"ထပ်ပြောရဦးမယ်…. အဘစိန်ရေ"

ဓာတ်ပုံ- Kyaw Thu

၇.၉.၂ဝ၁၂ ရက်နေ့ ရန်ကုန်မြို့ စံတော်ချိန် ၁၆း၃ဝ နာရီ၊ အမေရိကန်နိုင်ငံ၊ နယူးယောက်မြို့ စံတော်ချိန် (၆းဝဝ) နာရီ အချိန် ကျွန်တော့်ထံသို့ရောက်ရှိလာသော အီးမေးလ်စာတစ်စောင်ကြောင့် ကျွန်တော်အထူး တုန်လှုပ်သွားခဲ့သည်။

အကြာင်းမှာ ယင်းနေ့တွင် နာရေးကူညီမှုအသင်း(ရန်ကုန်)တွင် နာရေးကူညီမှု ဈာပနလမ်းကြောင်းမှာ စံချိန်သစ် တင်ခဲ့ ကြောင်းပင်ဖြစ်သည်။ ယခုလို မိုးရာသီ အေးမြေသာ အချိန်ကာလများတွင် ယခင့်ယခင် နှစ်များစွာက ဘဝတစ်ပါးသို့ ပြောင်းသွားသူ ဦးရေသည် တစ်နေ့လျှင် ပျှမ်းမျှအားဖြင့် (၄ဝ) ဦးရေမှ (၄၅) ဦးရေ ခန့်သာရှိခဲ့ သည်။


ပူပြင်းလှသော နွေရာသီ အချိန် ကာလများတွင် သေဆုံးသူ ဦးရေအားဖြင့် တစ်နေ့လျှင် (၅ဝ) ဦးကျော်ခန့်သာ ရှိခဲ့သည်။ သို့ရာတွင် ၇.၉.၂ဝ၁၂ ရက်နေ့တွင် ညနေ ၄း၃ဝ နာရီအချိန်လောက်မှာပင် နာရေးကူညီမှုပေါင်း (၅၇) ဦး ရှိနေသော ကြောင့် ကျွန်တော် တုန်လှုပ်ခဲ့ခြင်းပင် ဖြစ်တော့သည်။

ထိုကဲ့သို့ လူ့လောကကြီးမှ ထွက်ခွာမှု များပြားနေခြင်းကို ကျွန်တော်တွေးတော စဉ်းစားမိတော့သည်။ လူရယ်လို့ လူ့ဘဝ ကြီး တွင် လျှောက်လှမ်းနေစဉ် ကာလအတွင်းတွင် ရင်ဆိုင် ကြုံတွေ့ နေရေသာ အာဏာအတွက် တိုက်နေတဲ့စစ်ပွဲ၊ လွတ်လပ်မှု အတွက် တိုက်နေတဲ့စစ်ပွဲ၊ အာဏာတအတွက် တိုက်နေတဲ့စစ်ပွဲ၊ စီးပွားရေးအ တွက် တိုက်နေတဲ့စစ်ပွဲ၊ ဘာသာရေး အတွက် တိုက်နေတဲ့စစ်ပွဲ၊ လူမှုရေးအတွက် တိုက်နေတဲ့စစ်ပွဲ၊ ပညာရေး အတွက် တိုက်နေတဲ့စစ်ပွဲ၊ ကျန်းမာရေး အတွက် တိုက်နေတဲ့ စစ်ပွဲ၊ အိမ်ထောင်ရေးအတွက် တိုက်နေတဲ့စစ်ပွဲ၊ အချစ်ရေးအတွက် တိုက်နေတဲ့စစ်ပွဲ စသည့် …. ဝိရောဓိ စစ်ပွဲများကြောင့် လူသားတို့ သေကြဆုံးရှုံးခဲ့ရမှု များကို တွေ့မြင်ရတော့သည်။



ထိုကဲ့သို့ ဘဝစစ်ပွဲများအား ရဆင်ိုင် တိုက်ပွဲဝမင်ှုများတွင် အိမ်ထောင်ရေးစစ်ပွဲ၊ အချစ်ရေးစစ်ပွဲ ဟူသော စစ်ပွဲတွင် ကျ ဆုံးမှု များမှာ မပြေစလောက် ရှိသော်ငြားလည်း ကျန်းမာရေး၊ ပညာရေး၊ လူမှုရေး၊ စီးပွားရေး၊ အာဏာ၊ လွတ်လပ်မှု၊ အာဃာတ ... စသည့် တိုက်ပွဲများတွင် ကျဆုံးမှုများသည် ရာခိုင်နှုန်းအားဖြင့် များပြားမှုကို သိမြင်ခဲ့ရသည်။

ထို့ကြောင့် ထိုကဲ့သို့သော ဝိရောဓိစစ်ပွဲများ ရပ်စဲသွားကာ ငြိမ်းချမ်းသော ကမ္ဘာမြေပြင်၊ ငြိမ်းချမ်းသော မြန်
မာ့မြေပြင် အဖြစ် ရပ်တည်နိုင်အောင် ကြိုးစားကြရမည် ဖြစ်တော့သည်။

ငြိမ်းချမ်းမှုများ မရမီ စပ်ကြား ကျွန်တော်တို့ လူမှုရေးသမားများအေနဖြင့် အများပြည်သူတို့အေပါ် တတ်နိုင် သည့် ဘက်မှ ကိုယ်ကျိုးစွန့်၍ အတ္တများကိုဖြုတ်ကာ ပေးဆပ်သွားရင်းဖြင့် ပြည်သူပြည်သားတို့၏ စောင့်ထိန်းရ မည်ဖြစ်သော လူ့ကျင့်ဝတ်၊ ကိုယ်ကျင့်တရားများကိုလည်း တတ်နိုသင်၍ မှန်ကန်သော တရားမျှသော လမ်းကြောင်းပေါ် သို့ တင်ပေးရမည်ဖြစ်သည်။

ထို့အပြင် လူ့အခွင့်ရေး အပြည့်အဝရရှိရေး လူမျိုးဘာသာ ဆင်းရဲချမ်းသာမရွေး တို့အား လူသားခြင်း စာနာစိတ် မွေးဖွားနိုင်ဖို့ အတွက်လည်း ကြိုးပမ်း ပေးရမည်ဖြစ်သည်။

ဤနေရာတွင် လူ့အခွင့်အေရးပြည့်ဝမှုနှင့် ပတ်သတ်၍ ကျွန်တော် လက်တွေ့ ခံစားရမှု တခုအား တင်ပြ လိုတော့သည်။ ကျွန်တော်တို့ မြန်မာနိုင်ငံ အတွင်း လူမျိုးဘာသာမရွေးတို့၏ လူ့အခွင့်အရေးများ ဆုံးရှုံးမှုများစွာ ရှိနေသည်ကို သိမြင်ကြမည်ဖြစ်သည်။

လူရယ်လို့ လူ့လောကကြီးထဲ ရောက်ခဲ့ ပြီးနောက် လူ့ဘဝကို လျှောက်လှမ်းပြီးသောအချိန် လူ့လောကကြီးမှ ထွက်ခွာသွား ရသည့်အချိန်တွင် တသက်တာ လဲလျောင်းနေရမည့် သုသာန်မြေအကြောင်းကို ကျွန်တော် တင်ပြသွားမည်ဖြစ်သည်။

သုသာန်မြေအကြောင်းဟု ဆိုလိုက်သည်နှင့် စာဖတ်သူအပေါင်းတို့အတွက် မင်္ဂလာ မရှိခြင်း၊ ဆက်၍ မဖတ်ရှု့ လိုခြင်း တို့ကို စိတ်ထဲတွင် မပေါ်ပေါက်သင့်ချေ။ အဘယ်ကြောင့်ဆိုသော် သင်္ချိုင်းမြေဟူသည်ကား လူသား အားလုံးနှင့် ဆက်နွယ်၍ ပတ်သက်မှုရှိနေခြင်းဟူ၍ သာဓက ရှိခဲ့ပြီးဖြစ်သည်။

ဗုဒ္ဓ မြတ်စွာဘုရားရှင် လက်ထက်က ဥပသာလက အမည်ရှိတဲ့ ပုဏ္ဏားကြီးဟာ ရာဇဂြိုလ်မြို့ကို ရံပတ်ထား တဲ့ တောင်ငါး လုံး ထဲက ဂုဇ္ဈကုဋ်တောင်ပေါ်ကို တက်သွားပြီး တောင်ထိပ်က မြေပြန့်လေးမှာ သူ့ကိုမြုပ်ဖို့ သားဖြစ်သူကို ပြတယ်။ ပြီးတာ နဲ့ တောင်အောက်ကို ပြန်ဆင်းလာတဲ့အခါ ဘုရားရှင်နဲ့တွေ့တယ်၊ အကျိုး အကြောင်း မေးပြီးတာနဲ့ ဘုရားရှင်ဟာ လူသေ မမြုပ်ဖူးသေးဘူးလို့ ပုဏ္ဏားကြီးယူဆထားတဲ့နေရာကို လိုက်ကြည့်ပြီး ဒီဂါထာကို ဟောကြားပါတယ်။

ဒီဂါထာ အဆုံးမှာ ပုဏ္ဏားကြီးဟာ သောတာပန်တည်ပါတယ်။ ဒီဂါထာဟာ သတ္တဝါတစ်ယောက်ရဲ့ ဘဝတွေဟာ ဘယ် လောက် ထိအောင် များပြားတယ်ဆိုတာကို ပြပါတယ်။

ဥပသာလက နာမာနိ၊ သဟဿနိ စတုဒ္ဒသ။ အသ္မိံပေဒေသ ဒဂနိ နတ္တိလောကေ အနာမတံ။

ပုဏ္ဏားကြီး သင်ယခုညွှန်ပြနေသော နေရာ၌ ဥပသာလကဟူသော အမည်ဖြင့် သင်၏အေလာင်း ကောင်ပေါင်း တစ် သောင်း လေးထောင်တိတိ မီးသင်္ဂြိုလ် လောင်ကျွမ်းမြုပ်နှံခဲ့ဖူးလေပြီ။ လောကေမြ အပြင်၌ လူသေ ကောင် ပုပ် မမြုပ်ဖူး သောနေရာဟူ၍ မရှိပေ။"

ထို့ကြောင့် ယခု ပြည်ပနိုင်ငံ ဖြစ်သော အေမရိကန်နိုင်ငံရှိ မြို့အသီးအသီးတို့တွင် သုသာန်များအား လိုက် လံကြည့်ရှု လေ့လာ သောအချိန်တွင် ကျွန်တော်များစွာ ကြေကွဲမှုကို စိတ်တွင်ဖြစ်ပေါ် ခဲ့ရတော့သည်။

အမေရိကန်နိုင်ငံတွင် အခြားသော ပြည်ပနိုင်ငံများတွင် လူသားတို့၏ နောက်ဆုံးခရီးအား ပို့ဆောင် သင်္ဂြိုလ်ပေး မှု လုပ်ငန်းများသည် များစွာလူ့အခွင့်အရေး အပြည့် အဝကို ရရှိစေခဲ့ကြောင်း သိရှိခဲ့ရသည်။

ထိုကဲ့သို့သော ပြည်ပနိုင်ငံကြီးများတွင် လူတစ်ယောက် သေဆုံးသွားပါက မြေမြုပ်ခြင်း၊ မီးသင်္ဂြိုလ်ခြင်း စသည့် အသုဘ အခမ်းအနားများအတွက် ကုန်ကျငွေများသော်ငြားလည်း အသုဘပို့သူ၊ အသုဘရှုသူ အပေါင်းတို့ အပြင် ဘဝတစ်ပါးသို့ ပြောင်းသွားရှာသောသူများအတွက်လည်း ငြိမ်းအေးမှု၊ စိတ်ချမ်းသာမှု အေးချမ်းငြိမ်သက် မှု တို့ကို တွေ့ကြုံခံစားရ မည်ဖြစ်သည်။

ယင်းကဲ့သို့သော အေးငြိမ်းခံစားမှု ရသများကို ပြည်ပနိုင်ငံများတွင် ခရစ်ယာန်လူမျိုး တစ်မျိုးထည်းတွင်သာမက ဂျူးလူမျိုး၊ ဟိန္ဒူ၊ အစ္စလာမ်နှင့် ဗုဒ္ဓဘာသာဝင်များပါမကျန် ခံစားခဲ့ရကြောင်း သိရှိခဲ့ရသည်။

ဗုဒ္ဓဘာသာ မြန်မာလူမျိုးများအနေဖြင့် မိမိမွေးရပ်မြေ မြန်မာပြည်အတွင်းတွင်သာ နောက်ဆုံး ခေါင်းချချင်သော ဆန္ဒရှိခဲ့ သော်လည်း အကြောင်းအမျိုးမျိုးကြောင့် ယခုကဲ့သို့ ပြည်ပနိုင်ငံများတွင် ခေါင်းချခဲ့ ရသော မြန်မာ လူမျိုးများစွာရှိခဲ့သည်။



ထိုထဲတွင် ဗုဒ္ဓဘာသာဝင်များ ဖြစ်ကြသော အထင်ကရ ဆရာတော်များ၊ အနုပညာရှင်များလည်း ပါဝင်ခဲ့ရ သည်။ ယခုကဲ့သို့ ပြည်ပနိုင်ငံများတွင် ဘဝခရီးအား အေးချမ်းမှုဖြင့် အဆုံးသတ်ခဲ့ရပုံများကို တွေ့မြင်ခွင့်ရကာ လူ့အခွင့်အရေး အပြည့်အဝကို ရ ရှိခဲ့သော လူပီသစွာ ရပ်တည်ခဲ့သော ပုဂ္ဂိုလ်များအဖြစ် ဂုဏ်ယူမိသော်ငြား လည်း ကျွန်တော်တို့ မြန်မာနိုင်ငံတွင် လူ့ ဘဝ ခရီးအား အဆုံးသတ်ရမည့် မြေနေရာ (သုသာန်မြေ) များအား လည်း သန့်ရှင်းသပ်ရပ် ငြိမ်းချမ်းမှုရှိသော အထင်ကရ ပန်းခြံ ကြီး များကဲ့သုို့ ဖြစ်ပေါ်စေလိုသော ဆန္ဒ များ ပြင်းပြ ခဲ့ရသည်။

ယခုမူ မြန်မာပြည်တွင်းရှိ သုသာန်များသည် မြို့ပြင်၊ ရွာပြင် များ တွင် အခိုအင်မာ တည်မြဲမှု မရှိခြင်း၊ ပြည် ပနိုင်ငံ များတွင် မြို့ပြင်၊ ရွာပြင်များတွင်သာမက မြို့လယ်ခေါင်၊ ရွာလည်ခေါင် များတွင် ခံ့ညား ထည်ဝါစွာဖြင့် အပန်းဖြေစရာ ဥယျာဉ်ခြံကြီးများအဖြစ် သမိုင်းမှတ်တိုင်များ ထူထောင်ထားခြင်းကို တွေ့မြင် ရသည်။

ထို့အပြင် သုသာန်မြေအနီးရှိ အိမ်၊ ခြံ၊ မြေဈေးကွက်များသည်လည်း တိတ်ဆိတ်ငြိမ်သက် လုံခြုံမှု ရှိခြင်းကြောင့် အခြား သော ရပ်ကွက်များထက် ဈေးနှုန်းမြင့်မားမှုများကို တွေ့ရှိရသည်။ မြန်မာပြည်တွင်းတွင် သုသာန်မြေနှင့် နီးလျှင် မနေလို ခြင်း၊ သုသာန်မြေနှင့် နီးသောကြောင့် ဈေးနှုန်းများ ကျဆင်းခြင်း စသည့် အယူသီးမှုများ လွှမ်းခြုံနေဆဲဖြစ်သည်။

ပြည်ပနိုင်ငံရှိ လူ့ဘဝ၏ နောက်ဆုံးမှတ်တိုင်မြေနေရာ (လူသင်္ချိုင်း)ကို မဆိုထားနှင့် ... ပြည်ပနိုင်ငံရှိ အိမ်မွေး တိရစ္ဆာန်များ ဖြစ်ကြသော ကြောင်၊ ခွေး၊ ယုန်၊ ငှက် စသည့် တိရစ္ဆာန်များ၏ နောက်ဆုံးခရီး မှတ်တိုင်ဖြစ်သော တိရစ္ဆာန် သင်္ချိုင်းများ က ပင် ကျွန်တော်တို့မြန်မာနိုင်ငံအတွင်းရှိ လူသင်္ချိုင်းများထက် အဆပေါင်းမြောက်များစွာ သာယာမှု၊ အေးချမ်းမှု၊ သန့်ရှင်းမှု များ ဖြင့် ပြည့်စုံနေတာ့သည်။

ယခုမူ မြန်မာပြည်တွင်းရှိ သုသာန်မြေများသည် ရှုပ်ထွေးလှသောချုံပုတ်များ၊ ညစ်ပတ်လှသော ရွံနွံများ၊ ပျက်စီး ယိုယွင်း နေသာ အုတ်ဂူများဖြင့် ခြောက်ခြားဖွယ်ရာ ရှိနေသကဲ့သို့ အချို့သော ဒေသမြို့နယ်များတွင် သုသာန်
မြေများအား တူးဖော် ခံ ရခြင်း၊ စီးပွားရေးလုပ်ငန်းရှင်များ၏ သိမ်းဆည်းခံရခြင်းတို့ကို ကြုံတွေ့နေရဆဲ ဖြစ်နေရ သည်။

ထို့ကြောင့် လူမှုရေးလုပ်ငန်းများကို လုပ်ကိုင်ပေးနေသူ ကျွန်တော့်အဖို့ "သေသာသူသည် သုသာန်သို့သာ သက်သက် သာသာ သွားသင့်သည်" ဟူသော ခံယူချက်အတိုင်း လူသားခြင်းစာနာ ထောက်ထားသောစိတ်ဖြင့် "ပြောရဦးမယ်..အဘ စိန်ရေ" ဟူ ၍ ဆောင်းပါးတစ်ပုဒ်၊ တိုက်တွန်းမှုတချက်၊ ဟစ်တိုင်တခုအဖြစ် တင်ပြခဲ့ပြီး
ဖြစ်သည်။

ယခုထပ်မံ၍ " ထပ်ပြောရဦးမယ်... အဘစိန်ရေ" ဟူ၍သာ ထပ်မံ ကြွေးကြော်လိုက်ရပါသည်။ အဘယ်ကြောင့် ဆိုသော် "သင့်ဘဝ လက်ရှိအချိန်နှင့် လက်ကျန်အချိန် ဇယား (သက်တမ်း ၇၅ နှစ်)" ဟူသော တွက်ချက်မှု ဇယားအရ -

သင့်ဘဝ လက်ရှိ အချိန်နှင့် လက်ကျန်အချိန်ဇယား (သက်တမ်း ၇၅ နှစ်

သင့်အသက် သုံးပြီးသောအသက် လက်ကျန်ရက်
၁ဝ နှစ် ​ ..................................၃၆၅ဝ (ရက်) ..........................................................၂၃၇၂၅ (ရက်)
၁၅ နှစ် ...................................၅၄၇၅ (ရက်) .........................................................၂၁၉ဝဝ (ရက်)
၂ဝ နှစ် ..................................၇၃ဝဝ (ရက်) ..........................................................၂ဝဝ၇၅ (ရက်)
၂၅ နှစ် ................................. ၉၁၂၅ (ရက်) ..........................................................၁၈၂၅ဝ (ရက်)
၃ဝ နှစ် ..................................၁ဝ၉၅ဝ (ရက်) ....................................................... ၁၆၄၂၅ (ရက်)
၃၅ နှစ် ..................................၁၂၇၇၅ (ရက်) ........................................................၁၄၆ဝဝ (ရက်)
၎ဝ နှစ် .................................၁၄၆ဝဝ (ရက်) .........................................................၁၂၇၇၅ (ရက်)
၄၅ နှစ် .................................၁၆၄၂၅ (ရက်) ........................................................ ၁ဝ၉၅ဝ (ရက်)
၅ဝ နှစ် .................................၁၈၂၅ဝ (ရက်) .........................................................၉၁၂၅ (ရက်)
၅၅ နှစ် ................................ ၂ဝဝ၇၅ (ရက်) .........................................................၇၃ဝဝ (ရက်)
၆ဝ နှစ် ................................၂၁၉ဝဝ (ရက်) ..........................................................၅၄၇၅(ရက်)
၆၅ နှစ် ................................၂၃၇၂၅ (ရက်) ..........................................................၃၆၅ဝ (ရက်)
၇ဝနှစ် ................................ ၂၅၅၅ဝ (ရက်) ......................................................... ၁၈၂၅(ရက်)
၇၅ နှစ် ............................... ၂၇၃၇၅ (ရက်) .......................................................... . . . . . . . .


ယင်း သင့်ဘဝ လက်ကျန်အချိန်ဇယားသည် ပျှမ်းမျှ တွက်ချက်ထားသော ဇယားကွက်ဖြစ်သည်။ ထိုအချိန်ထက် စောလျှင် စွာ ဘဝကူးပြောင်းရမည့်သူများလည်း ရှိမည်ဖြစ်သကဲ့သို့ ထိုအချိန်ထက် ကြာမြင့် စွာ လူ့ဘဝတွင် နေထိုင်ခွင့် ရမည့် သူ များလည်းရှိပေမည်။

မည်သို့ပင်ဖြစ်စေ မိမိအတွက်လူ့ဘဝထဲတွင် နေထိုင်ရန် ကျန်ရှိနေသော လက်ကျန် နေ့ရက်များတွင် အများ ကောင်းကျိုး အတွက် အတ္တများကိုဖြုတ်၍ ပရဟိတ စိတ်ဓာတ်တို့ဖြင့် ကုသိုလ်ကောင်းမှုတို့ကို စဉ်ဆက်မပြတ် လုပ်ကိုင်ပေးဆပ်သွားပါ က ငြိမ်းအေး သာယာ ချမ်းမြေ့သော ကမ္ဘာ သစ်တစ်ခုကို တည်ဆောက်သွားနိုင်တော့မည် ဖြစ်ပါသည်။

ကျွန်တော်သည် လူမှုရေးသမားဖြစ်သည်နှင့်အညီ နာရေး၊ ကျန်းမာရေး၊ ပညာရေး၊ သဘာဝေဘး၊ စစ်ဘေးဒဏ်ခံ အများ ပြည်သူ တို့အား ကူညီဖေးမေပးနေသာ နာရေးကူညီမှုအသင်း(ရန်ကုန်)၏ လက်တွေ့ခံစား ကြုံတေည်သူနှင့် ထပ်တူ ထပ် မျှ ခံစားတင်ပြ ရေးသားရင်းအတိတ်က "ပြောရဦးမယ်... အဘစိန်ရေ" ယခုပစ္စုပ္ပန်မှာ "ထပ်ပြောရဦးမယ်... အဘစိန်ရေ" နောက်အနာဂတ်မှာ "ပြောစရာကို မရှိတော့ ဘူး... အဘစိန်ရေ" ဟူသော ဆောင်းပါးတစ်ပုဒ်အား ရေးသားလိုသည့် စိတ်ဆန္ဒ ပြင်းထန်လျှက် ရှိနေပါတော့ သည်။

ကျော်သူ

ခေတ္တ အမေရိကန် ပြည်ထောင်စု