The Irrawaddy's Blog: မဲဆောက်အိဒ်ပွဲ

~

ပြည်တော်မြင့် ~

ယနေ့မွန်းလွဲပိုင်းက မဲဆောက်ဗလီကြီးတွင်တွေ့ရသည် မြန်မာနှင့်ထိုင်းအစ္စလမ်ဘာသာဝင်များ (ဓာတ်ပုံများ - ပြည်တော်မြင့်/ဧရာဝတီ)

ထိုင်း-မြန်မာနယ်စပ် မဲဆောက်မြို့တွင် ယနေ့ပြုလုပ်သည့် ကိုရ်ဘာနီအိဒ်ပွဲတော်သို့ မြန်မာနိုင်ငံ မြ၀တီဘက်ခြမ်းမှ ထောင်နှင့်ချီသည့် အစ္စလမ်ဘာသာဝင်များ လာရောက်ခဲ့ကြသည်။

မဲဆောက်အိဒ်ပွဲတော် လာရောက်ကြသည့် မြန်မာဘက်ခြမ်းမှ ချို့တဲ့သူများကို မဲဆောက်ရှိ လုပ်ငန်းရှင်များက ငွေကြေး၊ အ၀တ်အထည်နှင့် အသားများ ပေးဝေကြသည်။

မဲဆောက်မြို့မှ လုပ်ငန်းရှင်တဦးဖြစ်သည့် ဟာဂျီယူနွတ်က ”မဲဆောက်မှာက နှစ်တိုင်း ပေးကမ်းမှုကို ပြုလုပ်ကြတာပါ။ အသားအိဒ်မှာရော မုန့်အိဒ်မှာရော အမြဲတမ်း ပုံမှန် လုပ်နေကြပါ။ အဓိက မြန်မာဘက်က လာတဲ့လူတွေကို ပိုပြီးပေးကမ်းဖြစ်ပါတယ်” ဟု ပြောသည်။

ငွေကြေးအနေနှင့် အသက်အရွယ် ကြီးရင့်သူများနှင့် ကျန်းမာရေးချို့တဲ့သူများကို တဦးလျှင် ထိုင်းဘတ်ငွေ ၅၀၀ မှ ၁,၀၀၀ လှူဒါန်းကြသည်ဟု အလှူငွေ ရရှိခဲ့သော မသန်စွမ်းသူ တဦးဖြစ်သည့် ကိုမာမွတ်က ပြောသည်။

မိသားစုနှင့်အတူလာသည့် ကိုမာမွတ်က ”မဲဆောက်အိဒ်ပွဲကို လာတာ အများစုက မြ၀တီနဲ့ ကော့ကရိတ်နယ်ထဲကလူတွေ များတယ်။ ဒီပွဲအတွက် မဲဆောက်ကို နှစ်ရက် ကြိုပြီးလာရတယ်။ တည်းတာကတော့ မဲဆောက်ဗလီကြီးနဲ့ အခြားဗလီတွေမှာ ညအိပ် တည်းကြတယ်။ မိသားစုအလိုက် လာကြတာများတယ်။ ဒီနေ့အိဒ်ပွဲပြီးတာနဲ့ နောက်နေ့ ကားတန်းနဲ့ ကော့ကရိတ် ပြန်ဆင်းကြမယ်” ဟု ပြောသည်။

ပုံမှန်အားဖြင့် ထိုင်းနှင့် မြန်မာ အစ္စလမ် ဘာသာဝင်များ၏ ကိုရ်ဘာနီအိဒ်ပွဲတော်သည် တရက်စီ ခြား၍ကျ ရောက်သော်လည်း ယခုနှစ်အတွက် မြန်မာနိုင်ငံတွင် ပြည်တွင်းရေး အခြေအနေအချို့ကြောင့် အိဒ်ပွဲတော် မကျင်းပနိုင်သည့်အတွက် စိတ်မကောင်းဖြစ်ရသည်ဟု မဲဆောက် အခြေစိုက် မြန်မာနိုင်ငံလုံးဆိုင်ရာ မူဆလင်များ အစည်းအရုံး (ABMU) အဖွဲ့၏ အထွေထွေအတွင်းရေးမှူး ဦးဟာမစ်က ပြောသည်။

၎င်းက ”တိုင်းပြည် တည်ငြိမ်ဘို့အတွက် အစိုးရက တာဝန် ပျက်ကွက်ခဲ့တယ်။ ဒီပြဿနာကို အစိုးရက ထိထိ ရောက်ရောက် ကိုင်တွယ်မှု မရှိဘဲ မီးစာတဘက် ရေမှုတ်တဘက် ပေါ်လစီကို ကျင့်သုံးခဲ့လို့ဖြစ်တယ်” ဟု ဧရာဝတီသတင်းဌာနသို့ ပြောသည်။

မြန်မာနိုင်ငံ ရခိုင်ပြည်နယ်နှင့် အခြားဒေသအချို့တွင် ဆိုးရွားစွာ ဖြစ်ပွားနေသည့် ပဋိပက္ခများကြောင့် ယခုလ ၂၇ ရက်နေ့တွင် ကျရောက်မည့် ကိုရ်ဘာနီအိဒ်ပွဲတော်ကို ယခုနှစ်တွင် ကျင်းပခြင်း မပြုလုပ်ဘဲ ရပ်ဆိုင်းထားရန် မြန်မာနိုင်ငံလုံးဆိုင်ရာ အစ္စလမ်ဘာသာရေး အဖွဲ့ချုပ်ဝင် အားလုံး တညီတညွတ်ထဲ သဘောတူကြောင်း ယမန်နေ့ ရက်စွဲဖြင့် ကျေညာချက် ထုတ်ပြန်ခဲ့သည်။

ထိုင်းနိုင်ငံတွင် ယနေ့ကျရောက်သည့် ကိုရ်ဘာနီအိဒ်ပွဲတော်ကို လာရောက်သည့် မြ၀တီမှ ဒေါ်ခါလာကြီးက ”မဲဆောက်မှာရှိတဲ့ ဟာဂျီတွေက ရက်ရက်ရောရော ပေးကမ်းနိုင်တော့ မြန်မာဘက်က လာတဲ့လူတွေ များတယ်။ ပိုက်ဆံ မရတဲ့လူတွေရှိပေမဲ့ အသားကတော့ တယောက်ကို သုံးလေးပိသာလောက် အနည်းလေး ရတယ်၊ ကျမတို့ဆီမှာက ခုခေတ်အသားဈေးနဲ့ဆိုရင် တော်ရုံတန်ရုံလူ ပိသာလိုက် ၀ယ်စားဘို့က လွယ်တာ မဟုတ်ဘူး” ဟု ပြောသည်။

ကိုရ်ဘာနီအိဒ်ပွဲတော်သည် အစ္စလမ် ဘာသာဝင်များအကြား အရေးကြီးသည့်ပွဲတော်ဖြစ်ပြီး ပြဌာန်းရခြင်းနှင့် ပတ်သက်၍ ကိုရမ် ကျမ်းစာ ၂၂း၂၈ နေ့တွင် တွက်ချက် သတ်မှတ်ထားသော ကာလအတွင်း ခွာကွဲစားမြုံ့ပြန် သတ္တ၀ါများကို သင့်တို့အတွက် ရိက္ခာဖြစ်စေ၏ သို့ဖြစ်၍ ၎င်းတို့ကို စားသုံးကြလော့၊ နွမ်းပါးသော သူဆင်းရဲများကို ကျွေးမွေးကြလော့ဟု ဆိုထားသည်။

ထိုင်းနိုင်ငံ၏ လူဦးရေသန်း(၇၀)ခန့် ရှိသည့်အနက် အစ္စလမ် ဘာသာဝင် အရေအတွက်မှာ (၁၀) ရာခိုင်နှုံးခန့် ရှိသည် ဟု မဲဆောက်ဗလီကြီး၏ ဂေါပက အဖွဲ့ဝင်တဦးဖြစ်သည့် နိုင်ဘန်ကျုံက ပြောသည်။

၎င်းက ထိုင်းတောင်ပိုင်းရှိ နာရာသီဝပ်၊ ပါတနီ၊ ယာ့လာ၊ ဆုံခလာ၊ စတွန်း စသည့် ပြည်နယ်များတွင် အစ္စလမ်ဘာသာဝင်များ အများစု နေထိုင်ကြပြီး ယနေ့ ကျရောက်သည့် ကိုရ်ဘာနီအိဒ်ပွဲတော်ကို ထိုင်းနိုင်ငံ အတွင်း ဘာသာဝင်များ နေထိုင်ကြသည့် နေရာဒေသများတွင်လည်း တပြိုင်တည်း ကျင်းပကြသည်ဟု ဆိုသည်။

-