ယာဉ်ထိန်းရဲ ခင်မြင့်မောင် နေပြည်တော်သွားသောာအခါ...

Sunday, November 23, 2014


မြန်မာပြည်က အထင်ရှားဆုံး ယာဉ်ထိန်းရဲ မကြာသေးခင်က ရာထူး တက်အပြီး နေပြည်တော်ကို သွားပါတယ်။ အဲဒီကာလ ဘာဖြစ်သွားပါသတဲ့လဲ။

 


  • ပြီးခဲ့တဲ့နှစ်က သူ့ရဲ့လမ်းဆုံမှာ အလုပ်များနေတဲ့ တပ်ကြပ် ခင်မြင့်မောင် (ဓာတ်ပုံ- ဂျေပိုင်/ ဧရာဝတီ)

သူ နေပြည်တော် သွားတဲ့အခိုက် သူတာဝန်ကျတဲ့နေရာမှာ ယာဉ်ကျောပိတ်ဆို့မှု အကြီးအကျယ် ဖြစ်သွားပါတယ် တဲ့။

အနီးအနားဆိုင်တဆိုင်က ဒေါ်ဖြူဖြူဆိုသူက အဲဒီတဝိုက် လမ်းပိတ်ဆို့တာ သုံးရက်လုံး ကြောက်စရာပဲ၊ ကားတွေက မရွေ့၊  ဟွန်းတီးကြတာ စိတ်ပျက်စရာကောင်းတယ်ဆိုပြီး  ပြောဆိုကြောင်း နယူးယောက်တိုင်းမ်အွန်လိုင်းမှာ စနေနေ့က ရေးထားပါတယ်။


သူ နေပြည်တော်သွားတဲ့အချိန် တခြားတယောက် ဝင်ပြီး တာဝန်ယူ လမ်းရှင်းပေးခြင်း ရှိမရှိ ဖော်ပြမထားပါ။

သူ မရှိတဲ့အချိန်  ခင်မောင့်မြင့်လမ်းဆုံမှာ တာဝန်ယူဖို့ ရဲဝန်ထမ်းလုံလောက်ဟန် မတူပါဘူး။ မြန်မာပြည်မှာ ရဲအင်အား အင်မတန် နည်းပါးနေတယ်မဟုတ်လား။

နယူးယောက်တိုင်းမ်မှာဖော်ပြထားတဲ့ ဓာတ်ပုံထဲတော့ သူ့လက်မောင်းမှာ သုံးရစ် ဖြစ်နေပါတယ်။ တပ်ကြပ်ကြီးခင်မောင်မြင့် ဖြစ်သွားပြီပေါ့။

 ယာဉ်ကြောပိတ်တဲ့ မြို့တော်ရန်ကုန်က သေချင်စော်နံလှပေမယ့် တပ်ကြပ်ကြီးခင်မောင်မြင့်ရဲ့ သတင်းကတော့ ဘယ်လောက်မွှေးသလဲ ဆိုရင် နိုင်ငံတကာပရိသတ်အများအပြားရှိတဲ့ နယူးယောက်တိုင်းမ်အထိတောင် ရောက်နေပါပြီ။

ရန်ကုန် ယာဉ်ထိန်းရဲတိုင်းကတော့ လမ်းမပေါ်ပြေးနေတဲ့ မော်တော်ယာဉ်တွေ အဆင်ပြေရေး ဆောင်ရွက်တတ်ကြပါတယ်။
သူကတော့ တခြားသူတွေထက် ပိုပြီး ကျွမ်းကျင်တာမျိုး ဟုတ်ချင်မှ ဟုတ်ပါလိမ့်မယ်။
သို့သော်လည်း သူ့ရဲ့ စေတနာ၊ သူ့ရဲ့ အပြုံး၊ သူ့ရဲ့ တာဝန်ထမ်းဆောင်မှုတွေကတော့ တခြားသော ယာဉ်ထိန်းတွေထက် ပိုမို သာလွန်ကြောင်း ယာဉ်မောင်း အများအပြားက  ဆိုကြပါတယ်။
၂၀၁၂ က ဆိုရင် 7Day မီဒီယာအဖွဲ့က သူ့ကို သူရဲကောင်းဆု ပေးပြီး ဂုဏ်ပြုခဲ့ပါသေးတယ်။ အဲဒီအကြောင်း http://blog.irrawaddy.org/2012/03/7day-news.html မှာ ဖတ်နိုင်ပါတယ်။

သူ့နဲ့ ဧရာဝတီသတင်းဌာန အင်တာဗျူးကို မနှစ်က ဒီအချိန်မှာ တွေ့ခဲ့ရမှာပါ။
မဖတ်ရသေးသူများအတွက် နဲ့ ပြန်လည်ဖတ်ရှုလိုသူများအတွက် ကူးယူ ဖော်ပြလိုက်ပါတယ်။

ဇာနည်ဝင်း

ပြည်သူချစ်သော ယာဉ်ထိန်းရဲသား ခင်မြင့်မောင်
ဧရာဝတီ| November 5, 2013

တိုးတက်ကြီးထွားလာနေတဲ့ ရန်ကုန်လို နေရာမျိုးမှာ ပြည်သူက ချစ်ခင်တဲ့ ယာဉ်ထိန်းရဲတဦး ဖြစ်ဖို့က မလွယ်ကူလှပါ။
ရဲတပ်ဖွဲ့ဝင်များ အနေနဲ့ အရိုးစွဲလာခဲ့တဲ့ မလုပ် မရှုပ် မပြုတ် စာအုပ်ကြီး အတိုင်း အများပြည်သူနဲ့ ဆက်ဆံရာမှာ ဖော်ရွေမှု နည်းပါးတယ်၊
ပြီးတော့ လက်ဖက်ရည်ဖိုး တောင်းဖို့လောက်ပဲ စိတ်ဝင်စားတယ် လို့ ယူဆခံနေရပါတယ်။
 ဒါပေမယ့် ဗဟန်းမြို့နယ်မှာ ရှိတဲ့ ဓမ္မစေတီ လမ်းဆုံမှာ တာဝန်ယူ လမ်းရှင်းပေးရတဲ့ ယာဉ်ထိန်း ရဲသား ခင်မြင့်မောင်ကတော့ အများနဲ့ မတူခြားနားတဲ့ တာဝန်ထမ်းရွက်မှုကို တွေ့ရပါတယ်။

“ခရီးသည်တွေ၊ ကိုယ်ပိုင်ယာဉ်မောင်းတွေနဲ့ ဘတ်စကား ယဉ်မောင်းတွေက သူ့ကို ခင်ကြတယ် ဗျ။
သူ တာဝန်ထမ်းဆောင်တာက တခြားသူတွေနဲ့ မတူဘဲ တက်တက်ကြွကြွနဲ့ တာဝန်ကို ထမ်းဆောင်လေ့ ရှိတယ်။
 မိုးရွာရွာ နေပူပူ သူ့တာဝန်ကို ခင်မင်စရာ အမူအယာနဲ့ ထမ်းဆောင်တယ်။
တချို့ လူတွေက သူ့အတွက် စားစရာတွေ၊ သောက်စရာတွေ အပြင် ငွေကြေးတွေပါ ပေးကြတယ်။
အဲဒီလို ပေးတာကလည်း မသထာရေစာ လာဘ်ထိုးတာမျိုး မဟုတ်ဘဲ
တကယ့်ကို လေးစားချစ်ခင်လို့ ပေးတာမျိုးပါ” လို့ အဲဒီ ဓမ္မစေတီလမ်းဆုံကို အမြဲဖြတ်သွားလာနေရတဲ့ ရုံးဝန်ထမ်း မသူသူက ပြောပါတယ်။

ယာဉ်ထိန်းရဲသား ခင်မြင့်မောင်ကို အများပြည်သူတွေက ချစ်ခင်တဲ့အကြောင်း သူ့ရဲ့ လုပ်ဖော်ကိုင်ဖက်တွေနဲ့ အထက် အရာရှိတွေလည်း သတိပြုမိခဲ့ပါတယ်။
ဒါနဲ့ ရန်ကုန်တိုင်း ယာဉ်ထိန်းရဲတပ်ဖွဲ့က ချီးမြှင့်တဲ့ ၂၀၁၃ ခုနှစ်အတွက် the Best Private Award ဆုကို အသက် ၂၅ နှစ် ရှိပြီဖြစ်တဲ့ ခင်မြင့်မောင်ကို ချီးမြှင့်ခဲ့တယ်လို့ သိရပါတယ်။
အဲဒီလို ချီးမြှင့်ခံဖို့ကလည်း မလွယ်ကူပါဘူး။
ရန်ကုန်မြို့ရဲ့ မီးပွိုင့် လမ်းဆုံ ၃၈ ခုမှာ တာဝန်ထမ်းဆောင်နေတဲ့ ယာဉ်ထိန်းရဲ ၉၄၅ ဦးထဲက နောက်ဆုံးအဆင့် ၃၈ ဦးကို ရွေးချယ်ပါတယ်။
အဲဒီ ၃၈ ဦးထဲကမှ ရန်ကုန်ရဲ့ အကောင်းဆုံး ယာဉ်ထိန်းရဲ အဖြစ် မဲပေးရွေးချယ်တာလို့ သိရပါတယ်။
 မြန်မာ အမျိုးသား ရဲတပ်ဖွဲ့ကလည်း သူ့ကို ၄၉ နှစ်မြောက် မြန်မာနိုင်ငံ ရဲတပ်ဖွဲ့နေ့ ဖြစ်တဲ့ အောက်တိုဘာ ၁ ရက်နေ့မှာ တပ်ကြပ်ရာထူး တိုးမြှင့်ပေးခဲ့ပါတယ်။

“ခင်မြင့်မောင်နဲ့ ပတ်သက်ပြီး ကျနော်တို့ ဂုဏ်ယူပါတယ်ဗျာ။
သူ့လို တာဝန်ကျေပွန်တဲ့ အပြင် အများပြည်သူက လေးစား တန်ဖိုးထား ချစ်ခင်တဲ့ ယာဉ်ထိန်းရဲတွေ မွေးထုတ်ပေးနိုင်အောင် လေ့ကျင့်ပေးပါတယ်” လို့ ရန်ကုန် ယာဉ်ထိန်းရဲတပ်ဖွဲ့ ၊ ရဲချုပ် သာဌေးက ပြောပါတယ်။

ဧရာဝတီ သတင်းထောက် စံယမင်းအောင်က တာဝန်ကျေပွန်ပြီး လူအများက လေးစား ချစ်ခင်ရတဲ့ ယာဉ်ထိန်းရဲ ခင်မြင့်မောင် နဲ့ တွေ့ဆုံ မေးမြန်း ဖြစ်ခဲ့ ပါတယ်။

မေး။      ။ ဘယ်တုန်းက ယာဉ်ထိန်းရဲ အဖြစ် စတင်တာဝန် ထမ်းဆောင်ခဲ့တာလဲ။

ဖြေ။       ။ကျနော့် အသက် ၂၀ အရွယ် ၂၀၀၉ ခုနှစ်မှာ တပ်ဖွဲ့ကို ၀င်ရောက်ခဲ့ပါတယ်။

မေး။      ။ စတင် တာဝန် ထမ်းဆောင်လာခဲ့ပြီးနောက် ဘယ်လောက်ကြာမှာ အများပြည်သူက သတိပြုမိပြီး ချစ်ခင်လာတာလဲ။

ဖြေ။       ။ ကျနော့်ကို လူအများက သတိပြုတာက ကျနော် ယာဉ်ထိန်းရဲ တာဝန်ယူ စတင် ထမ်းဆောင်ပြီး ၁ နှစ် ကြာချိန်မှာ သတိပြုမိ လာတာပါ။

မေး။      ။ ချစ်ခင်သူတွေ အများအပြားရှိတယ် လို့ ကိုခင်မြင့်မောင် ယူဆထားသလား။

ဖြေ။       ။ ကျနော့်ရဲ့ တာဝန်ဖြစ်တဲ့ လမ်းကြောင်း ယာဉ်ကြော ရှင်းလင်းဖို့ အမြဲတစေ စိတ်ရှည်ရှည်နဲ့ ကြိုးစား ရှင်းလင်းပါတယ်။
အများပြည်သူတွေအတွက် ကြိုးစား လုပ်ကိုင်ပါတယ်။

မေး။      ။ လူတွေက ပြောတယ်၊ ကိုခင်မြင့်မောင်ဟာ တခြား ယာဉ်ထိန်းရဲတွေနဲ့ မတူဘူး တဲ့။ အဲဒီ အပေါ် တခုခု မှတ်ချက်စကားလေး ပြောပေးပါလား။

ဖြေ။       ။ ဌာနဆိုင်ရာတိုင်း၊ လုပ်ငန်း ဌာနတိုင်းမှာ တချို့က ကြိုးစားလုပ်ကိုင် ဆောင်ရွက်တတ်သလို တချို့ကတော့ ၀တ်ကျေ တန်းကုန် ထမ်းဆောင်တာတွေကို တွေ့နေရတာပဲလေ။
 ဒါတွေဟာ သူတို့ အားလုံး ကိုယ်စီ ရဲ့ တာဝန်ထမ်းဆောင်မှု အနေအထား ပါပဲ။ ကျနော် ဒီလောက်ပဲ ပြောပါရစေ။

မေး။      ။ ဆုတံဆိပ် ဘယ်နှခုလောက် ရရှိခဲ့ဖူးသေးလဲ။

ဖြေ။       ။ ၂၀၁၁ ခုနှစ်က ရန်ကုန်တိုင်း ရဲတပ်ဖွဲ့က ပေးအပ်တဲ့ “Role Model Private Award” ဆု၊
 ၂၀၁၃ မှာ ရန်ကုန်တိုင်း ယာဉ်ထိန်းရဲတပ်ဖွဲ့က ပေးအပ်တဲ့ “the Best Private Award 2013” ဆု ရခဲ့ပါတယ်။

မေး။      ။ အများပြည်သူက အလေးအနက်ပြု တန်ဖိုးထားလာတာက အခုလို ဆုရရှိစေတာလို့ရော ထင်ပါသလား။

ဖြေ။       ။ ဟုတ်ကဲ့။ ကျနော် အဲဒီလိုပဲ ယူဆပါတယ်။

မေး။      ။ ဆုရရှိခဲ့တာ အပေါ် ခင်ဗျား ဘယ်လို ခံစားရပါသလဲ။

ဖြေ။       ။ ကျနော် ပျော်တယ်ဗျာ။ ဘာဖြစ်လို့လဲ ဆိုတော့ ကျနော် အများကြီး အနစ်နာခံ လုပ်ဆောင်ခဲ့ပါတယ်။ ကြိုးစားစိတ်နဲ့ လုပ်ကိုင်ခဲ့ပါတယ်။

မေး။      ။ တခြား ဘာဆုတွေ ရခဲ့သေးလဲ။

ဖြေ။       ။ ကျနော် 7Days သတင်းဂျာနယ်က ပေးအပ်တဲ့ “7Day Hero Award” ကို ၂၀၁၂ ခုနှစ်က ရရှိခဲ့ပါတယ်။

မေး။      ။ တချို့လူတွေက ယာဉ်ထိန်းရဲတွေအပေါ် မလိုလားတာ၊ မနှစ်သက်တာတွေ ရှိတယ်နော်။ အဲဒါ ဘာကြောင့်လို့ ခင်ဗျား ယူဆပါသလဲ။

ဖြေ။       ။ ယာဉ်ထိန်းရဲ မှာသာမဟုတ်ဘူး၊ တခြားနေရာ နယ်ပယ်တွေမှာလည်း အဲဒီလို ဖြစ်နေတာပဲလေ။
အများပြည်သူ ဆိုတာကတော့ ကိုယ့်တာဝန်ကို ကောင်းတဲ့ ရည်ရွယ်ချက်နဲ့ လုပ်ကိုင်ဆောင်ရွက်သူကို နှစ်သက်မှာဖြစ်သလို၊ ရည်ရွယ်ချက်ကောင်း မရှိတဲ့ သူတွေကိုတော့ နှစ်သက်ကြမှာ မဟုတ်ပါဘူး။

မေး။      ။ ဘာကြောင့် ယာဉ်ထိန်းရဲ အဖြစ် ဆုံးဖြတ်ရွေးချယ်ခဲ့တာလဲ။

ဖြေ။       ။ ကျနော်က စစ်တွေမှာ မွေးတဲ့ ရခိုင်တိုင်းရင်းသားပါ။
ကျနော် ရန်ကုန်ကို လာရောက်ပြီး ဦးလေးနဲ့ အတူနေပါတယ်။ သူက ယာဉ်ထိန်းရဲ တဦးပါ။
ကျနော်လည်း ဦးလေးလို ဖြစ်လာတာပါပဲ။

မေး။      ။ အစိုးရ ၀န်ထမ်းတွေဟာ သူတို့ရဲ့ လုပ်ပိုင်ခွင့်ကို အလွဲသုံးစားလုပ် တာဝန် ထမ်းဆောင်ကြတယ် လို့ မကြာခဏ ဝေဖန်ပြောဆို မှုတွေ ရှိတယ်ဗျ။ အဲဒီ အပေါ် ဘာပြောမလဲ။

ဖြေ။       ။ အဲဒီလို ဖြစ်တာ အရင်ခေတ်တွေ တုန်းက ဖြစ်ချင်ဖြစ်ပေါ့ဗျာ။
အခုခေတ်မှာတော့ မြန်မာနိုင်ငံဟာ အပြောင်းအလဲတွေ ရှိလာပြီ။
တကယ့်ကို အကောင်းဘက်ကို ပြောင်းလာနေပါပြီ။

1 comments :

  1. Ko Lay said... :

    ယာဉ်ထိန်ရဲလေး ခင်မြင့်မောင်

    ယာဉ်ထိန်းရဲလေး ခင်မြင့်မောင်
    အများအကျိုး သယ်ပိုးဆောင်၊
    မြန်ပြည်ကောင်းအောင် သူကြိုးပမ်း
    လမ်းရှင်းတာဝန် နေ့စဉ်ထမ်း။


    ဇော်မော်ကို
    23.11.2014
    (ရခိုင်သားလေး ယာဉ်ထ်ိန်းရဲ ခင်မြင့်မောင်ကို ဂုဏ်ပြုလျက် . . .)

Post a Comment

 
Copyright © 2014 Irrawaddy Publishing Group. All Rights Reserved