 |
| (ဒေါက်တာ နိုင်ပန်းလှ) |
လေဖြတ်တဲ့ရောဂါနဲ့ ၂၀၁၀ ခုနှစ် ဇွန်လ ၁၈ ရက်နေ့မှာ ကွယ်လွန်သွားခဲ့ပါပြီ။ သူကွယ်လွန်ချိန်မှာ အသက် ၈၈ နှစ်ရှိပြီဖြစ်ပါတယ်။ ဇွန်လ ၂၀ ရက်နေ့မှာ ရေဝေးသုဿာန်မှာ မီးသင်္ဂြိုဟ်ခဲ့ပါတယ်။ ဆရာကြီးရဲ့ အုတ်ဂူကို သူ့ရဲ့ ဇာတိ ကရင်ပြည်နယ် ကော့ဗိန်းရွာတွင် တည်ထားကြောင်းလည်း သိရပါတယ်။
ငယ်နာမည် “အဒွတ်” ဟု ခေါ်သော နိုင်ပန်းလှကို ကရင်ပြည်နယ် ဂျိုင်းမြစ်ကမ်းပေါ်ရှိ ကော့ဗိန်းရွာတွင် ၁၉၂၃ ခုနှစ်၊ မတ်လ ၂၀ ရက်နေ့၌ မွေးဖွားခဲ့ပြီး၊ ကော့ဗိန်းရွာ ဘုန်းတော်ကြီးကျောင်းတွင် မွန်၊ မြန်မာ၊ အင်္ဂလိပ်စာတို့ကို စတင် ဆည်းပူးခဲ့ပါတယ်။ ကျောင်းစာကိုလည်း ၈ တန်း အထိသာ ပညာဆည်းပူးခဲ့တာပါ။ အဲ့ဒီထက် ထူးခြားတာက အသက် ၆၉ နှစ် အရွယ်ရောက်မှ နိုင်ငံတကာတက္ကသိုလ်များမှ ဘွဲ့ထူးဂုဏ်ထူး ချီးမြှင့်ခြင်းများကို ဆက်တိုက်ရရှိခဲ့ခြင်းပါ။
အသက် ၂၄ နှစ် အရွယ်တွင် ရန်ကုန်မြို့ မြို့မ အမျိုးသားကျောင်း တက္ကသိုလ်ဝင်တန်းတွင် ၃ လခန့် တက်ရောက် ပညာသင်ယူခဲ့ဖူးပါတယ်။ ဒေါက်တာ နိုင်ပန်းလှဟာ ဘန်ကောက်မြို့အနီး မွန်ကျေးရွာတွင် တွေ့ရှိသော သထုံ-ဟံသာဝတီ ရာဇ၀င်စာအုပ် (ပ-ဒု) တွဲကို အခြေခံပြီး မဂဒူးမင်းဆက်မှ စပြီး ရာဇာဓိရာဇ်အထိယူကာ မွန်၊ မြန်မာ စာပေမူများနှင့် စိစစ်ပြီး “ရာဇာဓိရာဇ် အရေးတော်ပုံကျမ်း” ကို ပြုစုခဲ့ပြီးနောက်ပိုင်း သမိုင်းသုတေသနဆိုင်ရာ စာတမ်းများစွာကို ရေးသားပြုစုခဲ့ပါတယ်။
အဲ့ဒီအချိန်မှစပြီး ယဉ်ကျေးမှုဝန်ကြီးဌာနှင့် ရှေးဟောင်းသုတေသနအဖွဲ့တွင် နှစ်ပေါင်း ၄၀ ကျော် တာဝန်ထမ်းဆောင်ခဲ့ပြီး ဂျပန်နိုင်ငံ၊ တက္ကသိုလ်များသို့ သင်ကြားပို့ချရန် ၁၉၆၈ ခုနှစ်တွင် အငြိမ်းစားယူခဲ့ပါတယ်။ အဲ့ဒီနောက် ဂျပန်နိုင်ငံ တက္ကသိုလ်များသို့ ဧည့်ပါမောက္ခအဖြစ်လည်းကောင်း၊ ပါမောက္ခအဖြစ်လည်းကောင်း၊ အရှေ့တောင်အာရှ ယဉ်ကျေးမှုနှင့် သမိုင်းဘာသာရပ်များကို သင်ပြရန် တာဝန်ပေးခြင်းခံရပါတယ်။
ဆရာကြီးဟာ ၁၉၉၁ ခုနှစ်မှာ အမေရိကန် လော့စ်အိန်ဂျလိစ် မြို့ရှိ အနောက်ပစိဖိတ်တက္ကသိုလ်၌ ယဉ်ကျေးမှု မနုဿဗေဒ အထူးပြုဘာသာရပ်ဖြင့် B.Sc နှင့် Ph.D ဘွဲ့များ ဆွတ်ခူးအောင်မြင်ခဲ့ပါတယ်။ ကျောင်းတက်ရန် မလိုဘဲ ကျမ်းပြုတင်ပြခြင်းဖြင့် ထူးချွန်၍ ဒီဂရီများကို ဂုဏ်ထူးဖြင့် ဆွတ်ခူးနိုင်ခဲ့ခြင်း ဖြစ်ပါတယ်။ ၁၉၉၂ ခုနှစ်တွင် မွန်ဓမ္မသတ် ၁၁ မျိုးကို အင်္ဂလိပ်ဘာသာဖြင့် ရေးသားတင်ပြ၍ ဥပဒေပါရဂူ (L.L.D) ဘွဲ့ကို အဲ့ဒီ တက္ကသိုလ်ကပင် ချီးမြှင့်ခဲ့ပါတယ်။
မြန်မာနိုင်ငံတွင် အရေးတော်ပုံကျမ်း ၅ စောင်အနက် တစောင်အပါအ၀င်ဖြစ်သော ရာဇာဓိရာဇ် အရေးတော်ပုံကျမ်းကို ပြုစုရန် စိန်ခေါ်မှုများစွာဖြင့် ရင်ဆိုင်ခဲ့ရတယ်လို့ ဆိုပါတယ်။ အဲ့ဒီကျမ်းကို ပြန်ဆိုရာမှာ ၁၂၇၂ ခုနှစ်က ထိုင်းနိုင်ငံ ဘန်ကောက်အနီး ပတ်လတ်ရွာမှ ရခဲ့တဲ့ ပတ်လတ်ပုံနှိပ်မူ မွန်ဘာသာကို အခြေခံပြီး
အခြား မွန်ပေမူများနှင့် ညှိနှိုင်းခြင်း၊ ဗညားဒလရဲ့ ရာဇာဓိရာဇ် အရေးတော်ပုံကျမ်း မြန်မာပေမူ ၉ မူ၊ အခြားပုံနှိပ်မူများနှင့် ညှိနှိုင်းခြင်း၊ မြန်မာစာ ညွန့်ပေါင်း ကျမ်း၊ မှန်နန်းရာဇ၀င်၊ ဦးကုလားရာဇ၀င် စသော မြန်မာရာဇ၀င်ကျမ်းများနှင့် တိုက်ဆိုင်ပြီး ဆရာကြီး နိုင်ပန်းလှက ပြန်လည်ပြုစုထားခြင်း ဖြစ်ပါတယ်။
ရာဇာဓိရာဇ် အရေးတော်ပုံကျမ်း အမှာစာတွင် ပါမောက္ခ ဒေါက်တာသန်းထွန်းက “သမိုင်း လေ့လာတဲ့လူတိုင်း အထောက် အထား စုံလင်အောင် ရချင်တယ်။ မွန်-မြန်မာ ဆက်ဆံရေးမှာ မွန်အထောက်အထားတွေ သိပ်ရချင်တယ်။ ဘာပြုလို့လဲ ဆိုတော့ တချို့အရေးကြီးတဲ့ကိစ္စတွေကို မွန်က တမျိုး၊ ဗမာက တမျိုး ပြောနေကြလို့ပဲ” ဟု လည်းကောင်း၊ ဘာာသာပြန်ဆိုတဲ့ သူဟာ ၁။ ကျမ်းစာအုပ်ရဲ့ မူရင်းဘာသာစကားကို ကောင်းကောင်းတတ်ကျွမ်းရမယ်၊ ပြန်ဆိုယူတဲ့ ဘာသာစကားမှာလည်း ပိုင်နိုင်ရမယ်၊ ၂။ ပြန်ဆိုတဲ့ အကြောင်းကိစ္စကိုလည်း ပိုင်နိုင်ရမယ် ဟူ၍လည်းကောင်း ဆိုထား ပါတယ်။ ဆရာကြီး နိုင်ပန်းလှဟာ အဲ့ဒီ ဂုဏ်ရည် များနှင့် ပြည့်စုံသူ ဖြစ်ပါတယ်။
အဲ့ဒီကျမ်းဟာ မွန်ဘာသာနဲ့ ထုတ်ဝေပြီးနောက် ၁၀ နှစ်ကြာမှ မြန်မာဘာသာဖြင့် ပေါ်ထွက်လာခြင်း ဖြစ်ပါတယ်။ မြန်မာ ဘာသာဖြင့် ပေါ်ထွက်လာတဲ့ အဲ့ဒီကျမ်းဟာ ရှေးမွန်ပေမူဟောင်းများနှင့် ယှဉ်ရင် ပြတ်တောက်နေသည်များ ပါဝင်နေ သေးကြောင်း မွန်သမိုင်း ပညာရှင်အချို့က ထောက်ပြကြပါတယ်။ ဘယ်လိုပဲဖြစ်ဖြစ် ဆရာကြီးက မွန်-မြန်မာ ဆက်ဆံရေး အတွက် အကြီးမားဆုံးသော တံတားတစင်း တည်ဆောက်ပေးခဲ့ခြင်း ဖြစ်ပါတယ်။
ဆရာကြီးဟာ မွန်-မြန်မာ ယဉ်ကျေးမှုနှင့်သမိုင်းဆိုင်ရာ သုတေသနပြုကျမ်းများတင်ပြပြီး ကမ္ဘာသိအောင်
ကြိုးစားရင်း အခြားတဖက်မှာလည်း မွန်အမျိုးသားစာပေ ပြန်လည်ထွန်းကားလာစေရေး ကြိုးပမ်းခဲ့သူတဦးလည်းဖြစ်ပါတယ်။
Iris
ကိုးကား။ ။ဝီရ ၏ အတိမ်းအစောင်းမခံသူ (သို့မဟုတ်) ဒေါက်တာ နိုင်ပန်းလှ၊ ၂၀၁၀ ခုနှစ်၊ သြဂုတ်လ ထုတ် မောက္ခ ပညာရေး မဂ္ဂဇင်း
0 comments :
Post a Comment