Showing posts with label အနုပညာရပ်ဝန်း. Show all posts
Showing posts with label အနုပညာရပ်ဝန်း. Show all posts

တတိယမြောက်ရင်သွေးလေးရတော့မယ့် မန်ယူ တိုက်စစ်မှူး ရွန်းနီ

Friday, July 10, 2015 0 comments



ရွန်းနီနဲ့ ကောလင်းတို့မိသားစု (photo - mirror.com)

ကမ္ဘာကျော် ဘောလုံးသမားတဦးဖြစ်တဲ့ မန်ချက်စတာယူနိုက်တက်အသင်းရဲ့ တိုက်စစ်မှူး ၀ိန်းရွန်းနီ ၏ အမျိုးသမီးဖြစ်သူ ကောလင်းရွန်းနီဟာ တတိယမြောက်ရင်သွေးလေးကို လွယ်ထားရပြီလို့ တရားဝင် ထုတ်ဖော်ပြောဆိုခဲ့ပါတယ်။

 ရွန်းနီနဲ့ ကောလင်းတို့ထံမှာ Klay နဲ့ Kai ဆိုတဲ့ သားနှစ်ယောက် ထွန်းကားထားတာပါ။

Klay နဲ့ Kai 

ဒီသတင်းကို ရိန်းက သူ့ရဲ့ကိုယ်ပိုင် Twitter ပေါ်မှာ ဦးဦးဖျားဖျား ရေးသားခဲ့ပါတယ်။

“ကောလင်းဆီမှာ ရှိနေတဲ့ ကျနော်တို့ရဲ့ တတိယမြောက်ရင်သွေးလေးက ကျနော်တို့အတွက် ၀မ်းသာကြည်နူး စရာပါ” လို့ အသိပေးလာခဲ့ခြင်းပါ။

ရွန်းနီ နဲ့ ကောလင်း

အသက် ၂၉ နှစ်အရွယ် ကောလင်းဟာ အခုနှစ်အစောပိုင်းလောက်က သူတို့ရဲ့ မိသားစုလေးထဲကို သမီးမိန်းကလေးငယ်လေးတယောက် နောက်ထပ် အသစ်အနေနဲ့ ထပ်တိုးလာဖို့ မျှော်လင့်ပါတယ်လို့ ထုတ်ဖော် ပြောဆိုခဲ့ဖူးပါတယ်။

“ကျမတို့ မိသားစုလေး ပြည့်စုံဖို့ သမီးမိန်းကလေးကို မျှော်လင့်ပေမယ့် အခု ကလေးလေးဟာ ယောကျာ်းလေး လား မိန်းကလေးလားဆိုတာ ကျမအတွက် အဓိက မကျပါဘူး။ ဘာလေးပဲဖြစ်ဖြစ် ဒီကလေးလေးကို ချစ်မှာပါ”  လို့ ကောလင်းက ဆိုပါတယ်။

“၀ိန်းကတာ့ အကိုတွေနဲ့ ကြီးပြင်းခဲ့ရသူဆိုတော့ သမီးမိန်းကလေး လိုချင်နေတာပါ” လို့ သူက ထပ်လောင်း ပြောဆိုပါတယ်။

ရွန်းနီနဲ့ ကောလင်းတို့ရဲ့ သားအကြီးဖြစ်သူ Kai ကို ၂၀၀၉ ခုနှစ်မှာ မွေးဖွားခဲ့ပြီး သားငယ်ဖြစ်သူ Klay   ကိုတော့ ၂၀၁၃ မေလ မှာမွေးဖွားခဲ့တာပါ။



ကိုးကားသတင်း။  ။ http://www.mirror.co.uk/3am/celebrity-news/coleen-wayne-rooney-expecting-baby-6030324


လီယိုနာဒို ဒီကာပရီယိုနဲ့ ရီဟားနားတို့ဟာ ချစ်သူစုံတွဲ အသစ်လား

Friday, January 16, 2015 0 comments

ကမ္ဘာကျော် အနုပညာရှင်တွေဖြစ်ကြတဲ့ လီယိုနာဒို ဒီကာပရီယိုနဲ့ ရီဟားနား တို့ ၂ ဦး ချိန်းတွေ့ကြပြီ ဆို တဲ့ ကောလဟာလတွေ ပေါ်ထွက်လာနေပါတယ်။ 

 ဓာတ်ပုံ- urbanislandz.com

ဒါဟာ ပြီးခဲ့တဲ့ စနေနေ့က Playboy Mansion မှာ လုပ်တဲ့ ဒီဇိုင်နာ Nikki Erwin ရဲ့ မွေးနေ့ ပါတီပွဲမှာ သူတို့ ၂ ဦးကို အတူတွဲပြီးတွေ့ခဲ့ရပါသေးတယ်တဲ့ ။ 

အဲဒီ့နောက်ပိုင်း အခုလို ခန့်မှန်းပြောဆိုချက်တွေ ပေါ်ထွက်လာတာဖြစ်နိုင်တယ်လို့ သတင်းက ဆိုတယ်။

ပြီးခဲ့တဲ့ ၂ဝ၁၄ ခုနှစ် နှစ်ကုန်ပိုင်း ၂၀၁၅ ခုနှစ် နှစ်သစ်ကူးအကြိုညတုန်းကလည်း St. Barts မှာ သူတို့ ၂ ဦး အတူရှိခဲ့ကြတယ်ဆိုတဲ့သတင်းတွေလည်း နောက်ဆက်တွဲ ထွက်လာခဲ့ပါတယ်။ 

အခုတော့ အနောက်နိုင်ငံ အဝါရောင် မဂ္ဂဇင်း ဂျာနယ်တွေမှာတော့ လီယိုနာဒို ဒီကာပရီယိုနဲ့ ရီဟားနားတို့ ၂ ဦးကို အသစ် စက်စက် အတွဲအဖြစ် ရေးသားဖော်ပြနေကြပါတယ်။ 

လီယိုနာဒို ဒီကာပရီယိုနဲ့ ရီဟားနားတို့ဟာ အရမ်းကို နီးနီးကပ်ကပ်ရှိလာနေတယ်၊ ရီဟားနားကလည်း သူ့ကို စိတ်ဝင်စားနေတယ်၊ သူတို့ မိတ်ဆွေသူငယ်ချင်းတွေကြားမှာတော့ ရီဟားနားက လီယိုနာဒိုကို သူ့ ချစ်သူအမျိုးသားတဦးအဖြစ် မြင်ချင်ပုံရတယ်ဆိုတာတွေလည်း ပြောနေကြတယ်" လို့ သတင်းရင်းမြစ် တွေ က Dish Nation သတင်းကို ပြောဆိုထားတာလည်း ရှိနေပါတယ်။

တချို့ သတင်းရင်းမြစ်တွေက ပြောတာကလည်း သူတို့ ၂ ဦးဟာ တကယ့်ချစ်သူတွေလိုပါပဲတဲ့။ သူတို့ ၂ ဦး တဦးကို တဦး နမ်း ကြတာတွေဟာ သာမန်မဟုတ်ပဲ တယောက်နဲ့ တယောက်စွဲမက်တဲ့ အနမ်းတွေ ဖြစ်ကြ တယ်ဆိုတာ မိတ်ဆွေတွေက သတိထားမိကြပါတယ်လို့လည်း သတင်းက ဆိုပါတယ်။

အနောက်နိုင်ငံ သတင်းမုဆိုးတွေလည်း သူတို့ ၂ ဦးရဲ့ အတူ တွဲပြီး ရှိနေတဲ့ သတင်းကို ဓာတ်ပုံနဲ့ တကွ အတိအကျ ဖော်ပြ နိုင်ဖို့ အသည်းအသန် ကြိုးစားနေကြတယ်လို့ ဆိုနေကြပါတယ်။ 

မြန်မာပရိသတ်တွေအနေနဲ့လည်း တိုက်တန်းနစ် ဇာတ်ကားနဲ့ နာမည်ကျော် မင်းသား လီယိုနာဒို ဒီကာ ပရီယိုကို သိထားပြီးသား ဖြစ်သလို အဆိုတော် ရီဟားနားကိုလည်း ရင်းနှီးပြီးသားဖြစ်ပါလိမ့်မယ်။ 

ဒါကြောင့် အခု သူတို့ ၂ ယောက်ကို အတွဲသစ် အဖြစ် ဧရာဝတီဘလော့ဂ် ပရိသတ်တွေအနေနဲ့ ဘယ်လို ရှုမြင်ကြလဲ ဆိုတာလည်း လွတ်လပ်ယဉ်ကျေးစွာ ဆွေးနွေးနိုင်ပါတယ်။ လိုက်ဖက်တယ်၊ မလိုက်ဖက်ဘူးဆိုတာမျိုးပေါ့။ 




အိမ့်သံစဉ် ~ 



ကိုးကား သတင်း။  New Couple: Rihanna And Actor Leonardo DiCaprio Dating



"ကြယ်စင်မော်ကွန်း" ရုပ်ရှင်ဇာတ်ကား ပေါ်လစီကားလား

Tuesday, December 9, 2014 0 comments


ဒီနှစ် အကယ်ဒမီပေးဖို့ ရွေးချယ်ခံထားရတဲ့ အကယ်ဒမီ ဆန်ခါတင်ဇာတ်ကားတွေထဲမှာ ဒါရိုက်တာ ပန်းချီ စိုးမိုး ရိုက်ကူးထားတဲ့ “ကြယ်စင်မော်ကွန်း” ဆိုတဲ့ ဇာတ်ကားဟာ ဒရမ်မာဇာတ်ကားတွေကြားထဲမှာ တကားတည်းသော တပ်မတော် သမိုင်းနောက်ခံ ဇာတ်ကားလို့ဆိုရမှာပါ။




၂၀၁၃ ခုနှစ်တုန်းက ရုံတင်ခဲ့တဲ့ ဇာတ်ကားပေါင်း ၁၅ ကားထဲက ဆန်ခါတင် ၆ ကားအဖြစ်ရွေးချယ်ခံ ထားရတာ ဒါရိုက်တာ ၀ိုင်းရဲ့ “စေတန်ရဲ့ကချေသည်”နဲ့ “နင်စေရင်”၊ ဒါရိုက်တာ ကိုဇော်(အာရုဏ်ဦး) ရဲ့
“ကိုယ့်အထာနဲ့ကိုယ်” နဲ့ “အဖြူရောင် ရဲတိုက်”၊ ဒါရိုက်တာ ၀င်းထွန်းထွန်းရဲ့ “စုန်းပြူးနဲ့ ဒါရိုက်တာ ပန်းချီစိုးမိုးရဲ့ “ကြယ်စင်မော်ကွန်း” တို့ဖြစ်ကြပါတယ်။

အရင်က န၀တ၊ နအဖ ခေတ်တွေမှာတုန်းက အကယ်ဒမီထုံးစံရှိခဲ့ဖူးပါတယ်။ အကယ်ဒမီပေးမယ့်ဇာတ်ကား တွေထဲမှာ တပ်မတော်နဲ့သက်ဆိုင်တာ အစိုးရရဲ့ ပေါ်လစီဆန်ဆန်နဲ့ ပတ်သက်ဆက်နွယ်တဲ့ ဇာတ်ကားသာ ပါကြည့် ရှိသမျှ  တခြားရုပ်ရှင်ဒရမ်မာကားတွေ ဘယ်လောက်ကောင်းနေနေ နားထား အဲ့ဒီ ပေါ်လစီကားကပဲ အကယ်ဒမီဆု မှန်သမျှ အကုန်လုံး သိမ်းကျုံးယူတတ်တဲ့ အလေ့အထက ရှိခဲ့လေတော့ ဒီနှစ် အကယ်ဒမီ ပေးပွဲမှာပါဝင်လာတဲ့ “ကြယ်စင်မော်ကွန်း” ဇာတ်ကားဟာလည်း တပ်မတော်ရဲ့ ပေါ်လစီ ဇာတ်ကားပဲ ဆိုတဲ့ ဝေဖန်သံတွေ၊ ပေါ်လစီကားပဲ အကယ်ဒမီအကုန်လုံးသိမ်းကျုံးယူမှာ မဆန်းပါဘူး ဆိုတဲ့ ဝေဖန်သံတွေနဲ့လည်း ညံနေခဲ့ရပါတယ်။

တဖက်မှာလည်း တပ်မတော်ကို စတင်ထူထောင်ခဲ့တဲ့ ဗိုလ်ချုပ်အောင်ဆန်းနဲ့အတူ ရဲဘော်သုံးကျိပ် ရဲ့ လွတ်လပ်ရေးရရှိဖို့ ကြိုးပမ်းခဲ့ပုံ တပ်မတော်သားတွေ ဘယ်လို စွန်လွှတ်စွန့်စားအနစ်နာခံခဲ့ပုံ  ဒီဘက်မျက်မှောက်ခေတ် တပ်မတော်ရဲ့သမိုင်း စတာတွေကို ခမ်းနားထည်ဝါစွာ ရိုက်ကူးခဲ့လို့ အကယ်ဒမီရဖို့ တန်တယ်ဆိုတဲ့ ချီးကျုးသံ တွေနဲ့လည်း အပြိုင်ပေ့ါ။

ဝေဖန်သံဆိုတဲ့နေရာမှာ ဒီ ရုပ်ရှင်ဇာတ်ကားဟာ ခေတ်သုံးခေတ် တပ်မတော်ရဲ့ သမိုင်းကို အခြေခံလို့ ရိုက်ကူးထားတာဆိုတော့ ဗိုလ်ချုပ်အောင်ဆန်းထူထောင်ခဲ့တဲ့ တပ်မတော်သမိုင်းချည်း မဟုတ်ဘဲ နောက်ပိုင်းခေတ်ကို ရောက်လာတဲ့ ဦးနေ၀င်းရဲ့ တပ်မတော်၊ နောက်ဆုံး ပြည်သူ့မေတ္တာအပြည့်အ၀ရရှိခဲ့တဲ့ န၀တ၊ နအဖ လက်ထက် ဗိုလ်ချုပ်မှူးကြီး စောမောင် နဲ့ ဗိုလ်ချုပ်မှူးကြီး သန်းရွှေတို့ရဲ့ တပ်မတော်ခေတ်တွေပါ ပါဝင်လာခဲ့လေတော့ အဲ့ဒီအပေါ် ပေါ်လစီဆန်ဆန် စစ်ကားပါဆိုတဲ့ အမြင်တွေ ကွဲလွဲခဲ့ပုံရပါတယ်။

 “ဒါကြီးက စစ်ကားသက်သက်မဟုတ်ပါဘူး။ သမိုင်းအထောက်အထားနဲ့ လွတ်လပ်ရေး ကြိုးပမ်းမှုကနေ လွတ်လပ်ရေး ရပြီးတဲ့ခေတ် အလယ်ခေတ်အထိ ဒီခေတ်သုံးခေတ်မှာ ဖြစ်ပျက်တာ အကုန်ပါပါတယ်။ အကုန်ပါပါတယ်ဆိုတာ အရေးကြီးသော အကြောင်းအရာ အကုန်ပါပါတယ်။ ဆိုလိုတာက ၈၈ အရေး အခင်းလည်း တတ်နိုင်သလောက် ရိုက်ပြထားတယ်။ နောက် ဗိုလ်ချုပ်အောင်ဆန်းကား သက်သက် လည်းမဟုတ်ဘူး။ အလယ်မှာ ဦးနေ၀င်း သက်သက်ကြီး လည်းမဟုတ်ဘူး။ ဒီဘက်က ဦးစောမောင်တို့ ဗိုလ်ချုပ်မှူးကြီးသန်းရွှေတို့ သူတို့ သက်သက်ချည်းပဲလည်း မဟုတ်ဘူး။ ဒါပေမယ့် အဓိကကတော့ တပ်မတော်သမိုင်းမှာ အထင်ကရဖြစ်တာတော့ ဗိုလ်ချုပ်တော့ ဦးစားပေး ရိုက်ခဲ့တာတော့ အမှန်ပဲ။ ဇာတ်ကားကိုကြည့်ရင် သိတယ်။ ခေတ်တခေတ်ကိုတောင် ၂ နာရီရိုက်ရင်တောင် မရပါဘူး။ ခေတ်သုံးခေတ်ကို ၂ နာရီနဲ့ ၄၅ မိနစ် ချုံ့ ရိုက်ရတဲ့အတွက် စိတ်ကူးစိတ်သန်းအရ အင်မတန်ပင်ပန်းပါတယ်။ တကယ်ရိုက်ထား တာ အရှည်ကြီးပါ။ ဒါပေမယ့် အချိန်အရ တိုလိုက်ရတာပါ။”  လို့ ဒါရိုက်တာပန်းချီစိုးမိုးက သူ့ဇာတ်ကားနဲ့ ပတ်သက်လို့ ရှင်းပြပါတယ်။

ဆန်ခါတင် ဇာတ်ကား ၆ ကားထဲက ၅ ကားသော ဒရမ်မာ ကားနဲ့ အပြိုင်တပ်မတော်ရဲ့ ခေတ်သုံးခေတ် သမိုင်းကြောင်းကို ရိုက်ကူးတင်ဆက်ထားတဲ့ “ကြယ်စင်မော်ကွန်း” ဇာတ်ကားဟာ တချို့သော သူတွေရဲ့ ပေါ်လစီ ဇာတ်ကားပါဆိုတဲ့ ဝေဖန်သံတွေအပေါ် ဖန်တီးသူ ဒါရိုက်တာ ပန်းချီ စိုးမိုးဘယ်လိုမြင်သလဲဆိုတော့..

“ဇာတ်ကားတကားလုံးမှာ မလိုလားအပ်တဲ့ ပေါ်လစီ တလုံးမှ မပါဘူး။ ပြောသင့်ပြောထိုက်သော စကားကို ပြောတာ။ ဘက်လိုက်ပြီးတော့ တဖက်သတ်လိုက်တဲ့အကြောင်းအရာမရှိပါဘူး။ လွတ်လပ်ရေး ကြိုးပမ်းမှုနဲ့ ပတ်သက်လို့ တပ်မတော်သည် နိုင်ငံတော် ကာကွယ်ခဲ့တယ်။ လွတ်လပ်ရေး ကြိုးပမ်းခဲ့တယ်။ ဒါကို ငြင်းလို့မှ မရပဲ။ ဒီအချက်အလက်ကို အဓိကထားပြီး ရိုက်ခဲ့တယ်။ နောက် ဇာတ်လမ်းဇာတ်အိမ်နဲ့ ပတ်သက်လို့ ထိုးဇာတ် ပေ့ါ။ ဒီကြားထဲမှာ ဖြစ်စဉ်လေးတွေ လုပ်သွားတာရှိတယ်။ ဇာတ်ညွှန်းပိုင်းမှာလည်း ကိုငြိမ်းမင်းရဲ့ ဇာတ်အိမ် တည်ဆောက်မှုလေးတွေလည်း ပါပါတယ်။ သမိုင်းဖြစ်စဉ်နဲ့ ကြည့်ကောင်းအောင် ရိုက်ထားတဲ့ ကားတကားဖြစ် တဲ့အတွက် ဆုရခြင်းမရခြင်းက ရွေးချယ်တဲ့လူရဲ့ အရည်အသွေးနဲ့ပဲ ဆိုင်ပါတယ်။” လို့ သူက ဆက်ပြောပါတယ်။

“ကြယ်စင်မော်ကွန်း” ဇာတ်ကားကြီးကို ၂၀၀၉ ခုနှစ်ကတည်းက စတင်ရိုက်ကူးခဲ့ကာ ဒီရုပ်ရှင်ဇာတ်ကားကြီးကို အချိန် ၃ နှစ်ကြာအောင် ရိုက်ကူးပုံဖော်ခဲ့ရတယ်လို့ သိရပါတယ်။

တပ်မတော်ရဲ့နောက်ခံ သမိုင်းဇာတ်ကားလည်း ဖြစ်တာကြောင့် နိုင်ငံတော်ဘက်ကလည်း ပံ့ပိုးမှုတွေရခဲ့လို့ အခုလို ခမ်းနားထည်ဝါစွာ ရိုက်ကူးလာနိုင်တာလို့ ပြောဆိုဝေဖန်နေတဲ့အပေါ် ဒါရိုက်တာ ပန်းချီစိုးမိုးက

 “လူဆိုတာက ကိုယ်ပိုင်လွတ်လပ်ခွင့်တွေရှိပါတယ်။ ကြိုက်တယ်လို့ ပြောလည်းရတယ်။ မကြိုက်ဘူးလည်း ပြော လို့ရတယ်။ ပံ့ပိုးမှုရှိတယ်ဆိုတိုင်း ကားကောင်းအောင် ရိုက်နိုင်တယ်ဆိုရင် အဲ့ဒီ ပံ့ပိုးတဲ့ကားတွေ ရှေ့မှာလည်း အများကြီး ရိုက်သွားတာပဲ။ခေတ်အဆက်ဆက်ပဲ။ ရှေ့မှာ ဒါရိုက်တာ စိန်ဖေတင်တို့ အပါအ၀င်ပေ့ါ။ ဗိုလ်ကြီး အုန်းရွှေတို့အပါအ၀င် အများကြီး ရိုက်သွားတာပဲ။ ပံ့ပိုးမှုပါတိုင်း ကားကောင်းသလား။ ပံ့ပိုးမှုပါတဲ့ ကားရိုက်တိုင်း လည်း ပရိတ်သတ်သိလား။ တပ်မတော်ကားဆိုတာ အခုမှ ရိုက်တာမဟုတ်ဘူး။ ဆိုလိုတာက စစ်ကားသည် ကလေးသူငယ်တိုင်းကြိုက်တယ်။ ပစ်ကြ ခတ်ကြ ပြေးကြ လွှားကြကြိုက်တယ်။ နောက်ပြီးတော့ တိုင်းပြည်ကို ကာကွယ်ချင်တဲ့ စိတ်နဲ့ တပ်မတော်ထဲ ၀င်တဲ့သူလည်း အများကြီးပဲ။ ဒီကနေ့အထိ တပ်မတော်ထဲ ၀င်တဲ့သူ အားလုံးသည် တိုင်းပြည်ကို ကာကွယ်ချင်တဲ့စိတ် နောက် စစ်သားလုပ်ချင်တဲ့ စိတ်နဲ့ ၀င်တဲ့သူလည်းရှိတာပဲ။ နောက် နိုင်ငံရေးအရ နိုင်ငံရေးအမြင်နဲ့ တိုက်ခိုက်တဲ့သူက သန်း ၆၀ မှာ လူတန်းစားဘယ်လောက်အထိရှိလဲ။ သန်း ၆၀ မှာ လူတန်းစား သန်း ၆၀ ရှိတယ်ဆိုရင်တော့ ဒါမှန်တယ်။ ပြောစရာမလိုဘူး။ ထောင်ဂဏန်း သောင်း ဂဏန်းကတော့ ရှိနေမှာပဲ။ ဘုရားတောင်မှ ဒေ၀ဒတ်ရှိသေးတာပဲ။ တပ်မတော်လောက်ကတော့ ဒေ၀ဒတ်တွေ အများကြီးရှိမှာပဲ။ ပြောကြမယ် ဆိုကြမယ် ဒါကတော့ မထူးဆန်းဘူး။ ကိုယ့်ကားကိုယ်ယုံကြည်တယ်။ သမိုင်းကို ရိုက်ထားတာ။ ပေါ်လစီမှ မဟုတ်ပဲ။ ” လို့ ပြောပါတယ်။

ကဲ.. ဒီနှစ်အကယ်ဒမီ ပေးပွဲကတော့ ဘယ်ဇာတ်ကားက ဘယ်လို ဘယ်ပုံဆုတွေ ရကြမလဲဆိုတာတော့ လာမယ့် ဒီဇင်ဘာလ ၂၇ ရက်မှာ မကြာမီ လာမည် မျှော်ပေ့ါနော်..။

အကယ်ဒမီပေးပွဲကို M.E.P မှာမလုပ်ရင် ဘယ်မှာလုပ်ချင်လဲလို့ မေးခွန်းထုတ်လိုက်တဲ့ လူမင်း

Wednesday, November 5, 2014 0 comments




၂၀၁၂ ခုနှစ်အတွက် အကယ်ဒမီပေးပွဲမြင်ကွင်း (ဓာတ်ပုံ-ဂျေပိုင်/ ဧရာဝတီ)


မကြာခင်မှာ ရုပ်ရှင်အနုပညာရှင်တွေရဲ့ ၂၀၁၃ ခုနှစ်အတွက် အကယ်ဒမီရွေးချယ်ပွဲကြီးကို ကျင်းပတော့မှာပါ။ ပြန်ကြားရေးဝန်ကြီးဌာနရဲ့ လက်အောက်ကနေ ရုန်းထွက်လာနိုင်ခဲ့တဲ့ ရုပ်ရှင်အစည်းအရုံးဟာ အခုနှစ် အကယ်ဒမီပေးပွဲကြီးကို သူတို့ခြေ သူတို့လက် လုပ်ကိုင်လာနိုင်တော့မှာပါ။ ဆိုလိုတာက ဒီနှစ် အကယ်ဒမီပေးပွဲဟာ ရုပ်ရှင်အစည်းရုံးကနေ ပထမဆုံးတာဝန်ယူ လုပ်ဆောင်ခွင့်ရတဲ့ ပွဲကြီးဆိုတဲ့ သဘောပါပဲ။ ဆိုတော့ ဒီနှစ်အကယ်ဒမီပေးပွဲကို ဘယ်လိုအနေအထားတွေနဲ့ပြင်ဆင်နေပြီလဲ။ ဘယ်နေရာမှာ ကျင်းပဖို့ စီစဉ်ထားလဲ၊ ဒါ့ထက် ဒီနှစ်အကယ်ဒမီပေးပွဲနဲ့ ပတ်သက်လို့ တချို့သော ရုပ်ရှင်လောကသားတွေရဲ့ မကျေနပ်တဲ့ ဝေဖန်သံလေးတွေလည်း သဲ့သဲထွက်နေလေတော့ ဒီလို ကိစ္စတွေနဲ့ ပတ်သက်လို့ ရုပ်ရှင်အစည်းအရုံး ဥက္ကဌ ဦးလူမင်းနဲ့ ဧရာဝတီ စကားစမြည်ပြောဖြစ်ပါတယ်။

မေး  အကယ်ဒမီပေးပွဲကို ဘယ်နေ့၊ ဘယ်နေရာမှာ လုပ်သွားမလဲ။

ဖြေ ဒီဇင်ဘာ ၂၇ ရက်နေ့ လုပ်မယ်။ Myanmar Event Park (M.E.P) မှာ လုပ်မှာပါ။

မေး  ဒီနှစ်က ရုပ်ရှင်အစည်းအရုံးကနေ ပထမဆုံးတာဝန်ယူလုပ်ဆောင်မှာဖြစ်လို့ အစည်းအရုံးအနေနဲ့  ဘယ်လို တာဝန်ယူမှုတွေ လုပ်ဆောင်ချက်တွေ လုပ်ဆောင်နေပြီလဲ ဆိုတာ သိချင်ပါတယ်။

ဖြေ  အခုချိန်မှာတော့ ကျနော်တို့ အကယ်ဒမီ စိစစ်ရွေးချယ်ရေး အဖွဲ့နှစ်ဖွဲ့ရဲ စိစစ်ကြည့်ရှုမှုက လုံးဝပြီးသွားပြီ။ ဆန်ခါတင် ၆ ကားထဲကနေ ရွေးသွားမှာပါ။ အခု နိုဝင်ဘာလကုန်ရင် nomination စာရင်းတွေကို ထုတ်ပြန်ပြီး အကယ်ဒမီပွဲကို promote လုပ်သွားမှာပါ။

မေး အကယ်ဒမီ ပေးပွဲ စင်မြင့်နဲ့ပတ်သက်လို့ ထိုင်းနိုင်ငံက Index Creative Village နဲ့ လုပ်ဖို့ စီစဉ်ထားတယ်လို့သိရပါတယ်။ ဟုတ်ပါသလား။

ဖြေ  ဟုတ်ကဲ့..။ Index အဖွဲ့နဲ့ ဆွေးနွေးနေပါတယ်။ ဆွေးနွေးဆဲအဆင့်ပေ့ါ .. စာချုပ်ချုပ်ပြီး လုပ်ဆောင်ဖို့ အဆင့်မရောက်သေးပါဘူး။

မေး  ဒီနှစ် အကယ်ဒမီပေးပွဲကို အနုပညာရှင်တွေချည်း သီးသန့်တက်ရောက်နိုင်ဖို့ လုပ်ထားပြီး ပရိတ်သတ်တွေဝင်ခွင့်မရဘူးလို့လည်း သိရပါတယ်။ အရင်နှစ်တွေမှာ ပရိတ်သတ်တွေနဲ့ပါ ကျင်းပခဲ့တာဆိုတော့ ဘယ်လိုကြောင့် အခုလို ပြောင်းဖြစ်ရတာပါလဲ။

ဖြေ  အကယ်ဒမီပေးပွဲ သမိုင်းကို ကြည့်မယ်ဆိုရင် နှစ်စဉ်နှစ်တိုင်း ပရိတ်သတ်နဲ့ ကျင်းပခဲ့တဲ့ အစဉ်အလာတော့မဟုတ်ပါဘူး။ န၀တ အစိုးရလက်ထက်မှာ အားကစားကွင်းထဲမှာ ကျင်းပတဲ့အခါ ဘေးခုံတွေရှိတဲ့အတွက် အဲ့ဒီခုံတွေကို လက်မှတ်ရောင်းချတဲ့အစီအစဉ်က စပြီးတော့ ပရိတ်သတ်တွေနဲ့ ပူးတွဲကျင်းပတဲ့ အစီအစဉ်တွေ ဖြစ်လာခဲ့တာပေ့ါနော်။

ကျနော်ပြောချင်တာက ဒီနှစ်မှစပြီးတော့ ပရိတ်သတ်ကို ၀င်ခွင့်မပေးခြင်းမဟုတ်ဘူး ဆိုတာကို ပြောချင်တာပါ။ နောက်တခုက နှစ်စဉ်နှစ်တိုင်း ကျနော်တို့ လောကသားတွေ ကို ဖိတ်သင့်ဖိတ်ထိုက်တဲ့ အရည်အတွက်ကို ပြည့်မီအောင် ဘယ်တုန်းကမှ မဖိတ်နိုင်ခဲ့ဘူး။ လောကသား အတော်များများက ဒီအကယ်ဒမီပေးပွဲကို ကိုယ်နဲ့မဆိုင်သလို တက်ရောက်ခွင့်မရတာမျိုးတွေ နှစ်စဉ်နှစ်တိုင်း ရှိခဲ့တယ်လေ။ ဒီနှစ်မှာ ကျနော်တို့ လောကသားတွေကို ပိုဖိတ်ချင်တယ်။ ပိုဖိတ်ချင်တယ်ဆိုပေမယ့်လည်း ကျနော့ စကားနဲ့ ကျနော်ပြန်ရှင်းရမယ်ဆိုရင် ရှိရှိသမျှ လောကသားအကုန်လုံးတော့ ရုံထဲဆန့်မယ်တော့ မထင်ဘူးပေ့ါနော်။ ဒါပေမယ့် အရင်နှစ်တွေထက်တော့ ပိုပြီး ဖိတ်နိုင်အောင် စီစဉ်ထားပါတယ်။

ဒါကြောင့်မို့ နံပါတ်တစ်က ကျယ်ဝန်းတဲ့နေရာတခုကို အရင်ရွေးပါတယ်။ MEP မှာ လူအနည်းဆုံး ၃၀၀၀ လောက် ခင်းကျင်းနိုင်တဲ့ နေရာအကျယ်အ၀န်းမျိုးရှိတဲ့အတွက် အဲ့ဒါကို ကျနော်တို့ ရွေးချယ်တာပါ။

နောက် ရုံအပြင်အဆင်အနေအထားနဲ့ကျတော့ ပရိတ်သတ်ကို သီးသန့် နေရာပေးဖို့ အခက်အခဲရှိခဲ့တဲ့အတွက် ကျနော်တို့ ဒီနှစ်ကို ပရိတ်သတ်ကို လက်မှတ်ရောင်းချခြင်း မပြုတော့ဘူးလို့  ဆုံးဖြတ်ရခြင်းဖြစ်ပါတယ်။ နောက်ပြီး ဒီနေ့လိုခေတ်ကြီးမှာ broadcast တွေ တိုးတက်လာတဲ့ ခေတ်ကြီးမှာ တိုက်ရိုက်ထုတ်လွှင့်နိုင်တဲ့ အခွင့်အရေး တခုကလည်း မြန်မာတပြည်လုံးမှာရှိတဲ့ ပရိတ်သက်ကို တိုက်ရိုက် ထုတ်လွှင့်နိုင်တဲ့ အားသာချက်ကလည်း ပရိတ်သတ်တွေအတွက် သူတို့ ဆန္ဒကို ဖြည့်ဆည်းပေးရာ ရောက်ပါတယ်။

နောက်တခုက ကျနော်တို့လူတွေချည်းပဲဖြစ်တဲ့အတွက် ရိုက်ကူးစီစဉ်တင်ဆက်မှုကို ကျနော်တို့ အရင်နှစ်တွေနဲ့ မတူ ကြည့်တဲ့ ပရိတ်သတ်တွေလည်း သိမှာပါ။ Live ကြည့်ရင်း ဒါဟာ သတင်းတခုလိုဖြစ်သွားပြီးတော့ ပရိတ်သတ်ကို ဖျော်ဖြေတက်ဆက်မှုပုံစံမဖြစ်တာတွေကိုလည်း ရှိတယ်ဆိုတော့ ဒီနှစ်က ကျနော်တို့က ရိုက်ကူးတင်ဆက်မှု တွေကိုလည်း အစီအစဉ်ကျကျနန လုပ်ချင်တဲ့ ရည်ရွယ်ချက်လည်း ပါပါတယ်။

မေး  အကယ်ဒမီပေးပွဲနဲ့ ပတ်သက်လို့ ပရိတ်သတ် စိတ်ဝင်စားတာ တခုရှိပါသေးတယ်။ နိုင်ငံတကာက အော်စကာဆုပေးပွဲတွေမှာဆို အနုပညာရှင်တွေဟာ ကော်ဇောနီ လျှောက်လမ်းပေါ်မှာ လမ်းလျှောက်လာပြီး ဆုပေးပွဲ တက်ရောက်ကြရတဲ့အစဉ်အလာတခုရှိပါတယ်။ မြန်မာပြည်က အနုပညာရှင်တွေကတော့ ကော်ဇောစိမ်းလျှောက်လမ်းပေါ်ကနေ လမ်းလျှောက်လာပြီး တက်လာရလို့ တမူထူးခြားနေတဲ့ အနေအထားကို စိတ်ဝင်စားခြင်းပါပဲ။ ဒီနှစ်မှာရော မြန်မာအနုပညာရှင်တွေ ကော်ဇောနီပေါ် လျှောက်ရဖို့ စီစဉ်ဖြစ်မလား သိချင်ပါတယ်။

ဖြေ  တနှစ်ကအထိတော့ ကျနော်တို့ ကော်ဇောစိမ်းကြီးပေါ် လျှောက်ခဲ့ရပါတယ်။ မနှစ်ကစပြီး ကျနော်တို့ ရုပ်ရှင်အစည်းအရုံးက လုပ်ပိုင်ခွင့်လေး အတော်အသင့်ရတဲ့အတွက် ကျနော်တို့ ကော်ဇောနီ ပေါ်ပဲ ကျနော်တို့ မနှစ်က လျှောက်ခဲ့ပါတယ်။ မနှစ်ကတော့ ကျနော်တို့ အားနည်းချက်တွေရှိတာပေ့ါနော်။ ကော်ဇောနီ ပတ်လည် အရံအတားတွေ အချိန်မီ မလုပ်နိုင်တဲ့အခါမှာ မင်းသား၊ မင်းသမီးတွေက ကော်ဇောနီပေါ်ကနေ ခပ်ကျော့ကျော့မလျှောက်ရပဲ သတင်းသမား၊ ဓာတ်ပုံတွေ ကြားထဲမှာ တိုးခွေ့ပြီး တက်ရတဲ့အနေအထားဖြစ်သွားပါတယ်။ ဒီနှစ်ကိုလည်း အဲ့လိုမျိုး အားနည်းချက်တွေကို ပြင်ဆင်သွားမှာပါခင်ဗျ။ ဒီနှစ်လည်း Red Carpet ပါပဲခင်ဗျ။

မေး  ဒီနှစ် အကယ်ဒမီပေးပွဲကို Myanmar Event Park မှာ လုပ်တဲ့အပေါ် အနုပညာလောကသားတချိုရဲ့ မကျေနပ်သံတွေ သဲ့သဲ့ကြားနေရပါတယ်။ ဒီ့အပေါ်ကို ဘာပြောချင်ပါသေးလဲ။

ဖြေ  မနေ့ကပဲ ကျနော်တို့ အဲ့ဒီကိစ္စနဲ့ပတ်သက်ပြီး စာနယ်ဇင်းရှင်းလင်းပွဲလုပ်ပါတယ်။ M.E.P ဆိုတာ တကယ့် Event Park ဆိုတဲ့အတိုင်းပဲ ကျနော်တို့ အခမ်းအနားတွေ အစီအစဉ်တွေကို စိတ်ကြိုက်ဖန်တီးလို့ရတဲ့ နေရာတခုပါ။ တချို့တလေကတော့ အပြုသဘောမဆောင်တဲ့ ဝေဖန်မှုတွေကြားရပါတယ်။ ဆိုလိုတာက Myanmar Event Park မှာ မလုပ်ရင် ဘယ်မှာ လုပ်ချင်သလဲဆိုတာကို ကျနော်က ပြန်မေးရမလိုဖြစ်နေတာပေ့ါနော်။ သုဝဏ္ဏ အားကစားရုံကြီးဆိုတာ ဒီလိုမျိုး အခမ်းအနားတွေ ကျင်းပတဲ့ နေရာမဟုတ်ပါဘူး။ ဘောလုံးကန်တဲ့နေရာ၊ ခြင်းခတ်တဲ့နေရာမှာ ကျနော်တို့က ဒီ အားကစားရုံကြီးထဲမှာ စင်ဆောက်ပြီးလုပ်ရတဲ့ အခြေအနေပါ။ တကယ်တော့ ဒီလို အခမ်းအနားမျိုးက ဘယ်တိုင်းပြည်မှလည်း ဒီလို အားကစားရုံထဲမှာ လုပ်တာ မရှိပါဘူး။ ဆိုတော့ အခမ်းအနားကို အခမ်းအနားတခုနဲ့တူအောင် ခမ်းခမ်းနားနားတင်ဆက်လို့ ရတဲ့ နေရာကို ရွေးချယ်တာပါ။ ဒါကတော့ ဝေဖန်မှုတွေကတော့ ရှိမှာပါပဲခင်ဗျ။ တချိူ့ကျတော့လည်း ကျနော်တို့ ဘာတွေဆောင်ရွက်မယ်ဆိုတာကို မသိသေးပဲနဲ့ လုံးဝကို အပြုသဘောမဆောင်တဲ့  သက်သက်ဝေဖန်မှုတွေကတော့ ကျနော်တို့ ကြုံတွေရင်ဆိုင်နေရပါတယ်။


ဖေ့ဘုတ်ပေါ်က မျက်လှည့်သင်တန်း

Tuesday, October 28, 2014 0 comments



လူငယ် မျက်လှည့်ပညာရှင် ၁၀ ယောက်နဲ့ ဖွဲ့စည်းထားတဲ့ Heaven Bone Magic Production ဆိုတဲ့ မျက်လှည့်အဖွဲ့ဟာ ပရိတ်သတ်တွေ လွယ်လင့်တကူ ပြန်လည် သင်ယူလို့ရနိုင်တဲ့ အခြေခံ မျက်လှည့်ပညာတွေကို အွန်လိုင်းဖေ့ဘုတ်စာမျက်နှာထက်မှာ သင်ပေးနေပါတယ်။


ကလေးတွေကို မျက်လှည့်ပြနေတဲ့ မျက်လှည့်ပညာရှင် လင်းဏေ (ဓာတ်ပုံ- Lynn Nay facebook မှ)


ဖေ့ဘုတ်ပရိတ်သတ်တွေအနေနဲ့ Lynn Nay Myanmar Magician လို့ဆိုတဲ့ ဖေ့ဘုတ်စာမျက်နှာမှာ Like လုပ်ထားပြီး သွားကြည့်လို့ရပါတယ်။ ဖေ့ဘုတ်ကနေ သူတို့သင်ပေးနေတာ ၈ လလောက်ရှိပါပြီ။

သူတို့ပြထားတဲ့ မျက်လှည့်ပြကွက်တွေထဲက ကိုယ်သင်ယူလိုတဲ့ မျက်လှည့်ပြကွက်လေးတွေကို Like တို့ comment တို့ပေးပြီး တောင်းဆိုလို့ရပါတယ်။ အများဆုံး တောင်းဆိုထားတဲ့ ပြကွက်တွေကို သူတို့အနေနဲ့ နောက်တကြိမ်မှာ ပြန်လည်သင်ကြားပေးတာကိုလည်း တွေ့ရပါတယ်။

ဘာကြောင့် အခုလို မျက်လှည့်ပညာတွေကို သင်ကြားပေးနေရလဲလို့ဆိုတော့ “ကျနော်တို့ခေတ်က ဒီပညာ ကို ခဲရာခဲဆစ်နဲ့ လေ့လာခဲ့ရတယ်။ နောင်လာနောက်သားတွေကို ဒီလိုမဖြစ်စေချင်ဘူး။ အရမ်းဝါသနာပါပြီး ဒီပညာကို ဘယ်မှာ လေ့လာရမှန်းမသိတဲ့သူတွေအတွက် ကျနော်တို့က အခုဖေ့ဘုတ်ပေါ်ကနေတဆင့် အတတ်နိုင်ဆုံး ပညာကို sharing လုပ်ပေးတဲ့အနေနဲ့ ကျနော်တို့ ဝေဌပေးတာ။ ကျနော်တို့ ဝေဌပေးတာက ပညာကို ပေါသွားစေချင်တဲ့စိတ်နဲ့ မဟုတ်ဘူး။” လို့ Heaven Bone Magic Production အဖွဲ့ဝင်တဦးဖြစ်တဲ့ ကိုလင်းဏေ က ပြောပါတယ်။

အရင်က မျက်လှည့်ပညာရှင်ဆိုတာ လက်ချိုးရေလို့ရတဲ့အနေအထားကနေ မြန်မာပြည်မှာရှိတဲ့ မျက်လှည့် ၀ါသနာရှင်ပေါင်း အယောက် ၂၀၀ လောက်အထိရှိလာတယ်ဆိုတာ ပဉ္စလက် ၅၂ အမည်နဲ့ ဖေ့ဘုတ် စာမျက်နှာထက်မှာ အဖွဲ့  ဖွဲ့ထားတာကို ကြည့်ရင်သိနိုင်ပါတယ်လို့ ကိုလင်းဏေက ဆိုပါတယ်။

Heaven Bone Magic Production က ဖေ့ဘုတ်အွန်လိုင်းမှာ ဘယ်လိုမျက်လှည့်ပညာမျိုးတွေ သင်ပေးနေလဲ။

“ပြကွက်တွေကတော့ အဓိကအားဖြင့် သာမာန်လူတွေ လုပ်လို့ရမယ့် ပြကွက်တွေကို ရွေးချယ်ပြီးတော့ သင်ပေးတာပါ။ ဘာကြောင့်လည်းဆိုတော့ မျက်လှည့်မှာ ကိရိယာလေးတွေလုပ်ပြီး လုပ်ရတဲ့အလုပ်ဆိုရင် မလုပ်ချင်ကြတော့ဘူး။ ပျင်းသွားရော။ ကျနော်တို့လုပ်တာ ထိရောက်မှာမဟုတ်ဘူး။ လိမ်တာ သိသွားပါပြီကွာ ဆိုတာမျိုး မဖြစ်စေချင်ဘူး။ ဒါဟာ လှည့်စားမှုတခုပါ။ သူတို့လိုက်လုပ်လို့ရတယ်၊ သူတို့လက်မှာ စွပ်ထားတဲ့ လက်စွပ်နဲ့ သူတို့ဆီမှာရှိတဲ့ ဖန်ခွက်နဲ့ 
သတင်းစာ လေးတရွက်နဲ့ ပြလို့ ရမယ့် ပြကွက်လေးတွေကိုပဲ ကျနော်တို့က ရွေးချယ်ပြီးတော့ နောက်လည်း ဖေ့ဘုတ်မှာသင်ကြားရေးအစီအစဉ်လေးတွေနဲ့ လုပ်သွားဖို့ နောက်ထပ်အစီအစဉ်တွေလည်း အများကြီးရှိပါတယ်။ ကျနော်တို့နိုင်ငံမှာ ဒီပညာနဲ့ ပတ်သက်လို့ ၀ါသနာပါတဲ့သူတွေပေါ်လာရင် သင်ပေးရမယ်။ ပင်လယ်ရေ တယောက်တည်း သောက်လို့မရဘူးဆိုတဲ့ အသိရှိတယ်။” လို့ သူက ပြောပါတယ်။

ကဲ မျက်လှည့်ပညာကို စိတ်ဝင်စားတဲ့သူတွေ ကိုယ်တိုင်လုပ်ကြည့်ချင်ပါတယ်ဆိုတဲ့သူတွေ အွန်လိုင်းဖေ့ဘုတ် စာမျက်နှာထက်ကနေ သူတို့သင်ပေးတဲ့ မျက်လှည့်ပြကွက်လေးတွေကို ကြည့်ရင်း လိုက်လုပ်လို့ ရပြီဆိုတဲ့ အကြောင်း ပြောချင်ပါတယ်။ 

ဒါပေမယ့် မြန်မာပြည် အင်တာနက်မြန်နှုန်းနဲ့ဆိုရင်တော့ သူတို့တင်ထားတဲ့ ဗီဒီယိုဖိုင်ကို ဖွင့်ကြည့်နိုင်ဖို့ နည်းနည်း စိတ်ရှည်သည်းခံစွာနဲ့ စောင့်စားရမယ်ဆိုတာတော့ ချွင်းချက်ပေ့ါနော်..။


သဲသဲ…




 
Copyright © 2014 Irrawaddy Publishing Group. All Rights Reserved