ဒေသခံတို့မှာ ဟိုတယ်ဇုန်မြေဧရိယာအတွင်းပါရှိသွားသည့် လယ်မြေပိုင်ရှင်များဖြစ်သည့် အင်ကြင်းကုန်းရွာ၊ ကံပဲ့ကျေးရွာမှ ရွာသူရွာသားများ ဖြစ်သည်။
 |
 |
- မိုင်းပျဉ်း လွှတ်တော်ကိုယ်စားလှယ် ဦးစိုင်းထွန်းစိန်၊ လွိုင်လင် လွှတ်တော် ကိုယ်စားလှယ် ဦးခင်မောင်သီ၊ မူဆယ်လွှတ်တော် ကိုယ်စားလှယ် ဦးစိုင်းဝင်းမောင်၊ ဦးကျော်ဇော်သန်း၊ ဒီမောဆိုးမှလွှတ်တော်ကိုယ်စားလှယ် ဦးစိုးရယ်၊ ဘန်းယဉ်မှ ဦးစိုင်းဟတ် တို့ ဖြစ်သည်။
မိမိတို့သည် ရှမ်း/ကယား မြေယာစုံစမ်းစစ်ဆေးရေးအဖွဲ့ဝင်များဖြစ်ကြောင်း ၊ ရွာသူရွာသားများ ရင်ဆိုင်နေရသည်များအား အလုံးစုံ တင်ပြနိုင်ပါကြောင်း ပြောဆိုသည်။
မြေယာစုံစမ်းစစ်ဆေးရေးကော်မရှင်ကပြောကြားရာတွင် ကော်မရှင်၏ တာဝန်သည် တိုင်ကြားမှုများကို စုံစမ်းပြီး၊ တွေ့ရှိချက်များကို လွှတ်တော်သို့ တင်ပြရန်သာဖြစ်ကြောင်း၊ ကော်မရှင်တွင်လည်း လူထု ကိုယ်စားလှယ်များဖြင့်ဖွဲ့စည်းထားသောကြောင့် မှန်ကန်သော လမ်းကြောင်းအတိုင်းသွားမည်ဖြစ်ကြောင်း ပြောကြားသည်။
ဘုန်းကြီးကျောင်း ၁၃ကျောင်း၏ ထင်းစိုက်ခင်းဧရိယာများ ဟိုတယ်ဇုန်အတွင်း ပါဝင်သွားမှုနှင့် ပတ်သတ်ပြီး အနောက်ရွှေကျောင်းဒကာ ဦးဘဦး ကပြောကြားရာတွင်
- ထင်းခြံများသည် နှစ်ပေါင်း ၂၀၀ကျော် ကတည်းက ဘိုးဘွားများ၊ စော်ဘွားများက လှူဒါန်းထားရှိခဲ့ခြင်းဖြစ်ပြီး၊ ခေတ်အဆက်ဆက် ပြဿနာ မဖြစ်ပေါ်ခဲ့ကြောင်း၊
- ထင်းခြံစောင့်များဖြင့် စောင့်ရှောက်ထိမ်းသိန်းထားရှိခဲ့ကြောင်း၊
- ဘယ်ခြံက ဘယ်ဘုန်းကြီးကျောင်းပိုင်ထင်းခြံဖြစ်သည်ကို ဒေသခံတိုင်း သိရှိကြောင်း၊
- ထင်းခြံများကိုလည်း ပဒေသာပင်သတ်မှတ်ထားကြောင်း၊
- နိုဝင်ဘာ၁ရက်နေ့ (၂၀၁၂) မြေတိုင်းမှ မြေယာသိမ်းခံရတာကို သိရှိရကြောင်း၊
- သည့်အတွက် နိုဝင်ဘာ ၁၄ရက်နေ့တွင် လက်မှတ်ထိုးတိုင်ကြားခဲ့ကြောင်း၊
- သို့သော်လည်း အကြောင်းမပြန်ကြောင်း၊
- ဘုန်းကြီးကျောင်းပိုင် ထင်းခြံများကို မရောင်းစားစေလိုကြောင်း ပြောကြားသွားသည်။
အမျိုးသားဒီမိုကရေစီအဖွဲ့ချုပ်မှ ဒေါက်တာ ထွန်းလှိုင် ကလည်း မြေယာစုံစမ်းစစ်ဆေးရေးကော်မရှင်သိရှိစေရန် ထင်းခြံများ၏ ရာဇ၀င် ပြောဆို ရှင်းလင်းတင်ပြပေးသည်။
 |
မြေယာစုံစမ်းစစ်ဆေးရေးကော်မရှင်က ........
- ဒေသခံများအနေဖြင့်လည်း လိုချင်တာကို တိတိကျကျ ပြန်လည်တင်ပြပေးရန်
- သီးနှံလျော်ကြေးလိုချင်တာလား၊ မြေမပေးချင်တာလား၊ သီးနှံလျော်ကြေးတိုးပြီးလိုချင်တာလား၊ မြေယာများကို မည်သူမည်မျှ ပိုင်ဆိုင်ကြောင်း ကိုလည်း စာရင်း ဇယား နှင့် တင်ပြပေးရန် ပြောဆိုခဲ့သည်။
ကံပဲ့ရွာ နှင့် အင်ကြင်းကုန်းရွာရှိ တောင်သူများက ပြောဆိုရာတွင် မိမိတို့မြေယာများကိုသာ ပိုင်ဆိုင်လိုကြောင်း၊လျော်ကြေးလည်း မလိုချင်ကြောင်း ပြောဆိုခဲ့သည်။
ဂျွန်ချစ်ငြိမ်း(တောင်ကြီး) ~
 |
0 comments :
Post a Comment