နိုင်ငံတော်အကြီးအကဲ ဗိုလ်ချုပ်မှူးကြီးသန်းရွှေနဲ့ ဇနီးဒေါ်ကြိုင်ကြိုင် အမှူးပြုတဲ့ မြန်မာနိုင်ငံတော် အာဏာ တသက်လုံး ချုပ်ကိုင်ထားရေး အစီအမံ လမ်းပြမြေပုံ ၇ ဆင့် ပြီးဆုံးအောင်မြင်ပြီဆိုတဲ့ အထိန်းအမှတ်နဲ့ မနေ့ မနက်ကပဲ နိုင်ငံတော် သံဃာ့အကြီးအကဲများကို ဆွမ်းဆပ်ကပ်လှူဒါန်းပွဲ နေပြည်တော်မှာ ကျင်းပခဲ့ပါတယ်။
မြန်မာနိုင်ငံတဝန်း လာနီညာ တန်ခိုးကြောင့် ခိုက်ခိုက်တုန်အောင် ချမ်းပြီး မိုးတစွတ်စွတ်နဲ့ အုံ့မှိုင်းနေပေမယ့် နအဖရဲ့ သတင်းစာထဲမှာတော့ “ပြည်ထောင်စုမြန်မာနိုင်ငံတော်၏ မြို့တော် နေပြည်တော် တခွင်၌ တောပန်း တောင်ပန်းတို့ အစီအရီဖူးပွင့်ကာ ကျေးငှက်သာရကာ အပေါင်းတို့ကလည်း နွေဦးကို ကြိုဆိုလျှက် ရှိလေသည်” ဆိုပဲ။ သြော် ... သာစွနေပြည်တော်ပေါ့လေ။
အဲဒီလို ကွက်ကျား သာယာလှပနေတဲ့ မြို့တော်အတု နေပြည်တော်ကြီးရဲ့ ရွှေတိဂုံအတု ဥပ္ပာတသန္တိ စေတီတော် ဝန်းကြီး အတွင်းမှာ နအဖ အဖွဲ့ဟာ ဘဝမပြောင်းခင် ဘဝကူးကောင်းဖို့ ဆွမ်းများ ဆက်ကပ် လှူဒါန်းနေကြတာပါ။ လောလောဆယ်တော့ ဘဝတွေ မပြောင်းရသေးတဲ့အတွက် အားလုံးဟာ မူလ ရာထူးအာဏာတွေနဲ့ပဲ ခပ်တည်တည် ဆွမ်းကပ်နေကြပါတယ်။
နအဖ ခေတ်အဆက်ဆက် သတင်းစာကို ဖတ်နေကျဆိုတော့ ကိုတာတေလည်း သူတို့ရဲ့ ဖော်ပြပုံ ဖော်ပြနည်း တွေကို နောကြေနေပါပြီ။ ချဲဂဏန်းအတိတ်စိမ်း ပေးသလိုပဲပေါ့။ သတင်းစာကို ကြည့် ... မျက်နှာဖုံးကနေ အစဉ်အတိုင်း ဖော်ပြထားတာတွေကို ကြည့်လိုက်ရင် ဘယ်ဟာက၊ ဘယ်သူက အရေးအကြီးဆိုိုတာ တန်းကနဲ သိနိုင်ပါတယ်။
ဒီတော့ ဒီနေ့ သတင်းစာမှာ သံဃာတော်တွေကို လှူဖွယ်ပစ္စည်းတွေ ဆပ်ကပ်နေတဲ့ ဓာတ်ပုံတွေကို ကြည့်မယ်ဆိုရင် ... ၁။ နိုင်ငံတော် အကြီးအကဲ ဗိုလ်ချုပ်မှူးကြီးသန်းရွှေ၊ ၂။ ဒုတိယ တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီးမောင်အေး၊ ၃။ နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီဝင် သူရဦးရွှေမန်း၊ ၄။ နိုင်ငံတော်ဝန်ကြီးချုပ် ဦးသိန်းစိန် (မကြာမီ သမ္မတအဖြစ် ဘဝကူးမည့်သူ)၊ ၅။ နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီဝင် (တွင်း - ၁) သီဟသူရ ဦးတင်အောင်မြင့်ဦး၊ ၆။ နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီဝင် ဦးတင်အေး၊ ၇။ ကာကွယ်ရေး ဝန်ကြီးဌာနမှ ဗိုလ်ချုပ်ကြီး မင်းအောင်လှိုင် (မကြာခင် ကာချုပ်အဖြစ် ဘဝပြောင်းမည့်သူ) အဲဒီလို အစဉ်အတိုင်း တွေ့နိုင်ပါတယ် (ဒီမှာရေးထားတဲ့ ရာထူးတွေက သတင်းစာထဲက အတိုင်းဖော်ပြထားတာပါ)
ကဲ ချဲဂဏန်းဖော်မယ် ... ဟုတ်ပေါင် ... လက်ညှိုးထောင် ခေါင်းညိတ် လွှတ်တော်ကြီးက မကြာခင် အဆုံး သတ်မယ်။ အဲဒီမှာ ကြမ်းကျွံပြီး ... အဲ ယောင်သွားလို့ ... ကျမ်းကြိမ်ပြီးသကာလ အခွံချွတ်မယ် ...။ နအဖ ဆိုတဲ့ အခွံကို ချွတ်မှာပါ။ အဲဒီတော့ ဘဝပြောင်းကြပြီပေါ့။ သမ္မတ ဖြစ်သူဖြစ် ... ကာကွယ်ရေး ဦးစီးချုပ် ဖြစ်တဲ့သူဖြစ် ဖြစ်ချင်ရာဖြစ် ... ဖြစ်ချင်တိုင်းဖြစ် ... ဘယ်လိုပဲဖြစ်ဖြစ် ... ဖြစ်ပြီးသွားတဲ့အခါမှာ နိုင်ငံတော်အာဏာကြီးကို စိတ်မချနိုင်တဲ့ ဗိုလ်ချုပ်မှူးကြီးသန်းရွှေ အမှူးပြုတော်မူသော အထက်ပါ ၇ ဦးကို ဆွဲစေ့ထားတဲ့ “နိုင်ငံ့အုတ်ရှောင်” အဖွဲ့ကြီးဟာ တမူထူးခြားတဲ့ အသွင်ဆန်း ဇာတ်ဆန်းတွေနဲ့ မြန်မာ့အာဏာဇာတ်ခုံပေါ်မှာ မျောက်ကကပြကြပါ လိမ့်မယ် ဆိုတာကို ဒီနေ့ သတင်းစာမှာ ချဲအတိတ်စိမ်းပေးသလို ပေးလိုက်တာပါ။
ချဲသမားစကားနဲ့ ပြောရမယ် ဆိုရင်တော့ ဂွင် မိလက်စသူများ ဆက်မိကြပါလိမ့်မယ် .... လို့။
ရန်ကုန်သားတာတေ
Excellent idea