၆၅ နှစ်မြောက် လွတ်လပ်ရေးနေ့၊ ဒေါ်အောင်ဆန်းစုကြည်နှင့် ဦးတင်ဦးတို့ရဲ့ မိန့်ခွန်း (ရုပ်/သံ)

 NLD ပါတီ ဌာနချုပ်တွင် ကျင်းပသည့် လွတ်လပ်ရေးနေ့တွင် မိန့်ခွန်းပြောနေသော 

ဒေါ်အောင်ဆန်းစုကြည်၊ ဓာတ်ပုံ/ဧရာဝတီ 

မြန်မာနိုင်ငံရဲ့ ၆၅ နှစ်မြောက် လွတ်လပ်ရေးနေ့ အခမ်းအနားကို အမျိုးသား ဒီမိုကရေစီ အဖွဲ့ချုပ် NLD ပါတီ ဌာနချုပ်မှာ ဇန်န၀ါရီလ ၄ ရက်နေ့ နံနက် ၁၀ နာရီက ကျင်းပခဲ့ရာမှာ ဒေါ်အောင်ဆန်းစုကြည်နှင့် ဦးတင်ဦး တို့မှ မိန့်ခွန်း တရပ်ကို ပြောကြားခဲ့ပါတယ်။

 

အပြည့်အစုံသို့

ထမင်းမလုံလောက်သဖြင့် ကျောက်ဖြူကျောင်းသား ဆန္ဒပြ

~


ခင်ဦးသာ ~

ရခိုင်ပြည်နယ်၊ ကျောက်ဖြူမြို့ ကျောက်ဖြူပညာရေးကောလိပ်တွင် ထမင်း လုံလောက်စွာ ကျွေးမွေးခြင်း မရှိသဖြင့် ပြီးခဲ့သည့်ရက်ပိုင်းအတွင်းက ကျောင်းသားအများအပြား  ဆန္ဒပြခဲ့ကြသည်။ 

ကျောက်ဖြူပညာရေးကောလိပ် (ဓာတ်ပုံ - Kyaukphru Youths Network - KYN)

ထိုကောလိပ်တွင် ကျောင်းသား၊ ကျောင်းသူ ၄၅၀ ၀န်းကျင်ရှိပြီး ထမင်း မစားရသူ အရေအတွက် ဆယ်ဂဏန်း ရှိကြောင်း၊ ထိုသို့ မကြာခဏ ဖြစ်ပွားသဖြင့် ဇန်န၀ါရီ ၂ ရက်နှင့် ၃ ရက်နေ့တွင် ဆက်တိုက် ဆန္ဒထုတ်ဖော်ခဲ့ကြကြောင်း ကျောင်းသားတဦးက ဧရာဝတီကို ပြောသည်။

“အရင်ကလည်း ရှိခဲ့ပေမယ့် အပြင်က ထမင်းဆိုင်တွေမှာပဲ စားလိုက်ကြတော့ ဘာမှ မဖြစ်ခဲ့ကြဘူး၊ ဒီတကြိမ်မှာတော့ မစားရတဲ့သူ အများကြီးဖြစ်သွားတော့ ဆန္ဒပြတဲ့အထိ ဖြစ်သွားရတာပါ” ဟု ၎င်းက ရှင်းပြသည်။

ဆန္ဒပြခြင်း မပြုမီ ၎င်းတို့၏ အခက်အခဲကို ကျောင်းအုပ်ဆရာမကြီး ဒေါက်တာ ဒေါ်ဝေေ၀ဦးထံ တင်ပြသည့်တိုင် ဖြေရှင်းပေးမှု မရှိခဲ့ဟု ဆိုသည်။

သို့သော်လည်း ကျောင်းသားများ မကြာခဏ ထမင်းမ၀ ဆိုသည်မှာ မမှန်ကန်ကြောင်း ကျောင်းမှ နည်းပြဆရာ တဦးက ဧရာဝတီကို ပြောသည်။

ဆန္ဒပြသည့် ကိစ္စကိုလည်း ဖြေရှင်းပေးခဲ့ပြီးဖြစ်သည်ဟု   သူက ဆက် ပြောသည်။

“သက်ဆိုင်ရာ မြို့နယ် အာဏာပိုင်တွေက လာရောက်ဖြေရှင်း ပေးလို့ ပြေလည်သွားပါပြီ၊ ကျောင်းသားတွေကိုလည်း ရှိတဲ့ ဘဏ္ဍာငွေနဲ့ တိုင်းတာပြီး ကျွေးရတာပါ၊ အများစုကတော့ ပဲဟင်းနဲ့ကျွေးပါတယ်၊  အသား၊ ငါးတော့ တပတ်မှာ ၂ ကြိမ်ကျွေးပါတယ်” ဟု ၎င်းက ဆိုသည်။

ကျောင်းသားများ၏ စားသောက်စရိတ်ကို ၎င်းတို့ထံမှကောက်ခံကြောင်း၊ ကျောင်းသားတဦးသည် တလလျှင် စားစရိတ် ကျပ် ၈,၅၀၀ ပေးသွင်းရကြောင်း၊ ဆရာ၊ ဆရာမ စုစုပေါင်း ၆၀ ကျော်သည်လည်း ကျောင်းက ချက်ကျွေးသော ထမင်း ဟင်းများကို စားရကြောင်း အထက်ပါ ကျောင်းဆရာက ရှင်းပြသည်။

အာဏာပိုင်တို့က ညှိနိုင်းဖြေရှင်းပေး၍ ယမန်နေ့ညနေပိုင်းက  ကျောင်းသားအားလုံးအတွက် အစားအစာ လုံလောက်မှု ရှိခဲ့ကြောင်း၊  ထိုသို့ ပုံမှန်ဆောင်ရွက် ပေးသွားရန် လိုလားပြီး ရိက္ခာဖြတ်တောက်မှု ထပ်မံ လုပ်ဆောင်ပါက ဆက်လက် ဆန္ဒပြသွားမည်ဟုလည်း ကျောင်းသားများက ဆိုသည်။
ဆန္ဒပြမှုနှင့်ပတ်သက်၍ အဖမ်းအဆီး မရှိကြောင်းလည်း သိရသည်။

ကျောင်းသားဟောင်းတဦးနှင့် ကျောင်းအနီးတွင် နေထိုင်သူ တဦးက ပြောရာတွင် ကျောင်းသားဆယ်ချီ၍ ထမင်းငတ်သည့် အဖြစ်အပျက်မျိုး ယခင်က မရှိခဲ့ကြောင်း၊ ကျောင်းသားများနှင့်ကျောင်းအုပ်ကြီး အကြား အငြင်းပွားမှု မကြာခဏ ဖြစ်ပွား နေ ကြောင်း၊ ပြီးခဲ့သည့်လ အနည်းငယ်ကလည်း ကျောင်းသူများ ဆန္ဒထုတ်ဖော်မှု ဖြစ်ပွားခဲ့ကြောင်း ပြောသည်။

ကျောက်ဖြူပညာရေး ကောလိပ်၌ ရခိုင်ပြည်နယ် အနှံ့အပြားမှ ကျောင်းသား၊ ကျောင်းသူများ အပြင် ပညာရေး ၀န်ထမ်းတချို့လည်း တက်ရောက် ပညာသင်ကြားလျက်ရှိသည်။   

ဧရာဝတီ Facebook / Twitter

-

အပြည့်အစုံသို့

ရွှေတိဂုံ ဘုရားမှာ ဠင်းတ နားခဲ့၍ သံဃာတော်များ ပရိတ်ရွတ်

 ဓာတ်ပုံ - ဂျေပိုင် / ဧရာဝတီ

ရွှေတိဂုံ စေတီတော်ပေါ်တွင် မကြာသေးမီက ဆောင်းခို ဠင်းတငှက်များ နားခြင်းကို အကြောင်းပြုပြီး 
မြန်မာပြည် ဘေးအန္တရာယ် ကင်း ရှင်းစေရန် ပရိတ်တရားနှင့် ကမ္မ၀ါ စာဖတ်ရွတ်ဖတ်ခြင်းကို သံဃာတော် များက ရန်ကုန်မြို့ ရွှေတိဂုံ စေတီတော် မှာ ယနေ့ ဇန်န၀ါရီ လ ၄ ရက်နေ့  ၄ရက်နေ့ ညနေ ၃နာရီခန့်က 
ပြုလုပ်ခဲ့ကြပါတယ်။

အပြည့်အစုံသို့

ကချင်စစ်ပွဲများနဲ့ပတ်သက်လို့ နိုင်ငံတကာကို အစိုးရတုံ့ပြန်ကြေငြာ

ဇန်န၀ါရီလ ၃ ရက်နေ့ နေ့လည် ၁ နာရီတွင် မြန်မာအစိုးရတပ်က လိုင်ဇာအနီး ဂန်ဒေါင်ယန်၊ လဂျားယန် သို့ လေကြောင်းဖြင့် ထိုးစစ်ဆင်နေစဉ် ၊ ဓါတ်ပုံ - လဖိုင် / ဧရာဝတီ

ကချင်ပြည်နယ်အတွင်း အစိုးရ စစ်တပ်က လေကြောင်းတိုက်ခိုက်မှုများ လုပ်ဆောင်ခဲ့မှုကြောင့် ကုလ သမဂ္ဂ အပါအ၀င် အမေရိကန် ပြည်ထောင်စု စသည်တို့က ကန့်ကွက်သည့် ကြေညာချက်များ ထွက်ပေါ် ခဲ့ပြီးနောက် မြန်မာအစိုးရ သတင်းထုတ်ပြန်ရေး အဖွဲ့ကလည်း တုံ့ပြန်သည့် ကြေညာချက်ကို ယနေ့ ဇန်န၀ါရီလ ၄ ရက်နေ့တွင် ထုတ်ပြန်ကြေငြာလာသည်။ 

သတင်းထုတ်ပြန်ရေး အဖွဲ့၏ ထုတ်ပြန်ချက်ကို သမ္မတရုံး အင်တာနက် စာမျက်နှာတွင် ဖော်ပြထားသည်။ 

 အပြည့်အစုံမှာ ..........

 

 

  ပြည်ထောင်စုသမ္မတမြန်မာနိုင်ငံတော် 

သတင်းထုတ်ပြန်ရေးအဖွဲ့ 

သတင်းထုတ်ပြန်ချက် ( ၁ / ၂၀၁၃ ) 

၂၀၁၃ ခုနှစ်၊ ဇန်နဝါရီလ ၄ ရက် 

၁၃၇၄ ခု၊ နတ်တော်လပြည့်ကျော် ၇ ရက် 

ကချင်ပြည်နယ်တွင် တပ်မတော်နှင့် KIO, KIA တို့အကြား တိုက်ပွဲဖြစ်ပွားခြင်း နှင့်စပ်လျဉ်းသည့် သတင်း ထုတ်ပြန်ခြင်း 

၁။ ကချင်ပြည်နယ်တွင် ကေအိုင်အို/ကေအိုင်အေ လက်နက်ကိုင်အဖွဲ့များ က မြစ်ကြီးနား-ဗန်းမော် ပြည်ထောင်စု လမ်းမကြီးအား အဓိက ပိတ်ဆို့လျက် တပ်မတော် စစ်ကြောင်းများအား မိုင်းထောင်ခြင်း၊ ခြုံခိုတိုက်ခိုက်ခြင်းနှင့် အများပြည်သူအသုံးမပြုနိုင်အောင် ပိတ်ဆို့ခြိမ်းခြောက်မှုများ ပြုလုပ်လျက်ရှိသည့် ပွိုင့် ၇၇၁ တောင်ကုန်း နှင့်ပတ်ဝန်းကျင် ဒေသအား မြန်မာ့တပ်မတော်မှ ရှင်းလင်းတိုက်ခိုက် သိမ်းပိုက်ခဲ့ သည်။ 

၂။ အထက်ပါဖြစ်စဉ်နှင့် ပတ်သက်၍ ကုလသမဂ္ဂ သတင်းထုတ်ပြန်ရေးဌာနမှ ကုလသမဂ္ဂ အတွင်းရေး မှူးချုပ်၏ ပြောရေးဆိုခွင့် ရှိသူက ကချင်ပြည်နယ်အတွင်းရှိ ကေအိုင်အေ တပ်စခန်း များအား တပ်မတော်မှ တိုက်ခိုက် ခဲ့ခြင်းနှင့်စပ်လျဉ်း၍ ကုလသမဂ္ဂ အတွင်းရေးမှူးချုပ်က အလေးအနက်ထား၍ မှတ်သားထား ရှိကြောင်း၊ အဆိုပါဒေသရှိ အပြစ်မဲ့ ပြည်သူများ၏ အသက်အန္တရာယ် ဖြစ်စေမည့် လုပ်ဆောင်မှုများ ကို ရှောင်ကြဉ်စေလိုကြောင်းဖြင့် ပြောကြားချက်ကို ကုလသမဂ္ဂသတင်းဌာနက ၂-၁-၂၀၁၃ ရက်တွင် သတင်းထုတ်ပြန်ချက် တစ်ရပ် ထုတ်ပြန်ခဲ့သည်။ 

၃။ ပြည်ထောင်စုသမ္မတမြန်မာနိုင်ငံတွင် ဒီမိုကရေစီအသွင်ကူးပြောင်းရေးကို အားသွန် ခွန်စိုက် ဆောင် ရွက်လျက်ရှိရာတွင် အမျိုးသား ပြန်လည် ရင်ကြား စေ့ရေးနှင့် တိုင်းရင်းသား စည်းလုံးညီညွတ်ရေးသည် တိုင်းပြည်တည်ငြိမ် အေးချမ်းရေးနှင့် ဖွံ့ဖြိုးတိုးတက်ရေးအတွက် အဓိကလိုအပ်ချက် ဖြစ်ပေသည်။ 

နိုင်ငံတော်အစိုးရအနေဖြင့် တိုင်းရင်းသားလက်နက်ကိုင် အဖွဲ့အစည်း အသီးသီးနှင့် ထာဝရ ငြိမ်းချမ်းရေး ရှိရေး ဆောင်ရွက်ခဲ့ရာ ကေအိုင်အို/ ကေအိုင်အေ အဖွဲ့မှလွဲ၍ ကျန်အဖွဲ့များနှင့် သဘောတူ ဆောင် ရွက်နိုင်ခဲ့ပြီးဖြစ်သည်။ 

ကေအိုင်အို /ကေအိုင်အေအဖွဲ့နှင့်လည်း ငြိမ်းချမ်းရေး အတွက် ဆွေးနွေးမှု (၁၁) ကြိမ် ပြုလုပ်ခဲ့ပြီးဖြစ် သည်။ 

၎။ ကေအိုင်အို/ကေအိုင်အေ တပ်ဖွဲ့များအား တပ်မတော်မှထိုးစစ်များ ရပ်ဆိုင်းရန် ညွှန်ကြားထားပြီး 
ဖြစ်သော်လည်း ၎င်းတို့ဘက်မှ ရထားလမ်း၊ ကားလမ်းများ၊ တံတားများအား အကြောင်းမဲ့ မိုင်းခွဲ ဖျက် ဆီးခြင်း၊ စီးပွားရေး လုပ်ငန်းများအား ဟန့်တားနှောင့်ယှက်ခြင်း၊ ရေအားလျှပ်စစ် ဓာတ်အားပေး လိုင်းများ အား ဖောက်ခွဲဖျက်ဆီးခြင်း၊ လုံခြုံရေးတပ်ဖွဲ့ဝင်များအား မကြာခဏ မိုင်းထောင်ခြင်း၊ ခြုံခို ပစ်ခတ် တိုက် ခိုက်ခြင်း စသောလုပ်ရပ်များ အဆက်မပြတ်ပြုလုပ်လာသည့်အတွက် တပ်မတော်အနေဖြင့် အများပြည်သူ ၏ အသက်အိုးအိမ်လုံခြုံရေး၊ လမ်းပန်း ဆက်သွယ်ရေး လုံခြုံချောမွေ့စေရေး၊ နယ်မြေဒေသ အေးချမ်း တည်ငြိမ်ရေးအတွက် မိမိကိုယ်ကို ခုခံကာကွယ်ခြင်း နှင့် စစ်ရေးအရပြန်လည် တုံ့ပြန်မှုများကို မလွှဲမရှောင် သာ ပြုလုပ်ခဲ့ရသည်။ 

ထိုသို့ ပြုလုပ်ရသော်လည်း တပ်မတော်တပ်ဖွဲ့များသည် အင်အားကို အစွမ်းကုန် ထိန်းထိန်း သိမ်း သိမ်း ဆောင် ရွက်ခဲ့ခြင်းသာ ဖြစ်သည်။ 

၅။ မြန်မာ့တပ်မတော်က တိုက်ခိုက်သိမ်းပိုက်ခဲ့သည့် နေရာများမှာ ရွာသူ၊ ရွာသားများ နေထိုင်ခြင်းမရှိသည့် မြစ်ကြီးနား-ဗန်းမော် ပြည်ထောင်စု ကားလမ်းအား ကေအိုင်အေအဖွဲ့က ပိတ်ဆို့ဖြတ်တောက် နိုင်ရန် အခိုင်အမာ စခန်း ပြုလုပ်ထားသည့်နေရာဖြစ်ကြောင်း သိရှိရသည်။ 


၆။ ကအိုင်အို/ကေအိုင်အေအဖွဲ့နှင့် တပ်မတော်ကြား နှစ်ဖက်တိုက်ခိုက်မှု များစတင်ဖြစ်ပွားခဲ့သည့် တစ်နှစ် တာကာလ အတွင်းတွင် တိုက်ခိုက်မှု များ ကြောင့် နေရပ်မှ ရွှေ့ပြောင်း တိမ်းရှောင်ရသည့် မိသားစုများ အား နိုင်ငံတော်မှ ယာယီစခန်းများ ဖွင့်လှစ်၍ နေရာချထားပေးပြီး ၎င်းတို့၏ စားဝတ်နေရေးနှင့် ပညာရေး၊ ကျန်းမာရေး လိုအပ်ချက်များကို ဖြည့်ဆည်းဆောင်ရွက်ပေးခဲ့သည်။ 

ထိုသို့ ဆောင်ရွက်ရာတွင် ကုလသမဂ္ဂနှင့် အပြည်ပြည်ဆိုင်ရာ အဖွဲ့အစည်းများ၏ အကူအညီများကို လည်း ရယူ၍ ပံ့ပိုးဆောင်ရွက်ခဲ့သည်။ နေရပ်မှ ရွှေ့ပြောင်း တိမ်းရှောင်လာသူအများစုမှာ၎င်းတုိ့၏ ကျေးရွာ များတွင် အေးချမ်းစွာနေထိုင်နိုင်ခြင်း မရှိစေရန် ကေအိုင်အေအဖွဲ့၏ ခြိမ်းခြောက် ခြင်း၊ နှောင့်ယှက်ခြင်း တို့ကြောင့် တရားဥပဒေစိုးမိုးမှုရှိသည့် ဘေးကင်းရာ နေရာ များသို့ လာရောက်ခိုလှုံ ရခြင်းဖြစ် 
ကြောင်းတွေ့ ရှိရသည်။ 

၇။ နိုင်ငံတော်အစိုးရသည် အမျိုးသားပြန်လည် ရင်ကြားစေ့ရေး၊ တိုင်းရင်း သားစည်းလုံး ညီညွတ်ရေး အတွက် တိုင်းရင်းသား လက်နက်ကိုင် အဖွဲ့အစည်း အားလုံးနှင့် ထာဝရ ငြိမ်းချမ်းရေး တည်ဆောက် နိုင်အောင် ဆက်လက်ကြိုးပမ်း ဆောင်ရွက်သွားမည်ဖြစ်သည်။ 

ကေအိုင်အို /ကေအိုင်အေနှင့်လည်း ငြိမ်းချမ်း ရေးဆွေးနွေးမှုများ ဆက်လက်ပြုလုပ် သွားမည်ဖြစ်သည်။ 

နိုင်ငံတော်အစိုးရ သည် ဒီမိုကရေစီ အသွင် ကူးပြောင်းရေး လုပ်ငန်းစဉ်များ အောင်မြင်ရေး၊ တိုင်းရင်းသား ပြည်သူတစ်ရပ်လုံး၏ ရေရှည်ဖွံ့ဖြိုး တိုးတက်ရေး၊ ငြိမ်းချမ်း ရေးနှင့် တရားဥပဒေ စိုးမိုးရေးအတွက် တိုင်းရင်းသား ပြည်သူလူထုအားလုံး နှင့်အတူ လက်တွဲဆောင်ရွက်သွားရန် အစဉ်လက်ကမ်း ကြိုဆိုလျက် ရှိကြောင်း သတင်းထုတ်ပြန်အပ်ပါသည်။

အပြည့်အစုံသို့

ဒေါ်အောင်ဆန်းစုကြည်ရဲ့ ၆၅ နှစ်မြောက် လွတ်လပ်ရေးနေ့ မိန့်ခွန်း

လွတ်လပ်ရေးနေ့ မိန့်ခွန်းပြောနေတဲ့ ဒေါ်အောင်ဆန်းစုကြည်၊ ဓာတ်ပုံ- ဂျေပိုင်/ဧရာဝတီ

ယနေ့ ကျရောက်တဲ့ မြန်မာနိုင်ငံရဲ့ ၆၅ နှစ်မြောက် လွတ်လပ်ရေးနေ့ အခမ်းအနားကို အမျိုးသား ဒီမို ကရေစီ အဖွဲ့ချုပ် NLD ပါတီ ဌာနချုပ်မှာ ယနေ့ ဇန်န၀ါရီလ ၄ ရက်နေ့ နံနက် ၁၀ နာရီက စတင်ကျင်းပ ခဲ့ရာ ဒေါ်အောင်ဆန်းစုကြည်က မိန့်ခွန်း တရပ်ကို ပြောကြားခဲ့ပါတယ်။ 

ဒေါ်အောင်ဆန်းစုကြည်ရဲ့ မိန့်ခွန်း အပြည့်အစုံကို ပြန်လည်နားဆင်လိုသူများ၊ အခမ်းအနား မတက် ရောက်နိုင် သူများအတွက် ဖော်ပြပေးလိုက်ပါတယ်။

အဖွဲ့ချုပ်ပါတီဝင်တဦးကို နုတ်ဆက်နေတဲ့ ဒေါ်အောင်ဆန်းစုကြည်၊ ဓာတ်ပုံ- သာလွန်ဇောင်းထက်/ဧရာဝတီ

 





130104 DASSK by Guiding Stars Burma


 

 130104 DASSK

NLD နာယက တဦးဖြစ်သူ ဦးတင်ဦးရဲ့ ၆၅ နှစ်မြောက် လွတ်လပ်ရေးနေ့ မိန့်ခွန်းကိုလည်း ဆက်လက်ဖော်ပြပေးလိုက်ပါတယ်။


U Tin Oo's Speech , by Guiding Stars Burma  

အပြည့်အစုံသို့

မျက်နှာအသားအရေ စိုပြေစေဖို့

ဆောင်းရာသီမှာ အသားအရေ ချောက်သွေ့နေတဲ့သူတွေနဲ့ မျက်နှာအသားအရေ ကြမ်းနေတဲ့ သူတွေ အတွက် အဆင် ပြေစေမယ့် နည်းလမ်းလေးတချိုပါ။ အခုလို ဆောင်းရာသီရောက်တဲ့အတွက် မျက်နှာ အရေပြားခြောက်သွေ့တဲ့ သူ တွေအတွက် အသားအရည်စိုပြေ နုပျိုသွားစေဖို့အတွက်   ပေါင်းတင်နိုင်တဲ့ လွယ်ကူတဲ့ နည်းလမ်းတွေပါ။ 

 လိုအပ်မယ့် ပစ္စည်းလေးတွေကတော့ ပျားရည်၊ သနပ်ခါး၊ လိမ္မော်သီး တို့ဖြစ်ပါတယ်။ မျက်နှာကိုပေါင်း မတင်ခင် ပထမ အဆင့်အနေနဲ့ မျက်နှာကိုဆေးကြော သန့်စင်ပေးရပါမယ်။ ပြီးရင်တော့ ခွက်အသန့် တစ်ခု ထဲကို သနပ်ခါးအနှစ်၊ ပျားရည်အနည်းငယ်၊ လိမ္မော်သီးအရည် ၃ မျိုးကို သမအောင် ရောမွှေပြီး မျက်နှာ   
ပြင်ကို လိမ်းပေးရပါမယ်။ မိနစ် ၃၀ လောက်ကြာ ထားရှိပေးရပါမယ်။

 ပြီးရင်တော့ မျက်နှာကို ဆေး ကြောပေးလိုက်ပါ။ အဲဒီလို ၁ ပတ်ကို ၂ ကြိမ် လုပ်ပေးရင်တော့ အကောင်း ဆုံးပါဘဲ။ သနပ်ခါးမှာ ပါဝင်တဲ့ သဘာဝ ဓာတ်တမျိုးက မျက်နှာအသားအရည်ကို နဂိုထက်နုပျို သွားပါ လိမ့်မယ်။ မျက်နှာ အသားအရေ ကြမ်းတဲ့သူတွေ အတွက် ပိုပြီး အသုံးဝင်မယ့် နည်းလမ်းလေး ဖြစ်ပါ တယ်။

 နောက် နည်းလမ်း ၁ခုကတော့ အသားအရေတွေခြောက်သွေ့တာ၊ အသားအရည် တင်းပြီး အရေခွံ ကွာနေတဲ့ သူ တွေအတွက် ဖြစ်ပါတယ်။ လိုအပ်တဲ့ ပစ္စည်းတွေကတော့ ကြက်ဥ၊ ဒိန်ချဉ်၊ ငှက်ပျော်သီး တို့ဖြစ်ပြီးတော့ ကြက်ဥကို သုံးတဲ့ အခါမှာ အကာကို မသုံးဘဲ အနှစ်ကိုဘဲသုံးရပါမယ်။ 
  
ဒီနည်းကို မလုပ်ခင်မှာတော့ ထုံးစံအတိုင်း မျက်နှာကိုဆေးကြော ပေးရပါမယ်။ လုပ်ပုံလုပ်နည်းတွေ ကတော့ ခွက် ၁ ခု မှာ ငှက်ပျော်သီး ၁ လုံးကို ညက်နေအောင်လုပ်ပြီး ထည့်ရပါမယ်။ ပြီးရင် ဒိန် ချဉ် ၁ ဇွန်းထည့်ပါ။ ပြီးရင်တော့ ကြက်ဥ ၁ လုံးရဲ့ အနှစ်ဘဲ ထည့်ပြီး သမအောင် မွှေပေးရပါမယ်။ ပြီးရင်တော့ မျက် နှာပြင်မှာ လိမ်းထားပါ။ 

မိနှစ် ၂၀ လောက် ထားပေးပြီး မျက်နှာကို ဆေးကြောပေးလိုက်ပါ။ မျက်နှာကို ဆေးကြောတဲ့ အခါမှာ  
ရေနွေး နွေးနွေးလေးနဲ့ ဆေးကြောပေးရပါမယ်။ 
  
ပြီးတော့မှ ရေ အေးလေးနဲ့ ပြန်ပြီး ဆေးကြောပေးရပါမယ်။ ရေနွေးနဲ့ ဆေးကြောပေးခြင်းဟာ မျက်နှာပြင် 
ချွေးပေါက်တွေ ပွင့်ထွက်ဖို့ အတွက်ပါ။ ရေအေးနဲ့ တဖန်ပြန်လည်ဆေးကြောပေး တာကတော့ မျှက်နှာ မှာ သွေးလည်ပတ်မှုကို ကောင်းစေဖို့ပါ။ ငှက်ပျော်သီးမှာ ပါဝင်တဲ့ ပိုတက်ဆီယမ်ဟာ အသားအရေ အတွက် ကောင်းပါတယ်။

ဒိန်ချဉ်မှာ ပါဝင်တဲ့ ဓာတ်တမျိုး ကြောင့် မျက်နှာပေါ်ကအမည်းစက်ကအစအကွက်တွေကိုပါ ပျောက်ကင်း 
စေပါတယ်။ အခုပြောတဲ့ နည်းတွေကတော့ သဘာဝ နည်းတွေနဲ့ မျက်နှာ အသားအရေတွေကို ချော်မွှေ့ သွားအောင် ပေါင်း တင် ပေးနိုင်တဲ့ နည်းကောင်းလေးတွေပါ။ 

ဓာတု ဖန်တီးချက်တွေမပါတဲ့ အသီးအနှံတွေနဲ့ ပေါင်းတင်ပေးခြင်းဖြင့် ကိုယ့် မျက်နှာအသားအရေနဲ့ မတည့် မှာကိုလည်း စိုးရိမ်စရာ မလိုတော့ပါဘူး။ မျက်နှာအတွက် ကောင်းမွန်တဲ့ ပစ္စည်းတွေပါ။ အထက်ပါ မျက်နှာပေါင်းတင်နည်း ၂ ခုကတော့ ဆောင်းရာသီမှာ ကြုံ တွေ့နေရတဲ့ အသားအရေ ခြောက်သွေ့ ကြမ်းနေတဲ့သူတွေအတွက် ပြုလုပ်ပေးနိုင်တဲ့ လွယ်ကူတဲ့ နည်းလမ်းကောင်းလေးပါ။

မျက်နှာ အသားအရေကို ထိန်းသိမ်းရာမှာ ကိုယ့်လက်ကလေးနဲ့ မျက်နှာက အကြောတွေကို အသာ အယာနှိပ်နယ်ပေး ခြင်းဖြင့်လည်း မျက်နှာကြောတွေ ပြေလျော့ပြီး နုပျိုမှုကို ဖြစ်စေပါတယ်။ ပျိုမေတို့တွေ လွယ်ကူစွာနဲ့ အသားအရေ ထိန်းသိန်းနိုင်ပြီး လှပစေဖို့ ပြန်လည် မျှဝေ ပေးလိုက်ပါတယ်။ 

အိမ့်သံစဉ်

အပြည့်အစုံသို့

နိုင်ငံရေး အကျဉ်းသားဟောင်း ကိုဖြိုးဝေအောင် ကွယ်လွန်

~


နိုင်ငံရေး အကျဉ်းသားဟောင်း ကိုဖြိုးဝေအောင်ဟာ ယနေ့ ဇန်န၀ါရီလ ၄ ရက်နေ့ နံနက် ၃ နာရီက ရန်ကုန်မြို့ နေအိမ်မှာ ကွယ်လွန် သွားခဲ့ပါတယ်။ 

ရန်ကုန်မြို့ X2O ရေကစား မဏ္ဍပ် ဗုံးပေါက်ကွဲမှုနဲ့ပတ်သက်ပြီး သေဒဏ် ချမှတ်ခံခဲ့ရပြီး ကင်ဆာရောဂါ ခံစားနေရချိန် ယမန်နှစ် သြဂုတ်လက သမ္မတ ဦးသိန်းစိန်ရဲ့ လွတ်ငြိမ်းချမ်းသာမိန့်နဲ့ လွတ်မြောက်လာခဲ့သူ ကိုဖြိုးဝေအောင်ဟာ အသဲကင်ဆာ ဝေဒနာဖြင့် တာမွေမြို့နယ်၊ သီတာလမ်း နေအိမ်မှာ ယနေ့ နံနက်ပိုင်း က ကွယ်လွန်သွားတာဖြစ်တယ်လို့ မိသားစုဝင် တဦးဖြစ်သူ ကိုအောင်မြင့်က ဧရာဝတီကို ပြောပါတယ်။ 

"အခု သူ့ကို သုဿန်မှာ ရေးချိုးသန့်စင်တာတာတို့ ဘာလို့ လုပ်နေပါတယ်။ မဌေးဌေး ( ကိုဖြိုးဝေအောင်၏ ဇနီးဖြစ်သူ) ကတော့ စကားမပြောနိုင်လို့ ခွင့်လွှတ်ပါ။ ကျန်းမာရေးတော့ ကောင်းပါတယ်။ ကလေးတွေ လဲ နေကောင်းကြပါတယ်။ နေ့လယ် ၁ နာရီခွဲမှာ သဂြိုလ်မှာပါ" လို့ သူက ပြောပါတယ်။

ယနေ့ နေလယ် ၁ နာရီ ခွဲတွင် အစ္စလမ် ဘာသာ ထုံးစံနှင့် အညီ ရေဝေး သုဿန်တွင် သဂြိုလ်မှာဖြစ်တယ်
လို့သိရပါတယ်။ 

X2O သင်္ကြန်မဏ္ဍပ် ဗုံးဖေါက်ခွဲမှုနဲ့ သေဒဏ် ချမှတ်ထားခြင်းခံထားရသူ ကိုဖြိုးဝေအောင်ဟာ လွတ်ငြိမ်း ချမ်းသာခွင့် ပုဒ်မ ၄၀၁ နဲ့ ပြန်လွတ်လာခဲ့တာပါ။ ပြန်လွတ်လာစဉ်ကတည်းက ခန္ဓာကိုယ် အောက်ပိုင်း 
သေ နေခဲ့ပြီး အသဲကင်ဆာဝေဒနာကို ဆိုးဆိုးဝါးဝါးခံစားခဲ့ရကြောင်းလည်း သိရပါတယ်။

ဖမ်းဆီးစစ်ဆေးချိန်မှာ ရဲတပ်ဖွဲ့ရဲ့ ညင်းပမ်းနှိပ်စက်ပြီး အဓမ္မဝန်ခံထွက်ဆို ခိုင်းတယ်လို့ လူ့အခွင့်အရေး အဖွဲ့တွေက ဆိုပါတယ်။

အသည်းကင်ဆာ ခံစားနေရတဲ့ ကိုဖြိုးဝေအောင်ဟာ ၃ လ နီးပါးကြာ အင်းစိန်ဆေးရုံ မှာ ဆေးကုသ ခွင့်ရခဲ့ပါတယ်။

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ သောမတ်အိုဟေး ကင်တားနား မြန်မာပြည်ကို လာရောက်စဉ် ကိုဖြိုးဝေအောင်ကို သွားရောက် တွေ့ဆုံပြီးနောက် လေး ရက်မြောက်နေ့မှာ လွတ်မြောက်လာခဲ့တာပါ။ 

ကိုဖြိုးဝေအောင် အကျဉ်းထောင်က ပြန်လွတ်လွတ်ချင်း ဧရာဝတီက ဆက်သွယ်မေးမြန်းထားခဲ့ရာ ကိုဖြိုးဝေအောင်က ဘာတွေ ပြောခဲ့တယ်ဆိုတာ သိနိုင်ဖို့  ပြန်လည် ဖော်ပြပေးလိုက်ပါတယ်။


မေး။ ကိုဖြိုးဝေအောင်ရဲ့ လက်ရှိ ကျန်းမာရေးအခြေအနေ ဘယ်လိုနေပါလဲ။
ဖြေ။ ကျနော် အသည်း ကတော့ ဆေးသောက် ရတယ်။ အောက်ပိုင်း ကတော့ လှုပ်လို့ မရတော့ဘူး။

မေး။ ကိုဖြိုးဝေအောင် ဒီနေ့ လွတ်လာတဲ့ အပေါ် ဘယ်များပြောချင်ပါလဲ။
ဖြေ။ ဖမ်းပြီးရင် တနေ့တော့ လွတ်ရမှာပေါ့။ ဘယ်နေ့ လွတ်မလဲ ဆိုတာသာ မသိတာပေါ့နော်။ တနေ့နေ့တော့ လွှတ်ပေးရမှာ စပြီးဖမ်းကတည်းက မှားပြီးဖမ်းတာ။

မေး။ ကျန်းမာရေး ကလည်း မကောင်းတော့ ဒီလို လွတ်လိမ့် မယ်လို့ မျှော်လင့် ထားလား။
ဖြေ။ တနေ့ မဟုတ် တနေ့တော့ ကျနော် တို့ကို လွှတ်ပေးရမှာပဲ။ ဘာဖြစ်လို့လဲ ဆိုတော့ ကျနော်တို့ အမှုတွေက ပွင့်ပွင့် လင်းလင်း ပြောရရင် အမှုတွဲထဲမှာ ကိုက ရှင်းရှင်း လင်းလင်း ပေါ်နေပြီးသား။ အဲဒါကို သူတို့ ဘယ်လိုမှ ဖုံးထားလို့မရဘူး။ လွှတ်တာတော့ အနှေးနဲ့အမြန် လွှတ်ရမယ်။ ဘယ်နေ့လဲတော့ ကျနော်တို့ မသိဘူး။ တနေ့နေ့ လွတ်မယ် ဆိုတာတော့ ကျနော်က သိပြီးသား။ ယုံကြည်ပြီးသားပဲ။

မေး။ မစ္စတာ ကင်တားနား လာတွေ့တယ် ကြားရတယ်။ ဘာတွေ ပြောဖြစ်ကြလဲ။
ဖြေ။ မစ္စတာ ကင်တားနား ဆေးရုံမှာ ကျနော့်ကို လာတွေ့တယ်၊ အဓိက သူနဲ့ ကျန်းမာရေး အကြောင်း အဓိက ပြောဖြစ်တယ်။ နောက် ထောင်အကြောင်း နည်းနည်း ပါးပါးမေးတယ်။ ဒီလောက်ပါပဲ။

မေး။ ဖမ်းဆီးပြီးတဲ့နောက် စုံစမ်းစစ်ဆေး တာတွေလည်း ကြမ်းတယ်လို့ ကြားရတယ်။ ဒီလို စုံစမ်းစစ်ဆေး တဲ့ အပေါ်မှာရော နောက် အကို့ကို တရားစီရင်တဲ့ အပေါ် ဘာများ ပြောချင်လဲ။
ဖြေ။ ဒါကတော့ ဖြစ်ကာစ ကတော့ လူပဲ၊ စိတ်ဆိုးတယ်။ ခံစားချက် ရှိတယ်။ ဒါပေမယ့် ပွင့်ပွင့် လင်းလင်းပြောရရင် ခေတ်စနစ်တခုမှာ ဒါကို မောင်နီလုပ်ရင် လုပ်မယ် မောင်ဖြူ လုပ်ရင်လုပ်မယ်။ တယောက်ယောက်တော့ လုပ်နေကြမှာပဲ။ ဒါကတော့ စနစ် မပြောင်းမချင်း ဒါတွေ ရှိနေမယ်။ လူပုဂ္ဂိုလ်နဲ့ ပတ်သက်လို့ ကတော့ ကျနော် ဖြူသည် မဲသည် မပြောလိုတော့ပါဘူး။

မေး။ ဆေးကုသခံနေရစဉ်မှာရော ဆက်ဆံမှုက ဘယ်လိုရှိပါလဲ။
ဖြေ။ ဒီ (အင်းစိန်) ဆေးရုံမှာတော့ ဆရာဝန်တွေက အားလုံး ပရော်ဖက်ရှယ်နယ်တွေပဲလေ။ အားလုံး စိတ်ချရပါတယ်။ အဆင်ပြေပါတယ်။ ထောင်ဆေးရုံမှာကတော့ ရှင်းရှင်းပြောရရင် ဆရာဝန်တွေက ဆရာဝန်မဟုတ်ဘူးပေါ့ဗျာ။ ပရော်ဖက်ရှင်နယ် မဆန်ဘူး။

မေး။ အခုအင်းစိန်ဆေးရုံကနေ တခြားဆေးရုံကို လွှဲပြီးပြီလား။
ဖြေ။ မလွှဲရသေးဘူး။ လောလောဆယ် အင်းစိန်ဆေးရုံမှာပဲ ရှိသေးတယ်။

မေး။ မိသားစုနဲ့ ပြန်နေခွင့်ရပြီဆိုတော့ ခံစားချက်ကလေး ပြောပြပါအုံး။
ဖြေ။ ကျနော့်သားတွေ သမီးတွေနဲ့ ပြန်ဆုံရမယ်ဆိုတော့ ကြည်နူးတာပါ့ဗျာ။ ကလေးတွေနဲ့ ၂ နှစ်လောက် ခွဲနေရတာဆိုတော့။

မေး။ ပြောချင်တဲ့ စကားလေးရှိရင် ဖြည့်စွက်ပြောပေးပါ။
ဖြေ။ ကျနော် အထဲမှာ ရှိနေတဲ့အချိန်မှာ ကျနော်နဲ့ ပတ်သက်ပြီး ကူညီပေးတဲ့အဖွဲ့တွေ မီဒီယာတွေကို အားလုံးကို ကျနော်က ကျေးဇူးတင်ပါတယ်လို့ ပြောချင်ပါတယ်ဗျာ။


ဆက်စပ်

 သင်္ကြန်ဗုံးကွဲမှု သံသယရှိသူ ၅ ဦး ထောင်ချ
 ရဲချုပ် ခင်ရီ၏ သတင်းစာ ရှင်းလင်းပွဲ အလွဲများ
 သင်္ကြန်ဗုံး အမှု တရားခံနှင့်ရှေ့နေ အခွင့်အရေးဆုံးရှုံးနေ

ဧရာဝတီ Facebook / Twitter

-

အပြည့်အစုံသို့

"လူတိုင်းက အမှားနဲ့ မကင်းပါဘူး" ~ မိုးဟေကို

ဓာတ်ပုံများ- ရွှေအမြုတေ မဂ္ဂဇင်း

ခင်လေးမြင့် (ရွှေအမြုတေ မဂ္ဂဇင်း ဇန်န၀ါရီ ၂၀၁၃) 


နိုဝင်ဘာ၊ ဒီဇင်ဘာကို ရောက်ပေမဲ့ ရန်ကုန်မြို့ ရဲ့ ရာသီဥတု ကဆောင်းတွင်း ဆိုတဲ့ အရသာကို မခံစား ရပါဘူး။ ဆောင်းဆိုတဲ့ အရသာကို မခံစား ရတဲ့ အပြင် နေပြင်းပြင်း ပူပြီး မိုးတွေ ရွာနေပါတယ်။ ၂၀၁၃ ဇန်န၀ါရီ အတွက် မိုးဟေကိုကို ရွှေအမြုတေ မဂ္ဂဇင်း မျက်နှာဖုံး ရိုက်ဖို့ စီစဉ် ဖြစ်တဲ့အခါ မိုးလွတ်တဲ့ အချိန် လည်း ရောက်နေပြီလို့ ယူဆတာ ကြောင့် CHATRIUM Hotel ရဲ့Pool Side မှာရိုက်ဖို့ စီစဉ် ဖြစ်ပါတယ်။ 

မိုးဟေကိုကို ရွှေအမြုတေ အတွက် ဓာတ်ပုံ ရိုက်မယ် ဆိုရင် မိုးတွင်း ကာလမှာပဲ စီစဉ် ဖြစ်တာကြောင့် မိုးလွတ် တဲ့ ကာလမှာပဲ စီစဉ်မယ်လို့ စဉ်းစား ခဲ့တာပါ။ အဲဒါကြောင့် ဇန်န၀ါရီလ အတွက် ဒီဇင်ဘာမှာ ရိုက်မယ်လို့ စီစဉ် ပေမဲ့ ဆောင်းတွင်းမှာ မိုးတွေ ရွာပါ တော့တယ်။ ဓာတ်ပုံ ရိုက်မဲ့ မနက် စောစောမှာပဲ မိုးတွေ ရွာခဲ့ပေမဲ့ ဓာတ်ပုံ ရိုက်ခါနီး မှာမိုးကတိတ် သွားပါတယ်။ ဒါပေမဲ့ အစိုး မရတဲ့ ရန်ကုန်မိုးက ဒုတိယ ၀တ်စုံနဲ့ ရိုက်ခါနီး မှာပဲ ရွာချပါ တော့တယ်။ 

မိုးဟေကို ကို ဓာတ်ပုံ ရိုက်ရင် မိုးနဲ့ ဘယ် တော့မှမလွတ်ဘူးလို့ ပြောနိုင် ပါတယ်။ ရေကူးကန် နံဘေးမှာ ရိုက်မှာ ဖြစ်တဲ့အတွက် ၀တ်စုံ တွေကိုလည်း ကမ်းခြေလို နေရာမျိုးမှာ ၀တ်ဆင် တဲ့ပုံစံ မျိုး မိုးဟေကိုက စီစဉ် လာပါ တယ်။ မိုးဟေကိုရဲ့ အ၀တ် အစား၊ လိုအပ်တဲ့ Accessories တွေ အတွက် အကြံ ဉာဏ်ပေး၊ စီစဉ်ပေး သူလည်း ဓာတ်ပုံ ရိုက်တဲ့ နေ့မှာ အတူ လိုက်ပါ လာတာ တွေ့ရပါတယ်။ သူ ကတော့ သရုပ်ဆောင် ဖူးဖူးပါ။ ဖူးဖူးက သူငယ်ချင်း ဖြစ်သူ အတွက် အားတဲ့ အချိန်လေး တွေမှာ အားဖြည့် ကူညီပေး တတ်သူ လည်း ဖြစ်ပါတယ်။

မိုးဟေကိုက မိုးရွာသွန်း မှုကြားထဲ မှာပဲ ရွှေအမြုတေ အတွက် ဓာတ်ပုံကို အချိန်ပေး ရိုက်ကူးပေး ခဲ့တာပါ။ မိုးဟေ ကိုက ၂၀၁၂ ကို နှုတ်ဆက် ပြီး ၂၀၁၃ ကို ကြိုဆိုမဲ့ နှစ်သစ်ကူးည ကိုတော့ ရန်ကုန်မှာပဲ ဖြတ်သန်း ဖို့ စီစဉ်ထား ပါတယ်။ ဇန်န၀ါရီ လဆန်းမှာ ဒါရိုက်တာ ကိုဇော် (အရုဏ်ဦး) ရိုက်ကူးမဲ့ ရုပ်ရှင် ဇာတ်ကား မှာ မိုးဟေ ကိုက ပါဝင် သရုပ်ဆောင်မှာ ဖြစ်ပြီး အဲဒီကား ရိုက်ဖို့ ပုပ္ပား ကို သွားမှာ ဖြစ်ပါတယ်။ 

ဒီရုပ်ရှင် ဇာတ်ကားမှာ မင်းသား မပါဘဲ သရုပ်ဆောင် ဗေလုဝ၊ တက္ကသိုလ် ဂွမ်းပုံ စတဲ့ ဟာသ သရုပ်ဆောင်များနဲ့အတူ သရုပ်ဆောင် ရမှာ ဖြစ်ပါတယ်။ ရိုက်ကူးမဲ့ ရုပ်ရှင် ဇာတ်ကားက ဟာသကား စစ်စစ် ဖြစ်သလို ပရိသတ်ကို ရသ မျိုးစုံ ပေးချင်တဲ့ ဆန္ဒ ကြောင့် မိုးဟေကိုက လက်ခံ ရိုက်ကူးမှာ ဖြစ် ပါတယ်။ မိုးဟေကိုက ဇာတ်လမ်း မျိုးစုံ ရွေးချယ် ရိုက်ကူး နေတဲ့ အချိန် မှာ ဒီလို ဟာသ ဇာတ်ကားကို ရိုက်ဖြစ်တာ ဖြစ်ပြီး ဟာသ ကားတွေချည်း ရိုက်ဖြစ်မှာ မဟုတ်တဲ့ အတွက်လည်း လက်ခံတာလို့ သိရ ပါတယ်။ 

 အခု ရိုက်မဲ့ ရုပ်ရှင်ဇာတ် ကားက မင်းသား မပါဘူး။ ဟာသကားလည်း ဖြစ်တော့ ရုပ်ရှင် မဟုတ်ဘဲ ဗီဒီယိုကား ဆိုရင် မိုးဟေကို လက်ခံရိုက် ဖြစ်မလား။ 

ဒါရိုက်တာ တိုင်းကို ယုံကြည်မှု တစ်ခုစီ ထားထား တယ်။ ဇာတ်ကိုလည်း ကြိုက်တယ်။ ရုပ်ရှင်ကားကြီး လည်း ဖြစ်လို့ ရိုက်ဖြစ်တာပါ။ 

ဇာတ်ကားတွေ ရိုက် ရင်းနဲ့ပဲ သီချင်းဆို၊ စီးရီး ထွက်မယ်လို့ ပြောထားတော့ ဂီတဘက် လှုပ်ရှားမှုက  
ရော ဘယ်လိုရှိလဲ။

 အဲဒီ ကိစ္စက စိတ်သိပ် မပါသေးဘူး ဖြစ်နေတယ်။ ကိုယ့်အသံ ကလည်း Perfect မဖြစ် ပါဘူး။ အပျော် တမ်း အနေနဲ့၊ ၀ါသနာ အနေနဲ့ ထုတ် တယ် ဆိုပေမဲ့ ပရိသတ်ကို အသံနဲ့ နှိပ်စက်ရမှာ အားနာ တယ်။ အဲဒါ ကြောင့် မိုး ၀ါသနာပါတဲ့ သရုပ်ဆောင် အလုပ်ကိုပဲ ဇောက်ချ လုပ်ဖြစ် တယ်။ သီချင်း ဆိုတာကို လူမှုရေး ပွဲ တွေပဲ ဖြစ်ဖြစ်၊ ရန်ပုံ ငွေပွဲ တွေမှာပဲ ဖြစ်ဖြစ် တစ် တပ်တစ်အား ပါဝင် ပေးဖို့က အဆင်သင့် ပါပဲ။

 မိုးဟေ အနေနဲ့ အခု အချိန်မှာ အနုပညာ အလုပ်တွေ လုပ်ဖြစ် နေတာက မိုးဟေရဲ့ မိသားစု အတွက် လား၊ မိုးဟေရဲ့ ဘ၀ ရပ်တည်ချက် ပိုကောင်း ဖို့လား။

 အဓိကက ဒီ အနုပညာ အလုပ်ကို ၀ါသနာ ပါတယ်။ ကိုယ့်စိတ်ထဲမှာ စိတ်အား ထက်သန်တဲ့ အချိန်ထိ လုပ်မယ်။ အဲဒီမှာ လုပ်ရင်းနဲ့ အနုပညာ အလုပ်က ရလာတဲ့ ၀င်ငွေနဲ့ ကိုယ့်မိသားစုကို   ပြန်စောင့်  
ရှောက်ခွင့် ရတယ်။ ဒါပေမဲ့ ဒီအနုပညာ အလုပ်ဆိုတာ မိုးတို့ တစ်သက်လုံး ရပ်တည်လို့ရတဲ့ အလုပ် မဟုတ်ဘူး။ အာမခံလို့မရတဲ့ အတွက်ကြောင့် ကိုယ်ဝါသနာ ပါတဲ့ အချိန်ရယ်၊ ကိုယ်လုပ်ချင်တဲ့ စိတ်ရှိ  
နေတဲ့ အချိန် အထိ လုပ်သွား မှာပါ။ တခြား စီးပွားရေးလည်း လုပ်သင့် တယ်လို့ ထင်တယ်။ မိုးရဲ့စိတ်ထဲ မှာ ဘယ်အလုပ် ကိုပဲ လုပ်လုပ်၊ လုပ်နေတဲ့ အချိန်မှာ အကောင်းဆုံး ဖြစ်အောင် လုပ်ပြီး လက်ရှိ အချိန်တွေ ကို အကျိုး ရှိအောင် အသုံးချတယ်။ 

မိသားစု အတွက် လုပ်ရင်း မိုးဟေမှာ အမှားနဲ့ ကြုံလာရင် အဲဒီ အမှား အတွက် ဘယ်လို ရင်ဆိုင်လဲ၊  
မေ့ပျောက်နိုင်ဖို့ ဘယ်လို ကြိုးစားလဲ။ 

လူတိုင်း၊ လူတိုင်းက အမှားနဲ့ မကင်းပါဘူး။ အနည်းနဲ့ အများ ကွာတာပဲ ရှိမယ်။ အမှားကို အမှားမှန်း သိပြီး မှားခဲ့တဲ့ လူလည်း မရှိဘူးလို့ ထင်ပါတယ်။ မသိခဲ့လို့ မှားခဲ့တဲ့ အမှား တစ်ခုကို သိတဲ့ အချိန်မှာ ပြင်တယ်။ မှားခဲ့တဲ့ အတွက်ကြောင့် မိဘတွေ စိတ်ဆင်း ရဲရ မှာတွေ ရှိမယ်။ အဲဒါက မိုး တကယ်ကို မသိခဲ့လို့၊ လူဆို တာ မှားနေမှန်း သိရက်နဲ့ ဘယ်သူကမှ မှားမှန်း သိသိနဲ့ မလုပ်ဘူးလို့ ထင်ပါတယ်။ မိုးတုိ့က ဗုဒ္ဓ ဘာသာ  
မြန်မာ လူမျိုး၊ မိန်းကလေး ပိုပြီး စဉ်းစား ဆင်ခြင် သင့်တယ် ထင်တယ်။ 

 မိန်းကလေးနဲ့ ယောက်ျားလေး ယှဉ်ရင် မိန်းကလေး တွေက နစ်နာမှု ပိုများသလို ထိခိုက်၊ အပြောဆို ခံရမှု လည်း ပိုများတယ်။ အနုပညာရှင် မိန်းကလေး တစ်ယောက် ဖြစ်တဲ့ အတွက် ကိုယ့်ကို လိုလားသူ ရှိသလို၊ ကိုယ့်ကို မကြိုက်သူ၊ မလိုလားသူ၊ မနာလိုသူ မုန်းသူတွေ လည်းရှိတယ်။ ကိုယ့်ကို ကြိုက်တဲ့ သူကတော့ နားလည် ပေးမယ်၊ မကြိုက်တဲ့ သူကတော့ အပြစ်ကြီး တစ်ခုလို ပြောနေမှာပဲ။ သူများကို အပြစ်တွေ  
ပြောနေမဲ့ အစား ကိုယ့်ကိုယ်ကိုပဲ ကောင်းအောင် လုပ်တယ်။ မသိခဲ့လို့ မှားခဲ့တဲ့ အမှားကို မှားမှန်း သိတဲ့ အချိန်မှာ ကိုယ်ဘယ်လို ကောင်းအောင် ပြင်ဆင် မလဲ၊ ကိုယ်ဘယ်လို ရှေ့ဆက်ပြီး သွားမလဲ အဲဒီလိုမျိုးပဲ စဉ်းစားတယ်။ 

အမှား အတွက် ပတ်ဝန်းကျင်က လက်ညှိုး ၀ိုင်းထိုးတဲ့ အခါ မိဘတွေ စိတ်မဆင်း ရဲအောင် မိုးဟေ ဘက်က ဘယ်လို ကာကွယ်လဲ။ ကိုယ့်ကိုယ် ကိုရော ဘယ်လိုပြုပြင် ထိန်းသိမ်းတာ မျိုးရှိလဲ။

ကောင်းတာလုပ်ရင် ကောင်းတာ ဖြစ်မှာပါ။ အမှား တစ်ခုကို မှားမှန်း သိပြီး ကောင်းတဲ့ဘက် ကို သွားတယ်။ ကောင်းတာ လုပ်ရင် ကောင်းတာ  ပြန်ခံ စားရမယ်လို့ နဂိုကတည်းက တွေးထားတယ်။ ဘုရားကလည်း မှားနေတယ်လို့ သိအောင် ချက်ချင်း အသိပေး လိုက်တယ်။ အဲဒီ အသိရတဲ့ အချိန်မှာ   
နောက်ထပ် ကောင်းတာ တွေပဲ လုပ်ဖို့ စဉ်းစားတယ်။ 

အမှားကို နည်းအောင် ဆင်ခြင်တယ်။ နောင်ဆို သတိ လက်လွတ်နဲ့ ဘယ်အရာ ကိုမှ ပေါ့ပေါ့ တန်တန် မတွေး တော့ဘူး။ မိုးရဲ့ အကျင့်က လုပ်ချင် တာကိုပဲ ဦးစား ပေးလိုက် တယ်။ မှားတာမှန်တာ မိုး သိပ်မစဉ်း စားဘူး။ အခု အဲဒီ အမှားတွေက မိုးဘ၀ အတွက် သင်ခန်းစာ တွေပါ။ အလုပ်တစ်ခု လုပ်တော့မယ် ဆိုရင် ဘက်ပေါင်းစုံ ကနေ သေချာစဉ်းစား၊ သေချာ လေ့လာပြီးမှ လုပ်တာ အကောင်း ဆုံးပဲ။ အချိန်ယူပြီး ဘက်ပေါင်းစုံ က လေ့လာလေ၊ ကိုယ့်အတွက် အကျိုးရှိ လေ၊ အမှား နည်းလေပဲ။ နောက်တစ်ချက် မိုးရဲ့ အားနည်းချက်က လူတစ်ယောက်ကို အယုံ လွယ်တယ်။ ပတ်ဝန်းကျင်က ပြောနေတဲ့ စကားတွေကို မကြားဘဲ မျက်စိလည်းပိတ်၊ နားတွေပိတ်ပြီး ဒီအရာ ကိုပဲ ယုံကြည်မိတာ အမှားပဲ။ 

 ကိုယ့်ရဲ့ ယုံကြည်မှု တွေကို ရိုက်ချိုးခံရ ရင်ဘယ်လို ခံစားရလဲ။ 

ယုံကြည်မှု တွေ အစော်ကား ခံလိုက် ရတဲ့ အတွက် ကိုယ့်ကိုယ်ကို ၀မ်းနည်းတယ်။ ကိုယ့်စိတ် လိုမျိုး လူတိုင်း မဟုတ်ကြပါလား ဆိုတာ တွေးမိသလို လူတွေ ကိုလည်း ကြောက်လာတယ်။ အယုံ အကြည် လည်း မဲ့သွားတယ်။ လူတိုင်း ကလည်း ဒီလို စိတ်မျိုး မရှိပါဘူး လို့လည်း ကိုယ့်ကိုယ်ကို ပြန်ပြီး ဖြေရတယ်။ ကိုယ့်ရဲ့ ယုံကြည်မှု ရိုက်ချိုးခံ ရတော့ သူများ သားသမီးကို ကိုယ်ချင်းစာစိတ် မရှိဘဲ အမှန် တရားတွေ မပြောဘဲ ဟန်ဆောင် ဖုံးကွယ်ပြီး သူများ ဘ၀တွေထဲ ၀င်လာပြီး လုပ်ရက် လေခြင်း ဆိုပြီး စိတ် မကောင်းဖြစ်၊ ၀မ်းနည်း မိတယ်။ အဲဒါလေး တစ်ခုတော့ တော်တော်လေး ခံစား ရပါတယ်။ လူလူချင်း ကိုယ်ချင်းစာ စိတ် မရှိ လှပါလား။ လူလူချင်း ဗုဒ္ဓ ဘာသာ ဖြစ်နေတာ တောင်မှ လုပ်ရက်ပါလား ဆိုပြီး စိတ်မကောင်း ဖြစ်မိတယ်။ကျန်တာတော့ အားလုံးကို မေတ္တာ ထားပါတယ်။ ကိုယ့်ကံက ဒီလိုပါလာတော့ လည်း ဘယ်တတ် နိုင်မလဲ။ 

 မိုးဟေရဲ့ စိတ်ရှုပ်ထွေးမှု တွေကို ဘယ်အရာတွေနဲ့ ပြန်ထိန်းလဲ။ 

“မိုးက အရွယ်လည်း ရောက်လာပြီ ဖြစ်သလို စဉ်းစားတတ် လာတဲ့ အချိန်လည်း ဖြစ်လာပြီး ဘေးနားမှာ မိဘ၊ ညီအစ်ကို မောင်နှမတွေ ရှိတယ်။ ဘုရား၊ တရား လုပ်ရင်း ကိုယ့်စိတ်ကိုယ် နိုင်အောင် ထိန်းတယ်။ ကိုယ်လုပ် နေတဲ့ အလုပ်လေး တွေက ဘယ်သူ့ မှလည်း မထိခိုက်ဘူး ဘယ်သူ့ မှလည်း မစော်ကားဘူး။ ကိုယ့်ရဲ့ အလုပ်တွေကို ကောင်းကောင်း မွန်မွန်နဲ့ တာဝန် ကျေအောင် လုပ်တယ်။ 

ကိုယ်ရေး ကိုယ်တာတွေ ဘယ်လောက်ပဲ ရှိရှိ ရိုက်ကွင်းပေါ် ရောက်တာ နဲ့ ပျော်တယ်။ အပေါင်း အသင်းတွေ၊ သူငယ်ချင်း တွေလည်း ရှိတယ်။ စိတ်ညစ် စရာက လူတိုင်း ကြုံကြ ရမှာပဲ။ အသက်တစ်ရာ မနေရ ပေမဲ့ စိတ်ညစ်စရာက မျိုးစုံ ကြုံရတယ်။ 

ကြုံတွေ့ ရမှု တွေကို ပြဿနာ တစ်ခု၊ စိတ်ညစ် စရာလို့ မသတ်မှတ်ဘဲ ရင်ဆိုင် စရာရှိ ရင်ဆိုင်၊ ရှေ့ဆက် စရာရှိရှေ့ဆက်၊ ဘယ်တော့မှ အရှုံး မပေးဘူး။ လဲကျသွား ခဲ့ရင် တောင်မှ ပြန်ထ နိုင်ရမယ်။ လဲသွားပြီ ဆိုပြီး ကမ္ဘာကြီးကို အရှုံးပေး နေနေလို့မှ မရတာ။ ပြန်ထ နိုင်ရမယ်။ အလဲထိုး နိုင်တဲ့ သူကိုလည်း အမျက် ဒေါသ မထွက်ဘဲ မေတ္တာ ထားမယ်။ 

ဘယ်တော့မှလည်း အလဲကျ မခံဘူး။ ကိုယ်လုပ် စရာရှိတဲ့ အလုပ် လုပ်တယ်။ ဒီသင်ခန်းစာအတွေ့အကြုံ   
တွေက ပိုက်ဆံနဲ့ ပေးဝယ်လို့ မရတဲ့ ဘ၀ သင်ခန်းစာ အတွေ့အကြုံ တွေပါ”လို့ မိုးဟေကိုက ဖြေပေး ပါတယ်။ 

မိုးဟေကိုက ရွှေအမြုတေ မဂ္ဂဇင်းက မေးမြန်း သမျှကို အချိန်ပေး ဖြေကြားပေး ခဲ့တာပါ။ ကျေးဇူး အများကြီး တင်ရှိပါတယ်။ ခရီး မသွားခင် ဓာတ်ပုံ ရိုက်ပေးတဲ့ ကိုလင်း(Studio-K), မိတ်ကပ် ပြင်ပေးတဲ့ ညီညီမောင်(စမ်းချောင်း)၊ သူငယ်ချင်း ဖြစ်သူ မိုးဟေကို အတွက် ကူညီ အကြံဉာဏ် ပေးတဲ့ ဖူးဖူးနဲ့ ဓာတ်ပုံရိုက် ကူးမှုနဲ့ ပတ်သက် သူများ အားလုံးကို ကျေးဇူးတင် ရှိပါတယ်။ 

အပြည့်အစုံသို့

၆၅ နှစ်မြောက်လွတ်လပ်ရေးနေ့အတွက် ၈၈ မျိုးဆက် သ၀ဏ်လွှာ

ယနေ့ ကျရောက်တဲ့ မြန်မာနိုင်ငံရဲ့ ၆၅ နှစ်မြောက် လွတ်လပ်ရေးနေ့ အခမ်းအနားကို ၈၈ မျိုးဆက်ကျောင်း သားများမှ သ၀ဏ်လွှာပေးပို့ပါတယ်။ 

စာအမှတ် - ၃၆/၂၀၁၂ (၈၈) 

ရက်စွဲ - ၄ ၊ ဇန်န၀ါရီ ၊ ၂၀၁၃ 

၈၈ မျိုးဆက်ကျောင်းသားများ 

၂၈၄(က)၊ ၁၆/၃ရပ်ကွက်၊ ဝေဇယန္တာလမ်း၊ သင်္ဃန်းကျွန်းမြို့နယ်၊ ရန်ကုန်၊  မြန်မာ။

ဖုန်း - ၀၁ - ၅၇၇ ၆၅၆ Email – info@the88generation.org 

၆၅ နှစ်မြောက် လွတ်လပ်ရေးနေ့ အခမ်းအနားသို့ ၈၈မျိုးဆက်ကျောင်းသားများမှ ပေးပို့သော သ၀ဏ်လွှာ 

 နိုင်ငံတကာမိသားစု အလယ်တွင် “ ပြည်ထောင်စုသမ္မတမြန်မာနိုင်ငံတော် ” ဟူ၍ ပေါ်ထွန်းလာခဲ့သည်မှာ ၆၅ နှစ် တိုင်ခဲ့လေပြီ။ ၁၉၄၈ ခုနှစ်၊ ဇန်န၀ါရီလ ၄ ရက်တွင် လွတ်လပ်ရေးကြေညာစာတမ်းကြီးကို နိုင်ငံ တကာသို့ ထုတ်ပြန်ကြေညာခဲ့သည်။ လွတ်လပ်ရေးကြေညာစာတမ်းကြီး၏ အပိုဒ် ၆ တွင် “တိုင်းရင်းသား အပေါင်းတို့ သွေးစည်း ညီညွတ်လျက် အခွင့်အရေး၊ အဆင့်အတန်း တူညီသည့် ပြည်ထောင်စု သမ္မတ 
မြန်မာနိုင်ငံတော်ကြီးကို တည်ထောင်ပြီ ….” ဟူ၍ ဂုဏ်ယူဝမ်းမြောက်စွာ ကြေညာခဲ့သည်။

နိုင်ငံတော်သီချင်း၏ အဖွင့်စာသားအဖြစ် “တရားမျှတ လွတ်လပ်ခြင်းနှင့် မသွေ၊ တို့ပြည် ….။ ခွင့်တူညီမျှ ၀ါဒဖြူစင်တဲ့ ပြည်၊ တို့ပြည် ….” ဟူ၍ နိုင်ငံတော် အခြေခံမူများကို ဟစ်ကြွေးခဲ့ကြသည်။ 


ယနေ့ အခါသမယသည် လွတ်လပ်ရေးဖခင်ကြီးများ ချမှတ်ကြွေးကြော်ခဲ့သည့် ရည်မှန်းချက်များ မည်မျှ ထမြောက်အောင်မြင်ခဲ့သည်ကို ပြန်ပြောင်းသုံးသပ်ကြရန် လိုအပ်ပေသည်။ တိုင်းရင်းသားချင်း တန်းတူ ညီမျှမှုမရှိဘဲ ပြည်ထောင်စုကြီး မတည်ဆောက်နိုင်။ ပြည်တွင်းငြိမ်းချမ်းမှုမရှိဘဲ ဖွံ့ဖြိုးတိုးတက်မှု မဖော်ဆောင်နိုင်။ ဒီမိုကရေစီပန်းတိုင် မရောက်ရှိဘဲ နိုင်ငံသား ပြည်သူအားလုံး လွတ်လပ်မှုအရသာကို တင်းပြည့် ကျပ်ပြည့် မခံစားနိုင်။ 

ပြဿနာအားလုံး၏ အဖြေသည် လက်ရှိနိုင်ငံတော်အစိုးရ အပါအ၀င် တိုင်းရင်းသား၊ နိုင်ငံသား အပေါင်း တို့၏ အပေါ်တွင် မူတည်နေပေသည်။ နိုင်ငံရေးပြဿနာများကို နိုင်ငံရေးနည်းလမ်း အရ ဖြေရှင်းကြ ရမည် ဖြစ်သည်။ 

သို့ပါသောကြောင့် ငြိမ်းချမ်းဖွံ့ဖြိုးသော “ပြည်ထောင်စုသမ္မတမြန်မာနိုင်ငံတော်ကြီး” အမြန်ဆုံးပေါ်ပေါက်ပြီး လွတ်လပ်ရေးအရသာကို ပြည့်ပြည့်၀၀ခံစားနိုင်ရေး ၀ိုင်းဝန်းကြိုးပမ်းကြပါရန် ဤ ၆၅ နှစ်မြောက် လွတ်လပ်ရေးနေ့ အခါသမယတွင် တိုက်တွန်းနှိုးဆော် လိုက်ရပေသည်။ 

၈၈ မျိုးဆက်ကျောင်းသားများ 

အပြည့်အစုံသို့

ဝင်လာမစဲ တသဲသဲ အမြဲ ဖြစ်နေဖို့

~



 
ရွက်စိမ်း ~

 (ဓာတ်ပုံ - ဂျေပိုင်/ဧရာဝတီ)

လာဘ်အစားဆုံး၊ ဆင်ဆာအဖြတ်ဆုံး စသဖြင့် ဘာအဖြစ်ဆုံး ညာအဖြစ်ဆုံး နာမည်အပျက်ဆုံး နိုင်ငံများထဲမှာ မြန်မာပြည်က ထိပ်တန်းက ပါဝင်ခဲ့ပါတယ်။
လတ်တလော ထွက်ပေါ်လာတဲ့ နိုင်ငံများ စာရင်း တခုမှာလည်း ထိပ်တန်းက ပါဝင်နေပြန်ပါပြီ။ ဒီတခါတော့ အကောင်းဘက်က ဖြစ်ပါတယ်။

ဒီနှစ်အတွက် အလည်အပတ်သွားဖို့ အကောင်းဆုံး နေရာ ၂၅ ခု စာရင်းမှာ မြန်မာနိုင်ငံ ပါဝင်နေပါတယ် တဲ့။  ဒီလို ညွှန်းခဲ့တာကတော့  နယူးယောက် အခြေစိုက် ခရီးသွားလုပ်ငန်း မီဒီယာဖြစ်တဲ့ Fodor's ဖြစ်ပါတယ်။

နှစ်ပေါင်းများစွာ နိုင်ငံတစ်ကာရဲ့ ပိတ်ဆို့မှု ခံခဲ့ရတဲ့မြန်မာပြည်မှာ ခရီးသွားလုပ်ငန်းအတွက် လိုအပ်ချက်တွေက အမြောက်အများရှိနေပါသေးတယ် တဲ့။

ဒီစာရင်းနဲ့ ပတ်သက်ပြီး ၀ါရင့် ဧည့်လမ်းညွန်တစ်ဦးဖြစ်တဲ့ ဦးညီညီက အခုလို ပြောပါတယ် - 

“ဖော်ပြတဲ့နိုင်ငံစာရင်းဟာ ခရီးသွားလုံခြုံမှု၊ ခရီးသွားဖို့အတွက် ကုန်ကျငွေနဲ့ ထိုက်တန်တဲ့ လည်ပတ်မှု ဖြစ် ခြင်းစတဲ့ အချက်တွေနဲ့ အကဲဖြတ်တဲ့ သဘောမျိုးပါ”

ဒါပေမဲ့ လက်ရှိမြန်မာ့ခရီးသွားလုပ်ငန်းမှာ ရှိနေတဲ့ လိုအပ်ချက်တွေနဲ့ အခက်အခဲတွေကို ဖြေရှင်း ဖြည့်ဆည်းဖို့ တာဝန်ရှိသူတွေအနေနဲ့ မဆောင်ရွက်နိုင်ဘူး ဆိုရင် မြန်မာ့ခရီးသွားလုပ်ငန်းဟာ ဒီနှစ် နိုဝင်ဘာနဲ့  ဒီဇင်ဘာလတွေမှာ အကြီးအကျယ် ဒုက္ခတွေ့ နိုင်တယ် လို့ သူက ဆိုပါတယ်။

ဟိုတယ်အခန်းခတွေရဲ့ဈေးနူန်းမြင့်တက်လာမှု၊ ၀န်ဆောင်မှုညံ့ဖျင်းမှု စတဲ့ အချက်တွေက အခုဝင်လာတဲ့ ခရီးသွားဧည့်သည်တွေအတွက် စိတ်ညစ်စရာပါပဲ။
အဲဒီလို ဆက်ဖြစ်နေရင်တော့ မြန်မာပြည်ကို တခေါက် လာပြီး နောက်ထပ်တခေါက်ထပ်လာဖို့ ဧည့်သည်တွေက တွန့်သွားပါလိမ့်မယ်။

တိုးရစ်(စ)ဂိုက် သို့မဟုတ် ဧည့်လမ်းညွှန်
အခုလောလောဆယ်ဖြစ်နေတဲ့အခက်အခဲတစ်ခုက ဧည့်လမ်းညွန်မလုံလောက်မှုပါပဲ။ တချို့နေရာတွေမှာ လိုင်စင်ရ ဧည့်လမ်းညွှန် မရှိလို့  အဆင်ပြေမယ်လို့ ယူဆရသူကိုရှာ၊ ဧည့်လမ်းညွန် ဆိုပြီး နိုင်ငံခြားခရီးသွားတွေနဲ့ ထည့်ပေးလိုက်တာမျိုးတွေပါ ဖြစ်နေပါတယ်။

“ဧည့်လမ်းညွန်ဆိုတာ ဘာသာစကားကို တတ်ကျွမ်းရုံနဲ့ဖြစ်တာ မဟုတ်ဘူး၊ ဒေသဆိုင်ရာ ဗဟုသုတ၊ မြန်မာယဉ်ကျေးမှုနဲ့ သမိုင်းဆိုင်ရာ အချက်အလက်တွေကိုလည်း သေချာ သိထားဖို့ လိုပါတယ်” လို့ သူကပြောပါတယ်။

အစိုးရ ထုတ်ပြန်ချက်အရ မြန်မာနိုင်ငံမှာ ဧည့်လမ်းညွန်လိုင်စင်ကို ထုတ်ပေးထားတာ ၄,၀၇၇ ဦး လို့ ဆိုပါတယ်။

ဒါပေမယ့် တကယ် အလုပ်လုပ်နေတဲ့သူက ရန်ကုန်မှာ ၁,၂၀၀၊ မန္တလေး၊ ပုဂံနဲ့ အင်းလေးမှာ ၃၀၀ ဒီဝန်းကျင်ပဲ ရှိတယ်လို့ သိရပါတယ်။ ဒါကြောင့် လုပ်ငန်းခွင်ရောက် ဧည့်လမ်းညွှန် အရေအတွက်ဟာ  စုစုပေါင်း ၁,၅၀၀ သာ ရှိတဲ့ သဘောပါ။

ညွှန်းထားတဲ့ထဲမှာ နိုင်ငံအမည်တွေ ပါသလို မြို့အမည် ကျွန်းအမည်တွေလည်း ပါဝင်နေပါတယ်။

ဝန်ကြီးဌာနက ဧည့်လမ်းညွန်လုပ်မဲ့ဝန်ထမ်းသစ်တွေခေါ်ယူပေမဲ့ လိုင် စင် ရ ဖို့အ တွက် အခက်အခဲတွေကလည်း ရှိနေပါတယ်။

 “ဧည့်လမ်းညွန်သင်တန်းအတွက် တစ်နှစ်ကိုရန်ကုန်နဲ့ မန္တလေးမှာ လူ ၂၂၀လောက် ခေါ်တယ်။ ဒါပေမဲ့ သင်တန်းမှာ အောင်မြင်သူတွေ လိုင်စင်ရဖို့ကို နှစ်ပေါက်အောင် စောင့်နေရတယ်။  ဒါကြောင့် ခရီးသွားလုပ်ငန်းမှာ ဧည့်လမ်းညွန်အသစ်တွေ တိုး မလာဘူး၊ ၀န်ကြီးဌာနကပဲ လိုင် စင် ထုတ်ပေးဖို့ အချိန်မရှိလောက်အောင်ကို မအားမလပ်ဖြစ်နေတာလား၊ ဘာကြောင့်မှန်းကို မသိပါဘူး”
လို့ ခရီး သွားလုပ်ငန်းနဲ့ နီးစပ်သူတစ်ဦးက ဆိုပါတယ်။

အရင်အချိန်ကမြန်မာပြည်ကို နိုင်ငံတကာ ခရီးသွားလုပ်ငန်းတွေမှာ ကြော်ငြာတောင် မတွေ့ခဲ့ရပါဘူး။ အခုတော့ မြန်မာပြည်ကို နိုင်ငံခြားခရီးသွားဧည့်သည်တွေ ၀င်လာမစဲ တသဲသဲပါပဲ လို့ ဆိုရမှာဖြစ်ပါတယ်။

ဧည့်သည်တွေ ၀င်လာမစဲ တသဲသဲ အမြဲ ဖြစ်နေဖို့၊ မြန်မာ့ခရီးသွားလုပ်ငန်းရဲ့အရှိန်ပြန်ကျမသွားဖို့ ဆိုတာကတော့ ဒီလုပ်ငန်းတွေနဲ့ ဆက်စပ်နေတဲ့ သက်ဆိုင်ရာဝန်ကြီးဌာနတွေ ရဲ့ ဆောင်ရွက်ချက်အပေါ်မှာ အများကြီး မူတည်နေပါတော့တယ်။

၁၆ ခုမြောက် နေရာက မြန်မာနိုင်ငံ ဖြစ်နေပါတယ်။

ဧရာဝတီ Facebook / Twitter

-

အပြည့်အစုံသို့

အခက်အခဲကြုံနေရတဲ့ ထိုင်းရောက် မြန်မာများကို ကူညီမှု

ထိုင်းနိုင်ငံ စုဖန်ဘူရီခရိုင်ရှိ နာနတ်သီးစက်ရုံ၌ အခက်ခဲနှင့် ကြုံတွေ့နေရသော မြန်မာရွှေ့ပြောင်း အလုပ်သမား၂၅၀ ကို ဇန်န၀ါရီလ ၃ ရက်နေ့တွင် ဆရာတော် ဦးဇောတိက က ကူညီခဲ့သည်။ 

ထို  အလုပ်သမားများမှာ လွန်ခဲ့သော ၄ လခန့်က မြဝတီမှ အလုပ်သမား ပါ့စ်စပို့လုပ်ပြီး တက် လာခဲ့ကြသူများ ဖြစ်သည်။ 

၎င်းအလုပ်သမားများသည် သူဌေး ၃ ဦးစပ်ဖြင့် ဖွင့်လှစ်ထားသော စက်ရုံတွင် အလုပ်လုပ်ကိုင်နေကြသည်။ ပိုင်ရှင် ထိုင်းသူဌေး ၃ ဦးတွင် ပိုက်ဆံရှိသော သူဌေး ၁ ဦး နှုတ်ထွက်သွားသဖြင့် ကျန်ပိုင်ရှင်၂ ဦးက အလုပ်သမား များအား ငွေကြေးလုပ်ခ မပေးနိုင်သဖြင့် အခက်ခဲဖြစ်နေကြသည်။ 

၎င်းကိစ္စကို စက်ရုံရှိ မြန်မာမန်နေဂျာမှ ရက်၂၀ ခန့် ငွေကြေးစိုက်ထုတ် ကူညီထားသည်။ ရက်ရှည်ကြာလာသော အခါ ပြည့်စုံအောင် မကူညီနိုင်တော့သဖြင့် ကူညီကယ်ဆယ်ရေးဆရာတော်ကို ဆက်သွယ် လာခြင်းဖြစ်သည်။ 

မြန်မာအလုပ်သမားများကို ကူညီရေးနှင့်ကယ်ဆယ်ရေးဆောင်ရွက်ပေးနေသော ဘန်ကောက်ရှိ ဆရာတော် ဦးဇောတိကမှ ယမန်နေ့က  ဆန် ၅ အိတ်နှင့် ဆီ ပိဿာချိန် ၄၀ ကို လှူဒါန်းကူညီခဲ့သည်။

ဆရာတော် ဦးဇောတိက (ကူညီကယ်ဆယ်ရေးဆရာတော်) သည် မြန်မာ အလုပ်သမားများ အခက်အခဲ ကြုံတွေ့ရသည်ကို ကြားသိရတိုင်း ကိုယ်တိုင်ကြွရောက် ကူညီပေးလျက်ရှိသည်။ 

ထိုင်းနိုင်ငံအတွင်းရှိ အခက်ခဲနှင့်ကြုံတွေ့ရသော မည်သည့် မြန်မာနိုင်ငံသားမဆို ဆရာတော်ထံ ဆက်သွယ် ကူညီ တောင်းခံနိုင်ကြောင်း သိရသည်။ 

ဆရာတော်၏ ဖုန်း နံပါတ်မှာ -၀၈၂၄၉၅ ၆၂၈၉ ဖြစ်သည်။ ဆရာတော်သည် မြန်မာသံရုံး အလုပ်သမားရေး အကူအညီပေးရေး အဖွဲ့တွင်လည်း နာယက ဆရာတော်ဖြစ်သည်။ 

အပြည့်အစုံသို့