၂၀၁၃ ခုနှစ် အကယ်ဒမီဆုပေးပွဲကြီးမှာ ဘာတွေ ထူးထူးခြားခြားတွေ့ရမလဲ

 မြန်မာ့ရုပ်ရှင် ထူးချွန်ဆုပေးပွဲကြီးက တဖြည်းဖြည်းနီးလာပါပြီ။ လာမယ့် ဒီဇင်ဘာလ၂၇ ရက်နေ့မှာ ကျင်းပပြုလုပ်မယ့် ၂၀၁၃ ခုနှစ်အတွက် အကယ်ဒမီဆုပေးပွဲကြီးက ခါတိုင်းနှစ် ကျင်းပနေကျ အကယ်ဒမီပေးပွဲ တွေနဲ့ မတူဘဲကွဲပြားထူးခြားနေမယ့် နှစ်လို့ ဆိုနိုင်ပါတယ်။

နှစ်စဉ်နှစ်တိုင်းကျင်းပမြဲအကယ်ဒမီပွဲတွေမှာ နိုင်ငံတော်အစိုးရက ကျင်းပပြုလုပ်ပြီး ထူးချွန်ဆုတွေကို အစိုးရအဖွဲ့ကရွေးချယ်ပေးအပ်ခဲ့ပေမယ့် ဒီနှစ်ကတော့ NGO (Non-Government Organization)တခုအနေနဲ့ လုပ်ကိုင်ဆောင်ရွက်နေတဲ့ ရုပ်ရှင်အစည်းအရုံးကတာဝန်ရှိသူတွေကိုယ်တိုင် ဦးစီးဆောင်ရွက် ကျင်းပပြုလုပ် သွားမှာ ဖြစ်တယ်လို့ သိရပါတယ်။

အကယ်ဒမီထူးချွန်ဆုတွေကို စိစစ်ရွေးချယ် ချီးမြှင့်မယ့်နေရာမှာလည်း ရုပ်ရှင်အစည်းအရုံး တာဝန်ရှိသူတွေကိုယ်တိုင် ဝင်ရောက်ပါဝင်ဦးစီးလုပ်ကိုင်ဆောင်ရွက်မှာဖြစ်ပြီးအကယ်ဒမီပေးပွဲကိုတော့ ခါတိုင်းကျင်းပနေကျ ရန်ကုန်မြို့ သုဝဏ္ဏ အားကစားရုံတို့၊ နေပြည်တော်တို့မှာမကျင်းပတော့ဘဲရန်ကုန်မြို့ စမ်ေးချာင်းမြို့နယ်မှာရှိတဲ့ M.E.P (Myanmar Event Park) ဝင်းထဲမှာကျင်းပမှာ ဖြစ်ပါတယ်။

ဒါ့အပြင် အကယ်ဒမီဆုပေးပွဲကို ရုပ်ရှင်ချစ် ပရိသတ်တွေအနေနဲ့ အရင့်အရင်နှစ်တွေကလို ကိုယ်တိုင် သွားရောက် အားပေးကြည့်ရှုခံစားနိုင်တဲ့ အခွင့်အရေးကတော့ ဒီနှစ်မှာမရနိုင်တော့ပါဘူး။ ဘာဖြစ်လို့လဲဆိုတော့ ဒီနှစ်အကယ်ဒမီပေးပွဲကအခြေအနေ၊ အကြောင်းအရာ အမျိုးမျိုးကြောင့် ပရိသတ်တွေအတွက် ထိုင်ခုံနေရာ၊ လက်မှတ်ရောင်းချတာမျိုးရှိမှာမဟုတ်ဘဲဖိတ်ကြားထားတဲ့ ဧည့်သည်တွေနဲ့  အနုပညာရှင်တွေ၊ စာနယ်ဇင်း ရုပ်သံမီဒီယာသတင်းသမားတွေသာသွားရောက်နိုင်မယ့် အနေအထားမျိုးဖြစ်ပြီး ရုပ်ရှင်အစည်းအရုံးအနေနဲ့ မြန်မာတပြည်လုံးတိုက်ရိုက်ကြည့်ရှုနိုင်ဖို့  ရုပ်သံ Channel အသီးသီးကနေ ပြသသွားမှာဖြစ်တယ်လို့ ကြားသိရပါတယ်။

ဒီလိုမျိုးခါတိုင်းနှစ်တွေနဲ့ မတူညီတဲ့ ပြောင်းလဲမှုတွေကဒါတင်မကသေးပါဘူး။ နှစ်စဉ် အကယ်ဒမီပေးပွဲတွေမှာအကယ်ဒမီဗန်းကိုင်ဖို့အတွက် လှပျို ဖြူအမျိုးသမီးတွေကိုသာ လျှောက်လွှာ ခေါ်ယူခဲ့ပေမယ့် ဒီနှစ်မှာတော့ အမျိုးသားအကယ်ဒမီဗန်းကိုင်တွေကိုပါ ခေါ်ယူခဲ့ပြီးဒီနှစ်ကစလို့ အကယ်ဒမီ ဗန်းကိုင်တွေကိုအကယ်ဒမီရွှေကြိုလို့  စတင်ပြောင်းလဲခေါ်ဝေါ်တာကလည်း အနုပညာလောကသားတွေ၊ မီဒီယာကစာနယ်ဇင်းပုဂ္ဂိုလ်တွေနဲ့ မြန်မာ့ရုပ်ရှင်ချစ်ပရိသတ်တွေအတွက် အံ့ဩဆန်းကြယ် စိတ်ဝင်စားဖွယ် အကယ်ဒမီဆုပေးပွဲတရပ် ဖြစ်လို့နေပါတယ်။

အကယ်ဒမီရွှေကြို ရွေးချယ်မှု အဆင့်ဆင့်ကိုထပ်ဆင့်အကယ်ဒမီရန်အောင်၊ ထပ်ဆင့်အကယ်ဒမီမို့မို့မြင့်အောင်၊ ထပ်ဆင့်အကယ်ဒမီမေသန်းနု၊ ထပ်ဆင့်အကယ်ဒမီမျိုးသန္တာထွန်း၊  ဒါရိုက်တာအိအိခိုင်၊ ဒါရိုက်တာဦးဝင်းငြိမ်း၊ ဦးမြတ်ခိုင်၊  ဦးမိုးမင်း၊ ကိုမျိုး (မြန်မာစာ)နဲ့ ရုပ်ရှင်အစည်းအရုံးတာဝန် ရှိသူတွေကအကဲဖြတ်  ဒိုင်လူကြီးများ အဖြစ် ဆောင်ရွက်ခဲ့ကြပြီး အကယ်ဒမီရွှေကြို လျှောက်လွှာပေါင်း ၅၀ဝ ကျော်ထဲကမှ ပထမအဆင့် အမျိုးသား၊ အမျိုးသမီးအယောက် ၄၀ စီဆန်ခါတင်၊ အဲဒီနောက် တယောက်ချင်းစီကိုအမှတ်ပေးစနစ်နဲ့ နောက်ဆုံးအဆင့် ဆန်ခါတင် ရွှေကြို အမျိုးသား၊ အမျိုးသမီး ၁၀ ယောက်စီရွေးချယ်ခဲ့တယ်လို့ သိရပါတယ်။

ဒီနှစ်မှာထူးထူးခြားခြားဆိုသလိုပဲ နိုင်ငံတကာနဲ့ ပြည်တွင်းအလှမယ်ပြိုင်ပွဲတွေမှာ သရဖူတွေ၊ ဆုတွေ အသီးသီးရရှိထားတဲ့ အလှမယ်တွေဖြစ်တဲ့ Miss Asia Pacific World 2014 သရဖူဆုရှင်အလှမယ်မေမြတ်နိုး၊ Miss Myanmar International 2013သရဖူဆုရှင် အလှမယ် ဂုဏ်ရည်အေးကျော်၊ Miss Universe Myanmar 2014  ပြိုင်ပွဲရဲ့ 1st Runner up ကစဆုရရှိထားတဲ့ အလှမယ် ယွန်းမီမီကျော်၊ Miss Oramin-F ပြိုင်ပွဲမှာ ဆယ်ကျော်သက်အလှ ဘုရင်မဆုရရှိထားတဲ့ မော်ဒယ်လ် ခိုင်သုဇင်ငုဝါ၊ Miss Now How 2014 ပြိုင်ပွဲမှာ 1st Runner up ကစဆုရရှိထားတဲ့ မော်ဒယ်လ်နန်းစန္ဒာလှထွန်းစတဲ့ အလှမယ်တွေနဲ့ နာမည်ရမော်ဒယ်လ်တွေကို တက်သစ်စ မျက်နှာသစ် မော်ဒယ်လ်တွေနဲ့ အတူဒီနှစ်အကယ်ဒမီရွှေကြိုနေရာကိုယှဉ်ပြိုင် လျှောက်ကြတာ တွေ့ရပါတယ်။

နောက်ဆုံးအဆင့် ရွေးချယ်ထားတဲ့ အမျိုးသမီးရွှေကြိုဆန်ခါတင် ၁၀ ဦးကတော့ ဆုနန္ဒာအောင်၊ မေမြတ်နိုး၊ ဂုဏ်ရည်အေးကျော်၊ နန်းစန္ဒာလှထွန်း၊ ဖြူသန့်ချော၊ အမရာငြိမ်း၊ စံထိပ်ထားခင်၊ သံသာမိုးသိမ့်၊ ယွန်းမီမီကျော်၊ ခိုင်သဇင်ငုဝါတို့ပဲ ဖြစ်ပါတယ်။

ဒီလိုနောက်ဆုံးအဆင့် ဆန်ခါတင် ရွေးချယ်ထားတဲ့ အမျိုးသမီး ၁၀ ဦးထဲမှာအလှမယ်တွေ ပါဝင်တာနဲ့ပတ်သက်ပြီးပရိသတ်တချို့နဲ့ အနုပညာရှင်တချို့အကြားမှာမတူညီတဲ့အမြင်၊ ဝေဖန်ချက်တွေ ရှိနေပါတယ်။

ဒီလိုဝေဖန်ချက်တွေ ရှိတဲ့အပေါ်ကိုတော့ ရွှေကြိုရွေးချယ်ရေးအဖွဲ့ ဒိုင်အဖြစ် ပါဝင်ဆောင်ရွက်ခဲ့သူတွေက ဒီလိုနာမည်ရအလှမယ်တချို့နဲ့ ပရိသတ်သိပြီးသားမော်ဒယ်လ်တချို့ကိုရွေးချယ်ဖြစ်တာဟာသူတို့အရင်က ပြိုင်ခဲ့တဲ့ အလှမယ်ပြိုင်ပွဲတွေမှာရရှိထားတဲ့ ဆုတွေနဲ့ သက်ဆိုင်ခြင်းမရှိဘူးလို့ ဆိုပါတယ်။ ရွှေကြိုရွေးချယ်တဲ့ ပြိုင်ပွဲတလျှောက်မှာသာသတ်မှတ်ထားတဲ့ စံနှုန်း၊ အရည်အချင်းပြည့်မီသူတွေကိုအမှတ်ပေးစနစ်နဲ့ အဆင့်ဆင့် သေချာစိစစ်ရွေးချယ်ခဲ့တာ ဖြစ်တယ်လို့လည်းသိရပါတယ်။

Miss Asia Pacific World သရဖူဆုရှင် အလှမယ် မေမြတ်နိုးက“မြတ်နိုးရွှေကြို ပွဲမှာဝင်လျှောက်ဖြစ်တာက သရုပ်ဆောင်တွေကိုဂုဏ်ပြု တဲ့ပွဲမှာတထောင့်တနေရာကနေပါဝင်ချင်လို့ပါ။ ဒီပွဲဝင်ပြိုင်လို့ သရဖူရထားတဲ့ အလှမယ် တယောက်အပေါ်ဝေဖန်မှုတွေရှိနေတဲ့အပေါ်ပြောရရင် အဲဒါတွေကတွေးခေါ်မှု မှားနေတယ်လို့ပဲပြောပါရစေ။

ဒီလိုထူးချွန်တဲ့ သရုပ်ဆောင်တွေကိုချီးမြှင့်တဲ့ ပွဲမှာ မြတ်နိုးလည်းသရုပ်ဆောင် တယောက်အနေနဲ့ တထောင့်တနေရာကဝင်ရောက်ပါဝင်တာဟာ မြတ်နိုးရတဲ့ Crownနဲ့ ဘာမှမဆိုင်ဘူးလို့ ထင်ပါတယ်။ မြတ်နိုးတို့လည်းသူများနဲ့တန်းတူဖောင်တင်တယ်။ အားလုံးနဲ့တန်းတူအားလုံးရှေ့မှာဝင်အရွေးခံခဲ့တယ်။ အဲဒီအထဲကမှ သင့်လျော်တဲ့သူကိုရွေးလိုက်တာပါ။ မေးခွန်းတွေမှာလည်းဖြေနိုင်တဲ့သူရှိသလိုမဖြေနိုင် တဲ့သူလည်းရှိပါတယ်။ မြတ်နိုးကသရဖူရထားတဲ့ အလှမယ်မို့လို့ အရွေးခံခဲ့ရတာမျိုးမဟုတ်ပါဘူး”လို့ ဧရာဝတီကိုပြောပါတယ်။

Miss Universe Myanmar 2014 ပြိုင်ပွဲရဲ့ 1st Runner up စဆုရရှိထားတဲ့ အလှမယ် ယွန်းမီမီကျော် ကလည်း“ညီမရွှေကြိုရွေးပွဲမှာဝင်ပြိုင်ဖြစ်တာကအကယ်ဒမီပေးပွဲကိုညီမ နှစ်တိုင်းအိမ်ကနေပဲအားပေးခဲ့တာ။ အဲဒီမှာကြည့်ရင် အကယ်ဒမီဗန်းကိုင် အစ်မတွေကိုအရမ်းအားကျတယ်။ သူတို့ဆိုရင် သူတို့လျှောက်လှမ်းနေတဲ့ အနုပညာလောကမှာနေရာတွေရနေကြပြီ။ ဒါကြောင့် ဒီနှစ်ဝင်လျှောက် ဖြစ်တာပါ။ ပြိုင်ပွဲကို Miss တယောက် အနေနဲ့ ဝင်ပြိုင်ပြီးအရွေးခံရတာ ဘယ်လိုခံစားမိလဲဆိုတော့ ကိုယ်သည် ပြိုင်ပွဲတလျှောက် ကိုယ့်ကိုယ်ကိုယ် miss တယောက်ဆိုတာခေါင်းထဲထည့်မထားဘူး။ ကိုယ်သည် သူများတွေနဲ့တန်းတူ ပြိုင်ပွဲဝင်တယောက်ပဲ။ အမှန်အတိုင်းပြောရရင် ဒီဆယ်ယောက်ထဲမှာအရွေးခံရပါ့မလားဆိုပြီးရင်တုန်ခဲ့ပါတယ်။ ပွဲမှာလည်းအကောင်းဆုံးကြိုးစားခဲ့တဲ့အတွက် အရွေးခံရတယ်လို့ ထင်ပါတယ်”လို့ ဆိုပါတယ်။

ဒီနှစ်မှ ပထမဆုံးစတင်ခေါ်ယူတဲ့ အမျိုးသားအကယ်ဒမီရွှေကြိုမှာဆိုရင်လည်းလက်ရှိ MRTV-4 မှာ ထုတ်လွှင့်ပြသနေတဲ့ မြန်မာရုပ်သံဇာတ်လမ်းတွဲတွေမှာသရုပ်ဆောင်နေသူသရုပ်ဆောင် ဘုန်းရှိန်ထက်၊ လင်းမြတ် စတဲ့ သရုပ်ဆောင်တွေအပြင်၊ ပရိသတ်တွေမစိမ်းတဲ့ ပိုင်တံခွန်၊ သုတ၊ ချမ်းမြေ့ ညီညီ၊ ထက်အောင်ဝေစတဲ့ အမျိုးသားဓာတ်ပုံမော်ဒယ်လ်တွေနဲ့ တခြားမျက်နှာသစ် တက်သစ်စ အမျိုးသား မော်ဒယ်လ်တွေလည်းအများအပြားလျှောက်ထားကြတယ်လို့ သိရပါတယ်။

နောက်ဆုံးအဆင့် ဆန်ခါတင် ရွေးချယ်ထားတဲ့ အမျိုးသားရွှေကြို ၁၀ ယောက်ကတော့ ဘုန်းရှိန်ထက်၊ ပိုင်တံခွန်၊ လင်းမြတ်၊ ထက်အောင်ဝေ၊ သုတ၊ ရန်နောင်ဇော်၊ အောင်ထွဋ်စံ၊ စိုးသီဟ၊ မင်းတော်ဝင်၊ ချမ်းမြေ့ညီညီတို့ပဲ ဖြစ်ပါတယ်။

“မြန်မာနိုင်ငံမှာပထမဆုံးဒီနှစ်မှာ ထူးထူးခြားခြားရွေးချယ်တဲ့ ယောကျာ်းလေး အကယ်ဒမီရွှေကြိုကို သတင်းစာကနေ၊ Channelတွေကနေတွေ့ပြီးကျနော်လျှောက်ဖြစ်တာပါ။ အရင်ကတည်းက နှစ်တိုင်းအကယ်ဒမီရွှေကြိုဆိုရင် မိန်းကလေးပဲရွေးတယ်၊ တနှစ်တလေများရွှေကြိုကိုယောကျာ်းလေးတွေ ရွေးရင်လည်းအရမ်းကောင်းမှာပဲဆိုပြီးစိတ်ကူးလေးရှိခဲ့တယ်။ အခုကျနော့်စိတ်ကူးနဲ့ ထပ်တူကျပြီးတော့ ယောကျာ်းလေးရွှေကြိုခေါ်တဲ့အတွက် အရမ်းဝမ်းသာပီတိဖြစ်ပြီးဝင်ပြိုင်ဖြစ်တာပါ”လို့ နောက်ဆုံးဆန်ခါတင်အဆင့်မှာရွေးချယ်ခံထားရတဲ့ မော်ဒယ် ပိုင်တံခွန်ကဧရာဝတီကိုပြောပါတယ်။

အမျိုးသားရွှေကြို လျှောက်ထားသူတွေထဲမှာတရုတ်ပြည်သူ့သမ္မတနိုင်ငံ၊ ဟောင်ကောင်မြို့မှာ ကျင်းပပြုလုပ်ခဲ့တဲ့ Mr. Asia Contest 2014  ပြိုင်ပွဲမှာ2nd Runner up ဆုရရှိခဲ့တဲ့ မော်ဒယ်လ် ခါရာကလည်း ဝင်ရောက်ယှဉ်ပြိုင်ခဲ့ပြီးသူဟာ နိုင်ငံကိုယ်စားပြု အလှမောင်တယောက် ဖြစ်တာကြောင့် သူ့ရဲ့အဖွဲ့အစည်းMiss Golden Land Myanmar က ခွင့်မပြုတဲ့အတွက် ဆန်ခါတင်စာရင်းရွေးချယ်ပွဲကို ဝင်ရောက် ယှဉ်ပြိုင်ခဲ့ခြင်းမရှိတာကိုတွေ့ခဲ့ရပါတယ်။

MRTV-4 မှာထုတ်လွှင့်ပြသနေတဲ့ The Sign of Love  မြန်မာရုပ်သံဇာတ်လမ်းတွဲရဲ့ သရုပ်ဆောင် ဘုန်းရှိန်ထက်ကလည်း ရွှေကြိုကိုလျှောက်ဖြစ်ခဲ့တာက ဒီနှစ်အကယ်ဒမီပေးပွဲဟာ မြန်မာနိုင်ငံ ရုပ်ရှင်အစည်းအရုံးကပထမဦးဆုံးဦးစီးကျင်းပတဲ့ အကယ်ဒမီဆုပေးပွဲဖြစ်ပြီး အမျိုးသား အကယ်ဒမီ ရွှေကြိုကိုလည်းပထမဆုံးစခေါ်တဲ့ပွဲဖြစ်တာကြောင့် စိတ်ဝင်စားပြီးလျှောက်ဖြစ်သွားတာဖြစ်တယ်လို့ ဧရာဝတီကိုပြောပြပါတယ်။ သူကအခုလက်ရှိမှာကိုယ့်ရဲ့ အနုပညာဝမ်းစာကို ဖြည့်နေချိန် ကြိုးစားနေဆဲ အနေအထားသာဖြစ်ပြီး ရွှေကြိုကနေတဆင့် အနုပညာလမ်းကြောင်းပေါ်မှာအောင်မြင်တဲ့ အနုပညာရှင် တယောက် ဖြစ်လာဖို့ဆိုတာကိုယ့်ကြိုးစားမှု အပေါ်မှာလည်းအများကြီးမူတည်တယ်လို့လည်းဆိုပါတယ်။

၂၀၁၃ ခုနှစ်အတွက် အကောင်းဆုံး ရုပ်ရှင်ထူးချွန်ဆု အကယ်ဒမီရွှေစင်ရုပ်တုအတွက် အကယ်ဒမီ တစ်ပြေးနေတဲ့ ရုပ်ရှင်ဇာတ်ကားကြီးတွေကတော့ ဒါရိုက်တာကိုဇော်  (အရုဏ်ဦး)  ရိုက်ကူးထားတဲ့ “အဖြူရောင်ရဲတိုက်”နဲ့ “ကိုယ့်အထာနဲ့ကိုယ်”၊ ဒါရိုက်တာဝိုင်း ရိုက်ကူးထားတဲ့ “နင်စေရင်”နဲ့     “စေတန်ရဲ့ ကချေသည်” ၊ ဒါရိုက်တာဝင်းထွန်းထွန်း ရိုက်ကူးထားတဲ့ “စုန်းပြူး” ၊ ဒါရိုက်တာပန်းချီစိုးမိုး ရိုက်ကူးထားတဲ့ “ကြယ်စင်မော်ကွန်း”စတဲ့ ဆန်ခါ တင်ရုပ်ရှင်ဇာတ်ကား ၆ ကားပဲ ဖြစ်ပါတယ်။
ပရိသတ်ခန့်မှန်းထားတဲ့ ဖြစ်နိုင်ခြေအရှိဆုံးမင်းသမီးတွေကတော့ အကယ်ဒမီအိန္ဒြာကျော်ဇင်နဲ့၊ ဝတ်မှုံရွှေရည်လို့ သိရပြီးမင်းသားတွေကတော့ အကယ်ဒမီနေတိုးနဲ့ အကယ်ဒမီပြေတီဦး တို့ကိုခန့်မှန်းထားကြတယ်လို့ ကြားသိရပါတယ်။

ဒီနှစ် ၂၀၁၄ ခုနှစ် ဒီဇင်ဘာလ ၂၇ ရက်နေ့ မှာကျင်းပပြုလုပ်မယ့် အကယ်ဒမီဆုပေးပွဲမှာ ၂၀၁၃ ခုနှစ်အတွက် အကောင်းဆုံး ရုပ်ရှင် ထူးချွန်ဆု၊ အကယ်ဒမီဆုများကိုပေးအပ် ချီးမြှင့်သွားမှာဖြစ်ပြီး ရုပ်ရှင်အစည်းအရုံးအနေနဲ့ ပထမဆုံးကိုယ်တိုင်ဦးစီးတဲ့ ဒီနှစ် အကယ်ဒမီပေးပွဲကြီးမှာအကယ်ဒမီဗန်းကိုင်ကနေအကယ်ဒမီရွှေကြိုလို့ ပြောင်းလဲခေါ်ဆိုတာ၊ ရွှေကြိုကိုအမျိုးသမီးတွေသာမကအမျိုးသားတွေကိုပါ ရွေးချယ်ခေါ်ယူတာ၊ အကယ်ဒမီပွဲ ကျင်းပမယ့်နေရာကို M.E.P မှာပထမဆုံးစတင်ကျင်းပပြုလုပ်မှာ၊ ခါတိုင်းနှစ်တွေလို မြန်မာ့ရုပ်ရှင်ချစ် ပရိသတ်တွေကိုယ်တိုင်လာအားမပေးနိုင်တာစတဲ့ စတဲ့ ပြောင်းလဲမှုတွေနဲ့အတူ ဒီနှစ်အခမ်းအနား တင်ဆက်မှုကခါတိုင်းနှစ်တွေထက် ခမ်းနား၊  မခမ်းနား၊  ဆုရွေးချယ် ချီးမြှင့်မှုတွေ တရားမျှတ ခြင်းရှိ၊ မရှိ၊  ပရိသတ်တွေ  မျှော်မှန်းထားတာနဲ့ တထပ်တည်း ကျ၊ မကျ အစရှိတာတွေကော ဘယ်လိုထူးထူးခြားခြား ပြောင်းလဲသွားမလဲဆိုတာကိုတော့ လာမယ့် ဒီဇင်ဘာ ၂၇ ရက်နေ့ မှာ ဖန်သားပြင်အသီးသီးကနေစောင့်မျှော် ကြည့်ရှုကြပါလို့ပဲ ...။


သီဟတိုး

အပြည့်အစုံသို့

Jazz ဂီတတွေနဲ့ ရန်ကုန်မြို့က ကမ္ဘာ့ဂီတပွဲတော်

World Music Festival (ဓာတ်ပုံ - တင်ထက်ပိုင်/ ဧရာဝတီ)

ပြင်သစ်ယဉ်ကျေးမှုဌာနရဲ့ မြက်ခင်းပြင်စိမ်းစိမ်းကို နင်းလိုက်တာနဲ့ နိုဝင်ဘာရဲ့ အေးစပြုလာတဲ့ ဆောင်းလေပြေလေးကို တချက်ခံစားလိုက်ရပြီး မြက်ခင်းပြင်အပြည့် နေရာယူထားတဲ့ ပရိသတ်ကြီးကို တွေ့လိုက်ရပါတယ်။

နိုဝင်ဘာလ ၂၈ ရက်နေ့နဲ့ ၂၉ ရက်နေ့များက ရန်ကုန်မြို့ ပြည်လမ်းမှာရှိတဲ့ ပြင်သစ်ယဉ်ကျေးမှုဌာနရဲ့ မြက်ခင်းပြင်မှာ ဝင်ကြေးအခမဲ့နဲ့ နှစ်ရက်တိုင်တိုင် ကျင်းပခဲ့တဲ့ ပွဲလေးကတော့ ပြင်သစ်၊ ဂျာမနီ၊ အစ္စရေး၊ ဂျပန်၊ ဆွစ်ဇာလန် စတဲ့ နိုင်ငံတကာက ဂီတပညာရှင်တွေရဲ့ Jazz တေးသွားသံစဉ်များနဲ့အတူ မြန်မာ့ ဂီတပညာရှင်တွေရဲ့ ပေါင်းစပ်တီးမှုတ် ဖျော်ဖြေမှု ဂီတအရသာတွေ စီးမျောနေတဲ့ စတုတ္ထအကြိမ်မြောက် ကမ္ဘာ့ဂီတပွဲတော်ပဲ ဖြစ်ပါတယ်။

ဒီဂီတပွဲတော်မှာ ဖျော်ဖြေမယ့် အဓိက ဂီတအမျိုးအစားက Jazz ဖြစ်နေတဲ့အတွက်ကြောင့် လာတဲ့ပရိသတ် သုံးပုံနှစ်ပုံလောက်က အနောက်တိုင်းသားတွေရယ် မြန်မာနိုင်ငံမှာ တာဝန်ထမ်းဆောင်နေတဲ့ နိုင်ငံခြား သံရုံးမိသားစုဝင်တွေနဲ့ သူတို့ရဲ့ သူငယ်ချင်း အသိုင်းအဝိုင်းတွေများတာကို တွေ့ရပါတယ်။ Jazz နဲ့ classical ကြိုက်တတ်တဲ့ မြန်မာပရိသတ်တွေကတော့ အလွတ်မပေးတမ်း လာရောက်နားဆင်ခဲ့ကြပါတယ်။ ဖျော်ဖြေတဲ့ အချိန်ကလည်း ညနေခင်းလေး ဖြစ်တဲ့အတွက် ပရိသတ်တွေကို ကြည့်ရတာ ပေါ့ပေါ့ပါးပါး လေးပါပဲ။

နိုဝင်ဘာလ ၂၈ ရက်နေ့မှာ ပထမဦးဆုံး ဖျော်ဖြေသွားခဲ့တာကတော့ ပြင်သစ်နိုင်ငံက TAB လို့ ခေါ်တဲ့ သုံးဦးပေါင်း တေးဂီတအဖွဲ့ပဲ ဖြစ်ပါတယ်။ အဖွဲ့ထဲမှာ ဂီတာသမားတယောက်၊ ဆိုက်ဆိုဖုန်းသမား တယောက်နဲ့ ဒရမ်တီးတဲ့သူ တယောက် ပါပါတယ်။

သူတို့အဖွဲ့ရဲ့ တေးဂီတတွေဟာ Jazz တေးဂီတကို အဓိက အခြေခံထားပြီး ငြိမ်းငြိမ်းချမ်းချမ်းလေးနဲ့ အသံအရည်အသွေး ပြည့်ပြည့်ဝဝ ရှိပါတယ်။ ထူးခြားတာတခုကတော့ သူတို့ရဲ့ ဂီတတွေဟာ အရှေ့တိုင်းက ဂီတတွေ ပါဝင်ပေါင်းစပ်ထားတဲ့ အတွက်ကြောင့် သိပ်ပြီး မစိမ်းသလို ခံစားရပါတယ်။

TAB အဖွဲ့ရဲ့ ဖျော်ဖြေတင်ဆက်မှုပြီးတော့ Toritones လို့ခေါ်တဲ့ ဂျပန်၊ အမေရိကန် အဖွဲ့ပဲ ဖြစ်ပါတယ်။ သူတို့သုံးယောက်ရဲ့ ဆိုက်ဆိုဖုန်း၊ ဘေ့စ်နဲ့ ဒရမ်တွေကို ပေါင်းစပ်တီးမှုတ် ဖျော်ဖြေမှုတွေကလည်း ဆန်းဆန်းပြားပြားကြီးတွေ မဟုတ်ပေမယ့် အလိုက်သင့်လေး စီးမျောလို့ သိပ်ကောင်းတဲ့ သံစဉ်တွေပါပဲ။ 

ပြီးတဲ့နောက်မှာတော့ ပရိသတ်တွေအားလုံး စောင့်မျှော်နေတဲ့ ဂျာမဏီရဲ့ သုံးဦးတွဲ Jazz Trio အဖွဲ့နဲ့ မြန်မာဘက်က ဟိန်းတင့်ရဲ့ မြန်မာ့ရိုးရာ ဆိုင်းဝိုင်းအဖွဲ့တို့ ပူးပေါင်းဖျော်ဖြေတဲ့ စိတ်လှုပ်ရှားဖွယ်ရာ တီးမှုတ်ဖျော်ဖြေမှုတွေပါပဲ။ အနောက်တိုင်းရဲ့ classical jazz တေးဂီတစတိုင်လ်နဲ့ မြန်မာ့ဆိုင်းဝိုင်းတို့ကို ပေါင်းစပ်ဖန်တီးလိုက်တဲ့အခါ သိပ်ကို ဆန်းပြားပြီး စိတ်လှုပ်ရှားဖို့ကောင်းတဲ့ ဂီတသံစဉ်တွေ တခုပြီးတခု ထွက်ပေါ်လာပါတယ်။ ပရိသတ်တွေ အကုန်လုံးကလည်း အသံတွေ တိတ်လို့ ရင်သတ်ရှုမော ခံစား အားပေးခဲ့ကြပါတယ်။ ဆိုင်းပညာရှင် ဟိန်းတင့်ကတော့ နိုင်ငံတကာ ပရိသတ်ရှေ့မှာ လက်စွမ်း ကောင်းကောင်း ပြနိုင်ခဲ့ပါပြီ။

အဲဒီ တင်ဆက်ဖျော်ဖြေမှု သုံးခုအပြီးမှာတော့ ၂၈ ရက်နေ့အတွက် အစီအစဉ်တွေ ပြီးသွားပါပြီ။ ဖျော်ဖြေခဲ့တဲ့ ဂီတပညာရှင်တွေကို ပရိသတ်အချို့ကတော့ ကိုယ်တိုင်သွားရောက် ချီးမွမ်းနှုတ်ဆက်ခဲ့ကြပါတယ်။ ပရိသတ်အချင်းချင်းလည်း ဂီတခံစားမှုတွေ ဖလှယ်ရင်း ပြင်သစ်ယဉ်ကျေးမှုဌာနရဲ့ Rendez-vous စားသောက်ဆိုင်နဲ့ မြက်ခင်းပြင်မှာ ဂီတအကြောင်းတွေ ဖောင်ဖွဲ့လို့ ဆွေးနွေးခဲ့ကြပါတယ်။ ကျန်နေသေးတဲ့ နောက်တရက်အတွက်လည်း ကြိုလို့ ရင်ခုန်နေခဲ့ကြမှာပါ။

၂၉ ရက်နေ့မှာတော့ classical နဲ့ ခေတ်ပြိုင် Jazz ဂီတသံစဉ်တွေကို ပေါင်းစပ်ဖန်တီးထားတဲ့ အစ္စရေးဂီတပညာရှင်နှစ်ယောက်ရဲ့ သံစဉ်တွေကို အားရပါးရ ခံစားခဲ့ရပါတယ်။ ဖန်တီးမှုအားကောင်းတဲ့ သူတို့ရဲ့ ဂီတသံစဉ်တွေဟာ သိပ်ကို ထူးခြားပြီး ပါရမီရှင်တွေလို့တောင် တင်စားနိုင်ပါတယ်။

အစ္စရေးဂီတအဖွဲ့ ပြီးရင်တော့ နယူးယောက်မြို့ Jazz လောကမှာ နာမည်ကျော်ကြားတဲ့ အဆိုတော်လည်းဖြစ် သီချင်းလည်းရေးတဲ့ ဆွစ်ဇာလန်နိုင်ငံဖွား အမျိုးသမီး ဂီတာပညာရှင် Elaine Amherd နဲ့ ဒရမ်မာ Willard Dyson တို့ရဲ့ ပူးပေါင်းဖျော်ဖြေ တင်ဆက်မှုပါပဲ။ သူတို့နှစ်ယောက်နဲ့အတူ Tim ကလည်း Bass player အဖြစ် အားဖြည့် တီးခတ်ပေးခဲ့ပါတယ်။ Elaine ရဲ့ ဘရာဇီးနဲ့ လက်တင်စတိုင်လ် ကိုယ်ပိုင်သံစဉ် တေးသွားတွေနဲ့အတူ သူမရဲ့ ဆွဲဆောင်မှုရှိရှိ စင်မြင့်ဖျော်ဖြေမှုတွေက ပရိသတ်တွေကို ဆက်တိုက် ဖမ်းစားထားပါတော့တယ်။

Elaine ကတော့ အမြူးရော အဆွေးရော နှစ်ခုလုံး ပိုင်ပိုင်နိုင်နိုင် သီဆိုနိုင်တဲ့ အဆိုတော်တယောက် ဖြစ်တဲ့အပြင် ဂီတာကိုလည်း သူ့အဖွဲ့သားတွေနဲ့အတူ ပြောင်ပြောင်မြောက်မြောက် တီးနိုင်တဲ့သူလို့ ပြောရမှာပါ။ ကျန်တဲ့ အတီးသမားနှစ်ယောက်ကလည်း ဂီတစည်းချက်တွေကို သိမ်မွေ့ပါးနပ်စွာ တီးခတ်ပြသွားခဲ့ပါတယ်။ မြန်မာနိုင်ငံမှာ Live ခံစားရဖို့ သိပ်ကိုခက်ခဲတဲ့ ရှားပါးအခွင့်အရေးတခုလို့ ဆိုရမှာပါ။

အဲဒီနောက်မှာတော့ မြန်မာ- ဂျာမနီ နှစ်နိုင်ငံရဲ့ နောက်ဆုံးပိတ် အိတ်နဲ့လွယ်လို့ ပြောရလောက်အောင် ထူးခြားပြောင်မြောက်တဲ့ Jazz ဂီတ ပူးပေါင်းဖျော်ဖြေမှုပါပဲ။ မြန်မာနိုင်ငံရဲ့ ဂီတသင်တန်းကျောင်း တခုဖြစ်တဲ့ ဂီတမိတ်မှ Jazz အဖွဲ့နဲ့အတူ ဂျာမနီရဲ့ အကောင်းဆုံး Jazz ဂီတပညာရှင် တဦးလို့ ပြောလို့ရတဲ့ Meike Goosmann နဲ့ သူမရဲ့ အဖွဲ့သားတွေ ပူးပေါင်းဖျော်ဖြေ တီးမှုတ်ပြီး တင်ဆက်ထားတာပါ။

ဂီတတူရိယာတွေ တော်တော် စုံစုံလင်လင် ပါဝင်ဖျော်ဖြေ တီးမှုတ်ထားပြီးတော့ တူရိယာတမျိုးကို ဂျာမနီနဲ့ မြန်မာ နှစ်ဖက်စလုံးမှ တယောက်စီက တီးမှုတ်ဖျော်ဖြေထားတဲ့အတွက် သံစဉ်တွေ စည်းချက်ညီညီ ထွက်လာဖို့ ၁၀ ရက်လောက် ဆက်တိုက် လေ့ကျင့်ခဲ့ကြရတယ်လို့ သူတို့က ပြောပါတယ်။

အဆိုကိုတော့ ဂီတမိတ်မှ ကိုသားငယ်က ပါဝင်သီဆို ပေးထားတာဖြစ်ပြီး ဂျာမန်သီချင်း “Wenn Ich Ein Voglein War” (I wanna play) ဆိုတဲ့ သီချင်းကို ကိုသားငယ်က ဂျာမန်ဘာသာနဲ့ပဲ သီဆိုပေးခဲ့ပါတယ်။ သူ ကိုယ်တိုင်ရေးစပ်ထားတဲ့ Jazz အမျိုးအစား၊ မြန်မာသီချင်း “စမ်းချောင်းလေး” ကိုလည်း သီဆိုဖျော်ဖြေခဲ့ပါတယ်။ ကိုသားငယ်ရဲ့ အဆိုပိုင်နိုင်မှုနဲ့ ဂီတပါရမီကတော့ ကြားခဲ့ရသူတိုင်းကို အံ့သြရှုမောသွားစေပါတယ်။ သူ သီဆိုအပြီးမှာတော့ လက်ခုပ်သံတွေ မစဲနိုင်အောင်ဘဲ ဖြစ်နေခဲ့ပါတယ်။
မြန်မာနိုင်ငံမှာ Jazz ဂီတကို ပိုင်ပိုင်နိုင်နိုင် သီဆိုနိုင်တဲ့သူတွေ လက်ချိုးရေတွက်လို့ ရတဲ့အထဲမှာ ကိုသားငယ် ပါဝင်နေတယ်ဆိုတာ မေးခွန်းထုတ်စရာတောင် လိုမှာ မဟုတ်ပါဘူး။

ဒီ ဂျာမန်- မြန်မာ နှစ်နိုင်ငံ Jazz အဖွဲ့ဟာ မန္တလေးမြို့မှာလည်း “An Evening Jazz” ဆိုတဲ့ ပွဲခေါင်းစဉ်လေးနဲ့ ယနေ့ ဒီဇင်ဘာလ ၂ ရက်နေ့မှာ သွားရောက်ဖျော်ဖြေဦးမယ်လို့ ကိုသားငယ်က ဧရာဝတီကို ပြောပါတယ်။

ပွဲတောက်လျှောက်မှာ တင်ဆက်မှု တခုနဲ့တခုကြား ပရိသတ်တွေအတွက် အားလပ်ချိန်လည်း ပေးခဲ့ပါတယ်။ စင်မြင့်နဲ့ ပေးထားတဲ့ မီး အနေအထားက ဓါတ်ပုံသတင်း လာယူကြတဲ့ ဓါတ်ပုံဆရာတွေအတွက် နည်းနည်း အခက်ကြုံရတာက လွဲလို့ ပရိသတ်တွေဟာ စည်းကမ်းတကျနဲ့ အေးအေးဆေးဆေး လာရောက် ခံစားခဲ့ကြတဲ့အတွက် ပွဲလေးဟာ ငြိမ်းငြိမ်းချမ်းချမ်းပဲ ပြီးဆုံးသွားပါတယ်။

ဒီဂီတပွဲတော်ကို မြန်မာနိုင်ငံမှာ အလုပ်လုပ်နေတဲ့ နိုင်ငံခြားသားတွေရော မြန်မာနိုင်ငံက ဂီတချစ်မြတ်နိုးသူတွေရော ကမ္ဘာအနှံ့က ဂီတအမျိုးအစားတွေကို ရှားရှားပါးပါး လာရောက်ခံစားလို့ရအောင်  စီစဉ်ပေးခဲ့တဲ့ အဖွဲ့အစည်းတွေကတော့ ပြင်သစ်ယဉ်ကျေးမှုဌာနနဲ့ ဂိုထေးအင်စတီကျု့(Goethe Institute) တို့က ဖြစ်ပြီး မြန်မာနိုင်ငံဆိုင်ရာ အစ္စရေး၊ ဂျပန်နှင့် ဆွစ်ဇာလန်နိုင်ငံ သံရုံးတို့ကလည်း ပါဝင်ကူညီ စီစဉ်ပေးထားတယ်လို့ သိရှိရပါတယ်။

ပြင်သစ်ယဉ်ကျေးမှုဌာန ကြီးမှူးလို့ အခုလို ကမ္ဘာ့ဂီတပွဲတော်ကို နှစ်စဉ်ကျင်းပလာခဲ့တာလည်း အခုနှစ်နဲ့ပါဆို လေးကြိမ်တိုင်ခဲ့ပါပြီ။

ရှေ့နှစ် ၅ ကြိမ်မြောက် ကျရင်ရော ဘယ်နိုင်ငံက ဂီတပညာရှင်တွေရဲ့ ထူးခြားပြောင်မြောက်တဲ့ ဂီတတွေနဲ့ စိတ်လှုပ်ရှားဖို့ ကောင်းအောင် ဘယ်လိုမျိုး စီစဉ်ထားဦးမလဲ ဆိုတာ မလွတ်တမ်း စောင့်ကြည့် ကြရအောင်နော်။

အပြည့်အစုံသို့

နေရေးထက် သေရေးခက်တဲ့ ရွာ

မန္တလေး တိုင်းပုသိမ်ကြီးမြို့နယ် လက်ကောင်း ကျေးရွာအုပ်စုပိုင် သုသာန်မြေနေရာကို ကျေးရွာလူထု မသိပဲ၊ တာဝန်ရှိသူတစ်ဦးက ယခုနှစ် ဧပြီလအတွင်းက ရောင်းချသွားခဲ့သည့်အတွက် နာရေးအတွက် ခက်ခဲနေ တယ်လို့ သိရပါတယ်။ 

ဓာတ်ပုံ- စိန်ငယ်လေး

ဤနေရာကို ၀ယ်ယူသူက သံဇကာများဖြင့် ခြံစည်းရိုးပါ ကာရံထားတဲ့အတွက် ဧပြီလမှစပြီး၊ ဒီကနေ့ အချိန် အထိ ကျေးရွာက နာရေးကိစ္စများကို မြေမြုတ်သဂြီုလ်နိုင်ခြင်းမရှိပဲ၊ ကားလမ်းနံဘေးတွင်ဖြစ်သလို သရဏဂုံ တင်ကာ လေးတိုင်စင်လေးနဲ့ ကားတာယာမီးကို အသုံးပြုမီးသဂြိင်္ုလ်နေရကြောင်းသိရပါတယ်။ 

ဓာတ်ပုံ- စိန်ငယ်လေး

အဲဒါကြောင့် မနေ့က မန္တလေးမြို့က Mr 88 ကဖေးမှာ ဒေသခံတွေက လာရောက်ပြီး သတင်းစာရှင်းလင်းပွဲ လုပ်ခဲ့ပါတယ်။ 

ဓာတ်ပုံ- မင်းထက်ငြိမ်းချမ်း

လက်ကောင်းရွာသား ဦးညီမောင်က “ အဘ  အသက်၈၇နှစ်ရှိပြီ၊ အဘ အဖေလည်းဒီရွာမှာနေလာတာ အဘ အဖေတို့ လက်ထကတည်းကရှိခဲ့တဲ့၊ သချိင်္ုင်းနှစ်ပေါင်းရာချီနေပြီ၊ အခုမှ ပုံစံ ၇ ပေါက်ပြီး ရောင်းစား လိုက် တာ၊ သုသာန်မြေကတော့ မြေစာရင်းမှာမရှိတာက အရုပ်ဆိုးလွန်းပါတယ်” လို့ ပြောပါတယ်။ 

ဓာတ်ပုံ - စိန်ငယ်လေး

လက်ကောင်းကျေးရွာဟာ မန္တလေး- မေမြိ့ကားလမ်းနံဘေးမှာရှိပြီး၊ အိမ်ခြေ ၁၇၀ ကျော်ရှိကာ၊ လူဦးရေ ၈၀၀ ကျော် နေထိုင်တယ်လို့ သိရပါတယ်။ 

အာရှ အဝေးပြေး လမ်းမကြီး စီမံကိန်းဟာ လက်ကောင်းရွာနား က ဖြတ်သန်း သွားတာကြောင့်၊ အခုအခါ မှာ တော့ ဒီအရပ်ဒေသရဲ့ မြေပေါက်ဈေးဟာ တဧကကို ကျပ်သိန်း ၂၀၀၀ နီးပါး ပေါက်ဈေးရှိတယ်လို့ မြို့နယ် အထောက်အကူပြု ကော်မတီဝင် ဦးလှသောင်က ဆိုပါတယ်။ 

ရွာသုသာန်ကတော့ လက်ကောင်းရွာနဲ့ ဘိုတက်ကုန်းရွာ ကျေးရွာချင်းဆက်လမ်း တောင်ဘက်မှာရှိပြီး၊ အခု အခါမှာတော့ သုသာန်ဇရပ်အပါအဝင် မြေပုံဟောင်းများပါဖယ်ရှားဖျက်သိမ်း ကာ သံဇကာပတ်လည် ကာရံ ထားကာသီးနှံအချို့ပင်စိုက်ပျိုးထားတယ်လို့ သိရပါတယ်။ 

ဓာတ်ပုံ- မင်းထက်ငြိမ်းချမ်း

ဒီသုဿန်မြေနေရာ ကိစ္စနဲ့ ပတ်သက်ပြီး၊ မြို့နယ်၊ ခရိုင်အဆင့်ဆင့် တင်ပြခဲ့သော်လည်း အဆင် မပြေ 
သေးတဲ့အပြင်၊ ဒေသအာဏာပိုင်တွေ လမ်းညွန်တဲ့ သလဲကွင်းသုသာန်ကလည်း ၁၅ပေခန့်သာကျယ် ဝန်းပြီး၊ ရေများထွက်နေတဲ့အတွက် လက်တွေ့မှာတော့ နာရေးကိစ္စများမှာ ခက်ခဲနေပါတယ်လို့ ဒေသခံတွေ ကဆိုပါတယ်။ 


မင်းထက်ငြိမ်းချမ်း ~ 

• ဧရာဝတီ Facebook / ဧရာဝတီ Twitter

အပြည့်အစုံသို့

အလုပ်ခွင်မှာ ပျော်ပျော်ရွှင်ရွှင်

အစုလိုက် လုပ်ငန်းတခု၊ မိမိအသက်မွေးဝမ်းကျောင်းမှု လုပ်ငန်း တခု  အောင်မြင်ဖို့ လုပ်ငန်းခွင်အတွင်းက  လုပ်သားတွေ ပျော်ပျော်ရွှင်ရွှင် အလုပ်လုပ်ကိုင်တတ်ကြဖို့ လိုတယ်လို့ ပညာရှင်တွေက ဆိုကြပါတယ်။ 

အပြည့်အစုံသို့

ကြိုးတိုက် ဋီကာ (၁၁)

သက်ရှိစာကြည့်တိုက်များနဲ့ ဖြတ်သန်းခြင်း 

၁၉၉၀ ပြည့်နှစ် စင်တင်ဘာလ အင်းစိန်ထောင်တွင်း အစာငတ်ခံ ဆန္ဒပြမှုကြီးနဲ့ ထောင်တွင်း ဖိနှိပ်မှုကြီး အပြီး ကြိုးတိုက်ဟာ အရင် ကလို မဟုတ်တော့ဘဲ ထောင်စည်းကမ်း တင်းကျပ်မှုတွေနဲ့ ဖိနှိပ်မှုတွေ၊ ကန့်သတ် မှုတွေ၊ ပစ်ပယ် လျစ်လျူရှုမှု တွေကို ဆက်တိုက် ရင်ဆိုင်လာခဲ့ရပါတယ်။ 

ကြိုးသမားတွေနဲ့ ကြိုးတိုက်ထဲက ကျနော်တို့ အားလုံးရဲ့ အဝတ်အစား၊ စောင်၊ အခင်း စတာတွေကိုလည်း 
ထောင် အာဏာပိုင်တွေက အကြောင်းမဲ့ သိမ်းဆည်းသွားခဲ့ပါပြီ။ 

သမံတလင်းမှာပဲ အခင်းမပါ အိပ်စက်ကြရ တဲ့ ဘဝတွေကို ဆိုက်ရောက်လာပါတော့တယ်။ ကြိုးသမားတွေ သာမက အကျဉ်းသားတိုင်း အတွက်ကတော့ ကျန်းမာရေး ချွတ်ယွင်းမှုတွေ ရှိလာ ရင်တောင် ဘယ်လိုမှ အကျဉ်းထောင် ကျန်းမာရေး စောင့်ရှောက်မှုကို အားကိုးလို့ မရတဲ့ အခြေအနေပါ။

 ပြောရမယ် ဆိုရင် ခေါင်းကိုက်လည်း ဘာစပရို၊ ပါရာ စီတမော၊ ဗိုက်အောင့်လည်း ဘာစပရိုဆေးပဲ ပေး
လေ့ ရှိ တာ အင်းစိန်ထောင် ကျန်းမာရေး စောင့်ရှောက်မှုပါပဲ။ 

အဲဒီလို ထောင်ကျန်းမာရေး စောင့်ရှောက်မှု အားနည်းချက်၊ လျစ်လျူရှုချက် တွေကို ကြိုးတိုက်ထဲမှာ ရှိနေခဲ့ ကြ တဲ့ သက်ကြီး ရွယ်အိုများ အပါအဝင် အားလုံးပဲ ခါးစည်းခံရပါတယ်။ 

သူတို့တွေဟာ ကြိုးတိုက်ထဲမှာ ရှိစဉ်တလျှောက် သူတို့ဘဝ စာမျက်နှာတွေကို ပြန်လည်မျှဝေရင်း သက်ရှိ စာကြည့်တိုက်တွေအဖြစ် ကျနော်တို့အတွက် ခွန်အားပေးသူတွေလည်း ဖြစ်ပါတယ်။ 

စာရေးဆရာ မောင်သော်က (ရေတပ် ဗိုလ်မှူးဟောင်း ဦးဘသော်) ဦးသော်ကဟာ ဂျာနယ်လစ်တဦးလည်း လုပ်ခဲ့ဖူးသလို ကဗျာတွေလည်း ရေးတယ်။ 

သူ့ဘဝမှာ စစ်သားဘဝ တဖြစ်လဲ စစ်ဗိုလ်ဟောင်း တွေရဲ့ လူ့ဘဝ ဖြတ်သန်းမှုတွေထဲက ရယ်စရာ သရော်စာတွေ ရေးအားကောင်းတယ်။ 

ဦးသော်က က အခါအားလျော်စွာ သူ့ဘဝ၊ သူ့ အတွေ့အကြုံ တွေနဲ့အတူ သူရေးခဲ့ဖူးတဲ့ စာတွေ အကြောင်း 
ပြန်ပြောင်း ပြောပြ တတ်တယ်။ 

အဲဒီထဲမှာ တိုက်ရေယာဉ် ၁၀၃ ကတော့ ကြိုးသမားတိုင်း အမှတ်ရနေကြမှာ သေချာပါတယ်။ 

အစ္စလမ် ကိုရ်အန်ကျမ်းကို မြန်မာဘာသာ ပြန်ဆိုမှုနဲ့ ပတ်သက်တဲ့ အတွေ့အကြုံ၊ အင်္ဂလိပ်စာ လေ့လာမှုနဲ့ ပတ်သက်လို့ အထောက်အကူဖြစ်မယ့် လေ့လာပုံ လေ့လာနည်းတွေနဲ့ အချိန်လုပြီး သင်ပြပေးခဲ့တာတွေ ဟာ ဦးသော်က အမှတ်တရတွေ အဖြစ် ယနေ့ထက်တိုင် ကြားယောင် မြင်ယောင်ဆဲပါပဲ။ 

 ဦးသော်ကနဲ့ ပတ်သက်ပြီး အမှတ်ရစရာတွေ များပေမယ့် အမှတ်ရစရာ အဖြစ်ဆုံးက သူကွယ်လွန် ခဲ့တဲ့
နေ့ ၁၉၉၁ ခုနှစ် ဇွန်လ ဆန်း က ဖြစ်ပါတယ်။ 

သွေးတိုးရောဂါ ခံစားနေရတာမို့ ခေါင်းတွေ အရမ်းမူးပြီး နေထိုင်ရ အရမ်းဆိုးလာတာကြောင့် ကြိုးတိုက် တာဝန်ကျ ထောင်ဝန်ထမ်းတွေ ကနေတဆင့် သက်ဆိုင်ရာကို အကြိမ်ကြိမ်သတင်း ပို့ခဲ့ပေမယ့် တယောက်မှ ရောက်မလာခဲ့ ပါဘူး။ 

ကံကောင်းချင်တော့ ဦးသော်က အဲဒီလို သွေးတိုးဝေဒနာ အလွန်အမင်း ခံစားနေရချိန်မှာ ကြိုးသမား တချို့ ထောင်ဝင်စာ တွေ့ဖို့ တဖွဲ့က တိုက်က အထွက်၊ တဖွဲ့က ထောင်ဝင်စာ တွေ့ပြီး ပြန် အလာ၊ ထောင် ဝန်ထမ်း ဆီက သော့ကို ကျနော်က ယူပြီး ဦးသော်က ရဲ့ အခန်းနံပါတ် ၂၇ ကို ဖွင့်လိုက်တယ်။ 

ဦးသော်ကကို အခန်းထဲကထုတ်လိုက်ပြီး ကြိုးတိုက် အလယ်လမ်းမှာ ပွေ့ထားပြီး အတတ် နိုင်ဆုံး ပြုစုကြ တယ်။ ခံစားနေရတဲ့ ဝေဒနာ သက်သာရာ သက်သာစေကြောင်း ယပ်ခတ်ပေးတာနဲ့ သံပရာရည် 
ဖျော်ပေးပြီး တိုက်ဖို့ ကြိုးစားခဲ့တယ်။ 

ဒါပေမယ့် ဦးသော်ကဟာ စကားပြောဖို့တောင် အတော် အားယူနေရတယ် ဆိုတာ သိကြရတော့ ကျနော် တို့ တတွေဟာ နားနေ ဖို့ပဲ သူ့ကို သတိပေးနေရတယ်။ 

တဖက်ကလည်း ဆေးရုံကို အကြောင်းကြားတာ မလာသေးတော့ ထပ်ပြီး အော်ဟစ် ခေါ်ဆိုသံတွေနဲ့ မလာ၊ လာအောင် ကြိုးသမား တွေက ဝိုင်းအော်နေခဲ့ ကြတယ်။ 

ကျနော်တို့ ဝိုင်းဝန်း ပြုစုနေတဲ့အချိန်မှာပဲ ဦးသော်ကရဲ့ အခြေအနေဟာ လုံးဝ မရတော့ဘူးဆိုတာ သိရပြီး ဘယ်လိုမှ ခေါ်လို့မရတဲ့ အခြေအနေ ဖြစ်နေပါပြီ။ ဒါကြောင့် သွေးခုန်နှုန်း၊ နှလုံးခုန်သံတို့လည်း မကြားရ
တော့ ပါဘူး။ 

မျက်လုံး သူငယ်အိမ်ကို ကြည့်လိုက် တော့ လည်း သူငယ်အိမ်က ကျုံ့ဝင်နေပြီ ဆိုတာ တွေ့ကြရတယ်။ ဒါဟာ ဦးသော်ကရဲ့ ဝိညာဉ်ချုပ်ခြင်း လက္ခဏာတွေ ပါပဲ။ 

ဒါကြောင့် သတင်းပို့တဲ့ ပုံစံကို ပြောင်းပြီး ဦးသော်က ဆုံးသွားပြီလို့ သတင်းပို့လိုက် ကြတယ်။ 

အဲဒီလို သတင်းပို့ပြီး ၁၅ မိနစ် ကျော်လောက်မှာ ထောင်တွင်းဆေးရုံက ဆေးမှူးနဲ့ အကျဉ်းသား အကူတချို့ ဟာ ကပ်နဲ့ရောက် လာကြပြီး ဦးသော်ကကို တင်ခေါ်သွားခဲ့ကြတယ်။ 

နောက်တော့ ဦးသော်က အခန်းထဲက သူ့ပစ္စည်းတွေကို ထောင်အာဏာပိုင်တွေက လာထုတ်ယူ သွားကြ တယ်။ 

အကျဉ်းသား သရုပ်ပြပုံ - AAPP အကျဉ်းသား သရုပ်ပြပုံ – AAPP 

နောက် ၂ ရက်လောက်ကြာ အာဏာပိုင်တွေ ပြောတာကတော့ ရန်ကုန်ဆေးရုံကြီးမှာ ဦးသော်ကဟာ 
ဆေးဝါး ကုသရင်း ကွယ်လွန် သွားတယ် ဆိုပဲ။ ဘယ်လိုမှ မဖြစ်နိုင်တာပါ။ 

ဦးသော်ကဟာ အဲဒီနေ့က သူသိပ်ချစ်တဲ့ ကြိုးသမားတွေနဲ့ သူနေထိုင်ရာ ကြိုးတိုက်ထဲ မှာ ကတည်းက အသက် မရှိတော့ပါဘူး။ 

၁၉၉၀ ပြည့်နှစ် မေ ၂၇ ရက်နေ့ ရွေးကောက်ပွဲ အနိုင်ရပါတီအဖြစ် NLD ပါတီကို တရားဝင် ကြေညာပြီးက တည်းက စစ်သားတွေ ကတိတည်ပြီး တရားသဖြင့် အာဏာလွှဲပေးခဲ့ရင် လွတ်ငြိမ်းချမ်းသာခွင့်နဲ့ အတူ 
ထောင်က လွတ်မြောက် ကြတဲ့အခါ ကြိုးသမား ၁၀၈ ဦးကို ဗုဒ္ဓဘာသာရဟန်းခံပွဲ အကြီးအကျယ် ကျင်းပ
ပေးမယ် ဆိုတဲ့ အစ္စလမ်ဘာသာဝင် ဦးသော်က ကတော့ ကျနော်တို့ကို ထားခဲ့ပြီး ကြိုးတိုက်ထဲက သာမက တကယ့်ကို လူ့လောကထဲက ထွက်ခွာသွားခဲ့ ပါတယ်။ 

နောက်ထပ် သတိရစရာတခုက နာမည်ကျော် ဗေဒင်ဆရာ၊ စာရေးဆရာ မင်းသိင်္ခနဲ့ ပတ်သက်ပါတယ်။ 

စက်တင်ဘာ ၂၅ ရက်နေ့ ထောင်တွင်း ဖိနှိပ်မှုကြီး မတိုင်ခင်တုန်းကပါ။ ၃ တိုက်မှာရှိတဲ့ ဆရာမင်းသိင်္ခက တနေ့မှာ ဟောစာတမ်း တခုထုတ်ပြီး ကြုံးဝါးပါတယ်။ 

မကြာခင် လွတ်ငြိမ်းချမ်းသာခွင့်နဲ့ နိုင်ငံရေးအကျဉ်းသားတွေ အကုန်လွတ်ပြီး ညနေစာကို အပြင်မှာ အောင် ပွဲ ဆင်ပြီး စားကြ ရမယ်တဲ့။ 

သူ့ဟောစတမ်း မမှန်ကန်ခဲ့ရင် ဆရာမင်းသိင်္ခ ခေါ် ကိုအောင်ထွန်းက သူ့လျှာကို ဘလိတ်ဓားနဲ့ ဖြတ်ပစ် မယ် လို့ ကြုံးဝါးမှုက တိုက် ဝန်းတခုလုံး လွှမ်းမိုးသွားခဲ့တယ်။ 

ဆရာမင်းသိင်္ခ ပြောထားတဲ့ရက်တွေ ဖြစ်မလာဘဲ ကုန်လွန်သွားတော့ ဦးသော်က တယောက် ဘလိတ်ဓား လိုက်ရှာတယ်။ 

မှတ်မှတ်ရရ ကျနော့်ဆီမှာလည်း ထောင်ဝန်ထမ်းနဲ့ တရားမဝင်သွင်းထားတဲ့ 7 O’clock ဘလိတ်ဓား ရှိနေ
တော့ ဦးသော်က က သူပြန် ဝယ်ပေးမယ်၊ အဲဒါ ပေးပါ ဆိုတော့ ဦးသော်ကကို ပေးလိုက်တယ်။ 

နောက်တော့ ဦးသော်ကက ဆရာမင်းသိင်္ခဆီကို စာတိုလေးရေးပြီး လှမ်းပို့လိုက်တယ်။ 

စာကလည်း ပလတ်စတစ်ပေါ် ရေးထားတဲ့ စာတိုလေး။ 

 “အောင်ထွန်းရေ။ ငါတော့ မင်းဆီကို ဘလိတ်ဓား ပို့လိုက်တယ်၊ ဒါဆို မင်းသဘောပေါက်မှာပါကွာ”လို့ ရေး
ပေး လိုက်တယ်။ 

ဆရာမင်းသိင်္ခကလည်း ဦးသော်က ပို့ပေးလိုက်တဲ့ ဘလိတ်ဓားဘူးကို ရိုရိုသေသေ လက်ခံယူပြီး စကားကြုံ 
ပြန်ပါးလိုက်ပါတယ်။ 

 သူ့မှာ မုတ်ဆိတ်ကျင်စွယ်တွေ ရိတ်ဖို့ ဘလိတ်ဓား အခက်တွေ့နေတာကို ကူညီတဲ့အတွက် ဦးသော်က ကို ကျေးဇူးတင်ကြောင်း ပြောစကားလေးပါ။ 

အဲဒီ အချိန်ကာလတွေမှာ ထောင်ထဲမှာ အကျဉ်းသားတဦး အနေနဲ့ ဘလိတ်ဓားဆိုတာ တရားဝင် ကိုင်ဆောင်ခွင့် မရှိပါဘူး။ ဒီတော့ မုတ်ဆိတ်မွေး၊ နှုတ်ခမ်းမွေးတွေကို ထောင်က အပတ်စဉ် လာပြီး ဆံသပေးသူတွေရဲ့ လူတကာသုံးတဲ့ သင်တုန်းဓားနဲ့ မသုံးချင်ကြတော့ ပုလင်းကွဲတို့ ဘာတို့နဲ့ သုံးကြရ တယ်။ 

ဘလိတ်ဓားကို ထောင်ဝန်ထမ်းနဲ့ မှာရတာလည်း မဟာစွန့်စားခန်း တခုပါပဲ။ ဒီတော့ ဘလိတ်ဓား ရှား တယ်။ 

အဲဒီတုန်းက ဆရာမင်းသိင်္ခဆီက စကားပြန်လည်းရရော ဦးသော်က တယောက် ရယ်လိုက်တာ ခွက်ခွက်လန်ပါပဲ။ 

ဒီ့အပြင် ဦးသော်က က အချစ်ရေး၊ နှလုံးသားရေးနဲ့ ပတ်သက်ပြီးလည်း သူက မကြာမကြာ ပြောတတ် တယ်။ 

ဒုတိယ ဇနီးသည် ထောင်ဝင်စာ လာတွေ့တုန်းက ပေးခဲ့တဲ့ ဖလန်နယ် ဝမ်းဆက်ကို ဦးသော်က တယောက် ဂုဏ်ယူ ဝတ်ဆင်ကာ အခေါက်ခေါက် အခါခါ လမ်းလျှောက်ရင်း ပြောဖူးတဲ့ စကားက “အချစ်ဆိုတာ အမြဲနုပျို နေတာကွ၊ ထောင်ဝင်စာ တွေ့ချိန်သံဆန်ခါ ခြားထား တာတောင် ရင်ခုန်သံက အရမ်းနီးတော့ အနမ်းခရီးက အသွားအပြန်၊ ငါတော့ ဒါတွေ အခန်းထဲထိ သယ်လာခဲ့တယ်” တဲ့။ 


ဆက်လက်ဖော်ပြပါမည်။ 

 လင်းသန့် ~


 

• ဧရာဝတီ Facebook / ဧရာဝတီ Twitter

အပြည့်အစုံသို့

ကြိုးတိုက် ဋီကာ (၁၀)

ထောင်တွင်းတိုက်ပွဲများနဲ့ ဖိနှိပ်မှု 

စက်တင်ဘာ ၂၅ အင်းစိန်ထောင်တွင်းဖိနှိပ်မှုကြီးမှာအစာငတ်ခံ ဆန္ဒပြသူ၊ နိုင်ငံရေးအကျဉ်းသား၊ ကြိုးသမား စုစုပေါင်း ၄၀ဝ လောက်ရိုက်နှက် နှိပ်စက် ခံခဲ့ကြရတယ်။ 

 အကျဉ်းသား ထားရာ ထောင်တွင်း တိုက်ခန်းများ၊ ဓာတ်ပုံ- ဗညား

အဲဒီနောက် တချို့ကိုစစ်ခွေးတိုက်ကိုပို့၊ တချို့ကိုတိုက်ဝင်းထဲက တခြားတိုက် တွေကိုပြောင်း၊ တချို့ အဆောင်ပြောင်းစတာတွေကို စီမံချက်ပုံစံမျိုးနဲ့ လုပ်ခံခဲ့ကြရပါတယ်။ 

အဲလို လူစုခွဲပို့ခံနေရချိန်မှာလည်း ရိုက်နှက်နှိပ်စက်ခံရမှုတွေကလည်း အဆက်ပြတ်မသွားပါဘူး။ ကျနော် ကတော့ ကြိုးတိုက်ထဲက“ကြိုးတို”လို့ ခေါ်တဲ့ အခြမ်းဘက်ကို ပြန်ပို့ခံရတယ်။ 

အဲဒီကနေနောက်တနေ့ မနက်စောစောမှာ ကျနော် အပါအဝင် ကြိုးသမား ၂၀ ကိုခေါင်းစွပ်စွပ်၊ ရိုက်နှက်ပြီး စစ်ခွေးတိုက်ရှိရာကို မိကျောင်းတွားသွားရတဲ့ ပုံစံအတိုင်း မိုင်ဝက် လောက်ဝေးတဲ့ ၁၀ ခန်းတွဲ စစ်ခွေးတိုက် အခန်းနံပါတ် ၁၀ ရှိရာကိုအရောက် သွားခိုင်းခဲ့တယ်။ 

တလမ်းလုံးလည်း ကျွဲရိုက်နွားရိုက်ရိုက်နှက်ခံရပါသေးတယ်။ စစ်ခွေးတိုက် တာဝန်ကျ တပ်ကြပ်ကြီး ကံထွန်း
ခေါ် ဗိုလ်ကံက“စစ်ခွေးတိုက် ဝင်ကြေး” ဆိုပြီး အော်လိုက်တယ်။ 

စစ်ခွေးတိုက် ဝန်း ထဲက ဂဝံကျောက် ခင်းထားတဲ့ လမ်းတလျှောက်မှာ ကျနော့်ကို အချင်း ၂ လက်မ
လောက် ရှိတဲ့ တုတ်ရှည်တွေနဲ့ ဝိုင်းရိုက်ကြတော့ တာပါပဲ။ 

စစ်ခွေးတိုက်ဆိုတာ အကျဉ်းခန်း ၁၀ ခန်းရှိ တိုက်ဖြစ်ပြီး ညကင်းပတ် စစ်ခွေးတွေကို ထိန်းကျောင်း သင်ကြားပေးတဲ့ နေရာလည်း ဖြစ်တယ်။ 

ခွေးသံတွေနဲ့ဆူညံနေပြီး အဲဒီ စစ်ခွေးတိုက်တွင်းက ရိုက်နှက် ညှဉ်းပန်းသံတွေကို ထောင်တွင်း ဘယ်နေရာ ကမှ မကြားနိုင် ပါဘူး။ 

အခန်းတွင်း ရောက်တဲ့အခါ စစ်ခွေးတိုက်ပုံစံထိုင်နည်းကို ရိုက်နှက်သင်ပေးတယ်။ စစ်ခွေးတိုက်ရဲ့ ပုံစံထိုင် နည်း ဆိုတာ တင်ပျဉ်ခွေထိုင်၊ ကြမ်းပြင်နဲ့ မျက်နှာနဲ့ ရင်ဘတ်ကို ထိကပ်နေရပြီး လက်နှစ်ဘက် ရှေ့ကို ဆန့်ထားရတယ်။ 

အဲဒီအချိန်မှာ ဝါယာကြိုးတွေ၊ သစ်သားတုတ်တွေနဲ့ ရိုက်ကြတော့တာပါပဲ။ ထောင် ဝန်ထမ်းတွေက အားရ
အောင် ကျနော်တို့ကို ရိုက်နှက်ပုံစံပေးပြီး ပြန်ထွက်သွားပြီးတော့မှ အခန်းတံခါးကို ပိတ်သွားတယ်။ 


 နှစ်ရက်နီးပါးလောက် အဆက်မပြတ် ရိုက်နှက်မှုတွေ ခဏအဆုံးသတ်သွားချိန် ဒဏ်ရာတွေကြောင့် ထိုင်ရ ခက်၊ လှဲရခက် ဖြစ်နေ ပေတုန်း အမှတ်မထင် အခန်းတွင်း နံရံပေါ်ကစာတချို့ကို သွားဖတ်မိလိုက်တယ်။ 

အဲဒီစာက ထုံးသုတ်ထားတဲ့ နံရံပေါ်မှာ လူသွေးနဲ့ရေးထားတဲ့စာပါ။ “ငါတို့တော်လှန်ရေး မပြီးသေးဘူး”တဲ့။ 

စာရဲ့အောက်နားမှာ ရေးထိုးထားတဲ့နာမည်ကို ကြည့်လိုက်တော့မှ ပြီးခဲ့တဲ့နာရီပိုင်းကပဲ ဒီအခန်းထဲကနေ သရက်ထောင်ကို ပြောင်း ရွှေ့တာ ခံလိုက်ရတဲ့ ကျနော့်အမှုတွဲ ကိုမြင့်ဆွေ ရေးသွားတာမှန်း သိလိုက်ရ တယ်။ 

ကိုမြင့်ဆွေဟာ ၁၉၉၆ ခုနှစ် ဇွန်လ ၁၈ ရက်ကသရက်ထောင်မှာ ထောင်အာဏာပိုင်တချို့ရဲ့ ပယောဂနဲ့ စိတ်ရောဂါသည် အချုပ် သားက ထမ်းပိုးနဲ့ ရိုက်လို့ ကွယ်လွန်သွားခဲ့ပါတယ်။ 

နေ့လယ်စာ စားချိန်လောက်မှာ ထောင်ဝန်ထမ်းတချို့ အခန်းရှေ့ရောက်လာပြီး တာလပေါ ဟင်းရည် 
လောင်း ထည့်ထားတဲ့ ထမင်း ပန်းကန်ကို အခန်းသံတိုင် တံခါးအောက်က ထိုးသွင်းလာပြီး “စား” လို့ ပြော သွားတယ်။ 

ကျနော်က “မစားဘူး”လို့ ပြောပြီး ပုံစံ ထမင်း ပန်းကန်ကို ပြန်ထုတ်ပေးလိုက်တယ်။ ဒါနဲ့တခါ အခန်းထဲက ကျနော့်ကို ထုတ်ပြီး ရိုက်ပြန်တယ်။ အဲဒီအချိန်မှာ ကျနော်ဟာ အစာမစားရတာ ၃ ရက်ထဲရောက်လာခဲ့ပြီ။ 

တကိုယ်လုံး ဒဏ်ရာတွေနဲ့ မှောက်အိပ်လို့လည်း မရ။ ပက် လက် အိပ်လို့လည်းမရ။ စောင်းအိပ်လို့လည်း မရ။ ထိုင်လို့လည်း မရ။ ခန္ဓာကိုယ်တွင်းကလည်း တဖျစ်ဖျစ် မြည်သလို ခံစားနေရပါတယ်။ 

ဒဏ်ရာနာကျင်မှုတွေ၊ ဆာလောင်မွတ်သိပ်မှုတွေကို လုံးထွေးခံစားရင်း အသက်ရှင်ချိန် တရက်ချင်းကျော်
ဖြတ်ပြီး သေခြင်း အတွက် အဆင်သင့်ဖြစ်စေဖို့ ဝိပဿနာ သတိပဋ္ဌာန်တရား ကြိုးစားအားထုတ်ရင်း နေ ခဲ့တယ်။ 

အခန်းဖော်က အစာစားဖို့ အကြိမ်ကြိမ်နားချ တိုက်တွန်းခဲ့တယ်။ စစ်ခွေးတိုက် တာဝန်ခံတပ်ကြပ်ကြီး ဗိုလ်ကံက ကျနော့်ကို အစာ မစားလို့ နံနက်တိုင်း စစ်ခွေးပုံစံထိုင်ခိုင်းပြီး သစ်သားတုတ်နဲ့ ရိုက်လေ့ရှိ တယ်။ 

ထောင်သက် ရင့်သူတွေဆီက တဆင့် ကြားသိ ထားတဲ့ ထောင်တွင်းဒဏ်ရာ ဆေးကုသနည်းကို သတိရ လိုက်တယ်။ 

ခန္ဓာကိုယ်ကို ဆီးဂန်ဖလားထဲက ဆီးတွေလက်နဲ့ယူပြီး တကိုယ်လုံးကို ဆုပ်နယ်တယ်။ ပွန်းရှထားတဲ့ ဒဏ် ရာ နဲ့ ဆီးနဲ့တွေ့တော့ အတော်စပ်ဖျဉ်းဖျဉ်း ဖြစ်တယ်။ 

အတွင်းဒဏ်ရာတွေ ကြေအောင်၊ သက်သာအောင် မနက်စောစော ကိုယ်စွန့်ထားတဲ့ ဆီးကို ပလတ်စတစ် အိတ်နဲ့ ခံပြီးသောက်တယ်။ တကယ်ပဲ ဒဏ်ရာတွေနဲ့ နာကျင်မှုတွေ သက်သာသလို ခံစားရတယ်။ 

အဲဒီလိုနဲ့ စစ်ခွေးတိုက်မှာ ၅ ရက်မြောက်နေ့ မနက်အိပ်ရာထချိန်ကစတင်ပြီး လန်းဆန်းလာသလို ခံစားလာ ရ တယ်။ ဒါပေမယ့် အဲဒီနေ့မှာပဲ ထောင်အာဏာပိုင်တွေက အခန်းရှေ့က ရေအိုးထဲကရေကို ၁ ယောက်စာ အတွက် ၁၅၀ဝ စီစီလောက်ပဲ တရက်စာ ထားခဲ့ပြီး ကျန်တဲ့ရေကိုအခန်းရှေ့မှာပဲ သွန်ပစ်တယ်။ 

အဲဒီတုန်းကစစ်ခွေးတိုက် အခန်းနံပါတ် ၁၀ မှာ ကျနော်နဲ့အတူနေခဲ့ရတဲ့ အခန်းဖော်ရဲ့နာမည်က စိန်ဝင်း။ သူက ၁၉၈၈ ခုနှစ် အရေးတော်ပုံကာလ မြောက်ဥက္ကလာပမြို့နယ်က ရဲကို သတ်မှုနဲ့ သေဒဏ် ကျခံနေရ သူ ဖြစ်တယ်။ 

ကြိုးတိုက်ဆန္ဒပြမှုမှာ တက်တက်ကြွကြွပါဝင်ခဲ့သူ စိန်ဝင်းက နဂိုကတည်းက အစာအိမ်ရောဂါနဲ့ 
ကျောက်ကပ်ရောဂါ ရှိသူမို့ ထမင်း စားတယ်။ 

ဒါကြောင့် သူက အစာမစားတဲ့ ကျနော့်ကို လက်ကျန်သူတို့ထားခဲ့တဲ့ သူ့အတွက်ရေကို ကျနော့်အတွက် ဦးစားပေး တယ်။ အဲဒီနေ့ကစပြီး ရေသောက်ဖို့ အကန့်အသတ် ရှိလာတယ်။ 

စစ်ခွေးတိုက် အခန်းကျဉ်းအတွင်းမှာပဲ လမ်းလျှောက်တဲ့အခါ အနည်းငယ် မောစပြုလာခဲ့တယ်။ ၁၀ ရက်ကျော်လာတော့ မျက်လုံး တွေ ဝေ၀ါးလာတယ်။ 

မှတ်မိတာကတော့ ၁၁ ရက်ကျော်လာပြီးနောက်ပိုင်း ကျနော့်ကို လာမရိုက်တော့ပါဘူး။ 

၁၅ ရက်မြောက်နေ့မှာ ခန္ဓာကိုယ်တခုလုံး ပျော့အိလာသလို ခံစားလာရပြီး ကိုယ့်ကိုယ်ကိုယ် ထိန်းမတ်ဖို့ အခက်အခဲဖြစ်လာတယ်။ ဒါနဲ့ လှဲနေချိန်က များလာတယ်။ 

ကိုစိန်ဝင်းက အကြိမ်ကြိမ် နားချစည်းရုံးတယ်။ ထောင်ဆရာဝန် ဒေါက်တာ ထွန်းထွန်း ကလည်း 
နောက်ရက်တွေ မှာ လာကြည့်ပြီး အစာစားဖို့ဖျောင်းဖျ တိုက်တွန်းတယ်။ ၁၇ ရက်မြောက်တဲ့နေ့အထိ အသိရှိနေပေမယ့် ခန္ဓာကိုယ်က သယ်ယူဖို့ ခက်ခဲလာတယ်။ 

သေခြင်းအတွက် ဗုဒ္ဓအဆုံးအမ အတိုင်း သတိနဲ့သေဖို့၊ လူပီသစွာသေဖို့ ကြိုးစားရင်း တဖက်ကလည်း အသက်ရှင်စိတ်ကို လုံးဝမစွန့်လွှတ်ခဲ့ဘူး။ 

သတိရလိုက်ချိန်မှာ အစာ ငတ်ခံဆန္ဒပြတဲ့ ၁၈ ရက်မြောက်နေ့ (နောက်ပိုင်းမှ ပြန်လည်ရေတွက်၍ သိရခြင်း
ဖြစ်သည်) မှာ ကျနော့် တကိုယ်လုံး ပေါ့ပါး လန်း ဆန်း နေတယ်။ လေထဲမှာ လွင့်မျောနေသလို ခံစားနေရ တယ်။ 

အနားမှာ ထောင်အာဏာပိုင်တွေကို မတွေ့ဘူး။ ထောင်ဆရာဝန် ဒေါက်တာထွန်းထွန်း ကိုတော့ တွေ့လိုက် တယ်။ ကျနော့် လက်မှာလည်း အပ်တန်းလန်းနဲ့။ စစ်ခွေးတိုက် အခန်းတံခါးသံတိုင်မှာ ဂလူးကို့စ်ပုလင်းကြီး ချိတ်ထားတယ်ဆိုတာ သိလိုက်တယ်။ 

အခန်းဖော် ကိုစိန်ဝင်း က ပြုံးပြီး နှုတ်ဆက်နေတာကိုတွေ့တယ်။ 

“အစ်ကိုမသေပါဘူး၊ သေမှာမကြောက်တဲ့ သူကို သေမင်းကမခေါ်ဘူးဗျ” လို့ ကိုစိန်ဝင်းက အားပါးတရပြော တယ်။ 

“အစ်ကို့စကား အတိုင်း ကျနော် အကြံပေးချင်တယ်။ တော်လှန်ရေးက အတော်ကြာဦးမယ်။ ငါတို့ အသက် ရှင်သန်နေခြင်းသည်ပင် သူတို့ ဖြစ်စေ ချင်တဲ့ အတိုင်း မဖြစ်အောင် တော်လှန်ခြင်း ဖြစ်တယ်လို့ အစ်ကို 
ပြောထားတာပဲ။ ကိုယ့်စကားနဲ့ အညီ ကိုယ်တိုင်ကျင့်သုံး သင့် တယ်” လို့ သူက ကျနော့်စကားနဲ့ ပြန်ချည်ပြီး ဆက်ပြောတယ်။ 

ဆက်တိုက် အစာငတ်ခံ ဆန္ဒပြနေတာဟာ ငါ့အတွက် ဘာအကျိုးရှိမလဲဆိုတာကို အဖန်ဖန် ဆန်းစစ်ကြည့် မိ တယ်။ ဒါပေမယ့် စစ်ခွေးတိုက် တာဝန်ခံနဲ့တွေ့လိုကြောင်း တာဝန်ကျ ထောင်ဝန်ထမ်းတဦးက တဆင့် 
ပြောလိုက်တယ်။ 

စစ်ခွေးတိုက် တာဝန်ခံ တပ်ကြပ်ကြီးဗိုလ်ကံနဲ့ နောက်တဦးရောက်လာတယ်။ အဲဒီသူက အကျဉ်းဦးစီး ယူနီဖောင်း ဝတ်ထားတဲ့ စစ်ထောက်လှမ်းရေး တပ်ကြပ်ကြီး တဦးဖြစ်တယ်လို့ နောက်မှ သိရတယ်။ 

ကျနော့်ကိုသူတို့ပါလာတဲ့ အစားအသောက် တွေစားဖို့ တိုက်တွန်းပြီးဆက်ပြီး အစာငတ်ခံဆန္ဒပြသူမရှိဘူးလို့ သူတို့ကအထက်ကို သတင်းပို့ထားတယ်လို့ ပြောပြီးထွက်သွားတယ်။ 

ကျနော် ဘာဆက်လုပ်မလဲ။ မေးခွန်းပေါင်းများစွာက ကျနော့်ခေါင်းထဲ ဆူညံနေတယ်။ ဂလူးကို့စ် ပုလင်းကြီး အရှိန်နဲ့ လန်းဆန်း နေ ပေမယ့် ရင်ထဲမှာ “ဟာ” နေတယ်။ 

ကျနော်အစာပြန်စားဖို့ ဆုံးဖြတ်ချက် ချလိုက်တယ်။ 

ပထမဆုံး ပြန်စားတဲ့အချိန် တလုတ်စားတိုင်း မျက်ရည်တပေါက်ပေါက် ကျဆင်း လာတယ်။ အရှုံးအတွက် ကျခဲ့ရတဲ့ မျက်ရည်တွေပါ။ 

အဲဒီတုန်းကချခဲ့တဲ့ ဆုံးဖြတ်ချက်ကြောင့် ကျနော် အခုလို စာရေးနေနိုင် တာလို့ ပြောရမှာပါပဲ။ 

လူသားတိုင်း အောင်မြင်ခြင်းတွေ ရင်ဆိုင်ရသလို အရှုံးနဲ့လည်း ရင်ဆိုင်ရတတ်တာဟာ ဓမ္မတာပါပဲ။ အာဏာရှင်လက်အောက် မြန်မာနိုင်ငံမှာ အစာငတ်ခံ ဆန္ဒပြပွဲတွေထဲ ထင်ရှားတဲ့ အောင်ပွဲတခုက တပါတီ အာဏာရှင် ဦးနေဝင်း လက်ထက် ကိုကိုးကျွန်း အကျဉ်းစခန်းရောက် နိုင်ငံရေးအကျဉ်းသားတွေရဲ့ အသက် ၈ ချောင်းနဲ့ လဲလှယ်ခဲ့ရတဲ့ ကျွန်းစနစ် ဖျက် သိမ်းပေးရေး တိုက်ပွဲပါပဲ။ 

၁၉၉၈ ခုနှစ် မေလက သာယာဝတီ အကျဉ်းထောင်တွင်းရှိ နိုင်ငံရေးအကျဉ်းသားတွေက တခြား အကျဉ်း သားတွေ နည်းတူ ထောင် လက်စွဲဥပဒေအရ လျှော့ရက် ခံစားခွင့်အတွက် အစာငတ်ခံ ဆန္ဒပြပွဲမှာ ကိုအောင်ကျော်မိုး အသက်ပေးဆပ်ခဲ့ရတယ်။ 

မအောင်မြင်တဲ့ အစာငတ်ခံ ဆန္ဒပြပွဲကို ဖြတ်သန်းကျော်လွှားရင်း စစ်ခွေးတိုက်မှာ ၁ လကျော်ကြာနေခဲ့ပြီး ကျနော့်ရဲ့ ဒုတိယ အိမ်ဖြစ်နေတဲ့ ကြိုးတိုက်ကို ပြန်ရောက်ခဲ့ပါ တော့တယ်။ 

အဲဒီ ၁၉၉၀ ပြည့်နှစ် စက်တင်ဘာလ ထောင်တွင်းအစာငတ်ခံ ဆန္ဒပြမှုနဲ့ ဖိနှိပ် မှုကြီးကို နိုင်ငံရေး အကျဉ်းသားတွေက Black September လို့ ကင်ပွန်းတပ်ခဲ့ပါတယ်။ 


ဆက်လက်ဖော်ပြပါမည်။ 


လင်းသန့် ~ 

• ဧရာဝတီ Facebook / ဧရာဝတီ Twitter

အပြည့်အစုံသို့

ကြိုးတိုက် ဋီကာ (၉)

အဲဒီတုန်းက ကြိုးတိုက်ထဲမှာ နိုင်ငံရေးအကျဉ်းသားတွေနဲ့ ကြိုးသမား စုစုပေါင်းအကျဉ်းသား ၁၃၀ လောက် ရှိ တယ်။ ငြိမ်းချမ်းစွာ အစာငတ်ခံ ဆန္ဒပြကြတာဖြစ်လို့ ဆူပူအော်ဟစ်မှုတွေကို ရှောင်ကြဉ်ကြဖို့ ကျနော် တို့ နိုင်ငံရေး အကျဉ်းသားတွေက သတိပေး ကြတယ်။ 

နိုင်ငံရေး အကျဉ်းသားများကို နှိပ်စက် ညှဉ်းပန်းမှုအား သရုပ်ပြနေစဉ် (ဓာတ်ပုံ – AAPP)

“ငါတို့ အစာငတ်ခံ ဆန္ဒပြရင် သူတို့ကရေပါ ဖြတ်လာမယ်၊ သူတို့ဖြတ်တာကို ငါတော့ လက်မခံဘူး၊ ဒီတော့ ငါ့ရေအိုး ငါရိုက်ခွဲ မယ်” ဆိုပြီး အရိုး ကျီးပေါင်းတက် ရောဂါ ခံစားနေရပြီး လမ်းလျှောက်ရ ခက်ခဲနေတဲ့ ဗိုလ်မှူးဟောင်း၊ စာရေးဆရာ မောင်သော်က (ဦးသော်က) က အများကြားအောင် ပြောဆိုပြီး သူ့အခန်းရှေ့ က သောက်ရေအိုးကို ရိုက်ခွဲလိုက်တယ်။ 

ဦးသော်ကဟာ ဆန္ဒပြပွဲအပြီး မကြာမီ ကြိုးတိုက် အခန်းနံပါတ် ၂၇ မှာ လဲကျ သေဆုံးသွားခဲ့ပါတယ်။ ဒါပေမယ့် လည်း အာဏာပိုင် တွေက သူ့ကို ရန်ကုန်ဆေးရုံကြီးကို ထုတ်သွားပြီးမှ ဆေးရုံကြီးမှာပဲ ဆေး ကုသခံယူရင်း သေဆုံးသွားတာ ဖြစ်တယ်လို့ သတင်း လွှင့်ခဲ့ပါတယ်။ 

ကြိုးတိုက်တွင်းရှိ အကျဉ်းသား အများစုကလည်း ကိုယ့်အခန်းရှေ့က သောက်ရေအိုးတွေကို ဦးသော်ကလိုပဲ ရိုက်ခွဲလိုက်ကြတယ်။

 ကြွေးကြော်သံတွေကိုလည်း ကျနော်တို့ အခန်းက ပလတ်စတစ်ပေါ်မှာရေးပြီး အခန်းတခန်း ချင်းစီ ကို ထောင်ဝင်စာပါလာတဲ့ သံပရာ သီး လုံးတွေမှာ ပတ်ချည်ပြီး အခန်းစေ့ကို ပစ်ပေါက်မျှဝေပေးခဲ့တယ်။ 

ဒီတော့ ကြိုးတိုက်ထဲက ကြွေးကြော်သံတွေက တသံတည်း၊ တပြိုင်တည်း အစီအရီ ပေါ်ထွက်လာနေတယ်။ တိုက်ဝန်းထဲမှာရှိတဲ့ အခြားတိုက် ၄ တိုက်က နိုင်ငံရေး အကျဉ်းသားတွေလည်း ကြိုးတိုက်ကအသံတွေ အတိုင်းသား ကြားနေမှာပါပဲ။ 

ဒါပေမယ့် သူတို့တွေဟာ ကြိုးတိုက်တွင်းက အခြေအနေမှန်ကို သိပုံတော့ မရခဲ့ပါဘူး။ အဲဒီအချိန်မှာပဲ ကြိုးတိုက် ရဲ့ နောက်ဘက်တွေ မှာနံပါတ်တုတ်တွေ၊ လေးခွတွေ၊ ဂန်းပိုက် (မီးသတ် ပိုက်တို) စတာတွေ ကိုင် ထား တဲ့ ထောင် ဝန်ထမ်းတွေနဲ့ စစ်ခွေးတွေ (ထောင်လုံခြုံရေးအတွက် ညဘက်ကင်းလှည့်တဲ့အခါ အသုံးပြုဖို့ လေ့ကျင့်ထားတဲ့ခွေး) ရဲ့ အင်အားပြ ခြိမ်းခြောက်သံတွေ ကြားနေခဲ့ရပါပြီ။

 ကြိုးတိုက် ဆန္ဒပြမှုကို ဖြိုခွဲမယ့် လက္ခဏာတွေ မြင်တွေ့ရချိန်မှာပဲ တချို့ ကြိုးသမားတွေကလည်း သည်း မခံနိုင်တော့ဘဲ ထမင်းစား တဲ့ ပုံစံပန်းကန်တွေ နဲ့ တံခါးသံတိုင်တွေကိုခေါက်ပြီး “အာဏာရှင်ကို တော
ခြောက် မောင်းထုတ်ကြ”လို့ အော်ဟစ် ကုန်ကြတယ်။ 

 မူလစီစဉ်ထားခဲ့တဲ့ ငြိမ်းချမ်း တိတ်ဆိတ်စွာ အစာငတ်ခံ ဆန္ဒပြခြင်းအစား အော်ဟစ်ပြီး အစာငတ်ခံ ဆန္ဒပြ တဲ့ အခြေအနေ တခု ဆီသို့ တွန်းပို့ခြင်းခံလိုက်ကြရတယ်။ 

တိုက်ဝန်းအတွင်းမှာရှိတဲ့ တခြားတိုက်တွေကလည်း ထောက်ခံသံတွေနဲ့ ပူးပေါင်းခဲ့ကြတယ်။ တနေကုန်
တောင်း ဆိုသံ၊ နိုင်ငံရေးတရားဟောသံတွေကို ကြိုးတိုက်နောက်ဘက်မှာအရေးပေါ် တပ်ဆင်ထားကြတဲ့ ဆက်သွယ်ရေး စက်တွေကတဆင့် တနေရာကိုသူတို့ သတင်းပို့နေတာတွေလည်း တိုက်ခန်းပြတင်းပေါက် ငယ်ပေါ် တက်ကြည့်တဲ့အခါ မြင်ကြရတယ်။ 

အဲဒီလို တိုက်ဝန်းအတွင်းက အော်ဟစ် တောင်းဆိုသံတွေကို ဖုံးလွှမ်းသွားစေရေး၊ ဟန်ပြင်နေတဲ့ ရိုက်နှက် ညှဉ်းပန်း သံတွေ ထောင်ပြင်ပက မကြားစေရေးအတွက် ဟင်္သာတထွန်းရင်ရဲ့ “စာဥ”သီချင်းကို အင်းစိန်
ထောင် ပင်မဘူးကြီး(ပင်မတံခါးပေါ်က ကင်းစခန်း) နဲ့ တခြားဘူးတွေ (ထောင်အုတ်ရိုးပေါ်ရှိလက်နက်ကိုင် အစောင့်တွေရဲ့ကင်းတဲများ) ပေါ်က အသံချဲ့စက်တွေနဲ့ ကျယ်ကျယ် လောင် လောင် ဖွင့်ပါတော့တယ်။ 

အင်းစိန်ထောင် အထူးထောင်ပိုင် ဦးဘိုကြည်၊ ဒုညွှန်ချုပ် ဦးအုန်းဟန် အပါအဝင် စစ်ထောက်လှမ်းရေး တချို့က လမ်းလျှောက် စကား ပြောစက်တွေ ကိုင်ပြီး ကြိုးတိုက်ထဲက အခန်းတခုချင်းစီကို ချဉ်းကပ်လာ တယ်။ 

စစ်ဝတ်စုံဝတ်ထားတဲ့ အရာရှိ ၂ ဦးနဲ့ အရပ် ဝတ် စစ်ထောက်လှမ်းရေးတွေလည်း ပါတယ်။ 

“မင်းတို့ တောင်းဆိုချင်တာ ပြောလေကွာ”လို့ သူတို့က ပြောပြီး စကားပြောစက်တွေကို အခန်းတံခါးနားကို ထိုးပေးတယ်။ 

ခါးကြားမှာ သေနတ်ချိတ်ထားတဲ့ အကျဉ်းဦးစီး ဒုညွှန်ချုပ် ဦးအုန်းဟန်ကတော့ အမှတ် (၁) တိုက်ရှိ ကျောင်းသား
ခေါင်းဆောင် တဦးဖြစ်တဲ့ ကိုမင်းဇေယျာ အခန်းရှေ့ရပ်ပြီး ဘောင်းဘီဇစ်ကိုဆွဲချွတ်ကာ “မင်းတို့လိုချင်တဲ့ ဒီမိုကရေစီတော့ မရဘူး၊ ဒါပဲရမယ်” လို့ ပြောခဲ့သေးတယ်လို့ ဆိုပါတယ်။ တခြား ကြိုးတိုက် အခန်း တချို့ရဲ့
ရှေ့မှာလည်း အလားတူ ပြုမူခဲ့ပါသေးတယ်။ 

အဲဒီနောက် သိပ်မကြာခင် မှာပဲ အင်းစိန်ထောင် က ဝန်ထမ်းဦးရေ ၁၅၀ လောက်နဲ့အတူ (အကစ) ရုံးချုပ်နဲ့ အင်းစိန် အကျဉ်းဦးစီး သင်တန်းကျောင်းမှာ သင်တန်းလာတက်နေသူ ဝန်ထမ်းစုစုပေါင်း ၃၀ဝ ကျော်
လောက် က ကြိုးတိုက်ထဲကို လူတရပ်ကျော်ရှိတဲ့ သစ်သား တုတ်တွေ၊ လေးခွတွေ၊ လက်ထိပ်တွေနဲ့ 
ခေါင်းစွပ်တွေ ယူလာပြီး ဝင်လာကြတယ်။ 

အဲဒီကစပြီး အခန်းတခန်းချင်းစီကိုဖွင့်၊ ကြိုးတိုက်ထဲက နိုင်ငံရေး အကျဉ်းသားတွေ၊ ကြိုးသမားတွေ ကို 
ခေါင်းစွပ်စွပ်၊ လက်ထိပ်ခတ်ပြီး အခန်းထဲ က ဆွဲထုတ် သွားကြတယ်။ 

 မှတ်မှတ်ရရ ကြိုးတိုက်ထဲက ပထမဆုံး ခေါ်ထုတ်ခံရသူတွေထဲ တဦးအပါအဝင်ဖြစ်တဲ့ အခု ဒေါ်အောင်ဆန်းစုကြည် ရဲ့ မိသားစု ဆရာဝန် ဒေါက်တာ တင်မျိုးဝင်း ဆိုရင် “မင်းလားကွ ဒေါက်တာ တင်မျိုးဝင်း”၊ “စုနိုင်မှ ချမ်းသာမည်”ဆိုတဲ့ ထောင် ဝန်ထမ်းတွေရဲ့ အော်ဟစ်သံတွေနဲ့ အတူ ထောင်ပိုင်
လေး ဦးပြုံးချို ကစပြီး ရင်ဘတ်ကို လက်သီးနဲ့ စထိုးလိုက်တယ်။ 

တခြား ထောင်ဝန်ထမ်းတွေကလည်း အကုန်ဝိုင်းပြီး ဆွမ်းကြီးလောင်းလိုက်တာ ဒေါက်တာ တင်မျိုးဝင်း ခင်မျာ “အွန့်” ဆိုတဲ့ အသံပဲ ထွက်လာပြီး ကြိုးတိုက်အလယ်က လမ်းပေါ် တရွတ်တိုက် ပါသွားတော့ တာပါပဲ။ 

အဲဒီအချိန်က ထောင်ပိုင်လေး ဦးပြုံးချိုဟာ ဒေါက်တာ တင်မျိုးဝင်း အခန်းထဲက ယင်ကောင်နားရင် အုပ်ဖို့ ကြိုးသမားတချို့က ဝါးနဲ့လုပ်ပေးထားတဲ့ အုပ်ဆောင်းမှာ “စုနိုင်မှ ချမ်းသာမည်” လို့ ရေးထားတာကို သိမ်းသွားခဲ့ပါတယ်။ 


ထောင်အာဏာပိုင်တွေနဲ့ ကြိုးတိုက် တတိုက်လုံးနဲ့ပါ အချေအတင်ဖြစ်ပြီးနောက်ဆုံး အဲဒီအုပ်ဆောင်း ပြန်
ပေး ခဲ့ ရလို့ ဒေါက်တာ တင်မျိုးဝင်းကို အခဲမကြေ ဖြစ်နေ သူပါ။ 

နောက်ပိုင်းမှာ ထောင်ပိုင်လေး ဦးပြုံးချိုဟာ သူ့ကိုယ်သူ အဆုံးစီရင်သွားခဲ့တယ်လို့ သိရပါတယ်။ ကျနော့်ကို လည်း အခန်းထဲကထုတ်၊ ခေါင်းစွပ် စွပ်၊ လက်ထိပ် နောက်ပြန်ခတ်ပြီး မိုင်ဝက်နီးပါးလောက်ရှိ တဲ့ မြေလမ်း အတိုင်း ထောင် ဘူးဝ နားက အချုပ်ရုံးရှိရာကို အတင်းဆွဲခေါ်သွားကြတယ်။ 

တလမ်းလုံးလည်း ထောင်ဝန်ထမ်းတွေက ထိုးကြိတ်၊ ရိုက်နှက် ကြပါတယ်။ ပြီးတော့ အချုပ်ရုံးနားက ကွက်လပ်တခုမှာ ခဏဝမ်းလျားမှောက်ထားပြီး ခြေချင်းခတ်လိုက်တယ်။ 

 ကျနော့်လိုပဲ အခန်းတွေထဲက ဆွဲထုတ်၊ ထိုး ကြိတ်၊ ရိုက်နှက်လာခဲ့သူတွေလည်း အဲဒီမှာရှိနေ သံတွေကြား ရတယ်။ ခေါင်းစွပ်တွေကို ဖြုတ်မပေးတော့ အပြင်မြင်ကွင်းကို မမြင်ရဘူး။ 

အချုပ်ရုံးရှေ့ကနေ ခြေချင်းခတ်ပြီး မိန်းဂျေးလ် အဝိုင်းနား ပြန်ခေါ်လာပြီး မိန်းဂျေးလ် ပတ်လည် မြေနီဂဝံခဲ လမ်းပေါ် ဝမ်းလျား မှောက်ခိုင်းပြီး ထောင်ဝန်ထမ်းတွေက သစ်သားတုတ်တွေ၊ ဂန်းပိုက် လို့ခေါ်တဲ့ မီးသတ် ပိုက်တွေ၊ ရော်ဘာတုတ်တွေနဲ့ ရိုက်၊ စစ်ဖိနပ် တွေနဲ့ ကန်ကျောက်၊ တန်းစီ ဝမ်းလျားမှောက်ထား တဲ့ 
နိုင်ငံရေး အကျဉ်းသားတွေရဲ့ ကျောပြင်တွေပေါ် ထောင်ဝန်ထမ်းတွေက တက်ခုန်ရင်း ရိုက်နှက်၊ ခေါင်းစွပ် စွပ်ထားတဲ့ ဦးခေါင်းကို ဖိနပ်နဲ့ နင်းခြေပြီး ရက်စက်မှုအပေါင်းနဲ့ သရဖူဆောင်း ခဲ့ကြတယ်။ 

“ကြောက်ပြီလားကွ”လို့အော်ပြီး ရိုက်နှက်ချက် တွေကြားမှာ မကြောက်ဘူးလို့ ပြန်အော်သံတွေ ထွက်ပေါ်ခဲ့ တယ်။ 

ကျနော့်ဘေး ရှိနေသူတွေထဲမှာ လူ့ဘောင်သစ် ဒီမိုကရက်တစ် ပါတီ ဥက္ကဋ္ဌ ကိုအောင်ဇေယျ ဆိုရင် “မကြောက်ဘူးကွ”လို့ အော် သံ နက်ကြီးကို အကြိမ်ကြိမ် အော်ဟစ်လို့ သူ့ဆီကို ဝန်ထမ်းတွေ စုပြုံသွားပြီး ရိုက်ကြတာ ကြားနေရတယ်။ 

ဒီလို ရိုက်နှက်သံတွေကို“စာဥ”သီချင်းသံနဲ့ ဖုံးလွှမ်းထားတယ်။ ဒါကြောင့် “စာဥ”သီချင်းသံ ကြားတိုင်း အလိုလိုနေရင်း မကြားချင် စိတ် နဲ့ အတူ အတိတ်အနာဟောင်းတွေ အသစ်ဖြစ်တဲ့ ခံစားမှု ဖြစ်ပေါ်လာ တတ် တယ်။ 

ရိုက်နှက်မှုတွေက များလွန်းတော့ နောက်ပိုင်းနာကျင်မှုမဖြစ်တော့ဘဲ ထုံသွားသလိုခံစားခဲ့ရတယ်။ အဲဒီလို ရိုက်နှက် နှိပ်စက်နေချိန် မှာ ယောကျာ်းမာနနဲ့ စိတ်ဓာတ်ကို ချိုးနှိမ်ဖို့ ထောင်ဝန်ထမ်းတွေက လုပ်ကြတယ်။ 

ဒါကတော့ ကျနော်တို့ရဲ့ အမည်နာမရှေ့မှာ“မ”တပ်ခေါ်ပြီး“ရှင်”လို့ ထူးခိုင်းတယ်။ 

“မ —- –”လို့ ထောင်ဝန်ထမ်းက ခေါ်ရင်“ရှိ”လို့ ဖြေရမယ့်အစား အမျိုးသမီးတွေ ဖြေသလို “ရှင်” လို့ ရိုက်နှက် နှိပ်စက်ရင်း ထူးခိုင်းတာပါပဲ။ 

 နိုင်ငံရေး အကျဉ်းသားတွေကလည်း မာနကိုချိုးနှိမ်လိုတဲ့ ထောင်ဝန်ထမ်းတွေရဲ့ လုပ်ရပ်ကို အန်တုပြီး “ရှိ” လို့ပဲ ပြန်ထူးကြတယ်။ 

ဒါကြောင့် ရိုက်နှက်မှုတွေက အဆက်မပြတ်တော့ဘူး။ တချို့ဆို အသံတောင် မထွက်တော့။ 

အဲဒီလို အကျဉ်းထောင် သမိုင်းမှာ အကြီးမားဆုံး ထောင်တွင်းဖိနှိပ်မှုကြီးနဲ့ နိုင်ငံရေး အကျဉ်းသားတွေကို ဝိုင်းရိုက်နှက်နေစဉ်မှာ အဲဒီ အချိန်က အင်းစိန်ထောင် ဆေးရုံအုပ်ကြီး ဒေါက်တာ စိုးကြည်က အကျဉ်းသား
တွေရဲ့ ရင်ဘတ်ကိုနားကြပ်နဲ့စမ်းပြီး “မသေနိုင် သေးဘူး၊ ရိုက်လို့ရသေးတယ်”လို့တောင် ပြောပါတယ်။ 

ဆရာဝန်တဦး ဖြစ်ပေမယ့် အဲဒီလို နိုင်ငံရေး အကျဉ်းသားတွေကို ရိုက်နှက်နှိပ်စက်ခွင့်၊ ဆေးပညာနဲ့ လူသားတွေကို ဒုက္ခပေးခဲ့တဲ့ ဒေါက်တာ စိုးကြည်ကို နောက်ပိုင်းမှာ ပြည်ထဲရေး ဝန်ကြီးဌာနက သူကောင်း
ပြု တဲ့ ဆုတံဆိပ်ကိုတောင် ချီးမြှင့်ခဲ့ပါသေးတယ်။ 

ဒဏ်ရာတွေဗရပွနဲ့ ကျနော့်လည်း အဆက်မပြတ် ဝိုင်းရိုက်နေတဲ့ ဒဏ်တွေကို ဆက်လက်ခံနိုင်စွမ်း မရှိတော့ ဘူး။ 

ဒီတော့ ရိုက်နှက် ညှဉ်းပန်းမှုတွေ ရပ်တန့်သွားဖို့အတွက် ဇောချွေးပြန်အောင် စဉ်းစားပြီးနောက်ဆုံး အဖြေ တခု ထွက်လာတယ်။ 

 “မ —-”လို့ ထောင်ဝန်ထမ်းက ရိုက်နှက် ထိုးကြိတ် ကန်ကျောက်ရင်း ခေါ်လိုက်တဲ့အခါ ကျနော် က “ရှိ” နဲ့ “ရှင်” အကြား “ရှိန့်” လို့ ထူးလိုက်တယ်။ 

အဲဒီမှာ ကျောပြင်နဲ့ ဦးခေါင်းအပါအဝင် တကိုယ်လုံးအပေါ် အဆက်မပြတ် ရိုက်ချက်တွေ ရပ်တန့် သွားတယ်။ ။ 


ဆက်လက်ဖော်ပြပါမည်။ 


လင်းသန့် ~ 

 

• ဧရာဝတီ Facebook / ဧရာဝတီ Twitter

 

အပြည့်အစုံသို့

ကြိုးတိုက် ဋီကာ (၈)

ထောင်တွင်းတိုက်ပွဲများနဲ့ ဖိနှိပ်ပွဲ 

မြန်မာနိုင်ငံရဲ့ အကျဉ်းထောင် သမိုင်းမှာ ကိုကိုးကျွန်းတိုက်ပွဲတွေပြီးရင် အင်းစိန်ထောင်က စက်တင်ဘာ 
ထောင်တွင်း လှုပ်ရှားမှုကြီး နဲ့ ထောင်တွင်း ဖိနှိပ်မှုကြီးက နိုင်ငံရေးအကျဉ်းသား လောကမှာ အထင်အရှား
ပြောစမှတ် ဖြစ်ခဲ့ပါတယ်။ 

 အင်းစိန် အကျဉ်းထောင် ဂိတ်တံခါး၊ ဓာတ်ပုံ- ဧရာဝတီ

 ၁၉၉၀ ခုနှစ် စက်တင်ဘာလထဲမှာ အဲဒီအချိန်က ရွေးကောက်ပွဲအနိုင်ရ NLD ပါတီရဲ့ ဂန္ဒီကြေညာချက် အပြီး အင်းစိန် ထောင်တွင်း မှာ အစာငတ်ခံ ဆန္ဒပြပွဲကြီးတခု ဖြစ်ပွားခဲ့ပါတယ်။ 

အစာငတ်ခံ ဆန္ဒပြတယ်ဆိုတာ အသက်နဲ့ ရင်းရတဲ့ စွန့်စားမှုကြီးတခုလည်း ဖြစ်ပါတယ်။ သက်ရှိသတ္တဝါတိုင်းရဲ့ အသက်ဟာ ကံ၊ စိတ်၊ ဥတု၊ အာဟာရ တို့အပေါ် တည်မှီပါတယ်။ 

ဒီအထဲမှာ အာဟာရဟာ လူသားတိုင်း၊ သက်ရှိသတ္တဝါတိုင်း အသက်ရှင်သန် စေ တဲ့ အဓိက အကြောင်း တခုပါပဲ။ မြန်မာစကားပုံတခုမှာ ထမင်းအသက် ၇ ရက်၊ ရေအသက် ၁ နံနက်လို့ ဆိုထားပါတယ်။ 

ကျနော်တို့ဘဝမှာ အစာအာဟာရဟာ အရေးကြီးတဲ့ အသက်ရှင်သန်ရာ အထောက်အပံ့လည်းဖြစ်ပါတယ်။ ဒါပေမယ့် အသက် သေဆုံးရမှာကိုမကြောက်ဘဲ မိမိရဲ့ယုံကြည်ချက်နဲ့ ဆုံးရှုံးနစ်နာနေတဲ့ အခွင့်အရေးတွေ ကို တောင်းဆိုရင်း အစာအငတ်ခံပြီး မိမိဆန္ဒကို ထုတ်ဖော်ပြသခြင်းဟာ ဘဝမှာအမြင့်မားဆုံး စွန့်လွှတ် စွန့်စားခြင်းလည်း ဖြစ်ပါတယ်။ 

စစ်အာဏာရှင် လက်အောက် မြန်မာနိုင်ငံအတွင်းမှာရှိတဲ့ အကျဉ်းထောင်တွေထဲမှာ နိုင်ငံရေး အကျဉ်းသား
တွေက မကြာခဏ ဆို သလို အစာငတ်ခံ ဆန္ဒပြလေ့ ရှိကြပါတယ်။ 

၁၉၉၀ ရွေးကောက်ပွဲမှာ တနိုင်ငံလုံးအတိုင်းအတာနဲ့ မဲအပြတ်အသတ် အနိုင်ရခဲ့တဲ့ အမျိုးသား ဒီမိုကရေစီ အဖွဲ့ချုပ်(NLD) ပါတီကို နဝတ စစ်အစိုးရက အာဏာလွှဲပြောင်းဖို့ တာဝန် ပျက်ကွက်နေတာကို အကျဉ်း
ထောင် ထဲက သေဒဏ်ကျ အကျဉ်းသားတွေ၊ နိုင်ငံ ရေး အကျဉ်းသားတွေအပြင် တခြားအကျဉ်းသား ၂၀ဝ လောက်က အာဏာလွှဲပေးရေး၊ မတရား အကျဉ်းချခံထားရသူတွေကို ခြွင်း ချက်မရှိ ချက်ချင်း လွှတ်ပေးရေး၊ အကျဉ်းသား အခွင့်အရေးတွေအတွက် အစာငတ်ခံ ဆန္ဒပြခဲ့ကြပါတယ်။ 

ဂန္ဒီကြေညာချက်ရဲ့ အကျိုးဆက်လို့ ပြောရင်လည်း ရမယ်ထင်ပါတယ်။ အနိုင်ရ NLD ပါတီမှ လွှတ်တော် ကိုယ်စားလှယ်တွေ အပါအဝင် တခြားဒီမိုကရက်တစ် နိုင်ငံရေးပါတီတွေက လွှတ်တော် ကိုယ်စားလှယ်
တွေဟာ ရန်ကုန်မြို့ရှိ ဂန္ဒီခန်းမမှာ စုဝေးခဲ့ကြ ပြီး တော့ စစ်အစိုးရရဲ့ကတိအတိုင်း လွှတ်တော်ခေါ်ပေးရ မယ်လို့ ၁၉၉၀ စက်တင်ဘာလ ၁၈ ရက်နေ့ နောက်ဆုံးထားပြီး တောင်းဆို ကြေညာခဲ့ပါတယ်။ 

ဂန္ဒီ ကြေညာချက်တွေလည်း အင်းစိန်ထောင်တွင်းက ကျနော်တို့ လက်ဝယ် ရောက်ရှိနေကြပြီး နိုင်ငံရေး အကျဉ်းသားတွေ အပါအဝင် တခြား ကြိုးသမားတွေ (သေဒဏ်ကျ အကျဉ်းသားများ) က လည်း စစ်အစိုးရ ရဲ့ မရိုးသားမှု၊ ကတိမတည်မှု အပေါ် မကျေမနပ် ဖြစ်နေကြချိန်လည်း ဖြစ်တယ်။ 

အင်းစိန်ထောင် အဆောင် အမှတ် ၃၊ ၄၊ ၅ တွေမှာရှိကြတဲ့ အခြေခံပညာ ကျောင်းသား သမဂ္ဂ (အကသ) အဖွဲ့ဝင်တွေ အပါအဝင် နိုင်ငံရေး အကျဉ်းသားတွေက အစာငတ်ခံ ဆန္ဒပြမှုကိုစတင်ခဲ့တဲ့ သတင်းဟာ အင်းစိန်ထောင် ကြိုးတိုက်နဲ့ ကပ်လျက် ရှိတဲ့ အမျိုးသမီး ဆောင်ကိုလည်း ပျံ့နှံ့ ရောက်ရှိသွားခဲ့တယ်။ 

အကသ ကျောင်းသားငယ်တွေရဲ့ အစာငတ်ခံ ဆန္ဒပြခြင်းဟာ Black September လို့ နာမည်ကြီးတဲ့ အင်းစိန်ထောင်တွင်း ကြီးမား တဲ့ ထောင်တွင်း တိုက်ပွဲကို ဆက်လက် ဖြစ်ပေါ်စေခဲ့တယ်။ 

ဒီသတင်းကို ကြိုးတိုက်ထဲက နိုင်ငံရေး အကျဉ်းသားတွေ အပါအဝင် ကျန်သေဒဏ်ကျ အကျဉ်းသားတွေက စိုးစဉ်းမျှ မသိခဲ့ကြပါဘူး။ ဒါဟာ ထောင်တွင်းတနေရာက သတင်းအချက်အလက် ဖြစ်ပျက် နေမှုတွေ ကို နောက်တနေရာက မသိအောင် လုပ်ထားတဲ့ အင်းစိန်ထောင်တွင်း ကန့်သတ်မှုတွေ ကြီးမားတဲ့ ပြယုဂ် လည်း ဖြစ်ပါတယ်။ 

အင်းစိန်ထောင် ထောင်ပိုင်အဆင့် ၂ ဖြစ်တဲ့ ဗိုလ်မှူး အုန်းဖေ၊ ထောင်ပိုင်အဆင့် ၁ ဖြစ်တဲ့ ဦးဘိုကြည် (အထူးထောင်ပိုင်)၊ ထောင် ပိုင်လေး ဦးလှကြည်၊ ဦးဇော်အုံး စတဲ့ တာဝန်ရှိသူတွေနဲ့ အင်းစိန် ထောင်တွင်း တာဝန်ယူထားကြတဲ့ စစ်ထောက်လှမ်းရေးတွေ က သတင်း မကူးစက်ရေးအတွက် နိုင်ငံရေးအကျဉ်းသား အများစုရှိတဲ့ တိုက်ဝန်း အဝင်အထွက် ကို တင်းကျပ်ထားချိန် ဖြစ်ပါတယ်။ 


 သေဒဏ်ကျ ကြိုးသမားများ ၁၀ ယောက်တတွဲစီ ရေချိုးဆင်းချိန် အမျိုးသမီးဆောင်ဘက်ကနေ အုတ်ရိုး ကို ကျော်ပစ်လိုက်တဲ့ အထုပ် တထုပ်ကို ကြိုးသမား တယောက်က ကောက်ရလိုက်တယ်။ အဲဒီ အထုပ်ထဲ မှာ စာတစောင်နဲ့ သနပ်ခါး တခဲပါတယ်။ ပလတ်စတစ်ကို စက္ကူအဖြစ် အသုံးပြု ရေးထားတဲ့ စာကတော့ အကသ ကျောင်းသားလေးတွေ တိုက်ပွဲဝင် အစာငတ်ခံ ဆန္ဒပြနေပြီတဲ့။ 

ဒါဟာ အမျိုးသမီး နိုင်ငံရေးအကျဉ်းသူတွေက ပေးပို့လိုက်တာလား ဆိုတာတော့ သေချာမသိရပါဘူး။ အဲဒီအချိန်က ကြိုးတိုက်နဲ့ နံရံ တချပ်ခြားနေတဲ့ အမျိုးသမီးတိုက်ထဲမှာ ဗမာပြည် ကွန်မြူနစ်ပါတီ 
ခေါင်းဆောင် သခင်ဇင်ရဲ့ ဇနီး ဒေါ်ကြည်ကြည်နဲ့ သမီးမဒုံ အပါအဝင် နိုင်ငံရေးအကျဉ်းသူ တချို့လည်း ရှိနေကြပါတယ်။ အဲဒီ စာကြောင့် တိုက်ဝန်းအတွင်းမှာရှိတဲ့ နိုင်ငံရေးအကျဉ်းသားတွေ ပူးပေါင်းပါဝင်ရေး၊ ကြိုးတိုက်ထဲက အကျဉ်းသားတွေ အလှည့် ကျ အစာငတ်ခံ ဆန္ဒပြကြရေး တိုင်ပင်ကြပါတော့တယ်။ 

“ထောင်တွင်းတိုက်ပွဲ ဖော်တဲ့အခါ အထူးသဖြင့် အစာငတ်ခံ ဆန္ဒပြမယ်ဆိုရင် သေချာ စဉ်းစားကြပါ၊ ဖြစ်နိုင် ရင် နိုင်ငံရေး တောင်း ဆိုမှု မလုပ်နဲ့၊ အကျဉ်းသား ရပိုင်ခွင့်ပဲ တောင်းကြတာ ပိုကောင်းတယ်။ ဒီလိုမဟုတ် ရင် မင်းတို့အကုန် သေသွားတာပဲ အဖတ်တင် မယ်”လို့ အမှတ် (၁) တိုက်က ဝါရင့် နိုင်ငံရေး အကျဉ်းသား ကြီး ဦးမန်းဒါဝိတ် က ကျနော်တို့ကို အကြံပေးပါတယ်။ 

အစာငတ်ခံ ဆန္ဒပြပွဲတွေကို ထောင်အာဏာပိုင်တွေက ကြမ်းကြမ်း တမ်းတမ်း ရက်ရက် စက်စက် ဖြေရှင်း တတ် တယ် ဆိုတာကို လေ့လာ သိရှိထားတာကြောင့် ဖြိုခွင်းခံရမှုခြင်းအတူတူ နိုင်ငံရေးတောင်းဆိုမှုတွေပါ ထည့်သွင်းတောင်းဆိုမယ်လို့ ကြိုးတိုက်ထဲက ကျနော်တို့ နိုင်ငံရေးအကျဉ်းသား တချို့က ဆုံးဖြတ်လိုက်ကြ ပါတယ်။ 

 “ဒါကမင်းတို့ ဆုံးဖြတ်ချက်နဲ့ မင်းတို့ပဲ။ ဒါပေမယ့် အစာငတ်ခံ ဆန္ဒမပြခင်ကြိုတင် ပြင်ဆင်ရမှာတွေကို မင်းတို့ လုပ်ဆောင်ရမယ်။ ဒီလိုမှ မဟုတ်ရင် မင်းတို့ ၄ ရက် မကျော်ဘူး”လို့ ဦးမန်းဒါဝိတ်က အကြံပေးခဲ့ ပါတယ်။ 

ဒါကြောင့် အစာငတ်ခံ ဆန္ဒပြတဲ့အခါ တယောက် ကျ၊ တယောက်တက် စနစ်သုံးရေး တိုင်ပင် ကြတယ်။ ပထမ အဆင့် အလှည့်ကျ အစာငတ်ခံ ဆန္ဒပြကြမယ့်သူတွေက ကြိုးတိုက်ထဲက နိုင်ငံရေး ယုံကြည်ချက်
ကြောင့် စစ် အစိုးရက ဖမ်းဆီး ထောင်ချထားသူတွေအပြင် သေဒဏ် ချမှတ်ခံထားတဲ့ ကြိုးသမားအများ အပြားလည်း ပါဝင်ပါတယ်။ 


ကြိုးသမားဆိုတာက မနက်ဖြန်ဆိုတဲ့ အနာဂတ် ပျောက်ဆုံးနေသူတွေ ဖြစ်တာကြောင့် အာဇာနည် အဖြစ် သေဆုံးသွားလည်း ကောင်းတယ် ဆိုပြီး သဘောထား ရှိနေတာပေါ့။ 

တဖက်ကလည်း ဦးမန်းဒါဝိတ်ရဲ့ အကြံပြုချက်ကို ယုံကြည် လေးစားစွာနဲ့ ပြင်ဆင်ခဲ့ကြပါတယ်။ ပထမဆုံး အနေနဲ့ ဝမ်းနုတ်ဆေးတွေ စားကြပြီး ဝမ်းစင်စင်သွားတဲ့အထိ ရေကိုသာ သောက်သုံးကြ တယ်။ နောက် တနေ့ မနက်ကျတော့ ထောပတ် မရှိတဲ့အတွက် စားအုန်းဆီကို ဆားအနည်းငယ် ခတ်ပြီး လက်ဖက်ရည် ဖန်ခွက်ငယ် တလုံးနီးပါးကို ရေသောက် သလို မျိုချပြီး ကျနော်တို့ ကြိုးသမားတချို့နဲ့ နိုင်ငံရေး အကျဉ်းသား တချို့က အစာငတ်ခံ ဆန္ဒပြ ဖို့ ပြင်ဆင်ကြတယ်။ 

 အဲဒီမှာပဲ ကြိုးတိုက်ကိုလာရောက် ဝေငှတဲ့ နေ့လယ်စာ ထမင်း၊ ပဲဟင်း၊ ငါးပိ ဆိုတဲ့ စားစရာတွေ ကိုလ က်မခံလိုဘူးလို့ ငြင်းဆို လိုက်ကြတယ်။ 

အကြောင်းကတော့ အဆောင် အမှတ် ၃၊ ၄၊ ၅ မှ အစာငတ်ခံ ဆန္ဒပြသူတွေနဲ့အတူ အစာငတ်ခံ ဆန္ဒပြ တာ ဖြစ် တယ်လို့ တိုက်ထောင်မှူး ဦးမင်းသူရွှေအုံး ကို ခေါ်ယူ အကြောင်းကြားခဲ့တယ်။ 

စက်တင်ဘာလ ၂၄ ရက်နေ့ မနက် ကျနော်တို့ အစာငတ်ခံ ဆန္ဒပြတာ ၁ ရက် ပြည့်သွားတဲ့ အချိန်အထိ ဘယ်ထောင် အာဏာ ပိုင် ကမှ ကျနော်တို့ အစာငတ်ခံ ဆန္ဒပြနေသူတွေကို ဘာဆိုဘာမှ မေးမြန်းခြင်း မရှိဘဲ ထောင်ပုံစံ ထမင်း၊ ဟင်းတွေကို လာပေးနေမြဲ ပေးနေပါတယ်။ 

ကျနော်တို့ကလည်း ဆက်ပြီး ငြင်းပယ်ဆဲ ငြင်းပယ်မြဲပါပဲ။ ထူးထူးခြား ခြားစက်တင်ဘာလ ၂၅ ရက်နေ့ ညပိုင်းမှာတော့ အစာငတ်ခံ ဆန္ဒပြနေတဲ့ ကြိုးတိုက်ကို ထောင် အာဏာပိုင်တွေက ဘယ်ထောင်ဝန်ထမ်း ကိုမှ ပေးမဝင်တော့ဘဲ တိုက်ရဲ့ အပြင်ဘက်ကသာ စောင့်ခိုင်းပြီး ဘယ်အခန်းကဘာတွေ အော်ပြောနေ သလဲ ဆိုတာတွေကိုပဲ မှတ်တမ်းယူနေခဲ့တယ်။ 

ဒီတော့ ကြိုးတိုက်ထဲက နိုင်ငံရေးအကျဉ်းသားတွေနဲ့ ကြိုးသမားတွေလည်း စိတ်မကျေနပ်မှုတွေ တိုးလား ခဲ့ပြီး တေးရေးဆရာ နိုင်မြန်မာ ရေးတဲ့ “ကမ္ဘာမကျေဘူး”သီချင်း အပါအဝင် နိုင်ငံရေးတက်ကြွစေတဲ့ သီချင်းတွေကို တဦးစ နှစ်ဦးစ သီဆိုကြတယ်။ 

 ကြိုးတိုက်ထဲကိုလည်း ဘယ်ထောင်ဝန်ထမ်းမှ ဝင်မလာခဲ့ဘဲ တဖက်တချက်က ကြိုးတိုက်အဝင် တံခါးတွေ ကို အပြင်က ချက်ထိုး ပိတ်ထားတယ် ဆိုတာ သိရတယ်။ ည ၉ နာရီထိုးလို့ အိပ်ဆောင်ပိတ် သံချောင်း
ခေါက်သံ၊ ခရာသံတွေကြားရင် ထောင်ဥပဒေ စည်းကမ်းအရ ခေါင်းချ အိပ်ရမှာ ဖြစ် ပေမယ့် ကြိုးတိုက် တွင်းက ကြိုးသမားတွေနဲ့ နိုင်ငံရေးအကျဉ်းသားတွေ က ဆန့်ကျင်အန်တုပြီး သံပြိုင် နိုင်ငံရေးသီချင်းတွေ သီဆို သံဟာ ကြိုးတိုက်အတွင်းကနေ ကျယ်ကျယ်လောင်လောင် ပျံ့ထွက် လာခဲ့ပါတယ်။ 

ည သန်းခေါင်ကျော် မနက် ၂ နာရီထိုးချိန်အထိ ကြိုးတိုက်တွင်းမှာ ဗိုလ်မှူးဟောင်း စာရေးဆရာ 
မောင်သော်က (NLD) ၊ လူ့ဘောင် သစ် ပါတီ ဥက္ကဋ္ဌ ကိုအောင်ဇေယျ၊ ဒေါက်တာ တင်မျိုးဝင်း (ဒေါ်အောင်ဆန်းစုကြည်၏ မိသားစုဆရာဝန်)၊ ပြည်သူ့ရဲဘော် ဗိုလ်အောင်နိုင်၊ စာရေးဆရာ ဒါရိုက်တာ ဦးမိုးသူ (NLD) ၊ လူ့ဘောင်သစ် ပါတီက ကိုမိုးဟိန်း၊ သေဒဏ်ကျခံနေရတဲ့ NLD ပါတီလူငယ် ကိုသန့်ဇော် တို့ကလည်း အလှည့်ကျ နိုင်ငံရေးမိန့်ခွန်းတွေ ပြောကြတယ်။ 

 မေလ ၂၅ ရက်နေ့ မနက် ထောင်ဖွင့်ချိန် ရောက်တဲ့အခါ ကြိုးတိုက်တံခါးတွေကို လာရောက် ဖွင့်ပေးခြင်း မရှိတော့ပါ။ နေ့စဉ် မနက် တိုင်း လူရေတွက်တာအပါအဝင် အိပ်ဆောင်ဖွင့်ပြီး လုပ်နေကျ အခန်း တံခါးတွေဖွင့်၊ ဆီးခွက်၊ မိလ္လာခွက်တွေ သွန်ဖို့ သန့်ရှင်း ဖို့အတွက် အခက်အခဲဖြစ်နေခဲ့ပါပြီ။ 

 အခန်းတွင်းဆီး၊ မစင် (မိလ္လာ) ခွက်တွေ ပြည့်လျှံလာနေတော့ အခက်အခဲတွေ ရှိလာသလို ကြိုးတိုက်ရှိ အကျဉ်းသားအားလုံး မကျေ မနပ် ဖြစ်လာ ကြပါတော့တယ်။ 

အဲဒီလို အချိန်မှာပဲ နေ့လယ်စာကို အရင်က ပုံမှန် လာဝေငှတာထက်စောပြီး ကြိုးတိုက်ထဲကို ထောင်ကျ အကျဉ်းသားတချို့နဲ့ လက်ထဲမှာ နံပါတ်တုတ်တွေ အသီးသီးနဲ့ ဝတ်စုံပြည့် ထောင် ဝန်ထမ်းတွေက ဝင်လာ ပြီး နေ့လယ်စာ ထမင်းနဲ့ ဟင်းတွေကို ဝေငှခဲ့တယ်။ အဲဒီမှာပဲ တတိုက်လုံးက လက်မခံပဲ ငြင်းဆိုလိုက်ကြ တယ်။ 


ဆက်လက်ဖော်ပြပါမည်။ 


လင်းသန့် ~ 

• ဧရာဝတီ Facebook / ဧရာဝတီ Twitter

 

အပြည့်အစုံသို့

ကြိုးတိုက် ဋီကာ (၇)

အကျဉ်းထောင်ထဲမှာ ပိုက်ဆံငွေကြေး တရားဝင် ကိုင်တွယ်သုံးစွဲခွင့် မရပါဘူး။ ထောင်တွင်းမှာ ပိုက်ဆံ အစား ပစ္စည်းချင်း လဲလှယ် တဲ့ ရှေးခေတ်ဘာတာ စနစ်မျိုးကို သုံးစွဲကြပါတယ်။ ပစ္စည်းချင်း လဲလှယ်တဲ့ ဘာတာစနစ်အတွက် ကြားခံကတော့ ဆေးပေါ့လိပ် ပါပဲ။ 

 ထောင်းတွင်း အပြစ်ပေးမှု ဒေါက်ခြေချင်း သရုပ်ပြပုံ (ဓာတ်ပုံ – AAPP / Irrawaddy) 

အင်းစိန်ထောင်တွင်း မှာတော့ ပဲခူး၊ သနပ္ပင်က မကျင်လှရဲ့ နွားတံဆိပ် ဆေးပေါ့လိပ်ဟာ အကျဉ်းသား တိုင်း အတွက် အသပြာ အဖြစ် အသုံးပြုတဲ့ပစ္စည်း ဖြစ်ပါတယ်။ 

ကျနော့်ရဲ့ ပထမဆုံး ထောင်ဝင်စာမှာ မိသားစုတွေက အကျဉ်းထောင်တွင်းမှာ ပိုက်ဆံငွေကြေး သုံးစွဲခွင့် မရတာ သိထားလေတော့ ဆေးပေါ့လိပ်တွေ ၁၂ စည်း ထည့်ပေး လိုက်တယ်။ ဒါဟာ ကျနော့် အတွက် အတော် တန်ဖိုးရှိတဲ့ ပစ္စည်းတွေဆိုတော့ ရင်ထဲ တော် တော်ပီတိ ဖြစ်ခဲ့မိတယ်။ 

 ထောင်ထဲ မရောက်ခင်တုန်းက ဆေးလိပ် မသောက်တတ်တဲ့ ကျနော့်အတွက် အရင်ရောက်နှင့် နေတဲ့သူ
တွေ ဆီက အတတ်ကောင်း တခု ရနေပါပြီ။ အဲဒါကတော့ ဆေးလိပ်သောက်ခြင်းပါ။ 

အကျဉ်းထောင်ထဲ ရောက်ကတည်းက စာဖတ်ချင်တဲ့ ကျနော့်အတွက် စာဖတ်စရာအဖြစ် သတင်းစာ၊ ဂျာနယ် စက္ကူတွေနဲ့ ဖင်စီခံ လုပ်ထားတဲ့ ဆေးပေါ့လိပ်တွေက ကျနော်တို့ အတွက် ဖတ်စရာစာအုပ်တွေ အဖြစ် အသွင်ပြောင်း သွားခဲ့တာမို့ စာဖတ်ချင်လေလေ ဆေးလိပ်သောက်ဖြစ် လေလေဆိုတဲ့ အကျင့် တခုကို ရခဲ့ပါတယ်။ 

အကျဉ်းထောင်ထဲမှာ ဆေးလိပ်သောက်ဖို့ အတွက် ဆေးလိပ်မီးရဖို့က အခက်အခဲဆုံး ကြိုးစားရမှု ထဲမှာ ပါဝင်ပါတယ်။ ထောင် ဝန် ထမ်း ဆီ ဆေးလိပ်မီး တောင်းရတာ အလွန်ပင်ပန်းကြရပြီး တခါတခါ မချေမငံ အပြောအဆို ခံရတာမျိုးလည်း ရှိကြတယ်။ 

ဒီတော့ ဆေးလိပ်မီး မသေရေး အတွက် ဆေးလိပ်တွေ ပိုသောက်ဖြစ်သလို မီးမသေသေးတဲ့ သူတွေဆီ က ဆေးလိပ်မီးကို အပြန်အလှန် ပစ်ပေါက်ပေးရင်း ဒီပြဿနာကို တနည်းဖြေရှင်း ရတယ်။ 

မီးခြစ် ကိုင်ဆောင်မှု ဆိုတာ အကျယ်ချဲ့ရင် ထောင်မီးရှို့မှုနဲ့ပါ တရားစွဲ ခံရကိန်းရှိတဲ့ အခြေအနေမျိုးမှာ မီးခြစ် လက်ဝယ်ရှိရေး ကြိုးစားကြရ ပြန်တယ်။ ဒီတော့ ထောင်တွင်း မီးခြစ်ဆိုတာကို တီထွင် ကြရတယ်။ 

ပထမဆုံး ခင်ရာမင်ရာ မီးခြစ်ရှိတဲ့ ဝန်ထမ်းကို ပေါင်းသင်းပြီး သူ့ဆီက မီးခြစ်နဲ့ စွပ်ကျယ် ဖြူသန့်သန့် (အဆီ၊ ချေးညှော် မပါ)ကို မီးရှို့ပြီး မီးကို အချိန်မီသတ်ရတယ်။ 

ဒါကို ထောင်စကားအရ “နာဖုတ်တယ်” လို့ ခေါ်ကြတယ်။ မီးစာ ဖြစ်သွားတဲ့ စွပ်ကျယ်စကို ကျားပရုတ်ဆီ သံဘူးလေးထဲကို ကျကျနနထည့်ပြီး အဖုံးကိုလည်း လေလုံအောင် ထားရတယ်။ 

 နောက်တဆင့်က ထောင် က ချိုးပိုင်းဖြတ်ပြီး ပေးထားတဲ့ သွားပွတ်တံကို မီးမြှိုက်ပြီး မီးခြစ်ဆံကို အဲဒီ သွားပွတ်တံမှာ ထည့်မြှုပ် ရတယ်။ ဘလိတ်ဓား အကျိုးတခုနဲ့ အဲဒီမီးခြစ်ဆံကို ခတ်၊ ကျားပရုတ် ဆီဘူး ထဲက နာဖုတ်ထားတဲ့ မီးစာကို မီးစွဲအောင် လုပ်ယူရတယ်။ မီးစွဲတာနဲ့ ဆေးပေါ့လိပ်ကို ကမန်း ကတန်း မီးတို့ပြီး ဖွာကြ၊ ရှိုက်ကြ၊ ဝေငှကြနဲ့ ဆေးလိပ် တခါသောက်ဖို့ အရေး အပင်ပန်းခံကြရတယ်။ 

အဲဒီ ထောင်တွင်း မီးခတ်မီးခြစ် ကိုပဲ အမြဲလုံခြုံအောင် ဝှက်ထားကြရတယ်။ ဆေးလိပ်မီးကို ဆေးလိပ်တိုနဲ့ မျက်နှာချင်းဆိုင် အခန်းတွေ၊ ဘေးချင်းကပ် အခန်းတွေကို လှမ်းပစ်ပေးရင်း ကြာလာတော့ အခန်းနံပါတ်နဲ့ တကွ သူ့အခန်းရဲ့တံခါးရှေ့ ဆေးလိပ်တို ကွက်တိရောက်အောင် ပစ်ပေးတာ ကျွမ်းကျင်လာတော့တာ ပါပဲ။ 

 ဆေးလိပ်သောက်ပြီးလို့ ဖင်စီခံလေးတွေကို ခွာပြီး လျှို့လျှို့ဝှက်ဝှက်နဲ့ ထောင်ဝန်ထမ်းတွေ မသိအောင် စာဖတ် ကြရတာမှာ အဆင် မပြေမှုတွေလည်း အစပိုင်း ကြုံကြရတယ်။ 

ပထမတော့ ဆေးလိပ်ဖင်စီခံက သတင်းစာ စက္ကူကို စာဖတ်လိုဇောနဲ့ခွာတော့ စာတွေ ပျက်ကုန်တာမျိုး၊ စာရွက်ပြဲတာမျိုးတွေ ကြုံတွေ့ရတယ်။ ဒီလိုနဲ့ အတွေ့အကြုံက သင်ခန်းစာတွေပေးလာတော့ နောက်ပိုင်း 
ဆေးလိပ် ဖင်စီခံလေးတွေကို ရေစိမ်ပြီး ရေနူးပြီးမှ သတင်းစာ စက္ကူကိုခွာ၊ အခြောက်လှန်း၊ ပြီးမှ အထပ် လိုက်ကလေးတွေစု၊ ဖတ်စရာ၊ မှတ်စရာတွေကို ရေးမှတ်ကြ ရတယ်။ 

ဒီလို ရေးမှတ်တာမှာ မိသားစုက ထောင်ဝင်စာ လာပေးတဲ့ ဟင်းထည့်တဲ့ ပလတ်စတစ် အကြည်တွေ ပေါ် မှာ ဖျာစ ဝါးချွန်လေးနဲ့ ထုံးသုပ်ထားတဲ့ ထောင်နံရံမှာကပ်ပြီး ရေးရင် စာတွေက ပလတ်စတစ်စာရွက် မှာ ပေါ်လာပါတော့တယ်။ 

အဲဒီလို ပလတ်စတစ် စာရွက်တွေကို စုထပ်ပြီး ပလတ်စတစ် စာအုပ်တွေ ဖြစ်လာကာ ထောင်တွင်း စာကြည့်တိုက်တခု ဖြစ်လာ တော့တာပါပဲ။ 

 ဘောပင်၊ ခဲတံ စတဲ့ စာရေးပစ္စည်းနဲ့ စက္ကူ ဆိုတာ နိုင်ငံရေး အကျဉ်းသားတွေ အတွက်တော့ အကျဉ်းထောင် ရဲ့ မဟာသံမဏိ တားမြစ်ချက်ကြီး တခုပါပဲ။ 

ဒီတော့ စက္ကူနဲ့ စာရေးကိရိယာ ဆိုတာ မရှိခဲ့ကြပါဘူး။ ဒါပေမယ့် ကျနော် အပါအဝင် နိုင်ငံရေး အကျဉ်း သား တွေဟာ စာရေး စက္ကူနဲ့ စာရေးကိရိယာတွေကို မရရအောင် ဖန်တီး ရှာဖွေခဲ့ ကြပါတယ်။ 

ထောင်တွင်း စာကြည့်တိုက် ဆိုပြီး လူသိရှင်ကြား စာဖတ်လို့ မရသလို၊ စာပါ အကြောင်း အရာ တွေ ကိုလည်း ဖြန့်ဝေလို့ မရပါဘူး။ 

ပလတ်စတစ် ထောင်စာအုပ် တွေကို ဖတ်တဲ့ အခါ ကြိုးတိုက်ရဲ့ အခန်းတွင်းမှာ အလင်းရောင်လည်း မရှိသလို လျှပ်စစ်မီးလည်း မရှိတော့ ဖတ်တဲ့နေရာမှာ မျက်လုံးကို အားစိုက်ရ ပါတယ်။ 

တခါ စာဖတ်တဲ့ အခါတွေမှာလည်း အခန်းအပြင်က ထောင်ဝန်ထမ်း ဖြတ်သွားရင် မမြင်ရအောင် အခန်း တွင်း ထောင့်တခုမှာ အိမ်သာထိုင်ရင်း အိမ်သာ အကာအဝတ် ဒါမှမဟုတ် ဖျာကို အကာအကွယ် ယူထားပြီး မှ ဖတ်ရပါတယ်။ 

အခန်းတွင်းမှာ အဖော်တဦး ရှိရင်တော့ စာဖတ်သူ အတွက် သူက ကင်းစောင့်ပေးရပါတယ်။ ကင်းစောင့် တယ် ဆိုတာကလည်း ကိုယ့်နည်း ကိုယ့်ဟန်နဲ့ ရှာဖွေထားရတဲ့ မှန် (ကြေးမုံချပ်ငယ်) သေးလေးကို လက်ဖဝါးထဲ ထည့်ပြီး အခန်းအပြင် လက်ထုတ်ကာ ကြိုးတိုက်ရဲ့ အလယ်အူကြောင်း လူသွားလမ်း တလျှောက် ဘယ်၊ ညာကြည့်ပြီး လူကြည့် ပေးရ တာမျိုးပါ။ 


ဒီနေရာမှာ ထောင်ဝန်ထမ်း ကိုလည်း စောင့်ကြည့်ရ သလို “အကျဉ်းသား သတင်းပေး” ခေါ်တဲ့ “ငချွန်” (အပ်) တွေကိုလည်း သတိထား စောင့်ကြည့်ရပါတယ်။ 

ရေးမှတ်ထားတဲ့ ပလတ်စတစ် စာရွက်တွေကို ကိုယ့်နည်း ကိုယ့်ဟန်နဲ့ သိမ်းဆည်းတာမျိုး၊ ဝှက်ထား ရတာမျိုး လုပ်ကြရတယ်။ 

ထောင်ဝန်ထမ်းတွေရဲ့ အချိန်မရွေး ရှာဖွေရေး လို့ခေါ်တဲ့ တလာစီတာမျိုး ကိုလည်း အထူး သတိထား ရတယ်။ တလာစီတာက အမျိုးမျိုး ရှိတတ်ကြတယ်။ 

တခါတရံ ထောင်မဖွင့်ခင် ရှာဖွေရေး လာတတ်တာ မျိုးရှိသလို၊ တခါတရံ သတင်းအရ သီးခြားအခန်း ကွက်ပြီး ရှာတာမျိုး၊ တခါတရံ ကြိုးတိုက်တခုလုံး မထင်မှတ်တဲ့ နေ့ခင်းဘက်၊ ညဘက်ဝင်ပြီး ရှာတာမျိုး လည်း ရှိတတ်တယ်။ 

အကယ်၍ တလာစီတဲ့ အခါ စာရေးထားတဲ့ ပလတ်စတစ်အရွက်၊ ဆေးလိပ်ဖင်စီခံ တဖြစ်လည်း သတင်းစာ စက္ကူအပိုင်းတွေ တွေ့သွားရင်တော့ ထောင်တွင်း ပြစ်ဒဏ်ခံစားဖို့ အသင့် ပြင်ထားပေတော့။ 

တိုက်ဝန်းရုံးခန်း အနီးက မြေကွက်လပ်မှာ ဝမ်းလျားမှောက်ခိုင်းထားပြီး ထောင်ဝန်ထမ်းတချို့နဲ့ သူတို့ရဲ့ လက်ပါးစေ အကျဉ်းသား တချို့က ဂန်းပိုက် လို့ခေါ်တဲ့ ရော်ဘာတုတ်နဲ့ ရိုက်ပြီးစစ်မေးတယ်။ 

ဘာရည်ရွယ်ချက်နဲ့ ဒီလိုစာတွေရေး၊ စာတွေစု ဆောင်းတယ် ဆိုတာ ဖြေရတယ်။ ပြီးရင် ဒေါက်ခြေချင်း အမျိုးမျိုးရှိတဲ့ ထဲက ပြစ်ဒဏ်အပေါ် မူတည်ပြီး ၆ လက်မ၊ ၁ ပေ၊ ၁ ပေခွဲစတဲ့ အကျယ်ရှိတဲ့ ခြေချင်း နဲ့ ဒေါက်တွေ ခတ်တာ၊ ခြေချင်းခတ်တာ ခံရတယ်။ 

၁၄ ရက်တခါ ထောင်ကျ အကျဉ်းသားတိုင်း ထောင်ဝင်စာတွေ့ခွင့်ရှိပေမယ့် ထောင်တွင်း ပြစ်ဒဏ် ဖြစ်ပြီ ဆိုတာနဲ့ ထောင်ဝင်စာ တွေ့ခွင့် အနည်းဆုံး တပတ်၊ ကော်စား (ထမင်းကို ပျော့ပြဲနေအောင် ကြိုထားတာ) အနည်းဆုံး တကြိမ်၊ စစ်ခွေးတိုက် (တိုက်ပိတ်) ပြစ်ဒဏ် စသဖြင့် အသီးသီး ခံစားကြရတယ်။ 

ဒီအကြောင်း နောက်ပိုင်းတွေမှာ ကိုယ်တွေ့ အတွေ့အကြုံတွေ ပြောပြပါဦးမယ်။ တိုးတိုးတိတ်တိတ်နဲ့ မေးကြ၊ ဆွေးနွေးကြ၊ အထာစကားတွေနဲ့ ကိုယ့်အချင်းချင်း တိုင်ပင်ကြနဲ့ ကိုယ့် ဦးနှောက်တွေ မသေသွားစေ ရေး ကိုယ့်အချင်းချင်း သွေးပေးကြရတယ်။ 

သိသူမှသည် မသိသူသို့ဆိုတဲ့ စကားအတိုင်း အင်္ဂလိပ်စာ အပါအဝင် ဘာသာစကား၊ သဘောတရား၊ အတွေ့အကြုံတွေကို ဖလှယ်ကြ ရင်း ထောင်တွင်းရက်စွဲတွေကို တရက်ခြင်း ကျော်ဖြတ်ကြ ရတယ်။ 

ထောင်ဝင်စာ တွေ့ကြတဲ့ အခါ မိသားစုဝင်တွေ ဆီကတဆင့် ပြန်ကြားရတဲ့ ပြင်ပကမ္ဘာက အဖြစ် အပျက် နှုတ် စကားတွေ၊ သတင်း စကား တွေဟာ ထောင်က ပေးတဲ့ ပဲဟင်း၊ ထမင်းပျော့တူးမနပ်၊ တာလဘော ဟင်းရည် လို့ခေါ်တဲ့ ဟင်းတွေထက် ပိုပြီး ခွန်အား ရှိတဲ့ စိတ်အာဟာရတွေ ဖြစ်ပါတယ်။ 

ဒီလိုနဲ့ ကြိုးတိုက်တွင်းက ကြိုးသမားတွေထဲက တချို့ ကြိုးသမားတွေလည်း စာပေရဲ့တန်ဖိုးကို နားလည် လာသလို သေဒဏ် ကျနေ ပေမယ့် ဗဟုသုတတွေ ရှာဖွေလိုစိတ် ကြီးမားလာကြတယ်။ 

 ဒါကြောင့် စာပေနဲ့ ပတ်သက်ပြီး အမြင်၊ ဗဟုသုတ များကြပြီး စာရေးဆရာတွေ ဖြစ်ကြတဲ့ ဦးသော်က၊ ဦးကိုယု စတဲ့ သူတွေရဲ့ ပြန် ပြောင်းပြောပြတဲ့ စကားတွေနဲ့ အတွေ့အကြုံတွေ အပေါ်လည်း ကြိုးတိုက်ထဲက သက်ရှိ စာကြည့်တိုက်တွေ အဖြစ် မှတ်ယူခဲ့ကြ တယ်။ 

ဒီနောက်ပိုင်း ကြိုးတိုက်ထဲက သက်ရှိစာကြည့်တိုက်တွေနဲ့ သက်မဲ့စာကြည့်တိုက်တွေ အကြောင်း ဆက်လက် တင်ပြပါဦးမယ်။ ။ 


လင်းသန့် ~

• ဧရာဝတီ Facebook / ဧရာဝတီ Twitter

အပြည့်အစုံသို့