စစ်ဗိုလ်တွေနေရာရဖို့ ကျောင်းသားတွေကို နှိမ်ထားသလား

 ~




  
ပြည်မြို့ တက္ကသိုလ်ရှေ့ကို  ဒီမနက် ပြုလုပ်ရာမှာ အာဏာပိုင်တို့ရဲ့ တားမြစ်မှုတချို့နဲ့ ရင်ဆိုင်ရတယ်လို့ သိရပါတယ်။

တက္ကသိုလ်ဝင်းတံခါးတချို့ ပိတ်ပင်မှုနဲ့ ပတ်သက်ပြီး နိုင်ငံရေးတက်ကြွလှုပ်ရှားသူတဦးဖြစ်တဲ့ ကိုကျော်ဆွေက ကျောင်းသားတွေကို သွားရောက် ဟောပြောခြင်း မလုပ်ချင်တာကြောင့်ဖြစ်မယ်၊ ကျောင်းသားတွေနိုင်ငံရေးမသိမှ   စစ်ဗိုလ်တွေနေရာရမယ်၊ ဒါကြောင့် ကျောင်းသားတွေကို နှိမ်ထားခြင်းဖြစ်တယ်လို့ မှတ်ချက်ပြုပါတယ်။

ဒီအကြောင်း သတင်းထောက် ကောင်းမြတ်မင်း က သတင်းပေးပို့ထားပါတယ်။ 

လွတ်လပ်ရေးရပြီးနောက်ပိုင်း မြန်မာပြည်ရဲ့ နိုင်ငံရေး ဖြစ်စဉ်တလျှောက်မှာ ကျောင်းသားတွေရဲ့ ပထမဆုံး သွေးမြေကျပေးဆပ်ခဲ့ရမှုကို ဂုဏ်ပြုတဲ့အစီအစဉ်တရပ် ဒီမနက် ပြည်မြို့မှာ တွေ့ရပါတယ်။

အဲဒါကတော့ ၅၃ နှစ်မြောက် ဆဲဗင်းဂျူလိုင်  - ဇူလိုင် ၇ ရက် နှစ်ပတ်လည်နေ့ဆိုင်ရာ ဂုဏ်ပြုပွဲပါပဲ။

ပွဲစီစဉ်သူ ကိုဝင်းလှိုင်က ...

“လွန်ခဲ့တဲ့ ၅၂ နှစ်တုန်းက အပြစ်မဲ့ကျောင်းသားတွေကို ရက်ရက်စက်စက် အာဏာရှင်တွေ သတ်ဖြတ်ခဲ့တယ်။
 ကျောင်းသားသမဂ္ဂအဆောက်အအုံကို ဒိုင်းနမိုက်တွေနဲ့ ဖြိုဖျက်ခဲ့တယ်။
ဒီနေ့ခေတ် ကျောင်းသားတွေကို အဲဒါတွေကို သိစေချင်လို့ အခုလို ကျောင်းရှေ့မှာလာလုပ်တာပါ... ဂုဏ်ပြုထိုက်သူကို ဂုဏ်ပြုဖို့ တက္ကသိုလ်ရှေ့မှာ ကျင်းပခဲ့တာပါ”

ဒီမနက်စီတန်းလှည့်လည်ခွင့်အတွက် သက်ဆိုင်ရာကို အကြောင်းကြားစာ ပေးပို့ခဲ့ပါတယ် တဲ့။

“ဆိုင်းဘုတ်မှာပါတဲ့ အာဏာရှင် ပပျောက်ရေးဆိုတဲ့ စာသားဖြုတ်ခိုင်းတယ်။
7 July နေ့က ကျဆုံးသွားသော ဒီမိုကရေစီသူရဲကောင်းများကို ဂုဏ်ပြုခြင်း ဆိုတာကို ဖြုတ်ခိုင်းတယ်။ ပြီးရင် ပြည်တက္ကသိုလ်ရှေ့က ရွှေတချောင်းလမ်းကို သွားဖို့ ခွင့်မပြုချက်မပေးဘူးလို့ သူတို့ဘက်က ပြောလာတယ်။
ကျနော်တို့က အကြောင်းကြားစာမှာ ပါတဲ့အတိုင်း ကိုယ်လုပ်စရာရှိတာ လုပ်ခဲ့တယ်”

သူတို့တွေ ပြည်မြို့ မြင်းစီးကျောက်ရုပ်ကနေစတင်ထွက်ခွာပြီး၊
ပြည်တက္ကသိုလ် ရှေ့သို့အသွား ရွှေတချောင်းလမ်းထိပ် မှာတော့ အမှတ်(၁) ရဲစခန်းမှူးနဲ့ အမှတ်(၂) မြို့မရဲစခန်းမှူးတို့က တားမြစ်ခဲ့ပါတယ်။

သို့သော်လည်း မူလအကြောင်းကြားစာမှာပါတဲ့ ဆိုင်းဘုတ်ထဲကစာသားတွေနဲ့ တင်ထားတဲ့ လမ်းကြောင်းအတိုင်း သွားရောက်ခဲ့ကြပါတယ်။

   --------------------------------------------------------------

•  ကျောင်းသားသမဂ္ဂ အဆောက်အအုံ ပြန်ဆောက်ပေးရန် မင်းကိုနိုင်ပြော

http://burma.irrawaddy.org/news/2012/02/09/5902.html   --------------------------------------------------------------
ပြည်တက္ကသိုလ်ရှေ့ကို သွားရောက်ပြီး 7 July ကျောင်းသားသမိုင်းတွေနဲ့ ပတ်သက်ပြီး ထုတ်ဖေါ်ပြောဆိုမှုတွေ ပြုလုပ်ဖို့ သူတို့ သွားရောက်ကြပါတယ်။

သူတို့ ရောက်သွားချိန်မှာတော့ ပြည်တက္ကသိုလ်ကျောင်းဝင်း တခါးတချို့ကို လုံခြုံရေးတွေက ပိတ်ခဲ့တာနဲ့ ကြုံကြရပါတယ်။

ပိတ်ပင်မှုနဲ့ ပတ်သက်ပြီး နိုင်ငံရေးတက်ကြွလှုပ်ရှားသူတဦးဖြစ်တဲ့ ကိုကျော်ဆွေက စစ်ဗိုလ်တွေနေရာရဖို့ ကျောင်းသားတွေကို နှိမ်ထားခြင်းဖြစ်တယ်လို့ မှတ်ချက်ပြုပါတယ်။

“ကျောင်းသားတွေနိုင်ငံရေးမသိမှ စစ်တက္ကသိုလ်က စစ်ဗိုလ်တွေသာ တိုင်းပြည်ကို ဦးဆောင်နိုင်တဲ့ သူတွေဖြစ်လာတော့မှာပေါ့။
ကျောင်းသားတွေ နိုင်ငံရေးမသိရင် ဒီတိုင်းပြည်ရဲ့ နိုင်ငံရေးကို ဘယ်သူတွေ လက်ဆင့်ကမ်း ထမ်းဆောင်နိုင်မလဲ”

တက္ကသိုလ်ကျောင်းရှေ့ ရောက်သွားရတဲ့ သူတို့ရဲ့ ရည်ရွယ်ချက်ကိုလည်း သူက ဆက်လက်ပြီး ရှင်းပြပါသေးတယ်။

“သိစေချင်လို့ ကျောင်းရှေ့မှာ ကျောင်းသားတွေရဲ့ ခေတ်အဆက်ဆက်က နိုင်ငံရေးသမိုင်းတွေကို လာပြောတယ်၊
ကဗျာတွေ လာရွတ်တာပါ။ ကျောင်းသားတွေက နိုင်ငံရေးနဲ့ ပိုပြီး ထိတွေ့ ပတ်သက်သင့်တယ်”   --------------------------------------------------------------

•  သမိုင်းကို ရဲရဲ ရင်ဆိုင်ပါ

http://burma.irrawaddy.org/opinion/editorial/2012/07/06/14172.html
   --------------------------------------------------------------ပြည်မြို့မှာ ကျင်းပပြုလုပ်တဲ့ (၅၂) နှစ်မြောက် 7 July နှစ်ပတ်လည်နေ့ အစီအစဉ်ဟာ   ရန်ကုန်၊ မန္တလေး၊ ပြင်ဦးလွင်၊ မုံရွာ စတဲ့ မြို့ကြီးတွေမှာမြင်တွေ့ရတဲ့ အခန်းအနားတွေနဲ့ မတူ ထူးထူးခြားခြားမြင်တွေ့ ခဲ့ရပါတယ်။

ပြည်မြို့ရဲ့ လူစည်းကားရာနေရာတွေမှာ လက်ကိုင်လော်စပီကာ (Hand Speaker) သုံးပြီး ကျောင်းသားလှုပ်ရှားမှု သမိုင်းကြောင်းကို  လိုက်လံပြောကြားခဲ့ပါတယ်။

ပြီးတော့  7 July က  ကျောင်းသားများနဲ့ တိုက်ရိုက် သက်ဆိုင်တဲ့အတွက် ပြည်တက္ကသိုလ်ရှေ့ကိုလည်း သွားရောက်ခဲ့ကြတဲ့အစီအစဉ်ကို တွေ့ခဲ့ရပါတယ်။အရင်ခေတ် စစ်အစိုးရများအုပ်ချုပ်စဉ်မှာတော့  7 July  မှာ  အကြမ်းဖက်ခဲ့ခြင်းနဲ့ ပတ်သက်ပြီး လိုအပ်ချက်တခုအရ  ဖောက်ခွဲရသလိုမျိုး သတင်းလွှင့်ခဲ့တာပါ။  ရန်ကုန်တက္ကသိုလ် ကျောင်းသားသမဂ္ဂအဆောက်အအုံထဲမှာ သူပုန်တွေ ခိုအောင်းနေတာကြောင့် စစ်မြေပြင်တခုလို သဘောထားခဲ့ရသလိုလို သတင်းလွှင့်ခဲ့ပါတယ်။

၁၉၈၈ လူထုလှုပ်ရှားမှုကာလအတွင်း နေရာတချို့မှာ ပစ်မိန့်ပေးရာမှာလည်း ဆန္ဒပြသူတွေဟာ တောထဲကလာတဲ့သူတွေဖြစ်တယ်၊ သူပုန်တွေဖြစ်တယ်ဆိုပြီး စစ်သားတွေကို လိမ်ညာပြောဆိုပြီးမှ ပစ်မိန့်ပေးခဲ့ခြင်းဖြစ်တယ်လို့ လေ့လာသူအများအပြားက ပြောကြပါတယ်။

မကြာသေးခင်က ရန်ကုန်မြို့က ဘုန်းကြီးကျောင်းတခုကို ညဘက် ဝင်းစီးရာမှာလည်း ... ဒီကျောင်းထဲမှာ တောထဲကလာတဲ့သူတွေ ရှိနေကြောင်း ကျောင်းအပြင်ဘက် သွားရောက် ဝန်းရံမယ့်သူတွေကို သတင်းမှားပေးခဲ့တယ်လို့ သိရပါတယ်။


   --------------------------------------------------------------
ဆက်စပ်

• ရန်ကုန်တက္ကသိုလ်ရှေ့ ဇူလိုင် ၇ ရက် အစီအစဉ် (ဒုတိယပိုင်း) 

http://blog.irrawaddy.org/2014/07/blog-post_5774.html 

• ရန်ကုန်တက္ကသိုလ်ရှေ့ ဇူလိုင် ၇ ရက် အစီအစဉ် (ပထမပိုင်း) 

http://blog.irrawaddy.org/2014/07/blog-post_6357.html

•  ၆၂ ကျောင်းသား ခေါင်းဆောင်ရဲ့ အတွေ့အကြုံ

http://burma.irrawaddy.org/interview/2012/07/06/14061.html

•  ဇူလိုင် ၇ ရက်နေ့ကို မမေ့နိုင်ကြသေး

http://burma.irrawaddy.org/%E1%81%80_student/2013/07/05/43832.html
 

• ဧရာဝတီ Facebook / ဧရာဝတီ Twitter

.