မေလေး
ရဟန်းတပါး ရောင်းစားထားခဲ့သည့် ကျောင်းတွင် ၀င်ရောက် သီတင်းသုံးနေထိုင်သည့် ရဟန်းများ နှင့် မူလကျောင်းထိုင်ဆရာတော်အဖွဲ့တို့ ကျောင်းနေရာလုရင်း စကားများရာမှ တုတ်၊ ဓားများပါလာသည့်အတွက် မြို့နယ်သံဃနာယကအဖွဲ့ ၊ နယ်မြေခံရဲများ နှင့် ရပ်ကွက်အုပ်ချူပ်ရေးမှူးများ ပါဝင်သည့် အင်အား ၇၀ ခန့်က စနေနေ့ည ၈ နာရီခွဲခန့်တွင် သွားရောက် ဖြေရှင်းညှိုနှိုင်းပေးခဲ့ရသည်။
ရန်ကုန်မြို့၊ ဗဟန်းမြို့နယ် ဘင်္ဂလားကျောင်းတိုက်ဝင်းအတွင်းရှိ ဦးသာသနကျောင်းတွင်ဖြစ်သည်။
အုပ်စု ၂ ခု
အုပ်စု နှစ်ခုမှာ မူလကျောင်းထိုင်ဆရာတော် ဦးဥက္ကံသ အဖွဲ့ နှင့် ကျောင်းကို ရောင်းစားခဲ့သည့်ရဟန်းက ကျောင်းတွင်နေခွင့်ပြုထားသည့် ဦးစန္ဒာသီရိ အဖွဲ့တို့ ဖြစ်သည်။
မူလကျောင်းထိုင်ဆရာတော် အဖွဲ့တွင် ရဟန်းပေါင်း ၃၂ ပါးရှိပြီး၊ ဦစန္ဒာသီရိအဖွဲ့တွင် ရဟန်း ၂၀ ကျော်ရှိသည်။
ခေါ်ယူညှိနှိုင်းပြီးဖြစ်
ပြဿနာမဖြစ်ခင် ညနေ ၅နာရီခွဲခန့်က ရန်ကုန်တိုင်း သံဃနာယကရုံးတွင် ထိပ်တိုက်တွေ့မည့်အုပ်စုနှစ်ခုကို ခေါ်ယူညှိနှိုင်းပြီးဖြစ်သည်ဟု သိရသည်။
မူလကျောင်းထိုင်ဆရာတော် အဖွဲ့က ကျောင်းတိုက် သုံးထပ်ဆောင် အပေါ်ဆုံးထပ်တွင် သီတင်းသုံးရန်၊ ဦးစန္ဒာသီရိအဖွဲ့က အလယ်ထပ်သို့ ပြောင်းရွှေ့နေရန်၊ သတ်မှတ်ထားသည့်အစီအစဉ်အတိုင်း မလိုက်နာပါက ကျောင်းမှ ထွက်ခွာရန် စသည့် ကတိစည်းကမ်းချက်များ ပါဝင်သည့် စာချုပ်ကို လက်မှတ်ရေးထိုးစေခဲ့သည်။
“လက်မှတ်ထိုးခိုင်းတာကလည်း အကျိုးတော်ဆောင် ဆရာတော်က မထိုးရင် ရုန်းရင်းဆန်ခတ်လုပ်မှုနဲ့ ထောင် ၆ လ ချနိင်တယ်၊ ဒီကျောင်းကိစ္စကို အာဏာပိုင်အဖွဲ့ကို လွဲပြီးသား ဆိုပြီး ဘုန်းကြီးကို ခြိမ်းခြောက်လို့ ထိုးလိုက်ရတာပါ” ဟု မူလကျောင်းထိုင်ဆရာတော် ဦးဥက္ကံသမှ လတ်မှတ်ထိုးဖြစ်ခဲ့သည့် အခြေအနေအကြောင်း ရှင်းလင်း မိန့်ကြားခဲ့သည်။
တုတ်၊ ဓား ဆွဲကြပြီ
၅ နာရီခွဲခန့်က လတ်မှတ်ထိုးခဲ့ပြီး ည ၈ နာရီခန့်အထိ မူလကျောင်းထိုင်ဆရာတော်တို့က အပေါ်ထပ်သို့ မပြောင်းရွှေ့သေးသည့်အတွက် ဦးစန္ဒာသီရိအဖွဲ့တို့က စတင်ပြီး တုတ်များ၊ ဓားများ ကိုင်ဆောင် လာခဲ့ကြောင်း၊ ကျောင်းထိုင်ဆရာတော်အဖွဲ့ပါ လက်နက်ကိုင်ဆောင်ပြီး ကျောင်းတွင်း၌ ရုန်းရင်းဆန်ခတ်မှု များ စတင်ဖြစ်ပွားခဲ့ကြောင်း သိရသည်။
“ ဦးဇတိလက ဓားရှည်ကြီးနဲ့ခုတ်မယ်ဆိုပြီး ပြေးလာတာ၊ ဦဥတ္တမကလည်း ငှက်ကြီးတောင်ဓားကြီး ကိုင်ပြီး ကျောင်းပေါ်ကို တက်လိုက် ဆင်းလိုက် လုပ်နေတယ် ၊ သူတို့က ဓားကိုင်တော့ ဦးဇင်းတို့လဲ ပြန်ကိုင်ရတာပေါ့ “ ဟု မူလကျောင်းထိုင်ဆရာတော်အဖွဲ့မှ ဦးသုစိတ္တက မိန့်ကြားသည်။
အပေါ်ထပ်နဲ့အောက်ထပ်ဇာတ်လမ်း
ကျောင်းအပေါ်ထပ် အောက်ထပ် မပြောင်းရွှေ့ရသည့် အကြောင်းရင်းမှာ မြေညီထပ် နှင့် အပေါ်ဆုံးထပ်တွင် နေထိုင်ရေးအဆင်မပြေမှုများရှိနေခြင်းကြောင့် ဖြစ်သည်ဟု ဆိုသည်။ ထို့ကြောင့် ရေ၊ မီး၊ အပြည့်စုံရရှိသော အလယ်ထပ်အား လုနေကြခြင်းဖြစ်သည်။
ဦးဥက္ကံသအဖွဲ့တွင် ပါဝင်သည့် ရဟန်းအားလုံးသည် ယင်းကျောင်းပင် ၀ါဆိုရန် ၀ါဆိုသံဃာစာရင်း ပေးသွင်းပြီး ဖြစ်ကြောင်း၊ ဦးစန္ဒာသီရိအဖွဲ့မှာ စာရင်ပေးသွင်းရခြင်း မရှိသေးကြောင်း သိရသည်။
ယခုအဖြစ်အပျက်များနှင့် ပတ်သက်ပြီး ဦးစန္ဒာသီရိအားလည်းမေးမြန်းရာ တစ်စုံတစ်ရာပြန်လည်ဖြေကြားခြင်းမရှိပါ။
ကျောင်းရောင်း ကျောင်းဝယ်
ကျောင်းတိုက်၏ ကျောင်းထိုင်ဆရာတော်အဖြစ် ဦဥက္ကံသအား ၂၀၀၅ ခုနှစ်ကတည်းက ဗဟန်းမြို့နယ်သံဃနာယကအဖွဲ့က အသိအမှတ်ပြုခဲ့သည်။
ဦးဥက္ကံသ ထားဝယ်မြို့သို့ ခေတ္တခဏပြန်သွားသည့်အချိန် တွင် ဦဇတိလ(ခေါ်)ဦးစိန်ထွန်းအား ကျောင်းအား ကြည့်ရူပေးရန် ခေတ္တ အပ်နှံထားခဲ့ကြောင်း၊ သို့သော်လည်း ဦဇတိလက စင်္ကာပူရောက် ဦးပညာနန္ဒအား သိန်း၂၅၀ ဖြင့် ရောင်းချခဲ့ကြောင်း သိရသည်၊
ဦးဥက္ကံသ ပြန်ရောက်သည့်အချိန်တွင် ကျောင်းအရောင်းအ၀ယ်ဖြစ်သွားပြီးဖြစ်နေသည်။
ထို့ကြောင့် ကျောင်း ရောင်းချခဲ့သူ ဦဇတိလသည် ယုံကြည်စွာ အပ်နှံထားသည့်ပစ္စည်းအား အလွဲသုံးစား လုပ်မှု နှင့် တရားစွဲခံရပြီး အလုပ်ကြမ်းနှင့် ထောင်ဒဏ် ၃ နှစ်ကျခဲ့သည်ဟု သိရသည်။၂၀၁၁ ခုနှစ် ဇူလိုင်လ ၇ ရက်နေ့တွင် တိုင်းသံဃနာယကအဖွဲ့၏ ညှိနှိုင်းပေးမှုကြောင့် ဦဥက္ကံသနှင့် နောက်ပါ ရဟန်း ၃၂ ပါးတို့ ကျောင်းပေါ်သို့တက်ခွင့်ရခဲ့သည်။ သို့ရာတွင် အလယ်ထပ် ဘုရားခန်းရှေ့ရှိ ပေ၂၀×၃၀ ခန့်သာ ရှိသည့် နေရာလေးတွင်သာ သီတင်းသုံးခွင့် ရခဲ့သည်ဟု သိရသည်။
အင်တာနက်ခေတ်မှာ ဘုန်းတော်ကြီးများ ရန်မဖြစ်ကြနှင့်၊
သတင်းထဲမှာ ပြူးတူးပြဲတဲ ပါလာမယ်။
လောဘ၊ ဒေါသ၊ မောဟတွေကို ဘာသာရေးခေါင်းဆောင်တွေက စပြီး ထိန်းချုပ်ရမှာပါ။
သတိ သတိ သတိ။