ရွှေဂက်စ်လှုပ်ရှားမှုအဖွဲ့ ထုတ်ပြန်ချက်

ဒီနေ့မနက်ပိုင်း ချင်းမိုင်မြို့ တရုတ်ကောင်စစ်ဝန်ရုံးရှေ့ ပိုက်လိုင်း ဆန့်ကျင် ဆန္ဒပြနေသူများ (ဓာတ်ပုံ - ငြိမ်းဇော်/ဧရာဝတီ)

ဓာတ်ငွေ့ပိုက်လိုင်း ဖြတ်သန်းရာပြ မြေပုံ။ စစ်စခန်းများ၊ စစ်ဖြစ်ရာ ဒေသများကိုလည်း ပုံတွင် တွေ့နိုင်သည် (မြေပုံ - ရွှေဂက်စ်လှုပ်ရှားမှုအဖွဲ့ www.shwe.org )

မြန်မာပြည်ကို မြေပုံမှာ ပြထားသလို ဖြတ်သွားမယ့် ပိုက်လိုင်း စီမံကိန်းအကြောင်း စောင့်ကြည့်နေတဲ့ အဖွဲ့တဖွဲ့က ဒီကနေ့ ရက်စွဲနဲ့ ထုတ်ပြန်တဲ့စာကို ကူးယူ ဖော်ပြလိုက်ပါတယ်။

ရွှေဂက်စ်လှုပ်ရှားမှုအဖွဲ့

တရုတ်နိုင်ငံမှ မြန်မာနိုင်ငံတွင် ရင်းနှီးမြုပ်နှံနေသော ရေနံနှင့် သဘာဝဓါတ်ငွေ့ ပိုက်လိုင်းများ ရပ်ဆိုင်းရေး ကမ္ဘာလုံးဆိုင်ရာ တောင်းဆိုလှုပ်ရှားမှု

မတ်လ ၁ ရက်နေ့ ။

ထိုင်းနိုင်ငံ၊ ၂၀၁၂ ခုနှစ် မတ်လ ၁ ရက်နေ့ ။ ။ တရုတ်နိုင်ငံမှ ရင်းနှီးမြုပ်နှံထားသော တရုတ်-မြန်မာ ရေနံနှင့်သဘာဝဓါတ်ငွေ့ ပိုက်လိုင်း စီမံကိန်းများ ရပ်ဆိုင်းရေးအတွက် ကမ္ဘာတလွှားရှိ နိုင်ငံပေါင်း ၂၀ မှ အဖွဲ့ အစည်းပေါင်း ၁၃၀ အဖွဲ့ က ကမ္ဘာလုံးဆိုင်ရာ ဆန္ဒပြပွဲများကို ယနေ့ ပြုလုပ်မည်ဖြစ်ပြီး မြန်မာ နိုင်ငံတော်သမ္မတ သိန်းစိန် ထံသို့  အိတ်ဖွင့်ပေးစာတစောင်ပေးပို့ သွားမည်ဖြစ်သည်။

၎င်းစီမံကိန်းကြောင့် ဆိုးရွားလှသော လူ့  အခွင့်အရေးချိုးဖောက်ခံနေရမှုများကို ဖော်ပြသွားမည့်အပြင် လူမှုရေး၊ စီးပွားရေး နှင့် သဘာဝပတ်ဝန်းကျင်ဆိုင်ရာ ဆိုးကျိုးသက်ရောက်မှုများကိုလည်း ဖော်ပြသွားမည် ဖြစ်ပြီး ၎င်းအိတ်ဖွင့်ပေးစာကို ရွှေဂက်စ်စီမံကိန်းတွင် ထိပ်ဆုံးမှ ရင်းနှီးမြုပ်နှံထားသော မြန်မာနိုင်ငံ၊ တရုတ်၊ ကိုးရီးယား နှင့် အိန္ဒိယနိုင်ငံများမှ ကုမ္ပဏီများကိုလည်း ပေးပို့ သွားမည်ဖြစ်သည်။

မြန်မာနိုင်ငံ အနောက်ဘက်ပိုင်း ကမ်းခြေဒေသမှ အစပြုပြီး တရုတ်နိုင်ငံ ယူနန်ပြည်နယ်တွင် အဆုံးသတ်မည့် ရွှေဂက်စ်စီမံကိန်းနှင့် မြန်မာနိုင်ငံတွင်ဖြတ်သန်းသွားမည့် ရေနံနှင့် သဘာဝဓါတ်ငွေ့ ပိုက်လိုင်းများသည် ယခုအခါတွင် တည်ဆောက်နေဆဲဖြစ်ပြီး ၂၀၁၃ ခုနှစ်တွင် စတင်လည်ပတ်မည်ဖြစ်သည်။ ၎င်းစီမံကိန်းမှ နိုင်ငံခြားဝင်ငွေ အများဆုံးရရှိမည်ဖြစ်ပြီး နှစ်ပေါင်း ၃၀ အတွင်း အမေရိကန်ဒေါ်လာ ၂၉ ဘီလီယံ ၀င်ငွေ ရရှိမည်ဖြစ်သည်။

သမ္မတသိန်းစိန် သို့ ပေးပို့ မည့် အိတ်ဖွင့်ပေးစာတွင် စီမံကိန်းအတွက် လယ်ယာမြေ Eကပေါင်းများစွာ အဓမ္မသိမ်းဆည်းခံရမှုများနှင့် ပိုက်လိုင်းတည်ဆောက်သွားရာ ဒေသတလျှောက်ရှိ မြန်မာနိုင်ငံရှမ်းပြည် မြောက်ပိုင်းတွင် မြန်မာစစ်တပ်မှ တိုင်းရင်းသား လက်နက်ကိုင်အဖွဲ့ များအပေါ် ထိုးစစ်ဆင်နေမှုများကိုလည်း ပြင်းထန်စွာ ရှုတ်ချသွားမည်ဖြစ်သည်။

၎င်းအိတ်ဖွင့်ပေးစာသည် မြစ်ဆုံရေကာတာ စီမံကိန်း နှင့် ထားဝယ်ဒေသရှိ ကျောက်မီးသွေးသုံး လျှပ်စစ်ဓါတ်အားပေးစက်ရုံ စီမံကိန်း ရပ်ဆိုင်းရေး ဆုံးဖြတ်ချက်အပေါ် အခြေခံပြီး "ပွင့်လင်းမြင်သာမှုရှိသော လူမှုရေး နှင့် သဘာဝပတ်ဝန်းကျင်ဆိုင်ရာ မူဝါဒ ကိုတပြေးညီကျင့်သုံးပြီး ရွှေဂက်(စ်) နှင့် ပိုက်လိုင်းတည်ဆောက်ရေး စီမံကိန်းကို ချက်ချင်း ရပ်ဆိုင်းရေး တောင်းဆိုသွားမည်" ဖြစ်သည်။

၎င်းစီမံကိန်းမှ သဘာဝဓါတ်ငွေ့ များကို တရုတ်နိုင်ငံသို့  တင်ပို့ မည်ဖြစ်သော်လည်း ၇၅ ရာခိုင်နူန်းကျော်သော ဒေသခံပြည်သူများမှာ လျှပ်စစ်မီးကိုပင် အသုံးမပြုနိုင်ကြပေ။ "၎င်းစီမံကိန်းနှင့်ပတ်သက်၍ ဒေသခံပြည်သူများ၏ မကျေနပ်မှုများ တနေ့ တခြားတိုးပွားလာနေပြီး သမ္မတသိန်းစိန်အနေဖြင့် ပြည်သူလူထု၏ ဆန္ဒအမှန်ကို နားထောင်သင့်သည်" ဟု ကိုဝင်းအောင် မှ ပြောဆိုပါသည်။

မြန်မာနိုင်ငံတွင် ရေနံနှင့် သဘာဝဓါတ်ငွေ့  ရောင်းချရာမှ ရရှိသော ၀င်ငွေများကို ပွင့်လင်းမြင်သာသော စီမံခန့် ခွဲမှု မရှိပေ။

သို့ ကြောင့် "ပွင့်လင်းမြင်သာမှုမရှိသော ယခုစီမံကိန်းမှ ရရှိသော သဘာဝဓါတ်ငွေ့ ရောင်းချရမှု ငွေကြေးများသည် လဘ်ပေးလဘ်ယူမှုများကိုသာ ကြီးထွားလာစေမှာဖြစ်ပြီး ပြည်သူလူထုအတွက် အကျိုးမရှိနိုင်" ဟု ရွှေဂက်စ်လှုပ်ရှားမှုတာဝန်ခံ ကိုဝင်းအောင်မှ ဆိုသည်။

မြန်မာနိုင်ငံအစိုးရအနေဖြင့် ရေရှည်တည်တံ့သော ဖွံ့ ဖြိုးတိုးတက်ရေး မူဘောင်တခုအောက်တွင် တရားမျှတမှုရှိသော အကျိုးတူ မျှဝေခံစားပိုင်ခွင့်ရှိသည့် စနစ်တခုဖြစ်ပေါ်လာရေးနှင့် ဒေသခံပြည်သူများ၏ အခွင့်အရေးများအား လေးစားလိုက်နာရေးကို ကျင့်သုံးရန် ရွှေဂက်စ်လှုပ်ရှားမှုအဖွဲ့ မှ တိုက်တွန်းသည်။

အပြည့်အစုံသို့

ကြားဖြတ်ရွေးကောက်ပွဲ စစ်တမ်း

ကြားဖြတ်ရွေးကောက်ပွဲမှာ မဲပေးခွင့် ရမယ် ဆိုရင် ဘယ်ပါတီကို မဲပေးမလဲ ဆိုပြီး ဧရာဝတီဘလော့မှာ စစ်တမ်း ကောက်လိုက်တာ
သဘောထား ဖော်ထုတ်မှု ၇၀၀၀ နီးပါး ရခဲ့ပါတယ်။ (ဖေဖော်ဝါရီ ၂၃ - မတ် ၁)

ဒီ ၇ ရက်အတွင်း ဧရာဝတီဘလော့မှာ သဘောထားပေးထားကြတာက ဒီလိုပါ -

ကြံ့ခိုင်ရေး - ၃၃၄
တစည - ၆၀

NLD - ၅၉၀၇
တခြားပါတီ (သို့) တသီးပုဂ္ဂလ - ၆၅

စောင့်ကြည့်ရဦးမယ် - ၂၃၉
မဲမပေးပါ - ၂၁၉

တွေ့တဲ့အတိုင်း ကြံ့ခိုင်ရေး ပါတီက အွန်လိုင်းစစ်တမ်းမှာ မရှုမလှ အရေးနိမ့်ပါတယ်။

သက်တမ်းရှည် တစည ပါတီကြီးက ဒီစစ်တမ်းအလိုအရ ဆိုရင် လူကြိုက်နည်းနေပါတယ်၊ တခြားပါတီ (သို့) တသီးပုဂ္ဂလ ထက်တောင် နည်းနေပါတယ်။

အသက် ၁၈ နှစ် ပြည့်ပြီးသူ နိုင်ငံသားတိုင်း မဲပေးဖို့ တာဝန် ရှိပေမယ့် ထုံးစံအတိုင်း မဲမပေးလိုသူများလည်း ရှိပါတယ်။ ဒီစစ်တမ်းမှာတော့ ရာခိုင်နှုန်းအားဖြင့် ၃%ပဲ ရှိတာ တွေ့ရပါတယ်။

ဒီစစ်တမ်းမှာ သဘောထား ထုတ်ဖော်ကြတဲ့အတွက် ကျေးဇူးတင်ပါတယ်။
နောင်လည်း အလျင်းသင့်သလို စစ်တမ်းများ ကောက်ယူလိုပါသေးတယ်။

(စာကြွင်း -
ဒီစစ်တမ်းဟာ စစ်တမ်း ဖြစ်တယ်။
တကယ့်ရွေးကောက်ပွဲမဟုတ်ဘူး။
ကြိုတင်မဲတွေ မပါဘူး။
မဲပေးလိုသူဟာ တကြိမ်ပဲ ပေးခွင့်ရှိတယ်။
Google ရဲ့ စစ်တမ်းစည်းကမ်းချက်အရ ကွန်ပျူတာတလုံးကနေ တကြိမ်ပဲ မဲပေးနိုင်အောင်လုပ်ထားတယ် စသည်ဖြင့် ဧရာဝတီ ၀က်မာစတာတယောက်ဖြစ်တဲ့ ကိုသားကြီးက ရှင်းပြပါတယ်။)

အပြည့်အစုံသို့

ဒေါ်အောင်ဆန်းစုကြည်ရဲ့ ကလော ခရီးစဉ်

(ဓာတ်ပုံများ - Burma VJ Media Network)

ဒေါ်အောင်ဆန်းစုကြည်ရဲ့ ရှမ်းပြည်နယ်ကလောသို့ နိုင်ငံရေးခရီးစဉ် ဆိုတဲ့ ခေါင်းစဉ်နဲ့ Burma VJ Media Network ရဲ့ ဖေ့စ်ဘုတ် http://www.facebook.com/burmavjmedia မှာ ဓာတ်ပုံတွေ ဖော်ပြထားပါတယ်။

NLD ခေါင်းဆောင် ဒေါ်အောင်ဆန်းစုကြည်ဟာ ဒီကနေ့ ရှမ်းပြည်နယ် ဟဲဟိုး၊ ကလော၊ အောင်ပန်း မြို့တွေကို သွားရောက်ခဲ့ပါတယ်။

ကြားဖြတ်ရွေးကောက်ပွဲ ကလောမြို့ ပြည်သူ့လွှတ်တော်မဲဆန္ဒနယ်မှာ ၀င်ပြိုင်ဖို့ NLD က ရွေးချယ်ထားသူကတော့ ဒေါက်တာဒေါ်သန်းငွေ ဖြစ်ပါတယ်။
NLD ရဲ့ အဓိကပြိုင်ဘက် ကြံ့ခိုင်ရေးပါတီက အဲဒီနယ်အတွက် ဦးမြ၀င်း ဆိုသူကို ရွေးထားပါတယ်။

NLD ရဲ့ ကြားဖြတ်ရွေးကောက်ပွဲကာလ မဲဆွယ်/စည်းရုံးရေး လုပ်ငန်းတွေမှာ ထင်ရှားတဲ့ အနုပညာရှင်များလည်း ပူးပေါင်း ဆောင်ရွက်ပေးမယ်လို့ သိရပါတယ်။

ရုပ်ရှင်သရုပ်ဆောင်ရဲတိုက်လည်း NLD ရဲ့ ရှမ်းပြည်နယ် မဲဆွယ်ရေး လုပ်ငန်းတွေမှာ ပါဝင်ကူညီမယ်၊ မနေ့ကတည်းက ဟဲဟိုးလေဆိပ်ကို ရောက်သွားပြီလို့ YPI ခေါ် Yangon Press International ရဲ့ ဖေ့စ်ဘုတ် http://www.facebook.com/ygnpress မှာ ရေးထားပါတယ်။

အပြည့်အစုံသို့

ဦးသိန်းစိန်ရဲ့ အစိုးရအဖွဲ့ တနှစ်ပြည့် မိန့်ခွန်း

ဒီမနက် သမ္မတ မိန့်ခွန်းပြောတာကို MRTV4 ရုပ်သံကနေ တွေ့လိုက်ရပါတယ်။

အစိုးရအဖွဲ့ရဲ့ တနှစ်ပြည့်ကာလ ဘာတွေ လုပ်ခဲ့တယ် ဘာတွေ လုပ်သွားမယ် ဆိုတဲ့ သမ္မတရဲ့ မိန့်ခွန်းက နှုတ်ခွန်းဆက်ခြင်းနဲ့ အစပြုပါတယ်။ မိဘ ပြည်သူများ၊ ပြည်ပရောက်နေသူများ ဆိုပြီး သုံးနှုန်းသွားတာကို သတိထားမိကြမှာပါ။

ဒီမနက် လွှတ်တော်ကို ကာကွယ်ရေးဦးစီးချုပ်မင်းအောင်လှိုင်လည်း တက်ရောက်ပါတယ်။

ပြီးခဲ့တဲ့နှစ် မတ်လ ၃၁ ရက်နေ့က ဒုသမ္မတများနဲ့ တွေ့ရတဲ့ ဦးသိန်းစိန်

မိန့်ခွန်း စာသားတွေကို သက်တန့်ချို http://www.thettantcho.com/ နဲ့ မင်းကျော် http://facebook.com/minnkyaw ရဲ့ ဖေ့စ်ဘုတ်ကနေ ကူးယူ ဖော်ပြပါတယ်
အသံဖိုင်ကိုတော့ အောင်မျိုးထွန်းကျော်ရဲ့ စာမျက်နှာ http://soundcloud.com/aungmyohtunkyaw/3fap2mcubjt4 ကနေ ယူပါတယ်။

ပြည်ထောင်စုလွှတ်တော်တွင် သမ္မတဦးသိန်းစိန် ပြောကြားသည့် မိန့်ခွန်း

(၁-၃-၂၀၁၂ ရက်)

လေးစားအပ်ပါသော ပြည်ထောင်စုလွှတ်တော်နာယကကြီးနှင့်တစ်ကွ ပြည်ထောင်စု လွှတ်တော် ကိုယ်စားလှယ်များ ခင်ဗျား -

ဖွဲ့စည်းပုံအခြေခံဥပဒေ ပုဒ်မ ၂၁၀ အရ ကျွန်တော့်အနေဖြင့် နိုင်ငံတော်၏ မူဝါဒများ၊ တစ်နှစ်တာကာလအတွင်း မိမိအစိုးရအဖွဲ့၏ ဆောင်ရွက်ချက်များနဲ့ ရှေ့တွင် ဆက်လက်ဆောင်ရွက်မည့် ကိစ္စရပ်များအား ဤလွှတ်တော်မှတစ်ဆင့် ပြည်သူများ သိရှိစေရန် တက်ရောက် ပြောကြားခြင်း ဖြစ်ပါတယ်။

ပထမဦးစွာ နိုင်ငံတော်တစ်ဝန်းလုံးမှာရှိတဲ့ မိဘပြည်သူများအားလုံး၊ အကြောင်း အမျိုးမျိုးကြောင့် ပြည်ပနိုင်ငံများမှာ ရောက်ရှိနေကြတဲ့ ကျွန်တော်တို့ နိုင်ငံသူ နိုင်ငံသားအားလုံး၊ ပြည်ထောင်စု လွှတ်တော် နာယကကြီး၊ ပြည်သူ့ လွှတ်တော် ဥက္ကဌကြီးနဲ့ ပြည်ထောင်စု လွှတ်တော် ကိုယ်စားလှယ်များ အားလုံး စိတ်၏ ချမ်းသာခြင်း၊ ကိုယ်၏ ကျန်းမာခြင်းနှင့် ပြည့်ဝကြပါစေကြောင်း ဆုမွန်ကောင်း တောင်းရင်း နှုတ်ခွန်း ဆက်သအပ်ပါတယ်။

ကျွန်တော်တို့အစိုးရ အုပ်ချုပ်ရေးအာဏာ လွှဲပြောင်းရယူခဲ့တာ ဒီလဆိုရင် (၁)နှစ် တင်းတင်း ပြည့်မြောက်ပြီ ဖြစ်ပါတယ်။ ဒီလို (၁)နှစ်ပြည့် အခါသမယမှာ လွှတ်တော် ကိုယ်စားလှယ်ကြီးများက တစ်ဆင့် ကျွန်တော်တို့ကို ယုံယုံ ကြည်ကြည် နဲ့ နိုင်ငံတော် အုပ်ချုပ်မှု အာဏာကို အပ်နှင်းထားခဲ့ကြတဲ့ မိဘပြည်သူများကို ဦးထိပ်ထားပြီး ကျွန်တော်တို့အစိုးရရဲ့ ဆောင်ရွက်ပြီး၊ ဆောင်ရွက်ဆဲ၊ ဆက်လက် ဆောင်ရွက်သွားမယ့် အစီအစဉ်များနဲ့ ပတ်သက်လို့ အကျဉ်းချုံးပြီး ရှင်းလင်း တင်ပြသွားမှာ ဖြစ်ပါတယ်။

ကျွန်တော်တို့နိုင်ငံဟာ ဒီမိုကရေစီ အသွင်ကူးပြောင်းရေး လမ်းကြောင်းကို ဖွဲ့စည်းပုံ အခြေခံဥပဒေနဲ့အညီ အရှိန်အဟုန်နဲ့ အကောင်အထည်ဖော် ဆောင်ရွက်ခဲ့ရာမှာ ဒီကနေ့ ငြိမ်းချမ်းစွာ အသွင်ကူးပြောင်းရေး လမ်းကြောင်း သစ်ကို စနစ်တကျ ကူးပြောင်း တည်ဆောက်နိုင်ခဲ့ပြီ ဖြစ်ပါတယ်။

နိုင်ငံတကာ သတင်းမီဒီယာတွေမှာ ကျွန်တော်တို့ရဲ့ အသွင် ကူးပြောင်းမှုကို ‘Burma Spring’ ‘Myanmar Spring’ အစရှိတဲ့ အမည်နာမအမျိုးမျိုး ကင်ပွန်းတပ်ခံနေရ တာကိုလည်း ကျွန်တော်တို့ သိရှိထားပါတယ်။ ကျွန်တော်တို့နိုင်ငံရဲ့ တည်ငြိမ် မှန်ကန်တဲ့ အသွင်ကူးပြောင်းမှုအပေါ် နိုင်ငံတကာ အသိုင်းအဝိုင်းရဲ့ နားလည်မှု တွေ မြင့်မားလာနေပြီ ဖြစ်တဲ့အတွက် ယုံကြည်မှုတွေ ဆင့်ပွားဖြစ်ပေါ်လာအောင် ကျွန်တော်တို့ ဆက်လက် ကြိုးပမ်းကြရဦးမှာ ဖြစ်ပါတယ်။

ကျွန်တော်တို့ နိုင်ငံဟာ ဖွဲ့စည်းပုံ အခြေခံဥပဒေကို ဗဟိုပြုပြီး ဒီမိုကရေစီခေတ်သစ် စနစ်သစ် ကို ကူးပြောင်းနေတာ ဖြစ်ပါတယ်။ ဒါဟာ ကျွန်တော်တို့နိုင်ငံရဲ့ ကျွန်တော်တို့ ပြည်သူတွေရဲ့ ထူးခြားချက်ပဲ ဖြစ်ပါတယ်။

ဒီကနေ့ ဒီအချိန်မှာ ကျွန်တော်တို့အနေနဲ့ စစ်မှန်ခိုင်မာတဲ့ ဒီမိုကရေစီနဲ့ လောကပါလတရားများ ထွန်းကားတဲ့ နိုင်ငံတော်သစ် တည်ဆောက်နိုင်ပြီလားလို့ မေးရင် ကျွန်တော်တို့ အများကြီး ကြိုးစားရဦးမှာပါ။ ကျွန်တော်တို့ ရှေ့ဆက်ပြီး ခြေလှမ်းပေါင်းများစွာ လျှောက်လှမ်း ကြရဦးမှာပါ။ ဒါဟာလည်း ဒီမိုကရေစီ မြန်မာ့လူ့ဘောင်ကို တည်တံ့ခိုင်မာ ရှင်သန်အောင် ကြိုးပမ်းဆောင်ရွက်သွားကြရမယ့် ရေရှည် လုပ်ငန်းစဉ်ကြီး တစ်ရပ်လည်း ဖြစ်ပါတယ်။

(၁)နှစ်ပြည့်ကာလမှာ ကျွန်တော်တို့အစိုးရအနေနဲ့ အောင်မြင်အောင် ဆောင်ရွက်နိုင်ခဲ့တာတွေ ရှိသလို စိန်ခေါ်မှုတွေလည်း အများအပြား တွေ့ကြုံ ရင်ဆိုင်ခဲ့ရပါတယ်။ လွန်ခဲ့တဲ့ (၁)နှစ်က ကျွန်တော်ပြောခဲ့သလိုပဲ ကျွန်တော်တို့ အစိုးရအပေါ် သံသယရှိနေသူတွေ၊ မယုံမကြည်ဖြစ်နေသူတွေ ပြည်တွင်းမှာရော၊ ပြည်ပမှာပါ အများကြီး ရှိနေတဲ့ အတွက် ကျွန်တော်တို့ ကြိုးစားပြီး လုပ်ဆောင်နေပါတယ်။

ကျွန်တော်တို့ မိဘ ပြည်သူတွေဟာ ခေတ်အဆက်ဆက်၊ အစိုးရ စနစ်မျိုးစုံကို တွေ့ကြုံ ခံစားခဲ့ကြသူတွေ ဖြစ်ပါတယ်။

ကျွန်တော်တို့ရဲ့ လက်တွေ့ လုပ်ဆောင်ချက်တွေ၊ ပကတိ အခြေအနေမှန်တွေကိုကြည့်ပြီး ကျွန်တော်တို့အစိုးရဟာ ဘယ်လို အစိုးရမျိုးဖြစ်သလဲဆိုတာကို အကဲဖြတ်ကြမှာဖြစ်သလို၊ ဒီကနေ့ ကျွန်တော်တို့ အစိုးရ ဆောင်ရွက်နေတာဟာ နိုင်ငံတော်နဲ့ ပြည်သူတွေရဲ့ အနာဂတ်သမိုင်းကြောင်း အတွက် အထူးပဲ အရေးကြီးလှတဲ့ လမ်းကြောင်းသစ်အပေါ်မှာ လျှောက်လှမ်း နေရတယ် ဆိုတာကိုလည်း ကျွန်တော်တို့ လေးလေး နက်နက် သိရှိနားလည် ခံယူထားပြီးဖြစ်ပါတယ်။

ကျွန်တော်တို့ အစိုးရဟာ နောင်လာမယ့် နှစ်ပေါင်းများစွာအတွက် အရေးကြီးတဲ့ အလှည့်အပြောင်းဖြစ်သလို အနာဂတ် သားစဉ်မြေးဆက်အတွက်လည်း သမိုင်းတွင်မယ့် စတင်ခြင်းအသစ် ဖြစ်လိမ့်မယ် ဆိုတာကို ကျွန်တော်တို့ ခံယူထားပါတယ်။

ဒီကနေ့ ကျွန်တော်တို့ အစိုးရရဲ့ အသွင် ကူးပြောင်းရေး လုပ်ငန်းစဉ် အောင်မြင်မှု၊ ခိုင်မာမှု၊ ရေရှည် တည်တံ့မှုအပေါ် မူတည်ပြီး နောင် အစိုးရအစဉ်အဆက် ကောင်းမွေ၊ ဆိုးမွေ ခံစားကြရမယ် ဆိုတာကိုလည်း ကျွန်တော်တို့ အလေးအနက် ခံယူထားပြီးဖြစ်ပါတယ်။ နိုင်ငံတော် တည်ဆောက် ရေးဆိုရာမှာ ယခုလို ခေတ် တစ်ခေတ်ကနေ ခေတ်သစ်တစ်ရပ်ကို၊ စနစ်တစ်ခု ကနေ စနစ်သစ်တစ်ခုကို ကူးပြောင်းနိုင်ရေး ဆောင်ရွက်ရာမှာ တည်ငြိမ် အေးချမ်းမှု၊ စည်းလုံးညီညွတ်မှု၊ စနစ်တကျနဲ့ ခိုင်ခိုင်မာမာရှိမှုတို့ဟာ သိပ်ကို အရေးကြီးပါတယ်။

မျက်မှောက်ခေတ် ကမ္ဘာ့ရေးရာ အခြေအနေများနဲ့ နှိုင်းယှဉ် ကြည့်ရင် ကျွန်တော်တို့နိုင်ငံရဲ့ ဒီမိုကရေစီ အသွင်ကူးပြောင်းမှု ဖြစ်စဉ်ဟာ မိဘပြည်သူများအတွက် တစ်ကယ့်ကို ဂုဏ်ယူ ဝမ်းမြောက်ဖွယ်ရာ၊ စံနမူနာ သာဓက ပြုဖွယ်ရာ အောင်မြင်တဲ့ ကူးပြောင်းမှုကြီးပဲ ဖြစ်ပါတယ်။

ဒီအခြေအနေကို ရောက်ရှိအောင် ဘယ်သူတွေ ဆောင်ရွက်ခဲ့တာလဲ။ ကျွန်တော်တို့ အစိုးရချည်း သက်သက် မဟုတ်ပါဘူး။ နိုင်ငံရေးပါတီတွေ၊ အရပ်ဘက် လူ့အဖွဲ့ အစည်းတွေ၊ လွှတ်တော် အရပ်ရပ်က လွှတ်တော် ကိုယ်စားလှယ်တွေ၊ တရားစီရင်ရေးမဏ္ဍိုင်နဲ့ စတုတ္ထမဏ္ဍိုင်မီဒီယာတွေ၊ တိုင်းရင်းသားခေါင်းဆောင် တွေ၊ တပ်မတော် စတဲ့ သက်ဆိုင်ရာ Stakeholder တွေ အားလုံးက စည်းစည်း လုံးလုံး ညီညီညွတ်ညွတ်နဲ့ ဦးထမ်းပဲ့ထမ်း ဆောင်ရွက်ခဲ့တာဖြစ်ပါတယ်။

အဓိက အကျဆုံးကတော့ ကျွန်တော်တို့ရဲ့ နိုင်ငံသူ နိုင်ငံသား တိုင်းရင်းသား မိဘပြည်သူတွေပဲ ဖြစ်ပါတယ်။ ဒါဟာ ကျွန်တော်တို့ နိုင်ငံရဲ့ သမိုင်းကြောင်းမှာ အစဉ်အမြဲ မော်ကွန်းတင် ကျန်ရစ်မယ့် သမိုင်းစာမျက်နှာသစ်လည်းဖြစ်ပါတယ်။

ကျွန်တော်တို့ မြန်မာနိုင်ငံဟာ တစ်ကမ္ဘာလုံးက စောင့်ကြည့်မှုတွေကြားမှာ မြန်မာ့ဒီမိုကရေစီ ခေတ်သစ်ကို လမ်းဖွင့်ပေးနိုင်ခဲ့ပြီ ဖြစ်ပါတယ်။ ကျွန်တော်တို့ ပြည်သူတွေအားလုံး တက်ညီလက်ညီ ဖော်ဆောင်ခဲ့တဲ့ ဒီလမ်းကြောင်းမှန် ပေါ်မှာ ဆက်လက်လျှောက်လှမ်းကြရမှာ ဖြစ်ပါတယ်။ နိုင်ငံသားအားလုံး နောက်ကြောင်း ပြန်မလှည့်စတမ်း လျှောက်လှမ်းပြီး မတူညီတာတွေ ဖယ်ထားပြီး တူညီတာတွေ ပူးပေါင်း လုပ်ကိုင် သွားကြမယ် ဆိုရင် ကျွန်တော်တို့ ဒီမိုကရေစီဟာလည်း ခိုင်မာသည်ထက် ခိုင်မာလာမှာ ဖြစ်ပါတယ်။

နာယကကြီး ခင်ဗျား -
ကျွန်တော်တို့အစိုးရ စတင် တာဝန်ယူခဲ့ချိန်မှာပဲ မိဘပြည်သူတွေ အားလုံး လိုလား တောင့်တနေခဲ့တဲ့ အဓိက ဆန္ဒ(၂)ရပ်ကို ဖြည့်ဆည်းနိုင်ဖို့ ကြိုးပမ်း ဆောင်ရွက်ခဲ့တာ ဖြစ်ပါတယ်။ ပထမ ဆန္ဒ က ကျွန်တော်တို့ ပြည်သူတွေဟာ တည်တည်ငြိမ်ငြိမ် အေးအေးချမ်းချမ်းနဲ့ နေထိုင်လိုကြပါတယ်။ မိဘပြည်သူ တွေရဲ့ ဒီဆန္ဒကို အခြေခံပြီး အမျိုးသား ပြန်လည် ပေါင်းစည်း ညီညွတ်ရေး၊ ထာဝရငြိမ်းချမ်းရေး ဆောင်ကြဉ်းရေး စတဲ့ နိုင်ငံရေးလုပ်ငန်းစဉ်တွေကို ကျွန်တော်တို့ အလေးပေးပြီး ဆောင်ရွက်ခဲ့တာ ဖြစ်ပါတယ်။ မြန်မာ့နိုင်ငံရေး လုပ်ငန်းစဉ်မှာ ပါဝင်သင့် ပါဝင်ထိုက် ပါဝင်နိုင်သူတွေ အားလုံး ပါဝင်ခွင့်ရရှိရေး ဆိုတဲ့ All Inclusive Political Process ကို ကျွန်တော်တို့ ကြိုးပမ်း တည်ဆောက်ခဲ့ပါတယ်။

ဒီကနေ့ဆိုရင် ကျွန်တော်တို့ တည်ဆောက်ခဲ့တဲ့၊ ကျွန်တော်တို့ ကြိုးပမ်းခဲ့တဲ့ နိုင်ငံရေးလုပ်ငန်းစဉ်ဟာ သိသိသာသာ အကောင်အထည်ပေါ်လာနေပြီဖြစ်ပါတယ်။ ဒီလမ်းကြောင်းသစ် ပေါ်ထွန်းလာစေဖို့ ပြည်သူလူထု တစ်ရပ်လုံးရဲ့ဆန္ဒ၊ ကျွန်တော်တို့အစိုးရရဲ့ စစ်မှန်တဲ့စေတနာ၊ နိုင်ငံနဲ့ ပြည်သူလူထု အကျိုးကို ဦးထိပ်ထားတဲ့ခံယူချက် ဒါတွေနဲ့ ကျွန်တော်တို့ လျှောက်လှမ်းခဲ့တာ ဖြစ်ပါတယ်။ အခုဆိုရင် ပြည်တွင်းနိုင်ငံရေး အင်အားစု အားလုံးဟာ အခြေခံဥပဒေ မူဘောင်အတွင်းကနေ ဒီမိုကရေစီကျင့်စဉ်တွေကို လိုက်နာကျင့်သုံးပြီး ပြည်သူ့ကိုယ်စားလှယ်တွေအဖြစ် ပါဝင်ဆောင်ရွက်နိုင်ဖို့ စိတ်အား ထက်သန်စွာ ကြိုးပမ်းလာကြတာကိုလည်း ဝမ်းမြောက်ဖွယ်ရာ မြင်တွေ့နေရပြီ ဖြစ်ပါတယ်။

အလားတူပဲ အမျိုးသားပြန်လည် ပေါင်းစည်းညီညွတ်ရေးနဲ့ နိုင်ငံ တည်ဆောက်ရေးမှာ အားလုံးပါဝင်ခွင့် ရရှိရေးအတွက် ရည်ရွယ်ပြီး ကျွန်တော်တို့ အစိုးရရဲ့ (၁)နှစ်တာကာလ သက်တမ်းအတွင်းမှာ အကျဉ်းသားပေါင်း နှစ်သောင်း ရှစ်ထောင်ကျော်ကို လွတ်ငြိမ်းချမ်းသာခွင့် ပေးခဲ့ပြီး ဖြစ်ပါတယ်။ ဒါဟာ သမိုင်းကြောင်း တစ်လျှောက် ပြန်ကြည့်ရင် (၁)နှစ်အတွင်း လွတ်ငြိမ်း ချမ်းသာခွင့် အကြိမ်ရေ အများဆုံးပေးခဲ့တဲ့ မှတ်တမ်းအသစ်လည်း ဖြစ်ပါတယ်။

ပွင့်ပွင့်လင်းလင်းပြောရရင် ကြားဖြတ်ရွေးကောက်ပွဲမှာ အားလုံးပါဝင်ခွင့် ရရှိ ရေးကို မျှော်မှန်းပြီး ဇန်နဝါရီလအတွင်းမှာ (၂)ကြိမ် တိုင်တိုင် ဆောင်ရွက်ပေးခဲ့ တာလည်း ဖြစ်ပါတယ်။ အကြောင်း အမျိုးမျိုးကြောင့် ပြည်ပနိုင်ငံတွေမှာ ရောက်ရှိ နေကြတဲ့ မြန်မာနိုင်ငံသားတွေကိုလည်း လမ်းဖွင့် ကြိုဆို ဖိတ်ခေါ်ခဲ့တာနဲ့အညီ နယ်ပယ် အသီးသီးမှာ ရောက်ရှိနေကြတဲ့ ပြည်ပရောက် မြန်မာတွေဟာလည်း တက်တက်ကြွကြွ စိတ်အား ထက်သန်စွာနဲ့ တတ်နိုင်သမျှ ဝိုင်းဝန်းကူညီ ဆောင်ရွက်လာကြတာကိုလည်း ဝမ်းမြောက်ဖွယ်ရာ တွေ့ရှိရပါတယ်။ ဒီမိုကရေစီ နိုင်ငံရေးစနစ် ခိုင်မာ ရင့်သန်ဖို့ ခိုင်မာတောင့်တင်းတဲ့ နိုင်ငံရေး မျိုးဆက်သစ်တွေ လိုအပ်ပါတယ်။ မျိုးဆက်သစ်၊ မျိုးဆက်ဟောင်း အားလုံး Common Ground ရှာဖွေနိုင်ပြီး စုပေါင်းစွမ်းအားနဲ့ နိုင်ငံ တည်ဆောက်သွားနိုင်ရေးဟာ နိုင်ငံတော်နဲ့ နိုင်ငံသားအားလုံးရဲ့ အနာဂတ်နဲ့ တိုက်ရိုက် ဆက်စပ်လျက် ရှိနေပါတယ်။

ကျွန်တော်တို့ လျှောက်လှမ်းနေတဲ့ All Inclusive Political Process မှာ ခေတ်အဆက်ဆက်က အခွင့်အရေးတွေ တောင်းဆိုနေကြတဲ့ ကျွန်တော်တို့ရဲ့ တိုင်းရင်းသားတွေ ပါဝင်နိုင်ဖို့ အရေးကြီးဆုံး ဖြစ်ပါတယ်။ ကျွန်တော်တို့ နိုင်ငံဟာ ပြည်ထောင်စုနိုင်ငံ တစ်နိုင်ငံ ဖြစ်တာနဲ့အညီ ဒီနိုင်ငံရေး လုပ်ငန်းစဉ်မှာ တိုင်းရင်းသားတွေ အားလုံး တန်းတူရည်တူ ပါဝင်ခွင့်ရရှိဖို့ မဖြစ်မနေ ဆောင်ရွက်ရမှာ ဖြစ်ပါတယ်။

ဒါဟာ ကျွန်တော်တို့ သွေးရင်း ညီအစ်ကို တိုင်းရင်းသားတွေရဲ့ ခေတ်အဆက်ဆက် အကောင်အထည် မပေါ်ခဲ့တဲ့ အိပ်မက်၊ လွင့်ပြယ် ပျောက်ပျက်ခဲ့ရတဲ့ မျှော်လင့်ချက်တွေလည်း ဖြစ်ပါတယ်။

တစ်ဘက်နဲ့ တစ်ဘက် ထိတွေ့ ဆက်ဆံမှုတွေ ကင်းဝေးပြီး အထင်အမြင် လွဲမှားခဲ့တာတွေ ကျွန်တော်တို့ အစိုးရလက်ထက်မှာ အဆုံးသတ်ပေးနိုင်ဖို့ လိုပါတယ်။

ကချင်၊ ကယား၊ ကရင်၊ ချင်း၊ မွန်၊ ရခိုင်၊ ရှမ်းအစရှိတဲ့ တိုင်းရင်းသားများနည်းတူ ဗမာ ဆိုတာဟာလည်း ပြည်ထောင်စုကြီးထဲက တိုင်းရင်းသားလူမျိုးတစ်စု ဖြစ်ပါတယ်။

သာတူညီမျှ အခွင့်အရေးကို အားလုံး မျှဝေရရှိကြဖို့၊ တန်းတူရည်တူ ဖြစ်ပေါ် လာဖို့ ဆိုတဲ့ တိုင်းရင်းသားတွေရဲ့ မျှော်မှန်းချက်ဟာ ကျွန်တော်တို့အစိုးရရဲ့ လိုလားချက်လည်း ဖြစ်ပါတယ်။

ဒီနေရာမှာ အလျဉ်းသင့်လို့ တိုင်းရင်းသား ခေါင်းဆောင်တစ်ဦး မကြာသေးခင်က ပြောခဲ့တဲ့ စကားလေး ကျွန်တော် ပြောပြချင်ပါတယ်။ (၁၈)နှစ်၊ (၁၉)နှစ် အရွယ်ရှိတဲ့ လက်နက်ကိုင် တိုင်းရင်း သား လူငယ်တွေက ပြောကြတယ်၊ ကျွန်တော်တို့လည်း လက်ပ်တော့တွေ၊ ကွန်ပျူတာတွေ ကိုင်ချင်တယ် ဆိုတဲ့စကား။ ကျွန်တော် တစ်ကယ့်ကိုပဲ စိတ်မကောင်း ဖြစ်ရပါတယ်။ ကျွန်တော် အခိုင်အမာ သန္နိဋ္ဌာန် ချထားပါတယ်။ ကျွန်တော်တို့အစိုးရ လက်ထက်မှာ ဒီလို မယုံမရဲ ဖြစ်နေတဲ့ စိုးရွံ့မှုတွေ မပျောက် ပျောက်အောင် ဖျောက်ပစ်ရပါမယ်။ ဒါဟာ ကျွန်တော်တို့အစိုးရရဲ့ ခံယူချက်ပါ။ ကျွန်တော်တို့ တိုင်းရင်းသားတွေ ခံစားနေကြရတဲ့ ခါးသီးတဲ့ ဒဏ်ရာတွေ၊ စူးနစ် တဲ့ အတွေ့အကြုံတွေ၊ ပျောက်ဆုံးနေတဲ့ အိပ်မက်တွေ ကျွန်တော်တို့ အားလုံး ဖြည့်ဆည်းပေးဖို့ တာဝန်ရှိပါတယ်။ ဒါဟာ ကျွန်တော်တို့အားလုံး အတွက် သမိုင်းပေးတာဝန်ကြီး တစ်ရပ် ဖြစ်ပါတယ်။ ဒီတာဝန်ကြီးဟာ ကျွန်တော်တို့ အတွက် ခက်ခဲကြီးလေးတဲ့ တာဝန်ကြီးဖြစ်မယ် ဆိုတာလည်း ကျွန်တော်တို့ သိရှိနားလည်ထားပါတယ်။ ဒါပေမယ့် ဒီတာဝန်ကြီးကို အကောင်အထည်ဖော် ဆောင်ရွက်ဖို့ ကျွန်တော်တို့မှာ ယုံကြည်ချက် အပြည့်အဝ ရှိပါတယ်။

အခုဆိုရင် တိုင်းရင်းသား ခေါင်းဆောင်တွေနဲ့ ထိတွေ့ ဆက်ဆံပြီးတဲ့အချိန်မှာ ဒီယုံကြည်ချက်ဟာ ပိုပိုပြီး ခိုင်မာလာပြီ ဖြစ်ပါတယ်။

ကျွန်တော်တို့နိုင်ငံရဲ့ အမျိုးသားပြန်လည်ပေါင်းစည်း ညီညွတ်ရေးမှာ ယုံကြည်မှုဟာ သိပ်ကို အရေးကြီးပါတယ်။ ဒီကနေ့ ကျွန်တော်တို့အစိုးရ အနေနဲ့ ထာဝရငြိမ်းချမ်းရေးပန်းတိုင်ကို လျှောက်လှမ်းနေတဲ့ ခရီးလမ်းမှာ ကျွန်တော်တို့မှာ ပရိယာယ်တွေ မရှိပါဘူး။ ကျွန်တော်တို့ ပင်လုံ စိတ်ဓာတ်ကို အခြေခံတဲ့ ယုံကြည်မှုနဲ့ပဲ ဆောင်ရွက်သွားမှာ ဖြစ်ပါတယ်။

ကချင်တိုင်းရင်းသား အဖွဲ့အစည်းတွေနဲ့ ပတ်သက်ပြီး ပြည်တွင်း ပြည်ပက မေးမြန်းနေကြတာတွေ ရှိပါတယ်။ မိဘပြည်သူတွေလည်း သိချင်နေကြပါ လိမ့်မယ်။ ကျွန်တော် ကိုယ်တိုင် တပ်မတော်ကို မိမိကိုယ်ကို ခုခံ ကာကွယ်ရုံက လွဲပြီး ထိုးစစ်ဆင် တိုက်ခိုက်မှုတွေ မလုပ်ဖို့ ညွှန်ကြားထားပြီးတဲ့ အနေအထား မှာ ဘာဖြစ်လို့ ပစ်ခတ် တိုက်ခိုက်မှုတွေ မရပ်သေးတာလဲ ဆိုတဲ့ မေးခွန်းပါပဲ။

တပ်မတော် ကာကွယ်ရေးဦးစီးချုပ် ကိုယ်တိုင် လက်အောက်ခံ တပ်ရင်း၊ တပ်ဖွဲ့တွေကို ဆက်လက် ညွှန်ကြားထားပြီး ဖြစ်ပါတယ်။ တပ်မတော်မှာ အမိန့်နဲ့ ညွှန်ကြားချက်ဟာ အသက်သွေးကြော ဖြစ်ပါတယ်။ ယနေ့ မပြီးပြတ် သေးတဲ့ တိုက်ပွဲတွေနဲ့ ပတ်သက်ပြီး တစ်ဘက်နဲ့ တစ်ဘက် လက်ညှိုးထိုး အပြစ်တင်နေရုံနဲ့ ပစ်ခတ်တိုက်ခိုက်မှုတွေ ရပ်စဲသွားမှာ မဟုတ်ပါဘူး။ နိုင်ငံရေး အရ ဆွေးနွေးညှိနှိုင်းနိုင်ဖို့အတွက် ပထမဦးဆုံး နှစ်ဦးနှစ်ဖက် ပစ်ခတ် တိုက်ခိုက်မှုတွေ ရပ်စဲဖို့ လိုပါတယ်။ ဒီအတွက် ပစ်ခတ် တိုက်ခိုက်မှုတွေ ရပ်စဲ ကြမယ်ဆိုတဲ့ ခိုင်မာတဲ့ အာမခံချက်၊ ကတိကဝတ်တွေ အပြန်အလှန် ထားရှိဖို့ လိုပါတယ်။ ပြည်သူတွေရဲ့ ဆန္ဒ၊ ပြည်သူတွေရဲ့ မျှော်လင့်ချက်ကို ဖြည့်ဆည်း ပေးဖို့ဟာ ကျွန်တော်တို့ အစိုးရနဲ့ ကချင် တိုင်းရင်းသား ခေါင်းဆောင်တွေရဲ့ တာဝန်လည်း ဖြစ်ပါတယ်။

ကျွန်တော်တို့အနေနဲ့ စစ်ဘေးသင့် တိုင်းရင်းသား တွေအတွက် ထောက်ပံ့ ကူညီမှုတွေ၊ ပြန်လည်နေရာချထားရေး လုပ်ငန်းတွေ ဆောင်ရွက်ပေးနေသလို ပြည်တွင်း၊ ပြည်ပနဲ့ နိုင်ငံတကာ အဖွဲ့အစည်းတွေက ပံ့ပိုး ကူညီနိုင်အောင်လည်း လမ်းဖွင့် ဆောင်ရွက်ပေးနေပါတယ်။

ကျွန်တော်တို့အစိုးရအနေနဲ့ ထာဝရငြိမ်းချမ်းရေးဖော်ဆောင်ရေးအတွက် အဆင့်(၃)ဆင့် ချမှတ်ပြီး အကောင်အထည်ဖော် ဆောင်ရွက်နေတာ ဖြစ်ပါ တယ်။ ပထမအဆင့် ဟာ ပြည်နယ် အဆင့် တွေ့ဆုံဆွေးနွေးဖို့ ဖြစ်ပါတယ်။ ပြည်နယ်အဆင့်မှာ နှစ်ဖက် ရန်လိုမှုတွေနဲ့ ပစ်ခတ် တိုက်ခိုက်မှုတွေ ရပ်စဲဖို့၊ နှစ်ဦးနှစ်ဖက် ညှိနှိုင်းသဘောတူထားတဲ့ နယ်မြေဒေသများမှာပဲ နေထိုင် ကြဖို့၊ ယင်း သတ်မှတ်နေရာမှအပ ကျန်နေရာဒေသများသို့ သွားရောက်ရာတွင် လက်နက်ကိုင်ဆောင်ခြင်း မပြုဘဲ သွားလာဖို့၊ နှစ်ဖက်ညှိနှိုင်း သဘောတူထား သည့် နေရာများမှာ ဆက်ဆံရေး ရုံးတွေ ဖွင့်လှစ်ထားရှိဖို့၊ ပြည်ထောင်စု အဆင့် ဆွေးနွေးပွဲ ကျင်းပပြုလုပ်မယ့် နေရာ၊ အချိန်၊ နေ့ရက်တွေ ညှိနှိုင်း သတ်မှတ်ဖို့ပဲ ဖြစ်ပါတယ်။ ဒီအဆင့်မှာ နိုင်ငံရေးအရဆွေးနွေးညှိနှိုင်း မှုတွေ မပါသေးပါဘူး။ ဒီအဆင့်ကို ပြီးမြောက်အောင်မြင်ဖို့ ငြိမ်းချမ်းရေးကို အမှန်တကယ် လိုလားတဲ့ စိတ်ရင်းစေတနာပဲ လိုအပ်မှာ ဖြစ်ပါတယ်။ ပစ်ခတ်တိုက်ခိုက်မှုတွေ ရပ်စဲပြီး နိုင်ငံရေး ဆွေးနွေးဖို့ နှစ်ဦးနှစ်ဖက် သဘောတူလိုက်တဲ့ အနေအထားပဲ ဖြစ်ပါတယ်။

ဒုတိယအဆင့် ကတော့ ပြည်ထောင်စုအဆင့်ပဲ ဖြစ်ပါတယ်။ ဒီအဆင့်မှာ ဆွေးနွေးရမယ့်အချက်တွေကတော့ ပြည်ထောင်စုကနေ ဘယ်တော့မှ ခွဲမထွက်ဖို့၊ ဒို့တာဝန်အရေးသုံးပါးကို လက်ခံဖို့၊ စီးပွားရေးနဲ့ ဖွံ့ဖြိုး တိုးတက်ရေး လုပ်ငန်း များတွင် နှစ်ဖက် ပူးပေါင်း ဆောင်ရွက်ဖို့၊ မူးယစ်ဆေးဝါးနဲ့ စိတ်ကို ပြောင်းလဲ စေတတ်တဲ့ဆေးဝါးများ တိုက်ဖျက်ရေး ပူးပေါင်းဆောင်ရွက်ဖို့၊ နိုင်ငံရေး ပါတီများထူထောင်ပြီး နိုင်ငံရေးလုပ်ငန်းစဉ်တွင် ပါဝင်ဆောင်ရွက်ဖို့၊ လွှတ်တော် တွင်းရောက်ရှိလာလျှင် အခြားသော တိုင်းရင်းသားများနှင့် အကြေ အလည် ဆွေးနွေးညှိနှိုင်းပြီး ဖွဲ့စည်းပုံအခြေခံဥပဒေ ပြင်ဆင်ဖို့၊ ဖွဲ့စည်းပုံအခြေခံ ဥပဒေနဲ့အညီ တစ်ခုတည်းသော လက်နက်ကိုင် တပ်မတော်အဖြစ် ရပ်တည်ရေး ညှိနှိုင်းဆောင်ရွက်ဖို့ စတဲ့အချက်တွေပဲဖြစ်ပါတယ်။

ဒီအချက်တွေကို နှစ်ဦး နှစ်ဖက် ညှိနှိုင်းပြီး သဘောတူညီချက် ရရှိပြီဆိုရင် တတိယအဆင့်ကို ဆက်လက်ဆောင်ရွက်မှာ ဖြစ်ပါတယ်။

တတိယအဆင့် မှာတော့ နိုင်ငံတော်အစိုးရ၊ တိုင်းရင်းသားခေါင်းဆောင် တွေ၊ နိုင်ငံရေးပါတီနဲ့ နိုင်ငံရေးအင်အားစုတွေ၊ ပြည်သူ့ကိုယ်စားလှယ်တွေ စတဲ့ နိုင်ငံတော်မှာရှိတဲ့ အဓိကကျတဲ့ Political Player အားလုံး ပါဝင်တဲ့ ဤလွှတ်တော်ကြီးမှာ သဘောတူ လက်မှတ် ရေးထိုးကြဖို့ ဖြစ်ပါတယ်။ ဤလွှတ်တော်ကြီး အတွင်းမှာပဲ ထာဝရငြိမ်းချမ်းရေးကို မဖြစ်မနေ ဆောင်ကြဉ်း မယ့် သန္နိဋ္ဌာန်ကို ကျွန်တော်တို့အားလုံး ဝမ်းမြောက်ဝမ်းသာ စိုက်ထူကြရမှာ ဖြစ်ပါတယ်။ ဒီလို ထာဝရငြိမ်းချမ်းရေး ပန်းတိုင်ကို တက်လှမ်းကြရာမှာ နိုင်ငံတော်လည်း ပန်းတိုင်ရောက်၊ တိုင်းရင်းသား တွေလည်း ပန်းတိုင်ရောက်၊ နိုင်ငံသား အားလုံးလည်း ပန်းတိုင်ရောက်စေဖို့ အပြန်အလှန် နားလည် ယုံကြည်မှု၊ တန်းတူရည်တူရှိမှု၊ ဖွံ့ဖြိုးတိုးတက်မှု ဆိုတဲ့ ဒေါက်တိုင်ကြီး(၃)ရပ်နဲ့ တည်ဆောက်သွားကြရမှာ ဖြစ်ပါတယ်။ ဖွဲ့စည်းပုံအခြေခံဥပဒေကို အများဆန္ဒနဲ့ သဘောတူ ပြင်ဆင်ပြီး မိမိတို့ရဲ့ လိုလားချက်တွေ ရရှိအောင် ဆောင်ရွက်သွား ကြရမှာ ဖြစ်ပါတယ်။

ဒီအဆင့်(၃)ဆင့်ဟာ ထာဝရငြိမ်းချမ်းရေး ဖော်ဆောင်မယ့် နိုင်ငံတော်ရဲ့ လမ်းပြမြေပုံပဲ ဖြစ်ပါတယ်။ ဒီလမ်းပြမြေပုံကို လက်တွေ့ အကောင်အထည် ဖော်ရာမှာ အခြေခံအဆောက်အအုံတွေ၊ စီးပွားရေး အခွင့်အလမ်းတွေ၊ စက်မှုဇုန်တွေ၊ ပြန်လည် နေရာချထားမှုနဲ့ ပြန်လည်ထူထောင် တည်ဆောက်မှု တွေ၊ ပညာရေး၊ ကျန်းမာရေး စတဲ့ လူမှုအဆောက်အအုံတွေ စတဲ့ နည်းဗျူဟာ များစွာ ပါဝင်နေမှာ ဖြစ်ပါတယ်။

ထာဝရငြိမ်းချမ်းရေး အရိပ်အာဝါသအောက်ကို ရောက်ရှိလာတဲ့ ကျွန်တော်တို့ တိုင်းရင်းသားတွေ သိက္ခာရှိရှိ ရပ်တည်နိုင်တဲ့ အထိ ကျွန်တော်တို့အစိုးရနဲ့အတူ တိုင်းရင်းသားခေါင်းဆောင်တွေ၊ နိုင်ငံရေး ပါတီတွေ၊ ပြည်သူ့ ကိုယ်စားလှယ်တွေ၊ အရပ်ဘက်လူ့အဖွဲ့အစည်းတွေ အားလုံး ပူးပေါင်း ဆောင်ရွက်သွားကြဖို့ လိုပါတယ်။

သေနတ်ကိုင်ခဲ့တဲ့ ကျွန်တော်တို့ တိုင်းရင်းသား လူငယ်တွေ လက်ပ်တော့ကိုင်ပြီး ထည်ထည်ဝါဝါ ရပ်တည် နေထိုင်နိုင်ဖို့ ကျွန်တော်တို့ အားလုံး ဝိုင်းဝန်း ကြိုးပမ်းသွားကြမှာ ဖြစ်ပါတယ်။ ဒီလို ကြိုးပမ်းတဲ့နေရာမှာ ပြည်တွင်း၊ ပြည်ပရင်းနှီးမြုပ်နှံမှုတွေ၊ ထောက်ပံ့ ကူညီမှုတွေ ဖိတ်ခေါ် ကြိုဆိုပြီး ဘက်စုံထောင့်စုံ ဖြည့်ဆည်းနိုင်အောင် ကြိုးပမ်း ဆောင်ရွက်သွားမှာ ဖြစ်ပါတယ်။ ကျွန်တော်တို့ အစိုးရရဲ့ ခံယူချက်ဖြစ်တဲ့ တန်းတူညီမျှရေးနဲ့အညီ တိုင်းရင်းသားလူမျိုးပေါင်း တစ်ရာကျော် မှီတင်း နေထိုင်တဲ့ ကျွန်တော်တို့ ပြည်ထောင်စုကြီးဟာ ဒီ Diversity ကြန်အင် လက္ခဏာ တွေကို ဂုဏ်ယူ ဝင့်ကြွားစွာ မြှင့်တင်ပေးရမှာ ဖြစ်ပါတယ်။

ကျွန်တော်တို့အစိုးရဟာ ပြည်သူလူထုက ရွေးကောက်တင်မြှောက် လိုက်တဲ့ ပြည်သူ့အကျိုး ထမ်းဆောင်ရမယ့် ပြည်သူ့အစိုးရဖြစ်တာနဲ့အညီ မိဘပြည်သူ အားလုံး လိုလားတောင့်တနေခဲ့တဲ့ အမျိုးသား ပြန်လည် ပေါင်းစည်း ညီညွတ်ရေး ဆိုတဲ့ သမိုင်းပေး တာဝန်ကြီးကို ကျွန်တော်တို့ အားသွန်ခွန်စိုက် ဆောင်ရွက်နေပါတယ်။ မည်သည့်ပုဂ္ဂိုလ်၊ မည်သည့်အဖွဲ့အစည်းရဲ့ တိုက်တွန်းမှု၊ ဖိအားပေးမှုကြောင့် ဆောင်ရွက်ခဲ့တာ မဟုတ်ပါဘူး။ ကျွန်တော်တို့ ပြည်သူတွေရဲ့ ဆန္ဒကို ကျွန်တော်တို့အစိုးရက အကောင်အထည်ဖော် ဆောင်ရွက်နေတာ ဖြစ်ပါ တယ်။

နာယကကြီး ခင်ဗျား -
ထာဝရငြိမ်းချမ်းရေးနဲ့အတူ အရေးကြီးတဲ့ ဦးစားပေး လုပ်ငန်းစဉ်ကတော့ မြန်မာ့စီးပွားရေး အမြန်ဆုံး ဦးမော့လာရေးပဲ ဖြစ်ပါတယ်။ မိဘပြည်သူ အားလုံးရဲ့ ဒုတိယဆန္ဒ ကတော့ ကျွန်တော်တို့နိုင်ငံကို စီးပွားရေး ကောင်းမွန်ပြီး ခေတ်မီ ဖွံ့ဖြိုတဲ့ နိုင်ငံကြီး ဖြစ်လာဖို့ပဲဖြစ်ပါတယ်။

ကျွန်တော်တို့အစိုးရ လက်ထက်မှာ နိုင်ငံတော် အခြေအနေနဲ့ ကိုက်ညီတဲ့ ဈေးကွက်စီးပွားရေးစနစ် ပီပီပြင်ပြင် ဖြစ်ပေါ်လာအောင် မက်ခရိုစီးပွားရေး ပြုပြင်ပြောင်းလဲမှုတွေကို ရေတိုရေရှည် လုပ်ငန်းစဉ်တွေချမှတ်ပြီး အကောင်အထည် ဖော်ဆောင်ရွက် နေတာပဲ ဖြစ်ပါတယ်။

ကမ္ဘာ့စီးပွားရေး အခြေအနေ မတည်မငြိမ် ဖြစ်နေသေး တဲ့၊ စီးပွားရေးပိတ်ဆို့အရေးယူမှုတွေ ဖယ်ရှားခြင်း မရှိသေးတဲ့၊ ပြည်တွင်း စီးပွားရေးလုပ်ငန်းတွေ ခိုင်မာအားကောင်းပြီး ယှဉ်ပြိုင်နိုင်စွမ်း မရှိသေးတဲ့ အချိန်အခါမှာ နိုင်ငံသားတွေ စီးပွားရေးလုပ်ငန်းတွေ လုပ်ကိုင်ကြရမှာ အဆင်ပြေ လွယ်ကူစေဖို့ ဦးတည်ချက်ထားပြီး လုပ်ငန်းလိုင်စင်တွေ၊ ပို့ကုန်၊ သွင်းကုန်လိုင်စင်တွေ လျင်လျင်မြန်မြန် ရရှိလာအောင် အလေးထား ဆောင်ရွက် ခဲ့ပါတယ်။

ပို့ကုန်နဲ့ ဆက်စပ်တဲ့ အခွန်အကောက်တွေကိုလည်း လျှော့ချဖယ်ရှား ပေးခဲ့ပါတယ်။ ခေတ်စနစ်နဲ့ မကိုက်ညီတော့တဲ့ နိုင်ငံခြားငွေလဲလှယ်မှုနှုန်းထား ကိုလည်း ပြင်ပအခြေအနေနဲ့အညီ ယာယီပြောင်းလဲ သတ်မှတ်ပေးခဲ့သလို တစ်ချိန်တည်းမှာပဲ တည်ငြိမ် မှန်ကန်ပြီး နိုင်ငံတော်နဲ့ နိုင်ငံသားတွေကို မထိခိုက် စေတဲ့ ငွေလဲလှယ်မှုနှုန်းထားတစ်ရပ် ရေရှည် ခိုင်ခိုင်မာမာ ထူထောင်နိုင်အောင် ပြည်တွင်း၊ ပြည်ပ ပညာရှင်များ၊ နိုင်ငံတကာ ငွေကြေး အဖွဲ့အစည်းများနဲ့ နီးနီးကပ်ကပ် ညှိနှိုင်း တိုင်ပင်ပြီး ဆောင်ရွက်နေပြီ ဖြစ်ပါတယ်။ မလိုအပ်တဲ့ အပိုကုန်ကျစရိတ်တွေ လျော့နည်း သက်သာစေအောင်လည်း အုပ်ချုပ်ရေး ယန္တရားရဲ့ အတားအဆီးတွေကို ဖယ်ရှားပေးခဲ့ရာမှာ ဆန်စပါး လွတ်လပ်စွာ တင်ပို့ခွင့်၊ စက်သုံးဆီဈေးနှုန်း၊ တယ်လီဖုန်းဈေးနှုန်း၊ မော်တော်ကား ဈေးနှုန်း တွေ သိသိသာသာ ကျဆင်းသွားအောင် ဆောင်ရွက်နိုင်ခဲ့ပြီး ဆက်လက်ပြီးလည်း Transactional Cost တွေ လျော့နည်း ကျဆင်းသွားအောင် ဆောင်ရွက်နေပါ တယ်။

လက်ရှိ ပြည်သူများအကြား မှာ စိတ်ဝင်စားမှု အထူးပဲ မြင့်တက်နေတဲ့ ငါးထောင်တန် မိုဘိုင်းဖုန်းကိစ္စ နဲ့ ပတ်သက်လို့လည်း ပြည်သူ့ဆန္ဒ၊ လိုလားချက် များနဲ့အညီ အကောင်းဆုံးနည်းလမ်းများ ရှာပြီး ဆောင်ရွက်သွားမှာ ဖြစ်ပါတယ်။

ဈေးကွက်စီးပွားရေးယန္တရားစနစ်တွေ ပီပီပြင်ပြင် ဖြစ်ပေါ်လာအောင် လိုအပ်တဲ့ ဥပဒေတွေ ပြင်ဆင်ရေးဆွဲဖို့ ဆောင်ရွက်နေပြီ ဖြစ်ပါတယ်။ သယ်ယူ ပို့ဆောင်ရေး စရိတ်စကတွေ လျော့နည်းစေရေး အတွက်လည်း ရေရှည်ကာလမှာ မော်တော်ကား ဈေးနှုန်းတွေကို နိုင်ငံတကာနည်းတူ လျော့ကျလာအောင် ဆောင်ရွက်သွားမှာ ဖြစ်ပါတယ်။
စီးပွားရေး နယ်ပယ်မှာ ပုဂ္ဂလိက လုပ်ကိုင်နိုင်စွမ်း မြှင့်တင်ပေးနေသလို နိုင်ငံတော်ပိုင် စီးပွားရေး လုပ်ငန်းများကိုလည်း စွမ်းဆောင်ရည် မြင့်မား လာအောင် ဖွဲ့စည်းတည်ဆောက်မှု အပြောင်းအလဲတွေ ဆောင်ရွက်နေပြီ ဖြစ်ပါ တယ်။

အရင်းအနှီး ဈေးကွက်၊ ငွေကြေးဈေးကွက် ထွန်းကား ရှင်သန်လာအောင် နိုင်ငံတကာ အဖွဲ့အစည်းတွေနဲ့ ပူးပေါင်းပြီး ပြင်ဆင်မှုများ ဆောင်ရွက်နေပြီ ဖြစ်သလို အများပိုင်ကုမ္ပဏီတွေ တိုးပွား ရှင်သန်လာအောင်လည်း ဆောင်ရွက်နေ ပြီဖြစ်ပါတယ်။ ပုဂ္ဂလိကဘဏ်တွေ ခိုင်မာ အားကောင်းလာအောင် မြှင့်တင် ပျိုးထောင်ပေးနေသလို အသေးစားနဲ့အလတ်စား စက်မှုလုပ်ငန်းရှင်တွေ အရင်းအနှီး၊ နည်းပညာ တိုးမြှင့်ရရှိစေရေး အတွက်လည်း ကြိုးပမ်းဆောင်ရွက် နေပါတယ်။

ပြည်သူ့ရေးရာ ဝန်ဆောင်မှုလုပ်ငန်းတွေမှာ လက်ဝါးကြီးအုပ် ခြယ်လှယ်ချုပ်ကိုင်ထားတာတွေ လျော့နည်း ကျဆင်းသွားပြီး နိုင်ငံသားတိုင်း လက်လှမ်းမီ ရယူသုံးစွဲနိုင်ရေးအတွက် ဆက်လက် ကြိုးပမ်းဆောင်ရွက်သွားမှာ ဖြစ်ပါတယ်။

နိုင်ငံပိုင်လုပ်ငန်းများကို ပုဂ္ဂလိကပိုင် ပြောင်းလဲရာမှာလည်း လူတစ်စုလက်ဝယ်သို့ မရောက်ရှိစေဖို့၊ မညီမျှမှုများ မဖြစ်ပေါ်စေဖို့၊ စွမ်းရည် မြှင့်တင်မှုကို အဟန့်အတား မဖြစ်စေဖို့ အဘက်ဘက်က သုံးသပ်ပြီး ဆောင်ရွက် နေပါတယ်။
ပွင့်လင်းမြင်သာမှု ရှိပြီး ကြိုတင် ခန့်မှန်းနိုင်တဲ့ စီးပွားရေးလုပ်ငန်း နယ်ပယ်တွေ ထွန်းကားရှင်သန်လာအောင်၊ စီးပွားရေး လုပ်ငန်းတွေ ထူထောင် လုပ်ကိုင်ရလွယ်ကူပြီး ယှဉ်ပြိုင်နိုင်စွမ်း တိုးတက် မြင့်မားစေမယ့် စီမံကိန်း တွေကိုလည်း ချမှတ် ဆောင်ရွက်နေပြီ ဖြစ်ပါတယ်။

စီးပွားရေး နယ်ပယ်မှာ ပြည်တွင်း၊ ပြည်ပ တတ်သိပညာရှင်များရဲ့ တန်ဖိုးကြီးမားတဲ့ အကြံဉာဏ် တွေကို အလေးအနက်ထားပြီး ပုဂ္ဂလိကကဏ္ဍရဲ့ လုပ်ကိုင်နိုင်စွမ်းကို မြှင့်တင် ပေးနေပြီ ဖြစ်ပါတယ်။

ကျွန်တော်တို့အစိုးရရဲ့ အမျိုးသား ဖွံ့ဖြိုးတိုးတက်ရေး မဟာဗျူဟာကတော့ လူတန်းစား တစ်ခုတည်း၊ အသိုင်းအဝိုင်း တစ်ခုတည်း တိုးတက်ကြီးပွားစေရေး မဟုတ်ဘဲ မြန်မာ့လူ့ဘောင် အဖွဲ့အစည်းကြီးတစ်ခုလုံး အတွင်းမှာ ရှိတဲ့အလွှာအားလုံး၊ လူတန်းစားအားလုံး၊ နိုင်ငံသားအားလုံး လွှမ်းခြုံပါဝင်တဲ့ ဘက်စုံ ဖွံ့ဖြိုးတိုးတက်ရေး မဟာဗျူဟာပဲ ဖြစ်ပါတယ်။ ဂျီဒီပီ တိုးတက်ရုံသာမက၊ ပြည်သူလူထုရဲ့ လူနေမှု အဆင့်အတန်းတွေ မြင့်မားလာဖို့၊ ရရှိခံစားနေတဲ့ပညာရေး၊ ကျန်းမာရေး၊ လူမှုဖူလုံရေး အစရှိတဲ့ ပြည်သူ့ရေးရာ ဝန်ဆောင်မှုတွေ တိုးတက်မြင့်မားလာဖို့၊ ဖွံ့ဖြိုး တိုးတက်မှုကြောင့် သဘာဝ ပတ်ဝန်းကျင် မထိခိုက် မဆုံးရှုံးစေဖို့အထိ ရည်ရွယ်ဆောင်ရွက်နေတာ ဖြစ်ပါ တယ်။ ဖွံ့ဖြိုး တိုးတက်ရေးအတွက် အဓိကကျတဲ့ လူလတ်တန်းစား အရေ အတွက် တိုးတက် မြင့်မားလာအောင် ဆောင်ရွက်နေသလိုပဲ အောက်ခြေပြည်သူများ အတွက်လည်း တစ်ဦးချင်းဝင်ငွေ မြင့်မားလာဖို့၊ အလုပ်အကိုင် အခွင့်အလမ်းတွေ တိုးပွားလာဖို့အတွက် လယ်ယာကဏ္ဍ၊ စက်မှုကဏ္ဍ၊ ဝန်ဆောင်မှုကဏ္ဍစတဲ့ နယ်ပယ်အသီးသီးမှာ တစ်မျိုးသားလုံးရဲ့ စီးပွားရေး အဆောက်အအုံကြီးတစ်ခုလုံး ဟန်ချက်ညီ တိုးတက်လာဖို့ ပြည်တွင်း၊ ပြည်ပ အရင်းအနှီး၊ နည်းပညာ၊ ရင်းနှီးမြုပ်နှံမှု၊ ကျွမ်းကျင်မှု၊ စီမံခန့်ခွဲမှုတွေကို ဖိတ်ခေါ်စုစည်းပြီး ညီညွတ်မျှတပြီး သဟဇာတဖြစ်တဲ့ စီးပွားရေး ပတ်ဝန်းကျင်သစ် တစ်ရပ်ကို ဖော်ဆောင်နေတာ ဖြစ် ပါတယ်။

နာယကကြီး ခင်ဗျား -
ကျွန်တော်နဲ့တကွ ဒုတိယသမ္မတ (၂)ဦးနဲ့ တပ်မတော်ခေါင်းဆောင်တွေ၊ ပြည်ထောင်စုဝန်ကြီးတွေ၊ ပြည်နယ်/တိုင်းဒေသကြီး ဝန်ကြီးချုပ်တွေနဲ့ ပြည်နယ်/တိုင်းဒေသကြီး အစိုးရအဖွဲ့ဝင်တွေ၊ ဥပဒေပြုရေးနှင့် တရားရေး မဏ္ဍိုင်ဘက်က တာဝန်ရှိပုဂ္ဂိုလ်များ အားလုံးဟာ နိုင်ငံတော်နဲ့ နိုင်ငံသားတွေရဲ့ အကျိုးစီးပွားကို မြှင့်တင်ဖော်ဆောင်လိုတဲ့ စိတ်ဆန္ဒတွေ တစ်စိတ်တည်း တစ်ဝမ်းတည်းပဲ ရှိနေပါတယ်။

ဒီကနေ့ ကျွန်တော်တို့ အစိုးရကို နေရာအနှံ့က အမျိုးမျိုး အဖုံဖုံ ဝေဖန်ပြောကြားနေကြတာတွေလည်း ကျွန်တော်တို့ သိရှိ ထားပါတယ်။ အပြုသဘော မဆောင်တဲ့ ကောလဟာလတွေလည်း ကျွန်တော်တို့ ကြားသိနေပါတယ်။ ကျွန်တော်တို့အစိုးရဟာ အများပြောနေကြသလို ခေါင်းမာ ဂိုဏ်းနဲ့ အပျော့ဂိုဏ်းဆိုပြီ ကွဲပြားနေတာမရှိပါဘူး။ လူတစ်ဦးချင်းစီရဲ့ ဗီဇ၊ စရိုက်၊ အမူအကျင့်တွေပေါ်မှာ မူတည်ပြီး စီမံခန့်ခွဲမှု ကွဲပြားခြားနားတာက လွဲလို့ ကျွန်တော်တို့ အစိုးရအဖွဲ့ရဲ့ မူဝါဒကို ကျွန်တော်တို့အားလုံး မမှိတ်မသုန် ယုံကြည်စွာ ဆောင်ရွက်နေကြတာ ဖြစ်ပါတယ်။

ဒီကနေ့ဒီအချိန်မှာ ခေတ်သစ်၊ စနစ်သစ်တစ်ခုကို ကူးပြောင်းရုံသာမက ကျွန်တော်တို့ မြန်မာ့လူ့အဖွဲ့အစည်း ကြီးတစ်ခုလုံးကို ဒီမိုကရေစီလူ့အဖွဲ့အစည်းကြီးအဖြစ် ပြောင်းလဲမြှင့်တင် ပုံဖော်နေကြရတဲ့အချိန်မှာ နိုင်ငံတော်အစိုးရအနေနဲ့ ခိုင်မာအားကောင်း တောင့်တင်းနေဖို့ အရေးကြီးပါတယ်။

အသွင်ကူးပြောင်းရေး တာဝန်ကို ပုခုံး ထမ်းထားရတဲ့ အစိုးရအဖွဲ့ဟာ စည်းစည်းလုံးလုံး ညီညီညွတ်ညွတ် တည်တည် ငြိမ်ငြိမ်နဲ့ ပြုပြင် ပြောင်းလဲမှုတွေကို တစ်ဆင့်ပြီးတစ်ဆင့် စနစ်တကျ ဖော်ဆောင် သွားနိုင်ဖို့ လိုပါတယ်။ ကျွန်တော်တို့ လျှောက်လှမ်းတဲ့ ပြုပြင်ပြောင်းလဲရေး လမ်းကြောင်းဟာ ခိုင်မာရင့်မာဖို့ အရေးကြီးပါတယ်။

အခုဆိုရင် ကျွန်တော်တို့ ဟာ ကက်ဘိနက် အစည်းအဝေးတွေရဲ့ လုပ်ထုံးလုပ်နည်းတွေ၊ မလိုအပ်တဲ့ အချိန်ကုန်မှုတွေကို အနည်းဆုံးအဆင့်အထိ လျှော့ချပြီး နိုင်ငံတော်နဲ့နိုင်ငံသား တွေရဲ့ အကျိုးစီးပွားကို မြှင့်တင်ဖော်ဆောင်နိုင်ဖို့ ကြိုးပမ်းဆောင်ရွက်နေပြီ ဖြစ်ပါတယ်။

သက်ဆိုင်ရာ အစိုးရဝန်ကြီးဌာန/ အဖွဲ့အစည်းများ၊ ပြည်နယ်/ တိုင်းဒေသကြီးအစိုးရများ အနေနဲ့လည်း အစည်းအဝေးတွေ ဆက်တိုက် ကျင်းပပြီး အချိန်ကုန်မနေကြဘဲ ပြည်သူ့ရေးရာ ဝန်ဆောင်မှုတွေကို စွမ်းအားကုန် ဖြည့်ဆည်းပေးပြီး ပြည်သူလူထု စိတ်ကျေနပ်မှု၊ စိတ်ချမ်းသာမှုကို ရှေ့ရှု ဆောင်ရွက်ကြရမှာ ဖြစ်ပါတယ်။

ခေတ်အဆက်ဆက် အမြစ်တွယ်နေတဲ့ အဂတိ လိုက်စားမှုဆိုတဲ့ အမျိုးသားရေး စိန်ခေါ်မှုကြီးဟာ ခေတ်စနစ်နဲ့အတူ ပေါက်ဖွား ရှင်သန်လာခဲ့တာ ဖြစ်တဲ့အတွက် ခေတ်ပြောင်း၊ စနစ်ပြောင်းမှာ စိတ်ဓာတ်၊ ခံယူချက်၊ ကျင့်ဝတ်၊ လုပ်ငန်းခွင်၊ သက်သာချောင်ချိရေး၊ ပြန်လည် စောင့်ကြည့်ရေး၊ တရားဥပဒေ၊ စည်းမျဉ်းစည်းကမ်း၊ လုပ်ထုံးလုပ်နည်း၊ အသိ အမြင် မြှင့်တင်ရေး အစရှိတဲ့ ဘက်စုံချဉ်းကပ်မှု နည်းလမ်းတွေနဲ့ ပညာပေးခြင်း၊ စည်းရုံးခြင်း၊ သတိပေးခြင်း၊ အရေးယူခြင်းများကို ဆောင်ရွက်နေပြီ ဖြစ်ပါ တယ်။

ရပ်ကွက်/ကျေးရွာ အုပ်ချုပ်ရေးမှူးအဆင့်အထိ အုပ်ချုပ်ရေးယန္တရား ပြန်လည် ဖွဲ့စည်း တည်ဆောက်ရာမှာ ခေတ်အဆက်ဆက် စူးဝင်နေခဲ့တဲ့ ဆူးချွန် တွေကို ဖယ်ရှားပစ်ဖို့ ခိုင်မာတဲ့ဥပဒေ၊ နည်းဥပဒေတွေနဲ့ ပြောင်းလဲတည်ဆောက် ရတာ ဖြစ်ပါတယ်။

ခေတ်ပြောင်း၊ စနစ်ပြောင်း လုပ်ငန်းစဉ် ပီပြင်ခိုင်မာ လာတာနဲ့အမျှ အဂတိလိုက်စားမှုတွေ သိသိသာသာ လျော့နည်းပပျောက်သွား စေမှာ ဖြစ်တဲ့အတွက် အုပ်ချုပ်ရေး ယန္တရား ပြန်လည်ဖွဲ့စည်းတည်ဆောက်မှုကို အချိန်ယူပြီး ဆောင်ရွက်နေတာ ဖြစ်ပါတယ်။

လက်ရှိနိုင်ငံတော်ရဲ့ ငွေရေးကြေးရေးအခြေအနေ၊ ပြည်ပကြွေးမြီ၊ ဘတ်ဂျက်လိုငွေစတဲ့ မက်ခရိုစီးပွားရေး အခြေအနေအရပ်ရပ်ပေါ် မူတည်ပြီး အခြေအနေအချိန်အခါ သင့်ရင်သင့်သလို လစာ၊ စရိတ်တွေ တိုးမြှင့်ပေးနိုင် အောင်လည်း ကြိုးစားဆောင်ရွက်ပေးသွားမှာ ဖြစ်ပါတယ်။

ကျွန်တော်တို့ အစိုးရအဖွဲ့ဟာ စတင်လွှဲပြောင်းရယူချိန်ကစပြီး မြင့်မားတဲ့ လစာနှုန်းထား တွေကို ရယူခံစားခြင်း မပြုဘဲ ယခင်အစိုးရလက်ထက်က နှုန်းထားအတိုင်း ရယူခံစားနေကြသူတွေ ဖြစ်ပါတယ်။ လူတန်းစား ကွာဟချက်တွေ၊ ဆင်းရဲ နွမ်းပါးမှုတွေ ကြီးကြီးမားမား တည်ရှိနေသေးပြီး ပြည်သူတစ်ဦးချင်းဝင်ငွေ နိမ့်ကျနေသေးတဲ့ ဒီကနေ့ဒီအချိန်မှာ ကျွန်တော်တို့ဟာ ပြည်သူ့ဝန်ထမ်းတွေ ဖြစ်တာနဲ့အညီ ပြည်သူ့ရေးရာ ဝန်ဆောင်မှုတွေ အပြည့်အဝဖြည့်ဆည်းနိုင် အောင်၊ မိမိတို့ကြောင့် ဖြစ်ပေါ်ရတဲ့ အပိုကုန်ကျ စရိတ်တွေ လျော့နည်းပပျောက် သွားအောင် စိတ်ရင်းစေတနာ အရင်းခံပြီး ထမ်းဆောင်သွားကြဖို့ ပြောကြားလို ပါတယ်။

မြန်မာတစ်နိုင်ငံလုံးမှာ အစိုးရဝန်ထမ်း အရေအတွက် စုစုပေါင်းဟာ တစ်နိုင်ငံလုံး လူဦးရေရဲ့ (၃.၃%)ခန့် ရှိတဲ့အတွက် ကျွန်တော်တို့ဟာ ပြည်သူ့ အစိုးရ ဖြစ်တာနဲ့အညီ အစိုးရ ဝန်ထမ်းမဟုတ်သော သာမန်လက်လုပ်လက်စား ပြည်သူ (၉၆.၇%)ခန့်ကိုလည်း ပြန်လည် ငဲ့ကွက်ဖို့ လိုပါတယ်။ အခုဆိုရင် လစာတိုးပေးရေး ဆွေးနွေးမှုတွေကြောင့် အရပ်ရပ်ကုန်ဈေးနှုန်းတွေ ရုတ်တရက် တက်လာတာကိုလည်း တွေ့ရှိရပါတယ်။ ကျွန်တော်တို့ ဝန်ထမ်းတွေ လစာ တိုးမြှင့်ပေးလိုက်လို့ ခံသာပေမယ့် အစိုးရဝန်ထမ်း မဟုတ်တဲ့ (၅၈)သန်းသော ပြည်သူတွေဟာ ဒီနောက်ဆက်တွဲ အကျိုးဆက်ကို ကိုယ်တိုင်ကိုယ်ကျ ကြုံတွေ့ ရမှာဖြစ်ပါတယ်။ ကိုယ့်ယန္တရား တစ်ရပ်တည်းကိုပဲ အလေးပေးစဉ်းစားလို့ မဖြစ်တဲ့ အခြေအနေမှာ ကျွန်တော်တို့အနေနဲ့ လစာ သို့မဟုတ် ထောက်ပံ့ ကူညီမှုတွေ တိုးမြှင့်ဆောင်ရွက်နိုင်ဖို့ ခြုံငုံစဉ်းစား ဆောင်ရွက်ပေးသွားမှာ ဖြစ်ပါတယ်။

ကျွန်တော်တို့အစိုးရ နိုင်ငံတော်တာဝန် စတင်ရယူချိန်ကစပြီး ကျေးလက် ဒေသမှာရှိတဲ့ မိဘပြည်သူတွေ၊ လယ်ယာစိုက်ပျိုးရေးကဏ္ဍမှာရှိတဲ့ မိဘပြည်သူ တွေအတွက် ဦးစားပေးအဆင့် အမြင့်ဆုံး ချမှတ်ပြီး ဆောင်ရွက်နေတာဖြစ်ပါ တယ်။ ဒီတာဝန်ဟာ ပါးစပ်ကပြောသလောက် မလွယ်ကူဘဲ လက်တွေ့ အကောင် အထည်ဖော်ရာမှာ ကြီးမားတဲ့အတွက် အစိုးရ-ပုဂ္ဂလိက ပူးပေါင်းဆောင်ရွက်တဲ့ နည်းလမ်းအသစ်နဲ့ ကျွန်တော်တို့ မြေစမ်းခရမ်းပျိုး ဆောင်ရွက်နေတာ ဖြစ်ပါတယ်။

ဆင်းရဲနွမ်းပါးမှုဆိုတာ ရေတိုကာလအတွင်း လျင်လျင်မြန်မြန် တိုက်ဖျက်သွားနိုင်ဖို့ မလွယ်ကူမှန်း သိပေမယ့်လည်း ဆင်းရဲနွမ်းပါးတဲ့ မိဘ ပြည်သူတွေအတွက် ကူညီထောက်ပံ့မှုတွေ၊ အလုပ်အကိုင်အခွင့်အလမ်းတွေ၊ ကျန်းမာရေး၊ လူမှုဖူလုံရေးစတဲ့ လူသားဂုဏ်သိက္ခာနဲ့အညီ နေထိုင်ရပ်တည် နိုင်ဖို့အတွက် ပြည်တွင်း၊ ပြည်ပမှာရှိတဲ့ ပုဂ္ဂလိက၊ NGO ၊ နိုင်ငံတကာ အဖွဲ့အစည်းတွေရဲ့ အကူအညီကို ရယူပြီး ကုလသမဂ္ဂအဖွဲ့ကြီးရဲ့ ထောင်စုနှစ် ရည်မှန်းချက်များနဲ့အညီ ကျွန်တော်တို့နိုင်ငံမှာ (၂၆%)ရှိနေတဲ့ ဆင်းရဲနွမ်းပါးမှု နှုန်းထားကို ၂၀၁၅ ခုနှစ်ရောက်ရင် (၁၆%)အထိ လျှော့ချနိုင်ဖို့၊ LDC နိုင်ငံ ဘဝက ရုန်းထွက်နိုင်ဖို့ ကြိုးပမ်းဆောင်ရွက်နေတာ ဖြစ်ပါတယ်။

ဒီ(၂၆%)သော ပြည်သူများရဲ့ အခြေခံကျန်းမာရေးစောင့်ရှောက်မှုအတွက် ပုဂ္ဂလိက အဖွဲ့အစည်း များနဲ့ ပူးပေါင်းပြီး ယူနီဗာဆယ် ကျန်းမာရေး အာမခံစနစ်သစ် တစ်ရပ် ပေါ်ထွန်းလာဖို့လည်း ဆောင်ရွက်နေပြီ ဖြစ်ပါတယ်။

လယ်ယာကဏ္ဍပြင်ပ အလုပ်အကိုင် အခွင့်အလမ်းတွေ ပေါများလာအောင်လည်း ဒေသအနေအထားပေါ်မူတည်ပြီး စက်မှုလုပ်ငန်းတွေ ထွန်းကားလာအောင် အမျိုးသားဖွံ့ဖြိုးတိုးတက်ရေး စီမံကိန်းတွေမှာ ထည့်သွင်း တွက်ချက်ပြီး ဆောင်ရွက်နေတာ ဖြစ်ပါတယ်။ ဒီစီမံကိန်းတွေမှာလည်း ကျွန်တော်တို့ရဲ့ အမျိုးသားပြန်လည်ပေါင်းစည်း ညီညွတ်ရေးလုပ်ငန်းစဉ်အရ ပြန်လည်ရင်ကြားစေ့လာကြမယ့် တိုင်းရင်းသား လူငယ်တွေရဲ့ အနာဂတ်ကိုလည်း ခြုံငုံချိတ်ဆက်ပါဝင် နိုင်အောင် ဆောင်ရွက် နေပါတယ်။

ရေတိုကာလမှာ ရသင့်ရထိုက်တဲ့ အခွန်အခတွေ တိုးမြှင့်ရရှိလာအောင် ဆောင်ရွက်ရာမှာ မိဘပြည်သူများရဲ့ လူမှု-စီးပွားဘဝများကို မထိခိုက်စေအောင် အဘက်ဘက်မှ ခြုံငုံသုံးသပ်ပြီး ဆောင်ရွက်နေသလို နိုင်ငံတော်ရဲ့ ယိုပေါက်၊ ဟာပေါက်တွေ ပိတ်နိုင်အောင်လည်း ကောင်းမွန်သော အုပ်ချုပ်မှုနဲ့ ထိန်းကျောင်း ဆောင်ရွက်သွားနေပြီ ဖြစ်ပါတယ်။

ရေရှည်ကာလမှာတော့ ညီမျှမှု Equality နဲ့ မျှတမှု Fairness ဆိုတဲ့ အနေအထား(၂)ရပ်အကြားမှာ လိုက်လျောညီထွေ ဖြစ်စေမယ့် အခွန်ဥပဒေတစ်ရပ်ကို ခေတ်စနစ်နဲ့သာမက မိဘပြည်သူများရဲ့ ပကတိအခြေအနေမှန်နဲ့အညီ တစ်ဦးချင်းဝင်ငွေနိမ့်ကျတဲ့ ပြည်သူတွေအတွက် ဝန်ထုပ် ဝန်ပိုး မဖြစ်စေအောင် ပြဌာန်းနိုင်ရေး ဆောင်ရွက်လျက်ရှိပြီး နိုင်ငံတော် သမ္မတ အပါအဝင် နိုင်ငံသားတိုင်း အခွန်ပေးဆောင်ရေးကို ဦးတည်ကြိုးပမ်း ဆောင်ရွက်သွားမှာ ဖြစ်ပါတယ်။

အလုပ်လုပ်နိုင်တဲ့ နိုင်ငံသားတိုင်း အလုပ်အကိုင် အခွင့်အလမ်းတွေ ရရှိ နိုင်အောင် မြန်မာနိုင်ငံတစ်နံတစ်လျားမှာ စက်မှုဇုန်တွေ ထူထောင် တည်ဆောက် နေပြီဖြစ်ပါတယ်။

ပြည်တွင်း ပြည်ပရင်းနှီးမြှုပ်နှံမှုတွေ အရှိန်အဟုန်နဲ့ စီးဝင် လာအောင် ဆောင်ရွက်နေပြီဖြစ်သလို ဒီရင်းနှီးမြှုပ်နှံမှုတွေကို ခိုင်ခိုင်မာမာ အကာအကွယ်ပေးနိုင်အောင်လည်း ကျွန်တော်တို့အစိုးရအနေနဲ့ ကြိုးပမ်း ဆောင်ရွက်နေပြီ ဖြစ်ပါတယ်။

ဒီမိုကရေစီလူ့ဘောင်ကို တည်ဆောက်ရာမှာ နိုင်ငံရေး ပြုပြင်ပြောင်းလဲမှုနဲ့ စီးပွားရေးပြုပြင်ပြောင်းလဲမှုကို တစ်ချိန်တည်း တစ်ပြိုင်တည်း ထူထောင် တည်ဆောက်နေတာ ဖြစ်ပါတယ်။ ဒီမိုကရေစီလူ့ အဖွဲ့အစည်းတစ်ရပ် ပေါ်ထွန်းလာရေးနဲ့ မြန်မာ့စီးပွားရေး ဦးမော့လာရေး အတွက် အဓိကအရင်းအမြစ်ဖြစ်တဲ့ လူသားအရင်းအမြစ် ဖွံ့ဖြိုးတိုးတက်ရေးကို ဟန်ချက်ညီ ဖော်ဆောင်နေပြီ ဖြစ်ပါတယ်။

တက္ကသိုလ်တွေ၊ စာသင်ကျောင်းတွေ ပြုပြင်ပြောင်းလဲရေး ဆောင်ရွက်ရာမှာ ခေတ်စနစ်နဲ့ညီတဲ့ သင်ရိုးညွှန်တမ်း တွေကိုသာမက စီမံခန့်ခွဲမှု ပြုပြင်ပြောင်းလဲရေးကိုပါ ဒွန်တွဲဆောင်ရွက်နေပြီ ဖြစ်ပါတယ်။ ကောလိပ်၊ တက္ကသိုလ်တိုင်း သက်ဆိုင်ရာ ဝန်ကြီးဌာနတွေရဲ့ ကွပ်ကဲမှုအောက်မှာ ရှိနေမှာဖြစ်သော်လည်း တစ်ချိန်မှာ မိမိတက္ကသိုလ်နဲ့မိမိ စီမံအုပ်ချုပ်ပိုင်ခွင့်ရှိအောင် ဆောင်ရွက်သွားမှာ ဖြစ်ပါတယ်။

အခြေခံပညာ စာသင်ကျောင်းတိုင်းမှာ စာကြည့်တိုက်တွေ ရှိရမှာဖြစ်သလို ကောလိပ်၊ တက္ကသိုလ်တွေ အားလုံးမှာလည်း သမားရိုးကျ စာကြည့်တိုက်တွေသာမက နိုင်ငံတကာ အဆင့်မြင့် တက္ကသိုလ်ကြီးတွေနဲ့ ချိတ်ဆက်ထားတဲ့ အွန်လိုင်း စာကြည့်တိုက်တွေရှိအောင် ဆောင်ရွက်သွားမှာ ဖြစ်ပါတယ်။

အသိပညာ အခြေခံတဲ့ စီးပွားရေးစနစ်ကို မျှော်မှန်းဆောင်ရွက်နေတဲ့ ကျွန်တော်တို့ အစိုးရ အနေနဲ့ နိုင်ငံတကာ တက္ကသိုလ်ကြီးတွေနဲ့ ချိတ်ဆက်ပြီး ဆရာ၊ ဆရာမများရဲ့ အရည်အချင်းကို မြှင့်တင်ရမှာဖြစ်သလို စာသင်ကျောင်းတွေရဲ့ အရည်အသွေး ကိုလည်း စဉ်ဆက်မပြတ် မြှင့်တင်ပေးသွားမှာ ဖြစ်ပါတယ်။

နည်းပညာခေတ်၊ ပညာခေတ်မှာ ကျွန်တော်တို့နိုင်ငံ နောက်ကျ ကျန်ရစ်ခဲ့တဲ့ Digital Divide ကို လျော့နည်း ပပျောက်စေရန်လည်း အင်တာနက် ချိတ်ဆက်မှုတွေ၊ လက်တွေ့ အသုံးချ Telecommunication ကွန်ယက်တွေ မြှင့်တင်ဆောင် ရွက်နေပြီ ဖြစ်ပါ တယ်။

အမျိုးသား ဖွံ့ဖြိုးတိုးတက်ရေးအတွက် လာမယ့်ဘဏ္ဍာရေးနှစ်မှာ ကျန်းမာရေးကဏ္ဍမှာ ယခင်ထက် လေးဆ တိုးမြှင့်သုံးစွဲပြီး ပညာရေးကဏ္ဍမှာ ယခင်ထက် နှစ်ဆ တိုးမြှင့်သုံးစွဲထားဖို့ လျာထားနေတာကိုလည်း တွေ့ရမှာ ဖြစ်ပါတယ်။

ပြုပြင်ပြောင်းလဲမှုတွေ အခြေခံခိုင်မာလာပြီး နိုင်ငံတော်ရဲ့ ဘဏ္ဍာငွေ တိုးတက်မြင့်မားလာတာနဲ့အမျှ ရေမြင့် ကြာတင့်ဆိုသလို လူသား အရင်းအမြစ် ဖွံ့ဖြိုးတိုးတက်ရေးကို ပိုမို အားပေးမြှင့်တင် ဆောင်ရွက်သွားမှာ ဖြစ်ပါတယ်။

ကျွန်တော်တို့အစိုးရ လက်ထက်မှာ သဘာဝအရင်းအမြစ် ထုတ်ယူရေးကို အခြေခံတဲ့ ပြည်ပရင်းနှီးမြှုပ်နှံမှုတွေရဲ့နေရာမှာ ကုန်ထုတ်လုပ်မှုကို အခြေခံတဲ့ ပြည်ပရင်းနှီးမြုပ်နှံမှုတွေ အစားထိုး ဝင်ရောက်လာအောင် မူဝါဒအသစ်များ ချမှတ်ပြီး ပြည်တွင်း၊ ပြည်ပ တတ်သိပညာရှင်တွေရဲ့ ပံ့ပိုးကူညီမှုတွေနဲ့ ဆောင်ရွက်နေပါတယ်။

မက်ခရိုစီးပွားရေး ခိုင်မာကောင်းမွန်အောင် တစ်ဘက်က တည်ဆောက်နေသလို တစ်ဘက်ကလည်း အခြေခံအဆောက်အအုံ၊ လူသား အရင်းအမြစ်၊ ကျွမ်းကျင်လုပ်သား၊ နည်းပညာမြှင့်တင်ရေး၊ သဘာဝ ပတ်ဝန်းကျင် ထိန်းသိမ်းရေး၊ တရားဥပဒေအခြေခံ ဖွဲ့စည်း တည်ဆောက်မှု၊ ယှဉ်ပြိုင်နိုင်စွမ်းရှိတဲ့ စီးပွားရေးနယ်ပယ်၊ ပုဂ္ဂလိက ပါဝင်မှုအချိုးအစား မြှင့်တင်ရေး အစရှိတဲ့ ဘက်စုံ လွှမ်းခြုံပါဝင်တဲ့ အစီအမံများကို ရေတို ရေရှည် ချမှတ် ဆောင်ရွက်နေတာ ဖြစ်ပါတယ်။

ကျွန်တော်တို့အစိုးရအနေနဲ့ နိုင်ငံအသွင် ကူးပြောင်းရေး၊ နိုင်ငံတော်သစ် တည်ဆောက်ရေးနဲ့ မြန်မာ့လူ့အဖွဲ့အစည်းကြီး တစ်ခုလုံး လိုက်ပါမြင့်တက်လာရေး စတဲ့ တာဝန်ကြီး(၃)ရပ်ကို တစ်ချိန်တည်း တစ်ပြိုင်တည်းမှာ ဆောင်ရွက်နေရတာ ဖြစ်ပါတယ်။

ကျွန်တော်တို့ အစိုးရ မျှော်မှန်းတဲ့ အမျိုးသားဖွံ့ဖြိုးတိုးတက်မှုဟာ Environmentally Sustainable ဖြစ်ရပါမယ်၊ Socially Sustainable ဖြစ်ရမယ်၊ Economically Sustainable ဖြစ်ရမယ်ဆိုတဲ့ အခြေခံမူဝါဒကြီး(၃)ရပ် ချမှတ်ပြီး အကောင်အထည်ဖော် ဆောင်ရွက်နေတာ ဖြစ်ပါတယ်။ ဒီလို ဆောင်ရွက်ရာမှာ ပြည်ပရင်းနှီးမြုပ်နှံမှုရော၊ ပြည်ပထောက်ပံ့ကူညီမှုတွေကိုပါ ထိထိရောက်ရောက် ဖြည့်ဆည်းပေးနိုင်ဖို့လည်း တံခါးဖွင့်ပြီး ဆောင်ရွက်နေပါတယ်။

နိုင်ငံတကာ အသိုင်း အဝိုင်းအနေနဲ့လည်း မြန်မာနိုင်ငံမှာ ရင်းနှီးမြှုပ်နှံမှု၊ ထောက်ပံ့ကူညီမှု (၁)ဒေါ်လာ ပြုလုပ်တိုင်း မြန်မာနိုင်ငံရဲ့ ဒီမိုကရေစီ ရှင်သန်ခိုင်မာရေး၊ မြန်မာ ပြည်သူများရဲ့ အကျိုးစီးပွား တိုးတက်မြင့်မားရေး အတွက် (၁)ဒေါ်လာ ထည့်ဝင်ရာ ရောက်တဲ့အတွက် ဒီမိုကရေစီ အသွင်ကူးပြောင်းစ ကျွန်တော်တို့နိုင်ငံ နောက်ပြန် လန်ကျမသွားစေဖို့ အခြေအနေမှန်များကို နက်နက်ရှိုင်းရှိုင်း သိမြင် နားလည်ပြီး ကူညီဆောင်ရွက်ပေးကြဖို့ ပြောကြားလိုပါတယ်။

နာယကကြီး ခင်ဗျား -
ဒီမိုကရေစီအသွင်ကူးပြောင်းရေးနဲ့ နိုင်ငံတည်ဆောက်ရေး လုပ်ငန်းစဉ် တွေမှာ အရေးကြီးဆုံးကတော့ အရပ်ဘက်လူ့အဖွဲ့အစည်း ခိုင်မာ အားကောင်းလာရေးပဲဖြစ်ပါတယ်။ ကျွန်တော်တို့ တိုင်းရင်းသား လူမျိုးတွေဟာ ဘာသာ တရားရဲ့ အဆုံးအမနဲ့အတူ ယဉ်ကျေးမှုအရ နက်နက်ရှိုင်းရှိုင်း အမြစ်တွယ်နေ ခဲ့တဲ့ ပရဟိတစိတ်ဓာတ်ဆိုတာ ရှိနေပါတယ်။ သာရေး၊ နာရေးကအစ အရေးပေါ် ကယ်ဆယ်ရေးမှသည် စီးပွားရေး၊ ဖွံ့ဖြိုး တိုးတက်ရေး၊ သဘာဝပတ်ဝန်းကျင် ထိန်းသိမ်းရေးအထိ အရပ်ဘက် လူ့အဖွဲ့အစည်းတွေ အရှိန်အဟုန်နဲ့ ပေါ်ထွန်း လာနေတာကိုလည်း ဝမ်းမြောက်ဖွယ်ရာ တွေ့မြင်နေရပြီဖြစ်ပါတယ်။

ဖောင်ဒေးရှင်း တွေ၊ အသင်းအဖွဲ့တွေ စနစ်တကျ ဖြစ်ထွန်းအောင်မြင်လာနေတာဟာလည်း ကျွန်တော်တို့ လူ့အဖွဲ့အစည်းအတွက် ဂုဏ်ယူဝမ်းမြောက်ဖွယ်ရာလည်း ဖြစ်ပါ တယ်။ ကျွန်တော်တို့နိုင်ငံရဲ့ ဒီမိုကရေစီရှင်သန်ခိုင်မာရေးမှာ ဒီအရပ်ဘက် လူ့အဖွဲ့အစည်းတွေဟာ အရေးကြီးတဲ့အခန်းကဏ္ဍမှာ ရှိနေတာဖြစ်ပါတယ်။ အားနည်းသူတွေ အကာအကွယ်ပေးရေးမှာလည်း ဥပဒေနဲ့အညီ တောင်သူ လယ်သမားတွေရဲ့ အခွင့်အရေးတွေ၊ အလုပ်သမားတွေရဲ့ အခွင့်အရေးတွေ ကာကွယ်ပေးနိုင်မယ့် လူတန်းစားသမဂ္ဂ၊ အဖွဲ့အစည်းတွေ စနစ်တကျ ပေါ်ထွက် လာအောင်လည်း ကျွန်တော်တို့ ဆောင်ရွက်နေပြီဖြစ်ပါတယ်။

လူ့အဖွဲ့အစည်း အတွင်းမှာရှိတဲ့ နိုင်ငံသားများရဲ့ မူလအခြေခံအခွင့်အရေးတွေကို ထိထိ ရောက်ရောက် အကာအကွယ်ပေးဖို့အတွက်လည်း အမျိုးသားလူ့အခွင့်အရေး ကော်မရှင်ကို စနစ်တကျ ဖွဲ့စည်းထူထောင်ပြီး ဆောင်ရွက်နေပြီ ဖြစ်ပါတယ်။

စတုတ္ထမဏ္ဍိုင်များအနေနဲ့ ဒီမိုကရေစီကျင့်စဉ်နဲ့အညီ လွတ်လပ်မှုနဲ့ တာဝန် ယူမှုကို မျှမျှတတ ထိန်းကျောင်း ဆောင်ရွက်သွားနိုင်စေဖို့ “အမျိုးသား စာနယ်ဇင်းကောင်စီ” ကို ဖွဲ့စည်း ထူထောင် ဆောင်ရွက်ပေးသွားမှာ ဖြစ်ပါတယ်။

တစ်ချိန်တည်းမှာပဲ ဂလိုဘယ်လိုက်ဇေးရှင်းနဲ့ ပြတ်ကျန်နေရစ်ခဲ့တဲ့ ကျွန်တော်တို့နိုင်ငံဟာ ခေတ်သစ် စနစ်သစ်မှာ နိုင်ငံတကာနဲ့ ပိုမိုပေါင်းစည်းရေး ကြိုးပမ်းဆောင်ရွက်ရာမှာ ကျွန်တော်တို့ ဘိုး၊ ဘွား၊ ဘီ၊ ဘင်တွေ ထိန်းသိမ်း စောင့်ရှောက်ခဲ့တဲ့ တိုင်းရင်းသားအားလုံးရဲ့ ယဉ်ကျေးမှု၊ ရိုးရာဓလေ့ထုံးတမ်း၊ အစဉ်အလာ၊ အနုပညာ၊ သဘင်၊ စာပေ၊ ဂီတ၊ သုခုမအစရှိတဲ့ မြန်မာ့ တန်ဘိုးတွေ ပျောက်ပျက်မသွားစေဖို့၊ ကျွန်တော်တို့ တိုင်းရင်းသားအားလုံးရဲ့ မြန်မာ့တန်ဘိုးမှာရှိတဲ့ ဆော့ဖ်ပါဝါကို ပိုမိုခိုင်မာအားကောင်းလာအောင် ဆောင်ရွက်ဖို့ ကြိုးပမ်းဆောင်ရွက်သွားကြရမှာ ဖြစ်ပါတယ်။

ရုပ်ရှင်၊ ဂီတ၊ သဘင် အစရှိတဲ့ မြန်မာ့တန်ဘိုး မြှင့်တင်ရာမှာ အဓိကကျတဲ့ အရပ်ဘက် လူ့အဖွဲ့အစည်းတွေအနေနဲ့လည်း ပြောင်းလဲလာတဲ့ ခေတ်သစ်၊ စနစ်သစ်နဲ့ ကမ္ဘာလုံးဆိုင်ရာ ဆက်နွယ်ပေါင်းစည်းမှုမှာ မြန်မာ့တန်ဘိုးတွေ ပျောက်ပျက် မသွားရအောင်၊ မြန်မာ့တန်ဘိုးတွေ ထွန်းလင်းတောက်ပလာအောင် ဆောင်ရွက် နေပြီဖြစ်ပါတယ်။

နာယကကြီး ခင်ဗျား-
ကျွန်တော်တို့ရဲ့ ဒီမိုကရေစီအသွင်ကူးပြောင်းရေးရဲ့ ပဋိညာဉ် မူဘောင်ကြီး ဖြစ်တဲ့ ဖွဲ့စည်းပုံအခြေခံဥပဒေမှာ အာဏာ(၃)ရပ်ကို အညီအမျှ ခွဲဝေပေး ထားတာဖြစ်ပါတယ်။ ဒီအာဏာကြီး (၃)ရပ်ကို အညီအမျှ ခွဲဝေကျင့်သုံးပြီး စတုတ္ထမဏ္ဍိုင်ဖြစ်တဲ့ စာနယ်ဇင်းမီဒီယာတွေ၊ ပဉ္စမ မဏ္ဍိုင်ဖြစ်တဲ့ ကျွန်တော်တို့ မိဘပြည်သူတွေနဲ့ တပ်မတော်တို့ဟာ ဒီမိုကရေစီ အသွင်ကူးပြောင်းရေးကို နားလည်မှုရှိရှိ၊ ယုံကြည်မှုရှိရှိ ဆက်လက် ဆောင်ရွက်သွားကြမယ်ဆိုရင် ကျွန်တော်တို့အားလုံး မျှော်မှန်းထားတဲ့ ခေတ်မီဖွံ့ဖြိုး တိုးတက်တဲ့ ဒီမိုကရေစီ နိုင်ငံတော်သစ်ကြီးကို ရောက်ရှိလာမှာ ဖြစ်ပါတယ်။

လွတ်လပ်ပြီး လူသား ဂုဏ်ရည်မြင့်မားတဲ့ ဒီမိုကရေစီ လူ့ဘောင်ကြီး ဖြစ်ပေါ်လာရေးအတွက် အခြေခံအကျဆုံးကတော့ ဥပဒေစိုးမိုးရေးပဲ ဖြစ်ပါတယ်။ ကျွန်တော်တို့ လွှတ်တော်အရပ်ရပ်က ဥပဒေတွေရေးဆွဲပြဋ္ဌာန်း၊ ဒီဥပဒေတွေနဲ့ အညီ ကျွန်တော်တို့အစိုးရက အုပ်ချုပ်၊ ဒီဥပဒေတွေနဲ့အညီ တရားစီရင်ရေး မဏ္ဍိုင်က လိုက်နာဆောင်ရွက်သွားကြရမှာ ဖြစ်ပါတယ်။

ကျွန်တော်တို့ရဲ့ အုပ်ချုပ်ရေး ယန္တရားမှာ Rule of Law ရှိရပါမယ်။ စီးပွားရေးလုပ်ငန်း လုပ်ကိုင်ကြရာမှာ Rule of Law ရှိရပါမယ်။ လူမှုဖူလုံရေးအတွက်လည်း Rule of Law ရှိရပါမယ်။ နိုင်ငံရေးလုပ်ငန်းစဉ်တွေမှာလည်း Rule of Law ရှိရပါမယ်။ အပြည်ပြည်ဆိုင်ရာ ဆက်ဆံရေးမှာလည်း Rule of Law ရှိရပါမယ်။ တရားစီရင်ရေးမှာလည်း Rule of Law ရှိရပါမယ်။ ကျွန်တော်တို့ လူ့အဖွဲ့အစည်းကြီးတစ်ခုလုံး Rule of Law နဲ့အညီ ဆောင်ရွက်နိုင်ပြီဆိုရင် လူ့အခွင့်အရေး၊ လွတ်လပ်ခွင့်၊ ဒီမိုကရေစီ ဆိုတာတွေဟာလည်း အလိုအလျောက် ထွန်းကားရှင်သန်လာမှာ ဖြစ်တဲ့အတွက် နိုင်ငံတည်ဆောက်ရေးအဆင့်ဆင့် ခိုင်မာရေးဟာ Rule of Law အပေါ်မှာ မူတည်နေပါတယ်။ ဒီတာဝန်ကြီးကိုလည်း ကျွန်တော်တို့အားလုံး ညီညီ ညွတ်ညွတ် စုပေါင်း ဆောင်ရွက်သွားကြရမှာ ဖြစ်ပါတယ်။

တစ်ဆက်တည်းမှာပဲ မြန်မာ့လူ့ဘောင်အဖွဲ့အစည်းအတွင်းမှာ ရှိနေကြတဲ့ ကျွန်တော်တို့ အားလုံးဟာလည်း ဒီမိုကရေစီနိုင်ငံနဲ့ ထိုက်တန်တဲ့ စိတ်နေ စိတ်ထား၊ အမူအကျင့်တွေကို ပြုပြင်ပြောင်းလဲရေး လုပ်ဆောင်သွားကြရမှာ ဖြစ်ပါတယ်။ ခေတ်ပြောင်းသွားပြီ၊ စနစ်ပြောင်းသွားပြီဆိုတာကို အားလုံးက ယုံယုံကြည်ကြည် လက်ခံနိုင်ပြီဆိုရင် နောက်ကြောင်းက အတွေးအခေါ်တွေ၊ အမူအကျင့်တွေဟာလည်း အပြန်အလှန်ထိန်းကျောင်းမှုနဲ့ တဖြည်းဖြည်းချင်း ပပျောက်သွားမှာ ဖြစ်ပါတယ်။

လူ့အဖွဲ့အစည်းတစ်ရပ်လုံးရဲ့ စိတ်နေစိတ်ထား၊ အမူအကျင့်တွေ ပြောင်းလဲစေဖို့ Rule of Law နဲ့ အားဖြည့်ပေးရပါမယ်။ အရပ်ဘက်လူ့အဖွဲ့အစည်းတွေက ဝိုင်းကူကြရပါမယ်။ တန်းရည်တူ၊ သာတူညီမျှ စိတ်ထားတွေနဲ့ တိုင်းရင်းသားညီအစ်ကိုတွေရဲ့ ဝိုင်းဝန်းကြိုးပမ်းမှုဟာလည်း အဓိကကျနေသလို နိုင်ငံတကာမိသားစုအသိုင်းအဝိုင်းရဲ့ လက်ခံအားပေးမှု၊ ကူညီပံ့ပိုးမှုတွေကလည်း အထူးပဲ အရေးပါနေပါတယ်။

ကျွန်တော်တို့အစိုးရအနေနဲ့ သိသိသာသာ တိုးတက်လာတဲ့ နိုင်ငံတကာ ဆက်ဆံရေးမျက်နှာစာမှာ ရင်းရင်းနှီးနှီး ပွင့်ပွင့်လင်းလင်း ပူးပေါင်းဆောင်ရွက် သွားမှာဖြစ်ပြီး ကျွန်တော်တို့နိုင်ငံတော်နဲ့ နိုင်ငံသားတွေရဲ့ အမျိုးသားရေး အကျိုးစီးပွားကို ထိန်းသိမ်းစောင့်ရှောက်မြှင့်တင်ရာမှာ ခေတ်အဆက်ဆက် ဖြောင့်မတ်မှန်ကန်စွာ ကျင့်သုံးခဲ့တဲ့ လွတ်လပ်ပြီး တက်ကြွတဲ့ နိုင်ငံခြားရေး မူဝါဒကိုပဲ ဆက်လက်ကိုင်ဆွဲသွားမှာ ဖြစ်ပါတယ်။ ကျွန်တော်တို့နိုင်ငံရဲ့ နိုင်ငံရေး၊ စီးပွားရေး၊ လူမှုရေး ပြုပြင်ပြောင်းလဲမှုတွေ အရှိန်အဟုန်နဲ့ ဆက်လက်ဆောင်ရွက်တဲ့နေရာမှာ နိုင်ငံတကာ ဆက်ဆံရေးနယ်ပယ်မှာ အရှေ့-အနောက် ခွဲခြားခြင်းမရှိဘဲ ကမ္ဘာ့နိုင်ငံအားလုံးနဲ့ ရင်းနှီးချစ်ကြည်စွာ ဆက်ဆံ သွားမှာဖြစ်သလို နိုင်ငံတကာမိသားစုရဲ့ အားပေးကူညီမှုတွေ၊ ပူးပေါင်း ဆောင်ရွက်မှုတွေ၊ ရင်းနှီးမြုပ်နှံမှုတွေ၊ ထောက်ပံ့ကူညီမှုတွေကို နွေးထွေးစွာ လက်ကမ်းကြိုဆိုသွားမှာ ဖြစ်ပါတယ်။

တစ်ချိန်တည်းမှာပဲ ကျွန်တော်တို့နိုင်ငံ၊ နိုင်ငံသားတွေရဲ့ အမျိုးသားရေးအကျိုးစီးပွား၊ အချုပ်အခြာအာဏာ မထိပါး စေအောင်လည်း ခိုင်ခိုင်မာမာ ရပ်တည်ပြီး ဆောင်ရွက်သွားမှာဖြစ်ပါတယ်။

နာယကကြီး ခင်ဗျား -

နိဂုံးချုပ်အနေနဲ့ ကျွန်တော်တို့အစိုးရဟာ မိဘပြည်သူများက ယုံယုံ ကြည်ကြည် လေးလေးနက်နက် အပ်နှင်းလာတဲ့ တာဝန်တွေ၊ ကျွန်တော်တို့ ကျေပွန်ရမယ့် ဝတ္တရားတွေကို ဆောင်ရွက်ရာမှာ လုပ်ပိုင်ခွင့် အာဏာများကို တော်တည့်မှန်ကန်စွာ ခွဲဝေကျင့်သုံးပြီး အထက်အောက် တာဝန်ယူမှု၊ တာဝန်သိမှုတွေနဲ့ ကိုယ်စွမ်းဉာဏ်စွမ်းရှိသရွေ့ ကြိုးပမ်းဆောင်ရွက်လျက်ရှိပါ တယ်။ ပြီးခဲ့တဲ့ (၁)နှစ်တာ ကာလ အတွင်းမှာ အခက်အခဲတွေ စိန်ခေါ်မှုတွေကို လည်း အများအပြား တွေ့ကြုံခဲ့ရပါတယ်။

ခေတ်ပြောင်း၊ စနစ်ပြောင်း နိုင်ငံတော်တည်ဆောက်ရေးမှာ အရေးကြီးဆုံးက ကျွန်တော်တို့ရဲ့ ပြုပြင် ပြောင်းလဲမှုတွေ လျင်လျင်မြန်မြန် ထွက်ပေါ်လာဖို့လိုသလို ဒီအပြောင်းအလဲတွေ ခိုင်မာဖို့ အထူး အရေးကြီးပါတယ်။ နိုင်ငံတကာရေစီးကြောင်းမှာ ဂလိုဘယ် လိုက်ဇေးရှင်းရေးစီးကြောင်းနဲ့ ပေါင်းစည်းနိုင်ခြင်းမရှိဘဲ နောက်ကျ ကျန်ရစ် ခဲ့တဲ့ ကျွန်တော်တို့နိုင်ငံအနေနဲ့ အတွင်း၊ အပြင် သင်ခန်းစာတွေ ရယူပြီး အကျိုးရှိရှိ သုံးသပ်မြော်မြင် ဆောင်ရွက်နိုင်ဖို့ လိုပါတယ်။

နိုင်ငံတံခါးဖွင့်လိုက်တာနဲ့အမျှ အခွင့်အလမ်းတွေနဲ့အတူ တွဲလျက် ပါလာတဲ့ စိန်ခေါ်မှုတွေကို ကျွန်တော်တို့ သတိကြီးကြီးထားပြီး မဏ္ဍိုင်အရပ်ရပ်၊ လူ့အဖွဲ့အစည်းအသီးသီးက စနစ်တကျ ဖော်ဆောင်သွားကြရမှာ ဖြစ်ပါတယ်။

ဒီကနေ့ ကျွန်တော်တို့အစိုးရအပါအဝင် မိဘပြည်သူအားလုံး လျှောက်လှမ်း နေတဲ့ သမိုင်းဝင် အသွင်ကူးပြောင်းရေး လုပ်ငန်းစဉ်ကြီးဟာ အင်မတန်မှ ကြီးမားကျယ်ပြန့်ပြီး အလွန်တရာမှလည်း ခက်ခဲနက်နဲလှပါတယ်။ ကျွန်တော် တို့လို အသွင်ကူးပြောင်းစနိုင်ငံတွေမှာ ကြုံတွေ့ရတတ်တဲ့ စိန်ခေါ်မှုတွေအပြင် ကျွန်တော်တို့ လူ့အဖွဲ့အစည်းကြီးအတွင်းမှာ နစ်ဝင်နေတဲ့ အတွင်းဒဏ်ရာတွေ ကိုလည်း ပျောက်ကင်းအောင် ဆောင်ရွက်ကြရမှာ ဖြစ်ပါတယ်။

ကျွန်တော်တို့ အစိုးရသက်တမ်းအပြင် နောင်လာမယ့် အစိုးရအဆက်ဆက် လက်ထက် မှာလည်း ခိုင်မာသည်ထက် ခိုင်မာအောင် မိဘပြည်သူများအားလုံး၊ လူ့အဖွဲ့ အစည်းကြီး တစ်ခုလုံးက ဆက်လက်ပြီး ကြိုးပမ်း တည်ဆောက်သွားကြရမှာ ဖြစ်ပါတယ်။ အသွင်ကူးပြောင်း ရေးလုပ်ငန်းစဉ်ကြီး အောင်မြင်ပြီး ရှင်သန် ခိုင်မာတဲ့အဆင့်ရောက်ဖို့ ကျွန်တော်တို့ နောက်ထပ်များစွာ ကြိုးပမ်း ဆောင်ရွက်ကြရမှာ ဖြစ်ပါတယ်။

ကျွန်တော်တို့အစိုးရရဲ့ ယန္တရားတွေ ဒီထက် ပိုမို စွမ်းရည်မြင့်မားလာအောင်၊ လွှတ်တော်အရပ်ရပ်ရဲ့ ဥပဒေပြုမှုတွေ ဒီထက်ပိုပြီး ကျယ်ပြန့်လာအောင်၊ Rule of Law ခိုင်ခိုင်မာမာ ဖြစ်ထွန်း ပေါ်ပေါက်လာအောင်၊ ပုဂ္ဂလိကကဏ္ဍ ဒီထက်ပိုပြီး စွမ်းအားကောင်းလာအောင်၊ အရပ်ဘက်လူ့အဖွဲ့အစည်းတွေ ဒီထက်ပိုပြီး မြင့်မားလာအောင်၊ အခြေခံ အဆောက်အအုံနဲ့ လူမှုဖူလုံရေး အဆောက်အအုံတွေ ဒီထက်ပိုပြီး အရည်အသွေး မြင့်မားလာအောင်၊ ကျွန်တော်တို့ မိဘပြည်သူတွေရဲ့ လူနေမှုဘဝတွေ ဒီထက် ပိုပြီး တိုးတက်မြင့်မားလာအောင် ကျွန်တော်တို့ အများကြီး ကြိုးပမ်းကြရဦး မှာပါ။

မိဘပြည်သူတွေ ဖြစ်ချင်နေတဲ့၊ မိဘပြည်သူတွေ လိုလားနေတဲ့၊ မိဘ ပြည်သူတွေ တစ်သက်လုံး မျှော်လင့်နေကြတဲ့ တစ်ဦးချင်းဝင်ငွေ တိုးတက် မြင့်မားပြီး၊ စီးပွားရေးသာမက ဘက်စုံဖွံ့ဖြိုးတိုးတက်တဲ့ ဒီမိုကရေစီ နိုင်ငံတော်ကြီးမှာ အရာရာ Rule of Law ခိုင်မာလျက် စိတ်အေးချမ်းသာစွာ၊ ဂုဏ်သိက္ခာမြင့်မားစွာ အသက်ရှင်နေထိုင် ရပ်တည်နိုင်တဲ့ မြန်မာ့လူ့ဘောင် အဖွဲ့အစည်းကြီး ဖြစ်ပေါ်လာအောင် ကျွန်တော်တို့အစိုးရအနေနဲ့ ဆက်လက်ပြီး ကြိုးပမ်းဆောင်ရွက်သွားမှာ ဖြစ်ပါတယ်။

ကျန်တဲ့မဏ္ဍိုင်တွေ အနေနဲ့လည်း ကျွန်တော်တို့အစိုးရကို ပိုမိုခိုင်မာ အားကောင်းအောင် အပြန်အလှန်နားလည်မှု၊ ယုံကြည်လေးစားမှု၊ ပူးပေါင်းညှိနှိုင်း ဆောင်ရွက်မှုတွေနဲ့ ကူညီပေးကြပါ၊

မိဘပြည်သူများကလည်း ကျွန်တော်တို့အစိုးရကို ထိန်းကျောင်းတည့်မတ် ပေးကြပါ၊ အားလုံးသော Stakeholder များအနေနဲ့လည်း ကျွန်တော်တို့ လူ့အဖွဲ့အစည်းကြီး တိုးတက်ခိုင်မာလာအောင် ဝိုင်းဝန်းဆောင်ရွက်ပေးကြပါလို့ အလေးအနက်ထား တိုက်တွန်းပြောကြားလိုပါတယ်။

ကျွန်တော်တို့ အစိုးရ အနေနဲ့ မိဘပြည်သူများ မျှော်လင့်ထားတဲ့အတိုင်း အချိန် တိုတိုအတွင်းမှာ ပြုပြင်ပြောင်းလဲမှုတွေ အရာထင်လာအောင် ဆက်လက်ကြိုးပမ်းဆောင်ရွက် နေပြီဖြစ်ပါတယ်။

ဒီကနေ့ ဒီအချိန်မှာ တိုင်းရင်းသားပြည်သူတစ်ရပ်လုံးရဲ့ လိုအင်ဆန္ဒတွေ အလုံးစုံ ဖြည့်ဆည်းပေးနိုင်ခြင်း မရှိသေးသော်လည်း ကျွန်တော်တို့ အစိုးရအနေနဲ့ အသက်နဲ့ ခန္ဓာကိုယ် စွန့်လွှတ် ပေးဆပ်ဖို့အထိ ကတိသစ္စာ ပြုထားကြသူများပီပီ အရိုးကြေကြေ အရေခမ်းခမ်း ကြိုးပမ်း ဆောင်ရွက်သွားမှာဖြစ်ကြောင်း အခိုင်အမာ ပြောကြားရင်း နိဂုံးချုပ် အပ်ပါတယ် ခင်ဗျား။

အပြည့်အစုံသို့

ဓာတ်ငွေ့ပိုက်လိုင်းကို ၀ိုင်းဝန်း ကန့်ကွက်တဲ့နေ့

ထိုင်းနိုင်ငံ၊ ချင်းမိုင် တရုတ်ကောင်စစ်ဝန်ရုံးရှေ့ ဒီမနက် ဆန္ဒပြရာမှာ ပါဝင်သူတဦး (ဓာတ်ပုံများ - ငြိမ်းဇော်/ဧရာဝတီ)

တရုတ်နိုင်ငံက ရင်းနှီးမြှုပ်နှံထားတဲ့ ရေနံ/သဘာဝဓာတ်ငွေ့ပိုက်လိုင်း စီမံကိန်း ရပ်ဆိုင်းရေးအတွက် နိုင်ငံအများအပြားမှာ ဒီကနေ့ ဆန္ဒပြပါတယ်။

နိုင်ငံ ၂၀၊ အသင်းအဖွဲ့ပေါင်း ၁၃၀ ပါဝင်တဲ့ ကမ္ဘာလုံးဆိုင်ရာ တောင်းဆိုလှုပ်ရှားမှုပါ တဲ့။

ချင်းမိုင်မြို့ တရုတ်ကောင်စစ်ဝန်ရုံးရှေ့မှာလည်း ဆန္ဒပြပါတယ်။

ပွင့်လင်းမြင်သာမှု မရှိတဲ့ ဒီစီမံကိန်းမှာ ဓာတ်ငွေ့ရောင်းရငွေတွေကြောင့် လာဘ်ပေးလာဘ်ယူမှုတွေပဲ ကြီးထွားလာမယ်၊ ပြည်သူအတွက် အကျိုးမရှိပါ တဲ့ - ဆန္ဒပြသူများက ဆိုပါတယ်။

ဆန္ဒပြနေတဲ့အတွက် တရုတ် ကောင်စစ်ဝန်ရုံး ၀င်ပေါက်မှာ ရဲတွေက လုံခြုံရေး ယူထားပေးပါတယ်။

ဆန္ဒပြကိုယ်စားလှယ်တဦးက ကောင်စစ်ဝန်ရုံးအတွင်း ၀င်ပြီး ကန့်ကွက်တဲ့စာတစောင် သွားရောက်ပေးပို့ခဲ့ပါတယ်။

အပြည့်အစုံသို့

ဦးသိန်းစိန်ရဲ့ လွှတ်တော်မိန့်ခွန်း ရုပ်သံမှာ တိုက်ရိုက်လွှင့်

ဒီနေ့မနက် ပြည်ထောင်စုလွှတ်တော်ကို တက်ရောက်လာတဲ့ သမ္မတဦးသိန်းစိန် မိန့်ခွန်း အရှည်ကြီး ပြောတာကို MRTV 4 က တိုက်ရိုက် ထုတ်လွှင့်နေပါတယ်။

ပြောကြားချက်တွေထဲမှာ မော်တော်ကားဈေးနှုန်းတွေကျအောင် လုပ်နိုင်ခဲ့တယ် ဆိုတာကအစ တိုင်းရင်းသားလက်နက်ကိုင်အဖွဲ့များနဲ့ ငြိမ်းချမ်းရေးဆွေးနွေးမှုအခြေအနေအထိ ပါဝင်ပါတယ်။ (မကြာသေးခင်က ငြိမ်းချမ်းရေးဖော်ဆောင်မှုအဖွဲ့ခေါင်းဆောင် ၂ ဦး လွှတ်တော်မှာ ပြောသွားတဲ့အတိုင်းပါပဲ)

မိုဘိုင်းဖုန်းအကြောင်းလည်း ထည့်ပြောသွားပါတယ်။

အများပြည်သူ ပြောနေတဲ့ မိုဘိုင်းဖုန်းနဲ့ ပတ်သက်လို့ လောလာဆယ် တည်ဆောက်ရေးလုပ်ငန်းတွေ ဆောင်ရွက်နေတယ်၊ ဒီလုပ်ငန်းတွေ ပြီးရင် ပြည်သူတွေရဲ့ လိုလားချက်၊ နိုင်ငံတကာအခြေအနေတွေပေါ် မူတည်ပြီး အကောင်းဆုံးနည်းလမ်းများကို ရှာဖွေ ဆောင်ရွက်သွားမှာ ဖြစ်ပါတယ် တဲ့။

လူသားရင်းမြစ်ဖွံ့ဖြိုးရေး လုပ်နေတယ်၊ ကျန်းမာရေး၊ ပညာရေးအသုံးစရိတ်ကို မြှင့်တင်ထားတယ်၊ ပြည်တွင်းပြည်ပရင်းနှီးမြှုပ်နှံမှုတွေ ၀င်လာဖို့၊ အဆင်းရဲဆုံးနိုင်ငံဘ၀က လွတ်မြောက်ဖို့ ဆောင်ရွက်နေတယ်။

(တိုက်ရိုက်ထုတ်လွှင့်မှုက အခု ဒီပို့စ်တင်နေချိန်မှာပဲ ပြီးဆုံးသွားပါတယ်။ သမ္မတကြီးလည်း လွှတ်တော်အတွင်းက ပြန်လည် ထွက်ခွာသွားပါတယ်။ ရုပ်သံက သီချင်းတွေ ဆက်တိုက် ထုတ်လွှင့်ပါတယ်။ ပထမဆုံး လာတဲ့ သီချင်းကတော့ မပြောင်းလဲဘူး အရင်အတိုင်းပဲ တဲ့။ သြော် ... တိုက်တိုက် ဆိုင်ဆိုင်း)

အပြည့်အစုံသို့

နေပြည်တော်မှာ လမ်းလျှောက်နည်း

ပြီးခဲ့တဲ့ ရက်ပိုင်းအတွင်း တွေ့ရတဲ့ နေပြည်တော် တနေရာ (ဓာတ်ပုံ - ဧရာဝတီ)

လူမရှိတဲ့ နေပြည်တော်က လမ်းတွေမှာ ခြေကျင်လျှောက်သူတွေကို သတိပြုလိုက်နာရန် ဆိုပြီး ဒီကနေ့ အစိုးရ သတင်းစာမှာ ကြော်ငြာထည့်ထားပါတယ်။

နေပြည်တော်မှာ NLD ကိုယ်စားပြုပြီး ၀င်ပြိုင်မယ့်သူတွေအတွက် ဒေါ်အောင်ဆန်းစုကြည် သွားရောက် စည်းရုံးတော့မယ့် ကာလမှာ လမ်းစည်းကမ်းတွေ ထွက်လာတာ ဖြစ်ပါတယ်။

အပြည့်အစုံသို့

စင်ပေါ်က လွတ်လပ်ခွင့်

ရန်ကုန်မြို့ အရောင်းမြှင့်တင်ရေးပွဲတွေမှာ မပါမဖြစ် ပါနေကြတာ အကအဖွဲ့များရဲ့ တင်ဆက်မှုတွေ ဖြစ်တယ်၊
ဒီအကတွေထဲမှာ စင်ပေါ် မတင်သင့်တဲ့ ကကွက်တွေ ပါနေတယ် တဲ့။
အလင်းတန်းဂျာနယ် ဦးဝင်းငြိမ်းက ရေးသားထားပါတယ်။
"ကျွန်တော့မျက်စိတွေ ပြာသွားပါတယ်" ဆိုတဲ့ အကအကြောင်း ရှင်းပြထားပုံကို ဒီမှာ 4.bp.blogspot.com/-dRJ10FfzGwY/T04MzLMDSFI/AAAAAAAAEqc/poFrxFgm0fY/s1600/article.jpg ဖတ်နိုင်ပါတယ်။

ညွှန်း - ဖေဖော်ဝါရီ ၆ ရက်နေ့ထုတ် အလင်းတန်းဂျာနယ်

အပြည့်အစုံသို့

AirAsia နေပြည်တော်ကို ပြေးမယ်

AirAsia လေယာဉ်ပေါ်မှာ ရောင်းတဲ့ ထမင်း နဲ့ ဖျော်ရည်ဘူး။
တခြားလေကြောင်းလိုင်းတွေနဲ့ မတူတာက AirAsia မှာ အခမဲ့ အကျွေးအမွေး အစီအစဉ် မရှိတာပါပဲ။
လေယာဉ်စီးနေတုန်း ရေဆာရင် ရေ၀ယ်သောက်၊ ဗိုက်ဆာရင် သူတို့ရောင်းတာ ၀ယ်စားရမှာပါ။ လေယာဉ်ထဲရောင်းတာ ဆိုတော့ မြေမြင်ပေါ်ကဆိုင်တွေထက်တော့ ဈေးပိုပါတယ်။

ဘတ်ဂျက်လေကြောင်းလိုင်း AirAsia က ဒီနှစ်ကုန်ပိုင်း နေပြည်တော်ကိုလည်း ပြေးမယ် တဲ့၊ ဘန်ကောက်အခြေစိုက် TTR Weekly သတင်းဌာနက သူ့ဝက်ဆိုက် http://www.ttrweekly.com/site/2012/02/thai-airasia-eyes-myanmar-capital/ မှာ ရေးထားပါတယ်။

“နေပြည်တော်ကို ပြေးမယ့် လမ်းကြောင်းအတွက် ခွင့်ပြုချက်ရဖို့ ဆောင်ရွက်နေဆဲအဆင့်ပဲ ရှိပါသေးတယ်၊ ဒီနှစ်ထဲမှာ စပြီး ပြေးနိုင်မှာပါ” လို့ လေကြောင်းလိုင်းရဲ့ CEO ဖြစ်သူ Tassapon က ပြောပါတယ်။

နေပြည်တော်နိုင်ငံတကာလေဆိပ်က ဒီဇင်ဘာမှာ ဖွင့်တယ်၊ တနှစ်ကို ခရီးသည် သုံးသန်းခွဲ ၀န်ဆောင်မှုပေးနိုင်တယ်၊ လတ်တလောမှာတော့ ရန်ကုန်၊ မန္တလေး၊ ဟဲဟိုး စတဲ့ ပြည်တွင်းလိုင်းတွေပဲ ပြေးနေတယ် တဲ့။

“(နေပြည်တော်က) အစိုးရအုပ်ချုပ်ရေး ဗဟိုအချက်အချာ နေရာဖြစ်တယ်၊ မြန်မာပြည်က ရင်းနှီးမြှုပ်နှံသူတွေကို ဖွင့်ပေးလိုက်ပြီဆိုတော့ အဲဒီကို တိုက်ရိုက် သွားမယ့်သူ များလာမှာပါ” လို့ CEO က ဆက်ပြောပါတယ်။

အပြည့်အစုံသို့