နန်းခင်ဇေယျာ အနိုင်ရဖို့ မဲပေးစရာ လိုသလား

ဓာတ်ပုံ - MI 2012

ဒီနှစ်နိုင်ငံတကာမယ်ပြိုင်ပွဲဝင်တဲ့ နန်းခင်ဇေယျာ အနိုင်ရဖို့ အွန်လိုင်းမှာ မဲပေးကြပါလို့ တချို့က တိုက်တွန်းနေကြပါတယ်။

 အွန်လိုင်းတနေရာမှာ တွေ့ရတဲ့ စစ်တမ်းလိုလို ဘာလိုလိုအရ ဆိုရင် အတက်ကြွဆုံးက မြန်မာတွေဖြစ်နေပါတယ်။ ဒါမှမဟုတ်  တခြားနိုင်ငံသားများကလည်း နန်းခင်ဇေယျာကို ကလစ် လုပ်ကြပုံပါပဲ။

မဲပေးလို့ အသာရစတမ်းဆိုရင် တရုတ်ပြည်က၀င်ပြိုင်သူ အတော် အခြေအနေ ကောင်းမှာပါ။ အွန်လိုင်းမှာ တရုတ်ပြည်လူတွေ အရေအတွက် ပိုများတယ်မဟုတ်လား။
poll စာမျက်နှာက သူတို့ဆီကို စာဖတ်သူ များများလာအောင် မဲပေးတဲ့အစီအစဉ် လုပ်ထားတာပါ။ ပြိုင်ပွဲကျင်းပရေးကော်မတီနဲ့ မဆိုင်ပါဘူး။

ပြိုင်ပွဲဝင်သူတွေကို အမှတ်ပေးရာမှာလည်း လှပကျော့ရှင်းမှုတခုတည်းကို ကြည့်တာမဟုတ်ဘဲ သူတို့ရဲ့ နှံ့စပ်သိမြင်မှု၊ ပြောပုံဆိုပုံများကိုလည်း အမှတ်ပေးပါတယ်။ 

ဘာပဲပြောပြော poll စာမျက်နှာသွားပြီး ၀င်ပြိုင်တဲ့ တောင်ကြီးသူကို ၀ိုင်းဝန်း အားပေး မဲထည့်ကြတာတော့ အားရစရာပါပဲ။ သူ့ကို အားပေးသူ အများအပြား ရှိတယ်ဆိုတာ သိရတာ အမြတ်ထွက်တယ်လို့ပဲ ဆိုရမှာ ဖြစ်ပါတယ်။

ပြိုင်ပွဲမှာ ပေးမယ့် ဆုအသေးတွေထဲမှာ Miss Internet ဆု ဆိုတာလည်း  ပါဝင်တယ်၊ အဲဒါအတွက် အွန်လိုင်းကနေ မဲပေးနိုင်တယ်လို့ ဆိုသူများလည်း ရှိပါတယ်။ အခုထိတော့ ပြိုင်ပွဲကော်မတီရဲ့ဝက်ဆိုက်မှာ မဲပေးရမယ့်နေရာ ရှာမတွေ့သေးပါ။ တွေ့တာနဲ့ ဒီပို့စ်မှာ ဖြည့်စွက်ဖော်ပြပေးပါ့မယ်။


ဆက်စပ် - မြန်မာပြည်ကလည်း နိုင်ငံတကာမယ်ရွေးပွဲ ၀င်ပြိုင်နေပြီ

 

ဧရာဝတီ Facebook / Twittert

-