အလှအပတစ်ခုတည်းအတွက်မဟုတ်ဘဲ စိတ်ဝင်စားစရာ၊ အံသြမှုတွေနဲ့ LED စကတ်

photo -aplus.com

အ၀တ်အစား စတိုင်များကတော့ တစ်မျိုးနဲ့တစ်မျိုး မရိုးအောင် အဆက်မပြတ် ပေါ်ထွက်လာတတ်ကြတာချည်း ပါပဲ။ ဒါပေမယ့် အခုမှာတော့ စတိုင်ကျတဲ့ အ၀တ်အစားတွေဟာ နည်းပညာနဲ့အတူ ယှဉ်တွဲလို့ ပေါ်ထွက်လို့ လာပါပြီ။

Apple နာရီကဲ့သို့ touchscreen ပါရှိတဲ့ လက်ပတ်တွေဟာလည်း နည်းပညာနဲ့ ၀တ်စားဆင်ယင်မှုဆိုတာကို ရောနှောလို့ ထွက်ပေါ်လာတဲ့ အသုံးအဆောင်တခုလို့ ဆိုရမှာပါ။ အဲဒီလိုပဲ အသုံးအဆောင်တွေကိုလည်း နေရာအတော်များများမှာ တွေ့နေရပြီဖြစ်ပါတယ်။ တစ်ခါတစ်လေမှာ နည်းပညာဟာ လူတို့အတွက် အသုံးပြုရန် သီးသန့်သာ မဟုတ်တော့ဘဲ စတိုင်တစ်ခုရှိစေဖို့ ဖြစ်လာပါပြီ။ အဲ့ဒီအတွက် LED စကတ်ဆိုတာကို လေ့လာ ကြည့်ရအောင်ပါ။ LEDစကတ် ကိုကြည့်လိုက်ရင် ရိုးရှင်းပြီး စတိုင်ကျတယ်လို့ သတ်မှတ်ကြပေမယ့် အဲ့ဒီထက် ပိုတဲ့ အရည်အသွေးတွေကိုလည်း ဒီစကတ်မှာ တွေ့ရမှာပါ။

SexyCyborg လို့ အမည်ရတဲ့ တရုတ်နိုင်ငံ Internet Sensation မှ LED စကတ်ကို တီထွင်သူ အမျိုးသမီးလေး ကတော့ ဒီစကတ်ဟာ ထိန်းချုပ်မှုနည်းပြီး သက်သောင့်သက်သာလည်း  သိပ်မရှိလှဘဲ LED တပ်ဆင်ထားတဲ့ ၀တ်စားဆင်ယင်မှုများကို  ပြန်လည်ပြုပြင်၊ ပြင်ဆင်ပြီး တီထွင်ထားတာဖြစ်တယ်လို့ သူမရဲ့ ကိုယ်ပိုင် စာမျက်နှာတခုပေါ်မှာ ဖော်ပြထားပါတယ်။ လက်ရှိ ဒီဇိုင်းရဲ့ ပြဿနာကတော့ လှုပ်ရှားမှုရှိလာမှ LED မီးတွေက တုန့်ပြန်မှုပေးနိုင်တယ်ဆိုတဲ့ အကန့်အသတ်တွေရှိပြီး ဇာအနားတွန့်တွေ ပါနေတာကြောင့် အသက်(၈) နှစ် အထက်အရွယ်တွေအတွက်လောက်ပဲ အဆင်ပြေတာကို တွေ့နေရပါတယ်။ ဒါကြောင့်မို့ ပြုပြင်ရတာပါလို့ ထပ်လောင်းဖော်ပြထားပါသေးတယ်။

သို့ပေမယ့် အဲဒီစကတ်ဟာ အများသူငါ စိတ်ဝင်စားလာအောင် ဖမ်းစားနိုင်တဲ့ အ၀တ်အစား တစ်ခုဖြစ်ပါတယ်။ ဒီလို စကတ်တစ်ထည် တီထွင်ရရှိဖို့ကတော့ မလွယ်ကူတာ အမှန်ပါ။ SexyCyborg အနေနဲ့ မှန်ကန်ပြီး သင့်လျော်တဲ့ ဒီဇိုင်းကို ရရှိလာဖို့ အတွက် ကွဲပြားတဲ့ နည်းလမ်းတချို့ကို ရှာဖွေအသုံးပြုခဲ့ရပါတယ်။ SexyCyborg အနေနဲ့  ဒီ အံ့သြဖွယ်ကောင်းလှတဲ့ လက်ရာရဲ့နောက်ကွယ်က ဖန်တီးရှင်ဟာ သူမသာဖြစ်ကြောင်း Selfie ရိုက်ပြီး အတည်ပြုခဲ့ရပါသေးတယ်။

 “ဒီလို မှတ်တမ်းတင် ဓါတ်ပုံရိုက်ထားဖို့လည်း လိုအပ်ပါတယ်။ ဘာဖြစ်လို့လဲဆိုတော့ ကျွန်မရဲ့ နောက်ဆုံးပရောဂျက်တုန်းက ကျွန်မကိုယ်တိုင် တီထွင်ခဲ့တာပါဆိုတာကို ဘယ်သူ့မှ မယုံခဲ့ကြဘူးလေ။ လူတွေဆိုတာက တစ်ခုလောက်ချပြလိုက်ရင် ဦးနှောက်ဖောက်စား သွားကြချည်းပဲလေ။ ” လို့ သူမက ဆိုထားပါသေးတယ်။

မူရင်းပုံကို ပုံဖော်ပြီးတဲ့နောက်မှာတော့ အခြားစိတ်လှုပ်ရှားစရာ မွမ်းမံမှုများဖြစ်တဲ့ အသုံးပြုနိုင်မယ့် အစိတ်အပိုင်းလေးတွေကို စကတ်မှာ ဆင်မြန်းခဲ့ပါတယ်။

အခုဆိုရင် အကျီင်္ အရောင်နဲ့လိုက်ဖက်တဲ့ စကတ်အရောင်ကို ချိန်ဆနိုင်ပြီး LEDပါရှိတာမို့ အကျီ င်္အရောင်စုံနဲ့ လိုက်ဖက်တဲ့ စကတ်အရောင်ကို ပြောင်းလဲနိုင်ပါပြီ။

ဒါ့အပြင် ရာသီဥတု ပွဲလမ်းသဘင်နဲ့ လိုက်ဖက်တဲ့ အရောင်ကိုလည်း စကတ်မှာ အပြောင်းအလဲ ပြုလုပ်နိုင်ပါတယ်။ ဥပမာ- တရုတ်နှစ်ကူးအတွက် အနီနဲ့ အ၀ါပါဝင်တဲ့ စကတ်အရောင်မျိုးတွေ၊ တရုတ် တွေအတွက် ကံကောင်းစေတဲ့ နံပတ်များကိုလည်း စကတ်မှာ မီးအရောင်နဲ့ ပုံဖော်နိုင်ပါပြီ။ ဒါမှမဟုတ် အမေရိကရဲ့လွတ်လပ်ရေးနေ့ ဖြစ်တဲ့ ဇူလိုင် (၄)ရက်လိုနေ့မျိုးမှာ လူမျိုးခြား သူငယ်ချင်းတွေနဲ့ အသားကင် ထွက်စားကြမယ်ဆိုရင်လည်း အနီ၊ အဖြူ၊ အပြာပါတဲ့ အရောင်တွေကို စကတ်မှာ ပုံဖော်နိုင်ပါတယ်။ သို့မဟုတ် အားကစားပြိုင်ပွဲတွေမှာလည်း မိမိအားပေနေတဲ့ အသင်းရဲ့ အရောင်ကိုလည်း ပြောင်းနိုင်ပါသေးတယ်တဲ့။

တယ်လီဖုန်း ကနေလည်း ကြိုးမဲ့ အင်တာနက် ဆက်သွယ်ရေးစနစ်ကို ဖွင့်ထားပြီး စကတ်မှာပါတဲ့ စနစ်တွေနဲ့ ချိတ်ဆက်လို့ စကတ်ရဲ့အရောင်ကို ပြောင်းလဲနိုင်ပါတယ်။ အဲဒီအခါမှာဆို စကတ်ရဲ့အရောင်ဟာ ဖုန်း အင်တာနက်ကို လာရောက်ချိတ်ယူကာ သုံးစွဲတဲ့သူပမာဏအပေါ် မူတည်ပြီး အရောင်ပြောင်းခြင်း ၊ ဒါမှမဟုတ် အရောင်ပိုတောက်ပလာခြင်း စတဲ့ အရောင် အပြောင်းအလဲလေးတွေ ဖြစ်လာအောင်လည်း ပြုလုပ်လို့ ရပါတယ်။

တရုတ်လူမျိုး မိန်းကလေးတွေကတော့ ဒီစကတ်ကို သူတို့ရဲ့ အမျိုးသမီး သူငယ်ချင်းများနဲ့ အပြင်မှာ တွေ့ဆုံကြတဲ့အခါမှာ နှစ်သက်စွာ ၀တ်ဆင်တတ်ကြပါတယ်။ စကတ်ရဲ့အရောင်ကို အခြားအရောင်များနဲ့ လိုက်ဖက်အောင် ပြောင်းလဲနိုင်ရုံမက ရှုပ်ထွေးတဲ့ ပြိုးပြိုးပြက်ပြက် ပုံစံများကိုလည်း လိုက်ဖက်ညီအောင် ပုံဖော် ပြောင်းလဲပေးနိုင်ပါတယ်။ အထူးသဖြင့် အဖွဲ့လိုက် ကပြတဲ့  ကကွက်ဆန်းတွေကို ပုံဖော်ရာမှာပဲ ဖြစ်ဖြစ်၊ ဗြိတိသျှနိုင်ငံရဲ့ ကစားနည်းတစ်ခုဖြစ်တဲ့ Game of Tag ကစားနည်းတွေမှာ ပါ ဒီစကတ်ကို အသုံးပြု နိုင်ပါတယ်။

နောက်ထပ်ထူးခြားချက်တစ်ခုကတော့ အမျိုးသား၊ အမျိုးသမီးတွေ တစ်ဦးနဲ့ တစ်ဦး ချိန်းတွေ့တဲ့ အခါမှာလည်း ဒီစကတ်လေးဟာ အသုံးဝင်ပါတယ်။ အကယ်လို့ အမျိုးသားတစ်ဦးဟာ သူနှစ်သက်ပြီး ချဉ်းကပ်နေတဲ့ မိန်းကလေးဟာ သူနဲ့ စိတ်တူကိုယ်တူ၊ အကြိုက်တူတွေ ရှိမရှိ သိရှိနိုင်ပါတယ်။ အကယ်လို့ အဲဒီ အမျိုးသမီးလေးဟာ ကိုယ်နဲ့ အကြိုက်အလိုက်ချင်း၊ စိတ်ဝင်စားမှုခြင်း တူတာများလာခဲ့ရင် သူမရဲ့ စကတ်အရောင်ဟာ အစိမ်းရောင်သန်းလာမှာဖြစ်ပြီး သူမရဲ့ စိတ်ဝင်စားမှုတွေဟာ ဆန့်ကျင်ဖက် ဖြစ်နေခဲ့မယ်ဆိုရင်တော့ သူမရဲ့ စကတ်ဟာ အနီရောင်သန်းလာမှာဖြစ်ပါတယ်။ စကတ်က ဖော်ပြလာတဲ့ အရောင်အပြောင်းအလဲကို ကြည့်ပြီး အရှက်တကွဲ မဖြစ်စေဘဲ သူမနဲ့ စိတ်ဝင်စားမှုချင်း တူညီနိုင်တဲ့ အကြောင်းအရာလေးများကို ရွေး ချယ်ပြောဆိုနိုင်ပါတယ်တဲ့။

ကဲ..စိတ်ဝင်စားဖို့၊ စိတ်လှုပ်ရှားဖို့ မကောင်းပေဘူးလား။


ခင်အေးမြလွင်

ကိုးကားသတင်း။  ။ http://aplus.com/b/LED-skirt-sexycyborg?fbp=1