ရန်ကုန်မြို့လယ်မှာ ပြေးလွှားတာတွေ မြင်ရတော့မှာလား

နရီလင်းလက်

ဒီကနေ့ ဗိုလ်အောင်ကျော်ဆိပ်ကမ်းက လမ်းဘေးဈေးသည်တွေဆီကနေ ခရီးသွား တချို့ကပဲ ၀ယ်ကြတာပါ

AP Photo 5 hours ago Few pay attention to fruit vendors as passengers get off a ferry at Boaungkyaw jetty on Saturday, June 4, 2011 in Yangon, Myanmar.

သမ္မတကြီး ဦးသိန်းစိန်တို့ ဘာလုပ်မှာလဲ။ လောလောဆယ်တော့ ရန်ကုန်မြို့လယ် ပလက်ဖောင်းပေါ် ဈေးမရောင်းနဲ့တော့ ဆိုတဲ့ ညွှန်ကြားချက် ထွက်လာပါတယ်။

မြို့တော်စည်ပင် စားပေါက်ပိတ်သွားမယ့်၊ ဈေးသည်တွေ လိုက်တမ်းပြေးတမ်းကစားရမယ့်၊ ရန်ကုန်မြို့ထဲ လမ်းလျှောက်သူတွေ စိတ်ချမ်းသာစေမယ့် ဒီညွှန်ကြားချက်အကြောင်းကို ဧရာဝတီ သတင်းထောက် နရီလင်းလက်က စုံစမ်းထားပါတယ်။

ဆယ်စုနှစ်တွေနဲ့ချီပြီး ပျံကျဈေးသည်တွေ ကျင်လည်နေတဲ့ ပုဇွန်တောင်၊ ဗိုလ်တထောင်၊ ကျောက်တံတား၊ ပန်းဘဲတန်း၊ လသာ၊ လမ်းမတော် ဆိုတဲ့ ရန်ကုန်မြို့တွင်း ၆ မြို့နယ်မှာ ပလက်ဖောင်းပေါ် ဈေးရောင်းချခြင်း ခွင့်မပြုဖို့ ရန်ကုန်တိုင်းဒေသကြီး အစိုးရအဖွဲ့ရဲ့ ညွှန်ကြားချက် ဒီလဆန်းမှာ ရောက်လာတယ်လို့ ရန်ကုန် စည်ပင်သာယာရေး ဌာန အရာရှိတဦးက ဧရာဝတီကို ပြောပါတယ်။

“ပလက်ဖောင်း ဈေးသည်တွေ ရှင်းပြီးရင် လမ်းသွားလမ်းလာတွေ ကားလမ်းမပေါ် တက်မလျှောက်ရတော့ဘူး၊ နောက် ဆက်တွဲ ယာဉ်တိုက်မှုတွေ လျော့ကျသွားတယ်၊ အစိုးရသစ်လက်ထက်မှာ ပြောင်းလဲလာတယ် ဆိုတာမျိုး ဖြစ်ချင်လို့ လုပ်တာလို့ ထင်တယ်”

ရန်ကုန်မြို့တော်ဝန် အဆက်ဆက် လမ်းဘေးဈေးသည်တွေကို စီမံချက်တွေချပြီး နှိမ်နင်းခဲ့ပေမယ့် စည်ပင်သာယာ အဖွဲ့က ငွေယူပြီး ရောင်းချခွင့် ပြန်ပေးတာကြောင့် စီမံချက်တွေ မအောင်မြင်ခဲ့ပါဘူး။

ဒီလို ပိတ်ပင်တာထက် ဈေးသည်တွေအတွက် ရောင်းစရာ နေရာ စီစဉ် ပေးခြင်း၊ စည်းကမ်း သတ်မှတ်ပြီး လိုက်နာစေဖို့ ကြပ်မတ်ခြင်းလုပ်ရင် ပို ကောင်းမယ်လို့ ပျံကျ ဈေးသည်တဦးက ပြောပါတယ်။

“လမ်းဘေးမှာ ဈေးရောင်းပါတယ်ဆိုမှ အရင်းအနှီးများများ မရှိလို့ ဆိုင်ခန်းမငှားနိုင်တာကြောင့် ရောင်းရတာလေ။ ဈေးရောင်းရရ၊ မရောင်းရရ နေ့တိုင်း လာကောက်နေတဲ့ စည်ပင်ကိုတော့ ပိုက်ဆံ ၃၀၀၊ ၄၀၀ အရင် ပေးလိုက်ရတာပဲ။ အခု ဖမ်းလည်း ရတဲ့အချိန်လေးမှာ ရသလို ရောင်းမှ စားဖို့ ငွေရမှာ။ သမာအာဇီဝ အလုပ် လုပ်စားဖို့တောင် မြန်မာပြည်မှာ တော်တော် ခဲယဉ်းလာတယ်”

ပန်းဘဲတန်းမြို့နယ်မှာ ရှပ်အင်္ကျီတွေရောင်းတဲ့ ပျံကျဈေးသည် ပြောသွားတာပါ။

အရင်တုန်းက မဟာဗန္ဓုလ ပန်းခြံနားမှာ သူတို့အတွက် နေရာတခု စီစဉ်ပေးမယ်လို့ ဆိုခဲ့ပေမယ့် ခုချိန်ထိ အကောင်အထည် မပေါ်သေးဘူးလို့ သူက ဆိုပါတယ်။

“ဖြစ်နိုင်ရင် ဒီလိုမျိုး တနေရာ သတ်သတ်မှတ်မှတ် စီစဉ်ပေးတာမျိုး၊ ဒါမှမဟုတ် ညနေ ၆ နာရီ နောက်ပိုင်း ဈေးရောင်း ဆိုတဲ့ အချိန် သတ်မှတ်ပေးတာမျိုး၊ တောက်လျှောက် ဒီအလေ့အကျင့်ရအောင် အာဏာပိုင်တွေကပါ ပူးပေါင်းဆောင်ရွက် ပေးတာမျိုး လုပ်ပေးသင့်တယ်”

သူပြောသလို ညဘက်မှာပဲ ရောင်းခွင့်ပြုမယ် ဆိုပြီး မြို့တော်စည်ပင်က စီစဉ်ခဲ့ပါသေးတယ်။ ဒီလိုနဲ့ မနက် (၆) နာရီကနေ ည(၆) နာရီအတွင်း လမ်းဘေး ဈေးရောင်းခွင့် ပိတ်လိုက်တာကို ၂၀၁၀ ဇူလိုင်လမှာ တွေ့ရပါတယ်။ အဲဒီ တားမြစ်ချက်လည်း မအောင်မြင်ခဲ့ပါဘူး။

ရွှေဘုံသာလမ်းမှာ လျှပ်စစ်ပစ္စည်း ရောင်းတဲ့ ဈေးသည်တယောက်က ဒီလို ပြောပါတယ်။

“စိတ်ကူးပေါ်တဲ့ အချိန် တမျိုး ထလုပ်လိုက်ပြီး ရင် အရင်အတိုင်း ပြန်ဖြစ်သွားလိုက်နဲ့ ဆိုတာမျိုးကို စိတ်ညစ်လာပြီ။ ကျနော်တို့ က တရားမ၀င် ပစ္စည်း ရောင်းနေတာ မဟုတ်ဘူး။ ခွင့်ပြုတဲ့ အချိန် တမျိုး၊ ခွင့်မပြုတဲ့ အချိန်တမျိုး ကျီးလန့်စာစား နေရသလို မဟုတ်ဘဲ ပုံစံတမျိုး ပြောင်းပေး နိုင်ရင်တော့ ကောင်းမယ်”

“လမ်း ၄၀ လောက်ကနေ လသာအထိ ပလက်ဖောင်း တလျှောက်မှာကတော့ ဗန်းခင်းပြီး ရောင်းတဲ့ ဈေးသည်ကနေ အမိုးအ ကာလေးနဲ့ ခုံ သေချာခင်းပြီး ဈေးသိမ်းရင် ပြန်ဖြုတ်သိမ်းလို့ ရတဲ့ ပုံစံမျိုးရောင်းတဲ့ ဈေးသည်တွေ ရှိတယ်။ အားလုံးကို စည်ပင်က ပိုက်ဆံတောင်းပြီး ရောင်းချခွင့် ပြုနေတာပဲ”

ဒီညွှန်ကြားချက် ထွက်မလာခင်တုန်းကတော့ ရန်ကုန်မြို့လယ်က ပျံကျ ဈေး ရောင်းချတဲ့ ဧရိယာဟာ တဖြည်းဖြည်း ကျယ်ပြန့်လာပြီး လူ သွားလမ်းတွေကတော့ ပိုမိုကျဉ်းမြောင်း လာနေပါတယ်။

လမ်းဘေးဈေးသည် အရေအတွက်လည်း ပိုများလာနေပြီလို့ စီးပွားရေးလုပ်ငန်းရှင် တဦးက အခုလို ပြောပြသွားပါတယ်။

“လက်ရှိ အခြေအနေမှာ ပြည်သူတွေက စီးပွားရေး ပိုမိုကျပ်တည်းတော့ လွယ်တဲ့ လမ်းဘေးဈေးသည် အလုပ်ကို ပိုလုပ် လာကြတယ်။ ဒါ့အပြင် တိုက်ခန်းငှားခတွေကများ၊ ဆိုင်ခန်းကတွေက ဈေးမြင့်တော့ ဈေးကြီးတွေမှာ ရောင်းနေတဲ့ သူတွေတောင် လမ်းဘေးဈေးသည်ဘဝ ရောက်သွားကြတာ တွေ့ရတယ်”