အာဇာနည်နေ့မှာ ဟွန်းတီးကြမလား

 ~

်
အာဇာနည်နေ့ မနက် ၁ဝး၃၇ ဗိုလ်ချုပ်တို့ ကျဆုံးတဲ့အချိန်မှာ ကားဟွန်းတီးပြီး အလေးပြုဦးညွတ်ကြဖို့ လှုံ့ဆော်နေတာကို ရန်ကုန်မြို့အနှံ့အပြားမှာ တွေ့ရပါတယ်။

အထက်ပါပုံကတော့ မြို့တွင်းပြေးဘတ်စ်ကားတစီးထဲမှာ ရိုက်ကူးထားတာပါ။
ဟွန်တီးရေး လှုံ့ဆော်တဲ့ စတစ်ကာကို ကားဒရိုင်ဘာကျောဘက်မှာ ကပ်ထားပါတယ်။

ပြီးခဲ့တဲ့ရက်ပိုင်းအတွင်းမှာလည်း ရန်ကုန်က ကားမောင်းသူတွေကို
ဟွန်တီးရေး လှုံ့ဆော်စာ လိုက်လံဝေငှနေသူတွေလည်း ရှိပါတယ်။
ဟွန်းတီး အလေးပြုဖို့ ဆိုတာကို ရန်ကုန်က ကားမောင်းသူ အများအပြားက သဘောပေါက်ပြီးသားပါ။

တကယ် ဟွန်းတီးကြ ဦးညွတ်အလေးပြုကြဖို့ နဲ့ မမေ့လျော့ကြဖို့ လှုံ့ဆော်ကြတာလို့ ယူဆရပါတယ်။

 ကားဒရိုင်ဘာကတော့ သူ့ကျောဘက် ကြော်ငြာကပ်တဲ့နေရာမှာ ဗိုလ်ချုပ်အောင်ဆန်းတို့ပုံကို ကပ်ထားပါတယ်။
အနှောင့်အယှက် ပေးတဲ့သူမရှိဘူးလို့ ယူဆရတဲ့အတွက် ဒီလို ကပ်ထားကြတဲ့ ဘတ်စ်ကား အများအပြား ရန်ကုန်မှာ တွေ့နေရပါပြီ။
ဒါဟာ ဗိုလ်ချုပ်အောင်ဆန်းတို့ကို ချစ်ခင်သူ လေးစားသူ အများအပြား ရှိနေတယ် ဆိုတာကို ပြသတာပါပဲ။

ဒီလို မလေးစားကြဖို့ ဗိုလ်ချုပ်ကြီးတွေက  နှစ်ပေါင်းများစွာ ဖိနှိပ်ခဲ့ ဝါယမ စိုက်ခဲ့ပေမယ့် အောင်မြင်ခြင်းမရှိဘူးဆိုတဲ့သဘောပါပဲ။
 .
ဆက်စပ်

• အာဇာနည်နေ့ မြန်မာ့မီးရထား ဥဩဆွဲမည် 

http://blog.irrawaddy.org/2014/07/blog-post_6152.html

• ဧရာဝတီ Facebook / ဧရာဝတီ Twitter

.