မိုးရာသီအတွက် မိုးစီးဖိနပ်တွေ

ဓာတ်ပုံ - သီဟတိုး/ The Irrawaddy

ဇွန်လထဲရောက်တာနဲ့ ညနေတိုင်း မိုးတွေ သဲသဲမဲမဲရွာလိုက်၊ ဖွဲဖွဲလေးရွာလိုက်နဲ့ပေ့ါ။

ရာသီဥတုက အုံ့အုံ့မှိုင်းမှိုင်းနဲ့ အုံ့ဆိုင်းဆိုင်းကြောင့် အပြင်ထွက် အလုပ်သွား၊ကျောင်းသွားရမှာ ပျင်းနေသူတွေ၊ မိုးဘယ်လောက်ရွာရွာ နေ့စဉ်လုပ်ဆောင်ရမယ့် နိစ္စဓူဝ အလုပ်တာဝန်တွေကိုတော့ မလစ်ဟင်းရအောင် လုပ်ဆောင်ရမှာ မလွဲပါပဲ။ ဒီလို အလုပ်တွေကိုရှောင်လွဲမရသလို၊ ရှောင်လွဲလို့မရတဲ့ မိုးရာသီမှာမရှိမဖြစ် ဆောင်ထားသင့်တဲ့အရာကတော့ ထီးပါ။

မိုးတွင်းမှာထီးက အရေးပါအသုံးဝင်တဲ့အသုံးအဆောင်ပစ္စည်းဖြစ်ပါတယ်။ မိုးမစိုဖို့ ထီးကောင်းကောင်း တလက်ရှိဖို့လိုအပ်သလို မိုးတွင်းမှာ မိုးရေထဲ သွားရလာရ အဆင်ပြေစေမယ့် မိုးတွင်းစီး ဖိနပ်ကောင်းကောင်း တရံလည်းရှိဖို့ လိုအပ်ပါတယ်။ ဖိနပ်ပါးတရံက မိုးရေစိုတဲ့အခါ အလျင်အမြန်ခြောက်သွေ့သလို၊ သွားလာရတာလည်း ပေါ့ပါးမြန်ဆန်တာကြောင့် ရေစိုရင် အကြာကြီးနေမှ ခြောက်တဲ့ ရှူုး ဖိနပ်၊ ဘွတ်ဖိနပ်နဲ့ ကတ္ထီပါသားဖိနပ်တို့ထက်စာရင် မိုးတွင်းစီးဖိနပ်တွေကို ဦးစားပေးစီးသင့်ပါတယ်။

မိုးတွင်းစီးဖိနပ်တွေရဲ့ ဈေးနှုန်းက ကျပ် ၃ထောင်ဝန်းကျင်လောက်က စလို့ လေးငါး ခြောက်ထောင်ကျော်၊ တသောင်းကျော် တဲ့အထိ ဈေးနှုန်းအစားစားရှိပါတယ်။ ဒီလိုမိုးရာသီမှာတော့ ဈေးကြီးကြီး ဖိနပ်အကောင်းစားတွေ၊ Boots တွေ၊ Shoes တွေထက်စာရင် ဝတ်ရတာ သက်သောင့်သက်သာရှိပြီး ရေအမြန်ခြောက်တာကြောင့် ခြေထောက်နဲ့ အရေပြားကျန်းမာရေး အတွက်လည်း အထူးသင့်တော်ပါတယ်။

Boots တွေ၊ Shoes တွေက ဒီရာသီမှာ ဝတ်ပြီး အပြင်ထွက်သွားလာရတဲ့သူတွေအတွက် သိပ်အဆင်မပြေလှပါဘူး။ တနေကုန် မိုးမိလို့ ရေစိုထားတဲ့ဖိနပ်နဲ့ အတွင်းမှာ ဝတ်တဲ့ခြေအိတ်ကြောင့် ခြေထောက်ကနေ အနံ့ဆိုး တွေလည်း ထွက်နိုင်သလို ခြေထောက်မှာ မှို၊ သဲဝဲ အစရှိတဲ့ မှိုနဲ့ပတ်သတ်တဲ့ အရေပြားရောဂါတွေလည်း ဖြစ်ပွားနိုင်ချေရှိပါတယ်။

ဒီရာသီအတွက်ကတော့ ထီးက မရှိမဖြစ် Essential ပစ္စည်းတခုဆိုတာ အထွေအထူးပြောဖို့မလိုပါဘူး။ ထီးဆောင်းလေ့ ဆောင်းထမရှိဘူးဆိုရင်တော့ အထာကျတဲ့ မိုးတွင်းဝတ်၊ မိုးကာ ဂျာကင်တထည်ဆောင်ထားဖို့ အကြံပြုချင်ပါတယ်။ မိုးကလည်း ရွာမြဲ ရွာနေဆဲဆိုတော့ အလုပ်အကိုင်မပြတ်ဖို့၊ နေမကောင်းဖျားနာမဖြစ်အောင် ကြိုတင်ကာကွယ် ထားသင့်ပါတယ်။

ထီးတွေဆိုရင်တော့ ဈေးနှုန်း ကျပ် ၃ ထောင်ကနေ ကျပ် ၄၅၀၀၊ ၅၀၀၀ ကျပ်၊ ၆၀၀၀၊ ၇၀၀၀ ကျပ်အစားစားရှိပါတယ်။ မိုးကာအင်္ကျီ ကောင်းကောင်း တထည်ဆိုရင်တော့ ၇ ထောင်၊ ၈ထောင် ဝန်းကျင်ကနေ တသောင်း၊ တသောင်းခွဲ၊ နှစ်သောင်းခွဲ အစားစားရှိတယ်လို့သိရပါတယ်။ ဒီနှစ် မိုးရာသီအတွက် မဝယ်ရသေးဘူးဆိုရင်တော့ မိုးရာသီမှာ အသုံးဝင်မယ့် မိုးတွင်းစီးဖိနပ်၊ ထီး၊ မိုးကာ စတာတွေ ဝယ်ယူဖို့ လက်တို့အကြံပြုပေးလိုက်ပါတယ်။

ပုံမှာပြထားတဲ့ အမျိုးသား၊ အမျိုးသမီးဝတ် မိုးတွင်းစီးဖိနပ်၊ ထီး၊ မိုးကာ စတာတွေကိုတော့ အနော်ရထာလမ်းနဲ့ ရွှေဘုံသာလမ်းထောင့်၊ ပန်းပဲတန်းမြို့နယ်၊ ရန်ကုန်မြို့မှာရှိတဲ့ 119 Fashion Complex မှ သွားရောက်ရိုက်ယူထားတာပဲ ဖြစ်ပါတယ်။


သီဟတိုး