မြန်မာနိုင်ငံရဲ့ ဆက်သွယ်ရေးအော်ပရေတာဖြစ်တဲ့ MPT က အောက်တိုဘာ ၂၄ ရက်နေ့မှာ မြန်မာနိုင်ငံရဲ့ ပထမဆုံးတယ်လီသွန် အစီအစဉ်အတွက် Official partner အဖြစ်ဆောင်ရွက်ခဲ့ပါတယ်။
တယ်လီသွန်ဟာ ဒေသခံအဖွဲ့တွေနဲ့ ပူးပေါင်းပြီးရေဘေးသင့်ဒေသများ ပြန်လည်ထူထောင်ရေးလုပ်ငန်း တွေအတွက် ရန်ပုံငွေရှာဖွေတဲ့ သီတင်းကျွတ် Coca cola ဂီတဖျော်ဖြေပွဲရဲ့ လှုပ်ရှားမှုတရပ်လည်းဖြစ်ပါတယ်။ MPT က ဂီတပွဲတော်နဲ့ တယ်လီသွန်ရဲ့ ဆက်သွယ်ရေးကဏ္ဍ ၂ ခုစလုံးအတွက် Official partner အဖြစ် ကူညီဆောင်ရွက်ထားခြင်း ဖြစ်ပါတယ်။
နာမည်ကြီးသရုပ်ဆောင်များဖြစ်ကြတဲ့ နေတိုး၊ ပြေတီဦး၊ ဝတ်မှုံရွှေရည်၊ နန်းစုရတီစိုးတို့ကလည်း တယ်လီသွန် ပြုလုပ်ရာ ယာယီအဆောက်အဦးမှာ လှူဒါန်းမှုမှတ်တမ်းအတွက် အသိအမှတ်ပြုဖို့ ရှိနေခဲ့သလို၊ ဖုန်းခေါ်ဆိုမှုများကို ဖြေဆိုခြင်း၊ လှူဒါန်းမှု ကတိကဝတ်များလက်ခံခြင်းတို့အတွက် အလှမယ်များဖြစ်ကြတဲ့ ထက်ထက်ထွန်း၊ မေဘရဏီသော်၊ ဟန်လေးနဲ့ ချိုချိုထွန်းတို့ကဆောင်ရွက်ပေးကြပါတယ်။
“မြန်မာနိုင်ငံရဲ့ ပထမဆုံးတယ်လီသွန်ရန်ပုံငွေရှာဖွေပွဲက နိုင်ငံတဝှမ်းမှာ ရေဘေးသင့်ဒေသတွေအတွက် ကူညီထောက်ပံ့မှုတွေကို ပြုလုပ်နေတဲ့ MPT ရဲ့ လှုပ်ရှားမှုတွေထဲက တခုဖြစ်ပါတယ်၊ ရန်ပုံငွေဖျော်ဖြေပွဲ မှာလည်း ပျော်ရွှင်စရာအချိန်အခါတွေ ဖန်တီးပေးမှာပါ။ မိသားစုတွေ အများကြီးတစုတဝေးတည်း ပျော်ရွှင်နိုင်တယ်၊ မတူညီတဲ့ ဂီတမျိုးဆက်တွေနဲ့ ဂီတအမျိုးအစား အကုန်လုံးကိုလည်း တပေါင်းတစည်းတည်း ခံစားနိုင်တယ်ဆိုတော့ ဒီလိုပွဲကြီးမှာ ပူးပေါင်းပါဝင်ခွင့်ရတဲ့အတွက် MPT က အရမ်းဝမ်းသာဂုဏ်ယူပါတယ်” လို့ MPT-KSGM Joint Operationsရဲ့ Chief Commercial Officer ဖြစ်သူ Mr. Koichi Kawase က ပြောခဲ့ပါတယ်။
လှူဒါန်းမှု တခုပြုလုပ်ရန် ပြောကြားပြီးပါက ငွေသားများကို Rebuild Myanmar Fund သို့ အဆင်ပြေ နှစ်သက်ရာ ရိုးမဘဏ် ဘဏ်ခွဲတွေကနေ လွှဲပေးနိုင်မှာဖြစ်ပြီးတယ်လီသွန်ဖုန်းခေါ်ဆိုမှုများမှာ မှတ်ယူထားမယ့် အချက်အလက်တွေမှာတော့ ခေါ်ဆိုသူအမည်၊ လှူဒါန်းမယ့် ပမာဏ၊ မှတ်ပုံတင်နံပါတ်၊ နေထိုင်တဲ့ မြို့နယ်နဲ့ ဆက်သွယ်ရန် ဖုန်းနံပါတ်တို့ ပါဝင်မှာ ဖြစ်ပါတယ်။
ထက်ဦးဝေ
0 comments :
Post a Comment