အောင်ရှင် ရေးသားသည်)
နည်းနည်းတော့ အံ့သြဖို့ကောင်းသည်။ ရောက်နေသည့်နေရာက စစ်တန်းလျားတွေနဲ့ သိပ်မဝေး။ အပေါ်ရုံးလို့ခေါ်တဲ့ စစ်ရုံးကြီးရဲ့ တစ်နေရာရာဆိုတာတော့ သိနေသည်။ ဘယ်နေရာရယ်တော့ သေချာမခွဲခြားနိုင်။ ခပ်ဝေးဝေးမှာ ရှမ်းရိုးမအစပ်တောင်စွယ် တောင်တန်းတွေကိုအထင်းသား မြင်နေရသည်။ ၀ါးရုံချုံ၊ အင်ပင်အုပ်စုတွေနဲ့ တောနက်နက်ထဲမှာ စစ်ရုံးကြီးအဆောင်တွေနဲ့ ၀န်ထမ်း တန်းလျားတိုက်တန်းတွေကို ဟိုတစ်စု သည်တစ်စုမြင်တွေ့ရသည်။ တိုက်တန်းအဆောက်အအုံတွေ တစ်ခုနဲ့တစ်ခုကြားထဲမှာ ဓာတ်မီးကြိုးတိုင်တွေပဲရှိသည်။ စစ်ရုံးတစ်ခုလုံးအငွေ့အသက်က တိတ်ဆိတ် ငြိမ်သက်နေသည်။
တပ်ချုပ်ကြီးဟုခေါ်သည့် ဗိုလ်ချုပ်မှူးကြီးသန်းရွှေအလုပ်လုပ်သည့်အဆောင်မှာ အဆောင် (၁) ဟု သိရသည်။ ယခုကျွန်တော်ရောက်နေသည့်နေရာမှာ ဗိုလ်ချုပ်မှူးကြီးအလုပ်လုပ်ရာအဆောင် (၁) မဟုတ်နိုင်ပေ။ စစ်ရုံးကြီးအတွင်းရှိ သက်ဆိုင်ရာဌာနအလိုက် ညွှန်ကြားရေးမှူးဗိုလ်ချုပ်များ ရုံးထိုင်ရာအဆောင်များမှာ များစွာသပ်ရပ်ခန့်ညားပြီး၊ အထပ်သုံးထပ်ရှိသည်။ ရှည်လျားသောသုံးထပ်ဆောင်တွင် မြေညီထပ်ကိုများသောအားဖြင့် မြေပြင်အောက်တွင် နှိမ့်၍ဆောက်လုပ်ထားသည်။ ရုတ်တရက်ကြည့်လျှင် နှစ်ထပ်ဆောင်ဟုသာထင်ရသည်။ တပ်ချုပ်ကြီးနေထိုင်ရာ အိမ်သည် အဆောင် (၁) နှင့်အတော်အလှမ်းဝေးပေသည်။ တပ်ချုပ်ကြီးခေါ် ဗိုလ်ချုပ်မှူးကြီးနေထိုင်ရာအိမ်သည် ရေဆင်းဆည်ကြီး၏အထက်ဖျားပိုင်း၊ စစ်ရုံးဝန်ကြီး၏အနောက်မြောက် ဘက်ပိုင်းတွင်ရှိလေသည်။ စစ်ရုံးကြီးဒေသတစ်ခုလုံးတွင်၊ အပြင်လုံခြုံရေးကင်းစခန်းများ၊ အတွင်းလုံခြုံရေးကင်းစခန်းများ၊ ဌာနမှူးဗိုလ်မှူးချုပ်၊ ညွှန်ကြားရေးမှူးဗိုလ်ချုပ်များ၊ ကစထမှူးဒုတိယဗိုလ်ချုပ်ကြီးအဆင့်ရှိ ဗိုလ်ချုပ်များအတွက် သီးသန့်ရုံးအဆောက်အအုံများ၊ ဗိုလ်ချုပ်များနေထိုင်ရာ အိမ်ယာဝန်း၊ သာမန်ရုံးဝန်ထမ်းစစ်သားများနေထိုင်ရာ စစ်တန်းလျားများ၊ သီးသန့်လုံခြုံရေး၊ ဆက်သွယ်ရေး၊ ပို့ဆောင်ရေးဌာနအဆောက်အအုံများအားလုံး သူ့နေရာနှင့်သူ သီးခြားဆီရှိလေသည်။
အမှတ်မထင် လက်ရှိကျနော်ရောက်ရှိနေသည့်နေရာမှာ စစ်ရုံးကြီးအတွင်းတစ်နေရာရာဖြစ်ပေလိမ့် မည်။ ဗိုလ်ချုပ်မှူးကြီး၏ ရုံးအဆောင် (၁) မဟုတ်နိုင်သလို နေအိမ်လည်းမဖြစ်နိုင်ပေ။ ရောက်နေသည့်နေရာ သည်အရေးကြီးအဆောက်အအုံပုသဏ္ဍာန်မျိုးမဟုတ်ပဲ သာမန်စစ်တန်းလျားတစ်ခုနှင့်တူသည်။ ထူးထူးခြားခြား တိတ်ဆိတ်ငြိမ်သက်လှသည်။ တပ်ချုပ်ကြီးသီးသန့်နားနေရာဖြစ်နိုင်သည်။ မိတ်ဆွေစစ်ဗိုလ်တစ်ယောက်ကို အကြောင်းပြု၍ စစ်ရုံးကြီးအတွင်းရောက်ရှိခဲ့ပြီး၊ မမျှော်လင့်ပဲ ဤနေရာအထိရောက်လာဖြစ်ခဲ့သည်။ စစ်ရုံးကြီးအ၀င်ဂိတ်တွင် အစစ်အဆေး အမေးအမြန်းထူလှသည်။ စစ်ရုံးအတွင်းရောက်လာရာတွင်တော့ အဆင်ပြေသည်။ စစ်ရုံးကြီးသို့ သာမန်ရုံးကိစ္စနှင့်လာသူများသည် အ၀င်ဂိတ်တွင်မှတ်ပုံတင်ရသည်။ အစစ်အဆေးခံရသည်။ အရပ်သားများအခြားဝတ်စုံများဝတ်လာပါက တိုက်ပုံနှင့် ပုဆိုးပြောင်းဝတ်ရသည်။ စစ်ရုံးကြီးသို့ရုံးကိစ္စတစ်ခုဖြင့် အရင်ကနှစ်ကြိမ်လောက်ရောက်ဖူးသည်။ ယခုတစ်ခါတော့ ဘာအကြောင်းရယ်ကြောင့် မဟုတ်။ မိတ်ဆွေစစ်ဗိုလ်နဲ့အတူယောင်တောင်တောင်လိုက်ပါရင်း ရောက်ခဲ့ခြင်း ဖြစ်သည်။ ကင်မရာမပါလာခဲ့သည့်အတွက် စစ်ရုံးကြီးအတွင်းဓာတ်ပုံမှတ်တမ်းမတင်နိုင်တော့။ ဓာတ်ပုံရိုက်ချင် စိတ်လွန်စွာမှပြင်းပြလှသည်။ စစ်ရုံးကြီးအတွင်း ရောက်လာနိုင်သောပြင်ပအရပ်သားများမှာ ဆောက်လုပ်ရေးအလုပ်သမားများနှင့် ဈေးသည်များ၊ စစ်ဗိုလ်ချုပ်နှင့်သက်ဆိုင်သော စီးပွားရေးသမားများ၊ ဆွေမျိုးများဖြစ်သည်။ ဘာအကြောင်းပြချက်မှမရှိသော ကျနော့်အဖို့တော့ စစ်ရုံးကြီးအတွင်းရောက်ရှိလာခြင်းမှာ အလွန်အန္တရာယ်ကြီးလှသည်။ အကြောင်းမသိပဲ အကျိုးမဲ့ဖြစ်သွားနိုင်သည်။ တော်သေးသည်။ ရောက်နေသည့် နေရာတွင် စစ်သား၊ စစ်ဗိုလ်များများစားစားမရှိ။ အခြားတဘက်ကအဆောက်အအုံတွင်တော့ စစ်ဗိုလ်စစ်သားတွေ မြင်တွေ့ရသည်။ သူတို့အလုပ်နဲ့သူတို့အလုပ်ရှုပ်နေသည်။ ကျနော့်ကို ဂရုမစိုက်အား။ သို့မဟုတ် စစ်ရုံးကြီးအတွင်းရောက်ရှိပြီးဖြစ်သောကြောင့် သတိမမူတော့လေသလားမသိ။ ကျနော်ကတော့ အားလုံးကို သတိဝီရိယနှင့် လေ့လာအကဲခတ်နေမိသည်။ စစ်ရုံးကြီးအတွင်း ဗိုလ်ချုပ်မှူးကြီးနှင့်တွေ့ဆုံပြီး စကားပြောခွင့်ရလျှင် ကောင်းလေစွဟုတွေးမိသည်။ မတော်တဆ ဗိုလ်ချုပ်မှူးကြီးမှ ဘယ်သူလဲ၊ ဘယ်ကလဲ ဘာကိစ္စတုန်းမေးလျှင်တော့ ခက်ပေမည်။ ဘာပြန်ပြောရမလဲ မသိပေ။ အကြောင်းပြချက် ရေရေရာရာမရှိ။ တပ်ချုပ်ကြီးနဲ့ စကားပြောချင်လို့ပါဆိုလျှင်လည်း ခက်ပေမည်။ ဒုက္ခလှလှကြီးရောက်ပေတော့မည်။ ခေါ်လာသည့် စစ်ဗိုလ်လည်း အိုးစားကွဲပေတော့မည်။ မမြင် မတွေ့ရသည်ပဲကောင်းပေတော့မည်။ မတွေ့ပါစေနဲ့။ တခြားစစ်ဗိုလ်ချုပ်တွေနဲ့လည်း မတော်တဆမတွေ့ပါစေနဲ့။
အရေးထဲ မိတ်ဆွေစစ်ဗိုလ်ကဘယ်ရောက်သွားသည်မသိ။ ထိုင်နေရာတာလည်းကြာတော့ ညောင်းလှသည်။ ပျင်းဖို့ကောင်းလာသည်။ အပြင်ဘက်အကဲခတ်ကြည့်သည်။ အခြေအနေကောင်းသည်။ အားလုံးသူ့ဟာနဲ့သူ ပုံမှန်ပဲဖြစ်သည်။ ဟိုဟိုသည်သည်လျှောက်ကြည့်ဖို့ကောင်းပေလိမ့်မည်။ မနီးမဝေးမှာ ရေကန်တစ်ခုတွေ့သည်။ အုတ်ခံတံတိုင်း ၀န်းခြံသီးသန့်တိုက်အဆောက်အနည်းငယ်နဲ့ စစ်တပ်သုံးတိုရိုယာ ပစ်ကပ်ကားသုံးလေးစီးခန့်တွေ့ရသည်။ ဂိတ်ဝမှာ စစ်သားအချို့လုံခြုံရေးစောင့်ကြပ်နေတာ မြင်ရသည်။
နေရလေးက တိတ်တိတ်ဆိတ်ဆိတ်နဲ့ အေးချမ်းလှသည်။ စစ်ရုံးကြီးအဖြစ် စစ်သားတွေ၊ စစ်ဗိုလ်တွေနဲ့ ထိတ်လန့်ဖို့သာမရှိခဲ့ပါက အေးအေးဆေးဆေးနေဖို့အဆင်ပြေပေလိမ့်မည်။ ခဏနေတော့ အဆောင်ဘက်ပြန်လာခဲ့ဖြစ်သည်။ နောက်ဘက်မှာ သီးသန့်အဆောက်အအုံထပ်တစ်ခုထပ်တွေ့ရသည်။ အနီးကပ်သွားပြီးစူးစမ်းမိသည်။
ဒုက္ခရောက်ပေတော့မည်။ အဆောက်အအုံအ၀င်ဝတွင် ဗိုလ်မှူးကြီးအဆင့်စစ်ဗိုလ်တစ်ယောက် တွေ့ရသည်။ အခြားစစ်ဗိုလ်အနည်းငယ်လည်းတွေ့ရသည်။ အနည်းငယ်အရေးကြီးသည့်ဟန်။ အဆောက်အအုံအတွင်းပိုင်းတွင် အရေးကြီးပုဂ္ဂိုလ်တစ်ယောက်ရှိနေပုံရသည်။ နောက်ပြန်ဆုတ်မှဖြစ်ပေမည်။ နည်းနည်းအိနြေ္ဒပျက်သွားမိသည်။ ဗိုလ်မှူးကြီးတစ်ယောက်ကလှမ်းမြင်လိုက်ပုံရသည်။ လာဖို့လှမ်းခေါ်လေ တော့သည်။ ကျနော့်ကိုအနီးကပ်လေ့လာကြည့်ရှုပြီး အကျိုးအကြောင်းမေးမြန်းသည်။ ကျနော်လည်း အမှန် အတိုင်းအကြောင်းရင်းကိုပြောပြလိုက်သည်။ တခြားတော့ ထွေထွေထူးထူးဆက်မပြောတော့။ ဗိုလ်ချုပ်မှူးကြီးနဲ့ တွေ့ချင်သလားဟု မေးသည်။ အံ့သြလွန်းလို့ မှင်သက်မိသွားသည်။ အကြောင်းမဲ့အလည်လာခြင်းဖြစ်၍ ထွေထွေထူးထူးတော့မရှိဟုပြောလိုက်မိသည်။ စိတ်ထဲမှာဆန္ဒပြင်းလှသော်လည်း သိပ်ပြီးမသိသာစေချင်။
အထဲဝင်ပါဦးဟု ဗိုလ်မှူးကြီးကပြောသည်။ ကျနော့်ကိုတစ်ယောက်ယောက်ထင်နေပုံရသည်။ ကျနော်လည်း ထွေထွေထူးထူးမပြောတာ့ပဲ ခပ်တည်တည်နဲ့အထဲဝင်လိုက်သွားမိသည်။ အမှန်တကယ်ပင် ဗိုလ်ချုပ်မှူးကြီး သန်းရွှေကိုယ်တိုင်ရောက်နေသည်။ ဗိုလ်ချုပ်မှူးကြီးအစစ်ဖြစ်လေသည်။ ရုပ်ဆင်သောအခြားတစ်ယောက် ဖြစ်လေမလားဟု သေသေချာချာကြည့်မိသည်။
တပ်ချုပ်ကြီး ဗိုလ်ချုပ်မှူးကြီးသန်းရွှေမှာ သတင်းစာ၊ တီဗွီထဲကနဲ့မတူ။ အပြင်မှာမြင်ဖူးသည်နှင့်လည်း မတူ၊ အေးအေးဆေးဆေးပုံစံမျိုးဖြစ်နေသည်။ ပေါ့ပေါ့ပါးပါးဖြစ်နေဟန်ရှိသည်။ စစ်ယူနီဖောင်းနှင့်မဟုတ်ပဲ ရှပ်အင်္ကျီလက်တို၊ ချည်ပုဆိုးအကွက်ခပ်ကျဲကျဲနှင့်ဖြစ်သည်။ ကြည့်ရသည်မှာ မြန်မာနိုင်ငံ၏ အာဏာအရှိဆုံး ပုဂ္ဂိုလ်တစ်ယောက်ပုံစံမျိုးမဟုတ်ပဲ သာမန်အရပ်သားလူကြီးတစ်ဦးပုံစံမျိုးဖြစ်နေသည်။ မျက်လုံးအကြည့်က လည်း သိပ်ပြင်းပြင်းထန်ထန်မရှိ။ အေးအေးဆေးဆေးရှိသည်။ ကျွန်တော့်ကိုတချက်မျှကြည့်ပြီး အဆင်သင့်ရှိ နေသောပက်လက်ကုလားထိုင်တစ်လုံးတွင် ၀င်ထိုင်လိုက်သည်။ ကျွန်တော်လည်း ဘာစကားပြော၍ ဘာလုပ်ရမည် မသိပဲယောင်တိယောင်တောင်ဖြစ်နေသည်။ ဘာလုပ်သလဲ ဗိုလ်ချုပ်မှူးကြီးသန်းရွှေမှ ခပ်တိုးတိုးမေးတော့ ကုမ္ပဏီတစ်ခုမှာ လုပ်ပါတယ်ဟု မယုတ်မလွန်ဖြေလိုက်သည်။ ကျွန်တော်ဘာပဲ ပြောပြော ဟုတ်သည်ဖြစ်စေ မဟုတ်သည်ဖြစ်စေ အလွယ်တကူယုံကြည်မည်မဟုတ်ပဲ သူ့အနေဖြင့်ကျွန်တော့်လိုပါမွှား တစ်ကောင်တစ်အကြောင်း အချိန်မရွေးအကြောင်းစုံသိနိုင်သောကြောင့်ဖြစ်သည်။ ဘာအကြောင်းမျှမသိပဲ ကျွန်တော့်အားဤစစ်ရုံးကြီးအတွင်းပင် လက်စဖျောက်ပစ်လိုက်လို့ရသည်ကို ကျွန်တော်နားလည်ထားပြီး ဖြစ်သည်။ အခြေအနေကိုနားလည်လိုက်မိသောကြောင့် ကျွန်တော့်ကိုယ်ကျွန်တော်ပြန်တွေးရင် ကြောက်စိတ် များဝင်မိသည်။ သို့ပေသည့် မည်သို့မျှအကြောင်းမထူးနိုင်သောကြောင့် ရနိုင်သမျှ အိနြေ္ဒဆည်ရပေတော့မည်။ ဗိုလ်ချုပ်မှူးကြီးတစ်ယောက်အနေဖြင့် ကျွန်တော့်အားစိတ်ဝင်စားနေမည်မဟုတ်တော့ပဲ လက်အောက်က စစ်ဗိုလ်တစ်ယောက်ကိုမေးငေါ့ပြလိုက်ရုံမျှ သူ့မျက်စိရှေ့မှကျွန်တော်ပျောက်သွားနိုင်သည်။ ကျားသနားမှ နွားချမ်းသာရမယ့်အဖြစ်မျိုးမို့ တပ်ချုပ်ကြီးကိုသာ အကောင်းမေတ္တာပို့ရလေတော့သည်။ ခဏမျှကြာသောအခါ အနီးအနားရှိဗိုလ်မှူးကြီးတစ်ယောက်က လက်ပြလိုက်သောကြောင့် ကျွန်တော်လည်းငြိမ်ငြိမ်သက်သက် နောက်ဆုတ်ထွက်ခဲ့လေတော့သည်။ ဘာများဖြစ်တော့လေမလဲဆိုပြီး စိုးရိမ်စိတ်နဲ့ တထိတ်ထိတ်တော့ ရှိလှသည်။ ထို့နေ့တွင် စစ်ရုံးကြီးမှ အရာရှိတစ်ယောက်ကိုယ်တိုင် ပျဉ်းမနားအရောက် ကျွန်တော့်အားလိုက်ပို့ လေသည်။
ထိုမှစ၍ ကျွန်တော်လည်း စစ်ရုံးကြီးသို့လစဉ်ပုံမှန်ဝင်ထွက်ခွင့်ရခဲ့လေတော့သည်။ သို့ပေမယ့် ၀င်ချင်တဲ့အချိန်ဝင် ထွက်ချင်တဲ့အချိန်ထွက်တော့ မဟုတ်ပေ။ အခါအားလျော်စွာ အကြောင်းရှိမှ အ၀င်အထွက် လုပ်ရလေသည်။ ဘယ်ကနေ ဘယ်ကဲ့သို့ဖြစ်ပြီး ယခုကဲ့သို့သောအခြေအနေမျိုး ကျွန်တော့်ထံရောက်လာ သနည်းဟု ကျွန်တော်ကိုယ်တိုင်မတွေးတတ်အောင်ပဲရှိတော့သည်။ မရေမရာအကြောင်းတရားနဲ့ ဘာဖြစ်မည်ကို သေချာမသိနိုင်လေသောကြောင့် တွေဝေ၍သာနေမိတော့သည်။ မည်သူတစ်ဦးတစ်ယောက်ကို မျှလည်းဖွင့်မပြောမိခဲ့။ ဖွင့်ပြောဖို့လည်းမရဲရှိတော့သည်။ မတော်တဆဖွင့်ပြောမိပါက တစ်ဘက်လူကယုံကြည်သည်ဆိုပါက ကျွန်တော့်အတွက်အန္တရာယ် (သို့) တခြားမနှစ်မြို့စရာဖြစ်ပေမည်။ မယုံကြည်ခဲ့ပါလျှင်လည်း ကျွန်တော့်အဖြစ်သည် လူရယ်စရာဖြစ်နေပေတော့မည်။ လူမသိ သူမသိအပူမိတဲ့ ကျွန်တော့်အဖြစ်ပါပေ။ အပြင်ကအကြောင်း အတွင်းမပြောရဲ၊ အတွင်းကအကြောင်းအပြင်မပွင့်ရဲသည့် အခြေအနေ၊ အပြင်နဲ့အတွင်း အတွင်းနဲ့အပြင်ကြား စဉ်းစားရင်း၊ မီးစင်ကြည့်ကခဲ့ရလေသည်။
ထို့နောက် တစ်လတစ်ခါဆိုသလို နှစ်ခါဆိုသလို စစ်ရုံးကြီးအတွင်းရောက်ဖြစ်ခဲ့သည်။ အထူးလျှို့ဝှက်ရသည်မဟုတ်ပဲ ပေါ်ပေါ်ထင်ထင်ကြီးလည်းမဟုတ်ပေ။ ဘာသိဘာသာအခြေအနေမျိုးသာ ဖြစ်သည်။ ၀မ်းသာစရာလား ၀မ်းနည်းစရာလား အဘယ်ကဲ့သို့ရှိလေသနည်းဟု ကျွန်တော်မဝေခွဲတတ်ခဲ့။ ဤကဲ့သို့အခြေအနေမျိုးနဲ့ တစ်နည်းတစ်ဖုံခိုင်းစားလို့ရအောင်ဖန်တီးထားခဲ့သည်မှာ တပ်ချုပ်ကြီး၏ အစီအမံ အကြံညဏ်လေများလား မသိ။ သို့ပေသည့် တပ်ချုပ်ကြီးနဲ့တိုက်ရိုက်ဆက်သွယ် ထိတွေ့ရသည့် သဘောမျိုးလည်းမဟုတ်။ တာဝန်ကြီးလေသည့်အလုပ်မျိုးလည်းမဟုတ်။ စစ်ရုံးကြီးအတွင်း အ၀င်အထွက်ရှိ သည်ဆိုရုံမျှသာ။ သို့အတွက်ကြောင့် သူတို့ဘက်က ဘာအကျိုးမြတ်ရှိသည်ကို ကျွန်တော်သေချာမသိသော် လည်း ကျွန်တော့်အတွက်တော့ စစ်ရုံးကြီးအတွင်းအ၀င်အထွက်လုပ်ရသဖြင့် စိတ်ဝင်စားဖွယ်သတင်းများ ကြားသိရနိုင်သည်ဟုသာ သဘောပိုက်ထားခဲ့လေသည်။ တစ်နေ့နေ့ တစ်ချိန်ချိန်အခြေအနေပေးပါက တပ်ချုပ်ကြီးအား အင်တာဗျူးခွင့်ရနိုင်လေသည်၊ စကားပြောခွင့်ရခဲ့ပါက သိလိုသည်များမေးမြန်းရနိုင်သည် ဟူ၍သာ စိတ်ကူးမျှော်လင့်နေမိတော့သည်။
ထိုအချိန်က ကျွန်တော်သည် ဂျာနယ်တစ်ခု၏ နေပြည်တော်ရုံးခွဲမှာ အလုပ်လုပ်နေရသည့် အချိန်ဖြစ်လေ သည်။ ဂျာနယ်စာမျက်နှာပေါ်အတွက် မိမိကြားသိသမျှ သတင်းမရေးသားနိုင်ခဲ့သော်လည်း ခေတ်အခြေအနေ၊ နေပြည်တော်အကြောင်း၊ အစိုးရ၀န်ကြီးအဖွဲ့လူတစ်ချို့နဲ့ စစ်တပ်အခြေအနေတချို့၊ စစ်ဗိုလ်တွေနဲ့ စစ်ရုံးကြီး အကြောင်း အတန်ငယ်မျှတီးမိခေါက်မိလေသည်။ စစ်တပ်အရာရှိများနှင့်ဆက်ဆံရာတွင် စိုးရိမ်ကြောက်ရွံ့သည် မရှိပဲ အဆင်ပြေစွာဆက်ဆံတက်လာခဲ့သည်။ တစ်ခုပဲရှိသည်။ ကိုယ်သိသမျှသူများတကာကို အကုန်ပြောပြလို့ မရတာပဲဖြစ်သည်။ သတင်းသမားအကျင့်လေးတက်လာတော့ စပ်စပ်စုစုမေးချင်သည်။ သိရသည့်အခါ ပြန်ပြော ချင်သည်။ ထိုအလေ့အထကိုတော့ စစ်ရုံးကြီးနှင့်ဆက်ဆံခဲ့ရသမျှကာလပတ်လုံး အတော်ပင်ထိန်းချုပ်ခဲ့ရလေသည်။
စစ်ရုံးကြီးသို့ဝင်ထွက်သွားလာရင်း တစ်ခါတရံတော့ တပ်ချုပ်ကြီးအားတွေ့မြင်ရလေသည်။ တစ်ခါတလေတော့လည်း တပ်ချုပ်ကြီးနှင့် စကားတစ်ခွန်းစ နှစ်ခွန်းစပြောခွင့်ရလေသည်။ များသောအားဖြင့် စကားပြောခွင့်မရှိသော်လည်း ၄င်းအားအနီးကပ်တွေ့မြင်ခွင့်ရလေသည်။ အထူးသတိထားရသည့်အချက်မှာ ဗိုလ်ချုပ်မှူးကြီးအကြောင်း မည်သည့်စစ်ဗိုလ်ချုပ်ကိုမှ မမေးမိဖို့ဖြစ်သည်။ မသိသလို ဘာသိဘာသာနေတတ်ဖို့ အရေးကြီးလေသည်။ တပ်ချုပ်ကြီးမှာ ပုံပန်းသဏ္ဍာန်အားဖြင့်အေးအေးဆေးဆေးရှိလှသည်။ စကားလည်း အနည်းငယ်သာပြောတတ်သည်။ တစ်ခါတရံ မျက်မှန်အောက်မှနေ၍သေသေချာချာလေ့လာအကဲခတ်တတ် သည်။ လေးဖျန်းထားသဖြင့် ထိုင်ရာမှထသည့်အခါတိုင်း တစ်ဦးတစ်ယောက်က ကူရလေသည်။ လမ်းလျှောက် သည့်အခါတုံ့နှေး တုံ့နှေးဖြစ်နေတတ်သည်။ စကားပြောသည့်အသံမှာလည်း တုံ့ဆိုင်းဆိုင်း ထစ်အအဖြစ်နေ သည်။ လေဖြန်းထားသဖြင့် ရှာခင်တွဲနေသည်ဟုလည်း အများပြောကြသည်။ တခြားသတိထားမိသည်ကတော့ ၀ဲဘက်လက်ခလယ် အနည်းငယ် ကောက်နေခြင်းဖြစ်သည်။ အ၀တ်အစားကိုပုံမှန်အနေအထားအတိုင်း ပေါ့ပေါ့ပါးပါးဝတ်စားသည်က များသည်။ လက်တစ်ဖက်တွင် လက်စွပ်တစ်ကွင်း အမြဲဝတ်ထားတတ်သည်။ ဗိုလ်ချုပ်မှူးကြီးအား အနီးကပ်တွေ့မြင်ရသည့်အခါတိုင်း စိတ်ထဲမှာ လွှမ်းမိုးစိတ်တစ်မျိုးတော့ ဖြစ်နေတတ်သည်။ အာဏာပြင်းသော စစ်ဗိုလ်ချုပ်တစ်ယောက်ဖြစ်သောကြောင့်ဖြစ်နိုင်သည်။ ဗိုလ်ချုပ်မှူးကြီး သည်ကိစ္စတစ်ခုအား စိတ်အေးလက်အေး အိနြေ္ဒရရကိုင်တွယ်ဖြေရှင်းတတ်သည့် သဘောရှိသည်။ ယတိပျက် အဖြေစကားမျိုးမှတ်ချက်မျိုးပြုလေ့မရှိပဲ မယုတ်မလွန်သဘောမျိုးသာ များသောအားဖြင့်ပြောလေ့ရှိသည်။
လက်အောက်စစ်ဗိုလ်ချုပ်များမှာ တပ်ချုပ်ကြီးအားလွန်စွာမှ ကြောက်ရွံ့ရသောကြောင့် တစ်ခါတရံ တပ်ချုပ်ကြီးမှအမှတ်တမဲ့ပြောလိုက်သော စကားသည်ပင်လျှင် ဧရာမစီမံကိန်းကြီးဖြစ်နေတတ်သည်မှာလည်း နေပြည်တော်တ၀ှမ်းလုံးဖြစ်သည်။ ဗိုလ်ချုပ်မှူးကြီးသည် အပတ်စဉ် စနေနေ့တိုင်းနေပြည်တော်တခွင်အား လှည့်လည်ကြည့်ရှုလေ့ရှိသည်။ တပ်ချုပ်ကြီး၏ စနေလမ်းကြောင်း ဆိုပြီး သာမန်ပြည်သူများပင် သိထားကြလေ သည်။ ထိုစနေလမ်းကြောင်းတွင် တပ်ချုပ်ကြီးသည်များသောအားဖြင့် အရပ်ဝတ်သာမန်အ၀တ်အစားဖြင့်သာ လိုက်ပါလေ့ရှိသည်။ ကြားဖူးနားဝစကားများအရ ဗိုလ်ချုပ်မှူးကြီးသန်းရွှေသည် ပကာသနအဆောင်အယောင် များကိုခုံမင်သည်မရှိပဲ အေးဆေးပေါ့ပါးစွားနေတတ်လေ့ရှိသည်ဟုဆိုသည်။ တပ်ချုပ်ကြီးသည် အရက်သေစာ မှီဝဲသုံးဆောင်သည်မရှိပဲ တီဗွီကြည့်ခြင်း၊ ပေါ့ပေါ့ပါးပါးစာအုပ်များဖတ်ခြင်းဖြင့်သာ သီးသန့်နေလေ့ရှိသည်ဟု ဆိုသည်။ ဗိုလ်ချုပ်မှူးကြီးသန်းရွှေသည် ဦးနှောက်ဖြင့်အလုပ်လုပ်ရသည်ကို အားသန်သူဖြစ်ပြီး၊ နိုင်ငံရေးကိစ္စ များကိုကိုင်တွယ်ရာတွင် များသောအားဖြင့်တစ်ဦးတည်းဆုံဖြတ်လေ့ရှိပြီး၊ စစ်တပ်ရေးရာကိစ္စများတွင် လက်အောက်က စစ်ဗိုလ်ချုပ်များကိုတစ်လှည့်စီခိုင်းစေတတ်သည်ဟု ဆိုသည်။ တပ်ချုပ်ကြီးအတွက် အစား အသောက်အမျိုးစုံပြင်ဆင်ထားသော်လည်း သူကြိုက်နှစ်သက်ရာ တစ်မျိုး နှစ်မျိုးကိုသာ ခုံမင်နှစ်သက်စွာ စားတတ်လေသည်။ ပတ်ဝန်ကျင်းအား သိသိသာသာစိတ်ဝင်စားသည့်မျက်နှာမျိုးမရှိတတ်ပေ။ လက်အောက် ကလူများတင်ပြသည် ပြောသည်ကိုအများဆုံးနားထောင်ပြီး အဆုံးကြမှတစ်ခုစ နှစ်ခုစပြန်ပြောတတ်သည်။ မှတ်ချက်ပေးတတ်လေသည်။ တပ်ချုပ်ကြီး၏ လှုပ်ရှားသွားလာပြုမူပုံမှာ များစွာအိနြေ္ဒရလှသောကြောင့် လက်အောက်ကလူများလည်း ပို၍အကြောက်ကြီးလေခြင်းဖြစ်ပေမည်။ လူတစ်ဖက်သားအား အမူအရာဖြင့် ပို၍ထိန်းကျောင်းနိုင်သည်မှာ ဗိုလ်ချုပ်မှူးကြီးသန်းရွှေ၏ထူးခြားချက်ဖြစ်ပေမည်။
နေပြည်တော်ရုံးခွဲတွင် နှစ်နှစ်ခွဲမျှတာဝန်ထမ်းဆောင်ပြီးသောအခါ ကျွန်တော်သည်လည်း မန္တလေးရုံးခွဲသို့ပြောင်းရွှေ့ခဲ့ရလေသည်။ သို့ပေမယ့် နေပြည်တော်ကိုတော့ မကြာမကြာအရောက်သွားဖြစ် ခဲ့သည်။ တစ်ခါတရံ မိတ်ဆွေတချို့ နေပြည်တော်သွားပြီးဦးသန်းရွှေနဲ့တွေ့ဖို့လားဟု ရယ်စရာနောက်ကျသည်။ ကျွန်တော်လည်း ဟုတ်တာပေါ့ဟု ရယ်စရာသဘောမျိုးပြန်ပြောလိုက်သည်။ လူတွေလည်း ရယ်စရာဟုပြောသည် ဟုသာ သဘောထားကြသည်။ တကယ်တော့ အဖြစ်မှာအမှန်တကယ်ဖြစ်ပျက်နေခြင်းဖြစ်သည်။ ကျွန်တော်ကိုယ်တိုင်မှာလည်း မည်သူမျှမသိသောအဖြစ်မှန်ကို တစ်ယောက်တည်း ကျိုးနွံစွာကျင့်ခဲ့ရလေသည်။ ၂၀၁၀ ပြည့်နှစ်ရောက်သောအခါ နိုင်ငံရေးအခြေအနေများလည်း ရှုပ်ထွေးလာသည်။ ရွေးကောက်ပွဲတွေ ဘာတွေနဲ့ အပြောင်းအလဲတွေဖြစ်လာသည်။ လူအများစုကတော့ စစ်အစိုးရအပေါ် အယုံအကြည် မရှိကြသည်မှာ ထင်ရှားသည်။ နေပြည်တော်ရောက်တဲ့အခါလည်း ဗိုလ်ချုပ်မှူးကြီးသန်းရွှေအား သိပ်မတွေ့ရ ပေ။ မေးလို့လည်းမရသည့်အတွက် အတွင်းသတင်းမသိတော့ပဲ သူလိုငါလိုကြားသိရသမျှကိုသာ ချင့်ချိန်နေရ တော့သည်။ နောက်ပိုင်းနေပြည်တော်ကိုပုံမှန်မရောက်ဖြစ်တော့ပေ။
ကျွန်တော့်အတွက်နေသာသလိုရှိလာသည်။ ပုံမှန်အခြေအနေအသစ်တစ်ခုနဲ့ နေသားကျလာသည်။ ဗိုလ်ချုပ်မှူးကြီးသန်းရွှေကို လူသိရှင်ကြားတရားဝင်စကားမပြောနိုင်တဲ့ အခြေအနေမျိုးဆိုတော့ ကျွန်တော်ကိုယ်တိုင်လည်း သိပ်ပြီးဘ၀င်မကျလှပေ။ ကိုယ့်ဘ၀လုံခြံရေးအတွက် အပြောအဆို အနေအထိုင် သတိထားနေမိသည်။ နေပြည်တော်နှင့် မသိမသာကင်းကွာရင်း ကိုယ့်လမ်းကိုလျှောက်နေမိသည်။ တပ်ချုပ်ကြီးနဲ့ စစ်ရုံးကြီးအပေါ်စိတ်ဝင်စားမှုကိုလည်း ကိုယ့်သဘောနဲ့ကို ဖြေလျှော့ထားလိုက်သည်။
သို့သော်လည်း မထင်မှတ်ပဲ ဗိုလ်ချုပ်မှူးကြီးသန်းရွှေနှင့် ပြန်တွေ့ရသည်။ အခြေအနေကတော့ သိပ်မကောင်းပေ။ ဗိုလ်ချုပ်မှူးကြီး စကားကောင်းကောင်းမပြောနိုင်တော့ပေ။ တွေ့ရသည့်အခါတိုင်း အိပ်ယာထက်တွင် လဲလျောင်းနေရသည်များသည်။ ဗိုလ်ချုပ်မှူးကြီးသန်းရွှေမှာ တိုင်းပြည်အာဏာအား အစိုးရသစ်ကိုလွှဲပြောင်းပေးပြီး၊ ကာကွယ်ရေးဦးစီးချုပ်ရာထူးနဲ့ စစ်တပ်ကိုထိန်းထားရာမှလည်း လုံးဝနီးပါ လွှတ်ပေးခဲ့သည်။ တပ်တွင်းသြဇာညောင်းနေသော်လည်း တပ်ချုပ်ကြီးမှာ ကိစ္စအလုံးစုံအတွက် ၀င်ပါခြင်းမပြုတော့ပဲ အေးဆေးအနားယူနေသည်ဟု သိရသည်။ ဗိုလ်ချပ်မှူးကြီးသန်းရွှေ၏ပုံသဏ္ဍာန်မှာလည်း များစွာစိတ်လျှော့လိုက်ပုံရသည်။ စစ်ဗိုလ်ချုပ်အချို့နဲ့ ဗိုလ်ချုပ်လူထွက်အချို့ အနီးအနားတွင်ရှိနေသော်လည်း အရပ်သားတစ်ဦးကဲ့သို့သာ ပြုမူနေသည်။ ဗိုလ်ချုပ်မှူးကြီးသန်းရွှေက စစ်တပ်တွင်အာဏာအပြည့်အ၀ရယူ ထားစဉ်ကတည်းက နိုင်ငံရေးရာကိစ္စများနှင့် တပ်တွင်းကိစ္စများကိုကိုယ်တိုင်လူလုံးထွက်ပြပြီးဆောင်ရွက်သည် မရှိပဲ နောက်ကွယ်မှကိုင်တွယ်သည်ကများသည်ဟု ဆိုကြသည်။ နောက်ကွယ်မှနေ၍ ကစားကွက်ရွှေ့ရသည် ကို ပို၍ကြိုက်နှစ်သက်ဟန်ရှိသည်။
ယခုနှစ်ပိုင်းတွင် ဗိုလ်ချုပ်မှူးကြီးသန်းရွှေ၏ကျန်းမာရေးအခြေအနေမှာ တဖြည်းဖြည်းဆိုးရွားလာခဲ့ သည်ဟုဆိုသည်။ မကြာမှီအချိန်တွင်းက နောက်တစ်ကြိမ်လေဖြန်းခဲ့ရာ အိပ်ယာထက်တွင်လုံးလုံးလဲနေရ တော့သည်။ စကားမပီ အစာကိုလည်းကိုယ်တိုင်မစားနိုင်ရှိသည်။ အနီးအနားတွင် တပည့်စစ်ဗိုလ်ချုပ်များ၊ သမီးတော်များဝိုင်းဝန်းပြုစုကြသော်လည်း ဗိုလ်ချုပ်မှူးကြီးမှာများစွာလက်လျှော့လိုက်ပုံရသည်။ တိုင်းပြည် နိုင်ငံရေးနှင့် တပ်တွင်းအာဏာရယူပိုင်ဆိုင်မှုတို့တွင် ဗိုလ်ချုပ်မှူးကြီးများစွာဆောင်ကျဉ်းခဲ့ပြီးဖြစ်ရာ သူ့အနေ အထားကို စိတ်ချလက်ချထားနေတော့ဟန်ရှိသည်။ သူ့ကိုယ်ပိုင်မိသားစုအသိုင်းအ၀ိုင်း လုံခြုံရေးအတွက်သာစိတ်ပူပြီး နိုင်ငံရေးကိစ္စရပ်များတွင် ၀င်ပါခြင်းမပြုတော့ပဲ အငြိမ်လိုင်းတွင်သာ အေးအေးလူလူ နေနေခဲ့ခြင်းဖြစ်သည်။ နေပြည်တော်ဒေသအတွင်းရှိ ဗိုလ်ချုပ်မှူးကြီးသန်းရွှေမိသားစု ကိုးကွယ်သော ဆရာတော်တစ်ပါးကမိန့်ကြားဖူးသည်မှာ ဗိုလ်ချုပ်မှူးကြီးသည် တရားထိုင်လေ့ရှိသည်ဟု ဆိုသည်။ ထိုဆရာတော်သည် ဗိုလ်ချုပ်မှူးကြီးသန်းရွှေအိမ်သို့ မကြာခဏဆွမ်းစားကြွရလေ့ရှိသည်။ များသောအားဖြင့် ဘုန်းကြီးလေးပါးနှင့် ကိုးပါးအများဆုံးပင့်လေ့ရှိပြီး၊ ဆွမ်းစားပင့်သည့်အခါတိုင်း တိတ်တဆိတ်သာပင့်ဆောင်လေ့ရှိသည်ဟုလည်း ဆရာတော်ကမိန့်ကြားဖူးသည်။
ဗိုလ်ချုပ်မှူးကြီးသန်းရွှေ၏ကျန်းမာရေးနှင့်ပတ်သက်ပြီး အရေးကြီးဆုံးပြဿနာမှာ ခုမှစလေတော့သည်။ ဗိုလ်ချုပ်မှူးကြီးမတော်တဆဆုံးပါးသွားခဲ့ပါက ဈာပန အခမ်းအနားအတွက် ဗိုလ်ချုပ်မှူးကြီး၏သမီးတော်များအသိုင်းအ၀ိုင်းနှင့် တပည့်ကျော်စစ်ဗိုလ်ချုပ်များအကြား ဝေခွဲမရနိုင်ဖြစ်သည်။ အစိုးရထိပ်တန်းပုဂ္ဂိုလ်ကြီးတွေပင်လျှင် ဗိုလ်ချုပ်မှူးကြီး၏လက်ရင်းတပည့်များဖြစ်သောကြောင့် ဗိုလ်ချုပ်မှူးကြီး၏ ဈာပနအတွက်အထူးတလည်ဖြစ်ချင်ပါကလည်း ဆောင်ရွက်ပေးကြမည်သာဖြစ်သည်။ သို့သော်ငြားလည်း အချို့အာဏာရှိစစ်ဗိုလ်ချုပ်များနှင့် အစိုးရထိပ်တန်းပုဂ္ဂိုလ်များက စဉ်းစားသည်မှာလည်း ဗိုလ်ချုပ်မှူးကြီး၏ဈာပနအခမ်းအနားကို အကြီးအကျယ်ပြုလုပ်ပါက တိုင်းပြည်အ၀ှမ်း ဝေဖန်သူများ ကြောင့်ပွဲဆူသွားမည်ကို တွေးတောပူပန်နေကြသည်။ ဗိုလ်ချုပ်မှူးကြီးသည် သက်တမ်းရှည်ကြသော ကာကွယ်ရေးဦးစီးချုပ်ရာထူးရယူပြီး စစ်တပ်ကိုဦးဆောင်ခဲ့သူဖြစ်သော စစ်ဗိုလ်ချုပ်အများစုကတော့ တိုင်းပြည် ခေါင်းဆောင်မျိုးမဟုတ်ပဲ စစ်တပ်ခေါင်းဆောင်တစ်ယောက်အဆောင်အယောင်မျိုးနဲ့သာ ဈာပနအခမ်းအနား ကျင်းပလိုကြသည်။ သို့သော် ဗိုလ်ချုပ်မှူးကြီးသန်းရွှေ၏ ဈာပနအခမ်းအနားအတွက် မည်သူကမျှအဆုံးအဖြတ် မပေးရဲပဲရှိနေသည်။ နေပြည်တော် ဥတ္တရသီရိမြို့နယ်အနောက်ပိုင်းရှိ အသစ်တည်ဆောက်ထားသော စစ်သချိုင်းတွင်သာ ဗိုလ်ချုပ်မှူးကြီး၏ရုပ်အလောင်းကိုအကောင်းပကတိတည်းထားကိုးကွယ်ကြရမည်လော၊ တရားဝင်အငြိမ်းစားယူဖြစ်သောကြောင့် သာမန်အရပ်သားတစ်ဦးကဲ့သို့သာ မထင်မရှားဈာပနအခမ်းအနား ကျင်းပကြမည်လောဆိုသည်ကို နောက်လိုက်နောက်ပါ စစ်ဗိုလ်ချုပ်များနှင့် ဗိုလ်ချုပ်လူထွက်များ ဗျာများနေရတော့လေသည်။
င်္ဖေ့စ်ဘုတ်တွင် ဖြန့်နေသော ဆောင်းပါး ဖြစ်သည်။ http://aungshin.wordpress.com တွင်လည်း ဖော်ပြထားပြီးဖြစ်သည်။
His days are numbered. But Sooner the Better.