မြန်မာအိမ်အကူတဦးနဲ့ စင်္ကာပူလုံခြုံရေးအရာရှိများ (ဓာတ်ပုံ - Shin Min)
အချိန်အတန်ကြာအောင် လုပ်ခ မရဘဲ အိမ်အကူလုပ်သားအဖြစ် လုပ်ပေးနေရတာကို သည်းမခံနိုင်တော့တဲ့အဆုံး ထွက်ပြေးကြတာပါ တဲ့။
စင်္ကာပူရောက်ဖို့၊ အလုပ်ရဖို့အတွက် အကြွေးအများကြီးယူ၊ လစာထဲက နှိမ်ဖို့ သဘောတူခဲ့တယ်၊ တချို့က အကြွေးကြေသွားပေမယ့် ခုထိ လုပ်ခငွေ တပြားမှ မရ၊
တချို့ကတော့ တလမှ ၁၀ ဒေါ်လာ သို့မဟုတ် ဒေါ်လာ ၂၀ ပဲ ရကြတယ်လို့ ဆိုတယ်။
အလုပ်သမားအေးဂျင့်တွေ ခန့်မှန်းတာကတော့ စလုံးမှာ မြန်မာအိမ်ဖော် ၂၇,ဝဝဝ နီးပါး ရှိနိုင်တယ် တဲ့။
ဒီနှုန်းအတိုင်း ဆိုရင် မနှစ်ကထက် ၇,ဝဝဝ တိုးလာတဲ့သဘောပါ။
ပြည်ပကိုသွားပြီး အိမ်ဖော်လုပ်ဖို့၊ ဖျော်ဖြေရေးလုပ်ငန်းတွေမှာ လုပ်ကိုင်ဖို့အတွက် မြန်မာအစိုးရက တားမြစ်ထားတဲ့ကြားထဲက စင်္ကာပူကို မြန်မာအမျိုးသမီးတွေ အများအပြား ရောက်
လာဆဲဖြစ်တယ် လို့ Straits Times သတင်းစာက ဆိုပါတယ်။
လုပ်ငန်းခွင်ထဲကနေ ထွက်ပြေးတဲ့နှုန်းဟာ ပြီးခဲ့တဲ့နှစ်မှာ ၆၄ ယောက် ရှိတယ်၊ ဒီနှစ်ထဲမှာတော့ အခု နှစ်ဆန်းပိုင်းမှာကိုပဲ ၃၂ ယောက် ရှိတယ်လို့ ဆိုတယ်။
ပြေးလာသူတွေဟာ Humanitarian Organisation for Migration Economics (Home) လို့ ခေါ်တဲ့ နိုင်ငံခြားသားအလုပ်သမားများဆိုင်ရာ အကူအညီပေးအဖွဲ့ရဲ့ ဂေဟာကို ခိုလှုံဖို့
ရောက်လာကြတယ် တဲ့။
မြန်မာအိမ်ဖော်တွေရဲ့ လုပ်ခလစာ ပေါက်ဈေးက တလ ဒေါ်လာ ၄၀၀ နဲ့ ၄၂၀ ကြားမှာပဲ ရှိတယ်လို့ ဆိုတယ်။ စင်္ကာပူဒေါ်လာဖြစ်ဖွယ်ရှိပါတယ်။
ဒီငွေပမာဏဟာ အင်ဒို၊ ဖိလစ်ပိုင်အိမ်ဖော်တွေရတာထက် နည်းနေပါသတဲ့။
အေးဂျင့်တွေရဲ့အဆိုအရ မြန်မာအိမ်အကူတွေဟာ အသက်မပြည့်တာ၊ သင်တန်းမတက်ခဲ့တာတွေရှိတယ်၊ အင်္ဂလိပ်စကားလည်း မပြောတတ်ကြဘူး၊
စလုံးမှာ နေထိုင်လုပ်ကိုင်ရတာ အခက်အခဲတွေနဲ့ကြုံနေရတယ် တဲ့။
မြန်မာအိမ်ဖော်တွေ လုပ်ငန်းခွင် အဆင်ပြေရေးအတွက် နှစ်ဘက်အစိုးရ ပူးပေါင်းဆောင်ရွက်သင့်တယ်၊ မတရားပြုမူတာတွေကို ပူးပေါင်း စုံစမ်း အရေးယူသင့်တယ် လို့
Home အဖွဲ့ တည်ထောင်သူ Bridget Tan က ပြောကြောင်း သတင်းစာမှာ ရေးထားပါတယ်။
ဒီသတင်း ထွက်လာတာ တပတ် ရှိပါပြီ။
လွန်ခဲ့တဲ့ ၄ ရက်က ရာဇာ (yar zar) ဆိုတဲ့ စာဖတ်သူက အခုလို မှတ်ချက်ပြုထားတာ တွေ့ရမှာပါ -
"လစာ မရဘဲ လနဲ့ချီ လုပ်ပေးရတယ် ဆိုတာ ဒါက လူကုန်ကူးမှုတမျိုးပဲ။ အလုပ်အကိုင်ရှာဖွေပေးတဲ့အေးဂျင့်တွေကို ဖမ်းသင့်တယ်"
သူ့မှတ်ချက်ကို သဘောတူသူက စင်္ကာပူအစိုးရဟာ ဒီကိစ္စကို ကိုင်တွယ်တာ အားနည်းလွန်းတယ်လို့ ဝေဖန်လိုက်ပါတယ်။
သဘောမတူသူကလည်း ဒါဟာ လူကုန်ကူးမှုနဲ့ မဆိုင်ဘူး၊ သဘောတူစာချုပ်ကို လက်မှတ်ထိုးပြီးမှ လုပ်ငန်းခွင် ၀င်တာ လို့ ထောက်ပြပါတယ်။
ကိုးကား - Straits Times သတင်းစာ
www.straitstimes.com/breaking-news/singapore/story/more-maids-myanmar-running-away-20130407
ဧရာဝတီ Facebook / ဧရာဝတီ Twitter
သတင်းဌာနတွေအနေနဲ့ အိမ်ဖေါ်ဆိုတဲ့စကားလုံးထက် အိမ်တွင်းအလုပ်သမ ဆိုရင် နှစ်ဘက်စလုံးသိက္ခာရှိလိမ့်မယ်လို ယူဆမိပါတယ်။
မြန်မာအစိုးရအနေနဲ့ကလဲ အိမ်ဖေါ်နဲ့ ဖျော်ဖြေရေးလုပ်ငန်းတွေကို ခွင့်မပြုလေ ဖြစ်လာမယ့် အခက်အခဲတွေကို ရှင်းလို့မရလေဘဲ ဖြစ်နေမယ်ထင်ပါတယ်။ မြန်မာပြည်သားတွေအားလုံးဘယ်နိုင်ငံကိုမှ ထွက်ပြီးအလုပ်မလုပ် ချင်ကြပါဘူး။ ပြည်တွင်းမှာလဲ အလုပ်အကိုင်ကမရှိ ရှိပြန်တော့လဲ လုပ်အားခကနဲတော့ ပြည်ပနိုင်ငံတွေကို ထွက်ပြီး အလုပ် လုပ်ကြရတာပါဗျာ။ တရားဝင် တာဝန်ယူမှု၊ တာဝန်ခံမှုနဲ့ ပညာရှင်တစ်ဦးဦးကို သေချာစွာ ခိုင်းကြည့်လိုက်စမ်းပါ၊ မြန်မာနိုင်ငံအစိုးရအတွက် အခွန်တွေအများကြီး ရရှိလာပါလိမ့်မယ်။ ဖိလစ်ပိုင်နိုင်ငံရဲ့ ပြည်ပ၀င်ငွေအများဆုံးမှာ အိမ်အလုပ်သမတွေဆီက ရနေပါတယ်။ ဖိလစ်ပိုင်နိုင်ငံကို အတုယူပြီး လုပ်လိုက်စမ်းပါ။ အလုပ်လက်မဲ့တွေလဲ အဆင်ပြေ နိုင်ငံတော်အစိုးရလဲ အဆင်ပြေ ဖြစ်သွားမှာပါ။ အိမ်အလုပ်ကို အထင်မသေးပါနဲ့ အိမ်တွင်းစီမန်ခန့်ခွဲမှုနည်းပညာတစ်ခုဖြစ်ပါတယ်။ အဆင်ပြေဆုံးဖြစ်ချင်ရင်တော့ ညှိနိုင်းဆောင်ရွက်နည်းဟာ အကောင်းဆုံးနည်းလမ်းပါပဲဗျာ။