ဓာတ်ပုံ- Burma Digestနိူင်ငံကျော် တုတ်ကြီး
သယ်ရင်း ရေ......
ရန်ကုန်စက်မှုတက္ကသိုလ် ဆိုတာ မင်းတစ်ယောက်ထဲ
တက်ဖူးတာမဟုတ် ငါလည်းတက်ဖူးတယ်။ ခေါင်းမှာဆီတစ်ရွှဲရွှဲနဲ့
အသားမဲမဲ နိုင်ငံရေးသိပ္ပံဆရာ အညာသားကို မင်းတစ်ယောက်ထဲ
လှောင်ဘူးတာမဟုတ်ဘူး ငါလည်းလှောင်ဘူးတယ်။
ကျောင်းတစ်ဖက်ခြမ်း ကရင်ရွာထဲက လဘက်ရည်ဆိုင်တွေမှာ မင်းတစ်ယောက်ထဲထိုင်ဘူးတာမဟုတ်ဘူး ငါလည်းထိုင်ဘူးတယ်။
ဘုန်းမော်တို့ အပစ်ခံရတုန်းက မင်းတယောက်ထဲခံစားခဲ့ရတာ မဟုတ်ဘူး ငါလည်းနှလုံးသွေးပွက်ခဲ့ရတယ်။
၈၈ မှာ မင်းဘဲ ပစ်ခံရတာမဟုတ် ငါလည်း အပစ်ခံရတာဘဲ။
ကျည်ဆံတွေ ပလူပျံလို့ လော်ရီကားအပေါ်က တစ်ဖုတ်ဖုတ်နဲ့
ပြုတ်ကျလာတဲ့ ကိုယ်တော်တွေ ရယ် ကမ်းနားလမ်း ပေါ်မှာ
သေနတ်သံ တွေအကြား သွေးရူးသွေးတန်းနဲ့ စစ်ကားတွေ ဘက်ကို
ပြေးသွားတဲ့ ထမိန်ဂွင်းတောင်းနဲ့ မထင်မရှား မိန်းမတစ်ယောက်
ငါ့ရှေ့မှာ ဥဏှောက်ပွင့်သွားတာ ရယ် မျက်စိထဲက အခုထိ မထွက်ဘူး။
မသာတွေကို တာလပါတ်နဲ့အုပ်ပြီး စစ်ကားနဲ့ ထုတ် တယ်ဆိုတာ
အမ်ပီဖိုး တွေ မပေါ်သေးခင်က ငါ့မျက်စိနဲ့ တပ်အပ်တွေ့ခဲ့တာပါ။
မင်းလည်း အာအိုင်တီအက်စ်ယူဝင် ငါလည်း အာအိုင်တီအက်စ်ယူ ဝင် အမရဆောင်မှာခြေရာချင်းထပ်လို့ နေလာခဲ့တဲ့သူတွေ။ မင်းကို တော့မသိ
ငါလည်း တစ်ချိန်က စက်မှုအားမာန်မှာ တတပ်တအားပါဝင်ခဲ့တာဘဲ။
၈၈၈၈ မှာ မင်းတို့ငါတို့ကျောင်းသားတွေချည်း မဟုတ် မင်းတို့ငါတို့ရဲ့
အမေတွေ အဒေါ်တွေ အမတွေ ညီမတွေ ပါတဲ့ အိမ်ရှင်မများ သမဂ္ဂတို့
ခွတ်ဒေါင်းအလံ ကို မရဲတစ်ရဲ လွှင့်လို့ မနားတမ်း ချီတက်ခဲ့ကြတဲ့
အလှဖန်တည်းရှင်များသမဂ္ဂတို့ လမ်းပြင်မထွက်နိုင်ပေ မယ့် စားဖို့အထဲက
ခြစ်ခြုပ် ပြီး ထမင်းထုပ် ထုပ်ပေးခဲ့တဲ့ အမယ်ကြီး တွေလည်း
အများကြီးပါဝင်ခဲ့ကြတယ် ဆိုတာ မင်းသိမှာပါ။ ၈၈၈၈ နောက်
ငါ့ညီအစ်ကို တွေနဲ့အတူ တောမခို ထောင်မကျခဲ့ရလို့ နောင်တရမိပေမဲ့
ငါလည်းတစ်ချိန်က တာဝန်ကျေခဲ့ပါတယ် သယ်ရင်း။
လက်ရှိအခြေအနေမှာ ငါတို့တိုင်းပြည် နူရာ ဝဲစွဲ လဲရာ သူခိုးထောင်း
ဘဝ ဆိုတာ ခလေး မပြောနဲ့ လမ်းဘေးကခွေးတောင်သိတယ်။
လူတိုင်းသိတဲ့ ကိစ္စကို မင်း အော်လံကြီး တကားကားနဲ့ ရှေ့ကနေ
ထွက်ထွက် ပြီး ရွစိထ ပြ နေစရာမလိုပါဘူး။ တိုင်းပြည် ခေတ်ပြောင်းကာစ
အခြေအနေ ကောင်းမကောင်း တစ်နှစ် နှစ်နှစ် သုံးလေးနှစ် တောင်
မစောင့်နှိုင် ရ လောက် အောင် မင်းအရေးက သေရေးရှင်ရေးလား
မင်း အသက်က ငါ့အသက်ထက် ပိုများ တန်ဘိုးရှိနေလို့များလားကွာ။
အဓိက နဲ့ သာမည ကို ခွဲခြားတတ် ပါစေ သယ်ရင်း။ ဗိုလ်ချုပ်က
လွတ်လပ်ရေးရအောင်တိုက်ခဲ့တာဟာ "ကျုပ်တို့လူမျိုးကောင်းစားဖို့ပါ" တဲ့။
အဲဒီခေတ်က နယ်ချဲ့သခင်တွေ ဒို့အပေါ်တစ်ကယ် ကောင်းခဲ့လို့ရှိရင်
ငါးကျပ်တန် ဝရန်းထုတ်ပြီး ငါတို့လူမျိုးကို ဦးမချိုးခဲ့လို့ ရှိရင်
မိအေးနှစ်ခါအနာခံပြီး လွတ်လပ်ရေးကို မရအရ ကြံစရာမလိုပါဘူး။
နယ်ချဲ့စစ်ပုလိပ်တွေဟာ မင်းအလွန်မုန်းတဲ့ လုံထိန်းတွေထက် ပိုလို့လက်သံမပြောင်ရင်သာရှိမယ် လျှော့မယ်တော့မထင်ဘူး။
မန္တလေးနဲ့ ဆရာစံအရေးမှာ မင်းတို့ငါတို့လူမျိုးတွေကို ဂေါ်ရာတွေက
ရာဘာကျည်ဆံကျွေးခဲ့တယ်လို့များ မင်းစိတ်ကူးထဲများ
ယုံထင်ကြောင်ထင်ဖြစ် နေသလားကွာ။
ကိုလိုနီစနစ်မှာ အဖေတစ်ယောက်လုံး ဆုံးခဲ့ရတဲ့ ငါတို့ရဲ့ အမေ
မုဆိုးမသမီး တောင် ဗြိတိသျှ ပါလီမန်မှာ နယ်ချဲ့တို့ရဲ့သားမြေးတွေကို
အပြုံးမပျက် မိန့်ခွန်းဆက်ခဲ့တာ "လူထု ကောင်းစားရေး" အတွက်
ဆိုတာ မင်းဝန်ခံဖို့ အခက်တွေ့နေသလား။
လွတ်လပ်ရေးရပြီး ကတည်းက ခေတ်မကောင်းခဲ့တာ လက်ရှိ မင်းအဖေ အရွယ်
ငါ့အဖေအရွယ်တွေ အကုန်လုံးသိကြတာပေါ့။ မင်းလို ငါလို ကောင်တွေ က
အားအားရှိ ဓားကြိမ်းကြိမ်း နေလို့ သူတို့ဘဏ်အကောင့်ထဲ ဒေါ်လာတွေ
တိုးလာမယ်ထင်လို့လား။
မင်းနှလုံးသားနဲ့မင်းရင်ထဲက ပုဂ္ဂိုလ်ရေးနာကျည်းချက်တွေ မင်းမထိန်းနှိုင်လို့
ပေါက်ကွဲချင်တယ် ဆိုရင်လည်း အခုလိုခေတ်ပျက်ကြီးထဲ ခဲရာခဲစစ်
သမ္မာအာဇီဝ ရရာလုပ်စား ရှာစားနေကြတဲ့ ငါတို့ 'လူထု' ကိုလည်း
မထိခိုက်အောင် ဂရုစိုက်ပါ လို့ တောင်းပန်ချင်တယ် သယ်ရင်း။
ငါတို့လူမျိုးတွေ ဟာ မလေးတွေလောက်လည်း အပျင်းမကြီး၊
ဖိလစ်ပိုင် တွေလောက်လည်း မသောင်းကျန်း၊ ယိုးဒယားတွေလောက်
လည်း မူးတတ်တဲ့လူမျိုး မဟုတ်လို့ တိုင်းပြည်ဘယ်လိုဘဲ ဖြစ်ခဲ့ဖြစ်ခဲ့
သူတို့ရဲ့ အပြစ်ကြောင့်ရယ်လို့ဆိုစရာ တစ်ရာ ရာခိုင်နှုန်းမရှိပါဘူးကွာ။
မင်းလုပ်ရပ် ငါ့လုပ်ရပ် ငါတို့အသီးသီးရဲ့ ခံယူချက် ဘယ်ဟာမှန်တယ်
မှားတယ် ဆိုတာ တော့ အချိန်က ဆုံးဖြတ်ပါလိမ့်မယ်။ အခု အချိန်မှာ
ငါ့အမြင် ထင်သလောက်ပြောရရင် မင်းဘာဘဲလုပ်လုပ် 'လူထု' အတွက်
မဟုတ်ခဲ့ရင် မင်းလည်း တစ်နေ့ကြ မင်းသိပ်မုန်းတယ်ဆိုတဲ့ လူယုတ်မာတွေနဲ့
တစ်စာရင်းထဲ ပါသွားလိမ့်မယ်။
သမိုင်းဆိုတာ အတင်းဖျောက်ဖျက်လို့မရ သလို အတင်းဖန်တည်းယူလို့လည်း မရဘူး ဘူးဆိုတာ သဘောပေါက်ပါ သယ်ရင်း။
ကဲ..... သယ်ရင်း ရေ ငါလည်း ငါ့ထမင်း ငါရှာစားရဦး မှာမို့ ..
နားလိုက်ဦးမယ်ကွာ။
နိုင်ငံကျော် တုတ်ကြီး ရေးသားတင်ပြသည်။
အစ်မ အိမ့်သံစဉ်
ဦးလေး တုတ်ကြီးရဲ့  ဖေ့ဘုတ် မူရင်းလင့်လေး ထည့်ပေးပါလားခင်ဗျာ ကျတော် မရှာတတ်လို့ ပါခင်ဗျ ကျေးကျေးတင်ပါတယ်ခင်ဗျ