၁၂၅ နိုင်ငံမှ လက်ပတ်နာရီနှင့် ကျောက်မျက်ရတနာ တံဆိပ်များပါဝင် ပြသမယ့်ပွဲ မလေးရှားတွင် ကျင်းပမည်

မလေးရှားနိုင်ငံရဲ့ နောက်ဆုံးပေါ်ဖက်ရှင်ဆိုင်များ၊ အလှပြင်ဆိုင်များ၊ အနုပညာနှင့် အရည်အသွေးကောင်း လူနေမှု အတွက်လိုအပ်သော အသုံးအဆောင်ပစ္စည်းများနှင့် စားသောက်ဆိုင်များကို တနေရာထဲတွင် ရရှိနိုင်သော Starhill Gallery မှ A Journey Through Time (အချိန်ကာလတစ်လျှောက် ခရီးနှင်ခြင်း) အမည်ဖြင့် ကိုးကြိမ်မြောက်ပြုလုပ် သွားမည့် အာရှ၏အရည်အသွေးပြည့်မှီသော လက်ပတ်နာရီများနှင့် ကျောက်မျက်ရတနာပစ္စည်းများ ပြပွဲကို လက်ခံ ကျင်းပသွားမည်ဖြစ်တယ်လို့ သိရပါတယ်။

၎င်းခေတ်မှီအတွေ့အကြုံများကို တွေ့ကြုံ ခံစားနိုင်ရန်အတွက် နှစ်စဉ်နှစ်တိုင်း ကျင်းပနေကျဖြစ်သော အဲ့ဒီပြပွဲကို ၂၀၁၅ ခုနှစ်၊ နိုဝင်ဘာလ (၂၀)ရက်မှ (၂၇) ရက်နေ့အထိ Starhill Gallary တွင်ခင်းကျင်းပြသသွားမှာဖြစ်ပြီး နိုင်ငံပေါင်း (၁၂၅)နိုင်ငံမှ လက်ပတ်နာရီနှင့် ကျောက်မျက်ရတနာ တံဆိပ်များရဲ့ဆက်လက်တီထွင် ဆန်းသစ် သွားမယ့်ပုံစံများကို ယခုနှစ်တွင် ကြိုတင်လေ့လာကြည့်ရှုကြရမှာဖြစ်ပါတယ်။

မနှစ်က ၈ ကြိမ်မြောက်ကျင်းပခဲ့တဲ့ A journay Through Time ပြပွဲမှ နာရီပြသနေပုံ

ပြပွဲမှာ လက်ပတ်နာရီနှင့် ကျောက်မျက်ရတနာများကို စိတ်ပါဝင်စားသူများ၊ နာရီနှင့် လက်ဝတ်ရတနာ စုဆောင်းမှု အတွေ့အကြုံနုသူများ (သို့) စတင်စုဆောင်းလိုသူများအပြင် ဝါရင့်စုဆောင်းသူများအတွက် ယခင်က တခါမျှ မမြင်တွေ့ဖူးတဲ့ ဆင့်ကဲပြောင်းလဲလာမှု ဒီဇိုင်းပုံစံများနှင့် ရွေးချယ်စရာပုံစံ အမျိုးစုံကို လှည့်လည်ကြည့်ရှုနိုင်မှာလည်း ဖြစ်ပါတယ်။

ကမ္ဘာ့ထိပ်တန်းနာရီနှင့် ကျောက်မျက်ရတနာ ကုန်ပစ္စည်း တံဆိပ်များမှ ရှားပါး သီးသန့်စုဆောင်း ထားမှုများ၊ ဈေးကွက်တွင် ပထမဆုံးမိတ်ဆက်ထုတ်လုပ်ခဲ့သော ဒီဇိုင်းပစ္စည်းများနှင့် လက်ရာမြောက်ပုံစံများကို ခင်းကျင်းပြသထားမှာပါ။

ဒါ့အပြင် ဇိမ်ခံနာရီများတွင် ကျွမ်းကျင်သူပညာရှင်များ၊ လက်ပတ်နာရီပြုလုပ်သည့် Eric Ong ကဲ့သို့ပညာရှင်များ၊  Dr. Bernard Chong ကဲ့သို့စုဆောင်းသူများက ဦးစီ၍ အလုပ်ရုံဆွေးနွေးပွဲများကိုလဲ ပြပွဲကာလတစ်လျှောက် တွင်ပြုလုပ်ပေးသွားမှာဖြစ်ကာ အဲ့ဒီဆွေးနွေးပွဲများတွင် ဝါသနာဖြင့်စုဆောင်းသည့် ဝါနု-ဝါရင့်သူများ၊ စတင် စုဆောင်း လိုသူများအတွက် လက်ပတ်နာရီနှင့် ပတ်သက်သောအကြောင်းအရာများ၊ အဆင့်မြင့်နာရြီ ပုလုပ်သည့် အနုပညာရပ် များကိုလဲ လေ့လာလိုသူများအတွက် ဟောပြောကြမှာ ဖြစ်ပါတယ်။

ယခုနှစ် A Journey Through Time ပြပွဲတွင် Bedat & Co, Breguet, Cecil Purnell, Hermès, HYT, Jaeger-LeCoultre, Maîtres Du Temps, Moritz Grossmann, Mühle-Glashütte, Omega, Speake-Marin နှင့် Zeitwinkel အစရှိတဲ့ နိုင်ငံတကာလက်ပတ်နာရီ တံဆိပ်များ၊ Ceres, Emperor’s Fine Jewels  နှင့် Gübelin စတဲ့ လက်ရာမြောက် ကျောက်မျက်ရတနာတံဆိပ်များမှ ပါဝင်ပြသကြမယ်လို့ သိရပါတယ်။

A Journey Through Time ပြပွဲ ပိတ်ပွဲအခမ်းအနားတွင် ဂုဏ်သရေရှိ ဒိုင်အဖွဲ့က အဆိုပြုတင်သွင်းထားသော နာရီ ပြုလုပ်သူများနှင့် ကျောက်မျက်ရတနာပညာရှင်များအား ၂၀၁၅ ခုနှစ်အတွက် အကောင်းဆုံး Starhill Gallery’s Watch of the Yearနှင့် အခြားသောဆုအမျိုးအစားများကို ချီးမြှင့်သွားမှာပါ။

YTL ဟိုတယ်အဖွဲ့အစည်းနှင့် Starhill Gallery တို့ပူးပေါင်း၍ စွဲဆောင်မှုရှိသော ဟိုတယ်အခန်း package များကို ရောင်းချပေးသွားမည်ဖြစ်ကာ ထိုဟိုတယ်စာရင်းများတွင် JW Marriott Kuala Lumpur, Ritz-Carlton Kuala Lumpur နှင့် Majestic Hotel Kuala Lumpur တို့အပြင် မလေးရှားနိုင်ငံတစ်ဝှမ်းလုံးရှိ ကြယ်ငါးပွင့် အဆင့် အပန်းဖြေဟိုတယ်များ Pangkor Laut Estates, Pangkor Laut Resort, Tanjong Jara Resort, Cameron Highlands Resort နှင့် The Majestic Malacca Hotel တို့ပါဝင်တယ်လို့ သိရပါ တယ်။


သီဟတိုး