၂၃ နှစ်မြောက်

၈ လေးလုံး ၂၃ နှစ်မြောက် နှစ်ပတ်လည်ခဲ့ပါပြီ။ ယူကျုမှာ ၈ လေးလုံး အကြောင်း ပြန်စုစည်းပြီး တင်ထားတဲ့ အပိုင်း ၆ ပိုင်း တွေ့ရပါတယ်။ လင့်ခ်တွေကို ပြန်စုပေးလိုက်ပါတယ်။

၈ လေးလုံး အပိုင်း (၁)
၈ လေးလုံး အပိုင်း (၂)
၈ လေးလုံး အပိုင်း (၃)
၈ လေးလုံး အပိုင်း (၄)
၈ လေးလုံး အပိုင်း (၅)
၈ လေးလုံး အပိုင်း (၆)

အပြည့်အစုံသို့

ပိန်ဆေးကြောင့် စိတ်ရောဂါရနိုင်

ဒီနေ့ထုတ် သတင်းစာမှာ ပါတဲ့ သတိပေးချက်ပါ။

အပြည့်အစုံသို့

ပြန်လာပြီ ပန်ထွာ ဧကရီ

-

မင်းကိုနိုင် ထောင်ထဲမှာ ရေးတဲ့သီချင်းလို့ သိရပါတယ်။Min Ko naing (2) by anyarnwaytamarmyay


ပြန်လာပြီ ပန်ထွာ ဧကရီ
တေးရေး - မင်းကိုနိုင်
သီဆိုသူ - မျိုးဆက်သစ် လူငယ်များ

ရန်ပယ်ချောင်းတွင်း ရန်စွယ်အပေါင်းရှင်းဖို့ ------- ညီညာရုန်းစုလို့---- ဟန်ပြင်နေပြီမို့ ---------
ဒီမြို့ရိုးထက်သို့----ခြေတင်ပြီးတက်လို့ -- စည်တော်ကြီး တီးနိုင်ရန်---------
ပြန်လာပြီ ပန်ထွာ ဧကရီ

ရာထောင်သောင်းသိန်းသန်း --- တောင်ပံဖြန့်ငှက်တို့ ---- ဝေဟင်ထဲရိုက်ခတ်--- ---ဟစ်ကြွေးသံမြည်သို့---
ညာဘယ်ပြောင်းသွဲ့သွဲ့----- ကြာစွယ်ဖယောင်းလက်နဲ့ ------- မာန်တင်ပြီး တီးနိုင်ရန်
ပြန်လာပြီ ပန်ထွာ ဧကရီ

သေနင်္ဂဗျူဟာ ---- နည်းပရိယာယ်တွေ----- အမြင်မှန်တွေး-
အပြင်ကလူကို အတွင်းစည်း အ၀င်မခံရေး ---

ဘယ်သူတရားမျှတ ------ ဘယ်သူက အဓမ္မ -------- အမှောင်နဲ့အလင်း --- အားခြင်း
မျက်နှာခြင်းဆိုင်ပြီမို့ ------

ဒီ -- မြို့ရိုးထက်သို့------ ခြေတင်ပြီး တက်လို့ ----- စည်တော်ကြီးတီးနိုင်ရန်------
ပြန်လာပြီ ပန်ထွာ ဧကရီ
ပြန်လာပြီ ပန်ထွာ ဧကရီ
ပြန်လာပြီ ပန်ထွာ ဧကရီ


ဒီသီချင်းအကြောင်း ဘီဘီစီသတင်းဌာနရဲ့ ထုတ်လွှင့်ချက်ကိုလည်း www.dawnmanhon.com
မှာ အခုလို တွေ့ရပါတယ်။

၈လေးလုံး နှစ်ပတ်လည် အဖြစ် ပြည်ပရောက် မြန်မာ့ဒီမိုကရေစီရေး လှုပ်ရှားသူတွေက အခမ်းအနားတွေ ဒီကနေ့ တင်ကြိုကျင်းပခဲ့ကြပါတယ်။

ကျိုင်းတုံထောင်မှာ ထောင်ဒဏ် ၆၅နှစ်ခွဲ ကျခံ နေရတဲ့ ၈၈ကျောင်းသား ခေါင်းဆောင် ကိုမင်းကိုနိုင်ကလည်း ဒေါ်အောင်ဆန်းစုကြည် အတွက် သီချင်း တပုဒ် ဂုဏ်ပြုစပ်ဆို ထားပြီး ၈လေးလုံး နှစ်ပတ်လည်နေ့ဖြစ်တဲ့ သြဂုတ်လ ၈ရက်နေ့မှာ ဖြန့်ဝေဖို့စီစဉ်ထားပါတယ်။

" ပြန်လာပြီ ပန်ထွာ ဧကရီ " လို့ အမည်ရတဲ့ အဲဒီသီချင်းကို ဒေါ်အောင်ဆန်းစုကြည် အကျယ်ချုပ် ကနေ လွတ်မြောက်လာတဲ့ နေ့ကစပြီး ကိုမင်းကိုနိုင်က ဂုဏ်ပြု ရေးစပ်ခဲ့ တာလို့ သိရပါတယ်။ဒီသီချင်း စာသားကို ကျိုင်းတုံထောင်ကနေ ရက်စေ့လို့လွတ်လာတဲ့ တာမွေ NLD ကိုကျော်ကျော်ဆန်း က နှုတ်တိုက်ကျက် ခဲ့ပြီး မြန်မာ ပြည်တွင်းက ဒီမိုကရေစီ ချစ်မြတ်နိုးတဲ့ လူငယ်တွေကနေ အများ နားဆင်နိုင်အောင် ဖန်တီး ထုတ်လုပ်ခဲ့တာ ဖြစ်ပါတယ်။

ကိုမင်းကိုနိုင်က သူရော၊ ဒေါ်အောင်ဆန်းစုကြည်ပါ နှစ်ယောက်စလုံး ထောင်က လွတ်လာခဲ့ ရင် ဒီသီချင်းကို ဒေါ်အောင်ဆန်းစုကြည်ကို သူကိုယ်တိုင် ဂုဏ်ပြု ဆိုပြဖို့ စီစဉ်ထားခဲ့တာ ဖြစ်ပေမဲ့ အခုချိန်ထိ ထောင်ထဲမှာ ရှိနေဆဲ ဖြစ်တဲ့အတွက် ကိုကျော်ကျော်ဆန်းကို နှုတ်တိုက် ချပေးလိုက်တာ ဖြစ်ကြောင်း၊ ဒါ့ကြောင့် အကျဉ်းကျနေဆဲ ကိုမင်းကိုနိုင်ကို ဂုဏ်ပြုတဲ့ အနေ နဲ့ရော၊ သူ့ဆန္ဒကို ဖြည့်ဆည်းတဲ့ အနေနဲ့ရော၊ ဒေါ်အောင်ဆန်းစုကြည်ကို ဂုဏ်ပြုတဲ့ အနေ နဲ့ပါ ဒီသီချင်းကို ကြိုးစား ထုတ်လုပ်ခဲ့တာ ဖြစ်ကြောင်း သီချင်း ဖြစ်မြောက်ရေး အဖွဲ့က ဘီဘီစီကို ပြောပါတယ်။

ဒီသီချင်း စာသားတွေမှာ စာရေးဆရာ နိုင်ဝင်းဆွေ ရေးတဲ့ မဟူရာ မေတ္တာထဲက ဗိဿနိုး ဧကရီ ပန်ထွာ ဘုရင်မနဲ့ဒေါ်အောင်ဆန်းစုကြည်ကို ခိုင်းနှိုင်းထားသလို မြန်မာ့နိုင်ငံရေး ဇာတ်ခုံပေါ်က ဆင်ခြင်သင့်တဲ့ သဘောတရားတွေကို ထည့်သွင်း စပ်ဆိုထားလို့ ပြည်သူ လူထု နှစ်သက်မယ်လို့မျှော်လင့်ကြောင်း သီချင်း ဖြစ်မြောက်ရေး အဖွဲ့ဝင်တဦးက ပြောပြပါတယ်။
(bbc)

-

အပြည့်အစုံသို့

ဂျီးဒေါ်ပြောတဲ့ ဆင်းရဲမှု ပပျောက်နည်း

.

တနေ့သနှိုက် ဂျီးဒေါ်တယောက် ထုံးစံအတိုင်း ဈေးမှပြန်လာစဉ်
“ဆံပင်အကျွတ်တွေ ၀ယ်ဒယ်၊ ဆံပင်အတုတွေ ၀ယ်ဒယ်” ဟူသော
လမ်းမပေါ်က ဆွဲဆွဲငင်ငင် အသံကြောင့် ဂျီးဒေါ် မျက်လုံးအစုံ ပြူးကျယ်သွားသည်။ ဆံပင်ဝယ်သူ၏ နံဘေးတွင် ခဏချင်းပင် လူအုပ်ကြီးတအုပ်က တိုးတိုးဝှေ့ဝှေ့ အလုအယက် ၀ိုင်းအုံသွားရင်း တယောက်တပေါက် မေးမြန်းသံတွေက ဆူဆူညံညံ

“ဟဲ့ … ဆံပင်အကျွတ်တွေက တပိသာကို ဘယ်လောက်တဲ့လဲ။ ဆံပင်ဖြူရော ၀ယ်သတဲ့လား”
“အကုန် ၀ယ်တယ်။ ဖြူ၊ နီ၊ ကြောင်ကျား၊ အမွေးမှန်သမျှ ၀ယ်တယ်ခင်ဗျ။ ဆံပင်
အကျွတ်တင်မက ခေါင်းက ဆံပင် ဖြတ်ရောင်းမလား ။ ရှိသမျှ ဆံပင် ကတုံးရိတ်ရောင်းမလား”
ဆံပင်ဝယ်သူက ကတ်ကျေးသံ တချပ်ချပ်ပြုရင်း ဖိတ်ခေါ်လိုက်၏။

အတော် ပိန်ချုံးချိနဲ့နေသူ ယောက်ျားတယောက်က သူ့ကတုံးပြောင်ပြောင်လေးကို လက်ကလေးနဲ့ အသာပွတ်ရင်း အားပျော့နွမ်းလျနေသော အသံဖြင့် မေးလိုက်သည်။
“နောက်ပေါက်လာမယ့် ဆံပင်ကိုကော ကြိုဝယ် မ၀ယ်ချင်ဘူးလား ခင်ညာ။ ဆန်လေး ၀ယ်ချင်လို့”

ဆံပင်ဝယ်သူက ဘုကြည့်ကြည့်ရင်း
“ဒါမျိုးတွေ ခံရပေါင်းများပြီ။ ပစ္စည်းပေး ငွေချေ လက်ငင်းစနစ်ပဲ”
လို့ ခပ်ပြတ်ပြတ်ပြောလိုက်ရင်း အလုအယက် ဆံပင်ရောင်းနေသူများဖြင့် အလုပ်များနေလေ၏။

အော် … လူစင်စစ်ကနေ သိုးတွေလို ကိုယ့်အမွေးကို ညှပ်ရောင်းနေရတဲ့သူတွေကို ကြည့်ရင်း ဂျီးဒေါ်စပ်စုလိုက်မိသည်။
“အဲဒီဆံပင်တွေကကော တရုတ်ကိုပဲ ပို့တာလားဟင်”

ဆံပင်ဝယ်သမားက ကတ်ကျေးသံတချပ်ချပ်နှင့် အလုပ်ရှုပ်နေရာ ဂျီးဒေါ်အမေးကို မဖြေနိုင်။
“အင်း … ငါလဲ ဆံပင်အကျွတ်တွေ ခါတိုင်းလို လွှင့်ပစ်ဘဲ စုထားမှ”
လို့ ဂျီးဒေါ်တွေးရင်း အိမ်ပြန်လာရာ လမ်းနံဘေးသစ်ပင်ကြီးတပင်ထက်တွင် တူတော်မောင် သာဂိကို ထူးဆန်းအံ့သြဖွယ်ရာတွေ့လိုက်ရလေ၏။

“ဟဲ့ သာဂိ …။ သာဂိ ဘယ်လိုဖြစ်လို့ သစ်ပင်ထိပ်ဖျားရောက်နေတာတုံး။ ကလေးမဟုတ် သူငယ် မဟုတ်။ နောက်ပြီး ရှင်လောင်းတွေလိုပဲ ဖခင်လောင်းတွေလည်း အမြင့်တွေ ဘာတွေ မတက်ကောင်းဘူးဟဲ့။ ဆင်း ဆင်း မြန်မြန် …”
“နေစမ်းပါ ဂျီးဒေါ်ရယ်။ ဒီမှာ ဗေဒင်ဆရာ ရှာနေတာ အာရုံတွေ ပျက်ကုန်ပြီဗျ ။”

“ဘာ - ဗေဒင်ဆရာကို သစ်ပင်ပေါ် တက်ရှာရတယ်လို့။ ရန်ကုန်သွားရင် စံဇာနည်ဘိုတို့ ဘာတို့ ။
နယ်တွေမှာဆို ဆရာကြီးမင်းသိင်္ခ သင်တန်းဆင်းတွေ အများကြီး ။ ဒါမှမဟုတ် ဘုရားစောင်းတန်းတွေ သွားမလား”
သစ်ပင်ထက်မှ စိတ်ပျက်လက်ပျက် ဆင်းလာရှာသော တူတော်မောင်သာဂိက ဂျီးဒေါ်ကို
“အသာ နေစမ်းပါ ဂျီးဒေါ်ရယ်။ ဒီမှာ တောက်တဲ့ ရှာနေတာဗျ။ တောက်တဲ့တွေ ပတ်စပို့ လုပ်စရာမလိုပဲ ကမ္ဘာပတ်ကုန်ကြပြီလားမသိ”

“ဘယ်လို သာဂိ။ ရှင်းအောင်ပြောပါဦး။ ဗေဒင်ဆရာတွေရော တောက်တဲ့တွေရော … ရောကုန်ပြီ”
“ဂလို ဂျီးဒေါ်။ မဒမ်သာဂိ ပတ္တမြားရွှေကြုပ် နှုတ်ငုံနေတာ သိတယ်ဟုတ်။”

“သိပါတော်။ နင်လိုက်မောင်းခတ်လို့။ တို့တွေတောင် ၀မ်းတွေသာလို့ ။အဲဒါနဲ့  ဘာဆိုင်လဲ”
“မဒမ်သာဂိက သူ့ကလေးလေးကို သားလေးလား၊ သမီးလေးလား ကြိုသိချင်နေတယ်။ ကျနော်လည်း အရမ်း အရမ်းကို ကြိုသိချင်တာဘဲ … ဟဲ ဟဲ”

“ဒါလေးများ ရန်ကုန်သွား။ အထူးကုဆေးခန်းကြီးတွေမှာ အာပလာဆောင်း ဆိုလား ဘာဆိုလား ရိုက်ရင် သိတယ်ဆို …”
“အဲဒါကြောင့် ဂျီးဒေါ်ကို ဂျာနယ်တွေဖတ်ပါလို့ ပြောတာ။ ခုတလော ဂျာနယ်တွေထဲမှာ အထူးကုဆေးခန်းကြီးတွေ စိတ်မချရတဲ့ သတင်းတွေ ပလူပျံနေတာ။ အဲဒီတော့ ကိုယ့်မိရိုးဖလာ တောက်တဲ့ဗေဒင် မေးမလို့။ မိုးလား၊ လေလားလို့ မေးမယ့်အစား `သားလား´ `သမီးလား´လို့ လိုက်မေးရုံပဲ။ ဘာပိုက်ဆံမှကို မကုန်ဘူး”

“အံ့ပါတော်၊ ကိုသာဂိတို့ အကြံကြီးပုံက …”
“ခက်တာက ခါတိုင်း မိုးဦးလေဦးမှာ ကြားနေကျ တောက်တဲ့အော်သံတွေ မကြားရတော့ဘူးဗျ။ အဲဒါကြောင့် တောက်တဲ့ရှာဖွေရေးအတွက် သစ်ပင်တွေတက်နေရတာ။”

“အေး ဟုတ်တယ်။ ငါလဲ မနေ့က ဈေးထဲကကြားလာတာ။ ရွာတွေမှာ လူတွေ အလုပ်မလုပ်ကြတော့ဘူးတဲ့။ တောက်တဲ့ဖမ်း နေကြသတဲ့။ တောက်တဲ့ဈေးကလည်း သုံးဆယ်သားလောက် တကောင်ဆို ရန်ကုန်အရောက်ပို့ရင် ကျပ် သိန်း ၅၀၀ တဲ့တော်။ အံ့ရော အံ့ရော”
“ဟင် တောက်တဲ့ဈေးက အဲလောက်တောင်ကောင်းသတဲ့လား။ ဘာတွေလုပ်ဖို့ ဘယ်သူတွေက ၀ယ်နေတာတုံး ဂျီးဒေါ်ရ”

“ဟဲဟဲ ဒီတခါ အရာရာသိတဲ့ ကိုဖိုးသိခံသွားရပြီ။ သူတို့ပြောနေတာတော့ ဆေးဖော်ဖို့ဆိုလား။
တရုပ်က ၀ယ်သလိုလို၊ ဗီယက်နမ်ကပဲ ၀ယ်သလိုလို။ သိပါဘူးတော်။ ၀ယ်တာတွေကတော့ အကုန်ဝယ်နေတာဘဲ။ ဆံပင်မွေးကအစ ငရှဥ့်၊ တောက်တဲ့။ အင်း … ဘာတဲ့ …ဟိုသီချင်းလေးထဲကလို
ရွှေကိုယူသည်၊ ငွေကိုယူသည် ပြီးတော့ လူကိုပါယူသည်ဆိုသလို ဖြစ်နေပြီ သာဂိရေ …”
“အခုကို လူတွေ ကို ၀ယ်နေပြီလေ။ သဘာဝဓါတ်ငွေ့တွေ သယံဇာတတွေ မြစ်ချောင်း အင်းအိုင်တွေတင် အချောင်နှိုက်ယုံမက သတို့သမီးလုပ်ဖို့ မိန်းကလေးတွေ၊ ခိုင်းစားဖို့ ကလေးသူငယ်တွေ၊ မလိမ့်တပတ်နဲ့ ၀ယ်နေကြပြန်ပြီ။ တော်ကြာ ကျနော်တို့မြန်မာလူမျိုးတွေနဲ့ မြန်မာပြည်ကြီးတောင် ပျောက်သွားမယ်ထင်တယ်။ အင်း လူတွေကလည်း စီးပွါးရေးတွေမကောင်းကြတော့ ရှိတာအကုန်ထုတ်ရောင်းရတဲ့ ဘ၀ ရောက်ကုန်ပါပြီ။ ဒါနဲ့များ သမ္မတကြီးက ဆင်းရဲမွဲတေမှုပပျောက်ရေး စီမံကိန်းလေး ဘာလေးနဲ့ အသံကောင်းဟစ်နေသေးတယ်။ ခုတောင် တောက်တဲ့တွေ မျိုးတုံးကုန်ပြီ၊ တော်ကြာ လူတွေပါ မျိုးတုံး ကုန်တော့မယ်”

“ဟဲ့ အဲဒါလဲ သမ္မတကြီးရဲ့စီမံချက် အောင်မြင်တာပဲပေါ့။ ဆင်းရဲသားမြန်မာတွေ မျိုးတုံးကုန်ရင် ဆင်းရဲမွဲတေမှု ပပျောက်ရေး စီမံချက် ရာနှုန်းပြည့် အောင်မြင်တာပေါ့။ အဲဒါ သမ္မတကြီးရဲ့ ကျေးလက်ဒေသ ဖွံ့ဖြိုးရေးနဲ့ ဆင်းရဲနွမ်းပါးမှု လျော့ချရေးလုပ်ငန်းတွေ အကောင်အထည်ဖော်နေတာ။ ကျေးလက်တောရွာက လူတွေ ပင်ပန်းဆင်းရဲတဲ့ လယ်ယာလုပ်ငန်းတွေ မလုပ်ကြတော့ဘူး။ တောက်တဲ့တွေ လိုက်ဖမ်းနေကြပြီ။ ဆံပင်တွေ ဖြတ်ရောင်းနေကြပြီ။ နောက်ဆုံး ကိုယ့်မွေးရာပါတွေပါ အကုန်ထုတ်ရောင်းရင်း ဆင်းရဲနွမ်းပါးသူတွေ ပပျောက်သွားတော့မှာ။ ဂုဏ်ယူလိုက်စမ်းဘာ …သာဂိ”။

မိုးမခမှာ ဂျော်ဒီး ရေးသားတဲ့ သမ္မတကြီးရဲ့ စီမံကိန်း ကို ကူးယူ ဖော်ပြတာပါ။

.

အပြည့်အစုံသို့

အာဆီယံကို ဂုဏ်ပြုတဲ့ ကာတွန်းဟန်လေး

.

ဗုဒ္ဓဟူးနေ့က ရန်ကုန်မြို့ အင်ဒိုသံရုံးမှာ အာဆီယံအလံ တင်နေပုံ။
အာဆီယံအသင်းကြီးရဲ့ ၄၄ နှစ်ပြည့် အခမ်းအနားတခုအတွက် ဖြစ်ပါတယ် တဲ့။ (ဓာတ်ပုံ - Reuters)

ကာတွန်းဆရာ ဟန်လေးရဲ့ လက်ရာတွေမှာလည်း အာဆီယံအကြောင်း ပါတတ်ပါတယ်။
ခံစားနိုင်ဖို့ စုစည်းပေးလိုက်ပါတယ်။










.

အပြည့်အစုံသို့

သြစီသွားမယ့် ချင်းမိသားစု

.

သြစတြေးလျကို တပတ်အတွင်း သွားတော့မယ့် Kham Kap Thang Taithoul တို့လင်မယား နဲ့ ကလေး ၂ ယောက်

ဒီမိသားစုက မလေးရှားရောက် မြန်မာပြည်သားတွေပါ။

မလေးမှာရှိတဲ့ UNHCR အသိအမှတ်ပြု ဒုက္ခသည် အများအပြားကို သြစတြေးလျက လက်ခံမယ့် အစီအစဉ်အရ သြစတြေးလျကို သွားမယ့် ပထမအသုတ်ထဲ ဒီမိသားစု ပါဝင်တယ် လို့ www.smh.com.au ၀က်ဆိုက်မှာ ရေးထားပါတယ်။

သူတို့ရဲ့ ဒေသသစ်၊ ဘ၀သစ် ခရီးအကြောင်း အတည်ပြုချက်ကို သိရတာ ၂ ပတ်ပဲ ရှိပါသေးတယ် တဲ့။

ဒီအတွက် ၀မ်းမြောက်ဝမ်းသာဖြစ်မိတယ်၊ သို့ပေမယ့် မလေးမှာ သောင်တင်ပြီးကျန်ခဲ့မယ့် ဒုက္ခသည်များအတွက်တော့ စိတ်မကောင်းဖြစ်မိပါတယ် တဲ့။

သူ့ကလေးများရဲ့ အနာဂတ်ပညာရေးအတွက်လည်း အင်မတန် ၀မ်းသာနေပါတယ် လို့ ဖခင်ဖြစ်သူက ဆိုပါတယ်။

ဇနီးရဲ့ အမည်က Niang Lam Cing
သမီးကြီး Cing San Lun က အသက် ၄ နှစ် ရှိပါပြီ။
သား Hau Muon Khai က ၂ နှစ်။

သတင်းရဲ့ အစပိုင်းမှာတော့ Kham Kap Thang Taithoul မြန်မာပြည်မှာတုန်းက စစ်တပ်ရဲ့ မတရားမှုတွေနဲ့ ရင်ဆိုင်ခဲ့ရတယ်၊ စစ်တပ်အတွက် လုပ်အားပေးခဲ့ရတယ်လို့ ဆိုပါတယ်။ ဘယ်လိုဘယ်ပုံ လုပ်အားပေးခဲ့ရတယ်ဆိုတာ ဖော်ပြမထားပါ။

.

အပြည့်အစုံသို့

ပန်းချီမောင်မောင်သိုက်

.

၁၉၈၈ ၀န်းကျင်ကတည်းက သတိထားမိတာ မေတ္တာဖွဲ့ဝတ္ထုတွေ အတွက် မျက်နှာဖုံးဆွဲပေးတဲ့ မောင်မောင်သိုက်ရဲ့ လက်ရာတွေပါ။ တခြားဆရာတွေကိုလည်း လူကြိုက်များပါတယ်။ သူ့ကိုတော့ ပိုပြီး သတိထားမိကြတာ နာမည် ထူးခြားလို့လည်း ဖြစ်နိုင်ပါတယ်။

သူငယ်ချင်းတယောက်ကတောင် ပြောဖူးတယ်၊ "ငါ့အိမ်ထောင်ဘက်က မောင်မောင်သိုက်ပန်းချီကားထဲကလို ဖြစ်ရမယ်" တဲ့။ အိမ်ထောင်မကျခင်က ပြောတာပါ။
(လက်တွေ့မှာတော့ ဆွေမင်းဓနုဖြူရဲ့ ဇာတ်ကောင်မင်းသမီးလိုပုံစံနဲ့ အဆင်ပြေနေပါတယ်။)

မောင်မောင်သိုက်ရဲ့ ပန်းချီတွေကို အဲဒီလောက်အထိ လူငယ်တွေကြိုက်ပါတယ်။

ဆရာ့ လက်ရာတွေကို မဂ္ဂဇင်း ဂျာနယ်များမှာ ပရိသတ်က ရင်းနှီးပြီးသားပါ။

၁၉၉၈ ခုနှစ်မှာ ဆရာ့ကို ရာမယဏ၊ အရှေ့တိုင်းဒီမိုကရေစီ စာအုပ် အတွက် မျက်နှာဖုံးသရုပ်ဖော်ပုံ ဆွဲပေးဖို့ အပူကပ်တော့ ဆွဲပေးပါတယ်။ စာကူးစက်နဲ့ ပုံနှိပ်မှာမို့ ရာမမင်းသားပုံကို ကောက်ကြောင်း ဆွဲပေးပါတယ်။

NLD က ဖြန့်မယ့်စာအုပ်ပါးလေးမို့ ပုံမှာ ဆရာ့လက်မှတ် မထည့်ပါ။ ပန်းချီဆရာအများအပြားနည်းတူ ဆရာလည်း သူ့နည်းသူ့ဟန်နဲ့ ဒီမိုကရေစီအရေး လုပ်နေသူတွေကို သို့ကလို ကူညီသူပါ။

ဦးအောင်မင်း ဂယ်လာရီမှာ ဆရာ့လက်ရာ ပန်းချီကားတချို့ တွေ့နိုင်ပါတယ်။

ဆရာ ဆွဲခဲ့တဲ့ ရှုမ၀ အဖုံး တော်တော်များများ ရတနာပူရ ဂယ်လာရီမှာ တင်ထားပါတယ်။


.

အပြည့်အစုံသို့