သမ္မတ ဦးသိန်းစိန်ရဲ့ ၂ဝ၁၄ ခုနှစ် ပထမဆုံး ရေဒီယို မိန့်ခွန်း

Thursday, January 2, 2014


သမ္မတ ဦးသိန်းစိန်ဟာ လစဉ်ဆိုသလို မြန်မာနိုင်ငံသားတွေကို ရေဒီယိုကတဆင့် မိန့်ခွန်းတွေ ပြောလေ့ ရှိပါတယ်။ အခု ၂ဝ၁၄ ခုနှစ်ရဲ့ ပထမဆုံး ရေဒီယို မိန့်ခွန်းကို ဒီကနေ့ ဇန်နဝါရီလ ၂ ရက်နေ့မှာ ပြောဆိုပါ တယ်။ 


အဓိက ပြောသွားတဲ့ အချက်တွေကတော့ နိုင်ငံရေး ယဉ်ကျေးမှုသစ်ကို ထူထောင်နေတာအပါအဝင် ဖွဲ့စည်းပုံ ပြင်ဆင်ရေးဆိုင်ရာ သမ္မတရဲ့ သဘောထား ရပ်တည်ချက်၊ ၂၇ ကြိမ်မြောက် ဆီးဂိမ်းပြိုင်ပွဲကြီး ကို မြန်မာနိုင်ငံက အိမ်ရှင်အဖြစ် ကျင်းပနိုင်ခဲ့တာကိုလည်း ဂုဏ်ယူပြောကြား ပါသေးတယ်။ 

အပြည့်အစုံကိုတော့ ပြန်ကြားရေး စာမျက်နှာက တဆင့် ပြန်လည်ကူးယူဖော်ပြပေးလိုက်ပါတယ်။ 

မိဘပြည်သူများ ခင်ဗျား 

ယခုလ ရေဒီယိုကနေ ပြည်သူလူထုထံ ဆက်သွယ်ပြောကြားတဲ့ အစီအစဉ်မှာ လက်ရှိမြန်မာနိုင်ငံမှာ ဖြစ် ထွန်း နေ တဲ့ နိုင်ငံရေးအပြောင်းအလဲများနဲ့ ပတ်သက်တဲ့ ကျွန်တော့်ရဲ့ သဘောထားနှင့် ရပ်တည်ချက် အချို့ကို ရှင်းလင်း ပြောကြားရင်း အစပြုသွားမှာ ဖြစ်ပါတယ်။ 

ကုန်လွန်ခဲ့တဲ့ ၂၀၁၃ ခုနှစ်မှာ ကျွန်တော်တို့ မြန်မာ့လူ့အဖွဲ့အည်း အဓိကရရှိခဲ့တဲ့ နိုင်ငံရေး ဖြစ်ထွန်း တိုး တက်မှု ကတော့ မတူညီတဲ့ နိုင်ငံရေးအင်အားစုတွေ အချင်းချင်းကြားမှာ ထိပ်တိုက်ရင်ဆိုင်ရေး နည်းလမ်း များကို ရှောင်ရှားနိုင်ခဲ့ပြီး ကြုံတွေ့ခဲ့ရတဲ့ စိန်ခေါ်မှုတွေကို ဆွေးနွေးညှိနှိုင်းခြင်း နည်းလမ်းနဲ့ ကြိုးပမ်းဖြေ ရှင်း နိုင်ခဲ့ခြင်း ဆိုတဲ့ နိုင်ငံရေးယဉ်ကျေးမှုသစ်တစ်ရပ်ကို အသင်ဝင်ရှင်သန်စေခဲ့ခြင်းပင် ဖြစ်ပါတယ်။ 

ကိစ္စရပ်တော်တော် များများမှာ ပူးပေါင်းဆောင်ရွက်နိုင်ခဲ့ကြတဲ့ အတွက် နိုင်ငံရေးပြုပြင် ပြောင်းလဲရေး ဖြစ် စဉ်ဟာ အားကောင်း ခိုင်မာလာခဲ့ပါတယ်။ 

နိုင်ငံရေးစနစ်တစ်ခုကို လပေါင်း(၃၀)ကျော်ကြာ အတူတကွဖြတ်သန်းပြီးချိန်မှာ ယခင်က အချင်းချင်းကြား မှာ ရှိခဲ့တဲ့ သံသယကြီးမှုတွေ၊ မယုံကြည်မှုတွေကို လျှော့ချနိုင်ခဲ့ခြင်းသည်ပင်လျှင် ကျွန်တော်တို့ အားလုံး ကြိုးစား ဖော်ဆောင်နေကြတဲ့ နိုင်ငံရေး ယဉ်ကျေးမှုသစ် တစ်ရပ်ရဲ့ အောင်မြင်မှုမှတ်တိုင်များအဖြစ် သက်သေ ထူ နေတယ်လို့ နားလည်လက်ခံထားကြရမှာ ဖြစ်ပါတယ်။ 

ပြုပြင်ပြောင်းလဲရေး လုပ်ငန်းစဉ်တွေကို စတင်ဆောင်ရွက်လာနိုင်ခြင်းရဲ့ အကျိုးရလဒ်တစ်ခုကတော့ ကျွန်တော်တို့ အားလုံး မျှော်လင့်စောင့်စားခဲ့ရတဲ့ (၂၇)ကြိမ်မြောက် အရှေ့တောင်အာရှ အားကစားပြိုင်ပွဲ ကြီး ကို ဒီဇင်ဘာလအတွင်းမှာ ကြီးကျယ်ခမ်းနားစွာ ကျင်းပပြုလုပ်နိုင်ခဲ့ခြင်းပင် ဖြစ်ပါတယ်။ 

နှစ်ပေါင်း(၄၄)နှစ်ကြာမှ မြန်မာ့မြေပေါ်မှာ ပြန်လည်ကျင်းပခွင့်ရတဲ့ (၂၇)ကြိမ်မြောက် အရှေ့တောင်အာရှ အားကစားပြိုင်ပွဲကြီးကို ယခုလို ပြည်သူတွေအားလုံး သိုက်သိုက်ဝန်းဝန်းနဲ့ အောင်မြင်စွာ ကျင်းပနိုင်ခဲ့ခြင်း
ကြောင့် လည်း နိုင်ငံတကာ အသိုက်အဝန်းမှာ ဂုဏ်သိက္ခာရှိသော နိုင်ငံတစ်ရပ်အဖြစ် ပြန်လည် ဝင်ဆံ့လာ ခဲ့ပြီ ဖြစ်ပါတယ်။ 

အရှေ့တောင် အာရှ အားကစားပြိုင်ပွဲကြီးနဲ့ ပတ်သက်လို့ ကျွန်တော်အဓိက ပြောကြားလိုတဲ့ အချက်နှစ် ချက် ရှိပါတယ်။ 

ပထမတစ်ချက်ကတော့ ယခုလို အမိမြေမှာ အိမ်ရှင်နိုင်ငံအဖြစ် လက်ခံကျင်းပခွင့်ရတဲ့ ပြိုင်ပွဲကြီး မှာ နိုင်ငံရဲ့ ဒေသအသီးသီးက တိုင်းရင်းသားပေါင်းစုံပါဝင်တဲ့ အားကစားသမားများဟာ ထိုက်တန်တဲ့ ဆုတံဆိပ်တွေနဲ့ အောင်ပွဲတွေရရှိအောင် ကြိုးစားခဲ့ကြတဲ့အတွက် အမျိုးသားရေး တာဝန်ကျေမှုတစ်ရပ် အဖြစ် မော်ကွန်းတင် လိုပါတယ်။ 

မြန်မာနိုင်ငံထဲမှာရှိကြတဲ့ ပြည်သူ တစ်ဦးချင်းစီအနေနဲ့ရော ပြည်ပ မှာ ရောက်ရှိနေကြ တဲ့ မြန်မာ
ပြည်သူတွေ အားလုံးပါ သက်ဆိုင်ရာကဏ္ဍအသီးသီးမှာ ပါဝင်အားဖြည့်ပံ့ပိုးပေးခဲ့ကြတာကြောင့် ဒီလို ဆုတံဆိပ်တွေ ရရှိလာဖို့ ကြီးမားတဲ့တွန်းအားတွေ ဖြစ်စေခဲ့ခြင်း ဖြစ်တယ်လို့ ကျွန်တော့်အနေနဲ့ လေးလေး နက်နက် ယုံကြည်ပါတယ်။ 

ဒါ့အပြင် အာကစားပွဲတွေရဲ့ အနိုင်အရှုံးရလဒ်တွေထက် ကျော်လွန်ပြီး ကျွန်တော်တို့ နိုင်ငံအတွက် ပိုမို တန်ဖိုးကြီးတဲ့ အကျိုးရလာဒ်ကတော့ မြန်မာတစ်မျိုးသားလုံးရဲ့ စုစည်းမှုအားကို ပြသနိုင်ခဲ့ခြင်း ပဲ ဖြစ်ပါ တယ်။ 

ဒုတိယအနေနဲ့ ပြောကြားလိုတဲ့ အချက်ကတော့ ဒီအားကစားပွဲတော်ကြီး အောင်မြင်စွာ ပြီးမြောက်အောင်
မြင်ရေး အတွက် စိတ်ရောကိုယ်ပါ ပါဝင်တာဝန်ယူဆောင်ရွက်ခဲ့ကြတဲ့ စေတနာ့ ဝန်ထမ်း လူငယ်တွေ ပဲ ဖြစ်ပါတယ်။ 

ဒီအားကစား ပွဲတော်ကြီးကနေ စေတနာ့ဝန်ထမ်းလူငယ်တွေပဲ ဖြစ်ပါတယ်။ ဒီအားကစားပွဲတော်ကြီးကနေ 
စေတနာ့ ဝန်ထမ်းလူငယ်တွေ အနေနဲ့ ရရှိလိုက်တဲ့ အနစ်နာခံမှု၊ ပရဟိတစိတ်ရှိမှု၊ တာဝန်ယူလိုစိတ်ရှိမှု၊ အဖွဲ့အစည်းနှင့်ဆောင်ရွက်တတ်မှု၊ နိုင်ငံတကာနှင့် ပူးပေါင်းဆောင်ရွက်တတ်မှု စတဲ့ အတွေ့အကြုံတွေဟာ တိုင်းပြည်အနာဂတ် တည်ဆောက်ရေးမှာ များစွာအထောက်အကူပြုမှာ ဖြစ်ပါတယ်။ 

ဒီအရှေ့တောင်အာရှ အားကစားပြိုင်ပွဲကြီးကနေ မိမိတို့ ဆောင်ရွက်နိုင်စွမ်းတွေအတွက် ဂုဏ်ယူကြရမှာ
ဖြစ်ပြီး လိုအပ်ချက်များကိုလည်း သင်ခန်းစာယူ ပြင်ဆင် သွားကြရမှာ ဖြစ်ပါတယ်။ 

တဆက်တည်းမှာပဲ မိမိတို့နိုင်ငံရဲ့ နိုင်ငံရေးအပြောင်အလဲများကို လေ့လာသုံးသပ်ကြည့်မယ်ဆိုပါက ၂၀၀၈ ဖွဲ့ အစည်းပုံ အခြေခံဥပဒေ မူဘောင်များထဲက အစပြုပေါ်ပေါက်လာတဲ့ နိုင်ငံရေးလှုပ်ရှားခွင့်များ ကို 
နိုင်ငံရေး အင်အားစုအသီးသီးက အပြုသဘောဆောင်တဲ့ ချဉ်းကပ်မှုမျိုးနဲ့ ထိရောက်စွာ ပါဝင်လုပ်ဆောင် ခဲ့ကြတဲ့ အတွက် အချိန်တိုအတွင်း အဆင့်ဆင့် တက်လှမ်းနိုင်ခဲ့ခြင်း ဖြစ်တယ်ဆိုတာကို တွေ့မြင်ကြရ မှာ ဖြစ်ပါတယ်။ 

ထိုအခြေအနေသစ်တစ်ရပ်ကို ပကတိအရှိတရားအဖြစ် မှတ်ယူပြီး နိုင်ငံရေးဖြစ်စဉ် ပိုမိုအသက်ဝင် လာစေရေး အတွက် နိုင်ငံရေးအင်အားစုများ ပိုမိုပါဝင်လာစေရေး၊ ပြည်သူများ အားလုံး နိုင်ငံရေးအခွင့် အရေး များ ပိုမို ရရှိလာစေရေးတို့ကို အတူတကွ ကြိုးပမ်းဆောင်ရွက်ကြရမှာ ဖြစ်ပါတယ်။ 

အထက်ပါ ကြိုးပမ်းဆောင်ရွက်မှုများရဲ့ နိုင်ငံရေးအကျိုးဆက်အနေနဲ့ မိမိတို့လူ့အဖွဲ့အစည်းအတွင်း အပြု သဘော ဆောင်တဲ့ နိုင်ငံရေးငြင်းခုံဆွေးနွေးညှိနှိုင်းခြင်းဓလေ့ကို အားကောင်းရှင်သန်လာစေခဲ့ပါတယ်။ 

ဒီကိစ္စရပ်များကို သက်သေထူတဲ့အနေနဲ့ မိမိတို့ ကြုံတွေ့ခဲ့ရတဲ့ နိုင်ငံရေးအခက်အခဲ အကြပ်အတည်းများ၊ စိန်ခေါ်မှုများကို နားလည်မှုရှိရှိ၊ စိတ်စေတနာမှန်မှန်ဖြင့် ခက်ခဲစွာကျော်ဖြတ်ခဲ့ကြတဲ့အတွက် ရရှိတဲ့ အကျိုး ရလာဒ်ကတော့ အခြေခံဥပဒေပြင်ဆင်ရေးကိစ္စကဲ့သို့သော နိုင်ငံရေးစိန်ခေါ်မှုမျိုးကို ပြည်သူလူထု အကြား မှာ လွတ်လပ်ပွင့်လင်းစွာ ဆွေးနွေးငြင်းခုံလာနိုင်သည်အထိ နိုင်ငံရေးတိုးတက်မှုတွေ ရှိလာပါတယ်။ 

နိုင်ငံရေးအင်အားစုအသီးသီးရဲ့ ဖွဲ့စည်းပုံအခြေခံဥပဒေပြင်ဆင်ရေး လုပ်ဆောင်ချက်များကိုလည်း တွေ့ရှိ လာ ရပြီ ဖြစ် ပါတယ်။ 

ပြည်ထောင်စုလွှတ်တော်ကိုယ်စားပြု ပါတီစုံမှ လွှတ်တော်ကိုယ်စားလှယ်များနဲ့ တပ်မတော်သား လွှတ်တော် ကိုယ်စားလှယ်များ ပါဝင်သော “အခြေခံဥပဒေပြင်ဆင်ရေးနှင့် လေ့လာသုံးသပ်ရေးကော်မတီ” ကို ဖွဲ့စည်းပြီး လူထုလူတန်းစားအသီးသီး၊ အဖွဲ့အစည်းအသီးသီးရဲ့ သဘောဆန္ဒများ ရယူဆောင်ရွက်နေပြီ 
ဖြစ်ပါတယ်။ 

တပ်မတော်အနေနဲ့လည်း ဖွဲ့စည်းပုံ အခြေခံဥပဒေပြင်ဆင်ရေးနှင့် ပတ်သက်သော သဘောထား ရပ်တည်ချက် အချို့ကို ကော်မတီကို ပေးပို့ထားပြီး ဖြစ်ကြောင်း သိရှိရပါတယ်။ 

တချိန်တည်းမှာပင် မြန်မာနိုင်ငံရဲ့ အဓိကကျတဲ့ နိုင်ငံရေးအင်အားစု တစ်ခုဖြစ်တဲ့ ဒေါ်အောင်ဆန်းစုကြည် 
ခေါင်းဆောင်တဲ့ NLD ပါတီ အပါအဝင်နိုင်ငံရေး ပါတီများဟာလည်း ဖွဲ့စည်းပုံ အခြေခံဥပဒေပြင်ဆင်ရေး ကိစ္စရပ်များနဲ့ ပတ်သက်ပြီး လူထုတွေ့ဆုံပွဲများ၊ ဆွေးနွေးပွဲများကို အားသွန်ခွန်စိုက် ဆောင်ရွက်နေတာ ကို တွေ့ရပါတယ်။ 

ယခုလို နိုင်ငံရေးလှုပ်ရှားမှုများကို လွတ်လပ်ပွင့်လင်းစွာ လုပ်ဆောင်နိုင်ခွင့်ရှိခြင်းကပင် မိမိတို့ လူ့ အဖွဲ့အစည်းရဲ့ နိုင်ငံရေးရင့်ကျင်မှုရေချိန် မြင့်တက်လာကြောင်းကို ညွန်ပြနေတာ ဖြစ်ပါတယ်။ 

ပြည်သူ တစ်ဦးချင်းစီနဲ့ နယ်ပယ်အသီးသီးမှ ခေါင်းဆောင်များရဲ့ သဘောဆန္ဒ ထုတ်ဖော်ဆွေးနွေးမှုများကို သတင်းမီဒီယာမျိုးစုံကစလို့ အင်တာနက် လူမှုကွန်ယက်များအထိပါ လွတ်လပ်စွာ ထုတ်ဖော်ပြော ဆို ဆွေး
နွေး ခွင့် ရှိနေခြင်း ကလည်း အပြုသဘောဆောင်သော ဖြစ်ထွန်းမှုဟု ဆိုရမှာ ဖြစ်ပါတယ်။ 

ခေတ်မီတဲ့ ဒီမိုကရေစီလူ့ဖွဲ့အစည်းကို တည်ဆောက်ရာမှာ အရေးအကြီးဆုံး သွင်ပြင်လက္ခဏာဖြစ်တဲ့ နိုင်ငံ
ရေး ကို လွတ်လပ်စွာ ဆွေးနွေးငြင်းခုံမှုများ အားကောင်းမောင်းသန်ဖြစ်လာခြင်းကို ကျွန်တော်တို့ လူ့အဖွဲ့ အစည်းမှာ အထင်အရှား တွေ့မြင်နေရပြီ ဖြစ်ပါတယ်။ 

ဖွဲ့အစည်းပုံ အခြေခံဥပဒေ ပြင်ဆင်ရေးကိစ္စနဲ့ ပတ်သက်ပြီးလည်း ကျွန်တော့်ရဲ့ သဘောထားရပ်တည်ချက် အချို့ကို ပြောကြားလိုပါတယ်။ အသက်ဝင်တဲ့ ဖွဲ့စည်းပုံအခြေခံဥပဒေတစ်ရပ်ကို ပိုင်ဆိုင်ဖို့ဆိုရင် လူ့အဖွဲ့ အစည်း တစ်ရပ်လုံးရဲ့ နိုင်ငံရေး၊ စီးပွားရေး၊ လူမှုရေး လိုအပ်ချက်များနဲ့ သဟဇာတ ဖြစ်အောင် အခြေ အနေ အချိန်အခါအလိုက် ပြင်ဆင်ရေးသားရမယ်ဆိုတဲ့ အခြေခံမှုကို ကျွန်တော့်အနေနဲ့ ဆုပ်ကိုင်ထား ရမှာ ဖြစ်ပါတယ်။ 

လက်ရှိအခြေခံဥပဒေ ပြင်ဆင်ရေးနဲ့ ပတ်သက်ပြီးလည်း ကျွန်တော့်အနေနဲ့ အဓိက အစိတ်အပိုင်း သုံးခုရှိ တယ်လို့ ရှု့မြင်ပါတယ်။ 

ပထမပိုင်းကတော့ လက်ရှိ ကျွန်တော်တို့ ကြိုးပမ်းတည်ဆောက်နေရတဲ့ ငြိမ်းချမ်းရေးဖြစ်စဉ်ကို အခြေပြုတဲ့၊ တိုင်းရင်းသားစည်းလုံးညီညွတ်ရေးအတွက် မဖြစ်မနေ ပြုလုပ်ကြရမယ့်၊ နိုင်ငံရေးဆွေးနွေးပွဲတွေ ကနေ 
ပေါ်ပေါက် လာမယ့် သဘောတူညီချက်များအတွက် လိုအပ်သလို ပြင်ဆင်ခြင်း၊ ပယ်ဖျက်ခြင်း၊ ဖြည့်စွက် 
ရေးသားခြင်းတွေ လုပ်ဆောင်ရမယ့် အပိုင်ဖြစ်ပါတယ်။ 

ဒုတိယအပိုင်းကတော့ မိမိတို့ တည်ဆောက်လိုတဲ့ ပွင့်လင်းလွတ်လပ်တဲ့ လူ့အဖွဲ့အစည်းတစ်ရပ် ပီပြင် လာစေရေး အတွက် လိုအပ်မယ့် ဒီမိုကရေစီစံနှုန်းများ၊ တန်ဖိုးများ ပြည့်မီလာစေဖို့ လိုအပ်သလို ပြင်ဆင်ရ မည့် အပိုင်ဆိုပြီးတော့ ခွဲခြားတွေ့မြင်နိုင်မှာ ဖြစ်ပါတယ်။ 

ဒီမိုကရေစီစံနှုန်းများ၊ တန်ဖိုးများပြည့်မီအောင် ကြိုးပမ်း အားထုတ် လုပ်ဆောင်ရာမှာ နိုင်ငံရေးမှာ ပါဝင် ပတ်သက်သူ အားလုံးရဲ့ အမြော်အမြင်ကြီးမားမှု၊ ဥာဏ်ပညာ ကြွယ်မဝမှုနှင့် စိတ်ရင်းစေတနာ မှန်ကန်မှု တို့က အဆုံးအဖြတ် ပေးသွားမှာ ဖြစ်ပါတယ်။ 

တတိယပိုင်းကတော့ နိုင်ငံရေးဦးဆောင်မှုဆိုင်ရာ အရည်အချင်းသတ်မှတ်မှုအတွက် လိုအပ်မည့် ဖွဲ့စည်းပုံ အခြေခံဥပဒေ ပြင်ဆင်ရေး ကိစ္စရပ်ပင် ဖြစ်ပါတယ်။ 

ဒီကိစ္စနဲ့ ပတ်သက်တဲ့ ကျွန်တော့်ရဲ့ သဘောထား ကတော့ မည်သည့်မြန်မာနိုင်ငံသား တိုင်းရင်းသားတစ်ဦး ကိုမျှ မြန်မာနိုင်ငံကို နိုင်ငံရေးအရ ဦးဆောင်နိုင်ခွင့်ကို ကန့်သတ်တာမြစ်တာမျိုး မဖြစ်စေလိုတဲ့ နိုင်ငံရေး
စေတနာရှိသလို တစ်ဖက်ကလည်း မိမိတို့ အမျိုးသား အကျိုးစီးပွားနှင့် မိမိတို့နိုင်ငံရဲ့ အချိုပ်အချာအာဏာ တည်တံခိုင်မြဲရေးကို မထိပါးစေမည့် သင့်တင့် လျောက်ပတ် တဲ့ အကာအကွယ်ပေးနိုင်သည့် အခြေခံမှုများ ရှိရန်လည်း လိုလားပါတယ်။ 

လက်ရှိဖြစ်ပွားနေတဲ့ နိုင်ငံရေးဦးဆောင်မှုနဲ့ ပတ်သက်တဲ့ ဝိရောဓိများကို ကိုင်တွယ်ဖြေရှင်းရာမှ နိုင်ငံရေး အကြပ်အတည်း တစ်ခုဆီ သို့ ဦးတည်မသွားစေနိုင်ဖို့အတွက် နိုင်ငံရေးရွေးချယ်မှု မှန်ကန်စေဖို့ ကျွန်တော် တို့ အားလုံးမှာ တာဝန်ရှိ ပါတယ်။ 

ငြိမ်းချမ်းရေး ဖြစ်စဉ်ကို အခြေပြုတဲ့ တိုင်းရင်းသားစည်းလုံးညီညွတ်မှု တည်ဆောက်ရေးအတွက် လိုအပ်တဲ့ အခြေခံဥပဒေပြင်ဆင်မှုများကို လုပ်ဆောင်ရာမှာ မိမိတို့အချင်းချင်း အပြန်အလှန် ယုံကြည်မှုအပေါ် အခြေခံ တဲ့ ဆွေးနွေးညှိနှိုင်းမှုတွေ၊ ထားရှိနိုင်မယ့် သဘောထားကြီးမှုတွေ၊ တောင်းဆိုမှုတွေကို အပြန် အလှန် နားလည် လက်ခံပေးနိုင်တဲ့ အခြေအနေတွေ၊ ဒါတွေက အဆုံးအဖြတ်ပေးသွားမှာ ဖြစ်ပါတယ်။ 

တဆက်တည်းမှာပဲ တစ်နိုင်ငံလုံး အတိုင်းအတာဖြင့် အပစ်အခတ်ရပ်စဲရေး သဘောတူညီချက် ရရှိရေး အတွက် ကြိုးပမ်း အားထုတ်မှုနှင့် ပတ်သက်ပြီး အစိုးရ၊ လွှတ်တော်များ၊ နိုင်ငံရေးပါတီများ၊ နိုင်ငံရေး အင်အားစုများ၊ တိုင်းရင်းသား အဖွဲ့အစည်းများ၊ အရပ်ဖက်လူ့အဖွဲ့အစည်းများ၊ တပ်မတော်နှင့် တိုင်းရင်း သား လက်နက်ကိုင် အဖွဲ့အစည်း အာလုံးတို့ စိတ်ရင်းစေတနာမှန်ဖြင့် ကြိုးပမ်းအားထုတ်နေမှုကို ကျွန်တော့်အနေဖြင့် အထူးဂုဏ်ယူ ဝမ်းမြောက်လျက်ရှိပါကြောင်း ပြောကြားလိုပါတယ်။ 

ဒါ့ကြောင့် ယခုလုပ်ဆောင်လျက်ရှိသော အသေးစိတ် ညှိနှိုင်းမှုများကို အောင်မြင်စွာ ပြုလုပ်ပြီး များမကြာမီ ကာလတွင် နိုင်ငံရေးဆွေးနွေးပွဲများ စတင်နိုင်ရန်ကိုလည်း တွေ့မြင်လိုကြောင်း ပြောကြားလိုပါတယ်။ 

လာမည့် ၂၀၁၄ ခုနှစ်မှာ မြန်မာနိုင်ငံအတွက် ကြီးမားတဲ့တာဝန်ကြီးတစ်ခုကတော့ အာဆီယံဥက္ကဌ အဖြစ် ဒေသတွင်းနိုင်ငံများ ပါဝင်တဲ့အဖွဲ့အစည်းကြီးကို ဦးဆောင်ဦးရွက် ပြုရမှာ ဖြစ်ပါတယ်။ 

ဒေသတွင်း နိုင်ငံတကာ ကိစ္စရပ်များ တစ်ခုနှင့်တစ်ခု ဆက်နွယ်မှု တိုးလာခြင်း၊ အထူးသဖြင့် ကမ္ဘာ့နိုင်ငံရေး ချိန်ခွင်လျှာ အပြောင်းအလဲနဲ့ အာရှဒေသနဲ့ အရှေ့တောင်အာရှနိုင်ငံများ၏ ကမ္ဘာ့နိုင်ငံရေးဇာတ်ခုံတွင် အရေးပါမြင့်တက် လာခြင်းတို့က မြန်မာနိုင်ငံမှ အာဆီယံဥက္ကဌအဖြစ် ဦးစီးဦးဆောင်ပြုရမယ့် အချိန်မှာ မိမိတို့၏ ဦးဆောင်မှု တာဝန်ကို ပိုမိုအရေးကြီးလာစေမှာ ဖြစ်ပါတယ်။ 

(၂၇)ကြိမ်မြောက် အရှေ့တောင်အာရှ အားကစားပြိုင်ပွဲကြီးမှာ ပြည်သူတစ်ရပ်လုံး ပူးပေါင်းပါဝင် မှုကြောင့် 
အောင်မြင်စွာ ကျင်းပနိုင်ခဲ့သလို အာဆီယံဥက္ကဌတာဝန်ကိုလည်း နိုင်ငံရေးအင်အားစုများ အားလုံးနှင့် 
ပြည်သူ လူထုတစ်ရပ်လုံး အတူတကွ ပူးပေါင်းပါဝင်ပြီး အောင်မြင်စွာ ထမ်းဆောင်ကြရမှာ ဖြစ်ပါတယ်။ 

ကျွန်တော်တို့ နိုင်ငံအနေနဲ့ အာဆီယံဥက္ကဌအဖြစ် တာဝန်ယူချိန်မှာ အရှေ့တောင် အာရှဒေသ၏ အကျိုးကို သယ်ပိုးခွင့်ရမှာ ဖြစ်ပြီး ကျွန်တော်တို့နိုင်ငံရဲ့ ပုံရိပ်ကိုလည်း နိုင်ငံတကာ အသိုင်းအဝိုင်းများကြား မှာ မြှင့်တင်နိုင်မှာ ဖြစ်ပါတယ်။ 

ကျွန်တော့်အနေနဲ့ စတင်တာဝန်ထမ်းဆောင်ခဲ့သည့် နေ့မှစပြီး ပြည်သူလူထု တစ်ရပ်လုံးရဲ လိုလားချက် များကို ဖြစ်သင့်ဖြစ်ထိုက်တဲ့အခြေအနေနဲ့ လက်တွေ့ဖြစ်နိုင်တဲ့ အခြေအနေနှစ်ရပ်အကြား သဟဇာတ 
ဖြစ်အောင် တစိုက်မတ်မတ် ကြိုးပမ်းဆောင်ရွက်ခဲ့ပါတယ်။ 

သဟဇာတဖြစ်ရေးဆိုရမှာလည်း လက်ရှိနိုင်ငံရေးအပြောင်းအလဲနဲ့ နိုင်ငံရေးဖြစ်စဉ် ရှင်သန်ခိုင်မာရေး၊ 
ပြည်တွင်း နိုင်ငံရေး တည်ငြိမ်မှု ရှိရေးနှင့် ညင်သာသော အသွင်ကူးပြောင်းရေးကု မျိုးဆက်သစ်များသို့ လက်ဆင့်ကမ်းနိုင်ရေးအတွက် အစဉ်နှလုံးသွင်း ဆောင်ရွက်လျက်ရှိပါတယ်။ 

ကျွန်တော့်အနေနဲ့ တွေ့ဆုံ ဆွေးနွေးရေးနဲ့ ပတ်သက်တဲ့ တောင်းဆိုးချက်များ အတွက်လည်း အဖွဲ့ အစည်းပေါင်းစုံကို အစဉ်တံခါးဖွင့် လက်ခံတွေ့ဆုံခဲ့ပါတယ်။ 

ပြုပြင်ပြောင်းလဲရေး ဆောင်ရွက်တဲ့နေရာမှာ မတူညီတဲ့ နိုင်ငံရေးအင်အားစုများရဲ့ ကွဲပြားတဲ့ လိုလားချက် များ၊ သဘောထားရပ်တည်ချက်များကို နက်နဲသိမ်မွေ့စွာ ဖြည့်ဆည်း ဆောင်ရွက် ပေးခြင်း၊ တည့်မတ်
ပေးခြင်းများ လုပ်ဆောင်နေရတော ဖြစ်ပါတယ်။ ဒီလိုချင့်ချိန် ဆောင်ရွက်ရတာကြောင့် တခါတလေ မှာ နိုင်ငံရေးအင်အားစုအချို့ရဲ့ အားမလိုအားမရဖြစ်မှုတွေ ရှိလာတာကို သဘာဝကျတယ်လို့ နားလည် လက်ခံထားပါတယ်။ 

ဒီလိုအခြေအနေတွေအားလုံးကို နိုင်ငံရေး အရှိတရားအနေဖြင့်ခံယူပြီး တစ်ဖက်နှင့် တစ်ဖက် အပြန်အလှန် နားလည်မှု စွမ်းရည် မြှင့်တင်ကြဖို့လည်း တိုက်တွန်းလိုပါတယ်။ 

ကျွန်တော့်အနေနဲ့ သမ္မတတာဝန်ယူ သည့်နေ့မှစပြီး တာဝန်ကို ရှောင်လွှဲလိုတဲ့ လုပ်ဆောင်မှုမျိုး မရှိခဲ့ သလို လက်ရှိနိုင်ငံရေး အခြေအနေက ခွင့်ပြုတဲ့ အတိုင်းအတာအရ ဖြစ်သင့်ဖြစ်ထိုက်သည့် နိုင်ငံရေး ဆန္ဒများနှင့် လက်တွေ့ဖြစ်နိုင်သည့် ကိစ္စရပ်များ အစဉ်ပေါင်းစပ်ပြီး သဟဇာတဖြစ်ဖြစ် ဆောင်ရွက်ခဲ့ပါ တယ်။ 

အထူးပြောကြားလိုသည့် ကိစ္စရပ်ကတော့ ဖြစ်သင့်ဖြစ်ထိုက်သည့် နိုင်ငံရေးဆန္ဒများကို လက်ရှိနိုင်ငံရေး အခြေအနေက ဖြည့်ဆည်းပေးနိုင်သည်ထက် ပိုမိုမျှော်မှန်းဆောင်ရွက်ပါက နိုင်ငံရေး အကြပ်အတည်း တစ်ခု ဖြစ်ပေါ်ပြီး လက်တွေ့ဖြစ်နိုင်ချေရှိသည့် အခွင့်အလမ်းများပင် ဆုံးရှုံးသွားနိုင်သည်ကို သတိချပ်ပြီး ဥာဏ်အမြော် အမြင်ရှိသော နိုင်ငံရေးရွေးချယ်မှုများ ပြုလုပ်ကြရန် တိုက်တွန်းပြောကြားလိုပါတယ်။ 

အမျိုးသားပြန်လည်စည်းလုံးညီညွတ်ရေးကို ရှေ့ရှု့ပြီး လက်ကျန်နိုင်ငံရေး အကျဉ်းသား စိစစ်ရေး
ကော်မတီရဲ့ ကြိုးပမ်းမှုနဲ့ ကျွန်တော်ကတိပေးထားတဲ့အတိုင်း ဒီနှစ်ကုန်မှာ နိုင်ငံရေးအကျဉ်းသား တစ်ဦး တစ်ယောက်မှ မကျန်ရှိ စေဖို့ ဆောင်ရွက်ပြီး ဖြစ်ကြောင်း မိဘပြည်သူများကို အသိပေးပြောကြားလိုပါ တယ်။ 

လာမည့် ၂၀၁၄ ခုနှစ် နှစ်သစ်မှာလည်း ကျွန်တော်တို့ ပြည်သူတစ်ရပ်လုံးဟာ အတွေးသစ်၊ အမြင်သစ် များဖြင့် အပြုသဘောဆောင်သည့် ပူးပေါင်းဆောင်ရွက်မှုများ ယခင်နှစ်ကထက် တိုးမြှင့်လုပ်ဆောင် သွားကြရန် တိုက်တွန်း ပြောကြားရင်း နိဂုံးချုပ်အပ်ပါတယ်။ 


မိဘပြည်သူများ ကျန်းမာချမ်းသာကြပါစေ။ 




0 comments :

Post a Comment

 
Copyright © 2014 Irrawaddy Publishing Group. All Rights Reserved