ရန်ကုန်မြို့ခံတယောက် ပေးပို့တဲ့စာကို မပြင်မဆင် မတည်းမဖြတ်ဘဲ ဖော်ပြပေးလိုက်ပါတယ်။
၂၀၁၁၊ ဇန်န၀ါရီ၊ ၁ ရက်နေ့က နေ့လယ်ဘက် ရန်ကုန်တိုင်းဒေသကြီး လှည်းကူးမြို့နယ်က အင်းတိုင်တပ်နယ်ရှိ၊ ရဲမွန်တပ်မြို့ကို ခဏရောက်သွားခဲ့တယ်။ သူငယ်ချင်းဟောင်း တယောက်ဆီကိုပေါ့။ အဲဒီသူငယ်ချင်းရဲ့ တပ်နားက လမ်းဆုံမှာ အအေးဝင်သောက်ရင်းနဲ့ စကားပြောနေစဉ်မှာပဲ ကျနော့်သူငယ်ချင်းရဲ့အသိ အမှတ် (၁) တိုက်ပွဲဝင် စည်းရုံးရေး သင်တန်းကျောင်းက တပ်ကြပ်ကြီး ဆိုသူရောက်လာလို့ စကားဝိုင်းလေး စည်ကား သွားတာပေါ့။ ပြီးတော့ အဲဒီတပ်ကြပ်ကြီးဆိုသူက ဒီလို ရင်ဖွင့်လာပါတယ် သူ့ ရင်ဖွင့်သံကတော့ ......
“ငါလည်း တပ်ထဲက ထွက်ပြေးနေချင်ပြီ။ တနေ့လာလည်း ဖက်ထိပ်၊ နောက်တနေ့ လာလည်း ဖက်ထိပ်နဲ့ လူတွေလည်းသေတော့မယ်။ မနှစ်ကတည်းက ခင်းလိုက်ရတဲ့ လမ်း ပြီးကိုမပြီးတော့ပါဘူး။ မဉ္ဇိမ ဂုဏ်ရည် ကျောင်းမှာ ခင်းနေတဲ့လမ်းကွာ....။ အခုထိမပြီး မပြီးနိုင်တော့ဘူး။ နေ့တိုင်း မနက် ငါးနာရီကနေ ညနေခြောက်နာရီအထိ လုပ်နေရတယ်ကွာ။ စနေ၊ တနင်္ဂနွေတောင် မနားရဘူး။ ဘုန်းကြီးကတော့ လမ်းခင်းတဲ့အတွက် လုပ်အားခပေးပါတယ်။ ငါတို့တပ်က ကျောင်းအုပ်ကြီးနဲ့ တပ်ကအရာရှိတွေပဲ ခွဲစားလိုက်ကြပြီးတော့ ငါတို့ တခြားအဆင့်တွေကြတော့ ပိုက်ဆံတပြားတချပ်မှ မပေးဘဲနဲ့ အလကားခိုင်းတယ်။
ကျွဲတွေ၊ နွားတွေလိုပဲ အော်လိုက်၊ ဟောက်လိုက်၊ ဆဲလိုက်၊ ဖိနပ်နဲ့ ကန်လိုက်နဲ့ကွာ။ ပြီးတော့ သူတို့ စိတ်မကြိုက်ရင် ကွာတားက ချသေးတယ်။ ကျောင်းအုပ်ကြီးနဲ့ တပ်ရေးဗိုလ်ကြီးက ပိုဆိုးသေးတယ်။ သူတို့အိမ်တွေ ရန်ကုန်မှာ တယောက်ကို ၃၊ ၄ လုံးရှိတယ်။ ဂွင်တွေ အမျိုးမျိုးရိုက်ပြီးတော့ ၀ယ်ထားတာတွေလေ။ သင်တန်းသားတွေ လာရင်လည်း ဂွင်ရိုက်တာပဲလေ။
သူတို့မိန်းမတွေနဲ့ ကလေးတွေ ဝေယျာဝစ္စအတွက် ဆိုပြီးတော့ ရဲမေတွေကိုလည်း နေ့စဉ်ခေါ်ပြီး ခိုင်းသေးတယ်။ အတွင်းခံဘောင်းဘီ ကအစ လျှော်ခိုင်းတာနော်။ အရမ်းကိုမိုက်ရိုင်းတယ်။ ပြီးခဲ့တဲ့ ဒီဇင်ဘာလ တုန်းကလည်း ကျောင်းအုပ်ကြီးရဲ့ မိန်းမက သူရဲ့ အတွင်းခံဘောင်းဘီ လျှော်ပေးတဲ့ရဲမေကို ဆုပေးတာတဲ့ကွာ ...။ တပ်ဂိတ်ဝမှာ အဲဒီ ရဲမေကို ဘောင်းဘီလျှော်တာ ဆပ်ပြာရည်မပြောင်လို့ ဆိုပြီးတော့ ပက်ပက်စက်စက် ဆဲဆိုပြီး လေးဘက်ထောက်ပြီးတော့ သွားခိုင်းတယ်လေ။ ကျောင်းအုပ်ကြီးလည်း ဘာတခွန်းမှ ၀င်မပြောဘူး၊ မတားဘူး။ ဘေးကနေကြည့်ပဲ ကြည့်နေတယ်။ သူ့ကိုလည်း ဘယ်သူမှမတိုင်ရဲဘူးလေ။ သတ္တိရှိတဲ့ကောင်တိုင်၊ ကကထူးမှာ ငါ့ဆရာ အရင်းရှိတယ်။ သူရရွှေမန်းနဲ့ သီဟသူရ တင်အောင်မြင့်ဦး တို့နဲ့က ဆရာရင်း တပည့်ရင်းတွေကွ ... တိုင်တဲ့ကောင်တော့ တမိသားစုလုံး သေမယ်သာမှတ်...။ ငါက ဘာမှမဖြစ်ဘူးကွ .... ဆိုတာက သူရဲ့ လက်သုံး စကားပဲလေ။ အဲ ရှိသေးတယ် အခု ရန်ကုန်တိုင်း တိုင်းမှူးက သူရဲ့ ဂျူနီယာကောင်တဲ့။ ဂရုစိုက်စရာ မရှိဘူးဆိုပဲ။ အဲဒီတော့ ဘယ်သူက တိုင်ရဲမှာလဲ။
မနှစ်ကလည်း တပ်ထဲက ရဲမေတစ်ယောက်ရဲ့ အစ်မ နယ်ကနေ လာလည်ရင်းနဲ့ ရောက်တဲ့ နေ့မှာတင် ရုတ်တရက် သေသွားတော့ ... ကျောင်းအုပ်ကြီးက အဲဒီရဲမေရဲ့ယောက်ျား ရဲဘော်ကိုခေါ်ပြီးတော့ ပါးရိုက်၊ ဆဲဆိုပြီးတော့ တပ်ထဲမှာ အပြင်လူလာသေတာ ကျက်သရေမရှိဘူးဆိုပြီး အသုဘကို ချက်ချင်းချ ... တပ်တွင်း လမ်းကို အသုံးမပြုရဘူး၊ တပ်ထဲမှာ နာရေးမလုပ်ရဘူး ဆိုပြီးတော့ အမိန့်ထုတ်တယ်။ အဲဒါနဲ့ အလောင်းကို လူမသိသူမသိ ဆွေမျိုးတွေတောင် မစောင့်နိုင်တော့ဘဲ အိမ်သာကြို အိမ်သာကြားက နေပြီးတော့ တပ်ပြင်ကို ထုတ်သင်္ဂြိုဟ် လိုက်ရတယ်။ ရက်လည်ဆွမ်းသွပ်တောင်မှ တပ်တွင်းမှာ လုပ်ခွင့်မပေးဘူး။ အဲဒီနေ့က ဂိတ်မှာတာဝန်ကျတဲ့ ရဲဘော်ကိုလည်း အပြင်လူ ပေးဝင်တဲ့အတွက် ဆိုပြီးတော့ ရက် ၂၀ အချုပ်ချလိုက်သေးတယ်လေ။
အရမ်းကို မိုက်ရိုင်းတဲ့ အရာရှိတွေကွာ။ ငါတို့ တပ်ထဲမှာလည်း ထွက်ပြေးချင်တဲ့ သူတွေများနေပြီ။ မိန်းမနဲ့ ကလေးတွေကို ငဲ့နေလို့ ပေါ့ကွာ။ တပ်ချုပ်ကြီးနဲ့သာ ပြောခွင့်ရရင်တော့ ငါ သိထားတာတွေ အကုန် ဖေါ်ကောင် လုပ်ပစ်မှာပဲ။ ငါတို့ သင်တန်းကျောင်းက ငရဲခန်း အကြောင်းကို လူတွေ သိအောင် တဆင့် ပြောနိုင်တဲ့ လူရှိရင်ပြောပြပေးကြပါဗျာ။
ကဲ မိတ်ဆွေတို့ရေ .... တပ်ကြပ်ကြီးရဲ့ ရင်ဖွင့်သံလေးကတော့ အဲဒါပါပဲဗျာ။ မိတ်ဆွေတို့နဲ့ ပတ်သက်ရာ ပတ်သက်ကြောင်း ဆိုက်တွေကနေ တဆင့် တနိုင်ငံလုံးသိအောင် လက်ဆင့်ကမ်း ဖေါ်ပြပေးလိုက်ကြပါဗျာ။ သတင်းဌာနက လူတွေလည်း သတင်းအနေနဲ့ ဖေါ်ပြပေးလိုက်ကြပါဗျာ။ အခု ကျနော်တင်ပြခဲ့တာကတော့ နည်းနည်းမှ အပိုမပါတဲ့၊ မညာထားတဲ့၊ ဖြစ်စဉ်အမှန်တွေပါ။ တိတိကျကျ သိချင်ရင်တော့ ရန်ကုန်တိုင်းဒေသကြီး၊ လှည်းကူးမြို့နယ်က အင်းတိုင် တပ်နယ်ရှိ မဉ္ဇိမ ဂုဏ်ရည် ဘုန်းကြီးကျောင်းကိုသာ သွားကြည့်ကြပါဗျာ။ အမှတ် (၁) တိုက်ပွဲဝင် စည်းရုံးရေးသင်တန်းကျောင်းရဲ့ မျက်နှာချင်းဆိုင်မှာပဲ ဘုန်းကြီးကျောင်းကို သွားတဲ့လမ်း ရှိပါတယ်။ ၀င်သွားပြီးတော့ လေ့လာလို့ ရတာပေါ့။ ရန်ကုန် - ပဲခူးကား စီးပြီးတော့ ရဲမွန်တပ်မြို့ မှတ်တိုင်မှာ ဆင်း၊ ဆိုင်ကယ် ကယ်ရီစီး ၅၀၀ ကျပ် ပေးပြီးတော့ သွားရင်ရောက်ပါတယ်ဗျာ။
BBC/ VOA / RFA / DVB/ တို့နဲ့ အဆက်အသွယ်ရှိရင်လည်း ပြောပြ၊ ကြေညာပေးလိုက်ကြပါလို့။
အကြားမတော်သူတဦး
တော်တော်မိုက်ရိုင်းကြတာပါပဲ...ဒါသူတို့ရဲ့ ကြီးနိုင်ငယ်ညင်း ဝါဒတွေပါပဲ...