.
မူကြမ်း
ပြည်ပသဲသင်္ဘောကြီးများ သဲစုပ်ရာမှ ကော့သောင်းမြို့ ကမ်းခြေရပ်ကွက်/ကျေးရွာများတွင် နောက်ဆက်တွဲ ဆိုးကျိုး ကြုံတွေ့ရပုံအား အစီရင်ခံခြင်း
-တနင်္သာရီကမ်းရိုးတန်းသည် ဂဏန်း၊ ပုဇွန်၊ သားငါး မျိုးစုံ၊ မုတ်ကောင် နှင့် ပင်လယ်ရေအောက် သတ္တ၀ါမျိုးစုံ ကျက်စားရာ ရေအောက် သန္တာကျာက်တန်းများဖြင့် လှပသော ကမ်းခြေများဖြင့် စုစည်းထားသော နေရာဒေသဖြစ်ပါသည်။
ယခုအခါ တနင်္သာရီကမ်းရိုးတန်း ကော့သောင်းမြို့သည် ဧရာမသဲတူးသင်္ဘောများကြောင့် ဘေးအန္တရာယ်နှင့် ရင်ဆိုင်နေရပါသည်။ သဲတူးသင်္ဘောကုမဏီများဖြစ်သည့် ( starlight company / fulink company / darfamily company/ s marine company ) တို့သည် တနင်္သာရီကမ်းရိုးတန်းတလျှောက် အလွန်ကြီးမားသော၊ တန်ချိန်(၁) သိန်းကျော်ခန့် တင်ဆောင်နိုင်သော ဧရာမ သဲတင်သင်္ဘော ၊ သဲစုပ်သင်္ဘောကြီးများဖြင့် တနေ့လျင် တန်ချိန်ပေါင်းများစွာ စုပ်ယူမှုများကြောင့် ကမ်းပါးနှင့် သဲခုံများ လျော့ကျ ပျောက်ကွယ်လျက်ရှိပါသည်။
(၂၀၀၉)ခုနစ်မှစတင်၍ှု ကော့သောင်းမြို့တွင်းသို့တန်ချိန်(၁)သိန်း နီးပါးခန့် တင်ဆောင်နိုင်သော သဲတင်သင်္ဘောကြီး (၅)စီး ဆွဲသင်္ဘော၊ သဲစုပ်သင်္ဘော (၈)စီးဖြင့် ဆက်တိုက် စုပ်ယူမှုများကြောင့် ရေအောက်ချိုမ့် ၀ှမ်းများဖြစ်ပေါ်လာသည်။ ထိုချိုမ့်ဝှမ်း အတွင်းသို့ အစားထိုး နုန်းများ၊ သဲများ စီးဆင်းနေသဖြင့် ကမ်းပါးပြိုမှု ဆိုးဆိုးရွားရွား ဖြစ်ပေါ်နေပြီး သဲသောင် ပျက်စီး ပျောက်ကွယ်လုနီးပါး ဖြစ်နေသည်။
နောက်ဆက်တွဲ ဆိုးကျိုးများကို အဆိုးရွားဆုးံ တိုက်ရိုက်ခံစားနေရသည့် ဒေသများမှာ ရွှေပြည်စိုးကျေးရွာအုပ်စု ( ခုနှစ်မိုင်ချောင်းဝ ) ၊ သီရိမြိုင်ရပ်ကွက် ၊ ဘုရင့်နောင်ရပ်ကွက်၊ ပုလုးံတုးံ တုးံကျေးရွာ၊ ဆလုံကျွန်း နှင့် ရွာသာရွာ ( ဒေသအခေါ်- ခရူကျွန်း) တို့ ဖြစ်ပါသည်။
အဆုးံရွားဆုးံ အခြေအနေနှင့် ရင်ဆိုင်နေရသည့် သီရိမြိုင် နှင့် ရွာသာရွာ တို့၏ အခြေနေကို တင်ပြရလျှင်-
သီရိမြိုင်ရပ်ကွက်
သီရိမြိုင်ရပ်ကွက်သည် အလွန်လှပပြီး သဘာဝက ဖန်တီးပေးထားသော၊ မီတာ (၂၀၀) ခန့်ရှည်လျားသော ကန်းရိုးတန်းကမ်းခြေတွင် ရှိသော မြို့ပေါ်ရပ်ကွက်ဖြစ်သည်။ အဓိက အသက်မွေးဝမ်းကြောင်းဖြစ်သည့် ဂဏန်း၊ ပုဇွန် နှင့်ဂွေးထိုး ( ငါးပိလုတ်သည့် ပုဇွန်ငယ်များ) တနိုင်တပိုင် ဖမ်းဆီး အသက်မွေး နေထိုင်လာကြသော ရပ်ကွက်လည်း ဖြစ်ပါသည်၊ ညီညာပြေပြစ်သော သဲခုံပေါ်တွင် ပျော်ရွင်စွာ ဘောလုးံ ကစားနိုင်ခဲ့ကြသည်။ ရာသီဥတုဒဏ်များကိုလည်း
သဘာဝပေးအခြေနေများဖြင့် ကြံ့ကြံ့ခံနိုင်ခဲ့သော ရပ်ကွက်လည်း ဖြစ်သည်၊ မူလက ပြေပြစ်ပြီး လှပသောကမ်းခြေသည် သဲစုပ်သင်္ဘောများ ၀င်ရောက်စုပ်ယူပြီးနောက် တနှစ်အတွင်း တွင်ပင် (၁၀) ပေနီးပါးခန့် နိမ့်ကျသွားသည်။ သဲသောင်ပြင် ဘောလုးံကွင်းကြီးလည်း ပျောက်ကွယ်သွားခဲ့ပါသည်၊ ယခင်က ဆူနာမီ ကဲ့သို့သော သဘာဝဘေးအနရာယ်ကို ကြံ့ကြံ့ခိုင်နိုင်ခဲ့သောလည်း ပြောင်းလဲသွားသော ကမ်းခြေ သဲခုံ အနေအထားများကြောင့် ဖြစ်ပေါ်လာနိုင်သည့် သဘာဝဘေးဆိုးကြီးများ၏ အနရ္တာယ်နှင့် ရင်ဆိုင်ရလာနိုင်သည့်ဘေးကို ရပ်ကွက်သူ/ရပ်ကွက်သားများ စိုးရိမ်လျက်ရှိပါသည်။
ရွာသာရွာ ( ဒေသအခေါ်- ခရူကျွန်း )
ရွာသာရွာသည် ကော့သောင်းမြို့မှ စက်တက်လှေဖြင့် မီနစ်(၂၀) ခန့် သွားရပြီး သဲသောင်များဖြင့် ၀န်းရံနေသည်။ အိမ်ခြေ(၁၂၀) ခန့်၊ လူဦးရေ(၄၀၀)ကျော်ခန့် ရှိပြီး အလွန်လှပသော၊ ငါးဖမ်းလုပ်ငန်းဖြင့် အသက်မွေးကြသော ကျွန်းစု ကမ်းခြေရွာဖြစ်သည်။ ကျောင်းသူ/ကျောင်းသား (၂၀၀) ကျော် ပညာသင်နေသည့် တွဲဖက်မူလွန်ကျောင်းရှိသည်။ ရေကျချိန်တွင် ကြီးမားကျယ်ပြန့်၊ ညီညာသော သဲခုံကြီး ရွာနှင့်မလှမ်းမကမ်းတွင်ရှိသဖြင့် အနီးနားရှိရွာများမှ လူငယ်/လူလတ်များ ဘောလုးံကစားကြသည့် ရွာဖြစ်သည်။ ရွာသာရွာသည် သဲစုပ်သင်္ဘောကြီးများ၏ လုပ်ကွက်နှင့် အလွန်နီးကပ်စွာရှိပြီး (ဧပြီလ-၂၀၁၁) နောက်ပိုင်းမှစ၍ သဲခုံများ (၄)ပေခန့် နိမ့်ဆင်း ပြိုကျ ပျက်စိးသွားသည်။
သဲခုံပေါ်ရှိ အနည်းဆုးံ အိမ်ခြေ (၅) လုးံခန့် ပျက်စီးမည့် အခြေအနေသို့ ရောက်ရှိနေပြီး အင်္ဂတေဖြင့် ခိုင်မာစွာ ဆောက်လုတ်ထားသည့် နတ်စင်သည်လည်း ပြိုကျနေသည်၊ သဲခုံဘော်လုးံကွင်းသည်လည်း တူးမြောင်းကြီးသဖွယ် ဖြစ်သွားသည်ကို တွေ့မြင်ရပါသည်။
အချင်း(၂) ပေခန့်ရှိသေ သဲစုပ်ပိုက်ဖြင့် စုပ်ယူမှုကြောင့် ပင်လယ်ရေသတ္တ၀ါများ နားခိုကျက်စားရာ သန္တာကျောက်တန်းများ၊ စားကျက်များ ပျက်စီးသွားသောကြောင့် ငါး၊ ပုဇွန်၊ ဂဏန်း နှင့် အခြားရေသတ္တ၀ါများ ရှားပါးပျောက်ကွယ်လျက်ရှိသည်။ တနိုင်တပိုင် ရေလုပ်ငန်းများ ဖြင့် ရပ်တည်နေသော ဒေသခံများ၏ အသက်မွေးမှု တနေ့တခြား ခက်ခဲလာသည်။
နိဂုံး
ကန်းရိုးတန်းဒေသ ဂေဟစနစ်များ အကြီးအကျယ် ပြောင်းလဲလာခြင်း၊ သဲခုံများ ပျက်စီးမှု၊ သောင်ပြိုမှု၊ ငါးစားကျက်များ ပျက်စီးမှု စသည့် ဆိုးကျိုးများကြောင့် ဖြစ်ပေါ်လာခြင်းတို့ကြောင့် ကန်းရိုးတန်းတလျှောက်တွင် မှီခိုနေကြသော ကျေးရွာ/ရပ်ကွက်များ၊ ရေလုပ်ငန်း အပေါ် ရပ်တည်နေရသော ကမ်းခြေနေ ပြည်သူများ နေ့စဉ်ဘ၀ ရပ်တည်ရေးကို ဆိုးရွားစွာ ထိခိုက်လာသည်။
ပြောင်းလဲလာသော ရာသီဥတု၊ သဘာဝဘေးအနရာယ်များအတွက် အကာကွယ်မဲ့စွာ ရင်ဆိုင်ရမည့် အခြေနေသို့ရောက်ရှိလာတော့မည် ဖြစ်သည်။ မြစ်ကြောင်းများထိမ်းသိမ်းခြင်းဆိုင်ရာ ဥပဒေများကို ပိုမိုထိရောက်စွာ ထိမ်းသိမ်းလိုက်နာကြရေးအတွက်
အာဏာပိုင်များ၊ သဘာဝပတ်ဝန်းကျင်ဆိုင်ရာ ကျွမ်းကျင်သူများ၊ ထိန်းသိမ်းသူများအနေဖြင့် မိမိတို့ တက်နိုင်သည့်ဘက်မှ ကူညီပေးပါရန် လေးနက်စွာတိုက်တွန်း အစီရင်ခံအပ်ပါသည်။
သဘာဝဘေးအန္တရာယ် ကာကွယ်တားဆီးရေးကွန်ရက်
ကော့သောင်းမြို့၊ တနင်္သာရီတိုင်း
.
ကော့သောင်းမှာ ပြောရမယ်ဆို အမြင်မတော်တာတွေက အများသား..ဒီသဲက ဟိုးနေပြည်တော်..ထိ တင်ပြပြီးမှ ဦးပိုင်နဲ့ ပေါင်းပြီး အဆင့် ဆင့် တစ်တန် ကို ဒေါ်လာ ဘယ်ရွေ့ဘယ်မျှ လူကြီးတွေ ကော်မရှင်စားလုပ်ကြတာလေ..ခု စင်ကာပူ ကို..ဘယ်..တောင်အာရှနိုင်ငံမှ သဲ မရောင်းတော့ဘူး..ရတာနဲ့ ဆုံးရှုံးတာမကာမိလို့..ဒါကိုခုရပ်သင့်ပြီ.. နောက်တစ်ခုက သဘာဝပတ်ဝန်းကျင်ထိန်းသိမ်းရေးပြသနာ..ရွှေပြည်သာ ဆိုတဲ့ လူနေရပ်ကွက်ထဲ မှာ ကော့သောင်းမြို့ နံပါတ်တစ် သူဌေးကြီး (နေပြည်တော်ထိ..ပေါက်ရောက်ပါသည်)က နိုင်ငံတော်အစိုးရ ရဲ့ ခွင့်ပြုချက်..မတည်ထုတ်ချေးငွေတွေနဲ့ ..မီးသွေးဓါတ်အားပေးစက်ရုံကြီး ဆောက်နေတာ အတော်..ခရီးရောက်နေပါပြီ...လျှပ်စစ်ဓါတ်အားဈေးချိုချို ရမှာထက်..လူနေထူထပ်တဲ့ ရပ်ကွက်ထဲ ကပြည်သူ..ကလေးသူငယ်..လူကြီး..လူလတ် မီးသွေးစက်ရုံက ထုတ်လွင့်မဲ့ အမှုံအမွှားတွေကြောင့် ရောဂါ ရမှာ..ရေဆိုးတွေ ပင်လယ်ထဲတိုက်ရိုက်ဖောက်ချလို့ ရေထုညစ်ညမ်းမှာ စသည်တွေ ကိုနိုင်ငံတော်လူကြီးများ...ထည့်တွက်သင့်ပါသည်..ထိုင်းနိုင်ငံက ပြည်သူတွေကန့်ကွက်လို့ ဒီ မီးသွေးစက်ကြီးက ဒီကိုရောက်လာတာပါ..ဒါက်ို မသိချင်ရောင်ဆောင်ပြီး ပြည်သူတွေကျန်းမာရေး သဘာဝပတ်ဝန်းကျင်ထိန်းသိမ်းရေးကို မျက်ကွယ်မပြုသင့်ပါ..အားလုံး.စားဝါးပြီးလို့ ရပ်လို့မရရင် တောထဲသွားဆောက်ကြပါ.....ကော့သောင်းက လွှတ်တော်အမတ်မင်းများ လွှတ်တော်မှာ အိပ်ငိုက်မနေဘဲ ဒါတွေကို ရဲရဲဝင့်ဝင့်တင်ပြသင့်ပါသည်...