ဘာသာမဲ့ တစ်ယောက်ရဲ့ ငယ်ဘဝ

Wednesday, August 1, 2012



ကျုပ်ငယ်ငယ်က ခင်ဗျားတို့လိုပေါ့ဗျာ.... ဘာသာရှိတစ်ယောက်ပေါ့။ မိဘတွေက အဲလောက် မဟုတ်ပေမယ့် ပတ်ဝန်းကျင်က လူကြီးတွေရဲ့ သင်ကြားမှုအောက်မှာ သူများတန်းတူ ဗုဒ္ဓဘာသာဝင် တစ်ယောက် ဖြစ်လာ ခဲ့တာပေါ့။ ဒါတောင်မှဗျာ သူများ အတင်းခိုင်းတာနဲ့ ဗုဒ္ဓဘာသာတောင်မှ ထေရဝါဒ ဗုဒ္ဓဘာသာဝင် ဖြစ်ခဲ့ရ ပါသေးတယ်။ ဟောဟိုက ရုပ်တုတော်တွေ၊ ပုံတော်တွေနဲ့ ဂေါတမ ဗုဒ္ဓကို အလုံးစုံ ယုံကြည် ဆည်းကပ်ရာ ဘုရား အဖြစ် သတ်မှတ်ခဲ့ရတယ်။

တပြိုင်တည်းမှာပေါ့လေ။ ကလေးတုန်းက အဖေ့ ဗိုက်ပေါ်မှောက်အိပ်ပြီး "ဖေကြီး ကမ္ဘာကြီးက နေကို ဘယ်လို လည်တာလဲဟင်" ရယ်လို့ မေးခဲ့ဖူးတာကိုး။ ကမ္ဘာကြီးက လုံးနေတဲ့အကြောင်း၊ နေကို ကမ္ဘာက ပတ်တဲ့ အကြောင်း၊ ကမ္ဘာကို လက ပတ်တဲ့အကြောင်း သိလာခဲ့တယ်။ ဒါက ကျနော့်စိတ်ထဲမှာ ကမ္ဘာလောကကြီး အလုပ်လုပ်ပုံအကြောင်းကို သိချင်စိတ် စတင်ဖြစ်လာရတဲ့ အကြောင်းခံပါပဲ။

နောက် ကျောင်းတက်တဲ့ အရွယ်ရောက်တော့ မြင်းမိုရ်တောင် အယူအဆနဲ့ ကြုံတွေ့ရတယ်။ အဲ့တုန်းက လွယ်လွယ်နဲ့ လက်ခံခဲ့တာပါ။ သိပ်လည်း မစဉ်းစားမိခဲ့ပါဘူး။ ဒါပေမယ့် ကမ္ဘာလုံးတာဟာ ဘယ်လို သက်သေပြလို့ရတယ်။ မြင်းမိုရ်တောင် အယူအဆက သက်သေပြလို့မရဘူး ဆိုတာကို သိလာတဲ့အချိန်မှာ ဘာလို့ မဟုတ်တာတွေ သင်နေရတာလဲ မေးခွန်းထုတ်မိလာတယ်။

တစ်ဦးတည်းသော သားလည်းဖြစ်တာကြောင့် အိမ်မှာ အရမ်း အလိုလိုက်ခံရတယ်။ ကျောင်းလို အများနဲ့ ဆက်ဆံရတဲ့ ပတ်ဝန်းကျင်မှာ ကျဉ်းကျပ်သလို ခံစားရတယ်။ State School ဆိုတော့ နေ့တိုင်း ဘုရားရှိခိုး ရတယ်။ နိုင်ငံတော် သီချင်းဆိုရတယ်။ မဆိုချင် မရှိခိုးချင်လို့ မရဘူး။ ဒီလိုနဲ့ လိမ္မာခြင်းဟာ အဖွဲ့အစည်းရဲ့ အသိအမှတ်ပြုခြင်း ခံရတယ်ဆိုတာကို သိလာတဲ့အလျောက် လိမ္မာတဲ့ ကလေးတစ်ယောက် အဖြစ်ပဲ နေထိုင်ခဲ့တာပါ။

လိမ္မာပေမယ့် ကျောင်းမှာ စာတော်တော်ညံ့တာပါ။ လူ ၇ဝ ၈ဝ ရှိရင် အဆင့်က အမြဲတမ်း ၆ဝအောက်မှာပေါ့။ သချာင်္အထူးသဖြင့် ညံ့တာပေါ့။ ၁ဝတန်းဖြေတုန်းကတောင် စာမေးပွဲဖြေချိန် နာရီဝက်ပဲ ကျန်တဲ့အထိ ဂုဏ်ထူးမှတ် မကျော်နိုင်သေးဘူး။ ကျော်တော့လည်း ၃မှတ်ပဲ ကျော်ခဲ့တာပါ။ ဟောဗျာ ဘာတွေပြောနေမှန်း သိပါဘူး.. ထားပါတော့...

မိဘတွေက ကလေး သိပ္ပံ ဗဟုသုတ တိုးမယ့် စာအုပ်တွေ ဖြည့်ဆည်းပေးတော့ ကျနော့် သိချင်စိတ်တွေကို အတော်အတန် ဖြေသိမ့်ပေးနိုင်ခဲ့တယ်။ တစ်ခုရှိတာ ကျနော် ဘာသာရေး စာအုပ်ဆိုလို့ ဗုဒ္ဓဝင်လောက်က လွဲရင် ကျန်တာ မဖတ်ဖြစ်ခဲ့တာပဲ။ ဖတ်ဖို့ စိတ်လည်း မဝင်စားခဲ့ပါဘူး။

ဘာသာရေး ပြယုဂ်တွေနဲ့ ကျောင်းက တင်းကျပ်တဲ့ စည်းကမ်းချက်တွေ မျက်နှာ ဆူပုပ်ပုပ်နဲ့ ပညာရေးဝန်ထမ်း တွေကို မြင်လာပြီး ဖတ်ချင်စိတ် ပျောက်ပျောက်သွားတာကိုး။ သိပ်အလိုလိုက် မခံခဲ့ရရင်တော့ ဒီ pressure တွေကို သည်းခံနိုင်လာပြီး ဘာသာရေး စာပေတွေလည်း လက်ခံတတ်လာမှာပေါ့လေ။ တစ်ဦးတည်းသော သား မဟုတ်ခဲ့ရင်လည်း လူအများနဲ့ ပိုဆက်ဆံတတ်ပြီး လူမှုဆက်ဆံရေး ပိုတွင်ကျယ်စေမယ့် ဘာသာရေး လှုပ်ရှားမှုတွေမှာ ပါဝင်ခဲ့မှာပေါ့လေ။

နောက် အတန်းကြီးလာတော့ မကြိုက်ရုံတင်မကတော့ဘူး။ ကျောင်းရဲ့ authoritarian ဆန်မှုကို ဆန့်ကျင် လာတယ်။ မုန်းလာတယ်။ ဆရာက ပြောရင် ကျောင်းသားက ပြန်ချေပခွင့်မရှိဘူး။

လူကြီးစကားပြောရင် ပြန်မပြောရဘူး ဆိုတဲ့ အယူအဆကို လက်မခံနိုင်ခဲ့ဘူး။ အိမ်မှာဆို ပြန်ချေပခွင့်ရတာကိုး။ ခုလည်း ဖေကြီးနဲ့ ကြုံတိုင်း ငြင်းခုန်တတ်တုန်းပဲလေ ၇တန်းရောက်တော့ ၃လမ်းကျော်က ကျူရှင်မှာ တက်ရတယ်ဗျ။ အဲ့တုန်းက စတယ် ပြောရမလားပဲ။ ကျနော် အင်္ဂလိပ်စာ အရင်ကထက် ပို တိုးတက် လာခဲ့တယ်။ ၈တန်းလောက်မှာ ကလေး အင်္ဂလိပ်စာလော်ကတော့ ဖတ်နိုင်နေပြီ။ ၁ဝတန်းလောက်မှာတော့ လူကြီးအတွက် ရည်ရွယ် ရေးထားတဲ့ အင်္ဂလိပ်စာမျိုးကို ဖတ်နိုင်လာခဲ့ပြီ။ အကျိုးထူးတာက internet access ရရင် ဘယ် knowledge မဆို ရယူဖို့ အရင်ကထက် လွယ်လာတာပဲ။

၉တန်းလောက်တုန်းကတည်းက protein synthesis တို့ DNA structure တို့ကို တီးမိခေါက်မိရှိခဲ့တယ်။ ၁ဝတန်းတုန်းကတော့ ကိုယ့်စာနဲ့ကိုယ် မနိုင်လို့ မလုပ်ဖြစ်ခဲ့ဘူးပေါ့လေ။

၁ဝတန်းပြီးတော့မှ ပြန်လေ့လာဖြစ်တာပေါ့။ 2nd MB ရောက်လာပြီဆိုတော့ Biochemistry ကျေးဇူးကြောင့် ဇီဝဖြစ်စဉ်တွေကို မော်လီကျူးအဆင့်အထိ အသေးစိတ် နားလည်စပြုလာခဲ့ပြီလေ။

အကုန်နားမလည်နိုင်ရင်တောင် ဒီအကြောင်းအရာရဲ့ အတိုင်းအထွာကို ခန့်မှန်းနိုင်လာခဲ့ပါပြီ။ ဒီတစ်လျှောက်မှာ ကျနော် သိလာခဲ့ရတာက ဘာသာရေးက ကျနော်သိချင်တာကို မပေးနိုင်ဘူး။ သိပ္ပံကသာ ကျနော့် မေးခွန်း တွေကို ဖြေပေးနိုင်တယ်။ ကျနော့်ကို ဆွဲဆောင်နိုင်တယ်။

ဘာသာရေးက မြင်းမိုရ်တောင် ရှိတယ်။ ၃၁ဘုံရှိတယ်။ ကံကံအကျိုးရှိတယ်။ နောက်ဘဝရှိတယ်။ ဘာမှ စောတက မတက်နဲ့။ အကုန်လက်ခံလိုက်ဆိုတာမျိုး။ အရမ်း စူးစမ်းချင်တဲ့ ကလေးတစ်ယောက်ကို မချိုးနှိမ်ပစ်ပဲ လွတ်လပ်စွာ လေ့လာခွင့်ပေးတဲ့ မိဘမျိုးအောက်မှာ ကြီးလာခဲ့လို့ အကုန်လည်း လက်မခံနိုင်ဘူး။ တစ်စိတ်တစ်ပိုင်းလည်း လက်မခံနိုင်ဘူး။

ဘာသာရေးကို လစ်လျူရှုမိတယ်။ တစ်သက်နဲ့တစ်ကိုယ် ကိုရင်လည်း မဝတ်ခဲ့ဘူး။ အဖေကလည်း သားသဘောကျပဲ။ ဝတ်လိုရင်တော့ အဖေတို့က ဝတ်ပေးမယ်ဆိုတော့ ကိုယ်ကလည်း မဝတ်ချင်တော့ မဝတ်ခဲ့ပါဘူး။ ဗုဒ္ဓဘာသာဝင်တစ်ယောက်ဆိုပေမယ့် ဘာသာရေးနဲ့ ကင်းရှင်းစွာပဲ နေထိုင်ခဲ့တယ်။ ကျနော် ဘာသာမဲ့မယ်ဆို ၁ဝတန်း အပြီးလောက်မှာ မဲ့ဖြစ်မှာပေါ့လေ။

ဒါပေမယ့် ကျောင်းက pressure တွေကို မခံမရပ်နိုင်လွန်းတဲ့ တွန်းအားက ကျနော့်ကို ၉တန်းတည်းက ဆုံးဖြတ်ချက် ချဖြစ်စေခဲ့တယ်။ ၉တန်း ကျောင်းစ တက်ပြီး တစ်ပတ်လောက်ကစလို့ ကဲ ကိုယ့်ကိုကိုယ် ဘာသာမဲ့လို့ ခံယူမယ်လို့ ဆုံးဖြတ်မိတယ်။ ဗုဒ္ဓဘာသာဝင် တစ်ယောက်ဖြစ်ဖို့ သရဏဂုံတင်ရတယ်ဆိုတော့ ကိုယ်လည်း ထွက်ရင် မှတ်မှတ်ရရ တစ်ခုခုလုပ်ဖို့ ဆုံးဖြတ်မိတယ်။ အလွယ်ဆုံး ထွက်လာတဲ့ အကြံက ရှင်းပါတယ်။

၅နှစ်သားတည်းက ကျောင်းရောက်ရင် ဘုရားရှိခိုးရမယ်ဆိုတဲ့ အမိန့်ကို စတင် ပုန်ကန်လိုက်ခြင်းပဲ။ မှတ်မိသလောက် ၂ဝဝ၈ခုနှစ် june လ ၁၄ရက်ဝန်းကျင်လောက် ဖြစ်မယ်ထင်တယ်။ မနက်ဖက် ဘုရားရှိခိုးချိန် သူများ ရှိခိုးသလို မရှိခိုးတော့ဘူး။ ကလေးပါဗျာ အဲ့တုန်းက။ သူများ ရှိခိုးတုန်း ကိုယ် မရှိခိုးရတော့ စိတ်ထဲ ရွစိရွစိနဲ့ တော်တော်ပျော်တာဗျ။ လွတ်လပ်သွား သလိုခံစားရတယ်။ နှစ်ရှည်လများ ထောင်ကျခံနေရတာကနေ အပြင်ကို လွတ်လာသလိုပါပဲ။

၉တန်းနှစ် တစ်လျှောက်လုံး ဘာသာမဲ့တစ်ယောက်အဖြစ် လူ့အဖွဲ့အစည်းထဲ ရပ်တည်နိုင်ရေးကို မနည်း ရုန်းကန်ခဲ့ရတယ်။ အဲ့တုန်းကတော့ Anti-Religionist ဘာသာရေး ဆန့်ကျင်တိုက်ခိုက်သူ တစ်ယောက် ဖြစ်ခဲ့တာ အမှန်ပဲ။ တကယ်ကို ပွင့်လင်းစွာ တိုက်ခိုက်ခဲ့တာပါ။ ဘာသာရေးဆို မျိုးပြုတ်အောင် ဖြိုဖျက် ချင်ခဲ့တာ။

၉တန်းတုန်းက အဦးဆုံး အချစ်နဲ့ ကြုံဆုံရတော့လည်း ဂျစ်ကန်ကန် မိန်းကလေးမျိုးကိုပဲ သဘောကျမိတာဗျ။ လိမ္မာတဲ့ ယဉ်ကျေးမှု အလွန် ထိန်းသိမ်းချင်တဲ့ မိန်းကလေးမျိုး မကြိုက်ဘူး။ ယဉ်ကျေးမှု ထိန်းသိမ်းရေး ဆိုတာကြီး ကြားရရင် ကျောင်းမှာ ကျနော့်ကို ဝိုင်းကျပ်ကြတဲ့ စိတ်ဖိစီးမှု နဲ့ စိတ်ဒဏ်ရာ တွေက ကျနော့်ကို အမြဲခြောက်လှန့်တယ်လေ။ ခုလည်း စော်တို့ ဘဲတို့ ခေါ်တာ မကြိုက်ပါဘူးဆိုတဲ့ မိန်းကလေးမျိုးကို သိပ်စကားမပြောချင်ဘူး။ စော်=ကောင်မလေး၊ ဘဲ=ကောင်လေး။ အဓိပ္ပာယ်ပေါက်ရင် ပြီးတာပဲ။ ဘာရစ်တာတုန်း ;P ။ ရစ်ရင် စကားမပြောဘူး ဒါပဲလေ။ ဟီး.... ကျနော့်အကျင့်က အဲလို.... :D

တစ်ရက်တော့ ကျောင်းမှာ ဆရာမက သားက ဘာ ဘာသာမို့လို့ ဘုရား မရှိခိုးတာလဲတဲ့။ "ကျနော်က ဘာသာမဲ့ပါဗျ။" ဆိုတော့ သူနားကြားလွဲတယ်ထင်လို့ နှစ်ခေါက် သုံးခေါက်ပြန်မေးတယ်။ နောက်တော့ ကျနော့်ကို အနားခေါ်မေးတယ်လေ။ ဘာသာမဲ့ဆိုတော့ အံ့သြနေတယ်။ လိမ္မာလိုက်တဲ့ ကလေးက ဘာသာမဲ့ဖြစ်ရလားဆိုတာ သူ အံ့သြနေတာ။

D ခန်းဆိုတော့ အားလုံးနဲ့ ယှဉ်ရင် ကျနော်က တော်တော် လိမ္မာသေးတာဗျ။ ငယ်ငယ်က အငုံ့စိတ်ဖြစ်ခဲ့တဲ့ အရှိန်ကလည်း ကျန်နေဆဲကိုး။ အခုထိလည်း အနည်းငယ်တော့ ကျန်ရစ်ဆဲပါ။ ဒီနေ့ BC seminar ဆိုရင် မေးခွန်းရှိပေမယ့် ထ မမေးရဲသေးဘူး။ လူအများကြီးရှေ့မှာ စကားပြောရမှာ ကြောက်နေသေး တယ် ကြောက်စရာ မလိုမှန်းလည်း သိပေမယ့် ကြောက်နေတုန်းပါပဲ။

ထားပါတော့...... ဆရာမက ကျနော့်ကို မွတ်ဆလင်တွေက သူတို့ ဘာသာကို အတင်းဝင်ခိုင်းတာလား ဆိုပြီး မေးရှာသေးတယ် :D မဟုတ်ပါဘူးလို့ အတန်တန်ပြောရတယ်။ သူက ထုံးစံအတိုင်းပေါ့ဗျာ.... typical Buddhist တစ်ယောက်ပါပဲ။ ဘာသာရေး အဆုံးအမတွေ ကျနော့်ကို လာပြောနေတယ်။ ကျနော်လည်း နားမဝင်ဘူး။ ခေါင်းထဲရှိတာကတော့ ဗုဒ္ဓက ဒိုင်နိုဆော ရှိတဲ့အကြောင်း မပြောသွားတာကို တော်တော် စိတ်ခုနေတာ (ကလေးကိုး :D)။ ဆရာမကို ပြန်ပက်လိုက်ချင်သေးတာ။ ဗုဒ္ဓက ဒိုင်နိုဆောအကြောင်း မပြောသွားဘူးလို့။ :D

သူက တစ်ပတ်အတွင်း စိတ်ကြိုက်ဘာသာတစ်ခုခု ပြန်ဝင်တဲ့။ အစ္စလာမ်ဘာသာက လွဲရင်တဲ့။ တီချယ်ကလည်း တစ်မျိုးကြီးပါလား။ စိတ်ကြိုက်လည်း ပြောသေးတယ်။ ကန့်သတ်ချက်ကလည်း ပါသေးတယ်။ အင်းဗျာ.... စေတနာရှိသလောက် ၅ဝဝ အနည်းဆုံး ဆိုတာမျိုးနေမှာပေါ့ရယ်လို့ နားလည်ပေးရတာပေါ့။

ဆရာမက ကျောင်းသားစာရင်းမှာ ကျော်စွာလင်းရဲ့ ဘာသာ နေရာကို ဖျက်ပစ်မယ်လို့ correction pen နဲ့ ကျနော့်ကို လာခေါ်ပြတယ်ဗျ။ ကျနော်ကလည်း ခေါင်းမာမာပဲ။ ဟင့်အင်းပဲ။ သူကလည်း ဖျက်ပစ်တာပါပဲ။ ဘာသာ: ဗုဒ္ဓဘာသာ ဆိုတာကိုလေ။ နောက်တော့ ကျောင်းမှာ ကျနော့် သတင်းပြန့်သွားတယ်ဗျ။ ဘာသာမဲ့ ကွန်မြူနစ်ဆိုပဲ။ ဂိန်ကနဲပဲ။ ငါပြောတုန်းက ဘာသာမဲ့ပါပဲ။ ဘယ်နှယ့် ကွန်မြူနစ်က အဆစ်ပါလာတာလဲ။ တတ်နိုင်ဘူးလေ။ စကားဆိုတော့ စပြီးရင် ကားတာပဲမလား။ ကွန်မြူနစ်ဆိုပြီး အလေးပြုပြီး နောက်တဲ့ သူငယ်ချင်းတွေက ရှိသေးတယ်။

၁ဝတန်းအပြီးမှာတော့ ဘာသာမဲ့တစ်ယောက် အနေနဲ့ ဘဝမှာ ဘယ်လို ရပ်တည်မလဲ။ ကိုယ်ဟာ သိချင်စိတ်တစ်ခုတည်းနဲ့ ဘဝမှာ ရပ်တည်ဖို့ မရဘူး။ ပြီးတော့ ဘာသာရေး အဆုံးအမ ကင်းလွတ်တဲ့အခါ၊ ကံကံအကျိုးကို လက်မခံတဲ့အတွက် ငါးပါးသီလလည်း စောင့်ထိန်းမှာ မဟုတ်ဘူး။ ဘုရားရှိဝါဒီ မဟုတ်လို့ Ten Commandments လည်းလိုက်နာမှာ မဟုတ်ဘူး ဆိုတော့ ကိုယ့်အနေနဲ့ စာရိတ္တ တန်ဖိုးကို ကိုယ်တိုင် သတ်မှတ်ဖို့လိုလာတယ်။

စောစောပိုင်းကတော့ တစ်ကိုယ်ကောင်း ဝါဒီဖြစ်ခဲ့တာပေါ့လေ။ ဒဿန နဲ့ ရင်းနှီးခွင့်ရလာတော့ လူ့ဘောင် ကိုလည်း မထိခိုက်စေမယ့် အကျိုးဖြစ်ထွန်းစေမယ့် ကိုယ့်အကျိုးလည်း မဆုံးရှုံးစေမယ့် အလယ်အလတ်ကျတဲ့ စာရိတ္တမျိုးကိုပဲ ရှာဖွေခဲ့တယ်။ ဆင်ခြင်ဥာဏ်နဲ့ ပညာကို အားကိုးမယ့် စာရိတ္တမျိုးပေါ့။ ဖြစ်လာမယ့် တုန့်ပြန်မှု တွေကိုတော့ ကိုယ်တိုင် တာဝန်ယူပေါ့။

လွန်ခဲ့တဲ့ တစ်နှစ်လောက်က Richard Dawkins ရဲ့ Meme အယူအဆကို လေ့လာမိတဲ့အခါမှာ စနစ်တွေရဲ့ passive ဖြစ်တဲ့သဘောကို ပိုမြင်သာလာတယ်။ သက်ရှိဇီဝစနစ်တွေဟာ သဘာဝအလျောက် အလိုလို ဆင့်ကဲပေါ်ပေါက်နိုင်တယ် ဆိုတာဟာ ရည်ရွယ်ချက် ရှိတဲ့ စနစ်တွေဟာ အလိုလို ဖြစ်လာနိုင် တယ်ဆိုတာ ကို ပြနေတာပဲ။

ကျောင်းတွေမှာ နေ့တိုင်း ဘုရားရှိခိုးရတာ၊ နေ့တိုင်း နိုင်ငံတော် သီချင်း ဆိုရတာဟာ ဒီဒေသခံ လူတစ်စုရဲ့ ရပိုင်ခွင့် တည်မြဲရေးအတွက် စစ်တပ် တစ်ခုသဖွယ် အမျိုးဘာသာ သာသနာ ဆိုတဲ့ အစည်းသုံးစည်းနဲ့ မြဲမြံစွာ စည်းထားရတဲ့ စနစ်တစ်ခုကို မြင်လာတယ်။ ဘယ်သူက ဦးစီးပြီး ဒီ အကျဉ်းထောင်ကို ဖန်တီးခဲ့လဲ။ ဘယ်သူမှ မဖန်တီးခဲ့ပါ။ စနစ်ဟာ အလိုလိုဖြစ်လာတာပါပဲ။ ဘာသာ၊ သာသနာ တည်မြဲဖို့ နေ့တိုင် ဘုရားရှိခိုးခိုင်းတယ်။

အမျိုးတည်မြဲဖို့ နေ့တိုင်း နိုင်ငံတော်သီချင်း ဆိုရတယ်။ တဖြည်းဖြည်း ကျနော် ရှုမြင်လာတာက လူသားတွေဟာ အလိုလို ပေါ်ပေါက်လာတဲ့ စနစ်တွေရဲ့ ထိန်းချုပ်မှုအောက်မှာ စက်ရုပ်တွေအလား ငယ်စဉ်ကလေးဘဝ တည်းက လေ့ကျင့်သင်ကြားခံရတယ်။ ဦးနှောက် အရောင်ဆိုးခံလာရတယ်ဆိုတာပဲ။

ရလဒ်ကတော့ မိမိရဲ့ မွေးလာစဉ်မှာ ရှိနေတဲ့ သဘာဝ စိတ်အခြေအနေကို ပြန်မရနိုင်တာပဲ။ ကျနော်တို့ဟာ အစွန်းကို ချွတ်ဖို့ ကြိုးစားပေမယ့် သဘာဝ ဘာသာမဲ့ (Untheist) တော့ ဘယ်တော့မှ ပြန်မဖြစ်နိုင်တော့ဘူး။ ဘာသာရေးကို ကြုံတွေ့ပြီး ပြန်ရုန်းထွက်လာတဲ့ Atheist တွေဖြစ်သွားလို့ပါ။ အတတ်နိုင်ဆုံး အစွဲကင်းတဲ့ သဘာဝ အခြေအနေတစ်ရပ်ကို ပြန်သွားဖို့ freethinking နဲ့ ဆင်ခြင်ဥာဏ်ကို အားကိုးရမယ်လို့ မြင်လာခဲ့ ပါတယ်။

ဘာသာရေး ငြင်းခုန်မှုများစွာ လုပ်ပြီးတဲ့ ခုအချိန်မျိုးမှာတော့ ဘာသာရှိခြင်းတွေ၊ ဘာသာမဲ့ခြင်းတွေက အရေးမကြီးလှတော့ပါဘူး။ ကမ္ဘာ့ အရပ်ဒေသကွဲတဲ့အလျောက် ပတ်ဝန်းကျင်အခြေအနေ ကွဲပြားပြီး ဒီ ကွဲပြားတဲ့ ပတ်ဝန်းကျင်အလျောက် ကွဲပြားတဲ့ ဓလေ့ထုံးစံ ယုံကြည်မှု အမျိုးမျိုး (သဘာဝက ပုံသွင်းတဲ့ ဓလေ့ယုံကြည်မှုမျိုး) ကိုတွေ့လာရတဲ့အခါ လူတစ်ယောက်ချင်းစီရဲ့ သူများကို မထိခိုက်စေမယ့် မိမိရဲ့ လုပ်ပိုင်ခွင့်ကို အတတ်နိုင်ဆုံး ကာကွယ်ခွင့်ကိုပဲ အာရုံစိုက်မိပါတယ်။

ဂေါတမတို့၊ ယေရှုတို့ဟာလည်း ကျနော့်အတွက် ဆော့ခရေးတီးတို့၊ နစ်ရှေးတို့လို ဒဿနပညာရှင်တွေလိုမျိုး ခင်မင်ရင်းနှီးတဲ့ မိတ်ဆွေအဖြစ်ပဲ သဘောထားပါတယ်။ လောကဝိဒူ မြတ်စွာဘုရားတို့၊ ဘုရား သားတော် တို့ရယ်လို့တော့ ဘာသာဝင်တွေ မှတ်ယူသလို မမှတ်ယူဘူးပေါ့။ ကိုယ်ထင်တဲ့အတိုင်း ဗုဒ္ဓက ဟိုလိုပြောတယ် ဒီလိုပြောတယ် ဆိုပြီးတော့လည်း ထေရဝါဒ အစည်းအရုံးကို ခဲနဲ့ မထုချင်ပါဘူး။ ကိုယ် မှတ်ယူချင်သလို မှတ်ယူပါတယ်။ မိုးပြာနဲ့ တူတူ တရားသွား ဆွေးနွေးနေရရင် ဘယ်နှယ့် လုပ်မတုန်း။

ဗုဒ္ဓဟာ နောက်ဘဝတွေ၊ ကံကံအကျိုးနိယာမတွေ၊ မြင်းမိုရ်တောင်တွေထက် လောက ဒုက္ခကို အခြေခံသဘော အတိုင်း ခံယူရှုမြင်တတ်ဖို့ စိတ်ကျင့်စဉ် တစ်ခု ချမှတ်သူ တစ်ဦးအနေနဲ့ပဲ လက်ခံထားသလို၊ ယေရှုဟာလည်း ဂျူးဘာသာရဲ့ အစွန်းရောက်မှုတွေကို ပယ်ရှားတဲ့ ပြန်လည် ပြုပြင်ရေးသမား တစ်ဦးလို့ လက်ခံထားပါတယ်။

မိုဟာမက်ဟာလည်း Barbaric ဖြစ်လွန်းတဲ့ အာရပ်တွေကို ဂျူးဘာသာရဲ့ တစ်ဆူတည်းသော ဘုရားအယူ အဆကို အစ္စလာမ် ဘာသာ အနေနဲ့ ပြန်လည် သွတ်သွင်းပြီး အာရပ်လူမျိုး ခေါင်းဆောင် တစ်ယောက်အနေနဲ့ အာရပ်နိုင်ငံတစ်ခု ထူထောင်ပေးသူ နိုင်ငံရေးသမား တစ်ယောက် အနေနဲ့ မြင်ပါတယ်။

ဘိုင်ဘယ်ဟာ Book of Salvation မဟုတ်ပေမယ့် Hebrew narrative က ရေးထားတဲ့ သမိုင်း မှတ်တမ်း တစ်ခုအနေနဲ့ တန်ဖိုးထားပါတယ်။ Egypt သင်္ချိုင်းဂူတွေက အရုပ်စာတွေကနေ သူတို့ လူမျိုးတွေရဲ့ ဒဏ္ဍာရီတွေကို ဖတ်ရှုနိုင်သလို၊ ဘိုင်ဘယ်ဟာလည်း ဟီးဘရူးလူမျိုးတွေရဲ့ ဖန်ဆင်းမှု ဒဏ္ဍာရီ ကို လေ့လာနိုင်တဲ့ စာတစ်အုပ်ပေါ့။ Mythology လေ့လာသူတွေအတွက် အဖိုးတန် စာ တစ်အုပ်ပါ။

ခုလက်ရှိ ကျနော့်အနေနဲ့ မနှစ်မြို့တာက သူများရဲ့ တစ်ကိုယ်ရေ လွတ်လပ်ခွင့်ကို ချိုးဖောက်ခြင်းပဲ။ မိမိဘုရားရဲ့ နာမတော်နဲ့ လူသတ်ခြင်း၊ လုယက်ခြင်း၊ အကြမ်းဖက်ခြင်းပဲ။ မိမိဘာသာရဲ့ နာမတော်နဲ့ ဘာသာခြား၊ ဘာသာမဲ့၊ ဘာသာလွတ်နဲ့ မိမိဘာသာမှ ဂိုဏ်းခွဲထွက်သူများကို ထောင်ချခြင်း၊ အဓမ္မဝါဒီ အဖြစ် စွပ်စွဲခြင်း၊ တရားဟောခွင့် ပိတ်ပင်ခြင်း၊ စာရေးသား ဖြန့်ဝေခွင့် ပိတ်ပင်ခြင်း၊ မိမိ ဘာသာကို ပါးစပ်ဖြင့် ထိပါးသူကို ဖမ်းဆီးခြင်း၊ ခြိမ်းခြောက်ခြင်း၊ သတ်ဖြတ်ခြင်း၊ ဘာသာရေးနဲ့ ညိနေတဲ့ အမှန်တရားကို ထုတ်ဖော်တဲ့အတွက် ထုတ်ဖော်သူကို ဒုက္ခပေးခြင်း စတဲ့ အပြုအမူတွေကိုတော့ ဆန့်ကျင်ဆဲပါပဲ။

သေချာတာ တစ်ခုက ကျနော်ဟာ အဖေ့ဗိုက်ပေါ် မှောက်အိပ်တဲ့ ကလေးဘဝတည်းက စိတ်ဝင်စားခဲ့တဲ့ လောကကြီး ဘယ်လို အလုပ်လုပ်နေလဲဆိုတဲ့ မေးခွန်းမှာ အဖြေလေးတွေ ရှာရင်း ကျေနပ်မွေ့လျော်မိစဉ်မှာ မိမိဘဝရဲ့ ရည်ရွယ်ချက်နဲ့ စာရိတ္တတန်ဖိုးတွေ အတွက် ဒဿနကို အားကိုးမှာဖြစ်ပါတယ်။

ဘာသာတရားတွေနဲ့ကတော့ အားလုံး peace ပါ :) ။ ဒါပေမယ့် အထက်က ပြောခဲ့တဲ့ အကြောင်းအရာမျိုးနဲ့ လာညိရင်တော့ အရင်က အကျင့်အတိုင်း ကက်ကက်လန်အောင် ပြန်ပြောပစ်ဦးမှာ ဖြစ်ကြောင်း ကြိုတင် အသိပေးအပ်ပါတယ်။ :D ခုလို အခြေအနေမျိုးရောက်လာအောင်တော့ Trial and Error နည်းနဲ့ စမ်းတဝါးဝါး လှမ်းလျှောက်လာခဲ့ရတာပါပဲ။

ဟောလို ၁၈နှစ်ကျော်ကျော်ရှိမယ့် ကျနော့် ဘဝအကျဉ်းချုပ် (နည်းနည်းတော့ ရှည်သွားတယ်နော် :D) ကို ဖတ်ပေးလို့ ကျေးဇူးပါဗျ။

(ကျော်စွာလင်း ၏ Facebook ကိုလည်း သွားရောက်ကြည့်ရှု့နိုင်ပါတယ်)



21 comments :

  1. credit အနေနဲ့ ဖေ့ဘုတ် လင့်ခ်လေး ထည့်ပေးပါလား။ ပြီးတော့ ဟိုပုံကြီးက demotivational poster ကြီးလေဗျ။ စာနဲ့ သိပ် မကိုက်ညီလှဘူးလေ။ ထည့်မယ်ဆိုရင် motivational poster လေးတင်ပေးပါ။ :D

  1. Naura said... :

    စာရေးသူရဲ့ ရည်ရွယ်ချက်ကို သဘောတူ ထောက်ခံပါတယ်။

  1. Unknown said... :

    ဖတ်ရတာ စိတ်မကောင်းပါဘူး၊ မိမိရဲ့ အသက်ရွယ် အတွေ့ကြုံ အတွေးခေါ် အယူဆတွေနဲ့ ရေးတဲ့စာဟာ အဖွဲ့စည်းတခုကို ပျက်စီးရာ ပျက်စီးကြောင်း မဖန်တီးကောင်းပါဘူး၊ ပညာသင်တာ လူ့အဖွဲ့စည်းကို အကျိုးပြုဖို့ပါဗျာ။

  1. Unknown said... :

    လူငယ်ဘ၀မှာ ခေတ်ပညာတွေနဲ့  ထိတွေ့ ပြီးဒီလို အတွေး အခေါ်တွေ ပေါ်တတ်ပါတယ်။ ဒီထက်ပိုပြီး စာများများဖတ်ပါ။

  1. Unknown said... :

    လူငယ်ဘ၀မှာ ခေတ်ပညာတွေ နဲ့  ထိတွေ့့ပြီး ဒီလို အတွေး အခေါ် တွေဝင်တတ်ပါတယ်။ ဘ၀ အတွေ့  အကြုံ နဲ့  ပညာအတွေ့  အကြုံတွေ ဒိထက်များ လာ တဲ့  နောင် ၁၀ နှစ် ကျော်လာရင်ဒီလိုစကားမျိုး ပြောမပြော စောင့် ကြည့် ပါရစေ။

  1. Anonymous said... :

    သူရေးတာတွေဟာစိတ်ဝင်စားစရာကောင်းပါတယ်။ကျွန်တော်လဲ Richard Dawkins ရဲ့စာအုပ်တွေ (The Greatest Show on Earth, God Delusion) Youtube မှာရှိတဲ့ သူ့ရဲ့ Evolution နဲ့ပါတ်သက်တဲ့ Video တွေ၊တခြား scientists တွေရဲ့ခိုင်မာတဲ့ တွေ့ရှိချက်တွေကြည့်ပြီးဘာသာရေးအားလုံးကိုအယုံအကြည်မရှိသလောက်နီးပါးဖြစ်သွားတယ်။အဓိကအချက်ကတော့ကိုယ့်ဘာသာကိုရှေ့တန်းတင်ပြီးတခြားဘာသာဝင်တွေ၊ ဘာသာမဲ့တွေကိုမနှိပ်ကွပ်ဖို့ပါဘဲ။

  1. Anonymous said... :

    လူသားတိုင်းကိုယ်ပိုင် လွတ်လပ်စွာသဘောထားကွဲလွဲခွင့်ရှိပါတယ်။ ဒါပေမယ့် အခု စာကို ရေးသားတဲ့သူဟာ ဘယ်လို ရည်ရွယ်ချက်နဲ့ဒီစာကို တင်လိုက်လဲ ဆိုတာ တော့ နားလည်ရခက်နေဆဲပါပဲ။ သူပြောတဲ့အကြောင်းတွေကို ဆက်လက်ပြီဆွေးနွေးချင်ပါတယ်။ စကြာဝဠာ တို့ မြင့်မိုရ်တောင်း တို့ သာမာန်မျက်စိတ်နဲ့ မြင်လို့မရတဲ့ အရာတွေဆိုတာ သိသင့်တယ်လို့တော့ထင်ပါ။ ပြောမယ်ဆိုရင် ဘာမြူဒါတြိဂံ မှာ ဘာတွေဖြစ်နေတယ်။ ဘယ်လိုအရာတွေ စုဝေးနေတယ်ဆိုတာကိုတောင် ယနေ့ တိုးတက်ပါတယ်ဆိုတဲ့ သိပ္ပံပညာနဲ့ စမ်းသပ်လို့ မရသေးပါဘူး။ နောက်ပြီ စကြာဝဠာကိုကြီးကို မြင်ရဖို့အတွက်ဆိုတာ လူသားတိုင်းအတွက်မဖြစ်နိုင်ပါဘူး။ အခုခေတ် ခေတ်မှီ မှန်ပြောင်းတွေနဲ့ ကြည့်မယ်ဆိုရင်တော့ အနည်းငယ်မြင်ရနိုင်ပါတယ်။ အဓိက အချက်တွေကတော့ လူသားတွေ နေ့စဉ်စားချက်တွေ ကို ဘယ်လို အရာတွေနဲ့ အချစ်ကြောင့် ပုဆွေးကြရတာ။ ၀မ်းနည်းကြရတာ။ ကြေကွဲကြရတာ။ ဒေါသဖြစ်ကြရတာ။ လောဘ ဖြစ်ကြရတာ။ အသိမှုတွေ ဖြစ်ကြရတာ။ လူသားတွေ ခံစားနေကြရတဲ့ဆင်းရဲတွေ ကို ဘယ်လို ကုစားကြမလဲ။ ဘယ်ဘာသာတရားက လက်တွေ့ကျတဲ့ အတွေးအခေါ် အယူုအဆ။ စမ်းစစ်ပိုင်ခွင့် နဲ့ လွတ်လပ်စွာ တွေးခေါ်စဉ်းစားနိုင်မလဲဆိုတာ လေ့လာရမှာ ဖြစ်သလို။ ကိုယ့်ရဲ့ ခန္ဓာ ကိုယ်မှာ စိုက်ဝင်နေတဲ့ အဆိပ်တွေအပြည့်နဲ့မြှား ကို ဆွဲမထုက်ပဲ။ ဒီမြှားကို ပစ်လိုက်တဲ့သူဟာ ကုလားလား။ ဗမားလား။ ဘုရင်း လား မုဆိုးလား။ အရှေ့က ပစ်လိုက်တာလား အနောက်ကပစ်လိုက်တာလား။ တောင်က ပစ်တာလား။ မြောက်ကပစ်တာလားလို့။ စသည်အားဖြင့်တွေးခေါ်စဉ်းစားနေမယ်ဆိုရင်တော့ အဆိပ်တွေ ခန္ဓာ ကိုယ်ကို ပြန့်နှံ့ပြီ သေဆုံးသွားရမှာ ဖြစ်ပါတယ်။ လူ့ဘ၀ ကို ရ၇ှိတဲ့သူ တစ်ယောက်ဟာ ဘယ်လိုနည်းနဲ့ပဲ ရောက်လာခဲ့ ရောက်လာခဲ့ လူသားဆန်မှုနဲ့အတူ ငြိမ်းသော ဘ၀ ပိုင်ရှင်ဖြစ်ဖို့နဲ့။လူဖြစ်ရခြင်းရဲ့ အဓိက ရည်၇ွယ်ချက်တွေကို ရောက်အောင်သွားဖို့ပဲ လိုပါတယ်/

  1. Moe Htet Myint said... :

    တကယ်လည်း ဥာဏ်ကောင်းတယ်၊ ကိုယ်တိုင်လည်း ငါသည် တော်တယ် တတ်တယ်လို့ သိထားသူ ထင်ထားသူတွေမှာ အများဆုံးတွေ့ရတတ်ပါတယ်။ ကမ္ဘာ့လူဦးရေရဲ့ သုံးရာခိုင်နှုန်းသည် ဘာသာမဲ့ ဖြစ်ပါတယ်။
    သို့သော် ဟိမ၀န္တာလောက်နှင့် ဘာသာမဲ့ဖြစ်လာတယ် ဆိုရင်တော့ ငါမှငါ များလွန်းပါတယ်။ ဘာသာရေးနှင့် ပတ်သက်ရင် အကာလား အနှစ်လား မခွဲခြားနိုင်လောက်အောင် ဥဏ်နည်းလွန်းလှပါတယ်။ ကိုယ်ဘာသာထဲ ၀င်ဝင်ထွက်ထွက် ဘာခံစားမှုမှ မရှိပါဘူး။ ကလေးတွေ အယူမှားမှာ စိုးလို့ပါ။
    ဘာသာမဲ့ကြီးကို လူတိုင်းကြုံရနိုင်တဲ့ နိမ့်ပါးမှုတွေထဲက အရွယ်မတိုင်ခင် ဖြစ်ချိန်မတန်ခင် ကျန်းမာရေး နိမ့်ကျဆိုးဝါးမှု မတွေ့ကြုံပါစေနဲ့ လို့ပဲဆုတောင်းပေးလိုက်ပါတယ်။ ဘာသာမဲ့ပဲဖြစ်ဖြစ် ဘာသာရှိပဲဖြစ်ဖြစ် ဘ၀မှာ အဆိုးဝါးဆုံးတွေကြုံလာရင် တည်တည်ငြိမ်ငြိမ် ဖြတ်သန်းနိုင်ဖို့ အရေးကြီးတယ် ဆိုတာ လက်ဆောင်ပါးပါရစေ

  1. Anonymous said... :

    I agreed 0nly 50% on this article because I believe bcos of the religion we have in myanmar, we myanmar people are more politer than lot os people who do not have religion around the world.
    logic and religion should not be opposite.Lot of people around the around the world become buddihism ,why?
    May be they not smart like you,do you think?Check your forehead please.

  1. May said... :

    ဆရာတော် ဦးဇောတိက (မဟာမြိုင်တောရ)ရဲ့ စာအုပ်တွေ ဖတ်စေချင်ပါတယ်

  1. ကောင်းပါတယ်ဖတ်လို့ကတော့

  1. kk said... :

    ဆရာတော်ဥူးသုမင်္ဂလဧ။်တရားတွေများများနာစေချင်ပါတယ်။

  1. (((သူရေးတာတွေဟာစိတ်ဝင်စားစရာကောင်းပါတယ်။ကျွန်တော်လဲ Richard Dawkins ရဲ့စာအုပ်တွေ (The Greatest Show on Earth, God Delusion) Youtube မှာရှိတဲ့ သူ့ရဲ့ Evolution နဲ့ပါတ်သက်တဲ့ Video တွေ၊တခြား scientists တွေရဲ့ခိုင်မာတဲ့ တွေ့ရှိချက်တွေကြည့်ပြီးဘာသာရေးအားလုံးကိုအယုံအကြည်မရှိသလောက်နီးပါးဖြစ်သွားတယ်။အဓိကအချက်ကတော့ကိုယ့်ဘာသာကိုရှေ့တန်းတင်ပြီးတခြားဘာသာဝင်တွေ၊ ဘာသာမဲ့တွေကိုမနှိပ်ကွပ်ဖို့ပါဘဲ။)))

    အဲ့ အကိုရေ... သိပ္ပံကြောင့်တော့ ဘာသာရေး ယုံကြည်မှု လျော့စရာ မလိုပါဘူးဗျာ။ သိပ္ပံက လောကကြီး ဘယ်လို ဖြစ်ပျက်နေသလဲဆိုတာကို ရှင်းပြတဲ့ လူသားရဲ့ ကြိုးပမ်းချက် တစ်ရပ်ပါ။ ဘာသာရေးဆိုတာ ဘာလို့ ဖြစ်နေလဲ အကြောင်းအရင်းကို အဖြေရှာတဲ့ လူသားရဲ့ ကြိုးပမ်းချက်ပါ။

    ဘာသာရေးကို စိတ်ဝင်စားရင် လေ့လာကျင့်သုံးပါ။ မေတ္တာပွားမယ့်၊ သောက နည်းမယ့် ဘာသာရေးမျိုးတော့ ဖြစ်ဖို့ လိုမယ်။ သူတပါးကို ထိခိုက်မယ့် ယုံကြည်မှုမျိုးတော့ မဖြစ်စေနဲ့ပေါ့လေ။

    စိတ်မဝင်စားရင်တော့ ဘာသာရေးရဲ့ အနှစ်သာရတွေ ကို ဘာမှ ဝေဖန်တိုက်ခိုက်နေစရာ မလိုပါဘူး။ ဘာသာရေးကနေ ဖြာထွက်တဲ့ သာသနာ အဖွဲ့အစည်းတွေ၊ နိုင်ငံရေး အာဏာတွေက "ဘာသာရေးဟာ လိုအပ်တယ်။ လုပ်ကို လုပ်ရမယ်" ဆိုတဲ့ သြဇာသက်ရောက်မှုမျိုးကိုတော့ နာခံပေးစရာမလိုပါ။ သူတစ်ပါးကို မထိခိုက်မယ့်၊ လူ့အဖွဲ့အစည်းကို အကျိုးဖြစ်စေမယ့်၊ မေတ္တာ ပွားများစေမယ့် မိမိ စိတ်ဝင်စားရာကိုပဲ ဇောက်ချ လုပ်ကိုင်နိုင်တာပေါ့။

  1. ကျော်စွာလင်း က သားလေး ပါ။ အဖေ က တော့ ငယ်စဉ်က အလွန် ဘာသာရေး ကိုင်းရှိုင်းခဲ့တယ်။ ဒဿနဗေဒ ကို နက်နက်နဲနဲ လိုက်စား ခဲ့တယ်။ မြန်မာ ထေရ၀ါဒ လောက မှာ ရှိတဲ့ ဘာသာရေး အာဏာရှင်ဝါဒ တွေ ကို အော့နှလုံးနာ လို့ မိမိ ကိုယ်တိုင်လဲ မြန်မာ ထေရ၀ါဒ လောက နဲ့ ကင်းကင်းလွတ်လွတ် နေခဲ့တယ်။ ဗုဒ္ဓ ဓမ္မ ကို ပါဠိစာပေ နဲ့ အင်္ဂလိပ်စာပေတွေ က နေ လေ့လာ ပြီးတော့ ဂိုဏ်းဂဏ မစွဲ တဲ့ ဗုဒ္ဓဘာသာဝင် တစ်ယောက် ဖြစ်ခဲ့တယ်။ ကိုယ့်ရဲ့ Spirituality ကို ကိုယ့်ဘာသာကိုယ် ရှာဖွေတွေ့ခဲ့ ရတာ လေ။ သား ကို တော့ ငယ်ငယ် တည်း က သပိုင်း နဲ့ သိပ္ပံ စာအုပ်တွေ အများဆုံး ဖတ်စေခဲ့တယ်။ လောက ရဲ့ သဘာဝ အမှန်တရား တွေ ကို မြတ်နိုးတတ်အောင် အံ့သြတတ်အောင်ပဲ သင်ပေးခဲ့တာ လေ။ သူ့ ငယ်ငယ် ကျောင်းသား ဘ၀ ရဲ့ ပတ်ဝန်းကျင် နဲ့ နာကျည်းမှု တွေ က သူ့ ကို ဘာသာမဲ့ တစ်ယောက် ဖြစ်စေခဲ့ တာ လေ။ အခုတော့ လူသားဝါဒ ကို လက်ခံယုံကြည် နေပါပြီ။ လောက ကို အကျိုးပြု မဲ့ လူကောင်းလူမွန် တစ်ယောက် ဖြစ်အောင် ကြိုးစားမဲ့ သား လို့ ပဲ ယုံကြည်ပါတယ် ဆို တာ ပြောပါရစေ။

  1. MMS said... :

    အတွေးအခေါ် ဘောင်ကျဉ်းလွန်းပါတယ်လို့ ပြောပါရစေ။

    အတွေးအခေါ် နုနယ်တဲ့ ကလေးတွေ ဖတ်မိရင် အယူအဆ လွဲမှားသွားနိုင်ပါတယ်။

    ဗုဒ္ဓဘာသာရဲ့အကြောင်းကို ဗုဒ္ဓဘာသာဝင် အားလုံးရဲ့ ၁၀ ရာခိုင်နှုန်း လောက်တောင် ဂဂနန မသိရှိကြပါဘူး။ ဗုဒ္ဓဘာသာကို သေချာမလေ့လာကြလို့ပါ အတင်းအကျပ် ကိုးကွယ်ယုံကြည်ခိုင်းတာ ဘယ်တုံးကမှမရှိခဲ့ပါဘူး။

    ဒီစာကိုဗရးတဲ့သူရော သူ့အဖေရော ၂ ယောက်စလုံးဟာ မိမိကိုယ်ကို သိပ်အထင်ကြီးလွန်းတယ် လို့သုံးသပ်မိပါတယ်။

  1. Anonymous said... :

    ဒီပို့စ်ရဲ့ရေးသားသူကို ဘာသာရေးလေ့လာစေချင်သည် ဘယ်စာအုပ် ဘယ်တရားတွေကိုတော့ ဖတ်စေချင်သည်ဆိုသူများကို
    အထူးသဖြင့် ပြောချင်သည်မှာ တွေးခေါ်ဆင်ခြင်တတ်သော (ဘယ်သူပြောလို့မှန်တယ်လို့လက်ခံလိုက်တယ်ဆိုတာမျိုး မဟုတ်ဘဲ) ဦးနှောက်ဖြင့်
    အရာရာကို ဝေဖန်ပိုင်းခြား စေချင်ပါသည်။

    ဘာသာရေးကို သေချာမသိတဲ့သူအချင်းချင်း ဤစာမှာ အဆိပ်အတောက်ဖြစ်သည်လို့ အမည်တပ်ခြင်းမှာ မိမိတို့၏ နားလည်လက်ခံနိုင်စွမ်း
    နိမ့်ကျနေသေးခြင်းဖြစ်သဖြင့် ပို၍အားထုတ်တွေးခေါ်တတ်ရန် လေ့ကျင့်ကြသင့်ပါသည်။
    မိမိကိုယ်တိုင် အမှန်လား အမှားလား ဂဂနန မသိဘဲ (သိလို့ကိုးကွယ်တာ လို့ပြောသူများသည် အခြားသူကို ၊
    မိမိကိုယ်ကို သိသယောင်လိမ်ညာနေကြခြင်းဖြစ်သည်ကိုပင် မစဉ်းစားနိုင်သေးကြသူများဖြစ်နေကြလေ့ရှိသည်)
    မိမိတို့ရဲ့ ကလေးငယ်များကို ငယ်ရွယ်စဉ်ထဲက ဘာသာရေးကိုးကွယ်မှုတခုခုအောက် ဆွဲသွင်းကြခြင်းကို ရှောင်ရှားသင့်ပါသည်။

    မိမိဘာသာသာလျှင် အမှန် သူတပါးအယူအဆမှာ အမှားဖြစ်သည်ဟု တွေးထင်နေသောဘာသာများမှာ နားလည်မှုကင်းမဲ့သော ဘာသာများသာဖြစ်လာလိမ့်မည်။
    ဘာသာမဲ့ဖြစ်ခြင်း ဘာသာခြားဖြစ်ခြင်းကို ရှုံ့ချခြင်း ပြုသူများသည် ပို့စ်ရေးသူလောက်ပင် တွေးခေါ်နိုင်ခြင်းမရှိသော အသက်ကြီးသော်လည်း တွေးခေါ်မှု မရင့်ကျက်သေးသူများ ဖြစ်လာကြမည်။

  1. Anonymous said... :

    အဖြေမပေးနိုင်တဲ့အဖေ အမေကို မေးတာကိုး။စရိုက်အရလဲသူပြောသလိုအလိုလိုက်ခံထားရတော့..ကိုယ့်သဘောကိုယ်ဆောင်ချင်တဲ့သဘောထင်ပါတယ်။လေ့လာစူးစမ်းတတ်စမှာတရားစစ်တရားမှန်ကိုသေချာရှင်းမပြနိုင်တော့မယုံကြည်ဖြစ်တာထင်ပါတယ်။ခလေးငယ်သေးတယ်ဆိုပြီးပေ့ါပေ့ါတွေးကြမှာပေါ့။
    ဘာသာရေးမှာမြင့်မိုရ်တောင်ထက်ပိုလေးနက်တာ၊မိရိုးဖလာကိုးကွယ်မှုထက်ပိုနက်ရှိုင်းတာရှိပါတယ်။စာဖတ်အားကောင်းတယ်၊ပညာတော်တယ်၊တွေးတတ်ခေါ်တတ်ပါရဲ့နဲ့ လမ်းလွဲနေပြီ။သေချာလေ့လာပြီးမှအားလုံးကိုကျင့်ကြံပြီးမှ(ဘယ်အရာမဆို)ဘာသာမဲ့တာကောင်းမကောင်းဆုံးဖြတ်သင့်တယ်။ဒါပေမယ့် ဒိဌိ ကပ်နေရင်တော့ တရားသိဖို့ မလွယ်ဘူးလို့ ပြောကြတယ်။

  1. Unknown said... :

    မြန်မာလိုရေးပြီးလျှင် အင်္ဂံလိပ် (သို့) တခြားဘာသာ တခုနှင့်လည်းရေးဖို့ တောင်းဆိုပါရစေ၊ မျှတမှု့သည်လည်း လူ့အဖွဲ့အစည်းအတွက် အရေးပါသည်ဟု ထင်မြင်မိပါသည်။

  1. Anonymous said... :

    First of, to all those people who are writing to him to read more books...
    Have you people read more books yourself? Have you ppl read texts from other religions? Have you read philosophical papers on ethics, morality,dualism..etc?
    Have you read neuroscience and psychology papers on thought and brain development? If you have not attempted to do so, you should not chide him for narrow-mindedness. At least, he is attempting to think outside of the box. If the purpose of religion is to give us peace, then if we are to attach to a defined set of ideas and all non-conformists are dubbed as deviants n idiots then, you have totally missed the point. Buddhism is a way of life..a way to seek truth...and in fact, as an atheist, I feel that Buddhism in its essence as stated in Kalama script (being free to choose to believe what we have verified to the best of knowledge as true) shares its core with atheism and agnosticism....n every other philosophy that preaches freedom from attachment (yeah..should not that include nationality, race...religion etc?)

  1. ဘာသာတရား ဆို တာ တမလွန်ယုံကြည်မှု တွေ နဲ့ အဓိသက်ဆိုင်ပါတယ်။ ဘ၀ အနက်အဓိပ္ပါယ် နဲ့ တမလွန် လောက အတွက် အမြင်အမျိုးမျိုး ယုံကြည်မှု အမျိုးမျိုး ရှိတယ်။ အများစု က တော့ မိမိ ပတ်ဝန်းကျင် က မိရိုးဖလာ ယုံကြည်မှု ကိုပဲ လက်ခံခဲ့ ကြတယ်။ အနည်းစု က တော့ မိမိ ဘာသာ စိတ်ကြိုက် စိစစ် ရှာ ဖွေ ပြီး မိမိ နှစ်သက်ရာ ဘာသာတရား ကို ကူးပြောင်းယုံကြည်ကြတယ်။ တစ်ချို့ ကျတော့ လဲ ဒီ ယုံကြည်မှု တွေ က ဘ၀မှာ သိပ် အရေးမပါလှဘူးလို့ ထင်ချင်ထင်မယ်..ဘာကိုမှ မရွေးချယ် မယုံကြည်ပဲ နေချင် လဲ နေမယ်။ သူတို့ ကို ဘာသာလွတ်တွေ ဘာသာလပ် တွေ ဘာသာမဲ့တွေ ဘာသာ မရှိသူတွေ လို့ ဆို ချင်ဆို နိုင်ပါလိမ့်မယ်။
    သား-ကျော်စွာလင်း က တော့ သိပ္ပံနည်းကျ လေ့လာစူးစမ်းမှု နဲ့ လူသားဝါဒ ဘ၀ အမြင် ကို ယုံကြည်သူ ဖြစ်တယ်လို့ ထင်တယ်။ ဒါက ပဲ သူ့ဘ၀ ရဲ့ ဘာသာရေး ဖြစ်ချင်ဖြစ်သွားလိမ့်မယ်။ လူဆိုတာ ဘာသာရေးသတ္တ၀ါ ဖြစ်လို့ ဘာသာရေး နဲ့ တော့ ကင်းမယ် မထင်ဘူး။ ဘာသာရေးဆိုတာ မိမိ အထွဋ်အမြတ် တန်ဖိုးထား တဲ့ Ultimate Concern တစ်ခုခု ပါပဲ။ လူတိုင်း မှာ ဒီလို တန်ဖိုး တစ်ခုခု အနည်းဆုံး ရှိကြမှာ ဆို တော့ တကယ် ဘာသာမဲ့တဲ့ သူ ဆို တာ မရှိဘူးလို့ တောင်ဆိုနိုင်တယ်။

    လက်ရှိ အဖွဲ့အစည်းဘာသာရေးတွေ Institutional Religions ကို မကိုးကွယ်သူ သာ ဖြစ်ချင်ဖြစ်မယ်ပေါ့။ ဒါက လူသားရဲ့ အခြေခံ အခွင့်အရေး တစ်ရပ်ပဲ ဖြစ်လို့ ပါပဲ။ မိမိရဲ့ လွတ်လပ်မှု ကို အဖွဲ့အစည်းဘာသာရေးတွေ က ပေးတဲ့ စိတ်လုံခြုံမှု နဲ့ မလဲ နိုင်သူတွေ အဖြစ်သာ နားလည်ပေးကြဖို့ ဖြစ်ပါတယ်။

  1. yanL said... :

    Buddha never teaches to believe anything, even his teaching, without self thinking.

Post a Comment

 
Copyright © 2014 Irrawaddy Publishing Group. All Rights Reserved