ကာတွန်း- ဟန်လေး/ဧရာဝတီ
“လျှပ်စစ်မီး သက်သာအောင် မီးပိတ်ပြီး ဖယောင်းတိုင် ထွန်းနေကြ” (သမ္မတ၏ နိုင်ငံရေး အကြံပေး ဦးကိုကိုလှိုင်)
“တရုတ်ကိုလည်း တပည့်တော်တို့က ကြောက်ရတယ်ဘုရား။ နှစ်ချက်ရှိတာပေါ့။ ၁၉၈၈ ခုနှစ် တိုင်းပြည် ပျက်တဲ့အခါမှာ တပည့်တော်တို့ စားစရာမရှိဘူး။ စားစရာမရှိတဲ့အခါမှာ တရုတ်ဆီကနေ မူဆယ် လမ်းကြောင်းကနေ သွင်းရတယ်။ သွင်းရတဲ့ အခါကျတော့ မူဆယ် လမ်းကြောင်းကသွင်းလို့ တပည့်တော် တို့ အသက်ဆက်လို့ရတယ်။ အဲဒီကျေးဇူးလေးတော့ သူ့ကိုပြန်ပြီးတော့ကြည့်ရမယ်” (သမ္မတရုံး ဝန်ကြီး ဦးအောင်မင်းက လက်ပံတောင်း သပိတ် သံဃာများကို လျှောက်ထားချက်)
“နေ့တိုင်း ဥပုသ်စောင့်ကြပေါ့၊ ဒါဆို ညစာလည်း စားဖို့ မလိုဘူး။ အကြွေးလည်းကျေ၊ ကုသိုလ်လည်းရပေါ့။ အကြွေး မကျေရင် သံသရာမှာ သံသရာကြွေးပါပြီး ကျွန်ဖြစ်နေဦးမယ်” (လယ်ယာစိုက်ပျိုးရေးနှင့် ဆည်မြောင်း ၀န်ကြီးဌာန ပြည်ထောင်စု ၀န်ကြီး ဦးမြင့်လှိုင်က ဓနုဖြူ လယ်သမားများကို ပြောဆိုချက်)
“ထားဝယ် စီမံကိန်း အောင်မြင်အောင် ဆောင်ရွက်ဖို့ အတွက် ပြည်သူ့စစ် ဖွဲ့ရမယ်။ ရန်သူတွေ ပေါ်နေပြီ။ ရန်သူ ဆိုတာက ဒေသခံတွေ ထိခိုက်နစ်နာမှု မရှိအောင် ကြားက ကူညီဆောင်ရွက် ပေးနေတဲ့ အရပ်ဘက် ဆိုင်ရာ လူ့အဖွဲ့ အစည်းတွေ” (လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေး ဒု ၀န်ကြီးတဦး)
“ရွှေလက်နဲ့ ခေါ်တုန်း လာပါ။ ကျည်ဆံ (Bullet) လွှတ်လိုက်တာ မလိုချင်ပါနဲ့”
(အမျိုးသားလွှတ်တော် ကိုယ်စားလှယ် ဦးလှဆွေ – ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ)
“ဂျက်တိုက်လေယာဉ်တွေ ၀ယ်ထားတာ ဗုံးကြဲဖို့ပေါ့” (ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ထိပ်ပိုင်း ခေါင်းဆောင်တဦး)
အထက်မှာ ဖော်ပြခဲ့တာတွေကတော့ အစိုးရ အဖွဲ့ဝင် ဝန်ကြီး၊ သမ္မတ အကြံပေး၊ အာဏာရ ကြံ့ခိုင်ရေးပါတီ ထိပ်တန်း ခေါင်းဆောင်နဲ့ လွှတ်တော် အမတ် စသူတွေရဲ့ လူသိရှင်ကြား ပြောစကားတွေ ဖြစ်ပါတယ်။
အုပ်ချုပ်ရေးနဲ့ ဥပဒေပြုရေး ကဏ္ဍတွေမှာ တာဝန်ရှိသူတွေ ဖြစ်ပေမယ့် နိုင်ငံဂုဏ်သိက္ခာ ထိခိုက်မှုက အစ၊ ပြည်ထောင်စု တိုင်းရင်းသားများအပေါ် ဖိနှိပ်လိုမှုများ အလယ်၊ အခြေခံလူတန်းစား လယ်သမား
တွေရဲ့ ဘဝကို မစာနာမှုမျိုးတွေအဆုံး တရားလက်လွတ်၊ စကားနောက် တရားပါ ဖြစ်တာကြောင့် ပြည်သူ လူထု အကြားမှာ ဝေဖန် ရှုတ်ချမှုတွေနဲ့ ပွက်လောရိုက်စေခဲ့တဲ့ ပြောဆိုချက်တွေပါ။
ဧရာဝတီရဲ့ အတွေးအမြင်ကဏ္ဍမှာ စာရေးဆရာ သစ္စာနီကလည်း “မြန်မာ ခေတ်သစ် မေရီ အင်တွိုင်းနက် များ” ဆိုပြီး မကြာမီက ရေးသားခဲ့ပါသေးတယ်။
ဦးနေ၀င်းရဲ့ “တပ်ကတော့ မိုးပေါ် ထောင်မပစ်ဘူး။ တည့်တည့် ပစ်မှာ။ နောက် ဆူချင် ပူချင်တဲ့သူတွေ မသက်သာဘူး မှတ်” ဆိုတဲ့ ၈၈ အကြို လမ်းညွှန်ချက်ကိုပဲ နားထဲ စွဲနေကြသလား မသိဘူးလို့ စာရေးဆရာ သစ္စာနီက ဆိုပါတယ်။
ဒီလို အုပ်ချုပ်ရေးနဲ့ ဥပဒေပြုရေး ကဏ္ဍမှာ တာဝန်ကြီးကြီးမားမား ယူထားသူများအနေနဲ့ ဒီလို တရားလက်လွတ် ပြောဆိုမှုတွေ ဖြစ်ရခြင်းဟာ အရင် စစ်အစိုးရလက်ထက်ကနေ အရပ်ဝတ် ပြောင်းဝတ် လာတဲ့ သူတွေ အများစုဖြစ်လို့ သူတို့ရဲ့ ဇာတိရုပ်က ပေါ်လာတယ်လို့ ဆိုနိုင်ပါတယ်။
ဒီလို အထိန်းအကွပ်မဲ့၊ တာဝန်မဲ့၊ တရားလက်လွတ် ပြောဆိုမှုတွေကို ဘယ်လို မြင်ပါသလဲ၊ ပြန် လည် တောင်းပန်ခိုင်းတာမျိုး၊ တာဝန်ယူပြီး ဖြေရှင်းခိုင်းနိုင်မယ့် ဖိအားပေးမှုမျိုး၊ ဒီလို ပြောဆိုချက်အပေါ် မူတည်ပြီး တစုံတရာ အရေးယူတာမျိုးတွေ လုပ်ခိုင်းသင့်ပါသလား၊ နောက်လူတွေ ဒီလို မပြောဝံ့အောင် မှတ်လောက်သားလောက် ဖြစ်အောင် စံပြ အနေနဲ့ သေချာ မှတ်တမ်းတင်တာမျိုး တခုခု လုပ်သင့်သလား စတာတွေကို ဒီတခေါက် ဧရာတီဖိုရမ်မှာ ဆွေးနွေးဖို့ ဖိတ်ခေါ်ပါတယ်။
ဤနေရာမှ တဆင့် သွားရောက်ဆွေးနွေးနိုင်ပါပြီ
ဒေါ်စုပြောတာလေးတွေ တင်ပေးပါဦး ဖတ်ချင်လို့ပါ
(ဥပမာ)ဆရာဝန်ကိစ္စ ၊ကိုရီးယားမှာပြောတဲ့ကိစ္စ ၊
ခွေးကိစ္စ ၊ ဂျပန်ကိစ္စ လေးတွေ ကျန်ခဲ့မှာစိုးလို့
သတိပေးတာပါ # zz