Suzuki Solio လေးတွေကို အခုနောက်ပိုင်းမိန်းကလေးတွေ အစီးများတာတွေ့ရပါတယ်။မော်ဒယ်တွေနဲ့ နည်းနည်းဆင်ချင်တာမှန်ပေမယ့် ဒီဇိုင်းအနေအထားက ဆွဲဆောင်မှု ကောင်းတာထက် ခေတ်စကားနဲ့ ပြောရရင်တော့ Style လုပ်ပြီး စီးနင်းလို့ကောင်းမယ့် အနေအထားမျိုးလေးပါ။ ဒါပေမယ့် အားသာချက် တစ်ခုအနေနဲ့ တွေ့ရတာကတော့ မော်ဒယ်မြင့်မြင့် အနေအထား ဖြစ်နေသည့်တိုင်အောင် ဈေးချိုချိုနဲ့ ရနိုင်တာကတော့ အားရစရာပါ။ ဒါဆိုရင်တော့ အခု Solio အကြောင်းကို အချိန်နည်းနည်းပေးချင်မယ် ထင်ပါရဲ့နော်။ ကောင်းပါပြီ၊ ဆက်ကြည့်ရအောင်ပါ။
ခရီးဝေးမောင်းနှင်မှုလို အပိုင်းတွေအတွက်ကတော့ အဆင်ပြေမှာမဟုတ်ပေမယ့် မြို့တွင်းမောင်းမော်ဒယ် အနေနဲ့ရော နောက်ပြီးခရီးနီးအပန်ဖြေခရီးထွက်ဖို့အတွက်လောက်ဆိုရင်တော့ အကောင်းဆုံးအနေအထားပါ။ မော်ဒယ်ကကိုယ်ထည်ပိုင်းမှာခုခေတ်လူကြိုက်များတဲ့ ဒီဇိုင်းဖြစ်တဲ့ Sport ဆန်အောင် ဖန်တီးမယ့် အစား ပြောင်းပြန် အနေအထားမျိုးနဲ့ ကိုယ်ထည်ကိုတောင် တမင်မြှင့်ထားပါသေးတယ်။ ဒီအတွက် အကျိုးကတော့ ဒီဇိုင်းပိုင်းမှာဆွဲဆောင်မှု အားနည်းသွားပေမယ့် တစ်ဖက်က အတွင်းခန်းကျယ်ဝန်းတဲ့ အားသာချက်ကတော့ ရလာပါတယ်။ အထူးသဖြင့် ၀န်များများတင်နိုင်တဲ့မော်ဒယ် မဟုတ်ပေမယ့် အပန်းဖြေ၊ အလည်အပတ်သွားတဲ့ အခါတွေမှာလိုချင်တဲ့ ပစ္စည်းတွေကို စိတ်ကြိုက်နေရာကျယ်ကျယ်ဝန်းဝန်းနဲ့ တင်ဆောင်သွားနိုင်မှာဖြစ်ပါတယ်။
ဈေးကွက်ထဲမှာ အတွေ့ရများတဲ့ မော်ဒယ်တွေကတော့ အနိမ့်ဆုံး ၂၀၀၉ ခုနှစ် ၀န်းကျင်ထုတ်ထားတဲ့ မော်ဒယ်တွေကနေ နောက်ပိုင်းမော်ဒယ်မြင့်တွေဆိုရင် ၂၀၁၂ခုနှစ်ထုတ် မော်ဒယ်တွေဖြစ်တာကြောင့် မော်ဒယ် မြင့်မြင့်နဲ့ ရနိုင်တာဖြစ်သလိုတစ်ဖက်ကလည်း တပ်ဆင် အင်ဂျင်အပိုင်းမှာက ၁.၂လီတာသုံးနဲ့ ၁.၃လီတာသုံး အင်ဂျင်စနစ်တွေကိုတပ်ဆင်ထားတာကြောင့် ဆီစားလည်းမများသလို မြန်နှုန်း မြင့်လည်း မောင်းနှင်နိုင်မှာ မဟုတ်တာကြောင့် မိန်းကလေးတွေ ဒါမှမဟုတ် သက်ကြီးပိုင်းတွေနဲ့ လိုက်ဖက်တဲ့ မော်ဒယ်လို့ မြင်မိနေတာပါ။
အရောင်အပိုင်းမှာလည်းရွေးချယ်နိုင်စရာအရောင် တော်တော်များများဈေးကွက်မှာတွေ့ရပြီး ပုလဲရောင်၊ အဖြူ၊ အနက်နဲ့ ငွေရောင်လိုလူကြိုက်များပြီးတည်ငြိမ်တဲ့ အရောင်တွေအတွေ့ရများပါတယ်။ Autoစနစ်နဲ့ မောင်းနှင် နိုင်မှာ ဖြစ်သလိုတစ်ဖက်ကလည်း ကြည့်မယ်ဆိုရင် တချို့မော်ဒယ်တွေလောက်ပဲ မောင်းနှင်ပြီး ကီလို ၈ သောင်းကျော်တာ တွေ့ရပြီး များသောအားဖြင့်တော့ ၆ သောင်းဝန်းကျင်ပါ။ ကီလိုများတဲ့ အပေါ်ကနေ ဈေးချိုချိုနဲ့ ရနိုင်သလိုအရောင်အပိုင်းကနေလည်း အဖြူနဲ့အနက် မဟုတ်ရင် ဈေးချိုနိုင်တာတွေ့ရပြီး ကျွန်တော်သဘောကျမိတဲ့ ၂၀၁၂ခုနှစ် မော်ဒယ်တွေကဆိုရင်တော့ သိန်း၁၃၀၀ န်းကျင်လောက်နဲ့ ဈေး ကွက်မှာ ရှိနေတာ တွေ့ရပါတယ်နော်။
လင်းထက်(IA)
0 comments :
Post a Comment