![](http://1.bp.blogspot.com/-0FSuM8LVuuE/UEmb1SlcS2I/AAAAAAAANyI/FloujkQFcM4/s400/DSC00309%2Bcopy%2B21.jpg)
မနေ့က အမျိုးသားလွှတ်တော်မှာ ကချင်ဒေသ အကြောင်း ပြောခဲ့ကြပါတယ်။
ကချင်ဒေသတိုက်ပွဲမရပ်တာ KIA ကြောင့်ပါ လို့ ကာကွယ်ရေးဒုဝန်ကြီးက တင်ပြသွားပါတယ်။
(ဥပမာတခုပေးရာမှာ ကရင်လက်နက်ကိုင်အဖွဲ့ KNU နဲ့ ဆိုရင် အဆင်ပြေတယ်၊ "နှစ်ဖက်ရိုးသားမှု၊ ယုံကြည်မှု" ရှိကြတယ်လို့ ဒုဝန်ကြီးက ဆိုပါတယ်။ အဲဒါကို ဘာသာပြန်ရရင် KIA က မရိုးသားဘူး ဆိုတဲ့ အဓိပ္ပာယ်ထွက်နေပါတယ်။)
မေးမြန်းသည့်အကြောင်းအရာ - ''အပစ်အခတ် ရပ်စဲရေး/ ငြိမ်းချမ်းရေး''
မေးမြန်းသူ - ဦးခက်ထိန်နန် ကချင်ပြည်နယ်မဲဆန္ဒနယ် အမှတ်(၁)
ဖြေကြားသူ - ကာကွယ်ရေး ဒုဝန်ကြီး ဗိုလ်မှူးချုပ်အောင်သော်
တပ်မတော်နှင့်ကေအိုင်အေ ပစ်ခတ်တိုက်ခိုက်မှုများ စတင် ဖြစ်ပွားခဲ့သည့် ၂ဝ၁၁ ခုနှစ် ဇွန်လမှ စတင်၍ ပြည်နယ်အဆင့် (၃)ကြိမ်၊ ပြည်ထောင်စုအဆင့်(၃)ကြိမ်၊ အလွတ်သဘော(၄)ကြိမ် တွေ့ဆုံ ဆွေးနွေးခဲ့ပါကြောင်း၊
တပ်မတော်အနေဖြင့် ငြိမ်းချမ်းရေးကို အပြည့်အဝ လိုလားပါကြောင်း၊
နိုင်ငံတော်သမ္မတကလည်း ၂ဝ၁၁ ခုနှစ် ဒီဇင်ဘာ ၁ဝ ရက်တွင် ကချင်ပြည်နယ်အတွင်း ခုခံကာကွယ်ရုံမှအပ ပစ်ခတ်တိုက်ခိုက်ခြင်း၊ ကေအိုင်အေ တပ်စခန်းများအား ချီတက်ထိုးစစ်ဆင် တိုက်ခိုက်ခြင်း မပြုလုပ်ရန် ညွှန်ကြားခဲ့ပါကြောင်း၊
နိုင်ငံတော်သမ္မတ၏ ညွှန်ကြားချက်အပေါ် တပ်မတော် ကာကွယ်ရေးဦးစီးချုပ်အနေဖြင့် ကွပ်ကဲမှုအောက် တပ်များကို ချက်ချင်းချပြခဲ့ပြီး သက်ဆိုင်ရာ တပ်ရင်း/တပ်ဖွဲ့များမှလည်း တိကျစွာ လိုက်နာဆောင်ရွက်လျက် ရှိပါကြောင်း။
တပ်မတော်အနေဖြင့် ပြည်သူလူထုအသုံးပြုနေသည့် လမ်းကြောင်းနှင့် နယ်မြေလုံခြုံရေးတာဝန် ထမ်းဆောင်နေသည့် ဌာနချုပ်များ၊ တပ်စခန်းများ၊ စစ်ကြောင်းများသို့ ရိက္ခာပို့ဆောင်စဉ်၊ လူနာပို့ဆောင်စဉ်၊ တာဝန်လဲလှယ်စဉ်၊ လုံခြုံရေးနှင့် နယ်မြေရှင်းလင်းရေးဆောင်ရွက်စဉ် ကေအိုင်အေအဖွဲ့မှ နှောင့်ယှက်ပစ်ခတ်ခြင်း၊ မိုင်းဆွဲတိုက်ခိုက်ခြင်း စုစုပေါင်း(၉၂၆)ကြိမ်ပြုလုပ်ခဲ့သဖြင့် ထိတွေ့မှုများဖြစ်ပွားခဲ့ရခြင်းဖြစ်ပါကြောင်း။
ယခုကာလအတွင်း ကေအိုင်အေအဖွဲ့အနေဖြင့် စစ်ရေးနှင့်မသက်ဆိုင်သော ပစ်မှတ်များဖြစ်သည့် အများပြည်သူသုံး လမ်းတံတားများအား မိုင်းခွဲခြင်း(၆၆)ကြိမ်ပြုလုပ်ခဲ့ပါကြောင်း၊
သမ္မတကြီး၏ ညွှန်ကြားချက်ရရှိပြီး နောက်ပိုင်းတပ်မတော်အနေဖြင့် ကေအိုင်အေစခန်းများအား ထိုးစစ်ဆင်ခြင်းကို လုံးဝပြုလုပ်ခဲ့ခြင်းမရှိပါကြောင်း၊
သို့သော် အများပြည်သူအသုံးပြုလျက်ရှိသည့် လမ်းကြောင်းနှင့် နယ်မြေလုံခြုံရေးဆောင်ရွက်စဉ် တစ်ဖက်မှတိုက်ခိုက်လာမှုအား ပြည်သူလူထု၏အကျိုးစီးပွားကို အစဉ်စောင့်ရှောက်ရန်တာဝန်ရှိသည်နှင့်အညီ ယင်းတာဝန်ကိုသာ ထမ်းဆောင်နေခြင်းဖြစ်ပါကြောင်း၊
ကေအင်န်ယူငြိမ်းချမ်းရေးအဖွဲ့နှင့် ငြိမ်းချမ်းရေးဆောင်ရွက်ရာတွင် နှစ်ဖက်ရိုးသားမှု၊ ယုံကြည်မှုရှိကြသည့်အတွက် ပြဿနာတစ်စုံတစ်ရာ ဖြစ်ပွားခြင်းမရှိဘဲ နယ်မြေတည်ငြိမ်အေးချမ်းမှုရှိနေခြင်းကို သာဓကအဖြစ် တွေ့မြင်နိုင်ပါကြောင်း။
ကျန်တိုင်းရင်းသားလက်နက်ကိုင် အဖွဲ့(၁ဝ) ဖွဲ့သည်လည်း အပစ်အခတ်ရပ်စဲရေးမှတစ်ဆင့် ငြိမ်းချမ်းရေး သဘောတူ လက်မှတ်ရေးထိုးနိုင်ခဲ့သည်အထိ အောင်မြင်မှုရရှိနေသည်ကိုတွေ့မြင်နိုင်ပါကြောင်း၊
ကေအိုင်အေအဖွဲ့အနေဖြင့် အပစ်အခတ်ရပ်စဲရေးလုပ်ငန်းစဉ်ကို လုံးဝဆွေးနွေးညှိနှိုင်းမှုမပြုလုပ်ဘဲ နိုင်ငံရေးအရ ဆွေးနွေးမှုပြုလုပ်ပြီးမှသာ အပစ်အခတ် ရပ်စဲမည်ဆိုသည့်အချက်ကို ကိုင်စွဲထားသဖြင့် လတ်တလောပစ်ခတ်မှုများ ဆက်လက်ဖြစ်ပေါ်နေရခြင်း ဖြစ်ပါကြောင်း၊
တပ်မတော်အနေဖြင့် ကေအိုင်အေ အဖွဲ့နှင့် အပစ်အခတ်ရပ်စဲရေး အပါအဝင် ထာဝရငြိမ်းချမ်းရေးရရှိစေရေးအတွက် စိတ်ရှည်သည်းခံစွာဖြင့် ဆောင်ရွက်လျက်ရှိပါကြောင်း၊
ကေအိုင်အေအနေဖြင့် နိုင်ငံတကာနှင့် အများကလက်ခံကျင့်သုံးလျက်ရှိသည့် ငြိမ်းချမ်းရေးလုပ်ငန်းစဉ်များအတိုင်း ဆက်လက်ဆောင်ရွက်မည်ဆိုပါက အခြားအဖွဲ့များနည်းတူ ငြိမ်းချမ်းရေးသဘောတူညီချက်များ လက်မှတ်ရေးထိုးနိုင်မည်ဖြစ်ပါကြောင်းဖြင့် ဖြေကြားသည်။
ညွှန်း - ယနေ့ထုတ် အစိုးရသတင်းစာများ
~
Lie! Keep lying and cheating the people!