~
ပြီးခဲ့တဲ့လ ၃ ရက်နေ့က နေရပ်ပြန်တဲ့ မြန်မာပြည်သား အလုပ်သမားတွေကို မြ၀တီ မဲဆောက် တံတားပေါ်မှာ အခုလို တွေ့ရပါတယ် (ဓာတ်ပုံ - ဧရာဝတီ)
မြ၀တီ မဲဆောက် တံတားကို မနက်ဖြန် ဒီဇင်ဘာ ၅ ရက်နေ့မှာ ပြန်ဖွင့်တော့မယ်လို့ ထိုင်းသတင်းဌာနတွေမှာ ဖော်ပြထားပါတယ်။
တနှစ်ကျော်ကြာ ပိတ်ထားတဲ့၊ ကူးသန်းရောင်းဝယ်ရေးအတွက် အင်မတန် အရေးပါတဲ့ တံတားကြီး ပြန်အသက်ဝင်တော့မှာ ဖြစ်လို့ ၂ နိုင်ငံကုန်သွယ်မှုအတွက် အများကြီး အထောက်အကူပြု၊ ဒေသခံပြည်သူများ သွားရေးလာရေး ပိုအဆင်ပြေတော့မှာဖြစ်လို့ မနက်ဖြန်ဟာ မင်္ဂလာရှိတဲ့နေ့ပါပဲ။
မနက်ဖြန်မှာ ရန်ကုန်က နာမည်ကျော် အဆိုတော်များလည်း မဲဆောက်ရောက်လာမယ်၊ မြန်မာပြည်သား ပရိသတ်အတွက် စင်မြင့်ဖျော်ဖြေပွဲရှိတယ်လို့ သိရပါတယ်။
တံတားကြီးကို မြန်မာအစိုးရက ပိတ်ထားခဲ့တာပါ။ ဟိုတုန်းကလည်း ပိတ်လိုက်ဖွင့်လိုက် လုပ်ဆောင်ခဲ့ပါသေးတယ်။
ထိုင်းမှာ ရေကြီးလို့ ပြည်တော်ပြန်တဲ့ မြန်မာအလုပ်သမားတွေ ဖြတ်သန်းဖို့ ဒီတံတားကို ပြီးခဲ့တဲ့လက အသုံးပြုခဲ့ပါတယ်။
တံတား ယာယီပိတ်ရခြင်း အကြောင်းရင်းကို စက်တင်ဘာ လကုန်ပိုင်း မြန်မာသတင်းစာတစောင်မှာ ဖော်ပြထားတာကို အခုလို ဖတ်ရမှာပါ။
~
0 comments :
Post a Comment