချုပ်ထားတဲ့ အင်္ကျီနဲ့ ဝမ်းဆက်ဒီဇိုင်းလေးတွေကို ဧရာဝတီပရိသတ် အတွက် ဖော်ပြပေးလိုက်ပါတယ်။ ဓာတ်ပုံများကို ရန်ကုန်မြို့ ကုန်သည်လမ်း ပေါ်က ဂမုန်းပွင့် မျက်စောင်းထိုးမှာ ရှိတဲ့ “cho mon ko” ဖက်ရှင်ဆိုင်က ရိုက်ယူ ဖော်ပြထားပါတယ်။







ထက်ဦးဝေ


0 comments :

Post a Comment

 
Copyright © 2014 Irrawaddy Publishing Group. All Rights Reserved