သူရဦးရွှေမန်း မိန့်ခွန်း

-

ဒီနေ့ ဒုတိယအကြိမ် လွှတ်တော်အစည်းအဝေး ဖွင့်ပွဲမှာ ပြည်သူ့လွှတ်တော် ဥက္ကဋ္ဌ သူရဦးရွှေမန်း မြွက်ကြားတဲ့ မိန့်ခွန်းစကားလို့ ဆိုပါတယ်။

လွှတ်တော်ကိုယ်စားလှယ်များ၊ အထူး ဖိတ်ကြားထားသူများအားလုံး ကိုယ်စိတ်နှစ်ပါး ကျန်းမာရွှင်လန်းကြပြီး မင်္ဂလာအပေါင်းနှင့် ပြည့်စုံပါစေကြောင်း ဆုမွန်ကောင်းတောင်းရင်း နှုတ်ခွန်းဆက်သပါတယ်။

ဒုတိယအကြိမ် လွှတ်တော်အစည်းအဝေးကြီး ယနေ့ ယခု စပါပြီ။ အစည်းအဝေး အစမှ အဆုံးထိ အများပြည်သူများအတွက်၊ နိုင်ငံတော်အတွက် အကျိုးရှိစေမည့် မေးခွန်းတွေ၊ အဆိုတွေ၊ ဥပဒေကြမ်းတွေနှင့်အတူ ဆွေးနွေး ညှိနှိုင်းမှုတွေ ပြုရလိမ့်မယ်လို့ မျှော်လင့်ကြိုဆိုလျက်ပါ။

မေးခွန်းတွေ၊ အဆိုတွေ၊ ဥပဒေတွေ တင်သွင်း ဆွေးနွေးကြမည့် ကိုယ်စားလှယ်များအပြင် အထူး ဖိတ်ကြားထားသော ဧည့်သည်တော်များ၊ စတုတ္တ မဏ္ဍိုင်မှ သတင်းဂျာနယ်၊ မီဒီယာများပါ ရောက်ရှိနေကြတာကြောင့် ဒီမိုကရေစီ ပီပြင်စွာ ဖြစ်ထွန်းစေသော အင်္ဂါများစုံညီစွာ ပါဝင်လာပြီလို့ ပြောရမှာ ဖြစ်ပါတယ်။ သတင်းမီဒီယာများ အပါအဝင် အများပြည်သူများနှင့် နိုင်ငံတကာမှ ဝေဖန် အကြံပြုမှုများကိုလည်း မိမိတို့ ခံယူသွားကြရမှာ ဖြစ်ပါတယ်။

ပါလီမန်က ဥပဒေပြုရေးနှင့် အုပ်ချုပ်မှုအာဏာ ရယူကျင့်သုံး ဆောင်ရွက် နေသည့် လုပ်နည်းစနစ်နှင့်မတူဘဲ သမ္မတက အုပ်ချုပ်ရေးအာဏာ ကျင့်သုံးပြီး လွှတ်တော်က ဥပဒေပြုအာဏာ ရယူဆောင်ရွက်နေတဲ့ မိမိတို့နိုင်ငံ၏ လွှတ်တော် ဖွဲ့စည်းမှု၊ လွှတ်တော်၏ တာဝန်နှင့်လုပ်ပိုင်ခွင့်များ၊ လွှတ်တော် ကော်မတီနှင့် ကော်မရှင်များ၊ အဖွဲ့များ၏ တာဝန်နှင့်လုပ်ပိုင်ခွင့်များနှင့်အညီ ဆောင်ရွက် သွားကြရမှာ ဖြစ်ပါတယ်။

အတိတ်က သင်ခန်းစာများကိုရယူပြီး ယနေ့ မျက်မှောက်ကာလမှာ ဆောင်ရွက်သင့်တဲ့ ကိစ္စများကို မိမိတို့အားလုံးက ရဲရဲဝံ့ဝံ့၊ သတ္တိရှိရှိ၊ ညီညီ ညွတ်ညွတ်ဖြင့် ဆောင်ရွက်သွားရမှာဖြစ်ပါတယ်။ ဒါကြောင့် လွှတ်တော်မှာ အရည်အချင်းရှိဖို့ လိုပါတယ်။ ခိုင်မာတောင့်တင်းဖို့လည်း လိုပါတယ်။ ခိုင်မြဲအောင် တည်ဆောက်နေဖို့လည်း လိုပါတယ်။ လွှတ်တော်ကိုယ်စားလှယ် အသီးသီး အရည်အချင်းတိုးတက်မြင့်မားနေအောင် ပုံစံမျိုးစုံဖြင့် လေ့ကျင့်နေရန်လိုအပ်သလို စည်းလုံးညီညွတ်စွာ ရှိနေစေရေးအတွက် တစ်ဦးနှင့်တစ်ဦး နားလည် လေးစားကြရန်နှင့် ပြုမူဆောင်ရွက် ကြဖို့လည်း လိုပါတယ်။

လွှတ်တော်ကိုယ်စားလှယ်များအနေဖြင့် ပါတီစွဲ၊ ဝါဒစွဲ၊ ဒေသစွဲ၊ လူမျိုးစွဲ၊ ဘာသာစွဲများ မထားရှိတော့ဘဲ အများပြည်သူအကျိုး၊ ပြည်ထောင်စုအကျိုး၊ နိုင်ငံတော်အကျိုး အတွက် ဆောင်ရွက်ကြမယ်လို့ ခံယူပြီး ပြောဆိုပြုမူ ဆောင်ရွက်နေကြတာများကို တွေ့ရတဲ့အတွက်လည်း ဝမ်းမြောက်ဂုဏ်ယူ ကြရမှာ ဖြစ်ပါတယ်။

တကယ်တော့ လွှတ်တော်များဟာ ဒီမိုကရေစီ၏ အသွင်သဏ္ဍာန်နှင့် အနှစ်သာရများ စုစည်းတည်ရှိရာ အဖွဲ့အစည်းဖြစ်သလို အာဏာများကိုလည်း မျှတစွာ ခွဲဝေကျင့်သုံးစေသော အဖွဲ့အစည်းကြီးလည်း ဖြစ်ပါတယ်။
လွှတ်တော်ကိုယ်စားလှယ်များက ပြည်သူများ၏ သဘောထားဆန္ဒများကို သယ်ဆောင်လာကြပြီး မေးခွန်းများ၊ အဆိုများနှင့် ဥပဒေကြမ်းများအဖြစ် မေးမြန်းဆွေးနွေး ညှိနှိုင်းဆုံးဖြတ်ကြရာမှာလည်း နိုင်ငံတော်နှင့် နိုင်ငံသားများ၏ အကျိုးစီးပွားများ ဖြစ်ထွန်းစေသော ဥပဒေများနှင့် နိုင်ငံတော်နှင့် နိုင်ငံသားများ၏ အကျိုးစီးပွားများကို ကာကွယ်စောင့်ရှောက်သော ဥပဒေများ အလျင်အမြန် ဖြစ်ပေါ်လာရန် လိုအပ်နေပါတယ်။

ထို့အတူ နိုင်ငံသားများ၏ မူလအခွင့်အရေး၊ ဒီမိုကရေစီအရေးနှင့် လူ့အခွင့်အရေးများကို ကာကွယ် စောင့်ရှောက်ရေး အတွက်လည်း ဆောင်ရွက်ပေးရမယ့် အဓိကအဖွဲ့အစည်းဖြစ်နေပါတယ်။
လွှတ်တော်က ပြဋ္ဌာန်းပေးလိုက်သော ဥပဒေများကို ထပ်ဆင့်ထုတ်ပြန်ခွင့် အပ်နှင်းခြင်းခံရသော အဖွဲ့အစည်းအသီးသီး၏ ထုတ်ပြန်သောဥပဒေများဖြစ်သည့် နည်းဥပဒေ၊ စည်းမျဉ်းဥပဒေ၊ စည်းကမ်းဥပဒေ၊ အမိန့်၊ ညွှန်ကြားချက်၊ ကြော်ငြာစာ၊ လုပ်ထုံးလုပ်နည်း၊ လက်စွဲများသည် မူလလွှတ်တော်က ပြဋ္ဌာန်းခဲ့သော ဥပဒေနှင့် ညီညွတ်မှု ရှိ/မရှိ ကို ဆန်းစစ်နေရမှာ ဖြစ်သလို နိုင်ငံတော်အတွင်းရှိ အဖွဲ့အစည်းများနှင့် နိုင်ငံသားအားလုံးက လိုက်နာ ကျင့်သုံးရေးနှင့် အပြန်အလှန် ထိန်းညှိကူညီ ဆောင်ရွက်ရေးအတွက် ပါဝင်ပေးရမှာဖြစ်ပါတယ်။

ထိုတာဝန်များကို လွှတ်တော်ကိုယ်စားလှယ်များဖြင့် ဖွဲ့စည်းထားသော လွှတ်တော်ကော်မတီများ၊ ကော်မရှင်များနှင့် အဖွဲ့များက အဓိကထမ်းဆောင်ရမှာ ဖြစ်ပါတယ်။ တာဝန်များ ကျေပွန်စေရေးအတွက် မွန်မြတ်သောစေတနာနှင့် ပြည့်ဝသောအရည်အချင်းများ ရှိကြရန်နှင့် လုပ်နည်းလုပ်ဟန်များ မှန်ကန်ရန်လည်း လိုအပ်ပါတယ်။
လွှတ်တော်ကိုယ်စားလှယ်များအနေဖြင့် ပြည်သူ့အသံ၊ ပြည်သူ့ဆန္ဒ၊ ပြည်သူ့သဘောထားနှင့် ပြည်သူ့မျှော်လင့်ချက်များကို အလေးထား ဆန်းစစ် သုံးသပ်ဝေဖန်ပြီး လက်တွေ့နယ်ပယ်တွင် ပြည်သူ့အကျိုးအတွက်၊ နိုင်ငံတော် အကျိုးအတွက် ဖြစ်ထွန်းစေမည့် ဥပဒေများ အမြန်ပေါ်ထွန်းရေးနှင့် ထိုဥပဒေများ နှင့်အညီ နိုင်ငံသားအားလုံး၊ ပြည်သူအားလုံးနှင့် အဖွဲ့အစည်းအားလုံးက လိုက်နာကျင့်သုံးရေး အတွက် ထိန်းညှိ ကူညီဆောင်ရွက်ရန် လွှတ်တော်တွင် တာဝန်ရှိပါတယ်။

ဒါကြောင့် လွှတ်တော်ကိုယ်စားလှယ်များက မိမိတို့တာဝန်ကို သိရှိပြီး ထိုတာဝန်များကို တာဝန်ကျေပွန်အောင် ထမ်းဆောင်ကြရမှာ ဖြစ်ပါတယ်။သို့မှသာ နိုင်ငံတော်နှင့် နိုင်ငံသားများကို သစ္စာရှိရာ ရောက်မှာဖြစ်ပါတယ်။ တာဝန် ကျေသော သစ္စာရှိသာ လွှတ်တော်ကိုယ်စားလှယ်များအဖြစ် ပြုမူဆောင်ရွက်သွားကြပါရန် အလေးအနက်ထား တင်ပြတိုက်တွန်းလိုက်ပါတယ်။



-