ကာတွန်း - အော်ပီကျယ်
လင်းသန့် ~
လက်ပံတောင်း ကြေးနီစီမံကိန်း ရပ်တန့်ရေး ဆန္ဒပြ သပိတ်စခန်းတွေကို မြန်မာအစိုးရ လုံခြုံရေး တပ်ဖွဲ့ဝင်တွေက အကြမ်းဖက် ဖြိုးခွင်းမှုကြောင့် သံဃာတော်တွေ၊ အမျိုးသမီးနဲ့ ကလေးငယ်တချို့ပါ မီးလောင်ဒဏ်ရာတွေနဲ့ မြင်မ ကောင်းအောင် ဖြစ်ခဲ့လို့ မြန်မာနိုင်ငံ မြို့ကြီးတချို့မှာ ဆန္ဒပြမှုတွေ ဆက်တိုက်လို ဖြစ်လာခဲ့ပါတယ်။
လက်ပံတောင်းတောင်အရေး အကြမ်းဖက် ဖြိုခွဲမှုကြောင့် မီးလောင်ဒဏ်ရာရ သံဃာတပါးဖြစ်တဲ့ ဦးတိက္ခဉာဏဟာ ဒီကနေ့ ဒီဇင်ဘာလ ၁၃ ရက်နေ့မှာ ထိုင်းနိုင်ငံ ဘန်ကောက်မြို့ကို ဆေးကုသမှု ခံယူဖို့ ရောက်လာခဲ့ပါပြီ။
ဒဏ်ရာရသံဃာတော်တွေကို ဆေးကုသရေးအတွက် ရွှေည၀ါဆရာတော်မှလည်း လှူဒါန်းငွေများ ကူညီပေးထားပြီး ပြည်ပတွင် ဆေးကုသရေးအတွက် အကူညီများ လိုအပ်နေသေးတယ်လို့ ဒဏ်ရာရ သံဃာတွေကို အကူအညီပေးနေတဲ့ အဖွဲ့က ဆရာတော် ဦးဝိမလက မိန့်ကြားပါတယ်။
အခြားသံဃာတော် ၄ ပါးမှာ မန္တလေး ဆေးရုံကြီးတွင် ဆေးကုသ ခံယူနေဆဲဖြစ်ပြီး နိုင်ငံကူးလက်မှတ် မရရှိသေးဘူး လို့ အဆိုပါ ဆရာတော်က ဆက်လက်မိန့်ကြားပါတယ်။
မီးလောင်ဒဏ်ရာရခဲ့ကြတဲ့ သံဃာတော်တွေရဲ့ ဓာတ်ပုံတွေလည်း အင်တာနက် လူမှုစာမျက်နှာတွေ မှာ နေ့စဉ်ဆိုသလို မြင်တွေ့ရပြီး အတော် စိတ်မသက်မသာ ဖြစ်ကြရတာပါ။
အခုလို မီးလောင်ဒဏ်ရာတွေရခဲ့တာဟာ မြန်မာအစိုးရတာဝန်ရှိသူတချို့ ပြောနေတဲ့ မျက်ရည်ယိုဗုံးသုံးပြီး ဖြိုခွဲခဲ့တယ် ဆိုတာ လက်မခံနိုင်ကြသူတွေက များပါတယ်။ ဒေါက်တာခင်မောင်ညိုကလည်း ဖော့စ်ပရပ်စ် ဓာတုပစ္စည်းပါတဲ့ မီးလောင်ဗုံးလိုမျိုး နပန်းဗုံးကို သုံးစွဲခဲ့ပုံရတယ်လို့ မှတ်ချက်တွေပေး ကြပါတယ်။
အလားတူ လူတော်တော်များများနဲ့ မျက်ရည်ယုို ဗုံးနဲ့ပတ်သက်ပြီး အတွေ့အကြုံရှိခဲ့ဖူး သူတွေကလည်း မျည်ရည်ယိုဗုံးသုံးခဲ့တယ်ဆိုတာ လက်မခံကြပါဘူး။
ပြည်တွင်းရှိ ဆေးပညာရှင်တချို့နဲ့ ပြည်ပရောက် မြန်မာဆေးပညာရှင်တချို့ကလည်း သံဃာတော်များရဲ့ ဒဏ်ရာအခြေအနေတွေကို ကြည့်ပြီး ဓာတုဗေဒ ပစ္စည်းတခုခုပါဝင်တဲ့ ဗုံးတမျိုးမျိုးသုံးခဲ့တာဖြစ်မယ်လို့ မှတ်ချက်ပေး ပြောနေကြပါတယ်။
အစိုးရတာဝန်ရှိသူတွေကလည်း မျက်ရည်ယိုဗုံးကိုဘဲ သုံးခဲ့တာသာဖြစ်တယ်လို့ ဆက်လက်ပြောဆိုနေတဲ့ အတွက် ထိုနေ့ နိုဝင်ဘာလ ၂၉ ရက်နေ့ နံနက်က ၀မ်ပေါင်ကုမ္ပဏီဝန်းထဲကနေ လုံခြုံရေးတပ်ဖွဲ့တွေက မီးသတ်ပိုက်တွေနဲ့ထိုးပြီး နောက်ပိုင်း မီးလောင်စေတဲ့ ဗုံးနဲ့ပစ်ခွင်း ဖြိုခွဲလိုက်တာကြောင့် အဆိုပါ ဗုံးဟာ တရုတ် ၀မ်ပေါင် ကုမ္ပဏီကများ ထုတ်ပေးလိုက်သလားဆိုတဲ့ မေးခွန်းတွေက ဆင့်ကဲပေါ်ပေါက်လာခဲ့ပါ တယ်။
ဒါပေမယ့် ပြီးခဲ့တဲ့ ဒီဇင်ဘာလ ၅ ရက်နေ့က ရန်ကုန်မြို့ တရုတ်သံရုံးမှာ ကျင်းပခဲ့တဲ့ သတင်းစာ ရှင်းလင်းပွဲ မှာ မြန်မာ နိုင်ငံ ဆိုင်ရာ တရုတ် သံအမတ်ကြီး မစ္စတာ လီကျင့်ဟွာက လက်ပံတောင်း ကြေးနီစီမံကိန်း ရပ်တန့်ရေး ဆန္ဒပြ သပိတ် စခန်းတွေကို မြန်မာအစိုးရ လုံခြုံရေး တပ်ဖွဲ့ဝင်တွေက အကြမ်းဖက် ဖြိုးခွင်းတဲ့ မီးလောင်ဗုံးဟာ တရုတ်နိုင်ငံရဲ့ ၀မ်ပေါင် ကုမ္ပဏီက ပေးခဲ့တာ မဟုတ်ဘူးလို့ ပြောခဲ့တာကို မှတ်မိကြမယ် ထင်ပါတယ်။
ဒါဆို သံဃာနဲ့ ဒေသခံ အမျိုးသမီးနဲ့ ကလေးငယ်တွေပါ မီးလောင်ဒဏ်ရာတွေဖြစ်စေခဲ့တဲ့ သပိတ်စခန်း ဖြိုခွင်းမှုမှာ သုံးစွဲခဲ့တယ်လို့စွပ်စွဲခံနေရတဲ့ မီးလောင်ဗုံးကို ဘယ်သူက ပေးလိုက်သလဲဆိုတာတော့ ဥက္ကဌ အဖြစ် ဒေါ်အောင်ဆန်းစုကြည်တာဝန်ပေးယူထားတဲ့ လက်ပံတောင် စုံစမ်းရေး ကော်မရှင်လည်း ခေါင်း စားရတော့မယ့်ကိန်း ဆိုက်ရောက်နေပါတယ်။
လက်ပံတောင်း ကော်မရှင်ကိုတော့ သမ္မတ ဦးသိန်းစိန်က ဖွဲ့ပေးခဲ့တာပါ။
0 comments :
Post a Comment