မေး။ ။ မြန်မာဆိုတာကို ဘယ်အချိန်ကတည်းက စိတ်ဝင်စားခဲ့တာလဲ။
ဖြေ။ ။ လွန်ခဲ့တဲ့ ၁ နှစ်လောက်က စပြီး စိတ်ဝင်စားလာခဲ့ပါတယ်။
မေး။ ။ မြန်မာနဲ့ပတ်သက်လို့ ဘယ်လောက်အထိသိထားလဲ။
ဖြေ။ ။ သိသင့်သိထိုက် သလောက် မသိသေးဘူး အဲ့ဒါကြောင့်မို့လို့ မြန်မာမဂ္ဂဇင်းတွေ ဖတ်လိုက်၊ မြန်မာသူငယ်ချင်း အသိမိတ်ဆွေတွေနဲ့ ဆက်ဆံလိုက် လုပ်ရာကနေ မြန်မာ့အကြောင်း နည်းနည်းစီ လေ့လာနေပါတယ်။
မေး။ ။ မြန်မာနိုင်ငံကို ဘယ်လိုမြင်လဲ။
ဖြေ။ ။ မြန်မာလူမျိုးတွေက စိတ်ရင်းကောင်းပါတယ်။ သူများကို ကြင်နာတတ်တယ်။ အချင်းချင်း ကူညီကြတယ်။ ဂျပန်မှာ ဆိုရင် သူများကို အကူအညီပေးဖို့ ဝန်လေးတဲ့လူက ခပ်များများ။ မြန်မာလူမျိုးနဲ့ ဆက်ဆံတဲ့အခါမှာ ကိုယ့်လူမျိုး ဆိုတာနဲ့ အချင်းချင်း ကူညီပေးနေကြတာကို တွေ့တဲ့ အခါ ဂျပန်လူမျိုးလည်း အဲဒါကို အတုခိုးရမယ်လို့တောင် ထင်မိပါတယ်။ မြန်မာနိုင်ငံမှာ အခု အခက်အခဲ တော်တော်များများ ရှိနေတာကိုလည်း ကြားသိရပါတယ်။ မြန်မာနိုင်ငံသား အချင်းချင်း ပြေလည်အောင် တိုင်ပင်ညှိနှိုင်း ဆွေးနွေးပြီး ပြဿနာတွေကို ကျော်လွှားစေချင်ပါတယ်။ နိုင်ငံသားနိုင်ငံသူ အားလုံး လုံခြုံစိတ်ချရအောင်၊ စိတ်ချမ်းချမ်းသာသာနဲ့ နေထိုင်နိုင်တဲ့ နိုင်ငံတနိုင်ငံ ဖြစ်စေချင်ပါတယ်။
မေး။ ။ ဘာကြောင့် မြန်မာဆိုတာကို စိတ်ဝင်စားရတာလဲ။
ဖြေ။ ။ လွန်ခဲ့တဲ့ ဧပြီလမှာ မြန်မာနိုင်ငံကို သွားပြီး သင်္ကြန်မဏ္ဍာပ်မှာ သီချင်းဆိုခဲ့တဲ့အခါ မတင် ဆိုတဲ့ စကားပြန် တစ်ယောက်နဲ့ တပတ်လုံးလုံး နေ့ရော ညပါ အတူတူ နေခဲ့ပါတယ်။ သူနဲ့ပဲ ရေပက်ကစားတယ်။ ရွှေတိဂုံဘုရားသွား ဖူးတယ်။ မြန်မာနဲ့ဂျပန် ပူပေါင်းပြီး တည်ဆောက်နေတဲ့ သီလဝါ အထူးစီးပွားရေးဇုန်လည်း သွားလေ့လာ တယ်။ အဲဒီတုန်းက သူက မြန်မာအကြောင်းကို အသေးစိတ် ရှင်းပြပေးတယ်။ မြန်မာနိုင်ငံက အရှိန် တဟုန်ထိုး တိုးတတ်လာနေတာကို တွေ့မြင်တဲ့အခါ ပိုပြီး စိတ်ဝင်စားလာခဲ့ပါတယ်။
မေး။ ။ မြန်မာသီချင်းတွေကို အနီးစပ်ဆုံး တူအောင်လိုက်ဆိုနေတာ တွေ့ရတော့ မြန်မာဆိုတာမှာ သီချင်း အနုပညာ တခုတည်းကိုပဲ စိတ်ဝင်စားတာလား။ မြန်မာနဲ့ ပတ်သက်လို့ တခြားဘာတွေ စိတ်ဝင်စားသေးလဲ။ ဥပမာ - မြန်မာ့ ယဉ်ကျေးမှု၊ မြန်မာ့ရေမြေ တောတောင် သဘာဝ၊ မြန်မာတိုင်းရင်းသားတွေအကြောင်း၊ မြန်မာစာ မြန်မာစကား ၊ မြန်မာ့အစားအစာ စသဖြင့်ပေ့ါ။
ဖြေ။ ။ သီချင်းအပြင် အခြားအကြောင်းအရာ တွေကိုလည်း စိတ်ဝင်စားပါတယ်။ မြန်မာ အစားအသောက်ဆို သိပ်ကြိုက် သွားလို့ မကြာခဏလိုလို ဂျပန်မှာလည်း မြန်မာ စားသောက်ဆိုင်ကို သွားစားပါတယ်။ ချင်းသုပ်နဲ့ လက်ဖက်သုပ် ဆိုရင် ဆိုင်ကို ရောက်တိုင်း စားပါတယ်။ အသုပ်တွေက ကျန်းမာရေးကောင်းလို့ ကြိုက်ပါတယ်။ ဖက်ရှင်လည်း စိတ်ဝင်စား ပါတယ်။ ဂျပန်မှာ ကျင်းပခဲ့တဲ့ မြန်မာ့ဖက်ရှင်ရှိုး ကိုလည်း သွားကြည့်တယ်။ မြန်မာဖက်ရှင်က ဂျပန်မှာ အရောင် သုံးတာချင်း ကွာလို့ ဘယ်လို ဝတ်ဆင်ရမလဲလို့ စဉ်းစားတဲ့အခါ အတွေးအသစ် ရတာမျိုးလည်း ရှိတယ်။ နိုင်ငံရေး အကြောင်း၊ တိုင်းရင်းသားရေး အကြောင်း စတာတွေကျတော့ သိပ်မသိသေးဘူး။ ဒါပေမယ့် အချိန်ပေးပြီး လေ့လာသွား ချင်ပါတယ်။
မေး။ ။ မြန်မာစာ သင်နေတယ်လို့လည်း သိရတယ်။ ဘယ်အခြေအနေအထိ ရောက်နေပြီလဲ။ ဘာကြောင့် မြန်မာစာ သင်ချင်ရတာလဲ။
ဖြေ။ ။ မြန်မာသီချင်း စာသား အသံထွက်ပီအောင် လုပ်နေပါတယ်။ စကားတော့ သိပ်မရသေးဘူး။ ပြောတတ်အောင် ကြိုးစားနေပါတယ်။ မြန်မာလို ပြောတတ်လာရင် ကျမရဲ့ ခံစားချက်တွေကို ကောင်းကောင်း ကျမ ပရိသတ်တွေကို သီချင်းသီဆို ပေးချင်လို့ပါ။
မေး။ ။ ဆူဝါဂျွန်ကိုရဲ့ အနုပညာလှုပ်ရှားမှုနဲ့ မိသားစုဘဝ တစေ့တစောင်း အကြောင်းကို ဖြေကြားပေးပါဦး။
ဖြေ။ ။ ကျမဇာတိမြို့မှာ မိဘကတော့ ကျမ ငယ်ငယ်ကတည်းက စူပါမားကတ် ဖွင့်ထားပါတယ်။ ကျမတော့ မမှတ်မိဘူး ဆိုပေမယ့် မိဘကတော့ ကျမ ငယ်ငယ်တုန်းက ဆိုရင် ဈေးလာဝယ်တဲ့ လူတွေကို သီချင်းဆိုပြီး ကြိုဆိုခဲ့တယ်လို့ ကျမနဲ့ တွေ့တိုင်း ပြောပါတယ်။ ငယ်ငယ်ကတည်က အနုပညာ ဝါသနာပါတယ်လို့ ထင်ပါတယ်။ သီချင်းဆိုတာ တအား ကြိုက်လို့ ဝမ်းသာတဲ့ အခါ၊ ဝမ်းနည်းတဲ့အခါ အမြဲ သီချင်းဆိုဆိုနေကြတာကို မှတ်မိနေပါတယ်။ အသက်အရွယ် ရတော့ ဂျပန် တေးဂီတ ထုတ်လုပ်ရေး ကုမ္ပဏီနဲ့ စာချုပ်ချုပ်ပါတယ်။ အဲဒီချိန်မှာတော့ သိပ်နာမည် မရခဲ့ဘူး။ ဒါပေမယ့် ကမ္ဘာမှာ ကျော်ကြားတဲ့ အဆိုကျော် ဖြစ်ချင်တဲ့ ဇောနဲ့ အမေရိကကို သွားပြီး သီချင်းပြိုင်ပွဲမှာ ဝင်ပြိုင်ပါတယ်။ ဝင်ပြိုင်တော့ ကံကောင်း ထောက်မစွာနဲ့ ပထမဆု ရသွားတယ်။ နိုင်ငံပေါင်းစုံ ကနေ ဝင်ပြိုင်တဲ့ပွဲဖြစ်လို့ အရမ်းကို ပျော်တာပေါ့။ ဒါနဲ့ ဂျပန်ပြည်ကို ပြန်ပြီး အခုဆိုရင် ဂျပန်နိုင်ငံရဲ့ အနယ်နယ် အရပ်ရပ်ကို သွားပြီး ကျမ သီချင်းသံနဲ့ ပရိသတ်တွေကို ဖျော်ဖြေနေ ပါတယ်။ ကျမ သူများ သီချင်းကို Copy ဆိုတာလည်း ရှိသလို၊ ကိုယ်တိုင်း သီချင်း ရေးစပ်ပြီး ကိုယ်ပိုင်သီချင်းကို ဆိုတာလည်း ရှိပါတယ်။ ကိုယ်ပိုင်သီချင်း ဆိုရင် ကျမရဲ့ အနုပညာ ခံစားမှုတွေကို အပြည့်အဝ ထည့်သွင်းနိုင်တာပေါ့။
ကျမရဲ့ ရည်မှန်းချက်ကတော့ နိုင်ငံတကာကို သွားပြီး ကျမရဲ့ အနုပညာ ခံစားမှုတွေကို လူအများဆီကို တင်ဆက်နိုင်ဖို့ပါ။ ဒါနဲ့ ဂျပန်မှာ နေနေတဲ့ မြန်မာလူမျိုးတွေနဲ့လည်း တွေ့တယ်၊ သင်္ကြန်မှာ မြန်မာပြည်ကို သွားပြီး မဏ္ဍာပ်မှာ မြန်မာ ပရိသတ်ရှေ့မှာ သီချင်းဆို ဖျော်ဖြေနိုင်ခဲ့လို့ မြန်မာပြည်ကို ပိုကြိုက်သွားတယ်။ မြန်မာနိုင်ငံမှာလည်း မြန်မာ အနုပညာရှင် တွေနဲ့ အတူတူ တေးဂီတပွဲကို ကျင်းပ ဆင်နွှဲချင်ပါတယ်။ မြန်မာပြည်အကြောင်း၊ မြန်မာ အနုပညာ အကြောင်းကိုလည်း ကျမ ဂျပန်ဝရိသတ်တွေကိုလည်း ပြောပြချင်ပါတယ်။
မေး။ ။ Facebook မှာ Myanmar Page ဖွင့်ပြီးတော့ကို မြန်မာပရိတ်သတ်တွေနဲ့ ရင်းနှီးအောင်၊ Up to date ဖြစ်နေအောင် လုပ်ဖြစ်ရတဲ့ ရည်ရွယ်ချက်ကရော။
ဖြေ။ ။ ကျမ ဂျပန်မှာလည်း အနုပညာ အလုပ်လုပ်နေလို့ အမြဲတမ်း မြန်မာနိုင်ငံမှာ နေနိုင်မှာ မဟုတ်ဘူး။ ဒါပေမယ့် မြန်မာနဲ့ ဂျပန် ဘယ်လောက် ဝေးဝေး Facebook မှာ ပိုစ့်တင်လို့ရှိရင် ကျမရဲ့ သီချင်း၊ ကျမရဲ့ အနုပညာ စိတ်ခံစားမှု တွေကို တင်ဆက်နိုင်လို့ပါ။ ပရိသတ်တွေနဲ့ ပိုပြီး နီးနီးကပ်ကပ် နေနေတယ်လို့ ခံစားနိုင်တာလည်း ပါပါတယ်။
မေး။ ။ အခုဆိုရင် မြန်မာပရိသတ် ဘယ်လောက်ရှိသွားပြီလဲ။
ဖြေ။ ။ အခု ကျမ Facebook မှာ မြန်မာပရိသတ် ၆၀၀၀ ကျော်ရှိပါတယ်။
မေး။ ။ မြန်မာနိုင်ငံ၊ မြန်မာပရိသတ်နဲ့ ပတ်သက်လို့ ဘယ်လို အကြံဉာဏ်တွေ ဆုမွန်ကောင်းတွေ တောင်းပေး ချင်ပါသလဲ။
ဖြေ။ ။ ကျမကို အမြဲ အားပေးတဲ့အတွက် ကျေးဇူးတင်ပါတယ်။ မြန်မာသီချင်း များများ ဆိုတတ်အောင် ကြိုးစားသွားပါမယ်။ ကျမ ကိုယ်ပိုင် သီချင်းတွေကိုလည်း မြန်မာလို ဘာသာပြန်ပြီး မြန်မာပရိသတ်တွေကို တင်ဆက် ချင်ပါတယ်။ မြန်မာ့အနုပညာရှင် များနဲ့လည်း အတူတူ ဂီတပွဲကို မြန်မာနိုင်ငံရော၊ ဂျပန်နိုင်ငံမှာပါ ဆင်နွှဲ တင်ဆက်ချင် ပါတယ်။ မြန်မာအကြောင်းကို ကြိုးစား သင်ယူပြီး ဂျပန်မှာ တွေ့ခဲ့တဲ့ မြန်မာလူမျိုးရဲ့ ကောင်းတဲ့ အကြောင်း ကိုလည်း ဂျပန်လူမျိုးကို အသိပေး နားလည်အောင်လည်း လုပ်ချင်ပါတယ်။ မြန်မာနိုင်ငံကိုလည်း တတ်နိုင်သလောက် မြန်မြန်ပြန်လာပြီး မြန်မာပရိသတ်တွေနဲ့ ပြန်တွေ့ချင်ပါတယ်။ ကျမကို ဆက်ပြီး အားပေးပါဦး။ အခုလို ကျမကို အင်တာဗျုးတဲ့ ဧရာဝတီကို ကျေးဇူးတင်ပါတယ်။ ကျမရဲ့ မြန်မာပရိသတ် အားလုံးကိုလည်း အထူး ကျေးဇူးတင်ရှိပါတယ်။
0 comments :
Post a Comment