ရွှေတိဂုံနဲ့တခြားစေတီတွေမှာ ပြည်ပရွှေဆိုင်းကိုပဲသုံးမယ် ဆိုရင် .....

 ~

မန္တလေး မျက်ပါးရပ်ကတော့ စည်းချက်ကျကျ တူထုသံတွေနဲ့ အမြဲတမ်း အလုပ်များနေတာပါပဲ။
 ဘုရားရွှေချတဲ့ ရွှေဆိုင်းထုတ်လုပ်တဲ့နေရာပါ။ 

• မျက်ပါးရပ်လုပ်ငန်းခွင်တခု (ဓာတ်ပုံ - ဇာနည်မာန်/ဧရာဝတီ)

ဗုဒ္ဓဘာသာဝင်တို့အတွက် အင်မတန်အရေးပါသော လို့ ဆိုနိုင်တဲ့  အင်မတန်ပါးလွှာတဲ့ရွှေဆိုင်း ဖြစ်လာဖို့အတွက်  ရွှေဆိုင်းလုပ်ငန်း ၂ဝ ဝန်းကျင်မှာ ကိုယ်တပိုင်းဗလာနဲ့အမျိုးသားတွေက တူနဲ့ အဆက်မပြတ် စည်းချက်ကျကျ ထုနှက်နေကြခြင်းပါ။

အမျိုးသမီးတွေကတော့  ရွှေဆိုင်းကို  စက္ကူပေါ် တင်ပြီး အချောသပ်တဲ့အလုပ် လုပ်ပါတယ်။
ရွှေဆိုင်း အရွက် ၁ဝဝ ကို တထုပ် ထုပ်ပါတယ်။

ဒါကတော့ ဧရာဝတီမှာ အင်္ဂါနေ့က တွေ့ရတဲ့ Mandalay’s Handmade Gold Leaf Industry Under Threat ဆိုတဲ့ ဆောင်းပါးရဲ့ နိဒါန်းပိုင်းပါပဲ။

မူရင်းကို www.irrawaddy.org/feature/mandalays-handmade-gold-leaf-industry-threat.html မှာ ဖတ်နိုင်ပါတယ်။ ဆက်လက်ပြီး ကောက်နုတ် ဖော်ပြရရင် ... မန္တလေးဟာ မြန်မာပြည်ရဲ့ ရွှေဆိုင်းရွက်တွေထွက်ရာဒေသပါ။
မျက်ပါးရပ်က ထုတ်လုပ်တဲ့ ရွှေဆိုင်းတွေကို ရွှေတိဂုံ၊ အင်းလေးဖောင်တော်ဦး၊ မန္တလေး မဟာမြတ်မုနိ၊ ပုဂံက လှည်းဝန်ရိုးသံတညံညံ အရေအတွက်ရှိသော ဘုရားများ စသဖြင့် စသဖြင့်  အနယ်နယ်က ဘုရားစေတီတွေမှာ ကပ်လှူနေကြတာပါ။

ရွှေဆိုင်းကို တခြားနေရာတချို့မှာလည်း သုံးပါသေးတယ်။ ယွန်းထည်အလှဆင်ခြင်း၊ တိုင်းရင်းဆေး၊ မိတ်ကပ် စသည်ဖြင့်။

မျက်ပါးရပ်လုပ်ငန်းရှင်တွေ စိုးရိမ်စရာတခုကတော့ ပြည်ပကနေ ရွှေဆိုင်းတွေ တင်သွင်းနေပြီ ဆိုတဲ့ အချက်ပါပဲ။
ပြည်ပရွှေဆိုင်းက စက်နဲ့ ထုတ်ပါတယ်။ ဈေးပိုသက်သာပါတယ်။ သို့သော်လည်း အရည်အသွေးကတော့ အားနည်းပါတယ်။
ဘာပဲပြောပြော ပြည်ပသွင်းကုန်ရွှေဆိုင်းက မျက်ပါးရပ်ကို ခြိမ်းခြောက်နေပါပြီ။

 မကြာသေးခင်က ပြည်တွင်းလုပ်ငန်းရှင်တဦး ရွှေတိဂုံမှာ ရွှေဆိုင်းအရောင်းတင်ဒါ အောင်ပါတယ်။
ဒါကြောင့် မျက်ပါးရပ်က ယုံကြည်တာကတော့ ရွှေတိဂုံမှာ အဲဒီ ပြည်ပဖြစ် စက်လုပ် ရွှေဆိုင်းတွေ သုံးနေပါပြီ တဲ့။

သုံးတယ် မသုံးဘူး ဆိုတာကတော့ အတည်မပြုနိုင်သေးပါ။ ကုန်သည်တွေအပြောအရ မျက်ပါးရပ်ကို ထိုင်းနဲ့တရုတ် လုပ်ငန်းရှင်တွေ သွားရောက် လေ့လာပြီး ရွှေဆိုင်းလုပ်တဲ့နည်းပညာကို ကော်ပီကူးပါတယ် တဲ့။
ပြီးရင် သူတို့ဆီမှာထုတ်ပြီး မြန်မာပြည်သွင်းမယ် ဆိုပါစို့။

ဘုရားဂေါပက ပြောပြတာက စက်ဖြစ်ရွှေဆိုင်းက လက်ဖြစ်ထက် ဈေးပိုပေါတယ်၊ ဒါကြောင့် တင်ဒါ အောင်သွားတယ် လို့
မျက်ပါးရပ်လုပ်ငန်းရှင်တဦးက ရှင်းပြပါတယ်။

ရွှေဆိုင်း အရွက် ၁ဝဝ ကို  ၃၂,ဝဝဝ ဈေး ပေါက်ပါတယ်။ စက်ဖြစ်ရွှေဆိုင်းက   ၂၅,ဝဝဝ ဈေး ပေါက်ပါတယ်။
သန့်ရှင်းစင်ကြယ်မှု၊ လုပ်အား တို့ကြောင့် ဒီလို ဈေးကွာတာဖြစ်မယ်လို့ မျက်ပါးရပ်လုပ်ငန်းရှင်တို့က ဆိုပါတယ်။

မန္တလေးရွှေဆိုင်း ဆိုတာက ရွှေဆိုင်းဖြစ်လာဖို့ နာရီနဲ့ချီပြီး တူနဲ့ထုနှက်ရ၊ ရွှေပြားလေးတွေကို အင်မတန့်အင်မတန် ဂရုတစိုက် ကိုင်တွယ်ထုပ်ပိုးရတာပါ တဲ့။
ရွှေဆိုင်းကပ်တဲ့စက္ကူကလည်း လက်ဖြစ်ပါပဲ။ ဒါကြောင့် လုပ်ငန်းအဆင့်ဆင့်က အချိန် အတော်ပေးရတာပါ။

ပြည်ပကသွင်းလာတာတွေဟာ ရွှေကွာလတီလည်း မကောင်း၊ ကပ်ထားတဲ့စက္ကူက ရွှေချရာမှာ အဆင်မပြေပါ ဆိုပဲ။
ဒီလို အရည်အသွေးညံ့တဲ့ ပြည်ပဖြစ်ရွှေဆိုင်းကို ရွှေတိဂုံမှာ သုံးရခြင်း ရည်ရွယ်ချက်က ဘာလဲဆိုတဲ့ မေးခွန်း ထွက်လာပါပြီ။

ရွှေတိဂုံဂေါပကအဖွဲ့ကို မေးရာမှာတော့ စစ်ဆေးပြီးပါပြီ၊ အရည်အသွေး မညံ့ပါဘူးလို့ ဆိုပါတယ်။

မန္တလေး မျက်ပါးရပ်ကတော့ မျက်ခုံးလှုပ်နေပါပြီ။
ဘာကြောင့်လဲ ဆိုတော့ တနိုင်ငံလုံးက စေတီဘုရားတွေဟာလည်း ရွှေတိဂုံလိုပဲ စက်ဖြစ်ရွှေဆိုင်းကိုသာ ရွေးချယ်လာကြနိုင်တယ် ဆိုတဲ့ ဖြစ်နိုင်ချေတခုကြောင့်ပါပဲ။

အဲဒီလို ပြည်ပက သွင်းလာတာကိုပဲ သုံးမယ် ဆိုရင်တော့ မန္တလေး မျက်ပါးရပ်က အလုပ်သမား တသိန်းကျော် အလုပ်လက်မဲ့ ဖြစ်သွားပါမယ်။
ရွှေဆိုင်းလုပ်ငန်းကိုလည်း ရာဇဝင်ထဲမှာ ထားရစ်ခဲ့ရပါတော့မယ်။

ဆက်စပ် ဖတ်ရှုရန် ..

• ဒဗ္ဘသမ္ဘာရ အဆောက်အဦတော်နှင့် လောကထ စရိယဖြစ်သော

• ဆူးငှက်

http://burma.irrawaddy.org/article/2014/01/21/53701.html

• အင်းလေး ဖောင်တော်ဦး ဈေးသည်များ တရားစွဲခံရ
  •  နန်းဆိုင်နွမ်

http://burma.irrawaddy.org/%E1%81%80_innlay/2013/05/03/38793.html 
 

• ဧရာဝတီ Facebook / ဧရာဝတီ Twitter

.