ထိုင်းဘုရင်ရဲ့မြေးတော် ဆီးဂိမ်းမှာ မြင်းစီးပြိုင်ပွဲဝင်

~



ယနေ့ကျင်းပသော မြင်းစီးပြိုင်ပွဲတွင် ထိုင်းဘုရင်၏ မြေးတော် မင်းသမီး H.R.H Princess Sirivannavarinariratana က နေ့လယ်ပိုင်းတွင် ထိပ်ကွက် အမည်ရှိ မြင်းဖြင့် ၀င်ရောက် ယှဉ်ပြိုင်ခဲ့သည်။ 

(ဓာတ်ပုံများ - ဂျေပိုင် / ဧရာဝတီ)
ထိုင်း ဘုရင့်မြေးတော်က ၀င်ရောက်ယှဉ်ပြိုင်မှု အခြေအနေကို မသိရသော်လည်း ပထမဆုံး စတင်လေ့ကျင့်ရသည့် နေ့တွင် မြင်းအား ထိန်းချုပ်ရ မလွယ်ကူကြောင်း ပြောကြားသည်ဟု ယခုလ ၁၁ ရက်နေ့က ထိုင်းဘာသာနှင့် ရေးထားသည့် Banmuang ၀က်ဘ်ဆိုက် အင်တာနက် စာမျက်နှာ၌ ရေးသားထားသည်။

ထိုင်းဘုရင့် မြေးတော်က သင်္ဘာသီးထောင်းကို ကိုယ်တိုင် ပြုလုပ်ကာ ကောက်ညှင်း၊ ကြက်သားကင်၊ ငါးကြော်တို့နှင့် စား သောက်နေရသည့် အကြောင်းကိုလည်း ရေးသား ဖော်ပြထားသေးသည်။

မြင်းစီးပြိုင်ပွဲကို နေပြည်တော်တွင် ရှိသည့် မြင်းပြိုင်ကွင်း၌ ယခုလ ၁၀ ရက်မှ ၁၈ ရက်နေ့ အထိ ကျင်းပ ပြုလုပ်သွားရန် သတ်မှတ်ထားကြောင်း သိရသည်။

ထိုင်းဘုရင့် မြေးတော်သည် ယနေ့ ၀င်ရောက် ယှဉ်ပြိုင်သကဲ့သို့ လာမည့်ရက်တွင်လည်း ထပ်မံ ပြိုင်ဖွယ်ရှိကြောင်း မြန်မာနိုင်ငံ မြင်းစီးအဖွဲ့ချုပ် အတွင်းရေးမှူး ဦးအေးချိုက ဧရာဝတီသို့ ပြောသည်။

ယနေ့ကျင်းပသည့် အုပ်စုလိုက် မြင်းအလှပြိုင်ပွဲတွင် ပထမရွှေတံဆိပ်ကို အင်ဒိုနီးရှားနိုင်ငံက ရရှိခဲ့ပြီး ဒုတိယငွေတံဆိပ်ကို မြန်မာနိုင်ငံ၊ တတိယ ကြေးတံဆိပ်ကို စင်ကာပူနိုင်ငံ တို့က အသီးသီး ရှိခဲ့သည်။

 

• ဧရာဝတီ Facebook / ဧရာဝတီ Twitter

.